|
Re: بحرى طراوة (Re: Emad Ahmed)
|
شكرا عمدة التوثيق واللة انا ارشحك لتكون امينأ عاما لدار الوثائق المركزية فى السودان
تخريمة لعبدالكريم وطارق اها عماد دردق ليكم الكورة عن قربيكم الراحل الشاعر الفذ الهادى ادم ..عاوزين اضافاتكم
| |
|
|
|
|
|
|
Re: بحرى طراوة (Re: معاوية محمد الحسن)
|
اخي معاوية محمد الحسن قبل ما يتحفونا بالراحل الهادي ادم دعني احكي ليكم عن سرعة الدقائق التي لم تمهلني ان نتشرف بلقاء الاستاذ طارق ميرغني (ابو الفن )
Quote: ِشرفني قبل قليل البحراويان البوردابيان الكبيران
فيصل عبد الله ووليد عبد اللطيف بعد زياره قصيره ومفاجئه
للاخ وليد لمدينة الرياض .
اتمني ان تتكرر مرات ومرات حتي نستذكر بحري ايام زمان |
وكنت حريص على لقاء هذا الانسان النظيف الشفيف الذي لاحظت وده وطيبته من خلال كتاباتة وخلال الهاتف وكان في يوم من الايام ضيف على شلة المثقفين بالشعبية قابلتة ولم يهملني الزمن لاجترار ايام جميلة وشاركنا بها الاستاذ فيصل عبد الله محمود والمستشار حسن طه عبر الهاتف الكرم ليس بجديد على ابناء بحري واستقبلنا بكل حفاوة وحب هو وزوجته الفاضلة وكم تمنيت حمل زاد سفري من كيك زوجته الفاضلة الذي لم يفارقني مزاقة الطيب ولنا لقاء ياصديقي طارق ميرغني في وقت قريب ومشكور على حسن الاستضافة
عماد عثمان احمد ياخي رايك نشنو نعمل ليناا لقاء مع البروف عبد الرحمن وتكون سهرة خميس كاربة ( ويحدثنا عن الكرة في بحري زمان ومع من كان يلعب ) لان ملاحظ البروف كان محبا لكرة القدم وله الكثير من الذكريات مع ناس بحري وتكون سهرة فنية كروية
--------------------------------- الاف التحايا شباب بحري
| |
|
|
|
|
|
|
Re: بحرى طراوة (Re: وليد عبد اللطيف)
|
Quote: شكرا عمدة التوثيق واللة انا ارشحك لتكون امينأ عاما لدار الوثائق المركزية فى السودان |
ألأخ معاوية محمد الحسن
سلامات
مشكور على الإشادة الرقيقة
وفي إنتظار عبد الكريم وطارق للإضافة
| |
|
|
|
|
|
|
Re: بحرى طراوة (Re: Emad Ahmed)
|
Quote: وكنت حريص على لقاء هذا الانسان النظيف الشفيف الذي لاحظت وده وطيبته من خلال كتاباتة وخلال الهاتف وكان في يوم من الايام ضيف على شلة المثقفين بالشعبية قابلتة ولم يهملني الزمن لاجترار ايام جميلة وشاركنا بها الاستاذ فيصل عبد الله محمود والمستشار حسن طه عبر الهاتف الكرم ليس بجديد على ابناء بحري واستقبلنا بكل حفاوة وحب هو وزوجته الفاضلة وكم تمنيت حمل زاد سفري من كيك زوجته الفاضلة الذي لم يفارقني مزاقة الطيب ولنا لقاء ياصديقي طارق ميرغني في وقت قريب ومشكور على حسن الاستضافة |
الأخ / وليد
الترحاب والحفاوة والبشاشة والكرم
والطيبة ليست بمستغربة على الأخ طارق
ميرغني فقد عهدناهـ هكذا دوما أصيل وحبوب
وأخو أخوان ,, التحية والتجلة لشخصه الكريم
ودام الود بين البحراويين .
| |
|
|
|
|
|
|
Re: بحرى طراوة (Re: Emad Ahmed)
|
Quote: عماد عثمان احمد ياخي رايك نشنو نعمل ليناا لقاء مع البروف عبد الرحمن وتكون سهرة خميس كاربة ( ويحدثنا عن الكرة في بحري زمان ومع من كان يلعب ) لان ملاحظ البروف كان محبا لكرة القدم وله الكثير من الذكريات مع ناس بحري وتكون سهرة فنية كروية |
الأخ وليد مافي أي مانع
ونحول الكرة لعالمنا البروف عبد الرحمن
وقطعا سيكون ذلك إضافة لبوست ست الهوى والطراوة ..
| |
|
|
|
|
|
|
Re: بحرى طراوة (Re: Emad Ahmed)
|
مشكورين اخوتي الاعزاء وليد وعماد
وده من ظرفكم وكرمكم
المره الجايه يا وليد حنعمل ليك كنافه
وانت راجع الطيار يشم ريحتا OK
بس انت اظهر وبان عليك الامان
| |
|
|
|
|
|
|
Re: بحرى طراوة (Re: طارق ميرغني)
|
Quote: وكنت حريص على لقاء هذا الانسان النظيف الشفيف |
شفت ...ياطارق الناس لمن تجي الرياض يكونوا حريصين على مقابلتك لكن انت لمن تجي الدوحة ماتكون حريص على مقابلة الناس
اها دى مش الفسالة ذاتها وتحياتى ليك ياوليد
| |
|
|
|
|
|
|
Re: بحرى طراوة (Re: معاوية محمد الحسن)
|
Quote: اها دى مش الفسالة ذاتها
|
اخي معاويه صباح الخير
اخي وليد قبل مجيئه عمل اعلان في البوست بحضوره
وعند حضوري اخي بدر الدين الامير عمل بوست قراه كل الناس
الظاهر عليك اليومين ديك ضارب برد ومتلحف بطاطينك "علي وزن اغنية مساجينك "
المهم معليش الجايات اكتر من الرايحات
وان شاء الله الجايه انا حاعمل بوست قبل حضوري
وين صاحبك كمال كرار؟؟؟؟؟
| |
|
|
|
|
|
|
Re: بحرى طراوة (Re: معاوية محمد الحسن)
|
Quote: : عماد عثمان احمد ياخي رايك نشنو نعمل ليناا لقاء مع البروف عبد الرحمن وتكون سهرة خميس كاربة ( ويحدثنا عن الكرة في بحري زمان ومع من كان يلعب ) لان ملاحظ البروف كان محبا لكرة القدم وله الكثير من الذكريات مع ناس بحري وتكون سهرة فنية كروية
الأخ وليد مافي أي مانع
ونحول الكرة لعالمنا البروف عبد الرحمن
وقطعا سيكون ذلك إضافة لبوست ست الهوى والطراوة .. |
طــيب
الأخــوين الـعـزيزين ولـيد وعــماد
أهــديكـما هــذ الصــورة من الزمـن الـجـمـيل لــعـوا جـيز كـرة الــقدم الســودانية أيام الـصـنداى تـيم بمـيدان كلية البوليس (كنا عادة مانتمـرن فى المـيدان الشــرقى للجامعة) أخـذت هـذه الصــورة قبل عام بالـضـبط من ســفرى إلى أمريكا.
