|
|
|
 Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) (Re: محمد خليل ساني)
|
نعود لتوثيق فصول الرحله خاصة فى المنطقة ما بين الهفوف والرياض
تحركت من الهفوف فى منطقة المخرج الأخير برفقة صديقى الفنان طارق الرضى
زودني طارق بالعديد من النصائح ومن بينها ضرورة التأكد من الطريق
وقال لى لابد من السؤال متى ما صعبت عليك الأمور
سألته عن وضوح الطريق فقال تتبع العلامات وسوف تصل ونبهني الى منطقة معينة هى منطقة التحول نحو الرياض
ودعته وتحولت نحو الطريق أنهب الأرض نهبا نحو الرياض وكانت الساعه تشير وقتها نحو العاشرة صباحا
استمتعت بكل لحظة من لحظات الرحلة نحو الرياض وصوت صديقى حسين عوضاي يأتي عبر الهاتف سائلا عن الحال ،،،
قال لى عوضاي بأنه سيكون معي طوال فترات الرحله وقد كان مما ابعد عني الملل من طول الطريق لكنه أبعد عني شيئا آخر ،،،
أبعد عنى التركيز على الطريق وقراءة اللافتات ومعرفة الى أين أسير ،،، منك لله يا عوضاي 
لم أنتبه لنفسي إلا وأنا فى منطقة النعيريه حمدت الله على وصولى الى هذه المنطقة وأنا أمنى النفس أن الرياض على مرمى حجر منها ولكن خاب ظني ورجائي ،،،
ذهبت الى محطة البنزين لأتزود بالوقود وفى النفس إتصال هاتفي آخر من عوضاي لأخبره أين استقر بي المقام ،،،
هاتفته فقال لى أين أنت ؟ قلت له فى منطقة تسمى النعيريه ،،، أجابني بأنها قريبة من الدمام هل أتيت لزيارتي ،،،
أسقط فى يدي هذا القول ،،، تذكرت وقتها نصيحة صديقي طارق الرضي لابد لك من الذهاب بمخرج معين تحت الكبري الفلاني وأنا بالطبع أجهل معالم ذلك الفلاني ،،،
ضحكت ملئ شدقيّ وأنا آكل هذا المقلب الممتد لأكثر من مئتي كيلومتر ذهابا وبالطبع مثلها فى الإياب ،،،
سألت أحد السودانيين عن الطريق الى الرياض فقال لى بأن علىّ أن أعود فى ذات طريقي لمسافة 199 كيلومتر مارّا بمناطق الصرار وعريعره وما شابهها ،،،
شكرته على ذلك لكنه أصرّ علىّ بضرورة الذهاب للغداء معه ووقتها كانت الساعة تشير الى الواحدة ظهرا بالمناسبه محدثي طبيب سوداني مسؤول يعمل فى مستشفى النعيريه ،،،
شكرته على ذلك وتوجهت فى طريقي عائدا من حيث أتيت وأنا أغنى مع عبدالحليم حافظ بتلومونى ليه ،،، وآآآآخ منك يا عوضاي ،،،
هاتفني بعدها صديقي عوضاي وقلت له كلو منك يا تش تش ،،، وكان يفنّد لى كل أسانيدي بأنني السبب وكان لابد لى من التركيز وكان وكان وكان ...... ،،،
وصلت الى النقطة التى افترقت فيها عن الطريق الصحيح وعندها وجدت حركة سير عالية عرفت حينها أنني فى الطريق الصحيح ،،،
قلت فى نفسي هلى أقفل الهاتف إذ ربما يكون عوضاي لى بالمرصاد مرة أخرى فى طشة جديدة ضحكت فى سري وقلت كيف لى أن احرم نفسي من هذه الصحبة الجميله وقد كان التواصل حتى الوصول الى الرياض ،،،
سعدت كثيرا وأنا اسمع صوت الصديق محمد عبدالماجد الصايم طوال طريقي نحو الرياض فهى المرة الوحيده التى أحادثه فيها ،،،
وجدته إنسانا بشوشا وديعا بكل ما تحمله الكلمة من معنى وضربنا موعدا للقاء متى ما وصلت الرياض تناولنا جميع صنوف الحديث عن البورد وما فيه عن المواقف الكثيرة التى مرّ بها خاصة مع ود البشرى وحكاية حموووودى العسل ،،،
