|
Re: مدرسة الصبابي المتوسطة - أستاذ الفاتح (Re: طارق ميرغني)
|
سلام للجميع..
ياباشمهندس طارق وين صاحبى ود خالتك
أبو محمد فؤاد .. الراجل غاتس وين
كان مشى السودان أدينى خبرو عشان نسجل ليهو
زيارة فى المزاد ومرة واحدة لوسمحت رقم تلفونو
الزول دا قاطع بوست الشعبية عديل الزعلو منو ماعارف؟
دكتور عماد يارائع.. أغنية عاطفة وحنان ياناس
دى بالذات أحبها جدا شكرا ليك .. تعرف صديقى عز الدين عبد
اللطيف شقيق وليد من أكثر المعجبين بالأستاذ محمد ميرغنى
وستجد لديه كل أغانيه..
| |
|
|
|
|
|
|
Re: مدرسة الصبابي المتوسطة - أستاذ الفاتح (Re: Emad Ahmed)
|
Quote: المستشار معاوية محمد الحسن
طولت الغياب ما زي عوايدك .. لعل المانع خير |
اخى عماد تحياتى وشكراً على السؤال ،وواللة موجود ومتابع لكن نقول شنو مع هذه الارشفة الممتعة العذبة والانيقة وماعاوزين نخرب ليكم هذا الالق بكلامنا المشاتر لذلك فضلنا الصمت والاندهاش .
| |
|
|
|
|
|
|
Re: مدرسة الصبابي المتوسطة - أستاذ الفاتح (Re: عماد الدين عبدالله)
|
والله اليوم سعيد
ملأ جوانحي الاعزاز وتنفست فخار وذكريات والفه مع بحري وابنائها.
قبل قليل حدثني البروفسير عبد الرحمن من بوسطن وعبر عن مدي اعزازه ببحري طراوه
ونحن نقول له بفضلكم وانضمامكم للبوست نور وازداد القا
ربنا يديم المودة والتواصل
حمد الله علي السلامه اخوتي شمس الدين والحاج حمد وايضا معاويه
يا عبد الكريم اظهر وبان عليك الامان
| |
|
|
|
|
|
|
Re: مدرسة الصبابي المتوسطة - أستاذ الفاتح (Re: طارق ميرغني)
|
Quote: حمد الله علي السلامه اخوتي شمس الدين والحاج حمد وايضا معاويه يا عبد الكريم اظهر وبان عليك الامان |
** إبن خالى وناس بحرى الحلوين.. ** مساءكم خير .. ** تعرف الواحد أحياناً بياخد ليهو رقده كده مابتعرف نفسك نائم ولى صاحى ولى مُخدر يعنى تعسيله ودا بالظبط كده الكان حاصل لى فى مُتابعة مبارأة الون تو بين العمادين والاستراحات العجيبه الذكرتنا بزمن حفلات البلديه فى الاعياد.. ** أحياناً بتكون المُتعه فى التلقى والإستمتاع بالإبداع ,, أكثر من إنك تكون مُتداخل بالبوست ,, يعنى زى مُباريات كورة القدم بتلقى المُتفرجين والمشجعيين المرضانيين بيستمتعوا بإبداع اللعيبه فى الميدان ,, أها أنا كنت فى الحاله دى......... (ودام الود بيننا) (ابو محمد فؤاد)
| |
|
|
|
|
|
|
Re: مدرسة الصبابي المتوسطة - أستاذ الفاتح (Re: عبدالكريم أحمد الامين)
|
تلقيت بفرح وغبطة وسرور مساء أمس إتصال
هاتفي من البروفسير عبد الرحمن إبراهيم
محمد والبروفسير لديه الكثير
من الأفكار والروئ الرائعة اتمنى
أن نقوم بتنفيذها في أرض الواقع لنكون مثل
يحتذى به والقادم أحلى إنشاء الله كما يقولون ..
( أستاذن جميع الأخوان بانني سارسل ارقام جوالاتهم
للبروفسير عبد الرحمن وذلك بناء على طلبه ليتواصل
معهم )
| |
|
|
|
|
|
|
Re: مدرسة الصبابي المتوسطة - أستاذ الفاتح (Re: وليد عبد اللطيف)
|
Quote: وغير الفن له 13 شريط جلسات لفنان بحري ايوب فارس وما اعجبني بها 1- زبت وجدا في هواك ياحبيبي ولم ازل 2- الناحر فؤادي مولع جوفي حر اضرم نار وجدي نسام السحر 3- انا في شخصك احترم اشخاص وطبعا عندي احترامك خاص 4- من يوم ما بقى فراقو منامي وطرفي ماتلاقو 5- في ربوع بحري لاقيتو بسم حياني حيتو ومن كسراته (محبوبي سافر الليله ياناس بقطر حداشر ) |
الأخ عز الدين عبد اللطيف راجل فنان بكل ماتحمل الكلمة من معنى
ومن الطبيعي أن يمتلك تلك الدرر النادرة لكروان بحري أيوب فارس
التحية لكما اخي وليد .
| |
|
|
|
|
|
|
Re: مدرسة الصبابي المتوسطة - أستاذ الفاتح (Re: Emad Ahmed)
|
وأنا بدوري تلقيت إتصال من الأخ/ علي سعد قشرة...
وبيقريكم جميعا السلام... ومستمتع بحكاويكم وتوثيقاتكم...
وقال بحري طراوة مرجع دائما بيرشد إبناءه عشان يقروه
ويعرفوا عن بحري والسودان لأنو عاشوا حياتهم بعيدا
عن بحري...
التحية للأخ الزميل الصديق علي سعد قشرة ...
وإن شاء الله طلة علي دي ترجع لينا الصديق أبو النور
أصلا علي سعد كان صديقه....
