|
|
|
 Re: رحلتي الى رومانيــــا (صور دماااااااااار) (Re: doma)
|
الحبيبه ماما دومه
تسلمي على الكلام الجميل ده
وياريت نقدر نكون عند حسن الظن
أتمنى إنك تضعى مدينة كونستانتا ضمن خطط الرحله
راح تستمتعى شديد بالمنطقه وطقسها وجمالها
طبعا الرد ده كتبتو زمان
بس الله يجازى اللى كان السبب
الرد راح مع اللى راح
مع عظيم التقدير والإمتنان.
| |
 
|
|
|
|
|
|
|
|
Re: رحلتي الى رومانيــــا (صور دماااااااااار) (Re: Yassir Tayfour)
|
الأعزاء المتداخلون فى دمار رومانيا
والله يا شباب لسه مفنجل عويناتي ومصدوم جنس صدمه
يمكن أكون السبب فى كل الحاجه دي بصورة الجكس الروماني
لكن أعمل شنو ،،، جزء من التوثيق وكده
غايتو كده كل الناس قالوا اللى عندهم
عليكم الله بعد مداخلاتهم بتاعت تطييب الخواطر الأخيره دي
خلوني أتنفس شويه وأكمل باقى الصور من غير قومة نفس
وليكم علّى أعمل ليكم بوست تاني تدوروا فيهو زي ما عايزين
وأنا علّى حق الفرجه بس يا شباب هههههههههههههه
مع عظيم التقدير والإمتنان.
| |
|
|
|
|
|
|
|
|
|
Re: رحلتي الى رومانيــــا (صور دماااااااااار) (Re: Faisal Elrasheed)
|
وصلتني هذه الرسالة من قبل صديق لابلاغها لساني:
واللله يا ساني بالغت عدييييل كده،، يا خي دا ما الإرهاب والكباب عديل كده ،،، لوووووول
شنو يا خي ما تشوف لينا فرصة معاكم إن شاء الله في اليق بتاع الدوحة ،،، نجيب ليكم الأخبار ونسلم على ناس " ماريان" ديل
تحياتي لياسر خليل أبو إيثار
| |
|
|
|
|
|
|
|
|
|
Re: رحلتي الى رومانيــــا (صور دماااااااااار) (Re: ALMURADABI)
|
الحبيب الموردابي
كل سنه وإنت طيب يا جميل
والسنه الجايه على أمانيك
وتتحقق كل أحلامك
Quote: والله يا ساني بالغت عدييييل كده،، يا خي دا ما الإرهاب والكباب عديل كده ،،، لوووووول
شنو يا خي ما تشوف لينا فرصة معاكم إن شاء الله في اليق بتاع الدوحة ،،، نجيب ليكم الأخبار ونسلم على ناس " ماريان" ديل
|
غايتو لو ما بخاف الكضب
الزول ده يكون عثمان النعيم
لأنه مافى زول حاسدني على الزياره دي غيرو
لكن طبعا دى حساده مداعبه ليس إلا
بعدين يا عثمان إنت دايرني أخليك تسلم على ناس ماريان
ولآ قصدك ناس تانين ،،، خليك أمين
مع عظيم التقدير والإمتنان.
| |
|
|
|
|
|
|
|
|
|
Re: رحلتي الى رومانيــــا (صور دماااااااااار) (Re: محمد الطيب حسن)
|
Quote:
ساني حصل سمعت بالخور ....؟؟؟؟؟
( ما خور قطر _ خور بكري ) |
أنا من زمان قلت الزول ده فى يوم راح يودينا فى داهيه
مالك كده يا حبيب ،،، مطوّل وجاى فاتل عضلاتك
ما تقعد تحت الشجره دي واشرح لينا واحده واحده
غايتو أنا إتذكرت خور إنت ناسيهو
خور صديق القاعد بعيد
مع عظيم التقدير والإمتنان.
