بحري طراوة... ويا ناس بحري .. قالوا بتحبوا يلا حبونا..

Quote: سارة جاد الله جبارة.. سودانية متعددة المواهب.. أكدت عبارة «ابن الوز عوام».. فوالدها الراحل جاد الله جبارة أيضا كان رجلاً متعدد المواهب، فهو أول مصور سودانى وثق لحظة الاستقلال، وانتج اول فيديو كليب على مستوى افريقيا والوطن العربى.. ولعب كرة القدم ودرب الحارس سبت دودو.. ومارس السباحة والملاكمة.. وعمل ضابطا بسلاح الاشارة ومراسلا لـ «بى. بى. سى.» و«رويترز».. وكان مؤلفا وممثلا ومخرجا وفى رصيده أكثر من «31» فيلما روائيا ووثائقيا.. ابرزها «بركة الشيخ» و«تاجوج وإخراج فيلم «البؤساء».. وأوصى ابنته بأن يكون لها قصب السبق دائما فى كل المجالات بأى امكانيات متاحة، فكانت سبَّاحة من أوائل السباحات السودانيات اللائي حصلن على ميداليات ذهبية من خارج السودان.. ودرست الدراما وعملت فى مجال المونتاج والإخراج.. وعملت مع والدها مساعدة مخرج فى فيلم «البؤساء».. التقينا بها أمس بمسبح نادى الضباط.. وسألناها عن الرياضة والفنون والحاجات التانية وكانت هذه الونسة: السلام عليكم أستاذة سارة، كيف الحال، وين مختفية كده؟ - تمام الحمد لله، بس مع الجري وفي الصيف ده ظاهرة في مجال السباحة شغالة امكن في كل أحواض السباحة الموجودة في الخرطوم وبتابع تجربتي الجديدة «الرياضة المائية». # رياضة مائية؟ - هو مشروع يهدف لجذب الشابات «الممتلئات» والامهات «البدينات» الراغبات في التإنسان رخيص وانقاص الوزن، وحققت التجربة نتائج ايجابية كبيرة ووجدت قبولا وبديتها اول مرة في النادي الالماني ونقلتها حالياً لنادي الضباط. # وإنت رائدة في مجال السباحة لسه ما عملت ليك حوض خاص؟ - أخيراً عملت حوض صغير في اتحاد التجديف ممكن تقول عليه حوض شعبي. # شعبي كيف يعني؟ - حوض قريب من عامة الناس حسب امكانياتي وامكانياتهم، مصنوع من الحديد والشبك داخل مجرى النيل. # بس ده ممكن يعرض حياة السباح أو السباحة للخطر؟ - لا أبداً مجهز بكل إجراءات السلامة فيه «حدوّد» معين حوالي متر أو مترين، ممكن يعوموا فيه الاطفال والكبار، واتمنى الدولة تعمل زيو في مجرى النيل عشان تقل حالات الغرق. # آخر حالة غرق شاهدتيها متين ووين؟ - الحمد لله، ربنا حافظني ما حصل غرقت ولا شفت زول غريق. # طيب لو رجعنا وراء شوية متين اتعلمت السباحة وليه اخترت هذا المجال؟ - دخلت الموية وانا عمري سنتين، وكان السبب رغبة والدي في اني اطلع سباحة، هو طبعاً كان رياضي بحب جداً الملاكمة والسباحة، وكان بشرف على كل تماريني، ويحضر معاي كل السباقات وافراد اسرتنا كلهم في نفس المجال ده. # العلمك السباحة منو؟ - مدرب اسمو بيومي محمد سالم، وبعدو الكابتن محمد علي الشيخ الشهير ب«كرور» ده سباح قديم متميز ودرب كل الاجيال ومعظم السباحين، والابطال السودانيين مروا من تحتو، ابرزهم طبعاً ماجد طلعت فريد وفريد ممدوح وغيرهم، وطور مهاراتي وساعدني كثيرا. # كنت بتتمرني وين؟ - في البحر، ومرات في حوض دار الثقافة كان موقعه قصاد القصر الجمهوري، وحالياً ما موجود، واتمرنت في عدد من الأندية. # التمرين في البحر ده ما خوفك وبقولوا البحر غدار وبشيل عوامو؟ - لا ما خفت لانو كان عندي الرغبة ومعاي الوالد ومدرب مقتدر، والبحر انصح أي سباح جديد ما يدخله ما لم يكون جمبو مدربو. # ما اهتميتي بى كلام الناس وانت بتسبحي خاصة ان البت زمان من الصعب انها تمرق بره البيت؟ - واجهت مشاكل كثيرة واتغلبت عليها، خاصة انو انا كنت بعوم وقتها وسط الرجال. # اكيد كان عندك لقب وقتها اتعرفتي بيه؟ - كان لقبي « الشلباية». # منو أول بت دخلت مجال السباحة؟ - من اوائل السباحات سهام سمير سعد وهدى حمدي ومنى حسين كرار. # منو دفعتك في حوض السباحة؟ - منى زكي الحاج، دينا ميرغني، وسباحة هندية سودانية اسمها بشرى، وبنات السواحلي. # ابرز النتائج الأحرزتيها خارج السودان شنو؟ - سنة 1969م كانت أول مشاركة خارجية لي وسافرت نيروبي ومثلت السودان وانا لسه ناشئة، واحرزت اول شهادة دولية في سباق المسافات القصيرة، وشاركت في سباق في ايطاليا في المسافات الطويلة واحرزت مركزاً متقدماً، وشاركت في الصين في بكين واحرزت الميدالية الذهبية في سباق التتابع، وكنا اربع سباحات. منو غير سارة جاد الله؟ - آمال الشريف ومها منديل ونوال احمد المصطفى. # الكلام ده