تحياتي يا أخ علي سعد..
| |
|
|
|
|
|
|
Re: مدرسة الصبابي المتوسطة - أستاذ الفاتح (Re: عبدالكريم أحمد الامين)
|
Quote: ## غايتو زمان فى بحرى الماجاب أيوب فارس أو نقد أو ابو على (الله يرحمهم) أو حسن وردى ماعرس .. |
ابومحمد فؤاد بمناسبة ابوعلي رحمة الله عليه في يوم عندنا تمرين نادي الاتحاد الانكل بتاع اخوك اتعطل ومع نهاية التمرين قالوا لي امشي الى ابوعلي صاحبك تنقش تنقش دخل النادي ابوعلي قال : امشي الكولار داك جيب موية بارده وتعال جبت المويه وجيت يازول مسك رجلي حضنها طوالي قمت من الكرسي وقلت ليهو خلاص رجلي اصبحت تمام التمام وفعلا اصبحت تمام وتخيل رحمة الله علية ابوعلي كان بصير ماهر وبعالج الاصابات الخفيفة للاعبي الاتحاد
حسن وردي هل تقصد حسن وردي بتاع المزاد الدنقلاوي المشلخ وكان ساكن جنب ناس عبد العزيز مانجل وفي سنة85 م ايام الانتفاضة الكهرباء كان قاطعة عامة وفي نفس اليوم زواج اخي وذهبت اليهم واستعرنا المولد بتاعهم للحفل ..... لقيتني كيف ياابومحمد فؤاد
| |
|
|
|
|
|
|
Re: مدرسة الصبابي المتوسطة - أستاذ الفاتح (Re: حمزه بابكر الكوبي)
|
من اعلام شمبات .........الشيخ احمد العاقب
Quote: انار الاسلام جنوب شرقي اسيا عبر حضرموت واليمن. فالتجار المسلمون ذهبوا الي تلك البقاع منذ الربع الاول الهجري , وذهبوا الي الصين ، وما من جهة ذهب اليها التجار المسلمين إلا واقيم فيها مسجد وذاع فيها الاسلام وتعلم المسلمون اللغه العربيه ،وانشئت المدارس الاوليه، التي عرفت بالكتاتيب والحلقات في المدارس والمساجد لتدريس علوم الدين واللغه، وتفهم اهل الملايو دينهم الحنيف، ودفعتهم غيرتهم ان يبعثوا ابنائهم الي الازهر الشريف ليزدادوا علما وتفقها، وكان للدين الاسلامي اثره العظيم في بعث الروح الوطنيه ، ويقظة الشعب الملاوي مطالبا بحريته واستقلاله، فالحركه القوميه الملاويه نبعت من الاسلام .
واستعمر الانجليز ماليزيا، وفرضوا اللغه الانجليزيه كلغه اساسيه فاحس الملاويون انهم لابد ان يحافظوا علي دينهم وعل القرآن، فقيض الله لاثرياء المسلمين في ماليزيا الاستعانه بالعلماء المسلمين ،فكان شيخنا احمد العاقب السوداني المسلم هو الاستاذ المرشد. درس احمد العاقب على علماء اسرته كالشيخ الامين الضرير ، فهو سوداني من توتي ، وتلقي تعليمه في الازهر ، وعمل فتره في مدارس السودان، ثم شد الرحال الي ماليزيا ومعه الشيخان الجيلاني سوركتي والعباسي، فأسس المدارس الاهليه الاسلاميه، واستعان بالسودانيين المثقفين الذين يجيدون اللغه الانجليزيه ليعلموا معه ، فاستجاب لندائه اربعه، نزكر منهم محمد الدريني ومحمد البدوي.
واغلب الذين دخلوا المدارس الاسلاميه الاهليه كانوا من ابناء الفقراء ، لان الاستعمار البريطاني زين للناس هناك انه من لايتعلم في مدارسه لا يحصل علي وظيفه او مكانه في ماليزيا ، فحارب الشيخ احمد العاقب هذا الاتجاه واتصل بمصر التي فتحت مدارسها المدنيه للطلبه الملاويين ، وخاطب ملوك العرب فهبوا لنصرته ، وطور احمد العاقب التعليم ورقاه الي المرحله العاليه ، اذ لم يكن في ماليزيا جامعات واستعان بالعلماء المسلمين من الهند وزار مولانا محمد علي وشوكت علي والامير شكيب ارسلان .
فدرس الفلسفه الاسلاميه وقرأ احياء علوم الدين للغزالي والاخلاق لابن مسكويه وادب الدنيا والدين ، والملل والنحل ، وتخرج على يديه وعلى يد صاحبيه شيخ داؤود العظاني وحاج يوسف كنالي والحاج علي لولو فيسنج ، والف هؤلاء كتبا في اللغه العربيه والفلسفه الاسلاميه ، وكان التدريس في المدارس العربيه الاسلاميه باللغه العربيه الفصحى . وفي تلك الفتره كان يفخر المسلم الملاوي بلغته العربيه ، حتى إن اللغه الماليزيه كانت تكتب في تلك الفتره بالحرف العربي ، لذلك تمكن الماليزيون في الاصلاح والحديث او (الملاويون في الاسم القديم) وان يقرأوا القرآن . واستمر هذا الوضع حتي نالت ماليزيا استقلالها في عام 1957 ، وبعد الاستقلال قويت حركة التعريب فكتبت اللغه الماليزيه بالحرف اللاتيني .
ان احمد العاقب الرائد المبشر العالم قد قدم خدمات للاسلام واللغه العربيه ، فلما رجع الى السودان كان اول ناظر لمدرسه اهليه في السودان وهي المدرسه الاهليه بام درمان .
احمد العاقب رجل متمعن في الثقافه العربيه والاسلاميه ، ملم بتطورات علم التربيه وعلم النفس التربوي ، فالذين عملوا معه يشهدون له بثقافته الواسعه وقدرته الفائقه في الاداره ، فالمدرسه الاهليه قد نافست مدارس الحكومه ، وكثير من الاباء فضلوا ان يعلموا ابناءهم في المدرسه الاهليه لان نتائجها كانت متفوقه كما ان احمد العاقب اختار لها خير المعلمين وتحسس فيهم روح الوطنيه والمثابره علي الثقافه والتحصيل ، فولد من المدرسه الاهليه الوسطى جيل من حملة المشاعل ، سواء كانوا معلمين او كانوا تلاميذ .
وهب احمد العاقب حياته للعلم ولخدمة بلاده ، فكره الاستعمار وحاربه في دروسه وفي سلوكه ، ورفض ان يحضر حفلات الحكام ، او يتودد لهم ، فكان قانعا مطمئنا لاداء رسالته ، فلم يبحث عن المعاش وعن الجزاء ، ومما يحكي ان ابنه عبدالرحمن العاقب ، المهندس الذي اصبح وزيرا للاشغال في حكومة اكتوبر تقدم لكلية غردون بمصاريف مخفضه فلم يقبل ، بل ان لجنة القبول رأت ان ترسله الى مدرسة الصنائع العليا بعطبره ، ورأى الاساتذه السودانيون ان عبدالرحمن متفوق وعمره صغير ووالده معلم فهب المرحوم الاستاذ صالح عبدالعظيم وصرخ في الاجتماع قائلا : إن كان ابناء المعلمين يحاربون ويحرمون من العلم فكيف نضمن لابنائنا ان يتعلموا إنني مستعد ان ادفع له المصروفات واضمه مع ابنائي في بيتي فوقف المستر اسكوت وقال : ان المكافأه الوحيده التي نقدمها للشخ احمد العاقب هي قبول ابنه . لم يعرف احمد العاقب ذلك الا اخيرا وعندما تحدث اليه بالهاتف الاستاذ محمد حمزه ، فلم يشكره احدا ولم يعلق لانه كان يكره ان يتصل البريطانيين . هذه الحادثه ان دلت فإنها تدل على سمو روح الشيخ احمد العاقب الذي لم يتزلف ولم يرق ماء وجهه .
