|
|
 إفطار بورداب المغرب الجمعة 16 رمضان
|
احبابنا بورداب المغرب الحلوين المافي زيهم زول
ناس حلوين في بلد حلو
قعدنا واتصلنا علي بعض وقررنا
انه يكون فطورنا السنوي ان شاء الله
يوم الجمعة 16 رمضان
حا يجيني هسي واحد من الخشامة ويقعد يقول ليك
الجمعة دة بيكون يوم 17 رمضان
حا ارد ليه الاتو واقول ليه لاننا في بلد مميز
صيامنا كان بعد الناس بي يوم
حا نثبت للناس اننا كشعب قادرين على الاندماج مع ثقافة الآخرين
عادي ممكن صلاح الاحمر يجيب ((حريرة)) الى جانب البليلة
وعادي كمان ممكن عمر عبد السلام يجي شايل ((الشباكية)) مع حرف القراصة
وجميل جدا ان يحمل طارق ((البريوات)) مع الفول والحلو مر
ويكون جميل لو ناصر جاب ((الملاوي والرزيزة)) مع اللقمة
ويزداد الجمال اذا جاء امير الرفاعي (الاميرال)) شايل مع الكركدي
شوية ((خودنجال)) الذي يمثل فياغرا طبيعية مأمونة الجوانب
اما المتصفح الاعظم حاتم ابراهيم مع تمطيرة الصعوط لو جاب معاهو ((التنفيحة)) بيكون حلو
اما الجميل ناجي عز الدين يا ريت مع الرُطب يجيب لينا ((السفوف))
اندماج كامل مع ثقافة الآخر واحتفاء جميل لموروثنا الثقافي
وعشان نحن ناس حلوين ومميزين قررنا انه فطورنا لا في فنادق
ولا في نوادي.. قررنا انه نمشي الحي الجامعي عشان نشارك اولادنا
الطلبة رمضان.. حا نفرش معاهم البروش في الارض
نحكي ليهم ويحكوا لينا
لا حنكشة ((هوليدي ان)) ولا سحسحة استراحات الرياض
يلا يا احباب
الزمان: الجمعة 16 رمضان
المكان: الحي الجامعي السويسي الثاني
وصلاتي علي محمد
|
|
 
|
|
|
|
|
|
|
|
Re: إفطار بورداب المغرب الجمعة 16 رمضان (Re: عبدالرحيم أبراهيم العبيد)
|
Quote: الاخ العزيز/طارق جبريل
تحياتي ورمضان كريم
يا أخي أعمل ترجمه للاكلات المغربيه ده
عموما أنا يوم الخميس 16/رمضان مغزوم في الامتداد
وقبل يومين كنت فاطر مع عادل عوض بلال
فوتك بعافيه |
عبد الرحيم كيفنك
يا حبيب شيل الصبر هسي بنخت ليك الصور
تحياتي لي حبيبنا الامتدادي الجميل عادل
وحات الله حاسدك علي الامتداد دة
| |
|
|
|
|
|
|
|
|
|
Re: إفطار بورداب المغرب الجمعة 16 رمضان (Re: Amiral)
|
Quote:
سلامات يا ولدنا ....
رمضان كريم ..أول مره نسمع بيكم عاملين فطور جماعي ...غايتو أنا متضامن معاكم من على البعد ومعاي جك قنقليذ .. |
د. الصادق رمضان كريم
شكرا على تضامنك مع بورداب المغرب.. بس نحن كل سنة بنعمل فطور ...السنة الفاتت كان ترتيبنا في الخمسة الأوائل حسب تصنيف لجنة كوستاوي... السنة دي ناوين نجي الأول إن شاء الله
مع خالص مودتي
| |
|
|
|
|
|
|
|
|
|
Re: إفطار بورداب المغرب الجمعة 16 رمضان (Re: معاذ حسن)
|
| Quote: الجمعة دة بيكون يوم 17 رمضان |
من هسه بدينا الخرخره يا طارق
علي العموم نحن حا نمشيها بي (مع مراعاة فروق اليوم)
حا نكون لاعبين في نفس الوقت .... علي نظام مباريات دوري الاربعة
و ما اعتقد انو حا نقابلكم في المباراه النهائية
يعني من هسه دي اشتغلو علي المركز التالت و الرابع
و الما بتلحقو جدعو
افطارا هنيئا
تحت تحت كدا: يا طارق انا الايامات دي دستوري واقع في المغرب .. الدبار شنو؟؟؟
| |
|
|
|
|
|
|
|
|
|
Re: إفطار بورداب المغرب الجمعة 16 رمضان (Re: محمد عبدالرحمن)
|
Quote: ياطارق ..