هــل تســتطيـع الـتـعرف عـلى من بالصــورة
أغســطـس 1979
| |
|
|
|
|
|
|
Re: بحرى طراوة (Re: Emad Ahmed)
|
المــوثــق المـبدع عـماد أحــمـد
بالله ماعرفـت كباكا المـوردة والمرحوم المـدرب عبدالـفتاح حـمد وبدر الدين؟
محـمد عابدين "أورانجيـته"
وطبعا غائب أمـين زكى والكوارتى وعلى سـيد أحـمد وعـمر التوم وعدد آخــر كبـير من ناس الصنداى لأنه الـمـيدان الشرقى كان مســـقى يومـها والناس ماعـرفوا إننا مشــينا كلية البوليس.
أنا بأسـتنــجـد بالكابتن الســفير الدكتور نور الدين ســـاتى لـتذكـيرى بالبقية
ولامـن ألـقى باقى الـصـور بجـــيكم راجـع.
ســلام
| |
|
|
|
|
|
|
Re: بحرى طراوة (Re: Emad Ahmed)
|
شخصيات من بحري بدر الدين عوض – مؤسس فرقة جاز أضواء بحري
بدر الدين محمد أحمد عوض من مواليد حلة حمد في العام 1939 م ,, تلقى دراسته الأولية بمدرسة حلة حمد والمتوسطة بمدرسة العزبة ثم التحق بالمعهد الفني ( كلية الفنون ) وبعد تخرجه عمل بالسفارة الأمريكية في مجال المعارض والتصاميم . منذ صغره كان شغوفا بالرسم وبالموسيقى وتعلم العزف على آلة العود في العام 1954م على يد صديقه بدر الدين محمد حسين حتى أجاده بعده تحول إلى آلة الجيتار التي كان يجيد العزف عليها عدد من العازفين المهرة أمثال الموسيقار البروفسير الفاتح الطاهر والموسيقار الفنان عثمان المو ,, وقد تتلمذ بدر الدين على يد الموسيقار عثمان المو .
| |
|
|
|
|
|
|
Re: بحرى طراوة (Re: Emad Ahmed)
|
من خلال عمله بالسفارة الأمريكية تم ابتعاثه إلى أثيوبيا في بعثة تابعة للمركز القافي الأمريكي خاصة في مجال المعارض وفي أثيوبيا شاهد بدر الدين عوض الفرقة الأثيوبية والأداء المتطور لها خاصة في مجال الآلات النحاسية والآلات الكهربائية الحديثة مثل الجيتار والباص جيتار وما تقدمه من موسيقى حديثة ,, عاد بدر الدين بعد عام إلى السودان وقد تأثر بالفرق الغنائية الأثيوبية في أدائها المتميز ففكر في إنشاء فرقة تكون متشابهة للفرق الأثيوبية الحديثة التي شاهدها في أديس ابابا .. وعند عودته جلب معه بعض الآلات الموسيقية الحديثة مثل الجيتار الكهربائي .
| |
|
|
|
|
|
|
Re: بحرى طراوة (Re: Emad Ahmed)
|
كانت بداية الفرقة بمنزله بحلة حمد بعد أن انضم اليها صديقه حسن عثمان قيلي عازفا على آلة الأكورديون ثم الشاب تاج الدين قسم السيد والذي كان طالبا بالمدرسة الثانوية عازفا على آلة الدرمز وكان بدر الدين عازفا على آلة الجيتار الكهربائي وأمير عبد الرحمن عازفا على الترمبيت وقد كانت الفرقة تحت إشراف الموسيقار عثمان المو وبدأت الفرقة بعزف المقطوعات الموسيقية من مؤلفات غربية بالإضافة إلى الموسيقى السودانية ,, وبعدها بدأت الفرقة بتقديم الحفلات في الأفراح وبعض المناسبات التي تقام في المعاهد والجامعات وأنضم اليها بعض العازفين الجدد مثل عازف الباص جيتار محمد جبريل وعازف الساكسفون الرائع إبراهيم عثمان والراقص عثمان حسن الشهير بــ ( سمير ) .
| |
|
|
|
|
|
|
Re: بحرى طراوة (Re: Emad Ahmed)
|
وقد شكلت فرقة أضواء بحري منأفسة قوية للفرق التي كانت موجودة في الساحة الفنية خلال فترة الستينات مثل فرقة الأستاذ شرحبيل أحمد وفرقة جاز العقارب وفرقة جاز الديوم خاصة وأن الفرقة بدلأت تستقطب بعض الفنانين الشباب والذين كانوا في بداية نشاطهم الفني مثل الفنان صلاح بشير والذي بدأ مع الفرقة كعازف لآلة الدرمز وقد أكتشفه بدر الدين عوض وأطلق عليه إسم صلاح براون نسبة لادائه الشبيه باداء الفنان الأمريكي جيمس براون وقد عمل صلاح براون مع فرقة أضواء بحري لفترة من الزمان ,, كذلك الفنان محمد منصور والذي عمل مع الفلاقة كمغني وأيضا الفنان كمال كيلا والذي بدأ مشواره مع الفرقة .