وصلت الرياض فى حوالى الساعة الرابعة والنصف وتوجهت الى منطقة إلتقاء معين اتفقت فيها مع صديقي وقريبي بشرى إبراهيم الذي كان ينتظرني ،،، وتلك قصة أخرى من قصص رحلة العمر ،،، وفى الخاطر قصة الباريكينغ العجيب وجيييييتك يا ود الصايم ،،،
المداخلات القادمة خاصة بالطشة الكبيره وموثقة بالصوره وحاتكم ،،،
| |
 
|
|
|
|
|
|
|
|
Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) (Re: عبدالرحمن عبدالله أبوشيبة)
|
العزيز أبوشيبه
والله العظيم مشتاق ليكم بشكل عجيب خالص
الواحد دخل فى جو جديد وحياة جديده
عشان كده حكاية الدوام وقاعة الأخبار دى كان فارقه معاى جامد
بعدين تعال هنا يا أبوشيبه ،،، جهاد أبوشنب ده قاعد يتفاصح هنا بس
ما راح سوريا خُرطومية مره وعاد بخفي حنين بس نحن طيبين وما سألناه
بس قول ليهو نابك حـ يطلع على شونه
إنشاء الله راجعلك بالنصف التاني ،،،
قول لجهاد إنشاء الله الأوضاع مستقره
وصاحبنا بتاع النادي الأهلى داااك ما يكون مستفرد بيكم ،،،
سلامى للجميع يا شبشوب وقول ليهم الرجعه قربت ما عايزين حاجه سودانيه ،،،
مع عظيم تقديري وحبي.
| |
|
|
|
|
|
|
|
|
|
Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) (Re: محمد خليل ساني)
|
محمد ،، سلامات
بجواري يجلس الأستاذ فايز عبدالهادي ،، يهديك السلام ويتمنى لك رحلة عودة تصحبها السلامة.
أما بتاع النادي الأهلي بيقول ليك بلاش نظام الفتن لأنه لا يستفرد إلا بالزملكاوية فقط.
Quote: بعدين تعال هنا يا أبوشيبه ،،، جهاد أبوشنب ده قاعد يتفاصح هنا بس
ما راح سوريا خُرطومية مره وعاد بخفي حنين بس نحن طيبين وما سألناه
بس قول ليهو نابك حـ يطلع على شونه
إنشاء الله راجعلك بالنصف التاني ،،، |
جهاد بيقول ليك هاهاهاهاهاهاهاهاهاهاهاهاها ويا ربي يقص ضهرك بأربعة مش واحدة.
محمد خليل يحتفل بعيد ميلاده الأربعين بمطعم البيت الشامي نوفمبر 2001م الموافق للقرن السادس الهجري.
| |
|
|
|
|
|
|
|
|
|
Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) (Re: محمد خليل ساني)
|
سعدت كثيرا بدعوة العزيز ود الصيام وأسرته الكريمة لى على مائدة العشاء الدسمه ،،،
تحركت الى هناك بصحبة صديقي بشرى إبراهيم وابن حلتنا رمزي واقصد هنا منطقة أم الحمام ،،،
هي منطقة ذات تمايز بنياني فريد تحدها الأسواق من كل صوب وتذخر بالحركة البشرية الشديدة ،،،
ما أن وصلنا الى منزل محمد عبدالماجد الصايم شد إنتباهي حركة خفية وسريعة قام بها ود الصايم لم أدرك كنهها إلا عندما أمعنت النظر ،،،
نظام جديد للحجز عبر وسائل لا استطيع القول بأنه من عصر ما قبل التاريخ لكنها وسيلة ناجحة للوصول الى مآرب ودالصايم ،،،
مآرب كثيرة من أهمها إيجاد مكان مريح وآمن أمام البيت تماما لركن السيارة أو الباركينغ ،،،
وقد كان ،،، حركة ما كان لى أن ألحظها لولا تنبيه صديقي بشرى لهذه الوسيلة المبتكره ،،،
والصور طبعا خطيييييييييييره .
