|
|
 Re: ود ابوسن، ودشيقوق، ود البوش، ود المنسي: انتو ناس سمحين (Re: خالد علي محجوب المنسي)
|
Quote: لا لا ام عبد الله بتسود خطوتك - وحاة الله مرة جات لسكريتي في المكتب بعكازا لانها عرفت رمت عينا فيني لكن
علا فيكيتا منها باخوي واخوك
اكان ما قدرت لحقتك في بلدك الكتر داك بتحلقك بالفقراء ساي وحاة الله تاني الكي بورد دا الا تكتبي باللمس هههههههههههههها |
أنا ما قتَّا شئ بجي أبوالأرباب الفاضلابي ويورينا قولو
بت عمسيب بوريك ( شفي بحرفنة )
المسنوح زمان كان مربي نعاج ويوم السوق بسوقها بوقف عبدالله ولدو جنبها
يلف ويجي لما يلقى ناس مشترين واقفين مع ولدو
يقيف كأنو مشتري ويسأل ولدو النعجة دي أدوك فيها كم الولد مسنوح زيو يقول لي
قول قولك فيها ...
يقول لي بديك فيها 50 جنيه (والله والله والله هي مابتكون تستاهل 10 جنيه )
آها يا بت عمسيب الناس تحاول بس تقلل من الخمسين شوية ويشتروها والشافع المسلط متل ابو يرضى ويبيعو
نعجتهم ويمشوا
فنان في العرض ( شفي كويس وما يمشي عليك ........ ) انا حذرتك وعقلك في راسك تعرفي خلاصك
ما حاسد ولا بغران لكن ......... دي بوريك ليها عقلك
| |
 
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: خالد علي محجوب المنسي)
|
Quote: Quote: قتلها أقفي آ المريودة
بدور أرمي لي مرباعين
حباااااب الديمـــــة طارنـــــو ومــــو ناسيـــنو
وفـي البوست الحضر عنــــوان سماح ذاكرنو
اهداء من غير تكلف او تعب ...
من بلد الزهور .. وما تمشي بعيد اسه بجنك بنات الحور هههههههههههه . |
حباب بت عمسيب عاشقة الزهور وجمالا
حباب بت الأصول الكاسيها توب أجلالا
ومن غير تعب تكلف وبكل روح طيبة وسمح أن تقتبس من الطيب مفردة
بعد الشكر الجزيل على تلك اللوحة من الجمال وفعلاً فاقد حسناء
تخليك تقعد وترمي طاقيتك لي ورا تنم تقول
أمبارح أنا قصبة مدالق السيل
في ونسة وضحك لآمن قسمنا الليل
وكتين النعاس إتشقلبنبو الخيل
لا بخلت ولا جادت علي بي الحيل
ليتني زهرُ
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: خالد علي محجوب المنسي)
|
Quote: عشان مستقبلك في الكلية الحربية
وتتخرج ضابط في القوات المسلحة .. وبعد داك تذيع لينا البيان رقم واحد وتعمل انقلاب على ناس البشير وتبقى رئيس الجمهورية .. وانت براك عارف انوا مافي واحد
قرأ الجامعة وبقى رئيس الجمهورية.. وبعد ما تبقى رئيس الجمهورية تعيني سكرتيرة خاصة لمكتبك عشان اسجل نص حي المنشية وحي الرياض باسمي والنص الثاني
اوزعه للمساكين ...
قلت ليها انتي يا المسنوحة معقولة ناس عمر البشير ديل حيكونو قاعدين لغاية ما وليد ود البوش يتخرج من الكلية الحربية ويعمل الانقلاب.. وبعدين انتي من هسع بقيت تفكري في الفساد
وسرقة المال العام.. وانتي البتنبذي لصوص المال العام كل يوم ...قالت : والله بالحالة الشايفنها دي وزعماء المعارضة بيتذللوا وبيدللدو الحكومة كيفن ...
ديل ممكن يحكموا لزمن طويل بالحيل.... |
هههههههههههههه
أنا غايتو يا بسمات داير لي قطعة أرض في شندي جنب النيل
كلمي لي محمد ولد ودالبوش
أصلها يا أختي أمها ميتة واوها مشى الحجاز ( البلاد ) نخك ونصر زي ماخمو هم فضلوا فيها شئ
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: خالد علي محجوب المنسي)
|
المنسي
Quote: المسنوح زمان كان مربي نعاج ويوم السوق بسوقها بوقف عبدالله ولدو جنبها
يلف ويجي لما يلقى ناس مشترين واقفين مع ولدو
يقيف كأنو مشتري ويسأل ولدو النعجة دي أدوك فيها كم الولد مسنوح زيو يقول لي
قول قولك فيها ...
يقول لي بديك فيها 50 جنيه (والله والله والله هي مابتكون تستاهل 10 جنيه )
آها يا بت عمسيب الناس تحاول بس تقلل من الخمسين شوية ويشتروها والشافع المسلط متل ابو يرضى ويبيعو
نعجتهم ويمشوا
|
اتخيل يا خالد انت قلت كلام خطير جدا - انت عارف اعظم جرايم البورصات او بيع الأسهم بالطريقة البسيطة البتحكي عنها انت دي ؟
يكون واحد عندو مليون سهم والسعر نازل - يقوم هو نفسه مع اقربائه يشتروا من نفس عينة الأسهم المليون العندو دي كم وكم صفقة لكن باحجام بسيطة عشان برفعوا السعر تدريجيا لحدي يصل سقف معقول - اها الناس بتشوف ناسك ديل واقعين في الأسهم دي وبكرة الصباح يجوا كلهم متلهمين السوق قانصين للنوع دا من الأسهم ويلا زولك يقوم يدفق ليهم المليون سهم الجماعة يقعوا فيها وقعة زرزور ويخبطهم ليك
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: الطيب شيقوق)
|
Quote: اتخيل يا خالد انت قلت كلام خطير جدا - انت عارف اعظم جرايم البورصات او بيع الأسهم بالطريقة البسيطة البتحكي عنها انت دي ؟
يكون واحد عندو مليون سهم والسعر نازل - يقوم هو نفسه مع اقربائه يشتروا من نفس عينة
الأسهم المليون العندو دي كم وكم صفقة لكن باحجام بسيطة عشان برفعوا السعر تدريجيا لحدي يصل سقف معقول
- اها الناس بتشوف ناسك ديل واقعين في الأسهم دي وبكرة الصباح يجوا كلهم متلهمين السوق قانصين للنوع دا من الأسهم
ويلا زولك يقوم يدفق ليهم المليون سهم الجماعة يقعوا فيها وقعة زرزور ويخبطهم ليك |
ومن هنا كانت هشاشة الاقتصاد وهي أسباب الأزمة الأخيرة
وأنت أدربت عليها من نعاجك عشان كدا نجحت في سوق الأوراق المالية
هههههههههههههههههههههه
أها دودرتو وجبتو ليك يا بت عميب
دا يودي الزول لي البحر ويجيبو عطشان
مرفعين الدندر المخوي
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: خالد علي محجوب المنسي)
|
Quote: ود شيقوق هههههههههههه يعني نبعد بعيد ونعمل شخيط ؟
ابينا .. ههههههههههههههههههههههههههههههههه
اسمعني جاي .. قول ليها دا راجل بخاف من مرتو وداخل باسمها هههههههههههههههههه
عشان تفرح زيادة . يا خوي ان الله جميل بحب الجمال اها ونحن تبع ربنا البحبه بنحبه معاهو
اها نعمل شنو ؟هههههههههههههههههههه . |
وثبت بالدليل القاطع لاعب الوسط
وليه حياتنا أخترت غيرا
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: خالد علي محجوب المنسي)
|
Quote: أنا ما قتَّا شئ بجي أبوالأرباب الفاضلابي ويورينا قولو
بت عمسيب بوريك ( شفي بحرفنة ) |
قالوا غابةً مافيها اسد يقدل فيها العبلانج
وفي رواية:
بحراً مافيه تمساح يعوم فيه الورل
هيييييع انا الرضعان فوق الخلال
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
تعرف ياودالمك وودالبوش ـ زويلكن ده
نامن ظهرت الموبايلات سعالو واحد
ورسل واحد لي ناس البردانة قاموا ختوه
عند سيد الدكان عشان يستقبل مكالمات
ولادن البره الحلة ـ اها زويلكن ده ضرب ليهن تجربة ـ
هلوووو معاكن الطيب
هاااازول الطيب منو؟
الطيب شيقوق ولدكن من مسقط
هاااااا الكضاب ده ولدنا في سلطنة عمان وكلِك قفلو التلفون.
