ما هو المعيار ؟

Quote: ليست عزاز وحدها بل وتيسير نفسها وسناء , فقد اكثرن من تصنيف الاخر واجتهدن في توصيف الاخر هذه المرة اكثر من جهدهن في الجدال الدائر فقد تعودن دائما علي جيوش من المسبحين بحمد ارائهن , ولكن لان الخلاف هذه المرة في ( اس) الدعوة الصفوية نفسها , كان ان تمايزت الصفوف وظهر المجاملون في المواقف من المتسقون مع دعواهم , ووجدت الاخوات ليس كالعادة جيش الدعم ( اللوجستي) وانما في معسكر المواجهة , فعدن اخواتنا الكريمات انسانات عاديات جدا , يفلسن في القول ( زيهم زينا واحد ) بل ويفكن اخرهن , ويغالطنك من اجل الغلاط بحجج تضحك ( سناء) , ويتبرمن جدا جدا جدا من اراء غير متفقة معهن , ويتهمن الاخر ( تقريبا) بالغباء لانه لم يؤمن برايهن تحت بند ان كلامهن واضح ( ناسيات) ان حجتهن غير مقنعة وليس من الضروري ان تكون ( حاملات ) مشاعل التنوير علي صواب دائما شوف ليك ابتزاز زي حق سناء دا ياخي في البوست دا ؟؟ عشان تعرف الاختلاف بطلع من الانسان اسوا ما فيه وبظهر الانسان علي حقيقته اذا كان متسق مع نفسه ولا بائع شعارات ما بقدر يتبناها في المحكات . من كل هذا اضحكني شيئا مهما جدا وهو محاولة اظهار كل هذا الحوار والجدال علي انه لا شي مع انه لم يدور في المنبر هذا في القريب المنظور حوار مثل هذا الا ان الاخوات لاجندة معلومة ( مثلما يقول الدكتور مصطفي ) اجتهدن في ( تسفيه ) الحوار هنا وان لم يستطعن سفهن المحاورين انفسهم شفت كيف الحرية دي بت كلب ؟

)
أصلو ما كنت قايلة في زول.. بيفتكرني غير كدا..و لاّ شايف في يدي مشعل تنوير.... لكن هسة خليتني أحس بالذنب انو زعلتك و انت ظنك فيني ((قدر دا))!

و مع انك أسأت لي أكتر من مرة في البوست دا..و لحدي الآن أنا ما رديت ليك إساءاتك.. و مع انك بتحاول تظهر بمظهر الضحية.. و بتلبس رداء براءة (على حسابنا).. لكن سبحان الله ما قصدت أنت منه الإساءة بكلامك دا..

Quote: : شوف ليك ابتزاز زي حق سناء دا ياخي في البوست دا ؟؟ عشان تعرف الاختلاف بطلع من الانسان اسوا ما فيه وبظهر الانسان علي حقيقته اذا كان متسق مع نفسه ولا بائع شعارات ما بقدر يتبناها في المحكات

somehow, وقع من نفسي موقع جميل.. و حسيت انه شهادة لي.. أشكرك عليها جداً.. لا سخرية و لا تهكم .. شكر حقيقي!

(عدل بواسطة Sana Khalid on 05-17-2010, 01:12 PM)