Quote: هل اللغة في البوستات قيد الخلاف و محمولها مقبولة لو نقلت بتفاصيلها لطاولة عشاء أحدنا مع اسرته؟
عزاز شامي
Quote: قول لي انا دا امجد (الراجل عديل ان كان ذلك يلزم لمعايير البعض) لمن زوجتي تفتح المنبر العارفني بقعد فيهو و تلقى موضوع زي البصل حلو و فراقو صعب او ما شابه موقفي حيكون شنو مثلا
د. أمجد
05-08-2010, 04:41 PM
تيسير عووضة تيسير عووضة
تاريخ التسجيل: 12-20-2005
مجموع المشاركات: 7136
نظرة ماسحة سريعة لهذا البوست ستبين لك صحة أو عدم وجهة النظر التي دافعت عنها بشراسة كما تقول والتي أراها أنا مستحقة وستعلم هل كنت فعلاً أسمع صوت نفسي أم هو رأي الجميع وإن إختلفت الصيغة الغالبية العظمى حتى الآن إتفقت على رأي واحد حول تلك النوعية من الكتابة إختلفت أساليب وأدوات إيصال وجهة النظر وتباينت معايير الجميع حول التقييم لكن في النهاية كان الإتفاق أن ما يحدث خطأ غير مقبول
من جانبي يا أساسي تمنيت أن تكون أخي المشاكس اللدود لأخبرك وبكل أخوة أن من يسمح لنفسه بإهانة الآخرين وإحراجهم وإطلاق التصنيفات عليهم بكل "قوة وش" كأسخف أو أثقل الأعضاء دون أن يتعرضوا له أو يؤذوه ودون مراعاة لإنسانيتهم أو كرامتهم ودون إعتبار لحظهم العاثر الذي جعلهم لا يروقون لمزاجك - الشيء الذي لا استطيع أنا فعله ولو على رقبتي السيف رغم شراستي التي ذكرتها - عليه أن يعلم أن كرامة الناس وإنسانيتهم ليست موضوعاً للدعابة ولا مدعاة للتندر وفي هذا كلينا يمكنه أن يسيب البلد للآخر (يمكنني أنا أختار أوغندا في هذه الحالة)
رغم كل شيء كنت وستظل أخاً إسفيرياً عزيزاً أحسبه من المميزين في هذا المكان وإن إختلفت معك في كثير من وجهات النظر لك الإحترام والتقدير من قبل ومن بعد ولك العتبى على خشونة أصابتك من طرفي كرد على إساءتك لي والتي أثق في أنها لم تكن متعمدة بل جرفها تيار النقاش هذا مع إحتفاظي برأيي وبشراستي في هذا الموضوع تحديداً كما هما
تحياتي ،،
05-08-2010, 07:32 PM
كمال عباس كمال عباس
تاريخ التسجيل: 03-06-2009
مجموع المشاركات: 17138
الأخوة الكرام تحياتي في رأي أن هناك خلطا شنيعا بين مفاهيم فكرية مختلفة ( الديموقراطية و /الفوضوية/ والعدمية ) فالديموقراطية لاتعني الفوضي والتفسخ والتسيب وأي محاولة لإفراغ الديموقراطية من مضامينها السامية وشحنهابمعاني سالبة بحيث تصير مرادفا للعبث والتحلل!! أي فهم هذاشأنه يشوه و يبتذل الديموقراطية ويتجاهل لبها جوهرها وإن تمسك بقشورها!! ... ومن ناحيةأخري يدرك أي مطلع علي علم الأجتماع السياسي أن للحريةالفردية مقيدات ومحددات وأنها ليست مطلوقة وسائبة ساكت ! فالمجتمع بقيمه و تقاليده ومكوناته الاخلاقية والذوق العام يحد من الحرية الفرديةوكذلك الاديان بآوامرها ونواهيها كما يشكل ضمير الفرد و مثله والتزامه بالمسؤلية مكبلا إختياريا لحريته !! هذا بالاضافة ( لتدخل ا لدولة بقوانينها ونظمهاولوائحها !! فمثلا يري بعض دعاة التحرر المنفلت أن تعاطي المخدرات حرية شخصية والأنتحار خيار فردي بحت والبغاء ( بيع الجسد) خيار شخصي والتعري الكامل حق والاساءة والتجريح حق لا يملك المتضرر أمامه سوي الرد !! وهو نفسه ما تتتصدي له المجتمعات الواعية والقوانين ودعاة الحريات المنضبطة !! والديموقراطية والحريات الفردية ليست مفاهيم مجردة ولاهي نظريات تستورد وتزرع في أي بيئة بصورةمكانيكية دون مراعاة طبيعة البئية ومكوناتها المحلية وتركيبتها الإجتماعية وأنما يجب أن يتم التعامل معها بشكل مبدع وخلاق يحسن توطين قيم ومنجزات الإنسانية بشكل يراعي خصوصية الواقع. 2 ماتكتبه العضوة منال صالح ليس نصوصا أدبيا أو إنتاج فكري وإنمامجرد إنطباعات شخصية مـكتوبة في أغلب الاحوال بصورة مباشرة تخلومن الترميز والتشفير - فلنأخذ مثال كتبت السيد المصون منال- أنها باتت ذات ليلة مؤرقة ومساهرة في شرفةمنزلها العامر بسبب ( تشاكس الكدايس ومعافرتها وأزعاجها وتنطيطها وقد أستنتجدت الاخت المحترمة أنهم -يكونوا ضكر وإنتاية وتسآلت ببراءة ياربي يكونوا بعملوا في شنو?? فأين التشفير والترميز والمداراة في هذا القول ? دا كلام موغل في المباشرة والسفور اللفظي ? ولا أدري كيف يتسني لأي شخص أن يدافع عن هذا الحديث ? بإسم الحرية الشخصية وحق التعبير ? أذا كان الأمر كذلك فهل الحرية الفردية بلا قيود ولا أسس ومحددات ? من يقول بهذا عليه أن يعيد النظر في الديموقراطية ويستوعبها علي حقيقتها !! 3 يجب أن ألا نجهل خصوصية وضع المراة في بلادنا وطبيعة هذا المنبر كوسيط تفاعلي وسيلة تثآقف وتلاقح فكري يتأثر فيه العضو بما حوله ويؤثر فيه وكلما أرتفع مستوي الحوار في المنبر وسمت قيمة المادة المكتوبة فيه كلما أرتفعت أسهم المنبر وأرتقي ليضحي منارة فكرية شاهقة وقمة ثقافية أ صبح فخرا لكل من ينتمي اليه وبنفس القدر سنجد أن كلما تدنت لغة الحوار فيه وطغي فيه الغث والاسفاف و أنحدرت لغة الكتابة فيه وساده الأبتذال والإنفلات والفوضي كلما إنحدر مستوي المنبر وتدني رصيده أصبح بؤرة مشينة وعنصر طرد لا أداة جذب !! .....أيها السادة أن ما يكتب في المنبر ينعكس بصورة غير مباشرة سلباأو إيجابا علي مجمل عضويته وعلي مستوي الموقع وتقيمه العام.. 4 كتبت منال ما كتبت وكان من الطبيعي أن يثير ذلك إختلافا ورفضا لأسلوبها وفي رأي أن هذا قمة الديموقراطية : ممارسة حق الأختلاف والسعي لتشكيل رأي عام يرفض هذا الاسلوب ويتصدي للقبح ولكل ماهو طارد ومنفر ويسعي لخلق جو صحي ومعافي .....وأعتقد أن أي محاولة لمصادرة حق الاختلاف هذا هي إجهاض لقيم الحوار وسلب لحق إنساني أصيل 5 قامت ألأستاذة تيسير بالتقدم خطوة في طريق ممارسة حق الأختلاف حيث طالبت السيدة منال بأن تصحح مسارها الأسفيري أو الأنسحاب خارجا- مؤقتا- لتفريغ شحناتها من الأنفعالات والالتهابات العاطفية والكف عن البوح بمشاهدتها لما حدث بين ذكور القطط وأناثها لأنه خادش ويتجاوز الحد الادني من إحترام المتلقي والعضوية وفيه تجاوز للموضوعية ولأسس الحواروأن فيه إنحدار وأسفاف ينعكس بصورة غير مباشرة علي عضوية المنبر!! والأستاذة تيسير كتبت هذا وهي تعي أننا لا نعيش في كوكب آخر وآنمافي وسيط سوداني لا ينفك عن قيم ومثل شعبه والذي يحكم علي المكان بما يكتب فيه ويتسآل الانسان البسيط فيه أنتو المقعدكم في حتة زي دي شنو ? والسؤال هل ماقامت به تيسير إقصاء ومصادرة للرأي الاخر ? لا فتيسير لم تدعو لإقصاء شخص وأنما دعت لطرد أسلوب ونمط كتابي رأت فيه تجاوز لأدب الحوار.. تقول اللائحة:
Quote: على جميع الأعضاء الالتزام بأدب الحوار والاختلاف واحترام الرأي الآخر
وبقول:
Quote: يكفل المنبر الحر لكافة الأعضاء حرية التعبير والرأي والبحث العلمي والاجتهاد ومناقشة جميع الأفكار والمواضيع الدينية والفلسفية والسياسية والاجتماعية والاقتصادية والفنية وسائر ضروب العلم والمعرفة، مع ضرورة التزام الأعضاء بالحوار الموضوعي واحترام حق الآخرين في الاختلاف معهم/ن.
.. رأت تيسير أن في أسلوب منال إخلال بأدب الحوار ونسف لموضوعية الحوار والإنحدار من قمة الموضوعية لقاع الأسفاف والإبتذال !! أذا تيسير لم تدعو لأقصاء شخص ( مع أن الدعوة لمحاسبةأو فصل شخص حق لائحي) وأنما دعت لإقصاء أسلوب وذكر ت وبالحرف الواحد أن مكان الشخص محفوظ بيننا متي ماتخلي عن أسلوبه ذلك !! تيسير تعاملت مع لائحة المنبر روحا ونصا ولم تتغول علي حقوق أحد حيث تمسكت بحقها اللائحي ودفعت بالكرة تجاه إدارة المنبر وعضويته! أذا يصبح من التعسف المزائدة علي ديموقراطية تيسير وعلي أتساقها الفكري وذلك بوصمها بالاقصاء والضيق بالاخر وهي أبعد الناس عن هذا !!@... أن توظيف لفظة أقصاء في غير موضعها يبتذلها ويستهلكها ويفرغها من محتواها ! فمتي كانت الدعو ة للموضوعية والمسؤولية إقصاء ? ومتي كانت الدعوة لضبط الحرية الفردية والديموقراطية بحد أدني من المسؤلية والالتزام قمع وفاشية ? ............ التحية لجميع الاخوات اللواتي صرحن بحقهن في الأختلاف والتصدي للقبح... التحية لحاملات المشاعل والمنحازات لهموم شعبهن ولقضايا المراة ولقضايا الديموقراطية والحريات العامة بالوطن فمن ينحاز للديموقراطية وحق التعبير إسفيريا مطالب بأن يترجم ذلك لمواقف علي مستوي وطنه وأن يتصدي لتزييف الدبموقراطيةوتزوير إرادةالشعب قبل يتشدق بها علي مستوي التعامل مع عضوية منبر إسفيري! وعلي الشرفاء وأصحاب الضمايئر الحية العمل علي حمايةهذا المنبر والارتقاء به
(عدل بواسطة كمال عباس on 05-08-2010, 08:00 PM) (عدل بواسطة كمال عباس on 05-08-2010, 08:23 PM) (عدل بواسطة كمال عباس on 05-08-2010, 09:15 PM)
05-08-2010, 07:35 PM
كمال عباس كمال عباس
تاريخ التسجيل: 03-06-2009
مجموع المشاركات: 17138
مواصلة 6 توضيحات : a- ربط حق الاسفاف والأبتذال بحق الالحاد وهو موقف فكري وفلسفي حق الالحاد والكفر وكفالة حق التعبيرللملحد دا حق حق كفله الدين نفسه كتبت في هذا
Quote: لماذا تسلبونه حقا كفله له الله تعالي ? الم يقل تعالي (قل الحق منربكم فمن شاء فليومن و من شاء فليكفر) (و لو شاء ربك لآمن من فى الارض كلّهم جميعا أفأنت تكره الناس حتى يكونوا مؤمنين) أم تسعون لسلبه حق الحوار والاختلاف ? وهو أيضا حق كفله الله تعالي حتي للشيطان !! أنظروا لحوار الشيطان مع الذات الالهية ورد الله تعالي ومحاورته له وعدم أقصائيه بالرغم من تحدي الشيطان لله !! ألم يكن الله قادرا علي إخرا س الشيطان ومحوه من الوجود? أذا لماذا تركه وكفل له حريته في الوسوسة ومحاولة التأثير علي البشر ? .......... فبمثل ما نجد في النص الديني توثيقا لتحدي ا لشيطان لله وحواره معه نجد أيضا توثيقا لكلام وتشكيك الكفارفي وجود الله وزعم بعضهم أن الملائكة هي بنات الله وتشكيك بعضهم في رسالة الرسول -ص- وزعمهم بأنه ساحر ومجنون ! (" ولقد خلقناكم ثم صورناكم ثم قلنا للملائكة اسجدوا لآدم فسجدوا إلا إبليس لم يكن من الساجدين * قال مامنعك ألاّ تسجد إذ أمرتك قال أن خير منه خلقتني من نار وخلقته من طين * قال فاهبط منها فما يكون لك أن تتكبر فيها فاخرج إنك من الصاغرين * قال أنظرني إلى يوم يبعثون * قال إنك من المنظرين * قال فبما أغويتني لأقعدن لهم صراطك المستقيم * ثم لأتينهم من بين أيديهم ومن خلفهم وعن أيمانهم وعن شمائلهم ولا تجد أكثرهم شاكرين * قال أخرج منها مذءوماً مدحورا لمن تبعك منهم لأملأن جهنم منكم أجمعين { ........
7 من التعسف ربط موقف شخص ما من قضية منال بموقفه من عمل روائي أو إبداعي !! فالمادةالادبية عالم من من صنع وإبتكار الاديب ..لها منطقها الخاص والياتها المتفردة ولأبطالها مجال حركتهم وإنفعالتهم ورؤاهم التي قد لا تتطابق مع رؤي الاديب ! لا يمكن أن تحاكم شخص بموقفه من عمل روائي متخيل وذلك بربطه بموقفه من حقائق وإشكالات الواقع!! 8 يجب أن أوضح أن الأختلاف هنا والمحاكمة موجهة لمنال الأسفيرية أوما تخطه منال ولسنا في مجال الحكم علي شخصهاالحقيقي أو أخلاقها أو سمعتها ولا يحق لنا ذلك ! ...ذكرت بعض الأخوات أن بعض من تداخل مع منال من عضوية مبرمجين بمنال ولاأدري لماذا لا يكون العكس صحيح أيضا وأنها هي من تبرمج ببعضهم وتجتذبهم وتثيرهم بتلـك النوعية من الكتابةبحيث تجعلهم يتهافتون علي بوستتاتها ويتبارون في التعليقات المجارية لموضوع بوستتاها بصورة تخصم من رصيدهم وأحترامهم وتقلل من مكانتهم !! ........... 9 شخصيا ومع إحترامي وتفهمي لأساليب الاخوات والاخوة في التصدي للنشاذ والقذي عبراليات يرون فعاليتها ومع إتفاقي مع عنصر التوعيةوالتنوير الاأني أفضل تجاهل ما لايروق لي أو الأعتراض عليه إن كان يستحق الاعتراض وإهدار المداد ! ..........