هذا رجل يحب ان ينقش اسمه في سجل الخالدين ويفخر به السودان لان كفاءته عمت السودان والعالم الاسلامي ، لقد كان رائدا في الخارج وفي الداخل وكان مثلا في العلم والسلوك .. فما احوجنا ان ننقب عن سيرة شيوخنا ، ونلقنها لابنائنا فهذا هو الذخر والحرز .. ما اغني السودان برجاله ، رحم الله الشيخ احمد العاقب المعلم الرائد المربي . |
من كتاب ( رواد الفكر السوداني ) لمؤلفه للاستاذ محجوب عمر باشري ...صفخة 42
| |
|
|
|
|
|
|
Re: مدرسة الصبابي المتوسطة - أستاذ الفاتح (Re: حمزه بابكر الكوبي)
|
Quote: يا اللهي!! بالله راس الهوس ده كله اتاريك انت يا كمال؟؟!!
اها تخيل اول يوم انتبه لصاحب البوست ده اسمهم منو؟؟؟
فعلا ناس مروقه ربنا يزيدكم يا ابوي دخلت اسلم بس عليك.
والتحايا لناس بحري |
.
كل الود والاحترام اختنا تراجي
لكم يسعدنا ويشرفنا زيارتك لبحري ست الهوى
ونيابة عن الريس كمال بنقول ليك مليون مراحب
وبحري منورة بيك
تحياتي واحترامي
| |
|
|
|
|
|
|
Re: مدرسة الصبابي المتوسطة - أستاذ الفاتح (Re: عماد الدين عبدالله)
|
Quote: يا اللهي!! بالله راس الهوس ده كله اتاريك انت يا كمال؟؟!!
اها تخيل اول يوم انتبه لصاحب البوست ده اسمهم منو؟؟؟
فعلا ناس مروقه ربنا يزيدكم يا ابوي دخلت اسلم بس عليك.
والتحايا لناس بحري. |
وعليكم السلام ورحمة الله تعالى وبركاته يا تراجي..
أهلا بيك في هوسنا الهمبريبي ده...
وعليك الله مرة مرة تعالي بردي عندنا...
أصلو طراوتنا عينه.. ونحمل الحب لكل أهل السودان...
والله زارتنا البركة.. ويديك العافية ألف مرة
| |
|
|
|
|
|
|
Re: مدرسة الصبابي المتوسطة - أستاذ الفاتح (Re: حسن طه محمد)
|
الاخوه عز الدين ووليد عبد اللطيف
كيفكم بالله لو تكرمت ودي امانه في عنقك يا وليد تسجل لي شرايط ايوب فارس ok و لو عايز اي واحد يجي
يستلمها من جده انا جاهز.
الاخ علي سعد قشره اخي كمال رجل عزيز ويشتهي جلسة ونسه وباذن الله لو اتيحت الفرصه اجيكم هناك في
الشرقيه لكن بالله جهز الحاجات ... كويس ؟
بعدين يا خي تراجي مصطفي دي قول ليها نحن راس الهوس ده قادينا من الستينيات استحمليهو شويه...!!!
يا عبد الكريم بالله شوف موضوع شرايط ايوب دي شي مهم جدا
حسن طه يا اخوي انت مما بقيت مهم وبيجيبوك في الجرايد بقيت ما بتشتغل بينا
كدي اقرا المداخلات الفوق ورد علي كلام البروف عبد الرحمن.
بخصوص ايوب فارس ....... يا وليد
كان بيعتبروا هو وشلته ناس شلنكح وفيصل اب اديه وبشير ابو سوالف (الصبابي) وحمودي الشيالين اولاد
الحله الكبارنسلم عليهم ويردون في الزمن الجميل داك وبيعرفونا حينها بالاسم
رجل رقيق الحاشية يميل الي النحافة كثيرا اخضر شديد كبير العينين ذو خدود رقيقة الجلد
له ارجل ملتويه شان حرفاء كرة القدم حينذاك وبالفعل كان يلعب الكره مع فريق الوادي الذي كان يرفل
نادي الاتحاد باللعيبه وكان يضم حينها الكثير من العب اولاد الدناقله امثال سيد قديم وحسن ابراهيم
حاج وجعفر الممرض والرشيد ابو لونجه ومحمد خوجلي حراس مرمي وعباس شله رحمه الله والجيلاني وقاسم ساتي
وحسين وحسن التيمان وشلنكح .
كان ايوب هو فنان بحري الشعبي الاول وله بصماته الواضحة في اداء متفرد لا يشبهه اي فنان
يختار اغانيه بدقه ورقه متناهيه كانما هو صاغها لحنا وشعرا
يتبادل هو واخيه ايوب فارس رحمهم الله لستك مغروس في ناصية بيتهم الذي هو ناصية الشارع
جلوسا عليه او كرسي واحد يتيم يكون موجودا في الشارع كانا هناك ام لا.
اكيد البروف عبد الرحمن له المزيد ليقوله عن ايوب فارس رحمه الله
بعد ده يا وليد جهز الشرايط
| |
|
|
|
|
|
|
Re: مدرسة الصبابي المتوسطة - أستاذ الفاتح (Re: Emad Ahmed)
|
أخى طارق
ســـلام ســـــلام
ياخـى أيوب فارس دا كان واحــد من عـظماء الغـناء المظلومـين. كان يعيش الغناء كلمات ولحن وإيقاع فى أداؤه.
عليكم الله ياطارق لو سمحتوا أجمعوا لى أكتر مايمكن من أغانيه وأنا أكيد بأعرف كيف أجيبها. يعنى ياطارق لمن تصلك الأشره ماتقوم بيها براك.
والله اللعبه (حفلة العرس بلغة زمان) الكان بيغنى فيــها أيوب ماكان بتشبها أية حفلة أخرى حتى ولو المايكرفون عصلج.