البتاعه الفوق المرصوصة الذى سبحة اللالوب دى قطع شكل مابتكون سمحه ..
نحن ياخوى الاكل بنعرفو من شكلو ..
رمضان كريم وتصوموا وتفطروا على خير |
يمين يا حبيب تاكل معلقتين منها بس تجيب تيمان طوالي
ياخي انت بس يوم كدة جلي السودان وتعال لينا اجازة
تليشة:
صاحبك خلاص غرق الجماعة مشوا ودوا قولة خير
| |
|
|
|
|
|
|
|
|
|
Re: إفطار بورداب المغرب الجمعة 16 رمضان (Re: معاذ حسن)
|
Quote: طارق يا حبوب
كل عام وانتم بخير وعافية
إفطاركم مميز مافي كلام
اتحفنا بالصور نشوف الصلعة وصلت وين؟
تحية خاصة للمتصفح (حاتم) ولجميع بورداب الرباط
|
بالله يا معاذ كلم الحساد ديل
انت واحد من الناس الجربوا فطورنا الذي لا يقارن
قول لي ود عبيد دة
رمضان كريم يا حبيب
وتحياتنا لي بتنا المعاك
| |
|
|
|
|
|
|
|
|
|
Re: إفطار بورداب المغرب الجمعة 16 رمضان (Re: معاوية عبيد الصائم)
|
Quote: البروش ؟
ده تواضع و لاكيف
عليك شيل معاك 15 ابريق حديد
تابع البث المباشر على الفضائيات يوم
الخميس 16 رمضان افطار جدة غير
يا اب صائما وطنى ؟
تواضعا ياناس البرش
رمضان كريم |
ود عبيد كيفنك
يا حبيب نحن شغالين انه الفطور يكون عنده مغزى
يعني البروش دي من صميم التراث حقنا
احلى حاج البروش دي وكورية رمضان كريم ديك
ياخي خليك من البرجوازية المتعفنة دي
| |
|
|
|
|
|
|
|
|
|
Re: إفطار بورداب المغرب الجمعة 16 رمضان (Re: الفاتح ميرغني)
|
Quote: تصوموا وتفطروا على خير يا حبيب.
كل سنة وكل بورداب المغرب لامين وتامين.
بالمناسبة الصورة دي مجسد لجبل طارق؟
محبتي |
حبيبنا الفاتح
كيفنك ابوي
الصورة يا حبيب لاكلة خفيفة في اسمها السفوف
معظمها من اللوز والزبدة
تصوم وتفطر علي خير يا حبيب
| |
|
|
|
|
|
|
|
|
|
Re: إفطار بورداب المغرب الجمعة 16 رمضان (Re: خالد المحرب)
|
Quote: طروقى فى اكلات عندكم محتاجه لى ترجمان خيو
5 بورداب بس طيب الونسه عندكم ما قاعده تكمل
قنا نتحكنش عليك ياعمو
|
اوووووه شيخ العرب ود المحرب
ياخي المغاربة ديل عندهم لي كل يوم اكلة مختلفة
عليك الله يا حبيب شوف الملاوي دي كيف
| |
|
|
|
|
|
|
|
|
|
Re: إفطار بورداب المغرب الجمعة 16 رمضان (Re: محمد عبد الماجد الصايم)
|
تابعو البث المباشر
لافطار جدة غير من
خلال بروشكم ؟؟
على مشاهدينا فى
المغرب العربى
التمترس فى بروشهم من
صلاة العصر
يصاحب الافطار معرض توثيقى
لتاريخ الافطار فى السودان ؟
افطار برش المغرب نموذجا
يتحدث من خلال الاقمار الصناعية
من المغرب
المواطن طارق جبريل
انتظرونا جدة غير
| |
|
|
|
|
|
|
|
|
|
Re: إفطار بورداب المغرب الجمعة 16 رمضان (Re: معاوية عبيد الصائم)
|
Quote: تابعو البث المباشر
لافطار جدة غير من
خلال بروشكم ؟؟
على مشاهدينا فى
المغرب العربى
التمترس فى بروشهم من
صلاة العصر
يصاحب الافطار معرض توثيقى
لتاريخ الافطار فى السودان ؟
افطار برش المغرب نموذجا
يتحدث من خلال الاقمار الصناعية
من المغرب
المواطن طارق جبريل
انتظرونا جدة غير
|
يا ود عبيد بعدين ما تجروا واطي
| |
|
|
|
|
|
|
|
|
|
Re: إفطار بورداب المغرب الجمعة 16 رمضان (Re: موسي عيسي)
|
Quote: هسع يا طارق الواحد لو عايزيناولك قدح العصيدة بملاح الروب دا يرفعوا ليك
كيف مع حفر دخاخينك دي المولعها لينا في نهار رمضان !!!!