| |
|
|
|
|
|
|
|
|
|
Re: رحلتي الى رومانيــــا (صور دماااااااااار) (Re: محمد خليل ساني)
|
اخي وصديقي وحبيبي ساني
Quote:
أنا من زمان قلت الزول ده فى يوم راح يودينا فى داهيه
مالك كده يا حبيب ،،، مطوّل وجاى فاتل عضلاتك
ما تقعد تحت الشجره دي واشرح لينا واحده واحده
غايتو أنا إتذكرت خور إنت ناسيهو
خور صديق القاعد بعيد
مع عظيم التقدير والإمتنان |
الحكايه ماعايزه شجره عشان اشرح ليك تحته
الحكاية انو ماحصل اتلم في بوست من البوستات
( ناذر + تراجي + ياسر طيفور + وضاحه ( الوجه الجديد )
الا وقد لحق امات طه
اها طه زاتو قام شارد تشوفك بتسوي شنو انت
تغحيطه : ٍٍٍٍٍسسسسسسسسسسسسسسسسسسسسسسسسسسسسسسسسسسيك
ياحليل الخور وصديق البعيد في حد ينسي حاجات زي دي
| |
|
|
|
|
|
|
|
|
|
Re: رحلتي الى رومانيــــا (صور دماااااااااار) (Re: محمد الطيب حسن)
|
سلام تاني .. غايتو يا ساني ماشاءالله عليك روحك طووووويلة ، الله يديك العافية و يديني انا بس ربع طولة بالك دي !! والله لو انا في محلك كان زمااااان فلقت المتشاكلين ديل و فتلت البوست دا نصين ، الله يكملك بي عقلك و يحفظ ليك البوست الجميل دا من الكتاحة مع وافر أحترامي للجميع .
| |
|
|
|
|
|
|
|
|
|
Re: رحلتي الى رومانيــــا (صور دماااااااااار) (Re: ابوبكر على)
|
Quote:
الجاتك فى بوستك سامحتك
ولا صورة واحدة مافتحت معاى
تخيل كلمنى واحد اسة من الشباب بالبوست دا
ااااخ نسينا نسلم
ازيك ياجامد
مافى طريقة تنزل الصور تانى؟ |
سلامات يا جميل
وحمدالله على سلامتك وسلامة المنبر
مالك مبتعد من المنبر كده والناس الحلوه هنا
غايتو راح أحاول أنزل الصور تاني
بس عايز أعرف إن الأمور خلاص إستقرت كده
بمعني إن الصور النزلت دى راحت شمار فى مرقه
عشان أقدر أنزل باقى الصور من تاااااني
مع عظيم التقدير والإمتنان.
| |
|
|
|
|
|
|
|
|
|
Re: رحلتي الى رومانيــــا (صور دماااااااااار) (Re: عبد اللطيف السيدح)
|
Quote:
لا انا اقصد الوراك دي لوحة تشكيلية ، ام سوق الناقة بشحمه ولحمه وسجم رماده؟ |
الحبيب أبو خزيمه
سلامات وحمدالله على سلامة المنبر
تتصور الحاجه اللى وراي دي جزء من جمال فايت الحد فى كونستانتا
والجاي لسه خطير ومثير ،،، بس خليك معانا
وما تنسى صور سوق الناقه راح أنزلها هناك فى بقية بوست العمر
مع عظيم التقدير والإمتنان.
| |
|
|
|
|
|
|
|
|
|
Re: رحلتي الى رومانيــــا (صور دماااااااااار) (Re: heba Elmahi)
|
| Quote: سلام تاني .. غايتو يا ساني ماشاءالله عليك روحك طووووويلة ، الله يديك العافية و يديني انا بس ربع طولة بالك دي |
العزيزه هبه الماحي
سلام تاني يا جميل
الحمدلله الواحد بالو طوييييل
وعشان البال الطويل لسه منتظرك ومنتظر الصور
ولآ غيرنا رأينا ،،،
مع عظيم التقدير والإمتنان.