| |
|
|
|
|
|
|
Re: بحرى طراوة (Re: Emad Ahmed)
|
تعتبر فرقة أضواء بحري من الفرق التي لها أعمال مسجلة بالإذاعة فسجلت أغنيات نظرة واحدة بس وإنتظار وأول مرة ,, وذكرى التي سجلتها لإذاعة ركن السودان ,, وتعاملت الفرقة مع العديد من شعراء الأغنية الحديثة مثل الشاعر المبدع تاج السر كنه والشاعر الحاج أبو الوفاء والشاعر البطحاني علي الله والشاعر بدر الدين هاشم .
| |
|
|
|
|
|
|
Re: بحرى طراوة (Re: Emad Ahmed)
|
في العام 1969 م توقف نشاط فرقة أضواء بحري لسفر بعض أعضائها خارج السودان ولكن الفنان بدر الدين واصل مشواره الفني فكانت مجموعة جديدة بإسم ( بدر باند ) تكونت من حسن عثمان – ساكسفون , عبد الله قرعم – ترمبيت , جون من الكنغو – باص جيتار , محمد السيد – درمز وأستمرت مجموعة بدر الدين تثري الساحة الفنية بالعديد من الروائع الغنائية حتى أواخر العام 1970 م بعدها توقف نشاطها .
| |
|
|
|
|
|
|
Re: بحرى طراوة (Re: Emad Ahmed)
|
Quote: وين صاحبك كمال كرار؟؟؟؟؟ |
الاخ طارق تحياتى وشكراً على التوضيح بس الدوحة مافيها بطاطين، فيهالحافات بس تخليك لمن تنوم ماتجيب خبر للبجى والبسافر . هوكمال كرار براهو المختفى ياطارق قريبك ابو محمد فؤاد قاطع موية ونور باين لسع بتفرج فى برج خليفة ،حاولنا نحركو بالكتابة عن الراحل الهادى ادم لكن لازال مطنش عشان كدة اكتب لينا عنو انت خاصة انو زاملكم فى الاميرية 1 انت وكمال كرار
| |
|
|
|
|
|
|
Re: بحرى طراوة (Re: عبدالرحمن إبراهيم محمد)
|
والله يا معاويه سؤالنا دائم عن ابو محمد فؤاد وعن اختفائه
اظهر وبان عليك الامان
يا بروف عبد الرحمن والله قصيده اكثر من رائعه
ومن سنة سبعين مانشرت لكن لا تعني انك لم تكتب
اتمني ان تواصل اتحافنا
| |
|
|
|
|
|
|
Re: بحرى طراوة (Re: طارق ميرغني)
|
عدنا والعود.. أحمد وأحمر وأخضر وأوجع...
قرأتك يا بروف...وأحسست بالوجع البادي..
من بين ثنايا الكلمات...
الوجع ترويقة المواطن في بلدي...
والدمع تجلد في المحاجر..
والغصة أتخذت من عروش النفس..سكنا...
ونامت غريرة لا تغشاها أمواج المسرة...
آه يا وطن...
طارق يا كنفاني.(بتاع كنافة)....
يا أخي كنافتك دي يعمينا ويطرشنا ما سمعنا بيها..
رغم تكرار الزيارات
| |
|
|
|
|
|
|
Re: بحرى طراوة (Re: Kamal Karrar)
|
إخـــوتى أبناء بـحــرى الأصــلاء
لكـم الـحـب والإعــزاز
لقــد كانت بـحـرى طـوال تاريـخـها ضـمير الأمـــة ورمــز عـــزتــها
فــلـنـبـدأ مــن هــنا بــحــمـلة
ونعـلـن الـخــرطوم بــحــرى مــنـــطـقة خالـية من الإغـتـصاب
ونـضــع خــطـة تنـداح لـيـحـذو حـذوها أهالى المـدن الأخـرى فى الســودان
فـكما فى حــرب العـصابات العســكرية
يـمكننا أن نـعلنـها حــرب عصابات إجـتماعية بكشــف المتـحـرشــين وتـوعــية الأطـفال والأســر
نـحــرر بـها منــطـقة وراء مـنـطقة من الإغتـصاب والـتـحــرش بالاطـفال
فــالدولة الآن لا يـعنيها ســوى حماية نظـامـها
فالنجـعل إعـتمادنا عــلى أنفــســـنا هـو الأســاس
مــع إســتمرار الضـغط عـلى النـظام حــتى يرضـخ لمـطالب الـجـماهـير
| |
|
|
|
|
|
|
Re: بحرى طراوة (Re: عبدالرحمن إبراهيم محمد)
|
Quote: وكـرامــة شــعـبى
لـن تضـحى بعـد الـيـوم ِ
كالـجــيفة ِ
فى مِخـلـب وحـش ٍ منفرد ٍ بـفــلاة |
البروف عبدالرحمن مااروعها من صرخة فى وجه دعاة الشريعة الذين احالوا البلد لما وصلت اليه الان من فجور و وظلم وذئاب ضالة حقيقة ومجازا تنهش فى لحم الاطفال وحتما سيكون الرد بقدر الافعال
كمال كرار الغائب الحاضر على كيفك تغيب ::على كيفك تجي ماانت سيد الحوش
| |
|
|
|
|
|
|
Re: بحرى طراوة (Re: عبدالرحمن إبراهيم محمد)
|
Quote: أهــديكـما هــذ الصــورة من الزمـن الـجـمـيل لــعـوا جـيز كـرة الــقدم الســودانية أيام الـصـنداى تـيم بمـيدان كلية البوليس (كنا عادة مانتمـرن فى المـيدان الشــرقى للجامعة) أخـذت هـذه الصــورة قبل عام بالـضـبط من ســفرى إلى أمريكا.
|
سعادة البروف عبد الرحمن مشكور على الصورة وتخيل لم اعرف عدا (نصر الدين جكسا ) وحتى لم اعرف عوض الكبابا من الرغم من انه دربنا في نادي الاتحاد البحراوي ومن يقف بالقرب منك قلت هذه المدرب (نور الدين عمر ) وسؤال لاستاذنا في عالم المستديرة البروف (عبد الرحمن ) 1- كيف ومتى كانت بداياتك مع المجنونه (كرة القدم)
يوجد سؤال اخر
--------------------------------------- الاخوان معاوية وكمال لكم الاف التحايا واين باقي العقد الفريد لبوست بحري لم نراه هنا
| |
|
|
|
|
|
|
Re: بحرى طراوة (Re: Kamal Karrar)
|
Quote: طارق يا كنفاني.(بتاع كنافة)....