زولك حردان سنة للحول.
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: عبدالحفيظ ابوسن)
|
تتخت عليكميا مسانيح
ما بتسألوا من بت السيد الأميرة
وبت عمسيب
أتيتكم بلاد اليانكي وبلاد البنقوية والزهور بالخبر اليقين
بت السيد خنقتا المسنوحة بسمات قالت ليها شلتي حالي ونقحتي طاري من المسانيح ديل
بت عمسيب خنقتا زهرة في نفس السبب
يا منى بت عمسيب الفنان كمال ترباس عاد من رحلة فنية في هولندا سألوه ما أعجبك في تلك البلاد
قال اجمل شئ فيها تلف الحشيشة وتنادي البوليس وتقول لي لو سمحت ولعة
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: خالد علي محجوب المنسي)
|
Quote: هيييييع انا الرضعان فوق الخلال
ـــــــــــــــــــــــــــــــــــــــــ
تعرف ياودالمك وودالبوش ـ زويلكن ده
نامن ظهرت الموبايلات سعالو واحد
ورسل واحد لي ناس البردانة قاموا ختوه
عند سيد الدكان عشان يستقبل مكالمات
ولادن البره الحلة ـ اها زويلكن ده ضرب ليهن تجربة ـ
هلوووو معاكن الطيب
هاااازول الطيب منو؟
الطيب شيقوق ولدكن من مسقط
هاااااا الكضاب ده ولدنا في سلطنة عمان وكلِك قفلو التلفون.
زولك حردان سنة للحول. |
زولك قال عندو سكرتيرة وأم عبدالله كانت تغير منها ومرة جاتا بي عصا
ههههههههههههههه
هو المكت فرد طربيزة والشنيطة حاقبا في ضهرو بي عصا زي مجاذيب الشيخ المجذوب
مدد
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: خالد علي محجوب المنسي)
|
| Quote: قال لي اوع دا انت بتاع المحارة والشخلوب بقيت تتكلم في البورصات كمان؟ |
هههههههههههههههه
عرفك ما ختيت كارك ولافي صينة في نفس المحارة والشخلوب
تعرف كان هناك معلم من المعلمين الأفذاذ وكان لا يرتدي إلا القفطان في المدرسة
درس عماً لينا في الوسطى .. كان اي مشكلة في الكهرباء بصلحها عمنا دا
لو في لمبة خسرت المعلم يقول ليهم نادوا ميرغني لو في مروحة خربت نادوا ميرغني
اها المعلم دا سمى ميرغني ( الكهربجي )
مرت الأيام وذات مرة والممرات كثيرة كان ذاكالمعلم يمر قرب مكاتب إدارة الكهرباء في الخرطوم
جوار حديقة الحـ يوانات أيام كانت هناك حديقة للحـ يـوان في السودان لحه ميرغني وجرى علي
وسلم عليه ( ازيك يا استاذ ) لم يعرفه المعلم فقال له ميرغني ( انا ميرغني وكنت تلقبني بالكهربجي )
تذكره وسلم عليه مرة أخرى وسألوا ووصلت وين في التعليم
قال ميرغني خلصت تجارة في جامعة القاهرة الفرع واعمل محاسب في الإدارة العامة للكهرباء
ضحك المعلم وقال له
أبداً لم تخب نظرتي فيك
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: عبدالله ود البوش)
|
and#65165;and#65247;and#65256;and#65212;and#65268;and#65188;and#65172; and#65187;and#65166;and#65197;and#65171; and#65261;and#65165;and#65255;and#65166; and#65169;and#65252;and#65198;and#65239;and#65166; and#65247;and#65268;and#65242;
and#65261;and#65165;and#65247;and#65248;and#65258; and#65267;and#65166; and#65165;and#65247;and#65236;and#65166;and#65215;and#65276;and#65169;and#65266; and#65239;and#65268;and#65240;and#65250; and#65193;and#65165; and#65243;and#65254; and#65231;and#65256;and#65166; and#65247;and#65266; and#65165;and#65247;and#65248;and#65268;and#65248;and#65172; and#65165;and#65247;and#65248;and#65204;and#65194;
and#65165;and#65247;and#65184;and#65166;and#65265; and#65251;and#65254; and#65183;and#65170;and#65166;and#65245; and#65165;and#65247;and#65244;and#65198; and#65169;and#65208;and#65252;and#65208;and#65250; and#65261;and#65165;and#65243;and#65262;and#65201; and#65261;and#65165;and#65203;and#65228;and#65246; and#65251;and#65254;
and#65165;and#65247;and#65228;and#65176;and#65262;and#65261;and#65261;and#65261;and#65261;and#65261;and#65197; and#65165;and#65247;and#65248;and#65268;and#65248;and#65172; and#65267;and#65166; and#65255;and#65194;and#65267;and#65252;and#65172; and#65165;and#65247;and#65266; and#65251;and#65166;and#65169;and#65266; and#65247;and#65266;
and#65165;and#65203;and#65252;and#65228;and#65262;and#65165; and#65199;and#65267;and#65262; and#65199;and#65265; and#65165;and#65247;and#65256;and#65208;and#65198;and#65171;
and#65197;and#65267;and#65188;and#65176;and#65262; and#65165;and#65255;and#65240;and#65166;and#65195; and#65165;and#65255;and#65240;and#65166;and#65195; and#65267;and#65166;and#65189; and#65199;and#65265;
صدقت والله
سلامة الوليد
رقمك كستو سما واطة ما and#65247;and#65240;and#65268;and#65176;and#65262;
| |
|
|
|
|
|
|
|
|
 Re: ود ابوسن، ودشيقوق، ود البوش، ود المنسي: انتو ناس سمحين (Re: عبدالحفيظ ابوسن)
|
| Quote: and#65235;and#65262;and#65239;and#65262 |
خمسة وستين بت اللمين عبدالله لاشقت فريق ولا مسخت خلق الله
ستة وعشرين التهجة بت خالي البلولة ولا اتسمحت بنيفيا ولا مسكتا ام هلة هلة
| Quote: وحات شيخي الموبايل دة يا كتلو يا كتلني |
يا ود اب سن اتا وموبايلك روحكن روح بعاتي ترب البنية ولا بكتلك ولا بتكتلو
بس تكتلونا نحن بالمغسة
اجدع الخرا ياخ كرهتنا الطب ذاتو
عجبني ليك بركة الما كتب ليك سمح في بوست شيري فضحتونا فضيحة دفستو اللوري دفس بركة الماعرفت نضميكم ذاتو
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: عبدالله ود البوش)
|
Quote: وحات شيخي الموبايل دة يا كتلو يا كتلني
كلام عديل يلولو لي
اها الدبارة سنو
اسيليهو حجاب واربطو and#65235;and#65262;and#65239;and#65262; |
زمان قلنا ليك وما سمعت كلامنا ومشيت سويتليك فنكها وتحاكي في جنون البندر
العاقل طيب نفسو لو بدور لي سترتو
مابتشابى لي الحاجة إن بقت ماقدرتو
سويتي يا كريت في القرض أها لقيتي في جلدك ( اقعد إنكرش )
هههههههههه
الخلا ولع والبحر جاب لي تمساح
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: عبدالعزيز الفاضلابى)
|
Quote: غايتو اميرة الله يديها العافية
فتحت لينا الديوان ده ونست اللباريق |
المسنوحة الليلة إمتن كان عندها أمتحان
وإمتن إشلهت في الموصلات من مترو لي بص لي قطر جات البيت مفقوها وهسي نايمة
وإمتن غدا ( عزيمة امس بسمات ) جوعرت بيها وقاعدة ملازمة العنقريب القريب من ........
