|
Re: ملكة جمال العالم( صور وحوارات). (Re: الفاتح ميرغني)
|
Quote: عزيزي الفاتح ميرغني
سلامات الجمال سحر الجمال طاقة ودفع للابداع واختراق لعالم اللاممكن.. الجمال قيمة روحية شفافة تتجسد الاشياء وتعطيها ذلك البوح السخي.. الجمال كان سفر وكان ميناء وارتحال في ليلى لوبيز ذلك العالم اللامتناهي من المتعة.. كانت ليلى وكانت هذه المفردة التي سميت جمالا كانت البحر وتلك النار المتمددة أمواجا من الرقة والعذوبة لازم اقيف هنا يا فاتح خطوة فاحترق!! الترجل في مقام ليلى كبرياء والطوفان في بحر الجمال حياة
بلا مجاملة كلامك الفوق ده هو قراءات متعددة لجماليات ليلى الجمال ..
مودتي |
سلام يا بوعزيزي وسلام تاني لهذا الدفق الجميل. بالجد لوحة داعبتها ريشة فنان، او ملحمة شاعر إنداح بلا اوزان في "إلياذة القارة السمراء". لم تخطئ يا صديقي عندما وصفت جمالهابالمطلق فهي حقا "نسمة فواحة والجمال هيلا " حطمت " نظرية النسبية وتفاوت الرؤى الجمالية" حيث لأول مرة يتفق المصوتون اونلاين مع لجنة التحكيم، وهو ما يعني بأن لمحاتها الجمالية لا تقل سحرا عن اجمل رقعة في جزر المالديف! قصدت أن استهل البوست بالجمال ثم بعد ذلك الحوار للتعريف بالفعالية والفرق بينها وبين ملكة جمال الكون، ومعايير الإختيار وشروط الإشتراك ، والقيود المفروضة على المشاركات وخاصة الملكة المتوجه او صاحبةاللقب والتحديات التي تواجه الفعالية وأسئلة أخرى ظلت تدور في خلدي وربما في خلدالقراء والمشاركين، ولكن يبدو ان الجمال قد شدنا وحلق بنا إلى " فضاءات لامتناهية" على حد تعبيرك.Quote: الترجل في مقام ليلى كبرياء والطوفان في بحر الجمال حياة |
لو لم تقل ذلك لما عذرتك، ولربما قرعتك بمثلما قرع الفراهيدي الرجل الذي اشاع عنه الجنون!
محبتي
| |
|
|
|
|
|
|
Re: ملكة جمال العالم( صور وحوارات). (Re: الفاتح ميرغني)
|
أخى الفاتح
معذرة للغياب القسرى والذى اضر بذاكرة الجمال عندى وأخل بالتوازن والاخوان عبدالعزيز وباسط مابقصرو
تابعت باندهاش تام صور البوست الاخيرة وماعارف اقول شنو ..خلينى اصنقر شوية وأجر نفس وارجع ليك
سماحة البنات ديل ذكرتنى اغنية اندرية الكردفانية الاصل التى تغنيها الرائعة نانسى عجاج " كان مابنخاف كلام الناس برحل معاك خماس "
لاحول ولاقوة
| |
|
|
|
|
|
|
Re: ملكة جمال العالم( صور وحوارات). (Re: Yahia Abd El Kareem)
|
Quote: الفاتح خليتنا نطاقش يااااخ نسوي شنو مع الحرام من بعدو الساحل ماعرف اتزكرت مقطع مكسور الطريف كسر قلوب الرجاااال ومن قولة هااااااا البيت بلاشغلة بغشي انت عارف علي بالايمان ديل كان وقفن في شوارعنا سكااات يوقفن كل شئ حتي ساعة المجلس البلدي والقادمين علي بوابة عبد القيوم والبارح في المنام جاني غزال الشام الاضافة جميلة بكل ما سطرت هناا ونا اكد لك كل من مرة من هناااا قال في سره يااصدقاءنا خلف الباب في اي عصر نحن واحدة علقت قالت ياحلييلنا نحنا وكتيرين سافرت احلامهم مع ناس قيس وليلي العامرية ياخالق الوجودانا قلبي كاتم سرو ومالقيت من ادرك المعني بيهوابرو منصح قصبة الوادي المخدر درو قعدة قلبي تطويهووكل ساعة تفرو تحياتي لزوار البوست الكرام وتقبلو مروي |
سلام يا هندسة وشوق البوح كثيف والمسدار باليستيكي! أرهبتنا بـ "كاتم صوت" الحردلو!
