قصة الناقد سعيــد بوكرامي ...

Quote: • الزول الأول والوحيد اللي فتح موضوع سعيد بوكرامي هو وليد الخير في منبر نيوسودان، ووليد الخير في بوسته داك أصلاً ما جاب سيرة [زول] واتهمه بإنو هو اللي انتحل شخصية سعيد بوكرامي، فبناءً على شنو محمد e سليمان كان بيلمّح بتورطي في الموضوع؟ • الأغرب والأدهى من ده كله إنو محمد E سليمان قبل 6 شهور تقريباً من بوست وليد الخير كان صرّح إنو مقال سعيد بوكرامي مقال مُنتحل وإنو شخصية سعيد بوكرامي دي مزيفة؛ أها عرف المعلومة دي من وين إذا كان وليد الخير هو الوحيد اللي عارف المراسلات البين روزمين وسعيد بوكرامي المزيف يا جماعة ساعدونا بالمنطق والعقل ... دايرين نصل للحقيقة بدون أيّ أغراض شخصية ولا عداءات قديمة. وعن حيدر الزين، كان الليلة كان بكره هو وليد الخير حتى لو شهاب كرار ما عندو أيّ دليل .. لكن برضو ما بقدر أتهمو [ولا اتهمتو] بإنو هو منتحل شخصية سعيد بوكرامي، وعدم اتهامي ليهو ما معناتو إنو ممكن ما يكون هو، لكن بس لأنو ما عندي معلومة لا مؤكدة ولا غير مؤكدة، الكلام ده أنا قلتو بشكل واضح في أكتر من كذا مُداخلة، أنا كل علاقتي بهذا الموضوع معلومة سمعتها وعرفتها من حيدر الزين من فترة طويلة إنو بيكتب باسم وليد الخير في نيوسودان، والمعلومة دي لمن سمعتها منو كان قبل موضوع سعيد بوكرامي بفترة طويلة. _________ * حسي يجي واحد ناطي يقول هشام آدم اعترف على نفسو :(