وبالمناسبة أيوب كان أيضا لاعب كورة كويس وكان لعبه لا يخلو من حركات فنية؛ مرات تصيب ومرات تجـلى وناس أبو الهول وكمال أبو حلق من السايد يناوشوه بإستعارة كلمات من أغانيه ولا يقولوا ليه "ياخى دى وفرها للقعدة" ولا "ياكفــر ياوتر" ويـقوم أبو الهول يفــك ضـحكته العجييبة إياها.
وبالمناسبة أخوه الكابتن سليمان فارس (السد العالى) كان غناى بدرجـة مـذهله وهـو دربنا فى أيامنا فى الفريق الثانى للتحرير مع ناس زكى عكاشة. فقام زكى يوم بعد تمرين وكنا قاعدين نشرب فى كاكاو فى حوش النادى وبدأ زكى يغنى فتناول سليمان الخيط وأداه زكى الكبريته فغنى كما لم يغن إنسان من قبل. ولما مشينا الجامعة فى السنة الثانية دربنا ســليمان فى فريق الجامعة بعد المرحوم الـصبى وقبل يوسف مرحوم والمرحوم عبدالفتاح حـمد.
وكنا دائما نجلس فى النجيلة فى الميدان الشرقى بعد التمرين ويحكى لينا عن أيامه فى الهلال وتجربته فى مـصر. ومرة قام عامر مزمل بالدندنة وشاركه سـليمان على خفيف ولكن بأداء رائع فانسحب عامر صامتا وبعد قليل لاحظ سليمان إنه بيغنى براه والناس كلها صامتة بتستمع ليه فتوقف عن الدندنة وقال "ياللة ياقماعة" وقام. والغريبة إنه سليمان لما كان بيغنى لم يكن يستعمل أى لهجة مصرية على عكس كلامه.
الله يديك العافية ياأبوالطوارق ذكرتنا الماضى وجمال أيامه.
ودمــتم
وتحياتى
| |
|
|
|
|
|
|
Re: مدرسة الصبابي المتوسطة - أستاذ الفاتح (Re: Emad Ahmed)
|
Quote: طارق ميرغني مداخلاتك تضيف بعدا جماليا
لاي موضوع تعقب عليه ..
|
طارق
مين زيك
بس نحن ما عايزين تعقيب عايزين موضوع
بعدين انت مفتكر الاهمية دي جات ساكت
دا سهر ليل ونهار ... والله امتحانات الجامعة ما كانت زيها.
البروف عبد الرحمن له التجلة ..
وين اخوي الكاشف الدكتور
كمال كرار
مشتاقون ياخي
آخر اخباري شاهدت علي الطبيعة بنات عمنا ويليامز سيرينا واختها فينوس
وسيرينا ما قدرت العمر وفازت في النهائي علي اختها الكبيرة
امس قطعت تذاكر مباراة البرازيل وانجلترا التي ستقام يوم 14/11/2009 بالدوحة.
العايز يلحق
دمتم
| |
|
|
|
|
|
|
Re: مدرسة الصبابي المتوسطة - أستاذ الفاتح (Re: Emad Ahmed)
|
Quote: لستك مغروس في ناصية بيتهم الذي هو ناصية الشارع] |
ًWhat a photographic memory you've!
تعرف يا طارق والله العظيم... بس يقولوا أيوب فارس...
طوالي أتذكر اللستك الفي ناصية...لسع موجود يا طارق؟؟؟
لأنو بيتكم الجديد حداه أو حذاه أو جنبو...
وأنت مسعول من الخير وين ناس علي محمد أحمد الفراش...
تعرف في ظهر ناس أيوب (دايجونال) بيت ناس مدثر الشيخ..
وإلى الشمال منهم على مرمى بيت أو أثنين بيت ناس محمود سرفندي
والد كل من كوارع وعبدالعال... حاليا رحلوا الحلفايا...
بعدهم وأنت في إتجاه الجنوب بيت ناس عمك زكي المؤذن بتاع المسجد
بريك ويبدا ببت ناس دولي... دايجونال من بيت ناس دولي في أتجاه
الشمال شرق .. مسقط الرأس...إلى الخلف مننا ناس المرحوم
عزالدين ود الدقاقة... وإلى الشرق ناس كمال ومحمد وصلاح عبدالعاطي
والي الجنوب الشرقي بيت عمك المرحوم باشا شيخ الجزارين والد
فيصل الباشا والمرحوم كمال الباشا وجد مرتضى ومتوكل الباشا..
وعييييييييييييك على الطراوة
| |
|
|
|
|
|
|
Re: مدرسة الصبابي المتوسطة - أستاذ الفاتح (Re: عبدالكريم أحمد الامين)
|
Quote: وبالمناسبة أيوب كان أيضا لاعب كورة كويس وكان لعبه لا يخلو من حركات فنية؛ مرات تصيب ومرات تجـلى وناس [green]أبو الهول وكمال أبو حلق من السايد يناوشوه بإستعارة كلمات من أغانيه ولا يقولوا ليه "ياخى دى وفرها للقعدة" ولا "ياكفــر ياوتر" ويـقوم أبو الهول يفــك ضـحكته العجييبة إياها. |
** البروف عبدالرحمن.. ** صباحك خير.. ## بالله يابروف الاتنين ديل قدر ماحاولنا نكتب عنهم وعن نوادرهم لم نعطيهم حقهم وكانت مُجرد لمحات عن ابوالهول فقط وكمال بالرغم من أنو جارنا فى المزاد لم نكتب عنه وعن مُشاركتو فى مِنشط الملاكمه.. ** وأديك تصبيرات من ابو الهول:- ** مره مشيينا رحله ابو حليمه وختينا كل حاجات الرحله فى ضهر البوكسى وكان عندنا ترامس شاى وقهوه وكنا حرصين أنو كل واحد يمسك الترمس فى يدو عشان ماتتكسر ,, وابو الهول وصديقنا على هينو وعيونو عندهم كرتونه من المعلوم ,,, جينا فى شبه بتاعت تُرعه ونحنا داخلين فى أحدى المزارع الكرتونه طارت فى الهوا ووقعت فى الواطه ,, ترامس الشاى هى فى ايدنا وإتكسرت .. ** واحد من الجماعه قال سبحان الله الحلال فى اليد وتتكسر والحرام طارت فى الهوا ووقعت وماإتكسرت.. ** ابو الهول وهينو بصوت واحد ردو :- دى الرب راعيها وعارفا حتدمرنا.. ********************************************* ** ومن نوادره ايضاً:- ## فى رمضان وهوجالدو كان بيفطر تحت البنك بتاع دكان أخونا حبيب دارقيل بالسوق ,, جا واحد خاشى من ناس السوق شاف ابو الهول بيصارع فى صحن الفول .. ** قال ليهو بالله ياابوالهول فاطر.. ** قال ليهو ابو الهول :- والله سنة 1952 رمضان دا كنا صايمنوا أنا والسيد على بس فى بحرى والشمس بينا وبين رأسك الشعر.. ** الرحمه والمغفره لصديقنا ابوالهول .. (ودام الود بيننا) (ابو محمد فؤاد)
| |
|
|
|
|
|
|
Re: مدرسة الصبابي المتوسطة - أستاذ الفاتح (Re: عبدالكريم أحمد الامين)
|
يامـولانا عبدالكريم
ســــلام
أحسن زول بيتذكــر ليك مـلح أبو الهول فردته عبدالعظيــم وكمان الباشمهندس عبدالعزيز مانجــل.
