|
Re: ملكة جمال العالم( صور وحوارات). (Re: الفاتح ميرغني)
|
العزيز الفاتح تحياتي الهاتنات كل عام وأنت بخير في هذا العام الجديد الذي نرجو أن يكون عام خير وبركة وعام نجاح وسؤدد عليك وعلى جميع الذين تداخلوا في هذا البوست والذين هم خلف الشاشات قراء ومتابعين لما تكتب بشغف وحب كبير. وتحية جميلة كما البوست نرسلها معبقة لتعانق الجمال الخالد في نفسك. وقبل أن نغادر نتمنى أن نحقق معك ما تمنته الشاعرة المرهفة أسماء الجنيد
وكل عام وأنت والجميع بخير.
| |
|
|
|
|
|
|
Re: ملكة جمال العالم( صور وحوارات). (Re: الفاتح ميرغني)
|
Quote: الارمن عذاااااااااااااااااااب عديل كدا جمال مبالغة |
في بنات كده يا باسط تعاين ليهن تشعر بخدر تام لدرجة ممكن تعمل عملية قلب مفتوح بدون حاجة لبنج أو فني تخدير.وديل طبعا النوع البيخلي العذاب بردا وسلاما!. "عذب فيني بالغ وزد منه الكتير".هسع في زول بيصل الوضع ده لو ما في حالة بنج كامل؟
محبتي
| |
|
|
|
|
|
|
Re: ملكة جمال العالم( صور وحوارات). (Re: باسط المكي)
|
Quote: الفاتح
البوست ده يا سيدي أنا قاعد أتجنبو خير شر؛ وإنت سادر في عظمتك وفي بهاك
وكان تعب منك جناح في السرعة زيد
فأنت لا تري إلا مكامن الجمال كعهدي بك .. دائماً ما تأتينا أنيقاً مهندما وهذا السر المطلسم في أعماقنا إن كتمناه لفضحتهُ النقرات التي تقدِل في مواضيعك الشيقة .
أما بعد
فهو الحب وحده والجمال من جعلني أتحاشي العبور بهذه المنطقة الموبوءة بالسماحة . وقل لي لماذا !
فأنت لا تعلم أنني من أصحاب القلوب الرهيفة الذين يجب أن يمتنعون من ولوج البكانات الفرايحي حسب صديقتي الشايقية وزميلة المنبر ست البنات .
لا أجد سبباً واحداً يجعلني أتجاسر علي دخول هذه البقعة الطيبة .
وبناءاً عليه فعلتُ ما فعلت
المهم
غايتو الله يديك العافية دنيا وآخرة
إنت زول سمح وزايد سماح
شكرن كتيرن ! |
حبيبنا الاولاني. تحياتي الصوادح وشكري العميق على مرورك الأنيق والثناء الجزل على البوست وصالح الدعاء. بالجد عجبني تعبير " البكانات الفرايحي" بأكسنت اهلنا الشاقية اوسكار عديل كده.كان عندي صاحب في الجامعة في الزمن السمح بيقول لي الشايقية والأيرلنديين هم الوحيدين البكسروا الكلام وبيجًروه( بيموسقوه) وكان يقول لي ضاحكا ( We are the Irish of Sudan) ‘ طبعا لو قال لي ( We are the world ) ذاتو بصدقو عشان هم ناس بالجد حنينين. "أنا بيك سعادتي مؤكدة". محبتي
| |
|
|
|
|
|
|
Re: ملكة جمال العالم( صور وحوارات). (Re: الفاتح ميرغني)
|
Quote: لصديقٍ لي أبتلاه الله بحب الحسان وحور الجنان؛ تقنية غريبة يجابه بها أهوال هذه الفتنة فقد كان يطلق سيقانه للريح ما أن يشاهد أحداهن من ذواتِ الجسم والإسم والوش المبتسم؛ لذا يجب أن لا تندهش عندما قلت لك أنني فررت من هذا البوست . ليس هذا فحسب؛ فقد كانت لديه " لازمة " يرددها قبل أن يمعن في الهرب؛ كان يقول موجهاً همهمة سرية للفتاة؛ لن تسمعها بطبيعة الحال " الله يازاكي ويازا يومك " .
