|
|
|
 Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) (Re: MOHAMMED ELSHEIKH)
|
Quote: الأبن ساني
اولا مبروك القران ولو انو جاء متأخر لأني سمعت متأخر
ثانيا حاولت مقابلتك في بورسودان و لم اوفق اذ انك سافرت الخرطومو لم اجد تلفونك مع اسامة |
العم العزيز محمد الشيخ
الله يبارك فيك وشكرا جزيلا على تهنئتك الطيبه
تمنيت أن ألقاك فى السودان لكن الظروف هى التى منعتنا من ذلك
وإنشاء الله سألتقيك فى السعوديه أو فى السودان متى ما سنحت الظروف
Quote:
ثالثا بس تشرح لي طريقة انزال الصور لأني نسيتها بالرغم من اني كنت اقوم بشرحها للناس سنة 99 قبل ظهور سودانيز اونلاين
لأنو عمك(او خليها اخوك الكبيلر)عجز و كدى |
بالنسبه لموضوع الصور
ده رابط لموضوع عمله العزيز معاويه حسين
راح تلقى فيه كل اللى إنت عايزه وبالشرح التفصيلي كمان
لو حاولت اشرح ليك بكون بظلمك لأن معاويه لم يترك شارده ولا وارده إلا وذكرها
وهاك رابط البوست ده وهو بوست مفيد جدا جدا جدا
أدوات ومواقـع وفنيات مهمه للتعامل مع الصــور
مع عظيم التقدير والإمتنان.
| |
 
|
|
|
|
|
|
|
|
Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) (Re: محمد خليل ساني)
|
الطاهر حسيب نجم نجوم فريق الثغر ببورتسودان والهلال السودانى ....
غايتو يا سانى من الله خلقنى ما شفت احرف من الزول ده وفائز نصر الدين ...
ازكر فى عيد من الاعياد فى واحد كان جايب ليك عقله وكورة قدم وعامل ليك جائزه للزول البيمرر الكوره من خلال هذه العقله
ياخى الزول ده لهف ليك قروش الخلق دى كلها طبعآ جاهو ليك طاهر حسيب والمسكين ما عارفه وطبعآ طاهر حسيب لابس ليك
سديرى زولك ده قايلو زولآ ساى اها ختا ليهو الكوره جابا ليك بداخل العقله زولك زعل قال ليهو تانى برضو مرره
زولك اتخلع قال ليهو تانى برضو مرر الكوره فى الاخير طاهر حسيب قال ليهو امشى هناك وخت يدك على كليتك وخلى مساحه بحجم الكوره
قام قرص ليك الكوره بين يده وجسمه صحبك طوالى لملم بقجه واتخارج قبل ما يمشى قال ليهو انتا منو قال ليهو انا الطاهر حسيب قال
ليهو لا انتا الساحر حسيب
| |
|
|
|
|
|
|
|
|
|
Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) (Re: حسين عوضاى)
|
Quote:
الطاهر حسيب نجم نجوم فريق الثغر ببورتسودان والهلال السودانى ....
غايتو يا سانى من الله خلقنى ما شفت احرف من الزول ده وفائز نصر الدين ...
|
الحبيب حسين عوضاي
كل سنه وإنت طيب
والله يا حسين كلامك ميه ميه
الزول ده أحرف زول تقع عينك عليهو
المواقف اللى زي دى كتيره بجد
تصدق حضرت موقف زي ده
كنا فاطرين مع بعض فى مطعم الرياضيين
وجا واحد بتاع شاى مااااري
قام أخد منو قطعه معدنيه وهاك يا لعب
تصدق صاحبك بتاع الشاى واقف مخلوع
لمن خت ليهو القطعه المعدنيه فى جيبو
وكمان عمل حركات بكباية الشاى الفاضيه
وقال ليهو أفتح يدك
وقام خت ليهو الكبايه فى محل ما فاتح إيدو
عليك الله حرفنة زى دي شفتها قبل كده
مع عظيم التقدير والإمتنان.
| |
|
|
|
|
|
|
| |
محمد خليل ساني
MOHAMMED ELSHEIKH
حسين عوضاى
haroon diyab
كمال ادريس
فيس بوك
تويتر
انستقرام
يوتيوب
بنتيريست