فى أى واحـد عنده ثلفون الباشمهندس مانجــل.
أنا عنـدى كمية من الذكريات الفكهة للثلاثى أبو الهول عليه رحمة الله وكمال أبوحلق وقبالا بتاع نادى الكوكب وآخر الأيام إنضم ليهم أبو أسكندر.
ودا كان لما دكان عبدالعظيم و أبو الهول فى السوق الجديد جوار نادى العمال. وكانوا بيجـــوا يتفرجوا على تمارين فريق نادى الكوكب. وياما كان عندهم تعليقات عفوية تضـحك خاصة لما كانوا يشتعلوا لى بادنـقا.
أنا فى إنتظار مـداخلة ود حـلتهم الأخ طارق مــيرغنى.
أدينى بس شــوية أيام وبجيكم راجــع.
والسلام
| |
|
|
|
|
|
|
Re: مدرسة الصبابي المتوسطة - أستاذ الفاتح (Re: عبدالرحمن إبراهيم محمد)
|
مشكور اخي عماد اليومين ديل مالك ؟ سحروك ولا ادوك عين كما قال نجم الدين الفاضل
اخي البروف والله ذكريات عجيبه عن ناس بحري القدام وفي اجازتي الاخيره قابلت عزالدين شلنكح وقلت ليهو
عايزك ضروري وكان ودي ان اسجل له الكثير من الذكريات لكن لم اوفق.
لن ننسي ان ابو الهول نفسه كان لديه صوت من اجمل الاصوات وكان احسن من يرتل القران الكريم بصوت
الشيخ الكبير احمد بابكر لو تذكرونه .. وحت وهو في لحظات انتشاء.
الحمد لله ظهر المرتاح حسن طه وعقبال الدكتور عبد المحمود.
قبل عدة اشهر حضر للرياض الوزير هارون وفي معيته اللواء عبد العال محمود وبالفعل هو كان اول امين
عام لمجلس قيادة انقلاب الانقاذ وجلس اللواء بقربي وتحدثنا عن الدناقله واخبارها لكن هم كما ذكر
كمال رحلوا للحلفايا. وبالفعل هو رجل متصوف وعلي الفراش رجع للسودان لكنه ليس بحلة الدناقله في
الحاج يوسف علي ما اذكر...
بعدين يا كمال سربندي مش سرفندي
كمال ابو حلق عندما مثل السودان بكينيا ومن ضربة واحده عالجه بها البطل الافريقي تجندل كمال
فصاح فيه احد السودانيين الحضور :
يا كمال ارفع راس السودان
فقال كمال : انا قادر ارفع راسي لمن ارفع راس السودان....!!!!
يا عبد الكريم وين ود خالتك عاطف كروم ؟؟
| |
|
|
|
|
|
|
Re: مدرسة الصبابي المتوسطة - أستاذ الفاتح (Re: عبدالرحمن إبراهيم محمد)
|
Quote: وكمال بالرغم من أنو جارنا فى المزاد لم نكتب عنه وعن مُشاركتو فى مِنشط الملاكمه.. |
الاخ عبدالكريم امتعتنا بطرائف ابو الهول ،اما عن كمال ابوحلق اذكر انو كان اخر واحد يدخل المزاد بالليل ويكون ماشي فى نص الشارع كداري من نادى الامير وبتكلم باعلى صوته شى انجليزى وشى عربى ،ومافى واحد يقدر يتكلم معاهو . لكن رايته قبل شهرين فى اجازتى الاخيرة فقد اصبح انسان هادئاَ وطوالى فى الجامع ماشاء اللة . واعرف انه قضي فترة طويلة فى مدينةالعين والاخ عوض اللة مصطفى لديه عدد من طرائفه يمكن ان يمدنا بها
| |
|
|
|
|
|
|
Re: مدرسة الصبابي المتوسطة - أستاذ الفاتح (Re: معاوية محمد الحسن)
|
Quote: مشكور اخي عماد اليومين ديل مالك ؟ سحروك ولا ادوك عين كما قال نجم الدين الفاضل |
لاهذا ولاذاك أخي طارق وتوقع الكثير قريبا جدا
الصفحة دي إبداع عديل كده بذكريات وتواثيق
رهيبة للبروف وكمال وطارق وحسن وعبد الكريم ومعاوية والكوبي
ماشاء الله عيني باردة ما نقوم نسحركم اونديكم عين زي نجم الدين الفاضل ..
| |
|
|
|
|
|
|
Re: مدرسة الصبابي المتوسطة - أستاذ الفاتح (Re: معاوية محمد الحسن)
|
Quote: واعرف انه قضي فترة طويلة فى مدينةالعين والاخ عوض اللة مصطفى لديه عدد من طرائفه يمكن ان يمدنا بها |
** الكوتش عوض الله مُصطفى. ** صباحك خير.. ## ود محمد الحسن جبريل (مريسه) فاكى ليك الباص من نص الميدان ,, منتظرين والشُباك فاتح ..(ودام الود بيننا)
| |
|
|
|
|
|
|
Re: مدرسة الصبابي المتوسطة - أستاذ الفاتح (Re: عبدالكريم أحمد الامين)
|
Quote: حسن وردي هل تقصد حسن وردي بتاع المزاد الدنقلاوي المشلخ وكان ساكن جنب ناس عبد العزيز مانجل |
ياسعادة المستشار ابومحمد فؤاد انت زعلان معاي ولا شنو ولا ماشفت السؤال يظهر حصلت صاحبك ..........................