| |
|
|
|
|
|
|
|
|
|
Re: رحلتي الى رومانيــــا (صور دماااااااااار) (Re: محمد الطيب حسن)
|
Quote:
الحكايه ماعايزه شجره عشان اشرح ليك تحته
الحكاية انو ماحصل اتلم في بوست من البوستات
( ناذر + تراجي + ياسر طيفور + وضاحه ( الوجه الجديد )
الا وقد لحق امات طه
اها طه زاتو قام شارد تشوفك بتسوي شنو انت
|
والله الحكايه كلها خلاص لحقت أمات طه يا حاسد
جريت ورانا لحدي ما وديتنا الخور
ما خور قطر ،،، خور الهكر
مع عظيم التقدير والإمتنان.
| |
|
|
|
|
|
|
|
|
 Re: رحلتي الى رومانيــــا (صور دماااااااااار) (Re: محمد خليل ساني)
|
Quote: خور صديق القاعد بعيد
|
رومانيا كانت حديث السبعينات و كأنت اكثر ازدهاراً فى ظل الرئيس نيكولاى شاوسيسكو الذى زار السودان فى ذلك الزمان فى زمن المقبور نظامه جعفر النميرى و فتح جامعاتها الى الطلاب السودانيون فى ذلك الزمان وكان عندهم أقوى الجامعات فى كليات الطب و كانت بلداً مزدهراً....
أما عن الجمال الرومانى فهو معروف و يحكى عنه عدد الزيجات السودانية على رومانيات كرياح الخريف... وكانت هناك علاقات جميلة ما بين السودان ورومانية الى القريب.....
طبعا يا محمد لىك شوق و مدام عرفته "درب" رومانيا تانى ما حا نشوفك فى الخور البعيد
صديق القاعد بعيد
| |
|
|
|
|
|
|
|
|
|
Re: رحلتي الى رومانيــــا (صور دماااااااااار) (Re: Siddig A. Omer)
|
Quote:
طبعا يا محمد لىك شوق و مدام عرفته "درب" رومانيا تانى ما حا نشوفك فى الخور البعيد
|
العزيز صديق القاعد بعيد
سلامات يا جميل ومشتاقين شديد
وعايزك تعرف حاجه
مافى حاجه راح تخلينا ننسى الخور وناس الخور
وكمان فى حاجات تانيه ما داير أقولها
ولو ذكي راح تعرفها ،،، أيوه ... الباسطه اللذيذه
تسلم يا جميل على مرورك الكريم
مع عظيم التقدير والإمتنان.
| |
|
|
|
|
|
|
|
|
|
Re: رحلتي الى رومانيــــا (صور دماااااااااار) (Re: وضاحة)
|
Quote: حمادة
الكوز الهكر المنتدى ما عجبوا صور البسكويت خت ليك صور المجاهدين في سبيل الله
كررررررررررررررررررررررر على وجعنى والله |
والله يا وضاحه يا أختى
الموضوع بقى أكبر من كده
الموضوع بقى يمس المنبر ككل
يعني شفتى كيف بقينا محرومين من التواصل مده طويله كيف
غايتو نتمنى إن الحاجه دى ما تتكرر تاني
ونرجع نتحرم من جديد من لمتنا هنا فى حوش بكرى
مع عظيم التقدير والإمتنان.
| |
|
|
|
|
|
|
|
|
|
Re: رحلتي الى رومانيــــا (صور دماااااااااار) (Re: هويدا شرف الدين)
|
| Quote: والله حسدوك عديل وادوك عين ديل ناس دي ما صور تنزل وكدا والله ما تستاهل ربنا يعوضك والجاتك في صورك سامحتك |
العزيزه هويدا شرف الدين
والله ما عارفين نعمل شنو
يعني ننزل الصور من جديد
ولآ ننتظر يمكن ترجع
وبعدين ما عارفين الحكايه بقت أمان خلاص
ولآ ممكن نتعرض لقرصنه جديده
أتمنى إن ربنا يجعل الحال مستقر
وما يعرضنا لمشكله جديده
مع عظيم التقدير والإمتنان.