و الله حالتكم تحنن يا ود امي .
|
حبيبنا موسى
ياخي الليل دة ما احل فيه الرفث
| |
|
|
|
|
|
|
|
|
|
Re: إفطار بورداب المغرب الجمعة 16 رمضان (Re: طارق جبريل)
|
Quote: المكان: الحي الجامعي السويسي الثاني
|
الله على السويسي وأكدال واليوسفية واللوصيو وزنقة
نيجيريا وكل أرجاء الرباط الحنينة...
تصوموا وتفطروا على خير وكتروا
من الحريرة ووالله الذي نفسي بيده أشتاق لبيصارة
مدروشة من سلا وسوقها العجيب...
رمضان كريم لطارق وعمر عبد السلام
وكل من يذكروننا بتلك البقعة الساحرة..
| |
|
|
|
|
|
|
|
|
|
Re: إفطار بورداب المغرب الجمعة 16 رمضان (Re: عبدالأله زمراوي)
|
Quote: الله على السويسي وأكدال واليوسفية واللوصيو وزنقة
نيجيريا وكل أرجاء الرباط الحنينة...
تصوموا وتفطروا على خير وكتروا
من الحريرة ووالله الذي نفسي بيده أشتاق لبيصارة
مدروشة من سلا وسوقها العجيب...
رمضان كريم لطارق وعمر عبد السلام
وكل من يذكروننا بتلك البقعة الساحرة..
|
بالله يا عبد الإله كلم الناس دي
عن روعة الاندماج مع المغاربة
| |
|
|
|
|
|
|
|
|
 Re: إفطار بورداب المغرب الجمعة 16 رمضان (Re: معاوية عبيد الصائم)
|
يا طارق جبريل ..
بالله ماتجي تشبكنا السفوف والملاوي والحريرة ..
ياخي نحن لو ما شفنا العصيدة متوهطة وسط الأكل بكون ما فطرنا ..
أها والموضوع كان ما فيهو حلو مر بكون اليوم بايظ بايظ 
أها غايتو أبقى قدر التحدي ولا بنشني مقيلك ..
رمضان كريم يا صاحب ..
وفكرة إفطاركم مع الطلبة ضربة معلم تستحقون عليها الشكر والتحية ..
| |
|
|
|
|
|
|
|
|
|
Re: إفطار بورداب المغرب الجمعة 16 رمضان (Re: معتصم دفع الله)
|
Quote: يا طارق جبريل ..
بالله ماتجي تشبكنا السفوف والملاوي والحريرة ..
ياخي نحن لو ما شفنا العصيدة متوهطة وسط الأكل بكون ما فطرنا ..
|
يا معتصم اليسمعك كدة يقول عصيدتكم كانت برة
ياخي انتو تقول كنتو فاطرين دخان
هسي تلصقوها لينا في كاميرة ود المحرب
| |
|
|
|
|
|
|
|
|
|
Re: إفطار بورداب المغرب الجمعة 16 رمضان (Re: معاوية عبيد الصائم)
|
Quote: يكلمنا عن شنو؟
البروشاب برش ؟
تانى الطيش ؟
كتيرة عليكم
بس انشاء الله ما ترشو لجنة
التحكيم الاصلاه فيها انن كتار |
الما بتحصلو جدعو
منو القاليكم نحن اصلا داخلين معاكم في منافسة
نحن فوق التنافس
وكوستاوي رئاسته ذاتها فيها سبعين إنن
دة زول بقى خردة ساكت
| |
|
|
|
|
|
|
|
|
|
Re: إفطار بورداب المغرب الجمعة 16 رمضان (Re: طارق جبريل)
|
يعنى انتوا
ناس نهائى بس ؟
قاادر الله
يا نا س البرش
كلام كتير ما فى فائدة ؟؟ بينا وبينكم
الصفرة و المكان واليوتوب ؟؟
افطار جدة حاجة غير
اتوهط فى برشك يا شيخ طارق
وبالله رسل لينا صورة كدى مع
ابريق الحديد؟ وناظم ابراهيم بكب
ليك موية ؟؟
جدة
جدة
| |
|
|
|
|
|
|
|
|
|
Re: إفطار بورداب المغرب الجمعة 16 رمضان (Re: طارق جبريل)
|
يعنى انتوا
ناس نهائى بس ؟
قاادر الله
يا نا س البرش
كلام كتير ما فى فائدة ؟؟ بينا وبينكم
الصفرة و المكان واليوتوب ؟؟
افطار جدة حاجة غير
اتوهط فى برشك يا شيخ طارق
وبالله رسل لينا صورة كدى مع
ابريق الحديد؟ وناظم ابراهيم بكب
ليك موية ؟؟
جدة
جدة
| |
|
|
|
|
|
|
|
|
|
Re: إفطار بورداب المغرب الجمعة 16 رمضان (Re: معاوية عبيد الصائم)
|
Quote: يعنى انتوا
ناس نهائى بس ؟
قاادر الله
يا نا س البرش
كلام كتير ما فى فائدة ؟؟ بينا وبينكم
الصفرة و المكان واليوتوب ؟؟
افطار جدة حاجة غير
اتوهط فى برشك يا شيخ طارق
وبالله رسل لينا صورة كدى مع
ابريق الحديد؟ وناظم ابراهيم بكب
ليك موية ؟؟
جدة
جدة
|
هي هسي جدة دي فيخا شنو غير نادي الاتحاد مجننا بيها كدي
| |
|
|
|
|
|
|
|
|
|
Re: إفطار بورداب المغرب الجمعة 16 رمضان (Re: مزمل خيرى)
|
| Quote: شكله فطور مخستك من هسي |
او كما قال
ياود جبريل ماعندك حل غير تتصوروا باكثر من لبسة وباكثر من اتجاه للظهور بالكم المناسب ...مرة بطاقية ومرة بدون .. ومرة بجلابية ومرة بشورت ... ومرة شاربين ومرة ماكلين ..وهكذا ...