يا أخي كنافتك دي يعمينا ويطرشنا ما سمعنا بيها..
رغم تكرار الزيارات |
يا خي انت بتاع كنافع ..؟ انت بتاع طحنيه بس...!!!!!
وحمد الله علي السلامه
بالله تقرير سريع كده
واوع تكون نسيت الفسيخ والشمار والجبنه البيضاء وزيت السمسم
وما تقول لي ما قابلت ود موسي .... وما اداك طلح....!!!!
| |
|
|
|
|
|
|
Re: بحرى طراوة (Re: طارق ميرغني)
|
Quote: يا جماعة أنا كنت في بحري
يعني ما مصدقين ولا شنو؟؟؟ |
كمال بحري ولا بحرين لو كنت فى بحري بالجد ..نزل ليناصورتك مع صلاح جرب
طارق بائن ماعندنا حظ ... الفيديو بتاعك ماعاوز يفتح معانا
| |
|
|
|
|
|
|
Re: بحرى طراوة (Re: طارق ميرغني)
|
الأخ العزيز وليد عبد اللطيف قام بزيارة قصيرة لمدينة الرياض
اٍلأسبوع المنصرم ,, وبحفاوة بالغة وكديدن أبناء بحري أستقبله الأعزاء فيصل
عبد الله وطارق ميرغني وكانت هذه الجلسة الطيبة والتي انداح عبرها إجترار
الذكريات الجميلة عن بحري الحبيبة ,,
ودام الود بين البحراويين .
| |
|
|
|
|
|
|
Re: بحرى طراوة (Re: Emad Ahmed)
|
صديقي عماد عثمان كم تمنيت ان تكون معنا في هذه الجمعة التي جمعتنا مع الملائكة في منزل الاستاذ طارق شخصي الضعيف والاستاذ فيصل عبد الله وقابلنا بكل بشاشة وحفاوة ولولا ضيق الوقت ووقت الطائرة لجلسنا نوقف عقارب الساعة حتى لا يتوقف الحديث زو الشجون من فاه الطيب طارق ميرغني ولنا لقاء اخي طارق اذا الله امد في الاعمار وسوف تكون جلسة مامنظور مثيلة وافضل من جلسات ( السر قدور) انت تعزف تغني ونحن نشيل معاك وحتى ان صوتي لاتخاف منه ياطارق افضل من صوت شقيقي صاحبكم (عز الدين عبد اللطيف )
عماد عثمان طبعا انت اندهشت بالصور وبلبس العمامه والجلابية اها حققت ليك رغبتك وحسب كلامك قلت خلاص ياوليد بعد كدا البس جلابية وعمة لانك كبرت وتخيل اول مره البسها في حياتي ههههههههههههه
---------------------------- وشكرا اخي ( طارق والاستاذ فيصل )على حسن الضيافة والاستقبال
| |
|
|
|
|
|
|
Re: بحرى طراوة (Re: وليد عبد اللطيف)
|
عماد عثمان الصغيرة لجين اسه تقوم تشوف صورة اسيل في البيت مع امها في بوست بحري تبكي و تعمل لينا حفلة انا صورتي وينه شفت البراءة
مشكور عماد
| |
|
|
|
|
|
|
Re: بحرى طراوة (Re: وليد عبد اللطيف)
|
أخــى طـارق مـيرغـنى
إفــتـحـنا بيك صــفـحـة جــديدة فى بوســت الشـــعبية عشان نقول ليك
دى صــورة جـميـلة ومـعـبرة
بـس قـول لى هـل بتـغــير الكراســى ولا الفــرشــة بتاعـتـها مع كل طاقيـة ولا كــيف؟
عشــان تـبـقى "ماتشــنق ســـت"
لك الــود أبــدا
| |
|
|
|
|
|
|
Re: بحرى طراوة (Re: عبدالكريم أحمد الامين)
|
** من بريدى الإلكترونى :- ** بعض النكات عن المساطيل (المُحششين) وإن كان بعضها قديم :-
Quote: ## محشش بقول لصاحبه أبوك من يوم ما اتوفى ما شفناه عسى ما شر.
## ثلاث محششين وقفوا تكسي صاحب التكسي عرف إنهم محششين.. شغل السياره وطفاها.. قالهم وصلنا :- الأول:- أعطاه فلوس.. الثاني:- قاله شكرا.. الثالث:- حوّل من السيارة وراح لف إلى السايق وعطاه كف .السايق على باله بأن المحشش فهم الملعوب، لكن اتفاجأ لما قاله:لاتسرع مره ثانية ### محشش يأذن أول مرة في حياته لما خلص من الأذان ... قال: مع تحيات بوناصر!
### بخيل يكلم خطيبته ، قالتله :- خلص رصيدي دق علي! قال لها: إحنا وصلنا طريق مسدود ولازم نفترق!
### محشش ليلة عرسه ما لقى موضوع يتكلم فيه قال لزوجته : أهلك يدرون إنك عندي! ### محشش رفيقه يتصل فيه مايبي يرد عليه أرسله مسج 'آنا ناسي تلفوني بالبيت' ### محشش فتح كوفي شوب في الصين سماه 'فن جن شاي' ### هنود عاملين فيلم عن حرب العراق .... نهايه الفيلم يطلع بوش اخو صدام ### محشش مدخل راسه في قفص أسد قاله الحارس: وخر عنه... قال' بشوفه بس ما ني ماكله!!!! ### محشش يزور مريض... سأل عنه في الاستقبال.. قالو له: شنو عنده؟؟ قال كامري أبيض!!!!! ### محشش في الحج دخل حمام حريم.. صرخوا عليه!! قالهم اشفيكم، حاج عن أمي!!!!! ### محشش بيصلي اتصل به صاحبه.. وقال له وينك؟ قال في الركعة الثانية.. |
| |
|
|
|
|
|
|
Re: بحرى طراوة (Re: احمد محمد احمد عتيق)
|
مشكور اخي وليد والله صور حلوه واتمني كل ما تشوفها تقرر تجينا تاني
بش وين الكيك ؟
اخي بروف عبد الرحمن ...هذا من ذوقك والله
اين صديقنا الدكتور عبد المحمود هذه الايام ؟
واين المستشار حسن طه
| |
|
|
|
|
|
|
Re: بحرى طراوة (Re: طارق ميرغني)
|
Quote: [عشــان تـبـقى "ماتشــنق ســـت" |
طارق مع إحترامنا الشديد لتعليق البروف...