فدعوتي عليك بالأذي؛ لن تجد من الله أذناً صاغية؛ فقد حجبناك مسبقاً من عين الحسود ومن عين الفتا أم شراً واطـة .
والآن سأطلق سيقاني للريح وأستريح .
الله يازاك ويازا يومك |
لووووووول يا حبيبنا تصدق حتة الجري دي حاجة عجيبة كلو كلو . لانو عندي صاحبي، والله العظيم، كان بيجري لمن يشوف البنت البيحبها ويدخل أول بيت في الحلة! كنت قايل الظاهرة دي عندنا أنحنا بس. لكن لقيتا شبه عالمية. في كتاب( Flowers for Mrs. Harris) المسيو أندرو فيفل محاسب الكريستيان ديور كان بحب عارضة إسمها ناتاشا، وما قادر يقول ليها" بحبك". يوم لاقاها بالصدفة في صالة العرض وجها لوجه. أنقر الزول ده ما إتبشتن بشتنة السنين وشتت الاوراق الشايلا وقام جاري لبد في اقرب مكتب. ليوم الليلة في اوفرتايم ما لاقين اوراقو!. رهاب الحب يا حبيب الله يازاه! " إحنا بنخاف من عيونك ..وإنت خافي من السمستر وقارنوا بين الخوفة يا ناس.. ياتو فينا الخايف اكتر؟" محبتي
| |
|
|
|
|
|
|
Re: ملكة جمال العالم( صور وحوارات). (Re: الفاتح ميرغني)
|
Quote: Quote: لصديقٍ لي أبتلاه الله بحب الحسان وحور الجنان؛ تقنية غريبة يجابه بها أهوال هذه الفتنة فقد كان يطلق سيقانه للريح ما أن يشاهد أحداهن من ذواتِ الجسم والإسم والوش المبتسم؛ لذا يجب أن لا تندهش عندما قلت لك أنني فررت من هذا البوست . ليس هذا فحسب؛ فقد كانت لديه " لازمة " يرددها قبل أن يمعن في الهرب؛ كان يقول موجهاً همهمة سرية للفتاة؛ لن تسمعها بطبيعة الحال " الله يازاكي ويازا يومك " . فدعوتي عليك بالأذي؛ لن تجد من الله أذناً صاغية؛ فقد حجبناك مسبقاً من عين الحسود ومن عين الفتا أم شراً واطـة . والآن سأطلق سيقاني للريح وأستريح . الله يازاك ويازا يومك |
Quote: لووووووول يا حبيبنا تصدق حتة الجري دي حاجة عجيبة كلو كلو . لانو عندي صاحبي، والله العظيم، كان بيجري لمن يشوف البنت البيحبها ويدخل أول بيت في الحلة! كنت قايل الظاهرة دي عندنا أنحنا بس. لكن لقيتا شبه عالمية. في كتاب( Flowers for Mrs. Harris) المسيو أندرو فيفل محاسب الكريستيان ديور كان بحب عارضة إسمها ناتاشا، وما قادر يقول ليها" بحبك". يوم لاقاها بالصدفة في صالة العرض وجها لوجه. أنقر الزول ده ما إتبشتن بشتنة السنين وشتت الاوراق الشايلا وقام جاري لبد في اقرب مكتب. ليوم الليلة في اوفرتايم ما لاقين اوراقو!. رهاب الحب يا حبيب الله يازاه! " إحنا بنخاف من عيونك ..وإنت خافي من السمستر وقارنوا بين الخوفة يا ناس.. ياتو فينا الخايف اكتر؟" محبتي |