(عدل بواسطة كمال عباس on 05-08-2010, 09:18 PM) (عدل بواسطة كمال عباس on 05-08-2010, 09:18 PM)
05-08-2010, 08:32 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
Quote: وانتا رأيك شنو في النتايج الطلعتا بيها دي؟؟
رأيي إنها نتايج مخستكة - زي الكورة
Quote:
Quote: الإيحاءات الجنسية أشد خطرا و أعظم اثرا على سمعة البورد من نكران وجود الخالق (سبحانه وتعالى)
وبالذات دي ما عرفتك جبتها من وين ..يعني حصل عليها اتفاق؟ بمعني لو ما دخلنا قلنا راينا في موضوع الالحاد او البوست ما طقش عينا معناها موافقين علي كلام الكتبوا.؟؟
دي زيها زي غيرها جبتها من هنا و هناك وما قلت حصل عليها اتفاق
ورد في النقاش أعلاه - بأكتر من صيغة أن سمعة البورد وأعضاؤه/عضواته تتأثر سلبا بالكتابات موضوع النقاش في حين - على ما أذكر - في أحداث هشام آدم الأخيرة و بوسته عن نكران وجود الخالق (سبحانه و تعالى) وفي خضم الهجوم و الإختلاف الحصل معاه ما قريت حجة زي دي كل أو اغلب من هاجمو أو ناقشه كان بتكلم عن عضم الموضوع ما في زول جاب سيرة سمعة البورد او تاثرو بيها كحجة فالنتيجة الوصلت ليها دي - أو الإستنتاج للدقة - كان للمقارنة أعلاه
وزي ما قلت في البداية أن القراية قد أو قد لا تكون سليمة
دا ما مهم يا سرور , المهم الإجابة على السؤال عن المعايير أو الإتفاق عليها وقبولها للأغلبية على الأقل
_______________________________
أخباري زينة الحمدلله بس زنقة شغل وكدا إنت كيف؟
05-08-2010, 08:32 PM
سارة علي سارة علي
تاريخ التسجيل: 07-08-2008
مجموع المشاركات: 4413
حصل قبل كدة نقاش حاد اكتر من دة.. ووصلنا حقنا في الاساءة الزادت الطين بلة.. واتفتحت بوست باسمي بخصوص الموضوع دة.. وبي قدرة قادر طلعناانحنا الغلط والاخت منال هي الصاح
وازيدك.. بكري لمن طلبت منو يطبق قوانين قرقوش الختاها منظر دي... باعتبار ما نالني من اساءة..اتلفت جاي وجاي وكل القدرو انو مسح البوستات..
في واحد دخل دافع في البوست المسحوب (ما عني ..دافع عن الصح) ما متذكرا اسمو وعمرو ما اداخل معاي..ندمتا اني ما حفظتا اسمو ويا ريت لو قرأ كلامي دة او اتذكر البوست الكان بينا انا ومنال وتبلدينا يذكرني بيهو..العضو دة ربنا يباركو ودنيا واخرة ..دة دافع عن الفكرة بطريقة تحلف تقول اخوي عندو باسويرد ما هو..وهسه جات الفرصة الاني اشكرو فيها.. البيغيظني اني ما مطالبا الباقين لمن واحد يمد لسانو يجوا يدافعو عني..لكن البيغيظ لمن الزول يكون غلطاااااااان يجي يتجارو ويقولا لا انتو الغلطانين..ودة الحصل في البوست الانسحب من شهور..وما تشبكونا معيار ولا غيرو..البيحصل دة غللللط واااااااااااضح ..
ـــــــــــــــــــــــــــــــــــ والغلطة غلطة بكري..لو كان رسل ليها انذار ما كان(منبرو) بقي بالصورة البتخجل اقلاها في نظرنا انحنا الاعضاء
05-08-2010, 09:42 PM
ALZOLZATOO ALZOLZATOO
تاريخ التسجيل: 03-14-2002
مجموع المشاركات: 4216
لا يمكن ايجاد معيار محدد هنا لاختلاف الاديان والمعتقدات وعامل السن والجنس (ذكر او انثى طبعا) بعدين قوانين بكوري دي ممكن الواحد يكون حريف ويتجاوزها فماتراه انت بذئ يكون عند شخص اخر انفتاح وتكون انت متخلف والعكس صحيح
عشان كده خلينا مع قوانين بكوري والحريف ح يطلع مبدع لووووووووولز ياخي
الموضوع تشعب تشعبا واسعا حتى بدات اراجع مفهومي لمعني معيار
تحياتي
زاتوووو
05-08-2010, 09:52 PM
خدر خدر
تاريخ التسجيل: 02-07-2005
مجموع المشاركات: 13188
ما يفوتك يا كمال عباس , الحبشي مندهش انو المستنيرين بقوا يخافوا من الحديث عن الاباحية (عطفا علي ردو علي المسلمي في بوست آخر تعليقا علي كلام د امجد) كيف استطاعت عضوية المؤتمر الوطني فعل ذلك ؟
__ معيارك كان شنو يا الحبشي ؟
05-09-2010, 02:51 AM
كمال عباس كمال عباس
تاريخ التسجيل: 03-06-2009
مجموع المشاركات: 17138
حصل قبل كدة نقاش حاد اكتر من دة.. ووصلنا حقنا في الاساءة الزادت الطين بلة.. واتفتحت بوست باسمي بخصوص الموضوع دة.. وبي قدرة قادر طلعناانحنا الغلط والاخت منال هي الصاح
... إنها المجاملات... والشلليات العمياء واللبرلة العرجاء الشائهة التي لا تضع حدا فاصلا بين المسؤلية الفردية والحرية الشخصية ولا سياجا تنتهي عنده حريتك حينما تبتدي حرية الاخرين ولا فرقا بين حرية التعبير و الاسفاف !! وأحيانا يكون الموقف ناتج عن إنحياز حقيقي -بس ما في محلو - لحق الاخر في الكلام مع ضرورة تحمل نتاج تبعات كلامو ! وأحيانا يصور الأمر بأنه صراع نسواني وغيرة من حجم التفاعل الذي تلاقهو تلك النوعية من الكتابات ودا طبعا فهم بائس ومتهافت فالاسلوب أياه لا يحتاج لعبقرية ولملكات خارقة وقدرة كتابية إبداعية موغلة في التفرد بحيث تعجز الاخريات عن المجاراة !! لا أنه أسلوب غارق في العادية وساهل جدا ويمكن لأي واحدة أن تنتهجه بشرط أن تخسر مقابله الكثير لتكسب التصفيق وآهات الاعجاب وتناقز الخفاف وتهافتهم علي تلك الموائد !! الغيرة - إن وجدت- والتنافس يكون في الحضور الإيجابي والمادة المثمرة لا في الكتابة البالونية والفرقعات ! ثم أن معظم من يتصدين لهذا الأسلوب لهن رصيد كافي من الأحترام والتفاعل إسفيريا وعلي أرض الواقع ولهن إنجازات وإسهامات مقدرة !! ....... إذا إشهار سلاح الغيرة لأخراس الاصوات الرافضة وسيلة عاجزة وفيها عدم إحترام لحق الإختلاف الموضوعي والخالي من الاغراض الذاتية ... نعم أصدقك فهناك حقا من يشكل حائط صد دفاعي أمام أي محاولة نقد جادة أو وقوف في وجه القبح وتبرئية المخطي وتخطئية من يحاول ا لإ صلاح !! التحية لك ياسارة ... والحقيقة فأنا لم أتابع كل المعارك السابقة مع الزولة المعنية ولا أملك خلفية كافية عنها وقد تداخلت اليوم في المنبر بعد فترة غياب لتقديم واجب التعازي والتهاني فقط والإنسحاب فوجدت هذا الموضوع أمامي فكان لزاما علي أن أسطر بعض الحروف إحقاقا للحق ... التحية لك ياسارة وأرجو أن تواصلي الدفاع عن قناعتك والا يتملكك الاحباط ........... و ختاما أرجو أن تستفيد أختنا منال من الاطروحات الناقدة وتعالج أوجه القصور في كتابتها وتواصل مسارها الأسفيري .......
(عدل بواسطة كمال عباس on 05-09-2010, 02:59 AM) (عدل بواسطة كمال عباس on 05-09-2010, 03:14 AM)
05-09-2010, 03:54 AM
Amjed Amjed
تاريخ التسجيل: 11-04-2002
مجموع المشاركات: 4430
سلامات جميعاً حسي يا شيخ العوض عليك الله كل الطلعتا بيهو من كلامي دا انك تطالبني بالاعتذار ... اها الاعتذار على شنو بالضبط على انو في شلة كورص منساقة وراء غرائزها و بتزين للاستاذة دي دروب الايروتيكا الهي ماشة فيها (دا طبعاً مع الاعتذار للايروتيكا ذاتها) ولا على انو في جماعة من القوم بتحتفي بيها داخل و خارج المنبر (و برضو منساقة وراء غرائزها اعتمادا على ما تكتبه هنا) ولا على شنو بالضبط عموما لو رجعت برضو و قريت كلامي حتلقى اني قلتا ما علينا و لنا بحكم الظاهر ... ممكن تراجع البوستتات اياها و تورينا الظاهر
لكن ملحوظة كدا بما انك شيخ البورداب و الموزع للنصائح بتقديم الاعتذارات عن التجاوزات و ما شابه مالك اتجاهلت اتهام السيد اخوك لي بشرب الخمر و بانو الكحول افسدت افكاري ما شفتو ولا في مانع تاني مثلاً و لا تكون الكحول افسدتهامن ورايا عموما بالرجوع للموضوع و لتوضيح ما التبس بتفسير الماء مرة اخرى بالماء سؤالي الاستنكاري عن عرض الايحاءات الشبقية دي بالشكل العلني دا كان لمقاييس البعض كما وضحت للاخت العملت المقاربة مع كلامي و المعيار عطفاً على سيد البورد هنا هو المضمون محسن خالد مثلاً لمن يكتب (تيموليت) كقصة فيها مضمون ادبي و نص جمالي في المقام الاول فيهو مضمون : هدف : فكرة دايرها تصل الوضع بيختلف بيختلف جملة و تفصيلا عن احاديث منال الايحائية في بث لواعج شوقها و غرامها بالبصل (الما بتحمل الحياة بدونو) علاء الاسواني في كتابته عن عمارة يعقوبيان و وصفه للعلاقات الجنسية المتشابكة وتأثيرها على مجرى الاحداث بيختلف عن كتابة منال الايحائية عن الكدايس الحمتها النوم (لأنهم ضكر و انتاية) اكمل ليك الامثلة ؟ ما حنخلص المضمون شنو من ايحاءات منال و لا هو الجنس من اجل الجنس و خلاص ثم تعال يا شيخنا متين كان التقدميين او غيرهم من اصحاب المواقف السياسية دعاة اباحية ... رداً على تساؤلك في البوست المفترع داك ولا دا كان في عداد تجييش الجيوش و تجهيز العدة و تكثير المداخلات ليس الا
شوفو ... في مضمون من كتابة منال دي (الهي ما نصوص زي وضحت تيسيير فوق) ,,, نجي نناقشو و يكون حقها في انها تعتقد و لا تفتكر ولا اي حاجة مافي مضمون و كلام ونسة ساي يبقى احاديث غرف النوم لغرف النوم و كل زول حر في الهو بيعملو فيها
ورد في الاثر الكريم انو : العلى راسو ريشة يحسس عليها
مثل جامايكي
05-09-2010, 06:21 AM
saadeldin abdelrahman saadeldin abdelrahman
تاريخ التسجيل: 09-03-2004
مجموع المشاركات: 8857
Quote: يلا بمنطقك ده : أنا ما عاجباني كتابات هباني مثلا و بفتكر فيها بذاءه ، أرفع سلك لعمك الضباح أقول ليه خارج لينا هباني ده ؟ من حقي أنتقدو لكن ما من حقي أقول يتفضل يمشي بيتهم و ده القلتو : إنتقدو كتابات منال ، لكن ما تطالبو باقصائها بحجة إنو كلامها بيسئ ليكم !!!
كتابات هباني فيها بذاءة بس يا اميــن ؟!
كتابات هباني هي البذاءة في ذات نفسها والتفاهة ..
ولو كان قاعد جنبي كل ما اقرأ ليهو بوست بديهو كبعة بالجزمة على راسو
بس بعديــن الواحد يخاف تجي جمعيــة الدفاع عن حقوق الجزمة وترفع فيهو دعوي إساءة معاملة الجزمة ..
05-09-2010, 07:01 AM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
بالمناسبة .. استفسار برضو: الواحد معاييروا بتكون ثابتة في كل الحاجات؟ ولا مثلا الدين عندو معيار، والمسنجريات عندها معيار، والنبز عندو معيار، والكورة عندها معيار؟
دا عشان نأسس لمعايير ثابتة وبكري يجي يكسّرنا لينا في راسنا!!
كل واحد يخلي بالو من معيارو!
05-09-2010, 07:08 AM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
Quote: بالمناسبة .. استفسار برضو: الواحد معاييروا بتكون ثابتة في كل الحاجات؟ ولا مثلا الدين عندو معيار، والمسنجريات عندها معيار، والنبز عندو معيار، والكورة عندها معيار؟
يا عمك
رغم عن مظهر البراءة الاستثنائية في السؤال
الاجابة طبعا في تعدد مستويات لكل معيار وهذه
ترد علي شكل استثناءات
يعني بالعربي كده في مستوي للمعيار علي عين الناس و نفس المعيار عنده مستوي لمن نكون راس 2 رأس أو في حالة مسنجرات ( برانا بنعرف مستوانا)
عارف زول واحد بيكتب في الموضوع من منطلق محدد
غير البوردابيات مافي
يعني مثلا كلام أمجد في المفهوم العام انا معاه لكن في الاسلوب يسمح لي عاد
عارف مواضيع منال عن الخضروات و الحيونات الاليفة و المعجنات لو كتبتها زولة بغير الشخصية الشفناها و سمعناها كان يمكن يكون رأي غير ..... اها وانت رايك شنو؟؟؟؟؟؟؟؟؟؟
05-09-2010, 08:46 AM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
Quote: عارف مواضيع منال عن الخضروات و الحيونات الاليفة و المعجنات لو كتبتها زولة بغير الشخصية الشفناها و سمعناها كان يمكن يكون رأي غير ..... اها وانت رايك شنو؟؟؟؟؟؟؟؟؟؟
والله يا رغيم يا عمكـ ما دا القاعدين نقول فيهو لينا يومين!