| |
|
|
|
|
|
|
|
|
|
Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) (Re: عبدالفتاح أبوشيمة)
|
Quote:
آمين يا الله
يا أخي لازم تعود من تاني
وخط السير يتجدد تاني
والبوست بدل أربعة دست اثنان
حتى لو جايب العروس فسحها تاني
والبشرب موية أم الحمام لا بد يعود من تاني
حتى إن كان ركب حمام زاجل أو نيسان
أسأل عمك عاش فيها طفولتو زمان
وجا يزور بعد خمسين تاني
مرحب حبابك ألف
وما تنسى الوصايا |
تسلم يا أستاذ الأجيال على كلماتك الرقيقه
ربنا يديم المحبه والصحبه والمعرفه
إنشاء الله إذا ربنا مدّ فى الآجال حأجيكم صادي بى غااااادي
بس الإجازه ما تخستك معاي ،،،
والباخره مواعيدها تكون تمام
مع عظيم تقديري وإمتناني.
| |
|
|
|
|
|
|
|
|
|
Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) (Re: محمد خليل ساني)
|
Quote: إنشاء الله إذا ربنا مدّ فى الآجال حأجيكم صادي بى غااااادي
|
مرحب بيك ألــــــــــ1000 ــف؛ الله يجيبك بالسلامة؛
لكن ما كشفت لينا نومة ناس ود الصايم
التجضِّم دا عرفنا سببه
من ضرب الحلويات اللي عسّلتهم كدا
العقبى لي ناس
والله صورك جميلة؛ باركينج قال ههههههههههه
شوهت صورة أم الحمام يا أخي
أم الحمام بالمناسبة من أعرق الامتدادات الجديدة في أوائل الخمسينيات من القرن الماضي
ومن مؤسسيها المغفور له الملك خالد بن عبدالعزيز رحمه الله؛ وقد كان له قصر بها
قبل أن ينتقل إلى المعذر
كانت كلها قصور في ذلك الزمان
غايتو زمن يجوا ناس ود الصايم
يقلبوها باركينج أعواد صبّة
| |
|
|
|
|
|
|
|
|
|
Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) (Re: محمد البشرى الخضر)
|
Quote: ساني يا عمك ...
حمدالله على السلامة وان شاء الله استمتعت بالرحلة |
الحمدلله يا ود البشرى
الرحلة كانت أكثر من رائعه
وما زاد روعتها لقائي بالبورداب فى طول الطريق ما بين الدوحة والسودان
وإنت عارف أجملهم منو ،،،
أكيد صحبك أبوشنب ،،، الزول العسل اللذيذ ود الصايم
إنت عارف يا ودالبشرى
صحبك ما كان خايف من حاجه
إلا من شوفتك للصوره دي وغيرها من الصور
قال والله الناس ديل ما حـ يريحوني ويخلوني فى حالى
قلت ليهو إنت زول محبوب والحاجه دي ما حـ تأثر على شعبيتك
غايتو إقتنع وما حبّ يكسفني
لمن الفاس وقعت فى الراس
ولقاك قدامو عدييييييل كده
وفى كل مداخله كان بـ يقول
مره إنشاء الله الكاميرا تتسرق
ومره إنشاء الله اللابتوب يتحرق
لكن الحمدلله ربك ستر
ووصلت الصور سالمة الى أيدي أعضاء المنبر
ولسه يا ود الصايم
حبيبك عصام الجيلي منتظرك بعضمه كبيره
ما قال لى هى شنو
بس قال مفاجأه
ونحن منتظرين المفاجأه
مع عظيم تقديري وإمتناني ومحبتي.
| |
|
|
|
|
|
|
|
|
|
Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) (Re: محمد خليل ساني)
|
حمودى العسل
ماتقول لى دا الباركنغ الشهير
ياخ دا مابشيل رقشة
لكن لقيتك بركان خلاص
و الله ياسانى
من يوم ماقلت مسافر سبت بكرة دا, فجاءة صحينا اليوم الجمعة و الريح تعوى و الغبار مشرئب و العجاجة ماتديك الدرب, يازول حكايتك شنو. قلت جاى الكتاحة قامت , قلت ماشى عينك ماتشوف الا النور.
ياخ حلفو قالو ليك ياسانى, شوف عين الصيادين السمك طفش مشى سواحل كوالالمبور , وقال ماجاى تانى. يازول غايتو بكرة كان اتلاقينا فى سواكن, الفول راجيك
عليك الله ياحمودى العسل بتبركن كيف؟
بس ماتقول لى سيافى
سانى بلاى صور الغدا و قصة البتيخة الحكيتا لى الطلعت (أرعة) على قول اخواتنا
| |
|
|
|
|
|
|
|
|
|
Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) (Re: ابوبكر على)
|
Quote: من يوم ماقلت مسافر سبت بكرة دا, فجاءة صحينا اليوم الجمعة و الريح تعوى و الغبار مشرئب و العجاجة ماتديك الدرب, يازول حكايتك شنو. قلت جاى الكتاحة قامت , قلت ماشى عينك ماتشوف الا النور.
|
يازول مع سانى ده بتشوف شعاع ......... اظنك ما متابع المداخلات .