خمسة بالله ؟!!! مازمباب ولا شنو ؟!!!
| |
|
|
|
|
|
|
|
|
|
Re: إفطار بورداب المغرب الجمعة 16 رمضان (Re: فايزودالقاضي)
|
Quote: او كما قال
ياود جبريل ماعندك حل غير تتصوروا باكثر من لبسة وباكثر من اتجاه للظهور بالكم المناسب ...مرة بطاقية ومرة بدون .. ومرة بجلابية ومرة بشورت ... ومرة شاربين ومرة ماكلين ..وهكذا ...
خمسة بالله ؟!!! مازمباب ولا شنو ؟!!!
|
يا حبيب نحن صفوة زي المريخ
| |
|
|
|
|
|
|
|
|
|
Re: إفطار بورداب المغرب الجمعة 16 رمضان (Re: طارق جبريل)
|
الاخ طارق
رمضان كريم ياخي انت ساكن مع اطيب طباخين عرب عندهم وجبات تخليك اليوم كلو ماتنوم وخاصة طاجين الساردين واللحم المدفون واشياء اخري نحن محظوظين هنا في بالجيكيا في كل ركن تلقي مطعم مغربي
تحياتي الي الاخوان في المغرب وخاصة السودانين علي فكرة عندنا هنا في انتويرب اكثر من سوداني متزوج من الشعب المغربي ورمضان كريم ومرحب بكم في بلجيكا
| |
|
|
|
|
|
|
|
|
|
Re: إفطار بورداب المغرب الجمعة 16 رمضان (Re: محمد الأمين موسى)
|
رمضان كريم يا ود اللمين
تصوموا وتفطروا على خير
| Quote: يا طارق لو ما مليتو الحوض البي ورا مبنى السفارة حريرة ما عافي منكم! |
الفطور في الحي الجامعي السويسي الثاني مع الطلاب ..
وأكيد الحريرة والشباكية ما حتديك الدرب
مع خالص مودتي
امير الرفاعي
| |
|
|
|
|
|
|
|
|
|
Re: إفطار بورداب المغرب الجمعة 16 رمضان (Re: Amiral)
|
شباب المغرب الحلوين،اب صلعة ود جبرين، والاميرال امير الطويل:
رمضان مبارك، وتصوموا وتفطروا علي طيبات المغرب المترامية البصر
فكرة جميلة ان تذهبوا بفطوركم للحي الجامعي السويسي2 وتشاركوا الطلبة الافطار
بس انا الغايظني، اعوامي بالمغرب دي كله،الجالية ماجاءت وعملت لينا فطور
الله يخلي وادزيز،ابوالريح يجتهد من هنا ومسلم من هناك والاميرال نفسه يناكف هناك
والفتي الابنوسي بوكو،يحمل كيسا بين يديه،حتي فرانسيس كان يشاركنا المناكفة
الامريكية سوزان جارتنا،كانت بتجادع ببعض الاشياء.