__ المعيار هو كاتب البوست .. أو كاتب العبارة ليس إلا!
05-09-2010, 07:24 AM
السيد المسلمي السيد المسلمي
تاريخ التسجيل: 11-27-2008
مجموع المشاركات: 4954
Quote: لكن ملحوظة كدا بما انك شيخ البورداب و الموزع للنصائح بتقديم الاعتذارات عن التجاوزات و ما شابه مالك اتجاهلت اتهام السيد اخوك لي بشرب الخمر و بانو الكحول افسدت افكاري ما شفتو ولا في مانع تاني مثلاً و لا تكون الكحول افسدتهامن ورايا
والله ياحاج العوض برضو أنا زعلان منك ! هبنقة الحمار دا لما جاء فتح لي بوست بإسمي ووصفني بالكذب وعدم الإحترام .. ليه ماطالبتو يجي يعتذر لي !؟ مع العلم إنو وصفني بــ مسيلمة الكذاب .. ودا حسب وجهة نظرو شي لا يستحق الإعتذار .. ولعمري إنه سلوك المغيبين عن الوعي ! وهسي عليك الله ياحمار أفندي لو إنت زول بتفهم إتهامك للأُخت منال والناس البيدخلو معاها إنهم ساعيين وراء رغباتهم وغرائزهم داخل وخارج المنبر دا كلام زول واعي !؟
بعد ان فرغت من هذا البوست اعادني اليه الاخ ( راد الجميل ) كمال عباس بكتابته , اولا انا اُحي فيك نبلك وشهامتك وحفظك للاخرين حقوقهم عليك ورد جمائلهم ولو علي حساب قناعتك بل وتطويع قناعاتك والالتفاف بها لتشمل وتستوعب كل ما من شانه ان يحسب عليك غدا و ولكن لا رهان علي ذلك فالمنبر بلا ذاكرة قوية وكلام اليوم يمحوه الغد . كمال عباس مثلا عند بذاءات هشام هباني يقف موقف المتفرج في احسن الاحوال ان لم يكن موقفه موقف المتبسم , ولكنه هنا يسهب ويطلق لروحه العنان ويلتف حول قناعاته حتى ضاربا بها عرض الحائط . كمال عباس يطلق القول بانه الله اباح لعباده مساءلة الكفر او الشرك به والتحدث بها والتبجح بينما يحرم كمال عباس حديث الشبق والشهوة الصريح الذي لا يصل الي الشرك الاكبر الذي اباحه كمال عباس ولكن لان كمال عباس ( حريف عند رد الجمائل ) فان له فتوى في ذات البوست يبيح فيها حديث الشبق والشهوة اذا جاء في شكل ادبي غير جارح للابصار او ماس للمشاعر , فلو ارادت الاخت منال الحديث عن اشواقها فانه يجب عليها الاحتماء وراء جدار الادب وبث انينها فانه مقبول بل يجد الدعم والاعجاب . كمال عباس دخوله للمنبر لواجب العزاء كما اسرف اعلاه وجد هذا الدخول فرصة مواتية للنيل من خصومه المتوهمين ورد الصاع لهم بهذا البوست بالوقوف موقف ( المُنظر) الذي لا يملك الاقتناع بحجته نفسه دعك من الاخرين , يعني دخوله البوست كان بمثابة حج وبيع سبح . كمال عباس مثال للنفاق المنبري وخير اثبات ان المعايير في هذا المنبر شخصية الي درجة صارخة اكثر منها مبدئية وهو امر اضحي واضح للععيان بصورة مستفذة , فانا ااقسم باغلظ الايمان ان لو جاءت كتابات منال من واحدة من الاخوات المعترضات انفسهن لوجدت جيش من المبررين والمبررات , بل كل المعترضين اعلاه علي منال لكانوا الان يسبحون بحمد حسن كتابتها ويلهجون لها بالثناء علي الذكاء الادبي وحسن الترميز .
05-09-2010, 09:09 AM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
Quote: فانا ااقسم باغلظ الايمان ان لو جاءت كتابات منال من واحدة من الاخوات المعترضات انفسهن لوجدت جيش من المبررين والمبررات , بل كل المعترضين اعلاه علي منال لكانوا الان يسبحون بحمد حسن كتابتها ويلهجون لها بالثناء علي الذكاء الادبي وحسن الترميز .
دعك من أغلظ الإيمان فيما لن يحدث
منذ تاسيس هذا المنبر وحتى الآن لم تمر كتابة إيحائية وصارخة ككتابة هذه المنال لا من رجال ولا من نساء ولا من مجرد "نكنيمز" غير معروفة النوع أو الهوية كلامك هذا يا أساسي تعريض غير مقبول على الإطلاق فالرجاء إحترام الجميع مثلما يحترموك ..
05-09-2010, 09:24 AM
اساسي اساسي
تاريخ التسجيل: 07-20-2002
مجموع المشاركات: 16468
منذ تاسيس هذا المنبر وحتى الآن لم تمر كتابة إيحائية وصارخة ككتابة هذه المنال لا من رجال ولا من نساء ولا من مجرد "نكنيمز" غير معروفة النوع أو الهوية كلامك هذا يا أساسي تعريض غير مقبول على الإطلاق فالرجاء إحترام الجميع مثلما يحترموك ..
لا معليش جات كتابات صارخة وايحائية ومباشرة ومتعدية ليس منذ تاسيس المنبر فقط ولكن في هذا الربع لو بحثتي وقراتي ستجدي الكثير
05-09-2010, 09:10 AM
تيسير عووضة تيسير عووضة
تاريخ التسجيل: 12-20-2005
مجموع المشاركات: 7136
لكن اتحداك يا ود الصايم تجيب لي سطر واحد فيهو ما يقارب إيحاءات منال وطريقة ردودها على المتداخلين وردودهم عليها البذيئين والبذيئات في المنبر دا في لكن إيحاء وأسئلة صارخة ممكن تخليك تتسئل الغرض منها شنو زي دي مالاقتني
وبالمناسبة: في مرة من المرات برضو حساب هشام هباني إتهكر وإتكتب كلام بذيء جداً إتفتحت بوستات بيقولوا إنو ياخوانا هباني مهكر فتحت بوست قلت ليهم يشهد الله ما فرزت بين هشام والهكر هو الفرق شنو؟
بكري حذفو!
ياخ أنا في التلاتة شهور الفاتت دي بكري إتخصص فيني عديل حاذف لي قريب الخمسة وتلتين بوست
05-09-2010, 09:45 AM
اساسي اساسي
تاريخ التسجيل: 07-20-2002
مجموع المشاركات: 16468
عارف يا امجد كونك تغلط علي زول او علي مجموعة من الناس وما تشعر بانك غلطت فهنا مشكلة اكبر من الغلط الذي وقعت فيه ,, يعني تصف الاعضاء المتواجدين في بوستات منال بانهم ينقادون وراء غرائزهم وانهم مجموعة يزينون لمنال الحديث عن الغرائز !! هل ما كتبته منال هو ادني مما ذكر في هذا المنبر ؟ ام انه الصاحب " نقطعه الظلط والما دائرنه نوصف ليه غلط " .. منال زميلة تكتب ما تراه اتفقنا ام اختلفنا معها , والذين يتداخلون معها او غيرها من الاخوات ليس من حقنا وصفهم بما يعيب ... واراك المحت الي شيخ بورداب هذه والتي توجب علي تقديم النصح للاعضاء !!! شيخ بورداب ليست مهنة ولا وظيفة ولاتقوم عليها مسئوليات ولا تمنع من شئ , ولم اتقاضي راتبا لاكون شيخ لبورداب وانما هي جبة البسني اياه اخوان اعتز بهم كما اعتز بمعرفتك , وكما تعلم انني اقدم نصيحتي لمن اري انه يقبلها مني ولست امرا لك او لغيرك .. وما حدث بينك والاخ السيد تابعته منذ بدايته ولاني لم اكن ناصحا لك من البداية اساءتك له فكان اي تدخل مني بعد ذلك سيكون معيبا ... السيد تحدث في موضوع اضراب الاطباء ففتحت له انت بوست بانه مسيلمة الكذاب وهو نقل خبر من صحف موجودة في ارفف المكتبات ..وعندما اتي السيد ورد عليك اساءتك بما يراه هو , لم اجد داعي للتداخل ..وما حدث بينك وبين السيد حدث كثيرا بين كثير من الاعضاء ولانه اخذ جانبا شخصيا لم اتداخل ,, ولكن الامر الان مختلف بان تصف اعضاء في نقاش موضوع عام بانهم منساقون وراء غرائزهم لانهم يعرفون فلانة معرفة شخصية !!! انا لم اقل التقدميين وانما قلت المستيرين وقصدت به ما كتب في هذا المنبر من حديث هو الجنس بعينه ...
ورد في الاثر الاسلامي ان لم تستحي فافعل ما تشاء ...
05-09-2010, 09:24 AM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
Quote: السؤال بالطريقة دي: ما هو المعيار؟ غلط من الناحية اللغوية الصاح إما نقول ما هو المعيار الذي يستخدم في الحالة الفلانية أو إذا أردنا الاختصار نقول بأي معيار؟ لأنو السؤال بوضعو الحالي كأنك تسأل عن معنى المعيار، يعني زي لما تقول: ما هو اللغلوغ مثلاً طبعاً دة لو عاوزين نكمل اللياقة (من لا يوق) زاتا وفوق كل لايوق من هو أليق منو .. ولا شنو
Quote: ان لو جاءت كتابات منال من واحدة من الاخوات المعترضات انفسهن لوجدت جيش من المبررين والمبررات , بل كل المعترضين اعلاه علي منال لكانوا الان يسبحون بحمد حسن كتابتها ويلهجون لها بالثناء علي الذكاء الادبي وحسن الترميز .
بعيدا عن الشخصنة يا أساسي، لو بنكتب نوع الكتابات دي (كتابات منال) ولو احترامنا لنفسنا بيسمح لينا بتناول ما ننتقده الآن لما وجدهذا البوست من الأساس ...
بح حل كيبوردي وانا باقول (الكتابة) (النص) (التناول) فالله يرضى عليك ما تبقيها لينا في اللحم الحي ...
تعيش عمرك ده كلو و تتلف عمرين ما بتقرى لي ولا لتيسير ولا أماني ولا سناء ولا سارة ولا نهال كلام بنشكر فيهو رجال قبيلة ولا نشكي ليكم سهر الليل لانو الكدايس اتشاكلن تحت السرير!!
ولا واحدة من الهنا بتكتب نوع الكتابة دي، الترميز وينو هنا؟؟ وين الصور الأدبة التتشكر!!
ما تخليني افقد المنطق !!
انظر للأمر بتجرد كامل و ابعد الشخوص و الاسماء ليكون حكمك صحيحا وعادل..
Quote: ان لو جاءت كتابات منال من واحدة من الاخوات المعترضات انفسهن لوجدت جيش من المبررين والمبررات , بل كل المعترضين اعلاه علي منال لكانوا الان يسبحون بحمد حسن كتابتها ويلهجون لها بالثناء علي الذكاء الادبي وحسن الترميز .
بعيدا عن الشخصنة يا أساسي، لو بنكتب نوع الكتابات دي (كتابات منال) ولو احترامنا لنفسنا بيسمح لينا بتناول ما ننتقده الآن لما وجدهذا البوست من الأساس ...
بح حل كيبوردي وانا باقول (الكتابة) (النص) (التناول) فالله يرضى عليك ما تبقيها لينا في اللحم الحي ...
تعيش عمرك ده كلو و تتلف عمرين ما بتقرى لي ولا لتيسير ولا أماني ولا سناء ولا سارة ولا نهال كلام بنشكر فيهو رجال قبيلة ولا نشكي ليكم سهر الليل لانو الكدايس اتشاكلن تحت السرير!!
ولا واحدة من الهنا بتكتب نوع الكتابة دي، الترميز وينو هنا؟؟ وين الصور الأدبة التتشكر!!
ما تخليني افقد المنطق !!
انظر للأمر بتجرد كامل و ابعد الشخوص و الاسماء ليكون حكمك صحيحا وعادل..
افرز يا أساسي وشوف الكلام ده ماشي وين ...
05-09-2010, 09:38 AM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
Quote: انظر للأمر بتجرد كامل و ابعد الشخوص و الاسماء ليكون حكمك صحيحا وعادل.. افرز يا أساسي وشوف الكلام ده ماشي وين ...
ok
طيب مثلا الاخت رمانة انا بحترمها جدا وبعرف انها ما بتحب العيب بل وتعجبت هي نفسها مما اقتبسته من غناء منير ولكن يبقي في النهاية شيئا مكتوبا في المنبر لا اعتقد فيه ايحاء ولكن مباشرة اريد ان اسمع رأيكن في مثل هذا النقل او الكلام المنشور في المنبر ليستقيم ميزاني ولاعرف علي اي ارض نقف جميعا
ما كتبته الاخت رمانه
Quote: ولي مع أغنية نعناع الجنينة طرفة أو على الأصح "كسفة".. فقد قررت أن أدفع نحلاتي الجميلة باتجاه الاستماع إلى أغنيات فيها شيء مننا حتى أخرجهم من دائرة البوب والهيب هوب والراب وثقافة المخارج والمداخل التي للأسف تسللت إلى أغاني الجيل الجديد ولأن محمد منير "خاتف لونين" فكان أن اشتريت مع ما اشتريت سي دي "نعناع الجنينة" ولم أكن قد استمعت إليها من قبل. فإذا بمحمد منير فتحة خشمه يبدأ برمية: قالتلى بريدك يا ولد عمى تعالى دوق العسل سايل على فمى على مهلك على.. ما بحمل الضمى على مهلك على ..دنا حيلة ابوى وامى حينها أكتفيت بأن أقول لنفسي: الله!!!! ثم تنازلت عن محاولتي للتدخل فيما يسمعون..
ـــــــــــ
05-09-2010, 09:48 AM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
يازولة انت جادة ؟ انت قايلة روحك مسئولة من تربية زول في المنبر دا او اعادة صياغته , دا منبر حوار واراء خسارة دي تقولها امي او ابوي لكن انت غير مسموح ليك باكثر مما هو مسموح لاي شخص في منبر حوار وقول رايه ـــــ بعدين التعريض وين هنا ؟؟ هل في نقلي لحديث اي شخص نشره بنفسه تعريض به؟
05-09-2010, 09:56 AM
اساسي اساسي
تاريخ التسجيل: 07-20-2002
مجموع المشاركات: 16468
انا هنا لم اشر من قريب او بعيد الي ان الاخت رمانة تنتهج الابتزال بل اسرفت في حديث احترامي لها , انا هنا بصدد الكلام المكتوب في المنبر هل فيه بزاءة او هو مقبول ؟ وما رايك انت كحادية للمصنفات الايحائية ( في المنبر)
05-09-2010, 10:03 AM
تيسير عووضة تيسير عووضة
تاريخ التسجيل: 12-20-2005
مجموع المشاركات: 7136
Quote: يازولة انت جادة ؟ انت قايلة روحك مسئولة من تربية زول في المنبر دا او اعادة صياغته , دا منبر حوار واراء خسارة دي تقولها امي او ابوي لكن انت غير مسموح ليك باكثر مما هو مسموح لاي شخص في منبر حوار وقول رايه ـــــ بعدين التعريض وين هنا ؟؟ هل في نقلي لحديث اي شخص نشره بنفسه تعريض به؟
مين جاب سيرة التربية يا محترم؟ التربية من عدمها دي لا شغلتي ولا بتخصني أنا بتحسر على حسن ظن إفترضته فيك دائماً
التعريض يا اساسي لما تفترض وتدعم إفتراضك الفطير دا باغلظ الإيمان إنو لو واحدة من المعترضات كتبت زي منال لوجدت من يؤيد ويبرر ويصفق لهن يعني إنت عينك لي كتابة منال الغلط وناطي عشان تفترض حاجة ما حصلت ولا حتحصل من جانبنا
اساسي تعال راجع لكلامك انو المعترضات على كتابة منال ممكن يكتبوا زي كتابتها ... تعال اقرأ كلام منال أول وتعال وريني وين لقيت نقاط تشابه بين كتابتنا و كتابتها علشان امشي ارمي نفسي من برج الفيصلية ولا احل لي صبغة في موية واشربها!!!
اتفضل نوع الكتابات اللي انتي مفتكر انو ممكن نكتبها!!
طيب مافي داعي كان تنقليها او تقربيها يا عزاز , علي العموم لم اقرأ لك كتابة مثلها ولا للاخوات , ولكن رايك يهمني جدا كما اسلفت في مثل اغنية محمد منير المنشورة في المنبر هنا والايحاءات التي فيها .