العزيز الفاتح الله انطيك العافية والله ضحكت في المكتب لما الناس افترجوا فيني يا خي انت وصاحبك الفوق دا قاعدين تكتبوا وإبليس بملي فيكم وأنا اتخيل لي كان هو قاعد ماسك القلم وبكتب. ..... الجمال قيمة مطلقة وجامعة كما الفن والموسيقى واصل في التألق واعرف أن هناك عدد كبير من الناس لا يتداخلون ولكن يقرأون ما تكتب بشغف وحب واهتمام. دوما فضل الله خاطر
| |
|
|
|
|
|
|
Re: ملكة جمال العالم( صور وحوارات). (Re: الفاتح ميرغني)
|
Quote: العزيز الرائع الفاتح ميرغني
كل سنة وانت بالف خير
انت عارف يا الفاتح الكلام ده مفروض يكون وثيقة تعويض للارمن الماتوا في الحرب |
تعويضات شنو يا أنس الداير تجيب لي بيها الهوا دي وأنت عينك لتركيا وفرنسا خاتينوا قرض بسبب ناس فلانة دي؟
Quote: بعدين يا الفاتح البت دي الزول لمن يتمعن فيها بجيوه طشاش عديل كده |
عشان كده ناس عبدالرحمن الريح قالوا:
"كل من يعشق المحاسن قلً أن يوجد السلامة"( Angélica Olavarría ملكة جمال بوليفيا). أنس التوم اقع المكمًدات والعشر المنجيات.! أبقى طيب، ابوى انا.
محبتي لشباب كوريا.
| |
|
|
|
|
|
|
Re: ملكة جمال العالم( صور وحوارات). (Re: الفاتح ميرغني)
|
Quote: الاستاذ الفاتح ميرغني
بلد الجمال وانت الجميل البوست دا كان وين؟؟؟؟
مودتى لك و للمتداخلين |
مازن يا غايب عن العين. يعلم الله مشتاقين كتير. بلدكم دي اليومين جليدا في السما. ربنا يحفظك والأسرة الكريمة من كل شر.
محبتي.
| |
|
|
|
|
|
|
Re: ملكة جمال العالم( صور وحوارات). (Re: الفاتح ميرغني)
|
يقال بأن كلمة " مسو" التي وردت في رائعة سيد عبدالعزيز" مسو نوركم" كلمة تركية تعني" إطفو نوركم"وقد شاع إستعمالها إبان الحكم التركي عندما كنا من رعايا السلطان عبدالحميد الثاني وقبل أن ننتقل لنصبح من رعايا فؤاد الاول.
| |
|
|
|
|
|
|
Re: ملكة جمال العالم( صور وحوارات). (Re: الفاتح ميرغني)
|
Quote: دكتور حميد
النزلتو دا إنس ولا جنس؟ |
"هل حورأم أنسان أم شيء خيالي؟ وفضلت أترقب برقو الموالي وأمتع النظرات في كل غالي يا الرموش العكسن اعتدالي ويا ناس أجيبوني عن سؤالي" يا دكتور حمدي ما تعمل غمران وجاوب على سعادة المستشار شيقا، قبل ما يلحق الزينين!.
محبتي
| |
|
|
|
|
|
|
Re: ملكة جمال العالم( صور وحوارات). (Re: الفاتح ميرغني)
|
Priscila Perales ملكة جمال المكسيك(مذيعة تلفزيونية/24 سنة - 176 سم/ تهوى الطبخ والرقص ). قالت: في حال أن فازت باللقب، فإنها سوف تسعى للإستفادة من خلفيتها الإعلامية لتوصيل العديد من الرسائل حول المشكلات التي يواجهها العالم، ومن بينها:مشكلة الفقر وحقوق الطفل. -- طبعا إذا طبخت، فبالتأكيد أن ذلك سوف يكون العشاء الأخير!