منصح قصبة الوادي المخـدِّر دِرُّو
محبتي
| |
|
|
|
|
|
|
Re: ملكة جمال العالم( صور وحوارات). (Re: الفاتح ميرغني)
|
Quote: أخى الفاتح معذرة للغياب القسرى والذى اضر بذاكرة الجمال عندى وأخل بالتوازن والاخوان عبدالعزيز وباسط مابقصرو. تابعت باندهاش تام صور البوست الاخيرة وماعارف اقول شنو ..خلينى اصنقر شوية وأجر نفس وارجع ليك
سماحة البنات ديل ذكرتنى اغنية اندرية الكردفانية الاصل التى تغنيها الرائعة نانسى عجاج " كان مابنخاف كلام الناس برحل معاك خماس "
لاحول ولاقوة |
سلام يا لورد سائلين عنك ويوماتي رحيل لمواني المدن النفطية! بالمناسبة أندرية دي من أجمل التراثيات الكردفانية، وأداء الفنانة نانسي عجاج أضفى عليها حنين وشجن، والأستاذ الموثق شوقي بدري كتب عنها مقالا أشبه بالموشحات. وعدت صديقنا البحيراوي في " بوست العصاري" إني أجيهو في نقطة الدونكي لانه حقيقة لاحظت إنو أدب البوادي يتميز بشفافية عالية في البوح "الرومانسي" مع عدم كسر "التابوهات" زي المقطع الذكرتو فوق( لو ما كلام الناس.. برحل معاك خماس)" ريدة شديدة".!
كان ما الصبر تكليف !!
محبتي
| |
|
|
|
|
|
|
Re: ملكة جمال العالم( صور وحوارات). (Re: انس التوم احمد)
|
Quote: العزيز الرائع الفاتح ميرغني
متعك الله بالصحة والعافية
ومزيد من الابداع الفني |
سلام يا أنس. مشكور يا حبيبنا على صادق الأمنيات. تحياتي لشباب كوريا المدهشة. بعدين العمدة ده قول ليهو: أظهر امام عيوني وما تبقى متواري!
محبتي
| |
|
|
|
|
|
|
Re: ملكة جمال العالم( صور وحوارات). (Re: باسط المكي)
|
Quote: يا عزيزي الفاتح
بالله لو سمحت طوّل لينا عمره البوست... التاج ما ممكن يتخت الا في الربع القادم ده لو قدرنا نتجاوز محطاتنا المصلوبة في صرح اللوبيز!! مودتي |
سلام يا بوعزيزي أحد معجبيها طالب بإضافتها إلى عجائب الدنيا السبع لتصبح الأعجوبة الثامنة! شكلها كده اصبحت علامة فارقة في سحر وجمال الافارقة( لووول). ما عارفين نتجاوزها كيف غايتو:
" الشبكنا يخلصنا"!! محبتي
| |
|
|
|
|
|
|
Re: ملكة جمال العالم( صور وحوارات). (Re: الفاتح ميرغني)
|
Quote: عزيزي ود ميرغني
ياخي القطار فاتني في محطة لوبيز!! بعد ده النيران الصديقة وجبت... أها انتو وصلتوا وين؟!!!!! |
ما مشينا بعيد يا بوعزيزي. لا زلنا في يوكوهاما، ولكننا على وشك الإبحار لموانئ بعيدة ومنسية! هروبا من الزمن اليباب
ملكة جمال بوليفيا، أنجيلكا اولفاريا في ميناء يوكوهاما.