بس ساعدونا بالصور عشان نشوف بس مساهمة صديقي الورطة بجدية، ولا لسة راكب موضوع الجازولين والخردة
تسلموا يا حلوين ورمضان كريم.
| |
|
|
|
|
|
|
|
|
|
Re: إفطار بورداب المغرب الجمعة 16 رمضان (Re: الفاضل يسن عثمان)
|
Quote:
شباب المغرب الحلوين،اب صلعة ود جبرين، والاميرال امير الطويل:
رمضان مبارك، وتصوموا وتفطروا علي طيبات المغرب المترامية البصر
فكرة جميلة ان تذهبوا بفطوركم للحي الجامعي السويسي2 وتشاركوا الطلبة الافطار
بس انا الغايظني، اعوامي بالمغرب دي كله،الجالية ماجاءت وعملت لينا فطور
الله يخلي وادزيز،ابوالريح يجتهد من هنا ومسلم من هناك والاميرال نفسه يناكف هناك
والفتي الابنوسي بوكو،يحمل كيسا بين يديه،حتي فرانسيس كان يشاركنا المناكفة
الامريكية سوزان جارتنا،كانت بتجادع ببعض الاشياء.
بس ساعدونا بالصور عشان نشوف بس مساهمة صديقي الورطة بجدية، ولا لسة راكب موضوع الجازولين والخردة
|
سلامات يا الفاضل
رمضان كريم
يا حليل ايام واد زيز ( بيت عمك زارة)
طبعا شباب كترين مروا على بيت واد زير منهم بوكو ومسلم وابو الريح وفرانسيس وعصفور وصديق وياسر ابهضر وابو جلة وآخرون
طبعا علمت بأن مسلم كان هنا ولكن لم التقيه الظاهر خلاص نسانا
| |
|
|
|
|
|
|
|
|
|
Re: إفطار بورداب المغرب الجمعة 16 رمضان (Re: الفاضل يسن عثمان)
|
Quote: شباب المغرب الحلوين،اب صلعة ود جبرين، والاميرال امير الطويل:
رمضان مبارك، وتصوموا وتفطروا علي طيبات المغرب المترامية البصر
فكرة جميلة ان تذهبوا بفطوركم للحي الجامعي السويسي2 وتشاركوا الطلبة الافطار
بس انا الغايظني، اعوامي بالمغرب دي كله،الجالية ماجاءت وعملت لينا فطور
الله يخلي وادزيز،ابوالريح يجتهد من هنا ومسلم من هناك والاميرال نفسه يناكف هناك
والفتي الابنوسي بوكو،يحمل كيسا بين يديه،حتي فرانسيس كان يشاركنا المناكفة
الامريكية سوزان جارتنا،كانت بتجادع ببعض الاشياء.
بس ساعدونا بالصور عشان نشوف بس مساهمة صديقي الورطة بجدية، ولا لسة راكب موضوع الجازولين والخردة
|
ابو البنية كيفنك
ياخي صحبك الورطة عامل نفسه من ابناء السبيل
عامل نفسه بيجي من المحمدية
ورطة حقيقية
| |
|
|
|
|
|
|
|
|
|
Re: إفطار بورداب المغرب الجمعة 16 رمضان (Re: Hatim Elmaki)
|
Quote:
الاخ طارق
رمضان كريم ياخي انت ساكن مع اطيب طباخين عرب عندهم وجبات تخليك اليوم كلو ماتنوم وخاصة طاجين الساردين واللحم المدفون واشياء اخري نحن محظوظين هنا في بالجيكيا في كل ركن تلقي مطعم مغربي
تحياتي الي الاخوان في المغرب وخاصة السودانين علي فكرة عندنا هنا في انتويرب اكثر من سوداني متزوج من الشعب المغربي ورمضان كريم ومرحب بكم في بلجيكا |
حاتم كيفنك
المغاربة ديل عنهم واحد من افضل المطابخ غي العالم
اما جكسيهم فحدث ولا حرج
يا حبيب مرحب بيك في المغرب ((الزوين بزااااااااااااف))
| |
|
|
|
|
|
|
|
|
|
Re: إفطار بورداب المغرب الجمعة 16 رمضان (Re: طارق جبريل)
|
شوف يا سيد
ابشر من هسي
والله لو فطرتوا ب قرض وعرديب الا ارفع لك فطورك دا واوصله ليك السماك الاعرج، مش تقول لي فطور الناس الواقفة وتربيزة ما عندها!!!! هسي يا طارق الناس دي لو واحد فيهم راس داش وداير يقع ما يلقي ليهو طربيزة يقع فوقها؟ يتلح الجابرة دايركت؟ واريتها فضيحة السواد كمان جايبن ليها دبلوماسي!!!!!!!