Quote: يازول غايتو بكرة كان اتلاقينا فى سواكن, الفول راجيك
|
قرقر قرقر .. قلتى لى عمك قرموشى زاتو وقف حالو . غايتو ياسانى على قول حبوباتنا
بري برى
بلاى معتصم عبدالقادر قال ليك مجهز القله منتظر سانى ده يركب الباخره .
ياخى جاب كثافتو . 
| |
|
|
|
|
|
|
|
|
|
Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) (Re: ابوبكر على)
|
Quote: و الله ياسانى
من يوم ماقلت مسافر سبت بكرة دا, فجاءة صحينا اليوم الجمعة و الريح تعوى و الغبار مشرئب و العجاجة ماتديك الدرب, يازول حكايتك شنو. قلت جاى الكتاحة قامت , قلت ماشى عينك ماتشوف الا النور.
ياخ حلفو قالو ليك ياسانى, شوف عين الصيادين السمك طفش مشى سواحل كوالالمبور , وقال ماجاى تانى. يازول غايتو بكرة كان اتلاقينا فى سواكن, الفول راجيك
|
والله يا حبيب ماما أشكيناز بقيت تخرّف خلاص
ده شنو مالا السطور داخله فى بعض
والكلام عامل زى الكشري كده
ركّز على حاجه واحده ،،، كتاحه ولآ سمك
الشرع لا يبيح الجمع بين الأختين
| Quote: سانى بلاى صور الغدا و قصة البتيخة الحكيتا لى الطلعت (أرعة) على قول اخواتنا |
يا زول إستهدى بالله
مالك رجعت خلف كده
ما كنت متفشخر وقايم فيها
شنو خمدت كده
بعدين تعال بطيخ شنو اللى قولتوا ليك
أتاريك مشتهيهوا وأنا ما عارف
لكن لقيتك كسّااااااار .
| |
|
|
|
|
|
|
|
|
|
Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) (Re: محمد خليل ساني)
|
كما هو معروف تحركت من الرياض حوالى الخامسة عصرا ونهبت الطرق نحو مكة المكرمة لأصل الى منطقة السيل الكبير ميقات الإحرام للعمرة حوالى الساعة الحادية عشرة ليلا ،،،
دخلت وأكملت جميع الترتيبات لأداء العمرة من نية وغسل وطهارة وصلاة ثم عدت الى سيارتى وأنا بملابس الإحرام قاصدا الدخول لمكة المكرمة ،،،
ركبت السيارة وتوجهت نحو الطريق فإذا بي أسلك الطريق الداخل الى منطقة السيل الكبير وأقصد هنا المباني السكنيه ،،،
عدت راجعا فى طريقي ألتمس طريق مكه فإذا بى أدخل ودون قصد فى الطريق عائدا صوب الطائف أملا فى وجود مخرج يرجعنى الى الطريق الصحيح ،،،
ولكن هيهات لى من ذلك
لم أجد مخرجا أو طريقا للعودة الى طريق مكة سوى منطقة السيل الصغير وهى منطقة تبعد حوالى بضعة عشرات من الكيلومترات نحو السيل الكبير ،،،
عدت كل تلك المسافة لأجد طريق العودة وأدخل بعدها فى الطريق الصحيح مرة أخرى نحو مكة المكرمة وأنا أغالب نعاسي فى هذا الطريق الجبلى الضيق الصعب ،،،
دخلت مكة المكرمة وكان على تواصل معي وقتها الأخ البوردابي العزيز خالد العطا الذى طلب منى الوصول الى نقطة معينة ثم الإتصال به ،،،
نظرت الى هاتفي فإذا به جثة هامدة ،،، البطارية فارغة ماذا أفعل ،،، سلكت طريقي نحو داخل مكة المكرمة وفى الذاكرة بعض المعالم نحو الحرم إبان فترة الحج عام 2005 ،،،
ووصلت الى منطقة بالقرب من الحرم ودخلت فى شعابها وشوارعها لأجد نفسي فى منطقة مرتفعة جدا صعدت فيها على تمهل لأجد نفسي فى النهاية أمام طريق مغلق بالبنيان وأبناء هذا الحي يجلسون يمنة ويسرى دون أن ينبهونني الى خطورة الطريق ،،،