لكن الطاقية دي بنجلاديشية!!!!
وين طاقية بت السعيد العلمتها في المسنج...
بضهر البرندة وقت رقراق الضحى؟؟؟
فسيخ شنو؟؟؟ أول مرة أرجع بالسعودية
لقيت فرش متاع عند باب الطيارة...
كان ودوني الكرنتينة لو جبت الفسيخ...
إلى لقاء قريب في الرياض... عسى ولعل تكتفنا كنافة
...
حسن طه والله صورت ليك سوق الدناقلة بس روق المنقة...
| |
|
|
|
|
|
|
Re: بحرى طراوة (Re: Kamal Karrar)
|
بس يا كمال للكنافه لازم تكلمني قبل 24 ساعه ... لزوم التبريد وكده
ذكرتني واحد في سكة حديد عطبره كان يبيع الفريسكا" طبعا دي لي اولاد سنه رابعه"
كان شعاره يقوله متمتما " ماااااا ... بالسمنه وكده "
بعدين يا بروف لو لاحظت انا برضو باغير الابواب عشان تكون ماتشنق مع ....الطاقيه
| |
|
|
|
|
|
|
Re: بحرى طراوة (Re: Kamal Karrar)
|
أبك يا ود البوب...
ولنبكِ معك على تلكم الأطلال التي شهدت أيام فتوتكم...
وميعة الصبا الباكر...
أبك يا صديقي كأن لم تبك من قبل...
وهلا حدثتنا قليلا عن هذه الناحية من السوق...
حديث الموثق العارف
| |
|
|
|
|
|
|
Re: بحرى طراوة (Re: عبدالمحمود محمد عبدالرحمن)
|
Quote: ياكمال لو ما اخاف الكضب ده دكان عمنا سعيد صالح؟
والد الوزير فريق عبد الرحمن سعيد ؟ |
نعم ياطارق ماذكرته صحيح وهو دكان العم سعيد صالح
والد الوزير والفريق ( م ) عبد الرحمن سعيد ..
ياسلام عليك ياكمال ,, ولو لديك مزيد
من الصور نزلها وما تشحتف روحنا خلينا
نبل شوقنا عبر هذه الصور ..
| |
|
|
|
|
|
|
Re: بحرى طراوة (Re: Emad Ahmed)
|
Quote: أبك يا ود البوب...
ولنبكِ معك على تلكم الأطلال التي شهدت أيام فتوتكم...
وميعة الصبا الباكر...
أبك يا صديقي كأن لم تبك من قبل...
وهلا حدثتنا قليلا عن هذه الناحية من السوق...
حديث الموثق العارف |
كلنا تلهف وشوق لحديث ود البوب ..
| |
|
|
|
|
|
|
Re: بحرى طراوة (Re: Emad Ahmed)
|
Quote: مشكور اخي وليد والله صور حلوه واتمني كل ما تشوفها تقرر تجينا تاني
بس وين الكيك ؟ |
طارق ميرغني الكيك في الحلقة الاخيرة
| |
|
|
|
|
|
|
Re: بحرى طراوة (Re: Emad Ahmed)
|
ولا يهمك يا عماد...
هاك الصورة دي تصبيرة...
مدرسة الشهيد محمد علي فؤاد زكي...
أقيمت تكريما لذكراه العطرة في نفس موقع مدرسة
الدناقلة الأولية (كما كانت تسمى)... حيث درست
وثلة من الأصدقاء...
| |
|
|
|
|
|
|
Re: بحرى طراوة (Re: Emad Ahmed)
|
** سيد الحوش الصغير فى البيت الكبير (ودالسر كرار) ** مُحب وعاشق بحرى (ود عثمان أحمد) ## مساءكما خير.. ## وهذه صورة للشهيد العقيد طيار أ.ح محمد فؤاد على زكى - عندما كان طالباً حربياً بقاعدة بلبيس العسكريه للطيران بجمهورية مصر العربيه فى 1979 .. (الرحمه والمغفره لصديقى محمد فؤاد) (ابو محمد فؤاد)
| |
|
|
|
|
|
|
Re: بحرى طراوة (Re: عبدالكريم أحمد الامين)
|
Quote:
## وهذه صورة للشهيد العقيد طيار أ.ح محمد فؤاد على زكى - عندما كان طالباً حربياً بقاعدة بلبيس العسكريه للطيران بجمهورية مصر العربيه فى 1979 .. (الرحمه والمغفره لصديقى محمد فؤاد) |
الله يرحمة ويغفر له ويسكنه مع الصديقين والشهداء
| |
|
|
|
|
|
|
Re: بحرى طراوة (Re: Kamal Karrar)
|
*** ود السر كرار .. ** مساءك خير .. ## لو ميلت يمين شويه كان جبت الدافورى من ميدان النجم الاحمر إذ أن أغلب نجوم الهلال والمريخ يتمرنون فى هذا الميدان مع عواجيز وشباب النجم الاحمر .. (ودام الود بيننا)
| |
|
|
|
|
|
|
Re: بحرى طراوة (Re: خالد درق)
|
بس تعرف يا كرومة...
ما أشوف أو أسمع عن مسجد أنسة..
إلا تذكرت والدكم عليه رحمة الله...
وسمعت صوت آذانه الشجي...
هذا كان المقصد...