غايتو فقدناهن الليلة
وزي مابقول المثل
ونسة الضكير لي الضكير
النوم منها أخير
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: خالد علي محجوب المنسي)
|
شوفو المسنوحة ماتكون موكرة ليها في جحر
اها ما نمرق بدون بياض
الغنماية ما تجيب ليها 10جنية وما لبانة وبتكتل جناها ورمرامة
قالو بودوها السوق لو جابت سبعة ولا تمنية ج يبيعوها
قبل ما يصلو السوق . لاقاهم واحد .
بي كم
قول كلامك
قال ليهم 25ج
الشافع انخلع وفرح
لا حولااااا
ابوهو طرشو ليك كف
ود الحرام ،، الله لا تبارك فيك . حرم ابيعا
وقبل للمشتري
امبارح ادوني فيها 30 ود الح ر ام ده عاكسني في بيع وحلف ماتنباع
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: عبدالعزيز الفاضلابى)
|
| Quote: شَفَّقتونا,, نعال المسنوح ده مامسكوه في جَنِيَّه؟ |
علي الطلااااااااااق يا الفاضلابي طلاق تلاتة اسمع طلاقي دا
مو مسنوحك الزي ود الضهبان دا كان ما جبا ليك ضقلا اتلولح لا تنقل ولا تنرفع تطلق علي التهجة بت خالي البلولة الطلاق المذكور اعلاه
قولي كيف ؟
بعضمة كيبوردو القال ما بعلموا الهوبان كتب بيهو في دلجة بكري الهاملة دي
وقال اللسهم زي النعاج الموسمة اكان قطفة اكان عقرا والغفل ساكت كلو واحد
اها امشي اقدر لمن اقول الكلام دا في القسطنطينية حرم اكان اتربسو الضحا اللعلا
اها شنو ليك في كلامي دا دقش ول ما دقش
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: عبدالله ود البوش)
|
Quote: بعضمة كيبوردو القال ما بعلموا الهوبان كتب بيهو في دلجة بكري الهاملة دي
وقال اللسهم زي النعاج الموسمة اكان قطفة اكان عقرا والغفل ساكت كلو واحد
اها امشي اقدر لمن اقول الكلام دا في القسطنطينية حرم اكان اتربسو الضحا اللعلا
اها شنو ليك في كلامي دا دقش ول ما دقش |
أنا شاهد وعبدالله ود مسمار كتب الورقة اللت عز ود كروي شاهد وسما قرم قبلي
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: عبدالله ود البوش)
|
Quote: اها امشي اقدر لمن اقول الكلام دا في القسطنطينية حرم اكان اتربسو الضحا اللعلا
اها شنو ليك في كلامي دا دقش ول ما دقش |
لا ياودالبوش هو من ناحية راميهو جمل راميهو جمل
ودي اقطع شكّها ـ علا انا ياخوي خايف عليهو يضهب
وسط غابة الحسان التركيات ديل ويمشي يشيبِق شيباقو وريباقو داك
يقومو يورطوهو في مَوَخَّر صُداق ـ كان باع نعاج البردانة والحلال الـ جنبها مايحلَنّو.
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: عبدالعزيز الفاضلابى)
|
Quote: وسط غابة الحسان التركيات ديل ويمشي يشيبِق شيباقو وريباقو داك
يقومو يورطوهو في مَوَخَّر صُداق ـ كان باع نعاج البردانة والحلال الـ جنبها مايحلَنّو.
|
ها الغبيان دا نعاج بردانة شنو الببيعوها للشبقان والسفاهة وقلة الحياء
ديل حرم الواحد لمن تمرض ليهو عبور ابرك تحت كرعيها واقوليها ان شاء الله يومي سابق يومك يا يما ههههههههههههه
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: عبدالله ود البوش)
|
Quote: الغاضلابي زولك بكون باقي ليهن زي مصطفي سعيد ال ليل عمنا الطيب صالح .. يحجي فيهن ساكت وهن يفتحن خشومهن ويقفلنها زي الحمار ،،،،،،،،
المسنوح دة نضام والضناب الرابطو في عنقرتو and#65203;and#65252;and#65186; |
ها ناس ها البلد دي بلدي اسعلوني منها وبديت دراستي فيها
عليك أمان الله قعدت فيها 9 شهور وأتقنت لغتها ومنها خترتا المجر ناسا خترين الغشيم بيناتم بروح شمار في مرقة
زولك دا لما غاب الليلة ماظهر شلت الهم مايكون سقو محاية حاج أحمد الفلاتي
ودي خترا ... برقد يتنح بعدها وبخموا الفي جيبو كلها وجتى جواز سفروا ونبقى في سفارة
ورسلوا لي ههههههه
ديل مو ناس مؤخر ديل ناس أمسك لي وأقطع ليك شغل ضربو رمى
لُقاط طرف لميم ليل شي عجوة وشيجاو وشئ حطب بلمو جت بالليل
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: اميرة السيد)
|
ست البيت
الف كفارة ادوك عين في بوستيك المدوعل دا سااي
يا اخوانا هوي
رجعت ليكم لقيت كلامكم كتيييييير وفكيت المشهاد كدى مشهدوني النمسك معاكم الدوداب
بت عمسيت اظنها صدقت كلامي - مما جبت ليها سيرة ام عبد الله عييييييييييييييييييييييييك ياها الشوفة
ام عبد الله سادرة مع السعية - يا بت عمسيب - مبسوطة بالحيل مع الخريف السمح دا - لا شغالة بيك ولا شغالة بي - كان سمعت كلامنا دا كان تتبسم - الزولة هدية ورضية بالحيل
حرررررررم حاسبانا كلنا فارغين ساي وما عندنا شغلة
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: الطيب شيقوق)
|
Quote: انا عيانة من الصباح ومشيت الحوادث ورجعت بمضادات حيوية
وان شاء الله بجيكم صادة بتكر عشان نتم ونستكم السمحة دي
والله الواحدة مننا ما تعرف نعمة الصحة الا لمن تمرض....وان شاء
الله ما تشوفو شر ابدا
والله يديكم الصحة والعافية. ..ولباكر كان الله قدر |
كفارة ليك يا زولة والف سلامة يا اميرتنا
ان شا ءالله مرضك دا اتقسم فوقنا نحن المسانيح ديل وتبقي لينا اتي طيبة
والاغنية الفوق دي لسان حالنا وتعبير عننا لعياك الالمنا جدا والله
والله اديك الصحة والعافية
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: الطيب شيقوق)
|
Quote: ياخ الوليد اصبح كيف؟
تلفونك ما عندنا ارميهو لينا بجاي |
نحمد الله طاااااااااب اصبح في امان الله
لكن قالوا شال ايدو ومشى اعاين في الطوطاحانية بت الكلـــــب
زمان يا شيقوق لمن تقع في الوطا وتبكي مش قادعين ادقوها ليك ببببب فتضحك وتنبسط هههههههههه
اها تعال دقها اسع لشفعك حرم اكان اضحك عليك اتا ذاتك اقول ابوي دا اتلحس ول شنو
تلفوني حرم زي السبيل مجدوع في البروفايل وحديدتو ذاتا زي السبيل مجدوع في البيت للغاشي والماشي
لكن الليام دي بقى ما بولع نور يا حليلو الكشاف كان بضوي لي
اها هاك ليهو اريتك تقول هلو
00966554009464
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: الطيب شيقوق)
|
Quote: الله يديك الفي مرادك يا اميرة
ونسة زي دي لينا منها زمن
لميتنا في الناس الطيبين ديل
فضل لي ودالعبيد ده ما ناضمتو
إن شاء الله جاييهو بالسمح
انتو بت عمسيب وينا ـ تكون منشبكالا
في ناس حيكومة ـ الزولة تُرُّوها منهن
نحن محتاجين ليها ـ |
ههههههههههههههههه
والله كلامك صاح
كنت لافي قبل شوية لقيتا ليك في البوست حقها ( أخوات نسيبة )
والله يا الفاضلابي دخلت البوست لقيت ليك بت عمسيب مشمرة ورمت الزهور دي هناك فننتها
ولاما ليك معط في ناس الحيكومة وجماعتهم المستنفعة
سلمت عليها ماجابت خبري وفي عركتا (دواس ) مكندكا
أظنها تمش تتبرد وتجيكم
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: خالد علي محجوب المنسي)
|