محبتي
| |
|
|
|
|
|
|
Re: ملكة جمال العالم( صور وحوارات). (Re: Yahia Abd El Kareem)
|
Quote: يافاتح يافنان
غايته ماعارفين سايقنا لى وين بس انحنا وراك وين مامشيت
وصحى اخوانا ناس شيقوق يجو يشفو " قصبة مدالق السيل " الغنا ليها الحاردلو |
سلام يا لورد. انا ذاتي معاكم في " تايتانك" بن يامن! ينتابني إحساس للمواصلة في الإبحار برغم هوج الرياح ، عشان يمكن نشوف " الشمس اللي حتطلع "، على حد تبشير مارسيل خليفة ونردد مع عصفورة الجنة، Celine Dion " برغم القنابل التي تتساقط على القبل الاربع" فالحب لا زال موجودا" (L' amour exsite' encore ).
محبتي
| |
|
|
|
|
|
|
Re: ملكة جمال العالم( صور وحوارات). (Re: الفاتح ميرغني)
|
الشركات والجهات الداعمة للفعالية، ومن ضمنها وزارة الاراضي والبنية التحتية والنقل والسياحة وحكومة مقاطعة يوكوهاما وبعض السفارات وعددا من وسائل الإعلام، ومن بينها صحيفة ديلي ماينيشي إلى جانب بيوتات الازياء والموضة والجماليات كشركة Shape Up المحدودة، صاحبة الحقوق الحصرية لمنتج ملكة جمال باريس، وشركة جورجيو ارماني، وشركة برادا إضافة إلى العديد من الشركات والمؤسسات اليابانية.
| |
|
|
|
|
|
|
Re: ملكة جمال العالم( صور وحوارات). (Re: Abdlaziz Eisa)
|
Quote: المشاغل والمشاكل الحياتية حرمتنا من التامل في الجمال وتلاقح الحضارات والتباين في الثقافات الانسانية من كل نواحي الدنيا شكرا لصاحب البوست وقراءه وزواره الكرام شكرا يا الفاتح |
سلام يا هندسة ياخ تعبير تلاقح الحضارات والتباين في الثقافات ده اكثر عمقا وآدمية من " صدام الحضارات". الغريبة إنو صاحب الأطروحة ( هنتينغتون) نفسه تشكك في إمكانية حدوث الصدام وفقا للسيناريو الذي تصوره هو! " Love is such a beautiful thing"
محبتي
| |
|
|
|
|
|
|
Re: ملكة جمال العالم( صور وحوارات). (Re: اساسي)
|
Quote: عزيزي الفاتح
سلامات
في محراب الجمال يعتاد الانسان التسكع.. |
تسكع يا بوعزيزي فإن في الوقت متسع وفي الوجدان متسع وفي البوح ايضا متسع لا يحده إلا وجود علامة قف.
بجيك راجع في العبارة المفتاحية دي.
محبتي
| |
|
|
|
|
|
|
Re: ملكة جمال العالم( صور وحوارات). (Re: الفاتح ميرغني)
|
Quote: تسكع يا بوعزيزي فإن في الوقت متسع وفي الوجدان متسع وفي البوح ايضا متسع لا يحده إلا وجود علامة قف.
بجيك راجع في العبارة المفتاحية دي.
|
يا ود ميرغني..
بالله الوقفة دي جات من وراء قدلة.. ونسميها سكيعة.. ونحن نتسكع..
قالوا الديس في أديس..!!
| |
|
|
|
|
|
|
Re: ملكة جمال العالم( صور وحوارات). (Re: الفاتح ميرغني)
|
Quote: ياخ مشتاقين يا الفاتح
وانا اقول الزول غاطس ما داير يمرق لي برة ماله ههههههه
قالوا ست الشي زاتا هي العارضة الايرانية Mahlagha Jaberi الجاب عزيز سيرتها في الصفحة السادسة امكن
اسطورة الجمال او نحو ذلك ^_^ |
سلام يا اساسي ووحشة ياخ لكن لقيتك ختري شديد وأنااقول ياربي صفحة 6 مالها تقيلة كده؟ أتاري أنت بهناك حاتل تتأمل ووتتفرس؟. النصيحة لله "مهلقا جابري" دي نجًاضة ومتعوب فيها زي السجاد بتاع اهلها. وبعدين أهل فارس ديل أصلهم من زمان عندهم علاقة غريبة بالنار والحاجات الحارة.
"مهلكة" جابري.