05-09-2010, 10:03 AM
اساسي اساسي
تاريخ التسجيل: 07-20-2002
مجموع المشاركات: 16468
Quote: فانا ااقسم باغلظ الايمان ان لو جاءت كتابات منال من واحدة من الاخوات المعترضات انفسهن لوجدت جيش من المبررين والمبررات , بل كل المعترضين اعلاه علي منال لكانوا الان يسبحون بحمد حسن كتابتها ويلهجون لها بالثناء علي الذكاء الادبي وحسن الترميز .
ثم إستدرك بعد قراءة نماذج لكتابة منال:
Quote: طيب مافي داعي كان تنقليها او تقربيها يا عزاز , علي العموم لم اقرأ لك كتابة مثلها ولا للاخوات
شوف يا أساسي
وبدون ما أسالك كلامك دا معناهو شنو لأنو ما عندو غير معنى واحد والله واحد
لو إنت ما قاصدو يبقى حقو تضبط ألفاظك ومضامينها من هنا ولي قدام ولو قاصدو يبقى ما قدامي غير إني أطلب منك توضيح صريح ومباشر حول ما الذي يمكن أن يجعل تفترض أن جيشك المزعوم قد يبرر لنا مثل هذا السقوط والإنحطاط بتعرفنا من وين ولا شفتنا كتبنا ولا أوحينا لي منو قبل كدا هنا؟
صديقي.. محمد الحسن سليمان.. حبابك و حباب جميع الصديقات و الأصدقاء هنا..
و بعد اذنك و اذن الجميع.. ندخل من هنا.. و بطريق مختلف..
و قبل القول.. هو في الحقيقة شوية مشاترة.. نرجو أن نوجه الرسائل القصيرة التالية..
اساسي.. عليك الله كن ما جبت عمر الفاروق بجاي ( لمظنة الذوق الفني المشاتر فيهو..و البنتفق معاهو في ذلك الذوق)..و بالعدم اضرب ليهو يقرا الملاحظات الجاية..
خدر..ما نقول من وجهة نظر تالية.. اوليها اهتمامك (كفنان).. و باقي النقة.. هين..
ود البشرى..كو يا صديقي..
ود الصائم..النقة الجاية فيها مظنة انك تتكيف منها.. و لو حصل كده..قول لينا عووك.. عزاز..تيسير.. سارة..ادونا خاطركم لو حصل الإختلاف.. فنحن من نفر تعزيز مشروعية الإختلاف..و بينا الود و الأمنيات الجميلة..
للجميع.. هي وجهة نظر و نزعم بأن لها ما يدعمها و يجعلها متسقة مع سياقاتها..و مرحب بأي اختلاف حولها..
و دمتم جميعا..
كبر
05-09-2010, 10:27 AM
Kabar Kabar
تاريخ التسجيل: 11-26-2002
مجموع المشاركات: 18537
تساءل الصديق محمد الحسن قائلا : ما هو المعيار؟.. و بلا تحفظ نقول النفاق..و القدرة على انجازه..
و ما لفت انتباهي في الخيط..مقولتك: invalid statement و احسب انك.. تعني: invalid claim
و قد قلت بيها في خيط منال في معرض ردك أو تناولك لمقولة للصديقة داليا الكباشي..
و كنت حريص على أن اسمع رأيك ( من وجهة نظر و حجة فلسفية) حول مغالطة التعميم.. كمفسدة منطقية ( علم المنتطق الواحد داك يا محمد)..و اثرها في بناء التقييم و المعايير.. في حقل الثقافات السودانية و منظومة الأخلاق السودانية..فهل هي ضارة؟..و الى أيتها حد؟.. هل هي مفيدة؟..و الى ايتها حد؟.. انت قادر يا محمد على فتح السكة دي..فاتمنى أن توليها بعض اهتمامك..عشان تدينا فرقة نتكلم معاك شوية..
و دمت..
كبر
05-09-2010, 10:44 AM
Kabar Kabar
تاريخ التسجيل: 11-26-2002
مجموع المشاركات: 18537
رحت أزور حبيبي.. لقيتو شوية حاسي.. في غفلة رقيبي..
ضاجع في سريرو.. و متوسد وثيرو.. ببياض حريرو.. حيتو و جلستا.. من حسنو اقتبستا.. بنورو انغمستا.. و بحديث دبلوماسي.. قال لي تياري* ماسي..
احذر التماسي..
قلت ليهو بجمالك.. سحروك ولا مالك.. صار يا حبيبي لونك فاتر زي عيونك.. قال لي عندي حمى.. و بي صداعا لمى.. من اثر انتكاسي.. تعذر نعاسي.. و لي يومين بقاسي..
قلت ليهو بي وسامتك.. و حلاوة ابتسامتك.. كفارة و سلامتك.. و الف عزيز كرامتك.. يا الحافظ كرامتك.. مهما كنت قاسي.. أو لعهدي ناسي.. بيك يزداد حماسي..
قلت ليهو انت عاقل.. و مافي لزوم تشاغل.. و يا ال لروحي شاغل.. قلت ليهو انت روحي.. انت سبب جروحي.. ده لشعري موحي.. يا روعة جناسي.. يا حبي الأساسي.. يا النسيتني ناسي..
نواصل..
كبر
* في الفيرشن المرفق.. تقول المغنية سمية صالح زكي..(قالي نوري ماسي)..و في فيرشن تاني بصوت ترباس و سميرة دنيا (قال لي تياري ماسي)..
05-09-2010, 10:49 AM
Kabar Kabar
تاريخ التسجيل: 11-26-2002
مجموع المشاركات: 18537
هنا نفس النص مسموعا باداء الفنانة الواعدة سمية صالح زكي.. هناك رجال ادوا نفس النص الشعري الغنائي..و لكن لشئ في نفسنا ( الأمارة بالتهجس) اخترنا صوت نسائي.. لتساوق ذلك مع ما نقول به لاحقا..
Quote: رحت أزور حبيبي.. لقيتو شوية حاسي.. في غفلة رقيبي..
اها يا شباب.. الزيارة في غفلة الرقيب دي احالة أو ايحاء لي شنو؟.. الشاعر ما قال مشيت أزور لي زولة راقدة في المستشفى.. أي يعني ما ها زولة من طرف (خالة ..عمة ..جارة من الحلة ..الخ).. لأن زيارة الزولة من طرف ما بتحتاج توثيقها شعرا..ولا بتحتاج مسارقة اللحظة من غفلة الرقيب..و الشاعر كتر خيرو ما قصر.. قال مشيت ازور حبيبي عدييل... و السبب شنو في زيارة الحبيب..ليه؟.. لأنو شوية حاسي..حاسي بي شنو؟..عيانة و ح نوضح عيانة بي شنو..
طيب لمن الشاعر شال نعيلاتو..و قطع كم مواصلات عشان يزور الحبيبة.. لقاها كيف؟
Quote: ضاجع في سريرو.. و متوسد وثيرو..
ضاجع دي نخليها شوية.. لأنو ناس اليومين ديل أي حاجة فيها مضاجعة طوالي تفكير لإتجاه واحد..يعني سكس عدييل يا شباب..و ده ما عندنا بيهو شغلة.. الداير يفكر أو تفكر فيهو.. مخير..
متوسد وثيرو..
يعني راقدة و متوسدة ضفايرها..نظام مخدة و كده.. بمعنى اخر شعرها كاشف..و راسها كاشف ( يا مقنع الكاشافات تلحقنا).. بمعنى أخر.. لا خمار ولا طرحة..ولا يحزنون ذاتو..و اكتر من كده لا نظام عام..ولا قواعد خدش حياء..ولا وضع فاضح ذاتو.. طبعا ممكن يجينا واحد أو واحدة و يقول لينا يا اخي يمكن زوجتو.. و بنقول للحجة دي .. أبدا.. فالزوجة المريضة لا تحتاج زيارتها مغافلة الرقيب..!
يعني الزولة دي قاعدة في بيتهم.. مش في مسشتفى..و ماخدة راحتها على الكامل.. لدرجة أنو لمن حيبيها الشاعر زارها ما فكرت تتضاير ساكت ( يعني زول عرفة بالنسبة ليها..و من غير المغضوب عليهم و يمكن يعتبر صاحب حق من باب الحب و كده..حق في جسدها عدييل كده..و محل رهيفة تنقد يا خي..!!)..
Quote: حيتو و جلستا.. من حسنو اقتبستا.. بنورو انغمستا..
يعني اتفرج فيها قدر ما الله يديهو من قدر الفرجة و غسل جسدها المسجي بالتحديق ..و ده كلو في غفلة الرقيب اياه..و ممكن نشطح في التأويل و نقول من حسنو اقتبستا.. ممكن تكون مصافحة.ز سلام بالأحضان..ملامسة باي طريقة كانت.. النهاية بالفهم الشرعي دي خلوةغير شرعية (دي للناس القادنينا بالفهم الديني و كده)..
Quote: و بحديث دبلوماسي.. قال لي نوري ماسي.. و احذر التماسي..
اها الناس المتزوجين..و القاعدين معانا في الخيط و المنبر.. بنسألهم: في ياتو لحظة الرجل محرم عليه لمس المرأة؟..مش ياهو لمن تكون عندها دورة شهرية ( ده علم يا اهلنا هوي..ولا حياء في العلم..و الظواهر البيلوجية التي تنتاب الإنسانة)..؟..
عرفناها كيف عندها دورة شهرية؟.. في الثقافة السودانية..و التي عشنا في وسطها..و تأملناها و تابعنا مظاهرها.. المرأة السودانية.. لا تفصح بصورة واضحة عن التغييرات التي تنتاب جسدها ( بالواضح الدورة الشهرية)..وما ممكن تحدثك عنها..الإ بصورة مواربة.. يعني تكون طالب ثانوي عالي.. و كل يوم بتتاقطع في الشارع مع الصباح.. عشان تشوف ليك زولة بتفتكر انك بتحبها و كده..و اليوم داك ما تلقاها في الشارع.. تسأل عنها يقول ليك عيانة و عندها حمى..!! و فكرة الحديث الدبلوماسي.. هي وجهة من وجهات التعبير عن المسكوت عنه.. أو الكلام الذي لا يمكن أن تفصح عنه بوضوح..
حتى في الثقافة السودانية .. هناك مقولة مأثورة ( النسوان ما بيسألوهن عن عياهن شنو).. يعني لمن يقولوا ليك الزولة دي عيانة.. طوالي بتنطم..و لو حاولت تستفسر.. ما ح تلقى غير نظرات الإستهجان و السخرية .. التي تسب جهلك بالأمور البديهية..!! اها الناس القروا فيزيا (ود البشرى مساعدة لو امكن)..تماس التيار..فيهو مضرة ولا لأ؟..الشاعر هنا عندو شوية فهم في الكهرباء و تياراتها..و اثر التيارات دي لم تتطاقش بلا فهم..!!
قال الشاعر..
Quote: قال لي عندي حـُمى.. بي صداعا ألما.. من اثر انتكاسي.. تعذر نعاسي.. و لي يومين بقاسي..
معروف أن الحالة البيلوجية تلك ( التي تنتاب اخواتنا و امهاتنا و زوجاتنا و حبيباتنا و بناتنا).. دوما بتكون مصحوبة بالأرق ..و السهر..و الصداع و الشحوب (صار يا حبيبي لونك فاتر).. و كما هو معروف تلك الحالة تكون بين يومين أو تلاتة .. أو اكثر في بعض الحالات النادرة..و هي مسألة طبيعية .. ولا تستدعي الخجل و الغطغطة .. و كضاب من يقول أو تقول بامكانية محاكمتها أو محاكمة الحديث عنها من باب خدش الحياء العام و الأخلاق.. لأن من يقول بذلك قد خالف طبيعة الأشياء.. و الزولة موضع الكلام هنا.. هي مستبطنة تماما للوعي الديني المكون لمنظومة الأخلاق في مجتمعها.. فالله سبحانه و تعالي نهي عن الإقتراب من النساء في تلك الحال..
Quote: قلت ليهو بوسامتك.. كفارة و سلامتك.. و الف عزيز كرامتك.. يا الحافظ كرامتك..
و عادي جدا في الثقافة السودانية.. الزولة لمن تكون في الحالة دي بيتم الإخبار عنها بكونها عيانة..و اذكر و نحن شباب .. كنا بنقول لبنات جيرانا.. أو صاحباتنا ( صحبة بريئة يا عالم هوي)..بعد ما يخلصن من الموضوع ده ..كنا بنقول للواحدة منهن ( كفارة و سلامتك..و مليون كرامتك)..و نحن عارفين البير و غطاها.. و هي عارفة البير و غطاها..و المجتمع عارف البير و غطاها..لكن المشكلة وين؟.. نحن غايتو ( و معاي اخوي الكاشف خدر..محبة لله يا صديقي)..ما عندنا مشكلة الزولة تعبر عن حاجاتها..وما بنقيف في الأمر كتير ( يعني ما بنفكر بعضونا التناسلي سئ الذكر اياه).. و بنعتبر الأمر مجرد تعبير عن حال.. لكن المشكلة..بتكون في التعبير لمن يكون غنية..و بيتم ادائها على الملأ..و نطرب ليها جميعا.. ثم بعد شوية نكشر انيابنا المتعطشة للدماء.. لأنو زولة قالت الكدايس الحاصل ليهن شنو؟.. يا خي يمكن قاعدات يتنوسن..و يمكن الكديسة قاعدة تقول للكديس بحديث دبلوماسي .. احذر التماسي.. انا تياري ماسي..!!..ولا احتمال الكديس قال للكديسة ارقصى معاي..و قالت ليهو ابيت ما برقص معاك..و لا يمكن قال ليها عشيتي العيال..و قالت ليهو ما عارفة..و ابو الشباب اعتبرها منقصة في حقو..و طوالي راح هاري ( من هرير القط..)..مش كلها احتمالات جايزة؟.. و ليه انو ندي نفسنا الحق في اقتصارها على تفسير واحد و طوالي ننزل محاكمة؟..
قال الشاعر..
Quote: مهما كنت قاسي.. و لعهدي ناسي.. بيك يزداد حماسي..
اها نكون اكثر وضوحا.. القساوة و نيسان العهود الفي السهلة دي.. معناهو شنو؟.. مش يمكن بفيفتكر ما دايرة تديهو ؟..و الحماس الزايد ده شنو؟.. يعني زولة راقدة في سرير..و في غفلة الرقيب..ح يكون اثرها عليهو شنو؟ مش جايز تكون تضاريسه انتفخت..و نمت له ساق ثالثة يرتكز عليها؟..اي زول/ة عندو تفسير مخالف يقول لينا عشان نفهم البينا و العلينا..و لابد أن يكون تفسير متسق مع نسق النص و فضاءاته المادية و المعنوية..
قال الشاعر:
Quote: قلت ليهو انت عاقل و مافي لزوم تشاغل..
اها في الخلوة الماها شرعية دي ( يا ناس المعيار الديني تحديدا).. تفكتروا نوع المشاغلة ح يكون شنو و كيف؟..مش ياها المقابضة.. بمعنى جنسي بحت.. ؟.. يعني تفتكروا في الخلوة دي ح تغمز ليهو عيونا ( و هي ضاجعة و متوسدة وثيرها)..؟!! ياخي قولوا كلامي تاني..!
قال الشاعر..
Quote: قلت ليهو يا روحي.. انت سبب جروحي.. يا ال ..لشعري موحي.. يا روعة جناسي.. يا حبي الأساسي.. يا النسيتني ناسي..