Quote: انا عيانة من الصباح ومشيت الحوادث ورجعت بمضادات حيوية
وان شاء الله بجيكم صادة بتكر عشان نتم ونستكم السمحة دي
والله الواحدة مننا ما تعرف نعمة الصحة الا لمن تمرض....وان شاء
الله ما تشوفو شر ابدا
والله يديكم الصحة والعافية. ..ولباكر كان الله قدر |
الأمير أميرة
كفارة وسلاااااامتك
ومتتشوفي شر تاني يا أختي
بكرة بنشد ليك البليلة كرامة وسلامة
وبنجيب الفنان يغني ليك ونسوي البوش ونوزع للجيران كرامة بت السيد أميرة
ويقول كديالفنان يقج اللعبة غِنيوات ويبدأ بي
في غفلة رغيبي
ورحت أزور حبيبي
لقيتو شوية حاسي
ومحبتنا ليك ود صافي صداقة وأُخوة يا رائعة
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: خالد علي محجوب المنسي)
|
Quote: نحمد الله طاااااااااب اصبح في امان الله
لكن قالوا شال ايدو ومشى اعاين في الطوطاحانية بت الكلـــــب
زمان يا شيقوق لمن تقع في الوطا وتبكي مش قادعين ادقوها ليك ببببب فتضحك وتنبسط هههههههههه
اها تعال دقها اسع لشفعك حرم اكان اضحك عليك اتا ذاتك اقول ابوي دا اتلحس ول شنو
تلفوني حرم زي السبيل مجدوع في البروفايل وحديدتو ذاتا زي السبيل مجدوع في البيت للغاشي والماشي
لكن الليام دي بقى ما بولع نور يا حليلو الكشاف كان بضوي لي
اها هاك ليهو اريتك تقول هلو
00966554009464 |
ألف حمد الله علي سلامته اخونا ودالبوش وما يشوف شر تاني أبداً
وشروا مقسم علي الدقشّم
زمان كان معانا في المجر أيام الدراسة جناياً لذيذ بالحيل وزل حكاوي
قال لي :
مرة عمو عضتو عقرب ( دلغة ماتقول مابنعرف اللغة يا ودشيقوق هههه ) اها ودو الحكيم وكتب لي الحقن وتبزو كم أبرة
وبقى يعني كويس وحمتو بدت تنزل
أها أمو سوت لي زر بي اللبن المو خمج
أخو السغير حلف إلا يدو رز بي لبن معا امو حمتو وقالت أخيّك عيان خلي لي
زولك زعل وشال أبريق ابو وحايم في البيت يكب الموية في الجحر ويدخل أصبعوا ( كايس لي عقرب تعضي عشان يتلافو بي زر بي اللبن )
قال لما فعلاً في جحر عضتو عقرب
وقام صرخ بأعلى صوتو
لكن بدل يقول أخخخخخخ عضتني عقرب
صرخ قال
الرز بي اللبننننننننننن
قتا لي مع حق زمان الرز كان عظيم وشوف عليك الله الرز كان أعظم من اللحم ( واليلة نحن وين وكيلو اللحم بي كم )
اللحم كان رخيص وراقد والجزارة لي وكت قريب كانت عيب
حليلك يا البطانة وقشك المفروق
حليلك قبال يسولك جزارة وسوق
المثل كان بقول
التُس : اي الابها
التُس أكل اللحمة وخلى الرز
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: خالد علي محجوب المنسي)
|
Quote: رجعت ليكم لقيت كلامكم كتيييييير وفكيت المشهاد كدى مشهدوني النمسك معاكم الدوداب
بت عمسيت اظنها صدقت كلامي - مما جبت ليها سيرة ام عبد الله عييييييييييييييييييييييييك ياها الشوفة
ام عبد الله سادرة مع السعية - يا بت عمسيب - مبسوطة بالحيل مع الخريف السمح دا - لا شغالة بيك ولا شغالة بي - كان سمعت كلامنا دا كان تتبسم - الزولة هدية ورضية بالحيل
حرررررررم حاسبانا كلنا فارغين ساي وما عندنا شغلة |
دي الخطة أتنين ( 2 ) يا ناس غزة
وأعملو حسابكم من نتنياهو
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: خالد علي محجوب المنسي)
|
ود عمي عثمان ضبعة ,,, ولدو عوض سمع قالو
العقرب لو عضتك افقش ليك ليمونه ومردغ بيها بكان اللدغة ,,, اها يوم شاف ليهو عقرب ,, مد ليها كراعو وليمونتو في يدو ,,,
اها لامن استغربت من فعلتو
ابوهو قال لي
خلي هو ,,, ابوي زاتو زمان الملدوغ بسو ليهو مديدة الحلبة باللبن , مرق كاس ليهو عقرب كايس مديدة الحلبة , لقا ليهو عقرب وشالا ,, نتشتو نتشة واحدة
قال لي
عليك امان الله مديدة يختوها ليهو الصباح يشيلوها العشية ,, تلاتة يوم يطرش ومحموم
ظنيتا عقرب جبل ,, قربت تودرو
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: عبدالحفيظ ابوسن)
|
Quote: زولك زعل وشال أبريق ابو وحايم في البيت يكب الموية في الجحر ويدخل أصبعوا ( كايس لي عقرب تعضي عشان يتلافو بي زر بي اللبن )
قال لما فعلاً في جحر عضتو عقرب
وقام صرخ بأعلى صوتو
لكن بدل يقول أخخخخخخ عضتني عقرب
صرخ قال
الرز بي اللبننننننننننن
|
ههههههههههههههههههههها حررررررررررم دا تكون انت دا اصلك مما قمت مسنوح
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: خالد علي محجوب المنسي)
|
ود عمي عثمان ضبعة ,,, ولدو عوض سمع قالو
العقرب لو عضتك افقش ليك ليمونه ومردغ بيها بكان اللدغة ,,, اها يوم شاف ليهو عقرب ,, مد ليها كراعو وليمونتو في يدو ,,, نتشتو مردغ ليها الليمونة ومشي في لعبو
اها لامن استغربت من فعلتو
ابوهو قال لي
خلي هو ,,, ابوي زاتو زمان الملدوغ بسو ليهو مديدة الحلبة باللبن , مرق كاس ليهو عقرب كايس مديدة الحلبة , لقا ليهو عقرب وشالا ,, نتشتو نتشة واحدة
قال لي
عليك امان الله مديدة الحلبة يختوها ليهو الصباح يشيلوها العشية ,, تلاتة يوم يطرش ومحموم
ظنيتا عقرب جبل ,, قربت تودرو
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: خالد علي محجوب المنسي)
|
| Quote: ههههههههههههههههههههها حررررررررررم دا تكون انت دا اصلك مما قمت مسنوح |
تعرف ياودشيقوق دا صاحبي محمد المهدي السراج ( ودناس السراج ) زول حكاوي حلوة كتير كان
لما يجيني من بودبست العاصمة بنزل معاي في بيتي .. في المجر دي ضقنا عزة حلوة البلد كانت
رخيصة وسمحة والقروش كتيرة ... والله لما يجيني نحكي ونرص اليوم كلو ما بتملو بس تضحك
ايام كانت حلوة .. انا كنت ساكن مع مرأة ماخد غرفة وصالة ومنافعهم تصدق بي 3000 فورنت يعني
35 دولار .. تغسل لي وتكوي لي وتجهز معدات الحلة ( أنا بجيب ليها الصامان هههههههههه ) مجدعين
من السودان كانوا برسلو لينا 150 دولار عن طريق العلاقات الثقافية رتعنا في خريف ابوالسعن
عليك أمان الله نلبس ونأكل احسن أكل ونهيص في الدسكوهات يومي الجمعة والسبت ونشتري حاجات الجامعة ومطلباتها
ونتبن الجيب برضو نلقى ملان كانت أيام خير جو ناس البشير نشوفها لينا وقفلوا ملفات العلاقات الثقافية
وقالوا الأبو حرام وعندو قروش يقري والما عندو يجي راجع أها ا أخوي من يومها حرم شمرنا هِديماتنا وبقينا
نسافر لي الشغل مرات اليونان لقيط طماطم ومرات ايطاليا شي عنب وشي تفاح غايتو إتمرمطنا في الدنيا أم قدود دي
ننوم في كرتونة وتغطى بي كرتونة لكن بتسوي ليك قروش ترجع بيها قرينا نفسنا بنفسنا وحتى في المجر كنا مرات بنشتغل
شي مصنع كوكا كولا وشي مصنع صابون غايتو ماخلينا مصنع وكنا كمان متقين الله نسوي السبعة وذمتا إلا تلاتا
الحشيش .. لحم الخنزير .. الشغل في مصانع الخمور هههههههه
بحكي ليك مرة اشتغلنا في حفر بالداهي الكبير داك البنفض أسمو شنو فيهو كومبرسر بعمل بضغط الهواء للحفر ...