ابومحمد فؤاد من الجميل انو البروف عبد الرحمن ابراهيم لدية ذكريات جميله مع ناس الكوره وعلاقته مع ناس التحرير ماتخليهو يحكي لينا عن سعد دبيبة واكيد بيكون بيعرف يوسف المفك لاعب التحرير وشايف قال دربه الصبي و سليمان فارس يعني اكيد كان حريف كوره يعني يا ابومحمد فؤاد بالله العب لينا باصات بينية للبروف وخليهو يتجلى في مغازلة بوست بحري
| |
|
|
|
|
|
|
Re: مدرسة الصبابي المتوسطة - أستاذ الفاتح (Re: وليد عبد اللطيف)
|
Quote: ## اولاد العجب :- ابو النور و د. إبراهيم .. ** صباحكم خير.. ## غـيـبـتـكم طـالـت ؟؟ (ودام الود بيننا) (ابو محمد فؤاد) |
الأخ أبو محمد فؤاد
تحياتي
في إتصال هاتفي مع الدكتور إبراهيم العجب ذكر أسباب الغياب
خلال الفترة الماضية لسفره لمدينة جوبا في زيارة عمل
ووعد بالعودة قريبا مع شقيقه انور .. ويغريكم جميعا سلامه وتحياته .
| |
|
|
|
|
|
|
Re: مدرسة الصبابي المتوسطة - أستاذ الفاتح (Re: وليد عبد اللطيف)
|
Quote: حسن وردي هل تقصد حسن وردي بتاع المزاد الدنقلاوي المشلخ وكان ساكن جنب ناس عبد العزيز مانجل |
** ود عبداللطيف. ** صباحك خير.. ## والله ليس تجاهلاً لكن زى مابيقولو بيشوف القلب مابتشوف العين ,, بفتش للمُداخله دى عشان أرد عليك زى التقول فى جان دساها ,, والجان زى ماقال ابو رزقه ود. عبدالمحمود فى بحرى موجود ,, فلك العُتبى حتى ترضى.. ## الفنان حسن وردى نعم كان جار ناس مانجل ورحل الى المغتربين ,, وردى دا زمان فى بحرى مُمكن تلقاهو فى اليوم الواحد بيغنى فى حفلتين فهو شخص مُجامل لابعد الحدود..
Quote: ياسعادة المستشار ابومحمد فؤاد انت زعلان معاي ولا شنو ولا ماشفت السؤال يظهر حصلت صاحبك .......................... |
** أنامابزعل من إى زوول ,, لكن زعلان من نفسى ... **أنا كما ذكرت لك لم أجد المُداخله لاسباب خارجه عن إرادتى .. ## رجاءاً تقبل إعتذارى مره ثانيه.... (ودام الود بيننا) (ابو محمد فؤاد)
| |
|
|
|
|
|
|
Re: مدرسة الصبابي المتوسطة - أستاذ الفاتح (Re: عبدالكريم أحمد الامين)
|
صورة داخل نادي الاتحاد البحراوي وقتها كان في الدرجة الاولى ويهدد هلال مريخ وقوف من اليمين ناصر كاجولي ووليد عبد اللطيف جلوس بكري الجامعه وعوض صالح لاعب النيل السابق المعروف الصوره مهداه للبروف عبد الرحمن لكي يحدثنا عن اسرة الاتحاد البحراوي ناس سيف بغدادي وحاج امل وطارق عبد الدايم وكمال على خير الله والجاك عجب وبالمناسبة لعب لهذا النادي العملاق وحسب كلامه قائد اللواء المظلي ابراهيم عجبنا ابن صول مدرسة الشعب المعروف ووقتها النادي به ملاكمه وكرة سلة وفرقة موسيقية وكره طائرة وظرفاء تربيزة الكتشينه على الحسن مالك والسربندي وازهري وابو علي الفنان وحمدو (شقيق طارق ميرغني ) بصراحة النادي كان به تفاعل وحركة غريبة جدا
--------------------------------- طارق ميرغني (ابوالفن) ساعدنا بالباصات
| |
|
|
|
|
|
|
Re: مدرسة الصبابي المتوسطة - أستاذ الفاتح (Re: وليد عبد اللطيف)
|
Quote: ابومحمد فؤاد من الجميل انو البروف عبد الرحمن ابراهيم لدية ذكريات جميله مع ناس الكوره وعلاقته مع ناس التحرير ماتخليهو يحكي لينا عن سعد دبيبة واكيد بيكون بيعرف يوسف المفك لاعب التحرير وشايف قال دربه الصبي و سليمان فارس يعني اكيد كان حريف كوره يعني يا ابومحمد فؤاد بالله العب لينا باصات بينية للبروف وخليهو يتجلى في مغازلة بوست بحري |
** ود عبداللطيف .. ** صباحك خير.. ## تعرف لو البروف و (مُحب وعاشق بحرى) ,, اخدو ليهم إجازه إضطراريه أسبوع لبوست ست الهوى والطراوه والله ناس بحرى البيطالعوا البوست دا ,, إلا ياخدو ليهم أسبوعين تفرغ لمطالعة الإبداع وكم المعلومات فى هذا البوست ,, ولكن تدرى ظروف العمل الضاغطه .. ## تعرف عشان اقرأ المُداخلات فى البوست دا والشعبيه ,, اليوم دا عامل فيها مُتفرغ لإجتماع مجلس الآباء. (ودام الود بيننا) 0ابو محمد فؤاد)
| |
|
|
|
|
|
|
Re: مدرسة الصبابي المتوسطة - أستاذ الفاتح (Re: عبدالكريم أحمد الامين)
|
صورة للمنتخب الذي كان يمثل رابطة جنوب بحري بجامعة القاهره للخرطوم (مباراة الكاس ) (وهذا المتخب كان اذا لم يستلم الكاس لم يتخلف عن منصات التتويج ) بقيادة الكابتن حسن طه وعبود وياسر ووليد عبد اللطيف من نادي الاتحاد والرشيد تمساح ومزمل من كوبر والمايسترو ربيع محمد على بالبنطلون والقميص وتم توقيفة بمؤامرة من اتحاد الجامعة
| |
|
|
|
|
|
|
Re: مدرسة الصبابي المتوسطة - أستاذ الفاتح (Re: وليد عبد اللطيف)
|
صورة لمشجعي فريق جنوب بحري بالجامعة ومعظمهم بنات واولاد الرابطه ودائما ما يقفون خلف فريقهم وكان لبنات الرابطه الدور الاكبر في توفير التغذية للفريق مشركاتهم الخاصة والتشجيع بقيادة المستشار( خالد كراكة ) والمحامي (ياسر ) وتتكون رابطة جنوب بحري من الاملاك و المزاد والوابورات والختمية وديوم بحري والمزاد والدناقله وحلة حمد وحلة خوجلي والشعبية والصبابي ومن هنا اتمنى من المستشار خالد عثمان بكتابة كل الرؤساء الذين تقلدو شرف رئاسة هذه الرابطة الى اخر دوره وكان لهذه الرابطه دور فعال في خدمة المنطقة من فتح فصول تقوية ومساعدة دار المسنين والعجزة وتنظيم اسبوعي ثقافي يشرح كل ما يدور بالمنطقة من اعمال جليه