| |
|
|
|
|
|
|
|
|
|
Re: إفطار بورداب المغرب الجمعة 16 رمضان (Re: محمد عمر الفكي)
|
Quote:
شوف يا سيد
ابشر من هسي
والله لو فطرتوا ب قرض وعرديب الا ارفع لك فطورك دا واوصله ليك السماك الاعرج، مش تقول لي فطور الناس الواقفة وتربيزة ما عندها!!!! هسي يا طارق الناس دي لو واحد فيهم راس داش وداير يقع ما يلقي ليهو طربيزة يقع فوقها؟ يتلح الجابرة دايركت؟ واريتها فضيحة السواد كمان جايبن ليها دبلوماسي!!!!!!! |
يا حبيب يمين موية زرقا سااااااااااااكت فايتنهم
| |
|
|
|
|
|
|
|
|
|
Re: إفطار بورداب المغرب الجمعة 16 رمضان (Re: Kostawi)
|
Quote: تصوموا و تفطروا على خير يا مغاربة
و نتمنى ليكم إفطار مبارك ملئ بذكريات بلدنا
لو طلعتوا طارق جبريل دا من عضوية تنظيم الإفطار عوجة تب ما بتجيكم.
حاجة تانية
قربوا المسافة بين الكباية و الكافتيرة. |
شوف يا خردة
اختانا كدة ولا كدة
انت لجنتك دي ذاتها فيها انن
بعدين يبدو انه الريس بكري متآمر معاكم
ابى يشعلق لينا البوست دة فوق
يعني مستعملين جميع سلاطتكم في عرقلة نجاحنا
بعدين يا مخستك كبة ((الاتاي)) المغربي دي اصلها كدة
من غير الكبة دي ما بينفع يتشرب
ما قلنا ليك نحن عندنا مقدرة على الاندماج ياخي
| |
|
|
|
|
|
|
|
|
|
Re: إفطار بورداب المغرب الجمعة 16 رمضان (Re: طارق جبريل)
|
Quote: ياود جبريل ماعندك حل غير تتصوروا باكثر من لبسة وباكثر من اتجاه للظهور بالكم المناسب ...مرة بطاقية ومرة بدون .. ومرة بجلابية ومرة بشورت ... ومرة شاربين ومرة ماكلين ..وهكذا ...
|
فكرة ود القاضي مابطالة ياطارق
انا غايتو حاجيب معاي غيار بلدي وافرنجي
لكن الزول الدعى علينا بالكتاحة .... ماعارف نقول ليهو شنو انا لي 30 سنة في البلد دي متمنى لى كتاحة
هنا تراب زاتو مافي و البجيبة شنو ؟
وكمان طارق الامين دعي لينا ب { الكشة }
الحمدالله فليطمأن نحن هنا مرتاحين من ناس{ النظام العام } وعمايلهم المهببة
| |
|
|
|
|
|
|
|
|
|
Re: إفطار بورداب المغرب الجمعة 16 رمضان (Re: معروف حمدين)
|
كامل التضامن مع فقراء المغرب؟
سوف يقوم رجالات البر والاحسان
بجدة بارسال معونة عاجلة من مستودع
الاغاثة الخاص ببورداب جدة لدعم هولاء؟
ومن ضمن الدعم عدد 5سجادة حرير
مكى المنشاه ؟
وعدد 1 صفرة لعدد 10 فقراء لانو
عددهم كلو 6 فقط
ده كلو شان شايفين ود جبرين راسو
ضارب ؟
اما بخصوص المكان فاجارى الترتيب
مع كادرنا السرى داخل ما يسمى ببورداب
المغرب لوضع حل نهائى للشلهتة الحاصلة
كما ستقوم منظمة صديقة لبورداب جدة
بتسليم شيك بملغ 5000 دولار للبورداب
لتلجير مقر لهولاء المساكين ؟
عاش بورداب جدة
مناصرى الفقراء متسكعى احواش الجامعات ؟
مناشدة
كامل التضامن مع الشيخ كوستكاوى لابعاد
المدعو طارق جبريل من المسالة . بعد داك
حالكم بنصلح تب ؟
ودعم تقيل؟ ممكن نعمل ليكم عمرة جماعية ؟؟؟
وطارق ده رسلو لينا هنا نسلمو لكفيل يعرف
الله واحد ؟؟ذلك الطارق
| |
|
|
|
|
|
|
|
|
|
Re: إفطار بورداب المغرب الجمعة 16 رمضان (Re: معاوية عبيد الصائم)
|
| Quote: يا حبيب شيل الصبر هسي بنخت ليك الصور |
أنا غايتو ماسك صور السنة الفاتت عندي .... تجيب أي واحدة فيهن بسوي ليك فضيحة.
Quote: السفوف الجميل
البتاعه الفوق المرصوصة الذى سبحة اللالوب دى قطع شكل مابتكون سمحه ..