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: خالد علي محجوب المنسي)
|
Quote: دحين عولكم ديل ما سمعوا بضامن عشرة
بالمناسبة قبل أي سمعت واحد قال ماشي يستثمر في سموم الدبايب والعقارب - الشى دا قالوا بيتعملوا في الامصال
الزول كان جانا غنية وتمت - نسدد طاااااااب |
شفت الزويل ده يامك ـ شرَّكنالو بي جاي مرقا في بوست ودابسن
مشيت بوست ود ابسن إِنمَلص مني بي كلاماً حِلّووووو وجا خافس بيجاي
اديهو ضهري يلحس كلامو ـ الزول دا ياجماعة الصِّرفة معاهو كيفن؟
انتا يا ود المك ظنيتا حكاية عمنا اللمين مع العقرب ماوقعت ليك.
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: خالد علي محجوب المنسي)
|
حكاية الحفر
مرة كنا مفلسين شديد والدنيا صيف أغلب الناس العندها تذاكر رجعت السودان
اها عنداسي صاحبي أسمو مصطفى البكري مشيت لي وقلت لي يا مقطوع الطاري عند شي
قال لي يوم ما أكلت لي شي .. لكن قوم نمشي الجامعة مكتب تشغيل الطلبة أمكن نلقى شغل
مشينا .. واحسن شئ الموصلات كانت رحمة .. الشهر كلو بتشتري ( أبوني ) بمبلغ قليل ممكن 2 دولار
وممكن تركب اي موصلات ( متر .. بص .. تروليبص .. ترام ) ..
أها يا اخوي مشينا الجامعة المسؤول من مكتب التشغيل صاحب مصطفى ( مجري ) سألأنا في شغل قال لينا لا
اسبوع مافي طلب لشغل جاهم .. اها أتحيرنا والجوع يلوي في مصارينا
قال لي مطصفى يا خالد أنا عندي 5 فورنت بتجيب واحد قهوة نمشي الكافتريا نشتري لينا واحد قهوة
أنا بشرب نصها وبعمل نفسي داخل الحمام أنت أشرب الباقي .. وفعلاً مشينا وقعدنا وطلبنا واحد قهوة
وكانت جلستنا هذه الجابت الرزق شربنا قهوتنا وناوين نمش نشوف ليك مسؤول مكتب الشغل واقف في الممر
في أخره الممر طويل امكن 500 متر ينادي موصطفا موصطفا تعال
مشينا لي قال لينا جا شغل الآن حفر 8 حفر كبيرة بالجهاز القلتو ليك ( ماني خابر اسمو ) الحفرة
مترين × مترين عمق مترين مشينا الجبور بركب الصعب وبدينا ليك فيهن من يومنا داك لامنالواطا مغربت
وجينا ليهن من الصباح مع المغارب استلمنا قروشنا مشينا لي الجزار اليهودي اول شئ أشترينا 3 كيلو لحم
ومشينا بيت مصطفى شويا منهن كيلو ونص نأكل الليل كلو .. وشربنا شاهينا والجيوب مليانة اخوك قال يرقد شوية
لاني حاسي بي تعب
ياودشيقوق حمتي طلعت فوق اظنها وصلت الاربعين وبقيت مفتح أهضرب واشوف حاجات عجيبة .. اشوف نخرتي دي بقت طويلة
ألحقها بي يدي ارجعها بعد شوية بطني تتنفخ امسكا بي يدي الاتنين ارجعها وناديت مصطفى هبشني لقى حمتي فوق
شالني وجري المستشفى رقدوني يومين خافوا الأطباء المجريين أن تكون حمى مناطق حارة لانها عالية .. اها يا زول الدكتور
للسستر الزول دا ماتحرك من سريرو اها بقن حارساتني 3 سستر تمش واحدة وتجي واحدة واخوك بجيه النضمي أدي كلام بعسل
زهرة السوسن والتانية بي عسل زهرة الياسمين والتالتا بعسل زهرة الزبيق ( بقيت بتاع عسل زهور فتا بت عمسيب )
اليوم التاني لقيت زولاتك تنافس كل واحدة جايبا معاها انواع وأشكال من الحلويات ( تورتا .. جاتو وحلويات محلية )
وأخوك يشكر ليهن في حلوياتن كل واحدة اديها شكر اكتر من رفيقتا اها عديت معاهن يومين ديك لكن المعرفة أستمرت
وبقن التلاتا صحابتي .. شوفتي يا بت عمسيب تقولي لي حديقة زهورك هدية وهسي بجوك الحسان .. والحسان في مرضنا بجونا
عليك الله يا ود البوش مرض زي دا لو لقوا المساكين الفي السودان ناسنا ديك ما بمرضو كل يوم ملاريا
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: خالد علي محجوب المنسي)
|
Quote: Ali Fungawi · الأكثر تعليقا
الاخ الطيب شيقوق بعد ما استمتعت بالبوستين يا اخوي اوصيتك ان تبعث لي رقم تلفون اخونا الدالي رحمة الله الحبوب
واعطيتني رقم ما رد لي عليهو
شكراً الاخت اميرة مصطفى السيد وشكراً الجماعة الحلوين المتداخلون |
اخوانا علي مرسل ليك يا ودشيقوق شوف طلبو دا
وشكراً ليك كتير أخونا علي نيابة عن بت السيد أميرة باقي الليلة هي متوعكا شوية ربنا يردها
بي السلامة حوشها مفرشة عناقريبو وملايتو تهبهب
وتاني بنقول ليها كفارة وسلامتك وألأف من البردانة كرامتك اولهم ود شـ يـ قـ وق
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: عبد المنعم سيد احمد)
|
منسي
Quote: انا كنت ساكن مع مرأة ماخد غرفة وصالة ومنافعهم تصدق بي 3000 فورنت يعني
35 دولار .. تغسل لي وتكوي لي وتجهز معدات الحلة ( أنا بجيب ليها الصامان هههههههههه ) |
وخلاص يعني؟ ما مصعت ؟
حرررم اكان كدا يزورو فيك عديييل
| Quote: بحكي ليك مرة اشتغلنا في حفر بالداهي الكبير داك البنفض أسمو شنو فيهو كومبرسر بعمل بضغط الهواء للحفر ... |
اي فهمتو ما تبقى نضام ووصاف - كان تقولي بشبه العنكوليب وكفى يا سجم
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: عبد المنعم سيد احمد)
|
هوي يا ناس الحوش ازيكم ..كيفنكم انا لي زمان ما شفتكم..
والفيكم اتعرفت زي ما بيقول ود الفاضلابي....وارجعوا لبوست عائلة
بن لادن شوفوا ود قباني قصدكم كيفن وبسمات قصدتكم كيفن وقالت
انكم نسيتو العشرة في فد يوم ودفرتوني زي دفر الطبالي..وانا كيفن دافعت
عن الناس السمحين...ولمن رجعت اعمل مراجعة للتعليقات الاتكتبت في بوست
ود ابو سن وبوست الحوش الكبير عرفت باني على حق وبجيب ليكم امثلة..وكيفن
انا مرات برضه بتوه وما بعرف عتبة حوش ود اب سن من عتبة حوش بيتي زي ما قال
ود شيقوق
وبجيكم صادة باكر بمهلة
والله يديكم الصحة والعافية وما تشوفو شر ابدا
| |
|
|
|
|
|
|
|
|
 Re: ود ابوسن، ودشيقوق، ود البوش، ود المنسي: انتو ناس سمحين (Re: الطيب شيقوق)
|
Quote: هوي يا ناس الحوش ازيكم ..كيفنكم انا لي زمان ما شفتكم..