| |
|
|
|
|
|
|
Re: مدرسة الصبابي المتوسطة - أستاذ الفاتح (Re: حسن طه محمد)
|
ياسعادة المستشار ود البوب حسن طه كان يلعب لنادي الاتحاد ولقبه حسن غانا ولقبة في الجرائد باك قله (لانه هو الوحيد الذي وضع قله لاعب المريخ في جيبه )
اما انت ياسعادة المستشار لاننسى من اوائل الناس الذين عملو على تكوين فرق الشعبية شمال ومنها فريق الزمالك وقيل كنت تجيد كرة القدم ولكن الدراسه هى التي حجبتك من مواصلة المشوار
الف تحية لكل ناس بحري
| |
|
|
|
|
|
|
Re: مدرسة الصبابي المتوسطة - أستاذ الفاتح (Re: وليد عبد اللطيف)
|
وليد عبد اللطيف
وهنا كان لي عظيم الشرف وبمساعدة كل اللاعبين ومشجعي الرابطة والفضل يرجع لهم بأني حصلت على جائزة افضل لاعب سلوك واداء ومن الطرائف عندما همس على اذني الاستاذ احمد هلال المصري بأني الافضل في الدورة وفي ذلك الوقت الجامعة تضم عتاولة كل لاعبي الاندية بالجامعة فقلت : هل هذا لانك تحب ناس رابطة بحري ام فعلا انا كذلك فقال : عشان ناس بحري ونشاطهم داخل الجامعة فضحكنا
ويا لها من ايام الواحد يمشي الجامعة مفلس وياكل ويشرب ويدخل يوم مفتوح ويرجع مقرش (بالله شوف )
| |
|
|
|
|
|
|
Re: مدرسة الصبابي المتوسطة - أستاذ الفاتح (Re: وليد عبد اللطيف)
|
وليد
الوالد ( يعطيه العافية ) كان بيقول لي :
الناس كلهم عندهم كدارة واحدة انت عندك اتنين ليه؟
المزعلو كان انو الكدارتين قدام وما يجيبو نص كدارة.
الكورة خليتها في تانية جامعة بسسب الله يوسف مرحوم - يطراه بالخير - الذي كان يدرب منتخب الجامعة.
في تمرين وبالميدان الشرقي قسم اللاعبين اتنين اتنين واخوك وقع معاه شخصيا في التقسيمة
وراني الويل ومن ديك
لكن حتي الآن بساهر مع المباريات
وكمان كورة البرازيل وانجلترا يوم 14 نوفمبر بالدوحة .... ما تلحق.
| |
|
|
|
|
|
|
Re: مدرسة الصبابي المتوسطة - أستاذ الفاتح (Re: حسن طه محمد)
|
Quote: آخر اخباري شاهدت علي الطبيعة بنات عمنا ويليامز سيرينا واختها فينوس
وسيرينا ما قدرت العمر وفازت في النهائي علي اختها الكبيرة
امس قطعت تذاكر مباراة البرازيل وانجلترا التي ستقام يوم 14/11/2009 بالدوحة.
العايز يلحق |
تعرف يا ود البوب عندما شفت الكلام بتاعك دا حسدتك وقلت بالله الواحد ما كان ياخد ليه خفسة للمستشار حسن طه ويتجدع معه شوية ويرجع لكن يا ود البوب سيرنا واختها دا حاجة عجيبة والبنات ديل انا مباري ليك اخبارهم من زمان
| |
|
|
|
|
|
|
Re: مدرسة الصبابي المتوسطة - أستاذ الفاتح (Re: وليد عبد اللطيف)
|
الأخ/ سيف الدين نجار بعد طول غياب أبى ألا أن يشارككم هذه الباصات الجميلة بعد طول غياب
فإلي مداخلته...
Quote: لأخ/ كمال كرار
الأخ/ كمال كرار
ابلغ التحايا لكل ابناء بحري الكرام
ماشاء الله البوست وصل الصفحة 59 وهناك نجوم جدد
لهم كل التحية والإحترام – والله اتحفونا بهذا الزخم من الذكريات البحراوية
الطيبة.
أرجو نقل هذه المداخلة للأخ/ شمس الدين ساتي.
عصام مصطفى أو عمو حامد كما كان يطلق عليه، لعب بفريق الأمراء بالدناقلة شمال ومنها لفريق الأمير البحراوي
وطبعا كان قد تألق في الدورات المدرسية مع منتخب مدرسة الشعب الثانونية مع بقية العقد الفريد، محمد محي الدين ( شلضم)، عوض قربو، اسامة العطا،والمرحوم الشيخ ادريس كباشي وغيرهم من نجوم الكرة في ذلك الزمان – عقب تألق عصام عمو في الدورات المدرسية تم تسجيله لنادي الهلال ولعب معه مباريات مشهورة لازال يتذكرها جمهور الفريق، ثم هاجر لدولة الإمارات العربية المتحدة وهو مقيم بإمارة الشارقة حاليا – أما المرحوم مصطفي جابر فقد لعب ايضا بفريق الأمراء وكان كما تفضلت لاعب ماهر الا ان يد المنون اختطفته وهو في ريعان شبابه له الرحمة والمغفرة.
سيف الدين نجار
ابوظبي -لإمارات
|
| |
|
|
|
|
|
|
Re: مدرسة الصبابي المتوسطة - أستاذ الفاتح (Re: Kamal Karrar)
|
اضافة لكلام سيف الدين ياشمس الدين انو عم حامد او عصام مصطفى مادرس معانا فى الاميرية2 لكن كان بمدرسة صالحين والظريف انو انا وهو كل يوم بنجى متأخرين وانا كنت بنط الحيطة من جهة الغرب وهو كان عندهم سلك شايك ويظهر كان عامل فيهو فتحة من جهة داخلية البنات من جهة الغرب برضو ..
| |
|
|
|
|
|
|
Re: مدرسة الصبابي المتوسطة - أستاذ الفاتح (Re: عبدالرحمن إبراهيم محمد)
|
Quote: ناس الدناقلة عندى سؤال :- عبده مصطفى لديه شقيق أصغر أظن إسمه عصام كان زميلنا فى الأميرية أين هو.. كان لديه صديق من الدناقلة شمال أيضا توفى إسمه مصطفى جابر عصام مصطفى ومصطفى جابر كانا لاعبين ماهرين فى كرة القدم. |
** ود ساتى "الشرير" ** جُمعتك مُباركه.. ** عصام مُصطفى "عمو" لم يدرس فى الاميريه "2" وكما ذكر عابدون فهو كان بصالحين ,, وطبعاً هو الجناح الكان بيوقف قلوبكم إنتو وباكاتكم ..