كويس انو الشاعر ماقال عن نزف الجروح.. لأنو لو قال جروح نازفة.. فالنزف المادي الوحيد في تلك الحالة.. معروف للجميع..ولا يحتاج شرح..فالنزف سيل الدم..ولا غضاضة في تطبيق المعنى على سيل السوائل من نوع اخر..!!.. الإتنين بينزفوا.. و مافي مشكلة ..مش دي البيلوجيا في ذات نفسها؟..نسوى ليها شنو يعني؟..نلغيها مثلا؟..نبترها؟..
ندعو الجميع لتأمل ما قلناه..و فهمنا لنص الأغنية.. انها بتحكي عن زول مشى يزور ليهو زولة مدورة..وما عندنا شغلة بالمعايير الأخلاقية.. لكن من ناحية جمالية .. الشاعر تب ما قصر..ولا نخفى أنه اثر في وجداننا و رؤيتنا للحاجات.. و هو محظوظ بكل المقاييس.. لأنو فهم شروط اللعب النضيف..و اتماشى معاها.. حتى لو كان في ذلك حرج للبعض منا من هواة تحديد المعايير و تفصيلها ( محمد الحسن.. أنت لست معنيا بهذه الجزئية)..لكن المحك شنو الفرق بين ايحاء جنسي و ايحاء جنسي اخر؟.. لأنو في واحد مقبول..و التاني غير مقبول..و فكرة الجنس واحدة..!!!
المجتمع السوداني مجتمع يدمن النفاق.. فالبوح عن الذات.. حتى و لو كان فيه اشارات فسرها البعض بأنها جنسية.. لا يعني ذلك اشاعة الرذيلة و الدعوة للفوضى الجنسية.. فهذه حاصلة بتحريش و بدون تحريش..فالبرغم من وجود القوانين الرادعة..و الخطب الضاجة.. الظواهر موجودة..و من مؤشراتها ملجأ الأطقال الغير شرعيين في المايقومة..و قرية الأطفال السودانية ..و غيرها من المؤسسات التي تشجعت و اعلنت عن رغبتها في حماية الأطفال و الطفلات الضحايا..!!
و الصديقات اللائي يهددن بالإنسحاب.. لأن التشجيع هو باب من حط الكرامة.. بنقول ليهم اشمعنا بتقبلوا الرجال يعبروا عن انفسهم؟..و لو حصل الإنسحاب أو لم يحصل.ز فالفوضى الجنسية موجودة بالمجتمع السوداني..و لم يكن مسببات شيوعها الواضح .. الكتابة و البوح و التعبير عن الذات الإنسانية ( حتى لو كانت في اقصى تجليات ضعفها)..!!
و دمتم..جميعا.. كبر
05-09-2010, 11:45 AM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
Quote: طيب مثلا الاخت رمانة انا بحترمها جدا وبعرف انها ما بتحب العيب بل وتعجبت هي نفسها مما اقتبسته من غناء منير ولكن يبقي في النهاية شيئا مكتوبا في المنبر لا اعتقد فيه ايحاء ولكن مباشرة اريد ان اسمع رأيكن في مثل هذا النقل او الكلام المنشور في المنبر ليستقيم ميزاني ولاعرف علي اي ارض نقف جميعا
ما كتبته الاخت رمانه
QUOTE ولي مع أغنية نعناع الجنينة طرفة أو على الأصح "كسفة".. فقد قررت أن أدفع نحلاتي الجميلة باتجاه الاستماع إلى أغنيات فيها شيء مننا حتى أخرجهم من دائرة البوب والهيب هوب والراب وثقافة المخارج والمداخل التي للأسف تسللت إلى أغاني الجيل الجديد ولأن محمد منير "خاتف لونين" فكان أن اشتريت مع ما اشتريت سي دي "نعناع الجنينة" ولم أكن قد استمعت إليها من قبل. فإذا بمحمد منير فتحة خشمه يبدأ برمية: قالتلى بريدك يا ولد عمى تعالى دوق العسل سايل على فمى على مهلك على.. ما بحمل الضمى على مهلك على ..دنا حيلة ابوى وامى حينها أكتفيت بأن أقول لنفسي: الله!!!! ثم تنازلت عن محاولتي للتدخل فيما يسمعون
يا اساسي كلام رمانة فيهو سياق، دايرة تشوف صغارها بيسمعوا شنو، و لو جت قالت اغاني محمد منير فيها كلام خارج حيقولوا جيبوا دليل .. يا اخوي الكلام ده فيهو سياق فيهو معنى ليهو بداية و نهاية، حلفتك امشي اقرى الخمج الفوق ده و تعال لي راجع و قول لي استفدت شنو؟ وريني استفدت شنو من انو حياتنا ما بتنفع من غير وبصل ولا انو (انثى البورد الاستثنائية) قاعدة على نار! مالكم كيف تحكمون؟!
اديني نص واديني كاتب عندو منطق باقدر احكم، بس الحاصل هنا ما كده يا اخوانا انتو دايرة تجننوني!
الكلام الجابو ود الصايم ما مقبول، واحنا ما شفناهو علشان كده بنقول الرقابة الذاتية مهمة! ونبدأ بأنفسنا، نهذب لغتنا و طريقة تعاطينا مع الآخرين...
انا يا أساسي ممكن اخسر اصحاب و اهل عديل كده كلام خارج ولا بندم! لانو الما بيستحي خاف منو و الابتذال فيهو رخصة شديدة وما بيقيف عند الكلام...
أي كتابة تنطبق عليها شروط الكتابة الأدبية قابلة للنقد، لو عندي عنوانك برسل ليك كتاب لجورج طرابيشي بيقارن فيهو بين روايتين (الشيخ و البحر) لهمينغواي و (حين تركنا الجسر) لعبدالرحمن منيف و الفرقانو عبدالرحمن منيف كلامو (بذيء) ولكن البذاءة هنا اُستدل بها على حالة الهيمة التي يحس بها الكاتب ...
وحتستمع بالمقاربات و حتعرف نعمة (اللغة) و قدر شنو هي بتفتح عوالم و هدرها في غير ما فائدة نوع من الجحود على النعم ...
كتابة منال و تحديدا منال هنا لان الموضوع بقى فيهو مقارنة ما واقفة على أرض، كتابة خارجة عن الحدود ولا ترقى لنقدها وصرف في تقيمها أكثر مما يجب وما تستحق!
05-09-2010, 10:16 AM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
Quote: بعد ان فرغت من هذا البوست اعادني اليه الاخ ( راد الجميل ) كمال عباس بكتابته , اولا انا اُحي فيك نبلك وشهامتك وحفظك للاخرين حقوقهم عليك ورد جمائلهم ولو علي حساب قناعتك بل وتطويع قناعاتك والالتفاف بها لتشمل وتستوعب كل ما من شانه ان يحسب عليك غدا و ولكن لا رهان علي ذلك فالمنبر بلا ذاكرة قوية وكلام اليوم يمحوه الغد .
وريني قناعاتي اللي جاملت علي حسابها دي وين ? وبعدين متي كان قول الحق مجاملة? وهل تحتاج الاخوات أصلا لدعم واللا مساندة مني !? وعشان أوريك أنو كلامك إنفعالي كدي وريني تيسير دي مثلا دخلت متين في واحدة من بوستتاك أو بوستتات الزول التاني داعمة لي أومعنفة لخصومي حتي أرد لها الجميل هنا ?
وكتب
Quote: كمال عباس مثلا عند بذاءات هشام هباني يقف موقف المتفرج في احسن الاحوال ان لم يكن موقفه موقف المتبسم , ولكنه هنا يسهب ويطلق لروحه العنان ويلتف حول قناعاته حتى ضاربا بها عرض الحائط .
ودا كلام ما صحيح أناويمكن الصديق خالد عويس - من أكثرالناس إعتراضا علي أسلوب ولغة هشام هباني وأنا شخصياقلتها ليهو: أهدافك نبيلة ولكن وسيلتك غلط ولغتك حادة وطريقتك منفرة !
وكتب
Quote: كمال عباس يطلق القول بانه الله اباح لعباده مساءلة الكفر او الشرك به والتحدث بها والتبجح بينما يحرم كمال عباس حديث الشبق والشهوة الصريح الذي لا يصل الي الشرك الاكبر الذي اباحه كمال عباس ولكن لان كمال عباس ( حريف عند رد الجمائل ) فان له فتوى في ذات البوست يبيح فيها حديث الشبق والشهوة اذا جاء في شكل ادبي غير جارح للابصار او ماس للمشاعر , فلو ارادت الاخت منال الحديث عن اشواقها فانه يجب عليها الاحتماء وراء جدار الادب وبث انينها فانه مقبول بل يجد الدعم والاعجاب
. أنا جبت إثبات لكلامي - كفالة حق الكفر - من كتاب الله مع أنو نحن هنا بتحكمنا لا ئحة واللائحة لا تحاسب علي الالحاد ولكنها تنص علي الإلتزام بالموضوعية وأدب الحوار !! الالحاد بيبقي مشكلة أختلف معاها أذا أقترنت بالاساءة للاديان والمعتقدات 00 وطبعا ياأساسي وأنت سيد العارفين- النص الأدبي والإبداعي لايحاكم صاحبه ومتلقيه بمعايير الكلام المباشر ! وكتب
Quote: كمال عباس دخوله للمنبر لواجب العزاء كما اسرف اعلاه وجد هذا الدخول فرصة مواتية للنيل من خصومه المتوهمين ورد الصاع لهم بهذا البوست بالوقوف موقف ( المُنظر) الذي لا يملك الاقتناع بحجته نفسه دعك من الاخرين , يعني دخوله البوست كان بمثابة حج وبيع سبح .
أولا أنا ماعندي في المنبر دا أعداءمتوهمين أو حقيقين وماعندي تار بائت مع زول وماحصل طالبت بإعمال اللائحة علي من يسئ لشخصي مع أنوحق أنا هنا لست ضد أشخاص وأنما أقف ناقد لأسلوب الاخت منال ومناصر لحق الاخريات في الاختلاف معها قلت
Quote: كتبت منال ما كتبت وكان من الطبيعي أن يثير ذلك إختلافا ورفضا لأسلوبها وفي رأي أن هذا قمة الديموقراطية : ممارسة حق الأختلاف والسعي لتشكيل رأي عام يرفض هذا الاسلوب ويتصدي للقبح ولكل ماهو طارد ومنفر ويسعي لخلق جو صحي ومعافي .....وأعتقد أن أي محاولة لمصادرة حق الاختلاف هذا هي إجهاض لقيم الحوار وسلب لحق إنساني أصيل
كما أني أثبت بأن الاستاذتيسير لم تتغول علي حقوق أحد وأنما
Quote: رأت تيسير أن في أسلوب منال إخلال بأدب الحوار ونسف لموضوعية الحوار والإنحدار من قمة الموضوعية لقاع الأسفاف والإبتذال !! أذا تيسير لم تدعو لأقصاء شخص ( مع أن الدعوة لمحاسبةأو فصل شخص حق لائحي) وأنما دعت لإقصاء أسلوب وذكر ت وبالحرف الواحد أن مكان الشخص محفوظ بيننا متي ماتخلي عن أسلوبه ذلك !! تيسير تعاملت مع لائحة المنبر روحا ونصا ولم تتغول علي حقوق أحد حيث تمسكت بحقها اللائحي ودفعت بالكرة تجاه إدارة المنبر وعضويته! أذا يصبح من التعسف المزائدة علي ديموقراطية تيسير وعلي أتساقها الفكري وذلك بوصمها بالاقصاء والضيق بالاخر وهي أبعد الناس عن هذا !!@... أن توظيف لفظة أقصاء في غير موضعها يبتذلها ويستهلكها ويفرغها من محتواها ! فمتي كانت الدعو ة للموضوعية والمسؤولية إقصاء ? ومتي كانت الدعوة لضبط الحرية الفردية والديموقراطية بحد أدني من المسؤلية والالتزام قمع وفاشية ?
وقبل الكلام قمت ومن منظورإكاديمي وفكري بتوضيح هذه الإشكالية
Quote: رأي أن هناك خلطا شنيعا بين مفاهيم فكرية مختلفة ( الديموقراطية و /الفوضوية/ والعدمية ) فالديموقراطية لاتعني الفوضي والتفسخ والتسيب وأي محاولة لإفراغ الديموقراطية من مضامينها السامية وشحنهابمعاني سالبة بحيث تصير مرادفا للعبث والتحلل!! أي فهم هذاشأنه يشوه و يبتذل الديموقراطية ويتجاهل لبها جوهرها وإن تمسك بقشورها!! ... ومن ناحيةأخري يدرك أي مطلع علي علم الأجتماع السياسي أن للحريةالفردية مقيدات ومحددات وأنها ليست مطلوقة وسائبة ساكت ! فالمجتمع بقيمه و تقاليده ومكوناته الاخلاقية والذوق العام يحد من الحرية الفرديةوكذلك الاديان بآوامرها ونواهيها كما يشكل ضمير الفرد و مثله والتزامه بالمسؤلية مكبلا إختياريا لحريته !! هذا بالاضافة ( لتدخل ا لدولة بقوانينها ونظمهاولوائحها !! فمثلا يري بعض دعاة التحرر المنفلت أن تعاطي المخدرات حرية شخصية والأنتحار خيار فردي بحت والبغاء ( بيع الجسد) خيار شخصي والتعري الكامل حق والاساءة والتجريح حق لا يملك المتضرر أمامه سوي الرد !! وهو نفسه ما تتتصدي له المجتمعات الواعية والقوانين ودعاة الحريات المنضبطة !! والديموقراطية والحريات الفردية ليست مفاهيم مجردة ولاهي نظريات تستورد وتزرع في أي بيئة بصورةمكانيكية دون مراعاة طبيعة البئية ومكوناتها المحلية وتركيبتها الإجتماعية وأنما يجب أن يتم التعامل معها بشكل مبدع وخلاق يحسن توطين قيم ومنجزات الإنسانية بشكل يراعي خصوصية الواقع.
.......... فيا أساسي الموضوع دا مابيستاهل منك الزعل دا وقومة النفس دي كلها الحكاية رأي ورأي آخر وحوار وأخد ورد !! وبعدين عشان أذكرك بمناسبة الرأي الاخر دي أنو أنا ختيت رأ ي الشخصي والذي يختلف مع رؤي بعض من دافعت عن حقهم في الاختلاف
Quote: شخصيا ومع إحترامي وتفهمي لأساليب الاخوات والاخوة في التصدي للنشاذ والقذي عبراليات يرون فعاليتها ومع إتفاقي مع عنصر التوعيةوالتنوير الاأني أفضل تجاهل ما لايروق لي أو الأعتراض عليه إن كان يستحق الاعتراض وإهدار المداد !
يبقي وين المجاملة ? ...........
Quote: و كمال عباس مثال للنفاق المنبري وخير اثبات ان المعايير في هذا المنبر شخصية الي درجة صارخة اكثر منها مبدئية وهو امر اضحي واضح للععيان بصورة مستفذة
, دا كلام زعل وحكم بلا دليل إن لم نقل إنو شتيمة ونبذ ساكت ! ....
05-09-2010, 10:25 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
Quote: فانا ااقسم باغلظ الايمان ان لو جاءت كتابات منال من واحدة من الاخوات المعترضات انفسهن لوجدت جيش من المبررين والمبررات
ما حصل و ما حيحصل يا أساسي..!!!
وفر قسمك..و ليوفر المبررين مجهوداتهم المفترضة الزي مجهودك انت في البوست دا..مدفوع بإحساس أحسبه الحرج من تداخلك أنت في بوستات المعنية.. دون أن تقرعها كما تفعل بنا الآن!!
الحرج الخلاك تطشش و ما تعرف انت بتقارن منو بمنو..و بما انك ما بتعرفنا لكن أظنك بتعرف كتاباتنا و أساليب تداخلنا (كل المعترضات أعلاه ) كويس في المكان دا..
