ما هو المعيار ؟

Quote: باختصار، القضية ليست قضية انتصارات شخصية لقضايا سابقة كما اشار بكل تاكيد اخونا قيقراوي، قاريء النيات، و ما تزعل مني يا قيقراوي للمرارة الفي كلامي، و لكن يعلم الله اثقلت علي كاهلي بقرايتك دي، كما لم يثقل علي اي شخص من قبل في سودانيز اونلاين دي او خارجها حتي

Quote: و لكن يعلم الله اثقلت علي كاهلي بقرايتك دي،

اتمنى صادق انو ربنا يرفع الضرر و يعوض عليك
بالجد أخطأت في القراية بالنية الانا رافضها ابتداءاً . . و لك ما تري انك فاعلة بهذا الخصوص ، و رقبتي سدادة يا ستي فيما يخصني و لا تأخذك رأفاة بالجد انا ناشد التطهر من الذنب دا . . اما الآخرين فما اعتقد انا مطالب او أملك شئ من أمرهم. . مش ؟

اما بعد

يارحاب دخولي للبوست دا سابق لك
و آي نعم رأي بيض و فطير ، لكن متبني وجهة نظر فيهو تخصني تماماً
ادافع عنها و لا ما من حقي مع الناس ؟

شئ تاني بخصوص الاختبار العلمي :
كل التجارب العلمية و نظرياتا لقت موافقة و قبول من كل الناس و في كل الاوقات ؟!

يا ستي انا - لجهل مني و نقص زاد - رافض الاختبار - بما يتسق مع وجهة نظري البيض ديك ذاتا - و بناء على ( تعابير مكتوبة ) منك ما على سابق النية او ( معرفة سطحية ) - و دي ما بشملها الاعتذار اعلاه ، لا اظن جدل علمي مما يثقل كاهل من هم بعلمك* و جلدك - يلا بالتالي العبد الفقير دا رافض نتايجو الوصل ليها مهما كانت . و لحدي هنا ما اعتقد اننا مختلفين مش ؟
لو حابة تتناقشي فيها ما عندي مانع ابداً ، نكسر ليك الايقاف القسري ( عندي امتحان CFC ) و بصراحة البوست دا جاب لي ورم في المخيخ عديل ، لكن ما عندي أي مانع - و مالو نعتبرا كفارة ذنب . . المافي شنو ؟ - و لو اقتنعت بصحة وجهة نظرك اني اتبناها و اعتذر - دا براهو يا اساسي ما تتشابه عليك الاعتذارات ساي - عن دي ذاتا و اضيفا لكوم شكرك الفي رقبتي على ماتعلمته منك .
بس اتذكري انا برضو ( كان ) عندي قضية و معركة في البوست دا ذاتو !! . . كونو تتصادم وجهات نظرنا فطبيعي ياخ ! ياما اتفقنا قبلها
و في الدروب دي الناس بتتلاقى و تتفرق المهم نحترم وجهات نظر بعض و نحفظ حق الآخر في الاختلاف . . و لا شنو ؟


-------------
* انا من عارفي فضلك و سبقك فيها

سيدي الحسن
انتبهت لي حلتك الطلعتها لي من مداخلتي ، آشيخي سليقة وين دي البقطعوا فيها بصل بعد يلايقوها دي ؟

اها دي ما فيها اي ايحاءات يا ناس الباطن ، الله يرضى عليكم
سيدي و حبيبي الحسن في عتابه و تبصيرو لحوارو لايق السليقة و بعدين اداها بصل ( كان ما كشنة غايتو ؟ ) ياهو الجايك سوء تغذية كان خلوك على رقبتك دي

استدركت ما استبدرت من أمري ( برضو ) في شأن الاستبعار
صدقت و انني من الخاطئين . . .
و لولا المقام لأتيت بقول العارفين
خلو لأهل الخاصة ي مقام الخواص

و اعفي لينا يا سيدي