والفيكم اتعرفت زي ما بيقول ود الفاضلابي....وارجعوا لبوست عائلة
بن لادن شوفوا ود قباني قصدكم كيفن وبسمات قصدتكم كيفن وقالت
انكم نسيتو العشرة في فد يوم ودفرتوني زي دفر الطبالي..وانا كيفن دافعت
عن الناس السمحين...ولمن رجعت اعمل مراجعة للتعليقات الاتكتبت في بوست
ود ابو سن وبوست الحوش الكبير عرفت باني على حق وبجيب ليكم امثلة..وكيفن
انا مرات برضه بتوه وما بعرف عتبة حوش ود اب سن من عتبة حوش بيتي زي ما قال
ود شيقوق
وبجيكم صادة باكر بمهلة
والله يديكم الصحة والعافية وما تشوفو شر ابدا |
أولك يا بادي حمدا لله على سلامتك يا اميرتنا واميرة الكل
والمادارك ما لامك وليك الحق
مع انو فقدناك وكفرنا ليك بس راجعي مدخلاتنا وحت كمان انا هديت ليك اغنية
ونكرر دعواتنا ليك ونسأل الله ان يمتعك بالصحة والعافية
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: مني عمسيب)
|
سلام الله تغشاكم احبتي. وقبل ما اواصل ارد عليكم وعلى مداخلاتكم البتشيل الهم عاوزة اقول ليكم حاجة .. وهي انا لمن كتبت البوست فعلا كنت بعني كل كلمة قلتها
لأني لمن كنت متابعة البوست الذي كتبه ود ابسن استمتعت بالكلام السمح والطيب وكان كل ما اشعر بتوتر وقلق من وتيرة الحياة المتسارعة في نيويورك كنت
برجع لذلك البوست السمح عشان انسي الهم ...
وانا كنت مفتكرة بان دا رأيي براي ولاحظت ان كل من تداخل في هذا البوست الذي سطرته بحقكم قال كلام اجمل من الكلام القلته عنكم .. وعاوزة هنا فقط اقتبس جزء
من الكلام القالوه اعضاء المنبر وغير الأعضاء بحقكم .. فانتم فعلا منارات تنيرون المنبر العام وترسمون البسمة في وجوهنا حتى نخرج من ظلمة الحياة القاسية
التي نعيشها في هذا الزمن القمئ وحتى نعرف ان هناك دنيا اخرى لا زالت بخير وان هناك اناس قلوبهم صافية ويحبون الناس ويحبون لهم الخير... وشوفو الناس ديل قالوا عنكم شنو::
جمال ود القوز ، اول من تداخل في البوست بيقول:"
" فعلا الناس ديل سمحين يشهد الله . ونشهد بأنهم رسموا البسمة على شفاهنا وازاحوا عنا رتابة الموقع ومصاعب الحياة""
-عثمان النصيح من الفيس بوك بيقول"
"مابدور اشكر لى زول هنا علا اسعلنى الله مع المنبر الليلكم ده بعد ماتم الحول ولى هسي مافى يوما ضحكتك من قلبى لى نضمى هنا غير الليله الله اخليكم واديكم لامن
ارضيكم نضميكم حلو وخوتكم صادقه وقلبكم صافى على اليمين فرحان بيكم تب"
- عبيد الطيب بيقول:\\
"" اربعتهم اهل القرى برمو ليهم الخط وبكشكشو ليهم الودع""
- محمد عبد القادر بيقول:
" هؤلاء تشعرين معهم وبهم الأجواء نفسها والروائح الطيبة نفسها .. بل حتى الوجوه الباسمة وادعو الله ان يجعلهم منارات للخلق الرفيع""
- سلمى الشيخ سالمة تقول:
"" من اجمل الناس الذكرتيهم رغم اني ما التقيت واحد منهم لكن بحبهم زي الأخوان وزي لمن تكون مكوفرة وتلقى كسرة مرة تفك ليك الكوفارة"
- ود الفاضلابي : في البدائة افتكرت من كلامه انه معارض رأيي فيكم ولكن بعد شوية لقيته عامل اقتباس من كلام محمد عبد القادر السمح وقال:" انه كتب كلام جميل وكلكم تستحقوه".
- بدر الدين بيقول:"
هي عاد سماحة وبس.. تحياتي لكم جدميعا مثنى وثلاث ورباع"
- الصادق صديق بيقول:
"" ديل غايتو إلا الله بس يديهم الذي يراه هو سبحانه من جمالهم"
- رشا بابكر ابدعت وجات بفصيدة رائعة تشكركم والقصيدة لها طعم العسل حلاوة وطعم اللبن صفاء""
- منى عمسيب تقول:
" والله سمحين سماحة وبالذات الزول البلعب وسط ده""
والله يا منى لهسع انا ما عرفت انت قاصدة منو لازول اللاعب وسط"
هذه فقد بعض وليس كل ما قيل تأييدا لرأيي في ناس ادخلوا البهجة في نفوسنا .. وان شاء الله الله يديكم الفي مرادكم ويحقق ليكم كل امانيكم..
وكدي انرجع ونشوف منو القال لي كفارة .. عشان انفي التهمة عنكم بقلب قوي.. تهمة البنسو العشرة في فد يوم ويدفروك برة زي دفر الطبالي.. طبعا دي قالتها
الغالية بسمات على لسان ود بادي عشان هي بقت مدمنة قصائد ود بادي..
والله يديكم العافية.. ولي عودة للتعليق على مداخلاتكم بعد ما اكمل قراء ة ما فاتني خلال اليومين الفاتو ديل..
-
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: اميرة السيد)
|
| Quote: - ود الفاضلابي : في البدائة افتكرت من كلامه انه معارض رأيي فيكم ولكن بعد شوية لقيته عامل اقتباس من كلام محمد عبد القادر السمح وقال:" انه كتب كلام جميل وكلكم تستحقوه |
لا ابداً يا الاميرة ـ إنتي زين ما اخترتي ـ ديل ناسي وانا اختيارك فرحان بيهو بس ماني داير رويساتن ديل يغَلَدَن يقوموا يمرقونا من البلد.
لكن من تالا السماحة سمحين ومن تالا السناحة اسكتي كبي وكمان جات بت عمسيب تمت الناقصة وعملت دويتو سناحة مع شيقوق
غايتو كان ما شوية الخدار الـ بتراضينا بيهو ده كان سحبنا وسام السناحة من شيقوق ولبسناهو ليها فوق التوب.
اما سلمي فالسناحة خاتياها .. علا خايف المسانيح يَهِّدو فوقها.
شيقا ده يا اميرة انا عشت معاهو اجمل سنين العمر Live وكان شفتيهو
Live كان كتبتي فيهو كتاب مش بوست خسوساً وكتين نمشي انا وهو والمجموعة حولية الشيخ فلاح ونمدح للصباح .....