محبتي
| |
|
|
|
|
|
|
Re: ملكة جمــــــــــــــال العالم( صور وحوارات). (Re: الفاتح ميرغني)
|
متنافستان في فعالية ملكة جمال اليابان مع ملكتي جمال لبنان والولايات المتحدة خلال حفل الإستقبال. تجدر الإشارة إلى أن رابطة الثقافة العالمية وهي الجهة المناط بها تنظيم "مسابقة ملكة جمال العالم" تقيم حفلتين خلال الفعالية: حفل الإستقبال لجميع المتنافسات(وهو حفل تعارف ) وحفل إستقبال بإسم الملكة( إحتفاءا بالتتويج)._
.
| |
|
|
|
|
|
|
Re: ملكة جمــــــــــــــال العالم( صور وحوارات). (Re: الفاتح ميرغني)
|
Quote: الصديق الجميل الفاتح ميرغنى
المتداخلون من عشاق الجمال
عودا حميدا ياتوحة ....يلا واصل فى رحلة الاندهاش |
أستاذنا اللورد يحي. تحياتي وأشواقي. ما عارف ليه، على سيرة الدهشة دي، تذكرت فريق المحامين والقضاة والايام الجميلة ودهشة ( The reasonable man)
هسع يا لورد الـ " Reasonable man" لو ما فغر فاهه دهشة باقي ليك في حاجة تاني حتدهشو؟
| |
|
|
|
|
|
|
Re: ملكة جمــــــــــــــال العالم( صور وحوارات). (Re: الفاتح ميرغني)
|
تتويج صاحبة الجلالة
تاج صاحبة الجلالة. صممته مؤسسة ميكي موتو العريقة للمجهوهرات، وهي مؤسسة أسسها كيكوشي ميكي موتو الذي نجح في القرن التاسع عشروبدايات القرن العشرين وبعد جهود مضنية إمتدت لأكثر من عشرة أعوام، في إستحداث تكنيك يسمح بتربية اللؤلؤ في مزارع خاصة، لا تكلف الباحثين عن الثراء الغوص في غياهب البحار بحثا عنه.وبرغم أن الإكتشاف قد ساهم في زيادة المعروض من هذه السلعة النفيسة، إلا انه ايضا فاقم من الاوضاع الإقتصادية الصعبة التي كانت تعيشها بعض الدول – الكويت والبحرين - والتي كانت تعتبر هذا النشاط البحري أحد أهم مصادر دخلها. وعندما سئل عن سبب إصرارة الدؤوب على الإستمرار في المحاولة والتجريب قال قولته المشهورة :" اريد أن أزُين جيد كل النساء باللؤلؤ المنثور". بحسب النبذة التي اوردتها مجلة Miss International في إصدارتها الخاصة بالفعالية، أن تصميم التاج الذي تبلغ قيمته 250,000 دولار امريكي، قد إستغرق ثلاثة أشهر وتم تزيينه بـ 386,81 جرام من الذهب عيار 18، وتطعيمه بـ 454 حبة لؤلؤ من الحجم الكبير والصغير بجانب 25,16 قيراط من التوباز الأزرق وزمردة بوزن 0,7 قيراط . يقول الفريق الذي أشرف على التصميم :أنهم إستوحوا في التصميم عناد طائر الفينيق الاسطوري، وقوة وقع الجمال على الوجدان.( في معالق الجوف موسو مجلوخة!)
| |
|
|
|
|
|
|
Re: ملكة جمــــــــــــــال العالم( صور وحوارات). (Re: الفاتح ميرغني)
|
ضمت طاولة ضيفات الشرف كل من:مدام ديفي سوكارنو، حرم الرئيس الأندونيسي الراحل أحمد سوكارنو بوتري، والسيدة/ أكيمي شيمومورا، رئيسة شركةShape Up المحدودة، والسيدة آكي آبي، حرم رئيس الوزراء شينزو آبي، والسيدة/هيساكو يامانو رئيسة شركةBeauty Top Yamano المحدودة، والسيدة هيروكو كومون، أستاذة علم الجماليات وملكة جمال العالم 1967.
| |
|
|
|
|
|
|
|