| |
|
|
|
|
|
|
Re: ملكة جمال العالم( صور وحوارات). (Re: الفاتح ميرغني)
|
كانت سريلانكا تُعرف في سالف العصر والآوان بـ " جزيرة سرنديب" وقد نُفي إليها الزعيم المصري أحمد عرابي والشاعر المخضرم محمود سامي البارودي. وقد يختارها البعض كمنفى إختياري( Self-imposed exile) بسبب طبيعتها الساحرة والسحًارة!
| |
|
|
|
|
|
|
Re: ملكة جمال العالم( صور وحوارات). (Re: الفاتح ميرغني)
|
Paula Quiroga ملكة جمال الارجنتين( طالبة وموديل/21 سنة -173سم/تهوى كرة القدم والغناء). قالت أن كوكب الارض يتعرض لهزات وكوارث فادحة تستوجب من الجميع أن يهبوا ويتكاتفوا من أجل التصدي لها حتى نحافظ عليه من أجل الأجيال القادمة. -- البت دي تشعر إنو الثقة والوقفة بتاعتها زي وقفة ميسي قبل ما يلعب ضربة جزاء. يمكن مجرد تشابه ويمكن عشان هي برضو من الارجنتين. والخواجات عندهم مثل بقول " Blood will tell " أو زي ما قالن حبوباتنا " الدم بنشم". والله صحي.
| |
|
|
|
|
|
|
Re: ملكة جمال العالم( صور وحوارات). (Re: الفاتح ميرغني)
|
ٍ Stephanie Arauz ملكة جمال بنما( طالبة/ 21 سنة - 170 سم/ تهوى السينما والموسيقى والقراءة). قالت كثيرا ما زارت المستشفيات حيث راعها منظر الأطفال من ضحايا الأيدز ( The Acquired Immune Defficiency Syndrome) لذا ففي حال فوزها باللقب، فإنها سوف تعمل بكل ما تستطيع للتوعية بمخاطر هذا الداء العضال، خاصة في اوساط الشباب.
| |
|
|
|
|
|
|
Re: ملكة جمال العالم( صور وحوارات). (Re: الفاتح ميرغني)
|
Quote: الفاتح ميرغني جزاك الله جمالا ياخ..
أولا أطالب بعدم أرشفة هذا البويت ونقله للربع الجديد إن شاء الله
العسل .. بلم النحل..
شايف كل ناس النخجي اتلموا و كذلك الأوغاد.. ومن لا اسميهم
شاكلة ود الموج و ود الصايم و حبيب نورا و ود جبريل
كدي النخم نفسي وأجيك راجع تاني وفاقد حسن... الزول دا كلموه |
أشرف السر همس الشوق. أرشفة شنو ياخ إنت عاوز بكري يرفدني ولا شنو؟ بعدين الأحباب ناس ود الموج وود الصايم وود جبريل وحبيب السمحة وسمرية، شدة ما نخجوا بقى عليهم المثل بتاع: أهل البكا إتصبروا والمعزين كفروا( لووول).Quote: وودوني تشيلي انا... (177سم) الزراف ال |
النبي كان مشيت تجيب لي معاك شطة!.
محبتي
| |
|
|
|
|
|
|
Re: ملكة جمال العالم( صور وحوارات). (Re: الفاتح ميرغني)
|
خلال مسابقة الزي الوطني، حيث أعربت في كلمتها عن تطلعها لتعزيز العلاقات بين الشعوب وإتاحة التعليم لأكبر عدد ممكن من أطفال العالم، ذلك أن التعليم هو الآلية الوحيدة الكفيلة بحل مشاكل العالم بما في ذلك مشكلة الفقر.
| |
|
|
|
|
|
|
Re: ملكة جمال العالم( صور وحوارات). (Re: الفاتح ميرغني)
|
Quote: الفاتح بالله عليك رفقا بأصحاب القلوب الرهيفة . يوم بوستيك ده بدخل ليهو زول غرفة الأنعاش . |
غرفة إنعاش؟ يا دكتور حمدي في بنات كده ممكن يودو الزول المقابر Direct flight ونفس البنات ديل ممكن يكون فيهن شفاء للناس! شفت التوازن الإيكولوجي ده كيف!!