تحياتي
| |
|
|
|
|
|
|
Re: بحرى طراوة (Re: عماد الدين عبدالله)
|
خـــبر مــفــرح للــغايــة
ويســـتاهـل ســوركـتى الرجل الـخلـوق
كاظم الساهر يغني للشاعر السوداني سوركتي!!: بـقـلم سراج الدين مصطفي
شــكرا لإبننا ســراج الدين
للـفـرح الغـامـر الـذى جــلـبه إلـى بإيراد الخـبر عـن
أخــى وصــديـقى وود حــلتـى الأســتاذ مـحـمد ســوركـتى
وهــو الرجــل النــبيـل
والفـنان الرقـيـق المـبدع
مـــرهـف الحـس وصـادق التـعبـير
رطــب الكلمـة
المــتمـكن من أصول الشــعـر
وفـصــيح لـغـته وعامــيتهـا
ســودانى أصــيل أصالة مـجــرى النـيل
باعـدت بيننا الأيام ســنينا طالت
ومـازال الـقلب يـخــفق لـذكرى
طييـة والـدهــم ووالـدتهم مافى زيـها، رحـمـهـما الله،
فى بيـتـهم المضياف بالـخاتـمــية مازلـت أذكـر نكـهـة شاييهم الممـيزة
وضــحـكة أخـى مــصـطـفى وأناقـة جــنابـو ســـاتى
أشــقاء شــاعـرنا المرهف ورفاق الصـبا والشــباب
فـذكراهم تمـثل ركـيزة مـتجــذرة فى دعائم إنـتـمائى لـبـحــرى
فلــهم شــوق ســلامـى
وأمـنياتى الصادقات
بـلـقاء قـريب بإذن الله
نـجـتر فـيه الماضى
ونسـتأنس فيه بـصافى الآمــال
والـحـب الأخـوى المــتـمكن مــن شــغاف الـقلـب
وشــكرا إبننا ســراج الــديـن مــرة أخـرى
| |
|
|
|
|
|
|
Re: بحرى طراوة (Re: عبدالرحمن إبراهيم محمد)
|
اخي بروف عبد الرحمن
كنت موعود في اجازتي الاخيره ان التقي مع الشاعر سوركتي والفنان محمد ميرغني
في جلسة بمنزل نسيبي الاستاذ الزين عثمان
لكن حالت ظروف دون ذلك
لكني عرفت انه الان يسكن الدروشاب
له كل الود
| |
|
|
|
|
|
|
Re: بحرى طراوة (Re: طارق ميرغني)
|
عناوين مواقع الانترنت تكتب بالعربية منتصف 2010
سان فرانسيسكو - أ ف ب: في خطوة مهمة توصف بأنها أكبر تحول تقني في مجال الانترنت منذ 40 عاماً فإن عناوين مواقع الانترنت ستكتب باللغة العربية منتصف العام الحالي. كما سيمكن كتابتها باللغة الروسية أيضاً. وقد اعلنت شركة الانترنت للارقام والاسماء المخصصة "ايكان" ان مصر والسعودية والامارات وروسيا يمكنها اعتبارا من الآن اعتماد عناوين مواقع على شبكة الانترنت بلغتها الام. وبذلك، ازالت "ايكان" احتكار الحرف اللاتيني لثلاثة عقود، لاسماء النطاق على الانترنت. وقال المدير التنفيذي للشركة ان هذا الحدث "يشكل مرحلة محورية في تاريخ اسماء النطاق على الانترنت". واضاف "سيُتيح هذا الأمر طباعة العنوان كاملا بلغة المستخدم الأم". وسيكون على الدول الاربع التي حصلت على الموافقة ان تطلب ادراج لائحة مواقعها بلغتها الخاصة ضمن نظام اساسي لاسماء النطاق، يكون متاحا للمستخدمين في العالم بأسره بحلول منتصف هذه السنة، وفق "ايكان".
نقلا عن صحيفة الراية القطرية 23 / 1 / 2010 م
| |
|
|
|
|
|
|
Re: بحرى طراوة (Re: عماد الدين عبدالله)
|
شعراء من بحري
محمد أحمد سوركتي ( 1 -2 )
محمد أحمد محمد سوركتي من مواليد حي الدناقلة جنوب ( شارع السوق ) في العام 1944 م , تلقى دراسته الأولية بمدرسة حلة حمد ثم المتوسطة بمدرسة العزبة والتحق بكلية المعلمين بشندي وتخرج منها في 1/4/1961 م ,, عمل معلما بمدارس الدناقلة شمال ثم الختمية ثم حلة خوجلي ونقل بعد ذلك للعمل بمنطقة جبل أولياء ثم المدرسة الأمريكية النموذجية في الحتانه ثم مرة أخرى لمدرسة العزبة ,, وفي الفترة من العام 1975 م إلى العام 1980 م عمل سكرتيرا لمكتب أبو القاسم محمد إبراهيم امين الإتحاد الإشتراكي والنائب الأول لرئيس الجمهورية ومحافظ الخرطوم . . تمت إعارته لدولة اليمن من العام 1980 م إلى العام 1985 م رئيسا للبعثة التعليمية السودانية في مدينة الحديدة ,, من العام 1986 م ضابط إمتحانات محلية بحري ,, نزل إلى المعاش الإختياري وهو كبير الموجهين في تعليم بحري مرحلة الأساس في 1/1/2005 م .
| |
|
|
|
|
|
|
Re: بحرى طراوة (Re: Emad Ahmed)
|
بدأ مشواره مع الشعر الغنائي في العام 1976 م بأغنية سلم بعيونك والتي قام بوضع لحنها ناجي القدسي وتغنى بها الفنان حمد الريح ورفد الشاعر الرقيق سوركتي مكتبة الغناء السودانية بهذه الأعمال الرائعة : حمد الريح : سلم بعيونك . شرحبيل أحمد : بتقول مشتاق , عشنا وشفنا كتير في الحب . يوسف الموصلي : على قدر الشوق . أحمد شاويش : عيونك كلموني , عادي جدا . عبد المنعم الخالدي : فكر كيف نعود الشوق . عز الدين عبد الماجد : شال في خاطرو . محمود عبد العزيز : الله يكون في عونك , فرايحية , الشوق غلبنا , كده برضو تفوت وتسيبنا , يازول ياطيب . صلاح بن البادية : شجون . عبد الكريم الكابلي : حاول كمان . سفيان بخيت : بحراوي ( واعد من مركز شباب بحري ) . عمر جعفر : متى يعود .
| |
|
|
|
|
|
|
Re: بحرى طراوة (Re: Emad Ahmed)
|
ومن أعماله الجديدة :
محمد الامين : حبك أنت , الهوى الغلاب. محمد ميرغني : شمس الصيف , . محمد وردي : مقبله وين . صلاح بن البادية : ساقنا الهوى . محمود عبد العزيز : عمايل الريد , منى الروح , عادل مسلم : الظروف . شرحبيل أحمد : جيل متوعد . النور الجيلاني : سألنا عنك , الجوال . أبوبكر سيد أحمد : قال حيصادر , أمرك عجيب . وليد زاكي الدين : ظلم الزمن . أسرار بابكر : أهـ ياوطن . أحمد الصادق : السراب . ريماز ميرغني : بسمة رضا .
| |
|
|
|
|
|
|
Re: بحرى طراوة (Re: Emad Ahmed)
|
متزوج وأنجب : حسام : خريج حاسوب ( تقنية معلومات ) ,, عازف أورغن محترف . آمال : خريجة تجارة النيلين . إقبال : مدرسة رياض أطفال . منال : طبيبة خريجة جامعة جوبا ومقيمة بامريكا. رباب : خريجة إقتصاد من جأمعة الخرطوم . شيماء : طالبة بكلية الهندسة المدنية من جامعة الأزهري .
