ود ابوسن، ودشيقوق، ود البوش، ود المنسي: انتو ناس سمحين

Quote: حبيبنا اسحاق ود بلة .. تصدق قصصك بقت لي برنامج معتمدة عليهو في اوقات فراغي المملة يعني الله يكرمك زي ما اكرمتني بهذه الروائع والذكريات المعطرة الخلتني اكون في عالم خالي من الهموم والماسئ . لدرجة حصلت لي قصة قلت بس بجي احكيها هنا ههههههههه لاني لو طلعت بيها برا في الحوش الكبير كل زول بجي يديني نصيحة طبية لما افقد جزء من لساني الما زلت بعاني من ( الدمغ ) الحصل لي فيهو والسبب قصصك البقت لي برنامج ثابت ههههههههه القصة : اختي مشت السودان وعارفني صاحباتي وناس بيتنا مدمنة ( تسالي ) ههههه اها رسلوا لي معاها اردب تسالي هههههه . اها الاسبوع الفات ختيت التسالي جنبي والتسالي ماااااااااااالح زي الفسيخ ما بعرفوا ملحوا كتير كدا ليه !!! المهم يااااا اسحاق يا خيي باكل في التسالي اكلت من مغربت والمغرب عندنا من الساعه 4 عصر ببدأ مغربنا ههههه اكل في التسالي لغاية ما بقت الساعة 11 مساء هههههه تصدق انا ما حاسة بي نفسي ولا بالوقت هههههههه وعلي العلي لقيت التسالي !! المهم فجأة بقيت ما حاسة بلساني زي الحصل فيهو خدر هههههههههههه وبعد فترة شوية حسيت بي شحة مشيت سفيت لي سكر وشربت لي موية باااردة قت أكان الشحة تبرد شوي الحال في حالو والشحة مستمرة هههههههههههه هو تراهو لساني ( اندمغ ) زي ما بقولوا هههههههه قمت بلعت لي حبوب مسكنة اها الشحة راحت شوي فضل لي الخدر بقيت مو حاسه بلساني بالحيل , المهم قت لي الصباح لو اتعافيت خلاس العلاج من الله ولو في حالو اضرب لي اصحابي الدكاترة في جميع انحاء العالم يوروني العلاج شنو ؟ اها تاني يوم ياااااااا بلة خوي القي ليك لساني علا الدوائر دوائر مرصوصة وملتهبة ولا قدرت اشرب حار ولا بارد صمت . اها ضربت لي صيدلي صديق حكيتلو القصة قال لي امشي الصيدلية احكي لي اي صيدلاني ههههههه اها مشيت اداني دواء غايتو اسه احمدو احسن من اول لكن المشكلة ما بقدر اواصل في التسالي الليامات دي .. اها هدو الطول غيابي منكم يا الحبان لكن والله متذكراااااااااكم وانتوا معاي في جواااي .. وتسلموا جميعآ يا اسمح واجمل حبان . ولي عودة ..