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: عبدالعزيز الفاضلابى)
|
بت عمسيب
الحمد لله الرجعت لينا طيبة - ياخ ما تغيبي كتير
اميرة - حالف عليك ما تردي لينا اكتر من الكلام النزلتيهو نقلا عن المداخلين من داخل وخارج التخطيط - دي طبعا المسنوحة سلمى بت الشيخ
والله البشوف مجهودك في بن لادن يشفق عليك عديل
الفاضلابي
| Quote: كان كتبتي فيهو كتاب مش بوست خسوساً وكتين نمشي انا وهو والمجموعة حولية الشيخ فلاح ونمدح للصباح ..... |
والله صدقت والكان عاجبني فيك ادبك الجم - كنت باكل وطوالي تجي شايل الابريق تغسل لي وانا قاعد في البنبر ولا فارزك
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: الطيب شيقوق)
|
| Quote: كنت باكل وطوالي تجي شايل الابريق تغسل لي وانا قاعد في البنبر ولا فارزك |
مسنووووووووووووووووووووووووووووووووووووووووووووووووووووووووووووووووووووووووح
علي الليمان والرحمن يا شيقا كنت خاتي اللابطوب فوق بطني نظام يعني مسلتقي وكدا
لمن قريت كلامك دا ضحكت لمن اللابطوب برداب وقع في الوطا
أها يا الفضلاب خم وصر عشان تاني تشكر ليك زول عميكة
نصيحة ليك العميكة والمجنون اصلك ما تشكرن
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: اميرة السيد)
|
| Quote: تهمة البنسو العشرة في فد يوم ويدفروك برة زي دفر الطبالي.. |
اتي والمسنوحة عاجبـــاكن دفر الطبالي دي ودايرات تلصقنا في ائ حاجة ولقيتن دا الوضع المناسب
قت ليك يا اميرة
شفتي محمد عبدالقادر ضرار ( من الفيس بوك ) القال الكلام دا
Quote: هؤلاء تشعرين معهم وبهم الأجواء نفسها والروائح الطيبة نفسها ..
بل حتى الوجوه الباسمة وادعو الله ان يجعلهم منارات للخلق الرفيع"" |
أتصل علي وقال لي كلام والله لمن قايلوا بتكلم عن ناس تانيين
قت ليهو يا زول نحن ما بنتساهل قدر دا ناس ناس عمايك وبنتعولق ساهي
قالي لي وهو اسع بقرأ كلامي دا
قال كل يوم هو ووالدته الله احفظها ومن هنا احييها واطلب رضاها علينا ودعواتا لينا
وزوجته الكريمة وعياله كل ناس البيت ديل بصمتم بتابعوا هذا البوست يوميا
ود ضرار اقرا والعيال اسعلوا وحبوبتهم تشرح ليهم وهي منشرحة الصدر فرحة
عليك الله جنس الكلام دا ما بخلي الزول اقع فوق رقبتو دي اكسرا كع كرامة ساهي للناس ديل
والله العظيم وبالله تلاتة وتا الله يا محمد عبدالقادر ضرار اول ما تطأ قدمي هذه جدة اتصل عليك واجيك جوة بطن بيتك
عشان تاني ما تشكر ليك زول عميكة واوعك من ودشيقوق ما شفتي قال شنو للفاضلابي الشكرو لوووووووووووول
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: عبدالله ود البوش)
|
"قال كل يوم هو ووالدته الله احفظها ومن هنا احييها واطلب رضاها علينا ودعواتا لينا
وزوجته الكريمة وعياله كل ناس البيت ديل بصمتم بتابعوا هذا البوست يوميا
ود ضرار اقرا والعيال اسعلوا وحبوبتهم تشرح ليهم وهي منشرحة الصدر فرحة(Quote)
>>>>>>>>>>>>>>>>>
اها كمان يا ود البوش انا السفرية الجاية حأغير من الخطوط القطرية وحأسافر بالخطوط السعودية
عشان امشي عن طريق جدة وازور محمد عبد القادر ووالدته وزوجته وعياله المتابعين البوست في جدة ) عشان اتعرف
عليهم واشكرهم لمتابعتهم البوست ومرة واحدة كمان اسال والدته من بعض الكلمات والتعابير الجات في ونستكم
وما بيفهما إلا زولا راكب ليه جمل في بادية من بوادي البلد وساعي بسعيته وبفتش في بركة مويه يسقي فيها سعيته..
والله يديهم العافية .. والله يديك العافية
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: عبدالله ود البوش)
|
Quote: أها يا الفضلابي خم وصر عشان تاني تشكر ليك زول عميكة
نصيحة ليك العميكة والمجنون اصلك ما تشكرن |
والله ياود البوش ماك طالبني حليفة
رغم اني الليلة زعلان علي تلفوني الـ IPhone5 الكضم ده
لكن نامن قريت كلام المسنوح ده قعدت اضحك ونسيت
مغسة تلفوني وانا هسع من دربي ده رايح علي ناس
Apple في القراند سنترال ـ غايتو خمشة قروش الليلة حا ادفعا
تجيب لها عبورين تلاتة ـ ده كلو من عبدالرحمن ولدي واخته ايثار
من ادخل البيت يخمشو التلفون وداك يا سواطة ـ والحمكة حق امهن
الخالق الناطق مشترهين اللِتنين بنات حفرة ـ لكن عاجبن حقي ده.
تكون دي لعنة تلفون ودابسن ـ يكون رسلنا عمل Wireless ؟
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: عبدالعزيز الفاضلابى)
|
اطمئن يا ود الفاضلابي ناس شركة ابل ما حيدفعوك اي شئ اذا انت اشتريت منهم التلفون وما تكون اشتريته من دكاكين الممستهبلين البيبيعو
تلفونات كوريا والفلبين...
وانا كنت عندي تلفون كضم السنة الفااتت ومشيت لناس ابل في الفيفث افينيو مع شارع 59 ووريتهم الفاتورة ,, واستلموا مني التلفون وبعد نص
ساعة رجعوا لي التلفون وبقى التلفون ينضم برا بدون ما نتكلم نحن.. ومن ديك تاني التلفون ما صمت.. وما دفعت ليهم مليمة حمرا..
ومرة واحدة كمان شوف اذا في تلفون بشتغل بالطاقة الشمسية عشان نرسله لي ود ابوسن عشان ضربة شمس واحدة في السودان للتلفون تاني
الكهرباء ما تقطع من التلفون سنة كاملة ..
والله يديك العافية
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: عبدالعزيز الفاضلابى)
|
Quote: هوي يا ناس الحوش ازيكم ..كيفنكم انا لي زمان ما شفتكم..
والفيكم اتعرفت زي ما بيقول ود الفاضلابي....وارجعوا لبوست عائلة
بن لادن شوفوا ود قباني قصدكم كيفن وبسمات قصدتكم كيفن وقالت
انكم نسيتو العشرة في فد يوم ودفرتوني زي دفر الطبالي..وانا كيفن دافعت
عن الناس السمحين...ولمن رجعت اعمل مراجعة للتعليقات الاتكتبت في بوست
ود ابو سن وبوست الحوش الكبير عرفت باني على حق وبجيب ليكم امثلة..وكيفن
انا مرات برضه بتوه وما بعرف عتبة حوش ود اب سن من عتبة حوش بيتي زي ما قال
ود شيقوق
وبجيكم صادة باكر بمهلة
والله يديكم الصحة والعافية وما تشوفو شر ابد ا |
حباب بت السيد وألف حمد الله علي السلامة
إتلومت بسمات السمحة ست البنات لوم اليابا فضيل
نحن ما بندفر نحن
نحن شعارنا محنتنا في لمتنا أخوان وأخوات متلمين
وأما عن كلام قباني لسانا مابقلب الشين وبنقول لي الله يهديك كيفن بنسحر ست البنات وأميرة الشباب
أميرة بت السيد
وأنت تسرعتي وحكمتي قبل ماتقري
الردود في بوستك
لكن يا العزيزة مو مشكلة تب اللوم بجي بي الغفلات
وغفلاتك فوق رؤوسنا محنة وأحترام المتلك لا بتلام لا بجيب اللوم
قولي لي بسمات نحن
بعد الليل يهود وامات البنات ينادنهن بنقدمن لي بيوتن ونقيس الخطوة مع التاتاي ومشيهن
ونحن المأمونين علي بنات فريقنا
بمزح ما تاخدي كلامي جد
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: عبد المنعم سيد احمد)
|
Quote: اطمئن يا ود الفاضلابي ناس شركة ابل ما حيدفعوك اي شئ اذا انت اشتريت منهم التلفون وما تكون اشتريته من دكاكين الممستهبلين البيبيعو
تلفونات كوريا والفلبين... |
ما المصيبة اني اشتريتم من ناس الـT-Mobile ولما جيت اشتريهن قالوا لي تدفع Insurance قلت لهن لا ـ بَحَوِّطن عند الشيخ فلاح شيخ شيقوق
لكن ظنيتو الطيب ماقاعد يودي الزيارة للمسيد عشان كدي الحواطة ما مشت في التلفون .