ومن اشقائه : ساتي : ضابط متقاعد مصطفى : أستاذ فنون ومتخصص في الخزف بجامعة السودان .
جده الشيخ أحمد سوركتي أول داعية نشر الإسلام في اندونيسيا في العام 1908 م وتوفي هنالك واحفاده متواجدين في أندونيسيا وهو على إتصال بهم وأبنة أخيه المذيعة اللامعة نسرين سوركتي بقناة الشروق .
| |
|
|
|
|
|
|
Re: بحرى طراوة (Re: Emad Ahmed)
|
بحراوي – كلمات محمد أحمد سوركتي
بحراوي بريدك يا بحري وفى عيوني خيالك لو تدري ما إنت وليدة النيل بجري وجمعتني معاك أحلام صغري بحراوي بريدك يا بحري يا راقية وحلوة ووناسا ياعظمة تفاخر بى ناسا الحلوة زمان إنت أساسا والنغمة الرائع إحساسا سكنت أعماقك من بدري بحراوي بريدك يا بحري يا بحري يا فن يا مزيقا أولادك أعلام وحقيقـة أحضانك أوعت وما بخلت على كل شبابك يا أنيقة بحراوي بريدك يا بحري محروسة وصادق إيمانك بشيوخك وقببك وإنسانك فيك خوجلي حافظ لكيانك وفيك حمد الرافع من شانك وأبو هاشم تاجك وبيانك بركاتم هى الحارساك ودعواتم تمسح أحزانك يا طايعة ودايماً تنستري بحراوي بريدك يا بحري
| |
|
|
|
|
|
|
Re: بحرى طراوة (Re: Emad Ahmed)
|
ظلمته الإذاعة وأنصفه مهرجان الأغنية العربية: سوركتي: لو كنت أعلم بالفوز لشاركت قبل 13 عاماً!! حوار : طارق شريف
محمد أحمد سوركتي من شعراء الاغنية المميزين الذين تغنى بشعرهم كبار الفنانين امثال حمد الريح (سلم بعيونك وشرحبيل أحمد (بتقول مشتاق) (عشنا وشفنا كتير في الحب) وأحمد شاويش (عادي جداً) وبن البادية (شجون) وسمية حسن (قريب مني) بالاضافة الى عدد من الفنانين الشباب وعلى رأسهم محمود عبد العزيز.. الشاعر محمد احمد سوركتي تكسو وجهه ابتسامة بعد فوزه في مهرجان الاغنية العربية عن طريق اغنية (متى يعود) التي شارك بها الفنان عمر جعفر في المهرجان الذي نظمه اتحاد اذاعات الدول العربية، واقيم بالجزائر أخيراً وفازت أغنية سوركتي التي لحنها محمد زين العابدين بجائزة افضل نص، ولكن ابتسامة سوركتي يشوبها بعض الحزن لأنه لم يشارك في المهرجان حيث اكتفت الاذاعة بابتعاث مؤدي وملحن الاغنية مع مندوب منها واستبعدت سوركتي.
* كيف تلقيت نبأ فوزك بجائزة أفضل نص في المهرجان العربي؟- للأسف الشديد كنت اجلس على مقاعد المتفرجين حيث حرمت من المشاركة في المهرجان بأمر الاذاعة السودانية، وقد علمت بفوزي عن طريق الأخ الاستاذ كمال عبادي الذي شاهد فرز المسابقة في الفضائيات واتصل بي في منتصف الليل ليهنئني بالفوز.
* لماذا تصر على ان الاذاعة هي التي قامت باستبعادك.. ربما يكون مهرجان الاغنية يطلب مشاركة الفنان فقط؟- هذا ليس صحيحاً لأن قبل ثلاثة شهور من بداية المهرجان اتصلت ادارة المهرجان بالاذاعة وطلبت ارسال السيرة الذاتية للشاعر والملحن والفنان في دليل على اننا الثلاثة مطلوبون والذين زاروا المهرجان اخبروني ان كل الوفود حضرت مكتملة وتضم بالاضافة الى الشعراء والملحنين والفنانين عددا من الصحفيين إلا وفد السودان الذي حضر ناقصاً وقد كرمني المهرجان في غيابي حيث تسلم الجائزة انابة عني الملحن محمد حامد جوار، ومؤسف ان اجد الظلم من ذوي القربى.
* مدير الاذاعة معتصم فضل اتصل بك وقدم لك التهنئة على الفوز ووعدك بتكريم هل تجاوزت ظلم الاذاعة؟- اعتدل في جلسته وصمت لحظات وقال كنت اتمنى المشاركة في المهرجان لا تواصل مع الساحة العربية واقف على تفاصيل الاشياء كشاعر وصحفي ولكن الاذاعة حرمتني تلك الفرصة وكان في امكاني ان اوقف النص قضائياً ولكني لم افعل لاعتبارات وطنية، والنص يشارك باسم السودان واشكر الاصدقاء كمال عبادي وشعار يوسف واحمد شاويش الذين كانوا قد طالبوني بعدم سحب الاغنية. في كل الاحوال لن انسى ظلم الاذاعة وهو خطأ لا يغتفر، والغريب في الامر انني معد ومقدم للبرامج الاذاعية وحتى هذه لم تشفع لي امام معتصم فضل.
* هل كنت تتوقع الفوز لاغنية (متى يعود)؟- نعم، كنت اتوقع ان يفوز العمل ككل لأن اللجنة التي رشحته للمشاركة كانت تضم عددا كبيرا من المختصين وهم اجمعوا على تميز العمل بالاجماع.