نحن ياخوى الاكل بنعرفو من شكلو .. |
أمانة ما عرفتها يا محمد عبدالرحمن .. النصيبة دي أكلتها قبل يومين .. أول شئ ذكرتني (قراصة النبق) الكنا بناكلها في المدارس الأولية، بعدين لما قربت منها، وخمشت لي شوية بالملعقة، لقيتها ليك (عبارة عن طوبة حيمور "ضانقيل" مطحونة).
بعدين أكلهم عندو أسامي كدي ما إجتماعية و(بتجيب لينا ناس النظام العام).
| |
|
|
|
|
|
|
|
|
|
Re: إفطار بورداب المغرب الجمعة 16 رمضان (Re: محمد أبوالعزائم أبوالريش)
|
Quote: أنا غايتو ماسك صور السنة الفاتت عندي .... تجيب أي واحدة فيهن بسوي ليك فضيحة.
|
ما بتقدر لانه نحن حياتنا ودماءنا دايمة متجددة
Quote: أمانة ما عرفتها يا محمد عبدالرحمن .. النصيبة دي أكلتها قبل يومين .. أول شئ ذكرتني (قراصة النبق) الكنا بناكلها في المدارس الأولية، بعدين لما قربت منها، وخمشت لي شوية بالملعقة، لقيتها ليك (عبارة عن طوبة حيمور "ضانقيل" مطحونة).
بعدين أكلهم عندو أسامي كدي ما إجتماعية و(بتجيب لينا ناس النظام العام).
|
يمين تلقاك في سرك تقول يا ريت ود جبريل دة يرسل لي طرد سفوف
وقول لي محمد عبد الرحمن ملعقتين من السفوف دة بضمن ليك تيمان طوالي
| |
|
|
|
|
|
|
|
|
|
Re: إفطار بورداب المغرب الجمعة 16 رمضان (Re: معاوية عبيد الصائم)
|
Quote: كامل التضامن مع فقراء المغرب؟
سوف يقوم رجالات البر والاحسان
بجدة بارسال معونة عاجلة من مستودع
الاغاثة الخاص ببورداب جدة لدعم هولاء؟
ومن ضمن الدعم عدد 5سجادة حرير
مكى المنشاه ؟
وعدد 1 صفرة لعدد 10 فقراء لانو
عددهم كلو 6 فقط
ده كلو شان شايفين ود جبرين راسو
ضارب ؟
اما بخصوص المكان فاجارى الترتيب
مع كادرنا السرى داخل ما يسمى ببورداب
المغرب لوضع حل نهائى للشلهتة الحاصلة
كما ستقوم منظمة صديقة لبورداب جدة
بتسليم شيك بملغ 5000 دولار للبورداب
لتلجير مقر لهولاء المساكين ؟
عاش بورداب جدة
مناصرى الفقراء متسكعى احواش الجامعات ؟
مناشدة
كامل التضامن مع الشيخ كوستكاوى لابعاد
المدعو طارق جبريل من المسالة . بعد داك
حالكم بنصلح تب ؟
ودعم تقيل؟ ممكن نعمل ليكم عمرة جماعية ؟؟؟
وطارق ده رسلو لينا هنا نسلمو لكفيل يعرف
الله واحد ؟؟ذلك الطارق
|
معليش انا عازرك
لانك عايش في دولة بتاعة مطوفين وجلد في الساحة
انتو حقوق الانسان دي رفاهية بالنسبة ليكم
قال كفيل قال
هو الاستعباد دة كيفنهو
حالتكم تحنن
امشوا ياخي فرقوا علي نفسكم شوية في فندق الرمال
مساكين يعلم الله
تعال هنا بس نمررك من البلاج عشان تآآآآآآآآآآآآآآمن
افطارنا ما مظاهر يا حبيب
افطارنا حل لي قضايا
قوم لف
| |
|
|
|
|
|
|
|
|
|
Re: إفطار بورداب المغرب الجمعة 16 رمضان (Re: معروف حمدين)
|
Quote: افطار بورداب منـــــــو ؟؟؟
ووين ... السويسي ....
اكيد فى القهوة !!!
طارق لم عليك بوستيك دا وبلاش فضائح !!