دويتو بين ملكتي جمال كندا والبرازيل
| |
|
|
|
|
|
|
Re: ملكة جمال العالم( صور وحوارات). (Re: الفاتح ميرغني)
|
ياصاحب البوست الرائع
ظللنا مبهورين بالجميلات ولازلنا .....بالله شوف الافكار والهوايات والامنيات الراقية المصاحبة لهؤلاء الحسناوات يعنى جمال بدن وروح
لابد ان نتيقن تماما ان الخالق البديع قد اراد من وراء ذلك حكما عديدة ولنا ان نتفكر فى الجمال بكل تفاصيله ونسبح الله ونمجد الصنعة
فهى تتجلى فى الانسان والطبيعة واذا الهمنا الله نعمة التأمل والنظر الى الجمال بروية وتمعن فتلك هبة نحمده عليها لان ذلك يريح النفس
ويسعد الروح المعنى
سنظل مرابطين نحدق فى الجمال نتامل ونسبح لله ... متعك الله صديقى الفاتح بنعمه وعافيته
| |
|
|
|
|
|
|
Re: ملكة جمال العالم( صور وحوارات). (Re: الفاتح ميرغني)
|
Chompoonek Badinworwat ملكة جمال تايلاند(طالبة/ 22 سنة-174سم/تهوى الإنترنت والرياضة ). قالت أنها سوف تكافح التلوث وإنبعاثات الغازات وأنها سوف تصبح سفيرة للبيئة في حال أن حازت اللقب.وتتمنى من أي شخص أن يعامل أي مكان بمثابة منزله.
| |
|
|
|
|
|
|
Re: ملكة جمال العالم( صور وحوارات). (Re: الفاتح ميرغني)
|
Quote: تحية تتجدد مع نهاية عام وقدوم عام جديد عليك اخي الوريف الفاتح يا من لونت سماواتنا بالجمال والفرح والسعادة ربي يلون حياتك بكل جميل وعام 2012 عام سعيد عليك يااااا رب يملاك عافية وسعادة كما تشتهي واهم شيء تودع حياة العزوبية ياخ وقيدومة فال سمح عليك يا زول حنين عليك الإختيار والحنة علي والله صحي
تحية ليك ولكل زوارك الحلوين وعام سعيد على الجميع |
أختي العزيزة وشاعرتنا الشفيفة، سوماالجنيد. مشكورة يا ستي على الكلام الملان محنة والأمنيات الغوالي. لو ما اليابانيين ديل بيتبعوا Zero-tolerance policy مع السلاح،كان الواحد إشترى ليهو مسدس وفك كم طلقة في الهواء فرحة وإبتهاج. تحياتي للأسرة الكريمة.
محبتي
| |
|
|
|
|
|
|
Re: ملكة جمال العالم( صور وحوارات). (Re: الفاتح ميرغني)
|
Quote: العزيز الفاتح تحياتي الهاتنات كل عام وأنت بخير في هذا العام الجديد الذي نرجو أن يكون عام خير وبركة وعام نجاح وسؤدد عليك وعلى جميع الذين تداخلوا في هذا البوست والذين هم خلف الشاشات قراء ومتابعين لما تكتب بشغف وحب كبير. وتحية جميلة كما البوست نرسلها معبقة لتعانق الجمال الخالد في نفسك. وقبل أن نغادر نتمنى أن نحقق معك ما تمنته الشاعرة المرهفة أسماء الجنيد
وكل عام وأنت والجميع بخير. |
حبيبنا وأديبنا، فضل الله خاطر مشكور يا سيدي، على الأماني السندسية. يا ركًازة المسنود.