* سوركتي يكتب بالعامية ويقال ان شعراء العامية يصعب عليهم التميز في جانب الكتابة بالفصحى؟ - هذه أول مشاركة لي باللغة العربية الفصحى وشاركت سابقاً بأعمال بالدارجة في مهرجانات محلية واعتقد ان شعراء العامية لديهم القدرة. هم بارعون في مجال الكتابة بالفصحى ولو كنت اعلم الفوز في هذا المهرجان لشاركت منذ 13 عاماً، وهي عمر مهرجان الاغنية العربية.
* ما هو عمر النص الفائز (متى يعود)؟- متى يعود كتب منذ 30 عاماً مع عدد من النصوص باللغة الفصحى.
* كيف وصل النص الى الفنان عمر جعفر؟ - تعرفت على الفنان عمر جعفر عن طريق الملحن محمد زين العابدين، وكنت قد استمعت إليه قبل لقائي به وهو صاحب خامة صوتية جديدة وصوته به مساحات واسعة، وهو حقيقة نموذج للفنان المتكامل واتمنى أن يستمر تعاوني معه.
* الأغنية السودانية لماذا لا تجد رواجا في الساحة العربية؟- السبب الرئيسي هو ان مشاركتنا في المهرجانات ضعيفة، والاعلام العربي ايضاً يظلم المبدع السوداني بعدم الاهتمام به، واعلامنا ايضاً مقصر في تقديم الابداع السوداني.
* رغم انك من الشعراء المميزين إلا انك بعيد عن الاضواء؟- انا لا اجري خلف الاضواء ولكني رهن اشارة أي منبر اعلامي يدعوني للمشاركة. ولن اتردد في قبول أية دعوة.
( حوار صحفي منقول من صحيفة الصحافة )
| |
|
|
|
|
|
|
Re: بحرى طراوة (Re: Emad Ahmed)
|
Quote: يا ناس بحري ....
سلام ..وذكرياتكم من بحري ...
بس شايفكم ماسكين جيل وااااااااحد شنو الحكاية .. |
الأخ احمد محمد احمد عتيق
في إنتظار حكاويك عن حي الختمية حسب وعدك في أول مداخلة .
عبد الرازق سعيد والمستشار خالد عثمان والكوبي وود المقبول
وحافظ سليمان نعلم ونقدر مشاغلكم ولكن لما هذا الجفاء لست
الهوى والطراوة ..
| |
|
|
|
|
|
|
Re: بحرى طراوة (Re: Emad Ahmed)
|
Quote: عمل معلما بمدارس الدناقلة شمال] |
من تلاميذ الأستاذ/ سوركتي بمدرسة الدناقلة شمال الأولية:-
- المرحوم / جلال الدين عثمان محجوب - المهندس/ عزيز أحمد كامل يوسف - الدكتور/ عاكف عبد الحميد عوض السيد - الدكتور/ عبد القادر أحمد أسماعليل - الدكتور/ نصر الله النور أحمد غانم - الفريق/ تاج الدين خضر الجزولي - عادل ساتي - سيد علي خراطيشي.. - عادل علي الحويرص - وشخصي الضعيف : كمال الدين سر الختم كرار
التحية للأستاذ/ سوركتي
ودفعته الأستاذ/ طارق ميرغني
| |
|
|
|
|
|
|
Re: بحرى طراوة (Re: طارق ميرغني)
|
للفائدة العامة في اللغة النوبية...
أعتقد أن كلمة "سوركتي" تعني "الحجاب"
مش الحجاب الشرعي.. الحجاب الحرز أو التعويذة
| |
|
|
|
|
|
|
Re: بحرى طراوة (Re: Kamal Karrar)
|
Quote: للفائدة العامة في اللغة النوبية...
أعتقد أن كلمة "سوركتي" تعني "الحجاب"
مش الحجاب الشرعي.. الحجاب الحرز أو التعويذة |
شكرآ كمال لشرح معنى كلمة سوركتي
من تلاميذ سوركتي أيضا المستشار عمر خيري
واللواء حسن كركب والعميد شرطة أحمد هارون
والدكتور المعز عمر بخيت ..
فاتنا أن نذكر بأن للشاعر سوركتي ديون شعر بإسم ( هدهد سبأ )
ولديه أيضا تحت الطبع ديوان ( مراجيح ) .
| |
|
|
|
|
|
|
Re: بحرى طراوة (Re: Emad Ahmed)
|
هذه الصورة مهداة للأخ/ عبد الكريم "أبو محمد فؤاد" لإضافتها لملف الدعوى
الخاصة بالأرض المقتطعة من المزاد...
مع خالص التحايا
| |
|
|
|
|
|
|
Re: بحرى طراوة (Re: طارق ميرغني)
|
الإخوة الكرام ناس بحرى
طلب منى الأخ العزيز/ مزمل عبدو صغير إيصال رسالة لكل ناس يحرى
فى الغربة فحواها أنه يطلب مد يد المساعدة (ماديا) فقد تعرض لحادث حركة
أقعده عن الحركة كما تعرض للطرد من الخدمة .. وأسرته كبيرة ويسكنون حيزا
ضيق من منزلهم بالشعبية وأبنائه فى مراحل دراسية مختلفة ويحتاجون مصاريف
وهو لا يملك شيئا..
والله لايضيع أجر من أحسن عملا
| |
|
|
|
|
|
|
Re: بحرى طراوة (Re: طارق ميرغني)
|
تليفون الكوتش مزمل
00249126081240
بالأمس إتصل على الأخ مزمل وطلب منى تبليغكم بحوجته الماسة
وطلب منى إخبار المهندس طارق ميرغنى بحكم الصداقة أن يمد له يد العون
ومن كل ناس بحرى
| |
|
|
|
|
|
|
Re: بحرى طراوة (Re: Kamal Karrar)
|
الاخ شمس الدين
حاولت عدة مرات الاتصال بالتلفون ولم يرد احد رغم فتح الخط
المهم ساحاول مرات عدة حتي احادثه لاعرف واتعرف علي حالته
ثم نري ماذا يتم فعله فهو رجل بمعني الكلمة
ولك ودي
| |
|
|
|
|
|
|
|