كلكم كم يعني ؟؟
قوم لف ....
|
يا معروف العبرة انه يكون عندك قضية في الإفطار
كونك تمشي تفطر في الحي الجامعي مع طلبة حلوين وتحسسهم انهم في بلدهم
دة يا حبيب قمة السمو
موش تقول لي هوليدي ان وكروش لازنها قدامكم وسحسحة مغتربين
قوم لف ياخي
| |
|
|
|
|
|
|
|
|
|
Re: إفطار بورداب المغرب الجمعة 16 رمضان (Re: omer abdelsalam)
|
Quote: فكرة ود القاضي مابطالة ياطارق
انا غايتو حاجيب معاي غيار بلدي وافرنجي
لكن الزول الدعى علينا بالكتاحة .... ماعارف نقول ليهو شنو انا لي 30 سنة في البلد دي متمنى لى كتاحة
هنا تراب زاتو مافي و البجيبة شنو ؟
وكمان طارق الامين دعي لينا ب { الكشة }
الحمدالله فليطمأن نحن هنا مرتاحين من ناس{ النظام العام } وعمايلهم المهببة
|
يا ابو انس ياخي ما تشتغل بالدهماء والغوغائيين ديل (عجبتني الكلمة دي)
الدهب دة حبة منه تسر العين
موش زي الحديد في اي مكان مرمي
| |
|
|
|
|
|
|
|
|
 Re: إفطار بورداب المغرب الجمعة 16 رمضان (Re: طارق جبريل)
|
Quote: يا معتصم اليسمعك كدة يقول عصيدتكم كانت برة
ياخي انتو تقول كنتو فاطرين دخان |
يا ود جبريل ..
ياخي نحن قلنا ليك عصيدتنا دي داسنها بالحبر السري خوف العين ..
غايتو انت هسي جاتك مراقات من عمر عبدالسلام وأمير ..
غير كده نحن من هسي ضامنين ليك سقوط شنيع ومدوعي ..
وإن شاء الله كتاحة تدفن ليكم المحيط
| |
|
|
|
|
|
|
|
|
|
Re: إفطار بورداب المغرب الجمعة 16 رمضان (Re: معتصم دفع الله)
|
Quote: يا ود جبريل ..
ياخي نحن قلنا ليك عصيدتنا دي داسنها بالحبر السري خوف العين ..
غايتو انت هسي جاتك مراقات من عمر عبدالسلام وأمير ..
غير كده نحن من هسي ضامنين ليك سقوط شنيع ومدوعي ..
وإن شاء الله كتاحة تدفن ليكم المحيط |
الما بتحصلو جدعو
يا صديقي انتو كدة بقيتو خارج المنافسة نهائي
| |
|
|
|
|
|
|
|
|
|
Re: إفطار بورداب المغرب الجمعة 16 رمضان (Re: معاوية المدير)
|
ياطارق الصورة دي فيها فكرة كويسة وتظهر كمية من الناس في حين انو مافيها غير نفر واحد بيدينه الاتنين ورجلينه الاتنين ..فياريت تستفيدوا منها لتكثير عددية الحضور ..
الصورة بحسب كلام اختنا اميرة مأخوذة من افطار المغرب السنة الفاتت ..
| |
|
|
|
|
|
|
|
|
|
Re: إفطار بورداب المغرب الجمعة 16 رمضان (Re: فايزودالقاضي)
|
Quote: ياطارق الصورة دي فيها فكرة كويسة وتظهر كمية من الناس في حين انو مافيها غير نفر واحد بيدينه الاتنين ورجلينه الاتنين ..فياريت تستفيدوا منها لتكثير عددية الحضور ..
الصورة بحسب كلام اختنا اميرة مأخوذة من افطار المغرب السنة الفاتت ..
|
يا ود القاضي ما تخاف نحن بنملأ العين
الخوف علي غرزتكم ديك
| |
|
|
|
|
|
|
|
|
|
Re: إفطار بورداب المغرب الجمعة 16 رمضان (Re: معاوية المدير)
|
Quote: عليهو الصلآة والسلآم.
ســــــــــلآم يا ود جبرين، ورمضان مبارك.
وحاتك المرّة دي بصمّة خشمي، عِليِ كان
ناس المنصور ود المفتاح سولهن لمّة في
كالقري بقوم اخفس عليهُن...
|
قلت لي السنة دي راني باعك
تصوم وتفطر علي خير يا الحبيب
| |
|
|
|
|
|
|
| |
طارق جبريل
محمد عثمان عبد الرحيم
عبدالرحيم أبراهيم العبيد
Dr.Elsadig Abdalla
الفاتح ميرغني
معاوية عبيد الصائم
معاذ حسن
ناصر احمد الامين
محمد عبدالرحمن
معروف حمدين
خالد المحرب
محمد عبد الماجد الصايم
موسي عيسي
معتصم دفع الله
ناصر جبريل
مزمل خيرى
فايزودالقاضي
Hatim Elmaki
محمد الأمين موسى
الفاضل يسن عثمان
محمد عمر الفكي
Kostawi
omer abdelsalam
محمد أبوالعزائم أبوالريش
خضر حسين خليل
داليا الكباشى
معاوية المدير
وليد عبد اللطيف
فيس بوك
تويتر
انستقرام
يوتيوب
بنتيريست