محبتي
| |
|
|
|
|
|
|
Re: ملكة جمال العالم( صور وحوارات). (Re: الفاتح ميرغني)
|
Quote: الفاتح ...
والله ما أجمل منهنّ ... إلا ما خطّ يراعك ...
وتحياتى ... |
مساء الخير يا الأمير عثمان. مشكور يا سيدي على الكلام البطيب الخاطر في زمن الإنكسار والإنحسار والإنسحاب. بالمناسبة عجبتني صورة البروفايل وكأنك في رحلة بين طيات السحاب. تتعلى وما تدلى ياخ، قول آمين.
بنات جيرانكم أو اخواتكم بالجغرافيا.
محبتي -- حقوق الصورة محفوظة لرئيس لجنة التحكيم الاخ محمد جعفر.
| |
|
|
|
|
|
|
Re: ملكة جمال العالم( صور وحوارات). (Re: الفاتح ميرغني)
|
قالت" إذا ما حظيت بلقب ملكة جمال العالم، فإنني سوف استغل تلك السانحة كمنصة إنطلاق لنشر الوعي حول القضايا الملحة الراهنة التي يوجهها مجتمعنا الإنساني، مثل قضايا إنبعاثات الكربون والإحتباس الحراري وأزمة الديون والمساعدات للدول النامية".
| |
|
|
|
|
|
|
Re: ملكة جمال العالم( صور وحوارات). (Re: الفاتح ميرغني)
|
Quote: ياصاحب البوست الرائع
ظللنا مبهورين بالجميلات ولازلنا .....بالله شوف الافكار والهوايات والامنيات الراقية المصاحبة لهؤلاء الحسناوات يعنى جمال بدن وروح
لابد ان نتيقن تماما ان الخالق البديع قد اراد من وراء ذلك حكما عديدة ولنا ان نتفكر فى الجمال بكل تفاصيله ونسبح الله ونمجد الصنعة
فهى تتجلى فى الانسان والطبيعة واذا الهمنا الله نعمة التأمل والنظر الى الجمال بروية وتمعن فتلك هبة نحمده عليها لان ذلك يريح النفس
ويسعد الروح المعنى سنظل مرابطين نحدق فى الجمال نتامل ونسبح لله ... متعك الله صديقى الفاتح بنعمه وعافيته |
أخي واستاذي اللورد يحي مشكور ياسيدي على المرور وتدثير البوست بهذه الكلمات المثيرة للتأمل في النعم الربانية. "تُخفي عن الناس سنَا طلعتك وكلُّ مافي الكون مِن صنعتك فأنتَ مجلاهُ وأنتَ الَّذي تَرى بديع الصُنع في آيتك" " عمر الخيام"
"تجد الأزاهر حفتك"
| |
|
|
|
|
|
|
Re: ملكة جمال العالم( صور وحوارات). (Re: الفاتح ميرغني)
|
Quote: سلامات يا عزيزي طبعاً شايفك من البوست ده بداء ما جبت سيرة عن اهلنا الكوريين |
سلام يا انس. ياخ ملكة جمال كوريا نزلناهاوأطلقنا عليها " الفراشة". ماشاء الله عيني باردة بنيتكم سميحة وفستانا أنيق شديد والمكياج خفيف ومتناسق! بمناسبة المكياج دي طبعا عرفت إنو بلدكم من الدول المتصدرة في صناعة المكياج وأدوات الجمال. وكل ما اجي مسافر كوريا زميلاتي بيوصني اجيب ليهن مكياج.شيء آي شدو وشيء جل للرموش وبودرة مضغوطة وكريم مثبت للظل فوق العيون!. ياخي انا قربت ابقى تاجر شنطة او بتاع كوافير( لووووول).
كام ساميدا شديد ياخ.
محبتي
| |
|
|
|
|
|
|
|