## حالياً هو موجود بدولة الامارات العربيه المتحده وهو مسؤول قسم الحسابات بالدفاع المدنى (المطافئ) بالسودانى بدبى - ولايزال يمارس الكره ومُمكن يحاورك فى كُبايه.. (الاخيره دى أكيد عجبتك).. (ودام الود بيننا)
| |
|
|
|
|
|
|
Re: مدرسة الصبابي المتوسطة - أستاذ الفاتح (Re: عبدالكريم أحمد الامين)
|
Quote: أخــوانى الوليد و عبدالكريم: الله يديكم العافية جـيتونى فى المحل البجــر الذكريات. أنا اليومين ديـل مشــغول شــغلة بت لذينة. لكن إن شاء الله قريب بجيكم بالصور كمان. ســـلام |
** البروف عبده ** جُمعتك مُباركه.. ## حال الكوره فى بحرى لايسر حبيب ولاعثمان الحاج ولاحاج سيد ولا كمال .. ## من سته اتيام تتناوب وتتواجد بالدرجه الاولى :- (شمبات , الإتحاد , التحرير , الاملاك , العامل , أُمدوم) الى صـــــــــــــــــــفـــــــــــــــر كبير.. ** الامر يحتاج الى نقاش لمعرفة الاسباب ولقد تحدثنا فى هذا البوست كثيراً عن أمر الرياضه فى بحرى . ## تلفون ود مانجل تجده فى المُداخله السابقه.. (ودام الود بيننا) (ابو محمد فؤاد)
| |
|
|
|
|
|
|
Re: مدرسة الصبابي المتوسطة - أستاذ الفاتح (Re: عبدالكريم أحمد الامين)
|
## ياناس بــحـــرى :- ## موضوع يحتاج للنقاش وحلول عاجله:- إصـــحـــاح الــبــئــيـــه بـبـحـرى ... ** فى ظل رفع الدوله يدها عن التعليم والصحه والامن وجباية المحليات والولايات وماتشهده العاصمه عموماً وبحرى على وجه التخصيص من إهمال صحى ,, وبئيه تعج بالنفايات وتراكم المياه ,, والخريف الذى تهطل إمطاره وتتفاجأ بها الحكومه وكأنها لاتعلم موعده!!!!؟؟؟ ### للنوير:- يبدأ الخريف فى العاصمه من :- 21/07 من كل عام والى :- 21/10 - هذا للعلم فقط....
| |
|
|
|
|
|
|
Re: مدرسة الصبابي المتوسطة - أستاذ الفاتح (Re: Kamal Karrar)
|
Quote: مش أخوهم زكريا شمس الدين؟؟؟ |
كلامك صحيح وهم نسب آل كرار يعني نسائبكم إنتهر هذه الفرصة لأحي زميلي الإنسان الجميل وليد يحي شمس الدين وأحي كذلك الأخوان الفاضل والصادق كرار ..
نسيت أن أزف إليكم إنضمام الشاعر المبدع م. طارق حاج التوم إلى مجتمع سودانيز أون لاين وطارق إضافة نوعية لهذا البوست وبوست الأميرية (1) والموقع بصفة عامة توقعوا مداخلاته المتميزة خلال الساعات القادمة
| |
|
|
|
|
|
|
Re: مدرسة الصبابي المتوسطة - أستاذ الفاتح (Re: Emad Ahmed)
|
Quote: نسيت أن أزف إليكم إنضمام الشاعر المبدع م. طارق حاج التوم إلى مجتمع سودانيز أون لاين وطارق إضافة نوعية لهذا البوست وبوست الأميرية (1) والموقع بصفة عامة توقعوا مداخلاته المتميزة خلال الساعات القادمة |
** ابو رزقه.. ** صباحك خير.. ## أجمل حاجه فيك ,, كل ماتغيب بتجيب أخبار جميله وحلوه ,, ماعارف بتقصدها ولى هى الصدفه .. ## مرحب بولدنا الباشمهندس طارق حاج التوم وفعلاً هو إضافه حقيقيه لست الهوى والطراوه.. ## ياطارق :- موقفين الموتر السيوزكى ومنتظرنك.. (ودام الود بيننا) (ابو محمد فؤد)
| |
|
|
|
|
|
|
Re: مدرسة الصبابي المتوسطة - أستاذ الفاتح (Re: وليد عبد اللطيف)
|
وليد
والله الصورة ما عرفت فيها غير أخوك عز الدين وإسماعيل زمبة
الواقف جنبه..
يا أخوانا عصام مصطفى ومصطفى جابر كانوا دفعتنا
طيب أنا عرفتهم كيف ؟ وأذكر سبب وفاة مصطفى
كان مضروب فى الركبة مشى لى إمرأة تفصدوا قامت قطعت
شرايين رجله ومات نازفا.. غايتو أنا مصر إنهم درسوا
معاى بالأميرية2
أو يكون درس معاى فى الدناقلة شمال
| |
|
|
|
|
|
|
Re: مدرسة الصبابي المتوسطة - أستاذ الفاتح (Re: وليد عبد اللطيف)
|
Quote: اين هذه الصورة ومناسبتها |
الصورة الثانية بميدان الأمراء شمال حي الدناقلة
ومناسبة الصورة هو كورس تدريبي أولي على ما اعتقد
لمدربي روابط بحري ويظهر في الصورة شقيقك عز الدين
عبد اللطيف ومهيلم مهاجم الأمير البحراوي والكوتش
هاشم مدرب فريق السلام برابطة الشعبية .
| |
|
|
|
|
|
|
Re: مدرسة الصبابي المتوسطة - أستاذ الفاتح (Re: Emad Ahmed)
|
محمد محى الدين (شلضم) درس معنا بالدناقلة شمال
وهو متزوج من شقيقة صديقى صلاح عثمان (أبو ساحوتة) و أخوهو غير الشقيق
عادل ساتى أيضا متزوج من شقيقة صلاح .. ولديهم شقيق أخر درس معنا ببحرى
الحكومية هو أسامة سعد أظنه تزوج شقيقة محمد موسى وهما بالولايات المتحدة
| |
|
|
|
|
|
| |