جد شيء مؤسف..!!
05-09-2010, 10:46 AM
كمال عباس كمال عباس
تاريخ التسجيل: 03-06-2009
مجموع المشاركات: 17138
Quote: فانا ااقسم باغلظ الايمان ان لو جاءت كتابات منال من واحدة من الاخوات المعترضات انفسهن لوجدت جيش من المبررين والمبررات , بل كل المعترضين اعلاه علي منال لكانوا الان يسبحون بحمد حسن كتابتها ويلهجون لها بالثناء علي الذكاء الادبي وحسن الترميز .
لو.. و لو تفتح عمل الشيطان !!ماتحكم ساي وتحلف في الفاضي !! كدي لمن تجي كتابة واحدة من المعترضات زي كتابةمنال قول كلامك دا !! يا أساسي الديموقراطية القلت أنك متمسك بيها بتبيح حق الأختلاف والاعتراض ودا ما تقوم به المعترضات هنا ! وبرضها الديموقراطية بتكفل تنصيص قوانين ونظم تقيد مساحة الحرية الفردية وتشذبها وكذلك يفعل المجتمع بقيمه وتقاليده ومثله يعني مافي حاجة سائبةساكت ! وعمرو الأسفاف والابتذال ماكان بصب في الخانة الايجابية والديموقراطية زي مافيها الحريات فيها المسؤلية الفردية والجماعية ومبدأ المحاسبة....
Quote: طيب مافي داعي كان تنقليها او تقربيها يا عزاز , علي العموم لم اقرأ لك كتابة مثلها ولا للاخوات
لأ يا اساسي، معليش بجيبها و باجيب ارشيفها كلو لو الكلام بقى ماشي الحتة القلتها دي:
Quote: ان لو جاءت كتابات منال من واحدة من الاخوات المعترضات انفسهن لوجدت جيش من المبررين والمبررات , بل كل المعترضين اعلاه علي منال لكانوا الان يسبحون بحمد حسن كتابتها ويلهجون لها بالثناء علي الذكاء الادبي وحسن الترميز .
من قبيل حافظين نظركم و نظر القراء من الأذى بس لو بقى فيها شبهة لي و لااخوات المروا هنا، أخير نجيبوا و نفرز عيشتنا ...
احنا ما شبه ده ابداً ولو ما باعتبر الكتابة في البورد مترتبة عليهو مسؤولية والله و الله والله ثلاثا يااساسي كنت فارقت درب المنبر ده من زمن طويل ... عندي و عند الاخوات حيوات عامرة و أهداف ساعين في تحقيقها فما تورثونا طعم مرارة انو احترمنا المكان ده اكثر من اللازم و اتوسمنا فيهو الخير ...
05-09-2010, 10:54 AM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
الأخ كبر وعليكم السلام ورحمة الله يا صديق . سعيد ومتشرف بطلتك علينا في الخواضة دي. شكرا لحسن ظنك بي يا كريم . لكن يا صديقي أنت أولى بما أوليت إلينا من أمر خطل التعيم . وشكرا لتصحيح العبارة الإنجليزية . ----------- خارج الموضوع إنت العنوان معاك فرسل لينا من الصيد البترسل منو للآخرين ينالك ثواب . ------------------------------------------------------------------------------------------------------------- ود البشرى تحياتي تلخيصك مدهش بحق . ود الصائم كلام ود البشرى دا ما تهمله. ------------------------------------------------------------------------------------------------- الأخت الكريمة دكتورة سناء السلام عليكم ورحمة الله قرأت ردك بخصوص المقارنة بين قصة ولاء وبين كتابة منال . كلامك عندي أختي الكريمة صواب يحتمل الخطأ وكلامي خطأ يحتمل الصواب . قال الإمام ابن حزم في صلاة بني قريظة : (( لو كنت معهم ما صليتها إلا في بني قريظة )). أرجو أن تقبلي اتفاقي معك واحترامي لاتساق مواقفك .
05-09-2010, 11:42 AM
Kabar Kabar
تاريخ التسجيل: 11-26-2002
مجموع المشاركات: 18537
Quote: كبر يا عمك ... كو دي إن بقت على وزن قوم لف فـ : قوم لف إنت , أنا كان ما اتجاوب سؤال ماهو المعيار ما فايت البوست دا وإن بقت شي تاني فـ: قوم لف إنت برضو
ود البشرى.. حبابك يا صديقي.. يا زول تلف شنو؟.. ياخي على بالحلال انت تقوم تلف.ز تلقانا قدامك..
ياخي مافي بقاري جنبك؟..اسألو..
كبر
05-09-2010, 11:52 AM
Kabar Kabar
تاريخ التسجيل: 11-26-2002
مجموع المشاركات: 18537
Quote: أنا شخصيا مقتنع بوجهة نظر أخواتنا ديل! وكلامهن صاح مليون في المية بالعكس .. كمان!
ود الصايم..حبابك يا صديقي
ياخي المعيار قلنا ليكم النفاق ولا شئ غير النفاق..!!
اها كلام الأخوات صحيح مليون في المية..و انت كلامك ذاتو صحيح مية في المية..
لكن متين؟ قبل المناقشة النجرناها فوق دي..ولا بعدها؟.. اها اعمل فينا معروف ( من باب السمع و الموية الباردة).. اسمع الغنية..اقرا المناقشة..و تاني ارجع اسمع الغنية على ضوء المناقشة؟..و تعال ورينا الفرق؟..
قال نوري ماسي قال..
قال قلت ليهو انتا عاقل..و مافي لزوم تشاغل..!! اها ده الإيحاء البنعرفو و المقابضة بالدرب العدييل..و اشمعنا ايحاء تقام ليهو المشانق..و ايحاء بنرقص على انغامو؟
لو قاعدين تطربوا للغنية دي و من غير ما تتلفتو.. يبقى الزولة خلوها تنداح ياخي.. وهو الإندياح كمان دايرين تسوا ليهو خشوم بيوت؟..
نشوفك..
كبر
05-09-2010, 11:58 AM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
Quote: ياخي المعيار قلنا ليكم النفاق ولا شئ غير النفاق..!!
اها كلام الأخوات صحيح مليون في المية..و انت كلامك ذاتو صحيح مية في المية..
لكن متين؟ قبل المناقشة النجرناها فوق دي..ولا بعدها؟
.. دا شنو الكلام الماب يشبهك دا يا كبر ? وليه القسوة والعنف اللفظي دا والتوصيف بأسوأ الصفات - النفاق -? يا أخي من حق الأخوات ممارسة حق الأختلاف والاعتراض والاحتكام للوائح ود ي حقوق ديموقراطية مشروعة !! ومن حق الناس إثبات إن هناك حدود ومقيدات للحرية الشخص وضوابط للتعبير الخ يعني شنو لو في أغنية فيها تفاصيل جنسية مثيرة هل يعني هذا بناء مسوغ لتبرير الاسفاف هنا? يعني لو جاء زول بأغنية فيها تفاصيل ما يحدث في مخدع زوجية أو حمام هل د ا يعني أ ن يقوم واحد هنا بوصف تفاصيل العلاقة الحسية- في الواقع - بينو وبين شريكته ? .......
ما فهمته ( قد يكون خطأ ) أن محمد اي سليمان هنا لا يقصد المقارنة بين الكتابتين يا سناء, هو بقارن بين ردود الأفعال حسب ظني المعيار البخلينا نشوف الأمور صاح أو خطأ , كتابة جيدة أو مبتذلة مقبولة وغير مقبولة مختلف لدى الجميع يا أمجد أظن إني فهمت كلامك صاح , رجعت أكدت لي الفهمته في مداخلتك الثانية من حقك تعبر عن رأيك لكن ردت فعلك دي ماياها ردت فعل من خالفوك في بوست سابق عن قصة حمور؟ وأرهبتهم باتهام من أثارته القصة أو يرى بأنها مثيرة للغرائز شخص مريض أو ( بما معناه), أنت يا أمجد ما اكتفيت بالتعبير عن رأيك بل حجرت على مخالفيك بإرهابهم, ولا مجال لمقارنة الكتابة بالطبع ولكن زي ما انت عندك معيار تقيس به الأمور كون العبارات الجنسية في رواية أو نص أدبي ترى بأنه لا غضاضة فيه , ووجوده خارج نطاق الأدب , في الونسة أو البوستات الفارغة مشكلة فغيرك عنده مشكلة في النصوص الأدبية التي تحمل عبارات جنسية, وغيرهم عندهم راي في الأدب والفنون ككل.. وهكذا . معيار تحديد المقبول وغير المقبول يختلف من بني آدم للتاني , سواء كان في الأدب أو الفن أو حتى التهريج والسخف. يبقى من حقي ومن حقك ومن حق كل الإخوة والأخوات التعبير عن رأيهم ضد كتابتها, ولكن نحفظ لمن لا يشاركوننا الرأي حقهم في التعبير وإبداء الإعجاب كمان والمشاركة في بوستاتها , ولا نملك حق تقويم وتأديب أحد.
رأي شخصي ماكتبته منال ركيك ومبتذل سواء بوستات ونسة, أو ماتسميه شعر (لا يفهمه سوا الناس الراقيين)! ونراه نحن المبشتنين إبتذالا وسخف:) ولا تسيء إلي كإمرأة تسيء الى نفسها وحدها ____________
وعليكم السلام يا أخ محمد :)
05-09-2010, 01:25 PM
Sana Khalid Sana Khalid
تاريخ التسجيل: 02-01-2005
مجموع المشاركات: 2740
و عليكم السلام و رحمة الله و بركاته أخي الكريم محمد و ردي لك اسمح لي أن أضمنه ردي على نهال..فائق احترامي لكليكما.. .... و الله يا نهال..مع اني ختيت علامة التعجب الأخيرة و طلعت ما في نيتي أبداً أرجع أكتب في الموضوع دا تاني..لكن لعزتك و معزتك تهون القواسي.. ...
يا نهال المقارنة بتاعة محمد..(المصر يكتب اسمي وسط كمية من الألقاب أقدرها جداً..و لكن تقيدني عند كتابة اسمه..الذي أكن له وافر الاحترام بألقاب و بدونها)..
المقارنة جاءت على رد فعل عزاز على الكتابتين..و ما رآه هو عدم اتساق في المواقف..
أنا عندي قناعة انو محمد إي سليمان..عندو مقدرة على القراءة بين السطور و تذكر النصوص أكثر مني..و لكن لم أر في كتابة عزاز حتى بعد تكويتها.. و إضاءتها بالأحمر ما يمكن أن يسمى بعدم اتساق للمواقف.. (هنا!) (و معليش يا عزاز اضطريت أكتب هنا دي...عشان أتفادى الأحكام المطلقة..و إن غلب فيها ظني)!
المقارنة بين دفاع عزاز عن كتابة حمور _و في أزمة (ولاء لم تعد تضحك) تحديداً_ و اعتراضها على ما تكتب منال..هو مقارنة ضمنية بين ما كتب حمور و ما كتبت منال..
و استنكار أن موقف عزاز ليس واحداً هو مساواة للكتابتين..(ياخي أنا هسي مضروسة من انو أقول البتعمل فيهو منال دا اسمو كتابة أصلاً..!)
أو على أقل تقدير وضعهما في مقارنة بغض النظر عن الحكم بعد المقارنة..
بالنسبة لي المقارنة في حد ذاتها مجحفة..بغض النظر عن النتيجة التي قد تصل إليها!
لو كنت متواجدة في المنبر وقت تداعيات قصة حمور زيادة..كنت حتماً سأقف موقف المدافع عن حمور و عن قصته..لست ناقدة و لا أديبة..و لكني أم وصلتها الرسالة طي القصة!
لا أتفق معك يا نهال في أن كتابة منال لا تؤثر علينا.. و أرجعك لكلام أساسي فوق (ولاّ أقول إساءة أساسي؟) لينا..!!
نحن الخلانا نفتح خشمنا من الأول في موضوع (بالسوء دا) هو الخوف من أن تتشابه (كتابات) النساء و بالتالي أسماءهن و صفاتهن في عيون الزائر للموقع.. غير المواكب لما و من فيه..
تقوم تجينا الخايفين منها من واحد من ناس المنبر..لأ..و زول كنا خاتينو في منزلة أخ كريم و ظننا فيهو كان أحسن من ظنو فينا..للأسف!
السلام عليكم,, البوست ماشي بخطي سريعه في اتجاه مؤسف جدا :(
أساسي,,
Quote: ان لو جاءت كتابات منال من واحدة من الاخوات المعترضات انفسهن لوجدت جيش من المبررين والمبررات , بل كل المعترضين اعلاه علي منال لكانوا الان يسبحون بحمد حسن كتابتها ويلهجون لها بالثناء علي الذكاء الادبي وحسن الترميز .
فيك الخير,, ونحن لو بنكتب كلام زي ده مضيعين زمننا ومحتجين علي شنو؟ غيرانين من اللُخت؟ وللا عندنا معاها تار بايت؟ استدلالك بكلام الزميله "رمانه" مافي محلو, رمانه ما قصدت أي ايحاء من كتابتها, كتبت المداخله في بوست أغاني, وروت قصه عن موقف مع ولدها, ومافي زول شعر بأي سوء من كتابتها للقصه دي,
بعدين نحن ما عندنا مريدين في المنبر ده, عشان يسبحوا بحمد كتاباتنا, بنقول الكلمه البتمرق من ضميرنا, وبتعجب نفرين وممكن ما تعجب ميه, وبرضو بنكتبها, وبنقول للأعور أعور في عينو, وبنتعرّض لهجوم وانتقاد عااااااااااادي, ومافي سبب يخلي أييييييي زول في البورد ده يقيف لينا موقف خاص ولا يستثنانا من نقد, بمعني اخر لو في شئ بلم البنات المعترضات ديل فانهم ما بيعرّفوا أنفسهم بكلمة (أنثي), ولا طارحين نفسهم في المنبر ك (اناث) بل كأقلام واراء وأفكار ومعتقدات (تصح أو تخطئ), أقلام مصادمه وموضوعيه, فما تجي انت في مداخله مستفزه تجردهم من مواقفهم الخطوها في البورد في سنين طوال والاف المداخلات, وتفترض شئ ماممكن حصوله اطلاقا ..
ودونك الأرشيف يا أساسي ,,
05-09-2010, 05:52 PM
تيسير عووضة تيسير عووضة
تاريخ التسجيل: 12-20-2005
مجموع المشاركات: 7136
Quote: بعدين نحن ما عندنا مريدين في المنبر ده, عشان يسبحوا بحمد كتاباتنا, بنقول الكلمه البتمرق من ضميرنا, وبتعجب نفرين وممكن ما تعجب ميه, وبرضو بنكتبها, وبنقول للأعور أعور في عينو, وبنتعرّض لهجوم وانتقاد عااااااااااادي, ومافي سبب يخلي أييييييي زول في البورد ده يقيف لينا موقف خاص ولا يستثنانا من نقد, بمعني اخر لو في شئ بلم البنات المعترضات ديل فانهم ما بيعرّفوا أنفسهم بكلمة (أنثي), ولا طارحين نفسهم في المنبر ك (اناث) بل كأقلام واراء وأفكار ومعتقدات (تصح أو تخطئ), أقلام مصادمه وموضوعيه, فما تجي انت في مداخله مستفزه تجردهم من مواقفهم الخطوها في البورد في سنين طوال والاف المداخلات, وتفترض شئ ماممكن حصوله اطلاقا ..
تسلمي وتعيشي إنتي ..