| |
|
|
|
|
|
|
|
|
|
Re: رحلتي الى رومانيــــا (صور دماااااااااار) (Re: haroon diyab)
|
Quote:
عارفك شغال ياعمك
وبما انك عضو منتدي الحروف كدي تعال بي جاي
|
قمنا بالواجب يا جميل
وجايين إنشاء الله
بس يا شباب يلا همتكم معانا
عايزين نقدم ليله ولآ أحلى
وطبعا الضيوف قمة فى الروعة والجمال
وكمان من قبيلة البورداب العريضه
مع عظيم التقدير والإمتنان.
| |
|
|
|
|
|
|
|
|
|
Re: رحلتي الى رومانيــــا (صور دماااااااااار) (Re: ابوبكر على)
|
Quote: سلامات يامحمد خليل
يادوب مريت على البوست كلو
ياخ انت اتزريت زرة شديدة |
الحبيب أبوبكر على
سلامات ياجميل
يا زول أول حاجه طمني عليك
إنت مهكر ولآ مفكوك
عشان بس نآخد راحتنا
عايز أماره منك لو ممكن ههههههههههههه
والله البوست فعلا راح شمار فى مرقه
ومزرور زره فيهو
وما عارف أعمل شنو
نعيد الصور من جديد
ولآ نواصل من هنا
ولآ كمان نلغي الفكره من أساسو
مع عظيم التقدير والإمتنان.
| |
|
|
|
|
|
|
|
|
|
Re: رحلتي الى رومانيــــا (صور دماااااااااار) (Re: محمد خليل ساني)
|
محمد خليل حمد لله علي السلامة..
كيفك وكيف الاخوة البورداب في الدوحة
وبالذات ناس قناة الجزيرة الرياضية والقناة القطرية..
اوعك تقول لي صورك مع المشاهير اتهكرت الي كانت مع ناس رونالدوا وماريدونا!!
وانشاء الله تكون عندك نسخ في جهازك..
والبوست دا شايفوا فاضي ما فيهوا صور!!
المهم حمد لله علي السلامة
| |
|
|
|
|
|
|
|
|
|
Re: رحلتي الى رومانيــــا (صور دماااااااااار) (Re: احمد محمد بشير)
|
العزيز أحمد محمد بشير
حمدالله على سلامتك إنت
مالك مطوّل علينا الغياب كده
تاني ما تعملها ،،، كويس يا جميل
Quote:
اوعك تقول لي صورك مع المشاهير اتهكرت الي كانت مع ناس رونالدوا وماريدونا!!
وانشاء الله تكون عندك نسخ في جهازك..
والبوست دا شايفوا فاضي ما فيهوا صور!!
|
والله تتصور اللى حصل هنا ،،، حصل هناك
مافى ولا صوره فى البوست
بس منتظر الوضع يستقر شويه
وعايز أعرف من بكرى أو الجماعه المختصين
الصور ممكن ترجع تاني ولآ راحت الخور
عشان أقدر أنزّل الصور من جديد
وما تخاف الصور محفوظة فى الجهاز
وجاهزه لإعاده التنزيل من جديد
مع عظيم التقدير والإمتنان.
| |
|
|
|
|
|
|
|
|
|
Re: رحلتي الى رومانيــــا (صور دماااااااااار) (Re: ضحيه ابراهيم)
|
| Quote: انت شكلك عاوز تخرب بيوتنا؟ واحد حاقد وبس ... اصبر لى ياودخليل |
الحبيب ضحيه
معقول بس الحاجه دى تجى منى
بعدين بيت منو اللى ح يتخرب ده
بت الشيخ شديده على بيتها
وإنت زول قوي ،،، ولآ مش كده ههههههههههههههه
منتظرين شوفتك يا جميل
مع عظيم التقدير والإمتنان.
| |
|
|
|
|
|
|
| |
doma
محمد خليل ساني
ناذر محمد الخليفة
Tragie Mustafa
Yassir Tayfour
Faisal Elrasheed
ALMURADABI
عبد اللطيف السيدح
محمد الطيب حسن
heba Elmahi
Siddig A. Omer
وضاحة
هويدا شرف الدين
haroon diyab
احمد محمد بشير
ضحيه ابراهيم
Salahaldeen Nadir
فيس بوك
تويتر
انستقرام
يوتيوب
بنتيريست