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
منعم ماعرفناهو شنو ده مي الحُنبق
دي فاكهة ناس ودالبوش مبارين الطندب
يغدوا خِماصاً ويعودوا بطاناً .
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: خالد علي محجوب المنسي)
|
Quote:
شيقا ده يا اميرة انا عشت معاهو اجمل سنين العمر Live وكان شفتيهو
Live كان كتبتي فيهو كتاب مش بوست خسوساً وكتين نمشي انا وهو والمجموعة حولية الشيخ فلاح ونمدح للصباح ..... |
ههههههههههههههههه يعني لحم عِضماتكم من فتة الشيخ الصابونابي
تمشوا تلحسوا اللقيمات بي شاي اللبن وبعدها تملو كريشاتكم بي فتة الصابونابي وابـ سناحة كارب عِميمتو
ويقعد شيخ خط بس
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: خالد علي محجوب المنسي)
|
Quote: بت عمسيب
الحمد لله الرجعت لينا طيبة - ياخ ما تغيبي كتير |
والله شايفك لزقتَّ في لاعب الوسط دا قوي
لصقة جانسون
حالي كنتَّ فاكروا ود البوش لكن ود البوش طلع مدافع زي
وشوتو ضفاري والبفوتو بحنكلو رب بجيبو الواطا ناشف
ارتع في النص يا أبـ سنحاحة
لكن شايف لاعب الإحتياطي ( الفاضلابي بسخن وداير يمرقك )
تور لي ناس مايرنو لو مابتعرف إستعين بي بلحقك وأنجدك ههههههههههه
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: خالد علي محجوب المنسي)
|
Quote: وحشتوني .. وحشتوني .. وحشتوني .
تصدقوا اشتقت ليكم .. |
فراشة زهور الروض الجميل
بت عمسيب منى
حبابك والعود أحمد
امس وأول أمس قاعدين برانا زي اليتامى ( لما ما جيتن أنت وبت السيد )
في نهاية الأمر قتا ليهم ونسة الضكير لي الضكير النوم منها أخير ومشيت نمتَّ
هههههههههه
لكن يا أختي الشوق دا بس نضمي ويمرن يومين بي حالن ولا بتسأل ولا بتنشد
أخبارنا مقدرين المشغولية لكن على أصحابك عليك حق
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: عبدالله ود البوش)
|
اللميرة بت اللمير بركة الجيتي .
غايتو موبايلي البفا مضرب مثل . طلق اللفاها سبدو ما لقاها
اسرة محمد عبدالقادر تحية واحترام
باقي المسانيح
عمي العبيد شغال خراجي . اها رقد بالوردة . صاحبو بقا يشد حمار العبيد ويوزع ليهو الموية لي زباينو
ويجيهو متراوح العشية بالسكر و الزيت والمصاريف
بعد بقا شديد قام داير يشكر صاحبو قال لبهو
آموحومد اخوي ان شاء الله تورد ونجازيك
اها شرحو
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: عبدالحفيظ ابوسن)
|
Quote: أتصل علي وقال لي كلام والله لمن قايلوا بتكلم عن ناس تانيين
قت ليهو يا زول نحن ما بنتساهل قدر دا ناس ناس عمايك وبنتعولق ساهي
قالي لي وهو اسع بقرأ كلامي دا
قال كل يوم هو ووالدته الله احفظها ومن هنا احييها واطلب رضاها علينا ودعواتا لينا
وزوجته الكريمة وعياله كل ناس البيت ديل بصمتم بتابعوا هذا البوست يوميا
ود ضرار اقرا والعيال اسعلوا وحبوبتهم تشرح ليهم وهي منشرحة الصدر فرحة
عليك الله جنس الكلام دا ما بخلي الزول اقع فوق رقبتو دي اكسرا كع كرامة ساهي للناس ديل
والله العظيم وبالله تلاتة وتا الله يا محمد عبدالقادر ضرار اول ما تطأ قدمي هذه جدة اتصل عليك واجيك جوة بطن بيتك
عشان تاني ما تشكر ليك زول عميكة واوعك من ودشيقوق ما شفتي قال شنو للفاضلابي الشكرو لوووووووووووول |
والله يا ود البوش عبدالقادر راجل أخو بنات ومفروض يكون بيننا
أنا غايتو بكري ما بدورني ولو لقاني في النار بزيدني حطب العلاقتو حلوة بي يتوسط عشان عبدالقادر دايكون معنا
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: خالد علي محجوب المنسي)
|
Quote: لكن نامن قريت كلام المسنوح ده قعدت اضحك ونسيت
مغسة تلفوني وانا هسع من دربي ده رايح علي ناس
Apple في القراند سنترال ـ غايتو خمشة قروش الليلة حا ادفعا
تجيب لها عبورين تلاتة ـ ده كلو من عبدالرحمن ولدي واخته ايثار
من ادخل البيت يخمشو التلفون وداك يا سواطة ـ والحمكة حق امهن
الخالق الناطق مشترهين اللِتنين بنات حفرة ـ لكن عاجبن حقي ده.
تكون دي لعنة تلفون ودابسن ـ يكون رسلنا عمل Wireless ؟ |
هيييييييييييييييييييييع
سمح حق الأبو
امهم أظن بتديهم العين الحمرا
هههههههههههههههههه
أحمد لما كان سغير كان حتى اللعبات حقتو عدة ميكانيكي عندو شاكوش
يوم لقيتو ليك خاتي تلفوني وواقع في خبت بي شاكوشو
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: خالد علي محجوب المنسي)
|
Quote: شفتا يا عبدالمنعم ناسك لبدوا كيفن ؟
أها تعال يا ود الضهبان انقروا
وانا ولا بكضب علي روحي
في اللول قايلو حنبك لكن لقيتو بشبهو ساهي |
أنا ذاتي شكيت في اللون لكن يا ود البوش ركز في المفتوحات ديل
الشي دا فيه طبقة لزجا ياهو الحنبق ونحن في شندي بنسمي الحنبك
ود البوش أكلت ثمرة النيم فيها مرارة وحلاوة كنا نأكلها لما عويناتنا يبحلقن
زي الجدادة لما تنفخا بي المصران
نفخ الجدادة بي المصران دا شغل ناس البردانة
ودشيقوق كان بمشي يسرق من بكان الكرامة والبوس مصران يجي يرمي لي الجدادة اهي تلهم من طرف وهو ينفخ من الطرف التاني
والجداد تقيف منفوخة زي الصنم مبحلقا عيونا هههههههههه
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: خالد علي محجوب المنسي)
|
Quote: Quote: إتلومت بسمات السمحة ست البنات لوم اليابا فضيل
ههههههههههههههههههههههههههههههههههههههههههههههههههههههههههههههه
وتاني اللابطوب خبت الدلجة
اضوقني اللانام ولا اكل الطعام التلفون البقشو باللصبع وارتاح من جنس النهزي دا
.
.
غايتو يا ود المنسي يوم بتشرط ليك بطن بالضحك |
هههههههههههه
لكن عليك الله يا ودالبوش بسمات ما إتلومت
( إتلومتي أو إتلومتَّ ... لوم اليابا فضيل )
دا مثل محلي عندنا في شندي
قصته
بخّوت بت بلول الحاج ودسعيد ( اسمها بخيتة لكن بقولوا ليها بخّوت ) مابتصلي
أخوها فضيل سألها يا بخّوت أختي ما تبضلي مالك
قالت ما بصلي لي الله مادام بكتلني في النهاية وبكتل وليداتي ( حسب فهمها )
قام أخوها فضيل قال ليها يا بخّوت أختي الله دا كتل أعز زول لي محمد عليه الصلاة السلام ودي سنة الحياة
قامت ردت لي ( والله إتلوم لوم اليابا فضيل )
| |
|
|
|
|
|
|
| |
خالد علي محجوب المنسي
الطيب شيقوق
عبدالعزيز الفاضلابى
عبدالحفيظ ابوسن
عبدالله ود البوش
عبد المنعم سيد احمد
مني عمسيب
فيس بوك
تويتر
انستقرام
يوتيوب
بنتيريست