05-09-2010, 12:36 PM
Elawad Eltayeb Elawad Eltayeb
تاريخ التسجيل: 09-01-2004
مجموع المشاركات: 5318
أفتكر أنو المعيار هو السياق context مع باقي الحاجات زي المبادئ والأخلاق وغيرو
لكن لو ما كان في سياق؟؟ يعني تخيل العنوان والبوست كلمة واحدة، مثلاً
(شخيط)
يبقى بعده ده بنسأل الكلمة دي الكتبها منو؟ ونجي شايلين تصوراتنا وأحكامنا المسبقة (وهي ما دايماً كعبة) وخيالنا الخصب.
يعني لو جات أخت وكتبت كلمة (شخيط) في العنوان ونَص البوست بتقوم تتم الباقي بي خيالك، حسب تجسدك لشخصية الكاتب
يعني لو كانت الأخت مثلا (مناضلة) طوالي بتتخيل إنو في كومر بوليس وعساكر ومظاهرات وشخيط فاصل بين الكيزان والمعارضة
لكن لو كتبت نفس الموضوع أخت مشهورة بالإهتمام بالطفولة ممكن تتخيلو شخيط في لوحة طفل
وفي خيالات تانية كثيرة!
عشان كده ما تتصوره عن نفسك، وتعبيراتك وإيحاءاتك، الناس بتموها من عندهم.
وكل ما كنت شخص محدد وواضح وعادل وعندك مثل وأخلاق ومعايير بتحكمك ما في زول بيقدر يدخل بينك وبين فكرتك، إلاّ عشان يضيف إيجاباً ولا ح يلقى نفسو مُحرج ومكشوف في السهلة
لكن كمان الشخص البكون محكوم شديد بالمعايير بكون شخص (يمكن التنبوء بسلوكه) ومن هنا بيجي الشعور بالرتابة والملل خاصةً من طرف الناس التعودو السخرية من كل شيء. مع إنو السخرية هي سلاح ذو حدين، وهي في النهاية سلاح العاجز.
عموماً لولا المعايير لما أمكن التحكم في شيء ولو لا الخروج عن المعايير لمات الإبداع لكن هناك خروج عن المعايير (بإبداع) وهناك خروج (ببدعة)
وقمة الإبداع هو الذي يجدد المعايير وينفض عنها الغبار دون أن يخنق الضمير.
خلونا نرجع للموضوع وما نتشعب في حاجات ميتة ونوجه الموضوع وجهات لم يبدا بها , اول حاجة احب ان اثبت اني شخصيا لم استسغ الايحاءات الواردة في كتابة الاخت منال ولست هنا لانادي بمثل هذه الكتابة ونشرها وقد خاطبت الاخت منال ان كتابتها هذه غير مقبولة , ولكن اعتراضي ومداخلتي الرئيسي في هذا البوست بنيت علي رد فعل الاخوات الغاضبات علي منال الي درجة وصلت بالاخت تيسير الي طلبها الذهاب من المنبر وهو الامر الرئيسي الذي حركني للكتابة في هذا البوست وكأنها المعنية بتقيم كتابات الاعضاء هنا وتقيم من يحق له الكتابة ومن يذهب , وايضا طريقة توالي الاخوات بالرد علي بوست منال بعد فتح باب ذلك بواسطة الاخت عزاز وفتح النيران عليها , لذا محاولة تجييري ووضعي في خانة اني من دعاة نشر مثل هذه الكتابة نوع من التحايل علي حديثي . لابد ان نثبت هنا عدة اشياء ليس هنا احدا قيم علي حد ولا وصي علي احد ما دام لم يتعدي بكتابته علي شيئ شخصي يمس احدا هنا ليس من حق احد طرد احد في هذا المنبر بناء علي معاييره الخاصة طريقة تقيمنا للاخر مبنية في الاساس علي مدي قبولنا له وعلي مدي صداقته لنا وليس علي المبدئية هذا ما اردت ان اناقشه في هذا البوست تحديدا
ـــــــ الاخ كبر فعلا اثريت البوست واطربته , وان كنا نفقدك بصورة شخصية منذ توقفك وصفعاتك الحوارية المتوالية والاخ محمد سليمان بدون e
ــــــــ كمال عباس لا اخفيك اني لا استطيع القراءة لك في اليوم اكثر من مداخلة واحدة وقد فعلت اليوم وقرات لك مداخلتان ووجدت مداخلة اضافية تبدو ردا علي حديثي اوعدك ان وجدت في نفسي بهجة او احساس بعدم الرتابة ساعود اليها واحاول ما استطعت اكمالها ولا اوعدك باكثر من هذا
ــــ الاخت عزازو الاخت سناء يبدو اني اخطأت في ضرب المثال بكن ولكن المبدائية هي الاساس فلو وجد احدهم هنا في نفسه الكفاءة ان يلبس ( نظارات) الناظرة فعليه ان يطوف بجميع الكتابات ويعترض علي جميع الشبهات الواردة فيها والا فليتجاوز ويتجاهل , لان هذا باب كبير وهنا يوجد الكثير من التجاوز لذا ظهر تقريعكن للاخت منال في صورة استهداف شخصي
ـــــ الاخت تيسير الحوار معك نوع من انواع العبث ويؤدي الي عنف لفظي لا طائل منه ولا فائدة ترجي
05-09-2010, 02:17 PM
عمر عشاري عمر عشاري
تاريخ التسجيل: 08-22-2009
مجموع المشاركات: 1777
Quote: الاخت عزازو الاخت سناء يبدو اني اخطأت في ضرب المثال بكن ولكن المبدائية هي الاساس فلو وجد احدهم هنا في نفسه الكفاءة ان يلبس ( نظارات) الناظرة فعليه ان يطوف بجميع الكتابات ويعترض علي جميع الشبهات الواردة فيها والا فليتجاوز ويتجاهل , لان هذا باب كبير وهنا يوجد الكثير من التجاوز لذا ظهر تقريعكن للاخت منال في صورة استهداف شخصي
بخصوص كلامك أعلاه يا أساسي وبخصوص الاقتباسات البتجيبها مره مره ياود الصايم,, ياود الصائم ما ممكن تجيب لي جمله من نصصصصص كلام في نصصصص البورد أنا زاتي ما مريت عليهو قبل كده, وتقول ياهو ده حال المنبر !! ما قدامك اللّخت بتفتح بوستات وبوستات جهارا نهارا وما عندها خط ولا توجه غير الايحاءات الماكريمه ! ممنوع ننتقدها لو ما بحّتنا المنبر كلمه كلمه وانتقدنا كل لفظ ما كريم اتكتب فيهو؟ ياجماعه نحن هنا بنناقش ظاهره اسمها (منال), منتهجه خط في البورد لاتحيد عنه ايحائي وخادش, يعني لا مداخله لا كلمه لا موقف, أرشيف اللُخت عامر بنوعية هذه الكتابات, ومن حقنا ننتقدها, وانتو لو لقيتو غيرها كاتب كتابه ماكريمه انتقدوهو ونحن ذاتنا بنجي ننتقد معاكم, المافي شنو؟ زي ما قالت تيسير, أنا لو لقيت منال كاتبه مداخله من نوع مداخلاتها دي في بوست, بندهش وبقول أكيد ما قاصده ! لكن لما الحكايه تكتر بقول أكيد قاصده, ممكن نلفت انتباهها, ردت وغيّرت اسلوبها تبقي ما قاصده, ما ردت وواصلت في غيّها تبقي قااااااااصده,
خلاصة القول ما تطالبونا نتخصص في البورد وننتقد أي كلمه فيهو عشان يكون عندنا الحق ننتقد منال, وزي ما سبق قلت, أنا وللا الأخوات المعاي موقفنا العام من موضوع الكتابه الايحائيه سجّلناهو قبل كده ومعروف,,
وعلي فكره أساسي انت مطالب باعتذار واضح لينا عن جملتك الغير موفقه السابقه ..
تساءل الصديق محمد الحسن قائلا : ما هو المعيار؟.. و بلا تحفظ نقول النفاق..و القدرة على انجازه..
الاستاذ كبر، سلامات و تحايا وودت لو كان مدخل تداخلنا أفضل مما هو الآن ... اسمح لي أختلف معك، مع الاحترام الشديد لتوضيح رأيك و بذل ما بذلت من أمثلة و تفاسير... معيارك الذي اقترحته وهو (النفاق) .. جميل، النفاق كان الحافز للرفض ولا رد الفعل للرفض (التضامن، الاتفاق، التبعية للرأي العام) وباقي ما تبقى؟ ومثلك يعرف الفرق، يعني يا تحدد النفاق ده بادي وين و نفرز أفنديتو من غيرهم يا كمان ما يكون طاقية فري سايز ... لاني انا شخصيا عزاز شامي لما رفضت الكلام ما كان من باب النفاق، انافق منو و لشنو؟ مافي زول بديني راتب اكتب هنا ووجودني لو محسوب هو خصم علي... انافق منو؟ ده لو فسرنا النفاق بمعنى هوين طيب ما النفاق داك بتاع في قلبي شيء و أظهر عكسه، يعني انا عاجبني بس بنكرو (انا لا أكذب و لكني اتجمل)
أثق في علمك و اطلاّعك، و أرجو ان تخبرني متى تحولت (النسبية) القالوها كل من مروا بفلسفة الأخلاق و كل المدارس المرت وفحصت الأمر و خلصت لأغلب القوانين الوضعية الآن؟؟ متى تحولت (النسبية) في قياس معايير الأخلاق و القيم المجتمعية إلى (نفاق)؟ مدارس قالت أنو اللذة هي الخير و الألم هو الشر، ومدارس رأت انو الغاية النبيلة هي الخير و عكسها الشر، كل ديل انطلقوا من النسبية ...
دعنا نحدد معنى مفردة نفاق التي أوردتها في ردك المختصر المقتبس أعلاه و اسهبت في شرحه لاحقا علشان ما تدخل في اللوم ساي ... وقد عاتبت صاحب البوست على التعميم و رششتنا بماء ما انتقدت و عممت انو كل ما هرق من مداتد هنا هو محض (نفاق) ما مرق مننا زول ما منافق؟ ما لقيت ولا وجهة نظر واحدة يتيمة خالصة لوجه ما قال عناه قائلها/قائلتها؟
لو قلت زي كلام الاستاذ عوض الطيب انو الـ context ممكن اوافقك لانو ده مبدأ انو المقام و نوع الكتابة وتصنيفها بيفرق، ولو اعتبرت قبولي (للتعامل) مع النص الأدبي في شكل أغنية أو طقطوقة ورفضي للغة بذيئة رفضا قاطعا في الحوارات و العلن نوعا من النفاق ، فاسمح لي انو ميزانك ما عادل ... حتى الأغاني ده بيسموها (هابطة) وما عفوها من التقييم شن حال الونسة في وسط مفتوح ؟ انت ممكن تسأل رجل دين عن أخص خصوصيات علاقتك الزوجية أو تسأل الدكتور، تفتكر ممكن تناقش نفس الحاجات دي بنفس فاتحة زمليك في الشغل في ساعة الغدا؟ ده نفاق بمعيارك الفوق كان كده؟ ليه تقولو للدكتور وما تقولوا لزميلك؟ شفت حتة (ليه) هي سبب المعركة حامية ا########س الرمتناعلى أسوار المنبر
شرحك التالي لملابسات الأغنية يدخل تحت بنود نقد (نص) أدبي، اعلمت فيه ما أعملت و استخدمت فيها حكم judgment وما قدرت تمرق من حتة الحكم دي .. و بالله بنفس العين الحصيفة ارجو تلاقي وقت تقرأ فيهو البوستات اليت أوردتها بالأعلى للشاعرة المجيدة منال و طبق فيها نظريات النقد بالقبل الأربعة و امرقها لي عندها هدف ولا شبكة مرمى ولا كورة!
يا سيدي الكريم انحنا قيمنا كتابات منال في محيط البورد، باتفق معاك انو في فن هابط، في حمادة بت، في شعراء حقيبة فاطين سطر، ده كلو ما ليهو علاقة ...
كتابات منال في الحيز ده (البورد) خطأ و وبتتدنى بمعاير أخلاق المكان وسقف المقبول أخلاقيا
(.)
كان بودي أكمل الحوار معاك يا استاذ كبر، و اتمنيت استفيد منك في سانحة تانية، بس الجدل بقى ماشي ماينص و حفر في بحر، شوية شوية ويكتمل نصاب النفاق الجد جد ...
انا اخواتي الفوق و غيرهن ممن وضحت وجهة نظرهن في أوقات متفرقة، قلنا العلينا و بنمشي و ننوم راضين ... ما وقفنا ( ضد) أو (مع) بدافع المشي في فردة حذاء أكبر منا بنمرتين، ولا متقمصين شخصية (أولو الأمر) لانو لوعاينت فينا كويس حتلاقينا أكتر ناس بننحت في الصخر علشان تنعتق المرأة من التنميط وكونها أسيرة الفراش و المتعة ولا زول ماسك علينا شيء... وده يمكن الخط الفاصل جد جد!
الأخ كبر, تحيه وسلام,, تجدني في غاية الاستياء من الشرح الثر المستفيض الذي أجبرتنا علي المرور عليه في هذا البوست, حتي لو علي سبيل التوضيح كان يمكن شرح الفكره دون المرور علي كلمات الأغنيه كلمه كلمه وشرح معانيها ومقاصدها,, ماممكن نحن بنرفض في حاجه تقوم تأتينا بها كامله ولو علي سبيل الاستدلال, لو قلت ليك شرحك للأغنيه دي خادش للحياء, رايك شنو؟ الغنا الهابط تمتلئ به ساحات الغناء في السودان وخارجه, وكل فن عنده رواده ومريدينه, ولكن ما ذهبت اليه من شروحات, لايجعل من خواطر وأحاسيس وونسة (منال) الايحائيه, أمر يجب علينا تقبّله, وسبق وأشرنا الي انه منال لاتكتب نصا أدبيا ولا روائيا, وانما هي محض (ونسه) !
عليه بما اني ما عضو في مجلس المصنفات الأدبيه وللا أيا كان اسمه (المجلس البيجيز الاغاني ده) لكن عضو في هذا البورد, فسأنتقد الخادش والايحائي هنا ما اتيح لي زمن واستشعرت استياء من ما هو مكتوب ..
05-09-2010, 02:58 PM
osman righeem osman righeem
تاريخ التسجيل: 06-21-2007
مجموع المشاركات: 10872
Quote: عليه بما اني ما عضو في مجلس المصنفات الأدبيه وللا أيا كان اسمه (المجلس البيجيز الاغاني ده) لكن عضو في هذا البورد, فسأنتقد الخادش والايحائي هنا ما اتيح لي زمن واستشعرت استياء من ما هو مكتوب ..