لم يكن أمامي سوي التوكل على الله عزّ وجل وتخطي هذه العقبة ولكن كيف السبيل الى ذلك والنتيجة الحتمية أن أصطدم بإحدى العربات الرابضة فى الطريق أو إحدى الأعمدة المرصوصة أو حائط لإحدى البنايات وكل هذه المحاولات وأنا أعود بالعربة (بالخلف) وليس بالطريقة المعتاده ناحية الأمام ،،،
محاولات عدة استغرقت نحو نصف الساعة والمسافة تصل الى نحو كيلومتر واحد من التعرجات والنتوءات والعربات الواقفة كيفما اتفق ،،،
وفى العنق الأخير من الزجاجه وأنا أصل الى مرة النهاية بحمدالله وقف بجانبي دالا على لحظات الخروج الأخيرة رجل كبير مع أسرته ،،،
عدت أدراجي صوب الطريق لأجد أن هذا الشيخ أوقف عربته بعيدا وصعد مع أسرته هذه المسافة الكبيرة للمباني أعلى الجبل وهو الأدرى بسوء الطريق والقيادة فيها ،،،
الحمدلله خرجت من هذه المنطقة دون خدش فى سيارتى وكان هذا أصعب إمتحان للقيادة فى حياتي فبعد أن كنت ناعسا يغالبني النوم دخلت الى مرحلة من اليقظة والنشاط ساعدتني على إكمال العمرة فى ليلتي هذه بكل نشاط وحيويه ،،،
المرحلة الثانية من المشكلة هى كيفية الإتصال بصديقى خالد العطا والبطاريه فارغة ،،، أخرجت اللابتوب وقمت بتوصيل هاتفي I phone لتعود الحياة اليه لأوصف بعدها مكاني الى خالد العطا الى أوصلني بعدها الى منزلهم العامر لأوقف سيارتى وأركب معه ليقلني بعدها الى الحرم لأداء العمرة ،،،
وللحكاية بقية ،،،
| |
|
|
|
|
|
|
|
|
|
Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) (Re: محمد الطيب حسن)
|
حبيبنا ساني العريس مع وقف التنفيذ
والله كلامي غلط ، اتمني ذلك ؟
لقينا كلامك دخل حوشنا عشان كده قلنا نلفح الكلام
وحكاية الروحة دي الفي مكة ما كلمتنا بيها ليه ؟ شكلك اكلتها علي اللباد!!!
وعشان تأمنوآ ان اهل مكة فعلا ادري بشعابها، ودي الشرة المجيهة تقولي روحة عوضاي
المهم احييك علي هذا التوثيق الجميل لاجمل الرحلات
وقد وضعت منهجا حلوا لادب الرحلات الاسفيري ويا حليلك يا ابن بطوطة جوك الرحالة الجدد .
............................................................ ابو الكتكوت... خزيمة
| |
|
|
|
|
|
|
|
|
|
Re: رحلة العمــــر ((( توثيق بالكلمة والصورة لرحلتي ،،، ما بين الدوحة والسودان عبر السعوديه ))) (Re: ابوبكر على)
|
Quote:
sorry for english
no arabic keboard
the ship has just sailed from swakin sea port,i was there saying good bye to muhammad sany and wishing him bon voyage |
العزيز أبوبكر على
جابت ليها إنجليزي كمان
أمانه جنس فلقصه
صحبك عوضاي ضحك عليك جنس ضحك
والله يا أبو بكر ما قصرّت معاي
لحدي جوه الباخره وصلتني
والصور جاياك جاياك حاجه ما بتخلص
زمان كان الإنتظار عند الرامب
والآن بقى الوداع من جوه الباخره
والله آخر أبهه ،،، يالله بستاهل ده كله
مع عظيم تقديري وإمتناني
| |
|
|
|
|
|
|
| |
محمد خليل ساني
mayada kamal
haroon diyab
محمد الطيب حسن
حسين عوضاى
عبدالرحمن عبدالله أبوشيبة
عصام الجيلي
محمد عبد الماجد الصايم
عبدالفتاح أبوشيمة
محمد البشرى الخضر
ممدوح أبارو
عبد اللطيف السيدح
فيس بوك
تويتر
انستقرام
يوتيوب
بنتيريست