اماني اختنا الغالية
بالجد اليوم افتقدت اسابيع البورد
انا شايف الفكرة من الاول وصلت لكن البيقنع الديك منو ؟
05-09-2010, 04:05 PM
كمال عباس كمال عباس
تاريخ التسجيل: 03-06-2009
مجموع المشاركات: 17138
Quote: لا كمال عباس اخفيك اني لا استطيع القراءة لك في اليوم اكثر من مداخلة واحدة وقد فعلت اليوم وقرات لك مداخلتان ووجدت مداخلة اضافية تبدو ردا علي حديثي اوعدك ان وجدت في نفسي بهجة او احساس بعدم الرتابة ساعود اليها واحاول ما استطعت اكمالها ولا اوعدك باكثر من هذا
وأنت الجابرك أصلا شنو تقرأ مداخلاتي أبتدأ وخصوصا وأنو كلامي أصلا ما موجه ليك ? وأنت عارف أنو أنا قاعد إتجنب إتداخل معاك لإنو التداخل معاك - لاينتج معرفة ولايضيف شئيا موجبا بل يعد خصما علي ... وفوق هذا فأنت لا لاتحترم الاخروبالتالي لاتحترم ذاتك ومن لايحترم نفسه لايحترم !! أقول هذا مع وضعي في الآعتبار إعترافك بأنك تعلمت الديموقراطية من و في المنبر - جاء ذلك في ردك الإستسلامي علي خدر ولكن وضح أنك لم تتعلم ما يكفي وماتعلمته تعلمته بالقلبة بحيث نراك تمارس قشور الديموقراطية في المنبروتظن أنها إبتدأت بالمنبر وتنتهي به ولا يجب أن تنسحب علي أرض الوطن حيث أستمريت علي تأييدك وتطبيلك لطقمة الانقاذ وبصورة خجولة وبائسة مما يكشف أن فهمك للديموقراطية شائه وأعرج !! أما علاقتك بالثقافة والمعرفة فقد فضحه البارع خدر في أحدي محاضراته والتي كنت أظنك أستفدت منها -ومن محاضرات الاخت عزاز المعرفية - شئيا مثمرا ولكن يبدو أنك تحتاج لوقت أطول وللجلوس في الواطة وأستيعاب العلم من الكتب والمراجع بدلا من نتف الانترنت وفتات الاخريين والثقافة الطفيلية القائمة علي التلاقيط و ختف الكلام وطق الحنك وتركيب الجمل الإنشائية !! وهاأنت تري الي أين وصلت بك الخفة والشلاقة حيث أصبحت تخسر يوميا وتتعري بشكل سريع !! ... تمارس التطاول علي الاخر وتصنيف الناس بصورة تفتقد لأبجديات الذوق والحس الانساني وحينما تحاصر تسمي هذا دعابة! فمتي كانت السماجة والأذي دعابة وتظارف ياسعادة الكوميداني محمد-أساسي- هنيدي ? ثم تجاوزت هذا لتطال باقة من أروع بنات بلادي بصورة فظة وجارحة تتنافي مع أداب الحوار وإحترام الرأي الاخر !! وهذانموذج :
Quote: الاخت تيسير الحوار معك نوع من انواع العبث ويؤدي الي عنف لفظي لا طائل منه ولا فائدة ترجي
وتيسيرهذه لن تطال كعبها ثقافة وعلما ومعرفة ولا تدانيها في الالتزام بأداب الحوار ورحابة الصدر أو في الالتزام بأصول وقواعد التعامل الاجتماعي .. دع التطاول علي الاخرين وأرعي بقيدك والزم حدودك وإحترم الإنسان وحقوق الإنسان وكرامته لتصون بذلك نفسك وكرامتك ..
(عدل بواسطة كمال عباس on 05-09-2010, 04:18 PM) (عدل بواسطة كمال عباس on 05-09-2010, 05:40 PM) (عدل بواسطة كمال عباس on 05-09-2010, 10:49 PM)
05-09-2010, 03:32 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
نلحق نوصل : شكرن يا عزاز . . شكرن كتير و الله و قدر العشم و اكتر
----------
تيسير مازالت غاضبة ( قيقراوي مركب مكنة ملاسي )
يا تايسا و ( المخلوقة ) دي ما عندها معاكم في حلاوة ( انسانية و كرامة ) دي و لا شنو ؟ تهدروها كدا سااااااااي بس ؟!! . . نقول غلطت نقول عملت السبعة و ذمتا ذاتو ! و ين حقها في الاكرام كأنسان ؟
حيرتونا ذاتو !!
سناء خالد مشترك مع تايسا
05-09-2010, 04:32 PM
Sana Khalid Sana Khalid
تاريخ التسجيل: 02-01-2005
مجموع المشاركات: 2740
قيقراوي ياخي أنا من الأول الجدال في الموضوع دا في نظري بيزنطي.. و جدل لأجل الجدل ليس إلا!
لأ ما عندها معانا..!! بعدين ايش معنى سناء و تيسير.. نحن حيطتك القصيرة ؟..البت تكشح كرامتها و انسانيتها في واطاة الله دي..و انت تجي تخمهن وتكبهن لينا في طرفنا نحن؟ عزاز و أماني و سارة ديل ما تشيلن معانا.. ؟؟ على الأقل عشان يردن ليك يفشني شوية!
قيقا..الموضوع دا بالجد طمم لي بطني.. عشان كدا دا خروج بدون عودة ..هنا تاني..
05-09-2010, 04:51 PM
خدر خدر
تاريخ التسجيل: 02-07-2005
مجموع المشاركات: 13188
نعناع الجنينة المسقى فى حيضانة شجر الموز طرح ضلل على عيدانة
قالتلى بريدك يا ولد عمى تعالى دوق العسل سايل على فمى على مهلك على ما بحمل الضمى على مهلك على دة انا حيلة ابوى وامى *** فى عشق البنات انا فقت نابليون طرمبيلى وقف عجلاتة بندريوم قدمت شكوتى لحاكم الخرطوم اجل جلستى لما القيامة تقوم *** سألت ايش الاسم قالو البنات نعمات ام صبعين رطاب والباقى بلح امهات يوم ندهت علينا بيدها الناعمات قلت نعمين تلاتة واربع خمس نعمات *** خضارك زى جنينة وطرحت تينات عودك فى مشيتة عاملّو منحنيات عضامك لينة لايقين على التنيات تانية واتنين تلاتة واربع خمس تنيات *** يا ام عقدين دهب تلاتة وتلاتين طارة ما عيناً رأت ما وردت على بكارة يوم طلت علينا الكل وقعو سكارى سقطت فى الحليب ما بينتلو عكارة *** يا ست البنات ماحلى الجمال الفيكي مهما اعمل واسوّي ف الوصف ما يكفيكي الروح والجسد تاخدي وما يكفيكي بسْ خلي العيون علشان تعاين فيكي *** رايد اكلمك كل ساعة ف وَسَعتنا من بعد الضُهُر نركب ضهَر ناقتنا قالت نعمل ايه لو العرب شافتنا قولي وليد عمي وساقته جار ساقتنا *** قالت تَقصُد ايه يا اللي انت بتغازَلنا واقف في طريقنا ان كان طلعنا نزَلنا مواعدين بعضَنا من صغرَنا وما زلنا ما نفوت بعضنا حتى التراب يعزلنا *** قالت تَقصُد ايه يا اللي انت بتغازَلنا واقف في طريقنا ان طلعنا نزَلنا صاينين عهدنا من صغرنا ولا زلنا إوصلنا حبيبنا ألا الفراق يعزلنا *** يا خولي الجنينة الفاكهة فيها أشكال عنقود العنب على شجره طل ومال والتين الخضّير من سحره بقى رمان قوم الحق يا خولي ده أنا اللي قلبي مال *** نعناع الجنينة عطرك فريد يتغنى وصفوك للحبايب من روايح الجنة والماشي معاك يحلم يا ناس يتمنى وان ضاع عمري ضاع مايهمنيش أتهنى *** والعنب البناتي طالل على المحبوبة واللي داقه مرة ما يعرف أبدا توبة ويعود له تاني النوبة بعد النوبة ما دامت قسمته على الجبين مكتوبة *** يا خولي الجنينة عندي طلب وسؤال تعيني في جناينك أزرع يروق الحال وبستانك الزاد ومايهمنيش المال ولا السكن والهدمة مادم فيه راحة البال *** تلتك من دهب تلتك من الفيروز تلتك من عقيق من مكة جاني مفروز لوين نويتي الرحيل يا نور عيوني الجوز باصرخ من قليبي والله الفراق ما يجوز *** يا رايد الجمال قبّل على الخرطوم تلقى هناك بنات كيف السمك بيعوم أما بناتك يا***فوسطهم مبروم يحنوا للغريب وابن البلد ***** ***
راكبة الأوتومبيل في اسكندرية تصيف لابسة قميص النوم لونه برتقاني خفيف جننتي الخواجة قلبه الكُفر متكيف وإيش حالي أنا المسلم اللي قلبي رهيف *** يا ست البنات على ايه ما انتي نويتي عايني وأنظري كيف الشباب سويتي جننتي قلوب والعيون بكيتي حرام أكبر حرام جرحتي وللا داويتي *** نزل الوز عام فى ليل مضلم هاسى قلت أنا أعوم وراكى يالى جمال ميراسى قالت لى تعوم وراى أنا عارفة من أحساسك موجنا تقيل عليك تغرق تزعل ناسك *** جالت يابا يابا ريت هناك خياله تسعين ناجه لجح والرجال شياله جلتلها عريسك جانى فى الجياله ارفضله طلب ولا انتى ليه مياله *** يا شاغل جليبى ليلى ويا نهارى اطلعلك على راس النخيل والصارى واطولك منين شبكتنى فى عزالى بيراهنو عليك انك حتفضل ناري
___
05-09-2010, 05:18 PM
سارة علي سارة علي
تاريخ التسجيل: 07-08-2008
مجموع المشاركات: 4413
Quote: فانا ااقسم باغلظ الايمان ان لو جاءت كتابات منال من واحدة من الاخوات المعترضات انفسهن لوجدت جيش من المبررين والمبررات , بل كل المعترضين اعلاه علي منال لكانوا الان يسبحون بحمد حسن كتابتها ويلهجون لها بالثناء علي الذكاء الادبي وحسن الترميز
دي حافطها يا اساسي عشان:- * الشابات الاستحالة يجو يكتبو كتابة ايحائية ردوا وكفو ووفو.. * وعشان عارفاك ما حترد علي..ودة شئ بيخصك.. ــــــــــــــــــــــــــــــــــــــــ
بس قصة القسم وبي اغلظ الايمان كتيرة لانو البيشوف حليفتك يقول انك متاكد اننا حنعملها والباقين يبرروا..
05-09-2010, 05:23 PM
سارة علي سارة علي
تاريخ التسجيل: 07-08-2008
مجموع المشاركات: 4413
شيخ البورداب المسلمي و اخوه مسيلمة الكذاب ما ورد اعلاه في سياق كلامكم كذب صريح فانا فتحت بوست للمسيلمة البورد اخوك لاطالبه بالاعتذار عن وصفه للاطباء باللعب بحياة الناس و انها قصتهم غريبة خلاص و ليس لأنه نقل خبر الاضراب عن الصحف كما تفضلت و اوردت انت ثم لاحق هو عدة بوستتات لي بكذبات صريحة سألتها عنها و اوردتها في حينها و هو على شاكلة من اراد أن يكتب عند الله كذابا يواصل كذباته التي اضحت امثر من اتذكرها اصلا فاسميته مسيلمة كذاب البورد و هو لا يزال عندي كذلك ( منها حكاية انو الكحول افسدت افكاري دي) اها دي دلايله عليها شنو ولا هو ساي يعني اي زول يقول اي حاجة و يجي اخوه ولا قبيلته الاقربين يدافعو عنو و كمان يبقى في قصة بتاعة البدأ الاساءة منو
البوست الفتحتو انا لمسيلمة الكذاب (كما اتضح لاحقاً) كان بيطالبو باحتارم نفسو و الاعتذار عن اهانة معينة وجهها لقبيلة الاطباء في عمومها و ليس في نقله لخبر الاضراب لأنه لم ينقله هو بالاساس ...
و بما انك مراجع الكلام من اولو تقدر تشوف الحصل شنو بالضبط
اها بالنسبة لحكاية الانسياق وراء الغرائز الذكورية بالمشاركة و تزيين درب الكتابة اياه لمنال و محاولة اظهار الامر بغير كدا ارجع يا شيخنا و اقرأ الاقتباسات الواردة من بوستاتها اعلاه تاني
05-09-2010, 05:59 PM
Amjed Amjed
تاريخ التسجيل: 11-04-2002
مجموع المشاركات: 4430
شيخ البورداب المسلمي و اخوه مسيلمة الكذاب ما ورد اعلاه في سياق كلامكم كذب صريح فانا فتحت بوست للمسيلمة البورد اخوك لاطالبه بالاعتذار عن وصفه للاطباء باللعب بحياة الناس و انها قصتهم غريبة خلاص و ليس لأنه نقل خبر الاضراب عن الصحف كما تفضلت و اوردت انت ثم لاحق هو عدة بوستتات لي بكذبات صريحة سألتها عنها و اوردتها في حينها و هو على شاكلة من اراد أن يكتب عند الله كذابا يواصل كذباته التي اضحت امثر من اتذكرها اصلا فاسميته مسيلمة كذاب البورد و هو لا يزال عندي كذلك ( منها حكاية انو الكحول افسدت افكاري دي) اها دي دلايله عليها شنو ولا هو ساي يعني اي زول يقول اي حاجة و يجي اخوه ولا قبيلته الاقربين يدافعو عنو و كمان يبقى في قصة بتاعة البدأ الاساءة منو
البوست الفتحتو انا لمسيلمة الكذاب (كما اتضح لاحقاً) كان بيطالبو باحتارم نفسو و الاعتذار عن اهانة معينة وجهها لقبيلة الاطباء في عمومها و ليس في نقله لخبر الاضراب لأنه لم ينقله هو بالاساس ...
و بما انك مراجع الكلام من اولو تقدر تشوف الحصل شنو بالضبط
اها بالنسبة لحكاية الانسياق وراء الغرائز الذكورية بالمشاركة و تزيين درب الكتابة اياه لمنال و محاولة اظهار الامر بغير كدا ارجع يا شيخنا و اقرأ الاقتباسات الواردة من بوستاتها اعلاه تاني
05-10-2010, 07:28 AM
العوض المسلمي العوض المسلمي
تاريخ التسجيل: 11-27-2007
مجموع المشاركات: 14076
كنت مخطئ عندما ظننت انني قد اتناقش معك يا امجد .. ولان الرد من شكالة ردك سيكون نهايته مهاترة وانا كغيري يمكني الرد بطريقتك واكثر ولكني اتوقف عن اي تداخل معك ,, كل ذلك تقديرا لتلك اللحظة التي التقينا فيها وللكثيرين الذين لايعفون عني الا الصدق وحسن الظن بالناس ...
05-09-2010, 05:30 PM
Mohamed E. Seliaman Mohamed E. Seliaman
تاريخ التسجيل: 08-15-2005
مجموع المشاركات: 17863
Quote: شهوتئذ انتصبت امامك قامة احلامى كانت عواصف قيامة جسدك تهب نارى ناديتك لتشعلنى فانا انثى لا تنطفىء كالثورات مشتعلة اقترب- ندهتك شرارات عيونى منذ متى تخافنى والليلة الأولى تشهد بالمطر
Quote: و اقتربنا ..... هبت حبوب اللقاح من اشجار العالم انا انثاك - اجيد الرقص على {برش} فحولتك السيسبانة اعرف انك تعشق انبعاجات البراكين مابين نهرى والغابة انتظر..... مشوار خطوة الولوج الى أنوثة المرجان يحتاج سنوات من شقهة الضوء
Ishraga Mustafa
Quote: لا تكفين عن مناداته لأشعالك أذن لا نمتلك خاصية الأشتعال الذاتى وأن أشتعلنا فلن ننطفىء من أين لنا بالشعلة الأولى؟؟
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Mohamed E. Seliaman
تيسير عووضة
كمال عباس
محمد البشرى الخضر
سارة علي
ALZOLZATOO
خدر
Amjed
saadeldin abdelrahman
HAIDER ALZAIN
محمد عبد الماجد الصايم
osman righeem
Hussein Mallasi
اساسي
العوض المسلمي
Kabar
أيمن الطيب
عمر عشاري
قيقراوي
فيس بوك
تويتر
انستقرام
يوتيوب
بنتيريست