|
ابراهيم سليمان (Re: Siddig A. Omer)
|
وصلنى الايميل ادناه من الاخ العزيز ابراهيم سليمان....الدوحة
____________________________________________________________________
معهد الكليات
الاخ الصديق
شكرا وانت تحمل عنا جهد الكتابة و نزيف الذاكرة.
طبعا يا مان (مسروقة من قاموس منجيقغا) معظم المتداخلين من اولاد الدفعة بلغوا الاربعين ونيف. وبمناسبة الاربعين اذكر قصة سمعتها من مداح في حلة كوكو كان يحكي للسامعين بعض القصص اذا سئم هو والسامعون المدائح وقل مايضعون في الخرقة المبسوطة للتنقيط من القريشات:
قال ابن ادم والحصان والحمار والكلب والقرد، كل واحد منهم اعطوه 25 سنة عمر. فقال ابن ادم 25 بس!!!!!! قليلة ولا ارضي الموت وانا شاب. فقيل له ممكن تستلف من اخوانك حسب عطائهم من اعمارهم المقدرة.
فقال: لذلك ابن ادم يعيش حتي سن ال 25 وهو كامل الانسانية من حيث الجسم والوجدان. مثالي وعايز يحب ويساعد المساكين والضعفاء ويزعل جدا ان لم يري الناس يتصرفون كما في المدينة الفاضلة التي يحلم بها.
25 -40 سنة يعيش في 15 سنة استلفها من الحصان. يبرطع ساكت. وعايز يغترب ويبني بيت ويتزوج ويعمل في ثلاثة اماكن ويركب عربية.....الخ.
40 -60 سنة يعيش في 20 سنة استلفها من الحمار. لا يغير البيت ولا الزوجة ولا مكان سريره الذي ينام فيه. والدرب البيمشيهوا يجي راجع به تاني لايغيره. ولا يحب يغير اصحابه ولا ناسو البعرفهم. ثم يسردب ليعيش وليداته ويحمل الكل والمسؤليات . كما لاننسي الاستكانة بين الانسان في هذا العمر والحمار اعزكم الله.
60- 80 سنة يعيش في 20 سنة فضلا من الكلب. ينبح ولايفعل، فالمروة قد كملت. ياولد جيب الابريق ويرمي بالحجر في المقابر يوجه الحفارين ولا يفعل هو. نبيح من غير فعل.
80 فما فوق اطال، الله اعماركم جميعا، يدخل في سنوات القرد. يضع يده في جبهته ليساعد بها النظر. ويضحك عليه الاحفاد. كما لاننسي المقاربة في الشكل الخارجي اكرمكم الله.
فياخي صديق اولاد الدفعة في عمر الحمير. لاتلمنا ان لم نشاركك الكتابة.
تخريمة
اخر الانباء: ( صديق منجيغا عندو قطايع كفروا له). (صديق!!!!) الرجاء عدم السنسرة.....ها ها ها .
غير ان سن 33 هي اشد الانسان من حيث قوة البدن والاربعينيات هي اشد الانسان من حيث العقل والنضج. فالنبوة والرسالة جاءت لمعظم الانبياء في هذا العمر.
لذلك يخيل الي ان الاضافة التي يمكن ان يساهم بها هؤلاء الشياب كبيرة من حيث الراي في:
• تقييم تجربة التعريب في معهد الكليات التكنلوجية (جامعة السودان حاليا). هل هي سلبية ام ايجابية؟. • المستوي المهني و الاكاديمي بين القديم والجديد وكيف يمكن تطويره؟. سمعت ان هناك محاسبون يقدمون حسابات للمراجعة ليس بها راس مال او حقوق مساهمين!!!!!!!!!!!!!. • التخلف التقني والتدهور المهني وكيف السبيل الي النور؟ • كيف يمكن تطوير الضوابط الداخلية الادارية والمحاسبية لسد منافذ الفساد الذي كثر الحديث عنه الان، حقا او غرضا، في القطاع العام والخاص في السودان؟ • ماذا يمكن ان يقدمه الخريجون لمؤسستهم العريق جامعة السودان؟ • ولا انسي تجربة الاخرون في المهجر والداخل في المجالات الاخري. وكيف يمكن الاستفادة منها • واخيرا وليس اخرا كيف يمكن للخريجين من تغيير عقلية الافندي الباحث عن وظيفة الي عقلية رجل اعمال يوظف الاخرين من خلال التجارب العملية.
و مازال في البال شئ من حتي.
كال الله لكم من العافية حتي الاستغاثة.
ابراهيم سليمان - الدوحة
| |
|
|
|
|
|
|
Re: أسعد أبراهيم (Re: Siddig A. Omer)
|
يا صديق
في اقصي شمال الصورة علي ما اعتقد الاخت علوية امين
الواقفين نمرة 3 من اليمين اعتقد الاخت نجاة سكرتارية من القضارف
الزول التحت البيرش بالموية دة اعتقد معيد في قسم الشكرتارية مين كدة شريف والله اعلم
ياخ الناس دي طلبة
بس طلبة زمان زي حاجات زمان كانوا مبروكين
| |
|
|
|
|
|
|
Re: أسعد أبراهيم (Re: Siddig A. Omer)
|
سلام صديق وكل الرايعين ،اخدت لي سفرتين يا صديق عشان كده انقطعت
قلت لي وليد امام جدمع عديييييل كده ،بركه ربيع السماني الجمع
ومبروكه البنيه،راجع لكم
| |
|
|
|
|
|
|
عبدالمنعم عثمان (Re: fidyas)
|
الاخ عبدالمنعم عثمان
تحياتى و انشاء السفرات للخير....
سعيد بوجودك..كما اننى اعتذر عن تغيبى لمرض عرضى و الحمد لله مرت عافية و صحة.....
منتظر منك الكثير من المشاركات.
صديق القاعد بعيد
ملحوظة:
اهــا الناس المادايرين اظهروأ و عاملين فيهــا مدراء جائييكم بصوركم من سنة أولى و بعدين الا بكرى اعمل ليكم عضوية عشان تقدروأ تردوأ.....
المثل بقول لا ترمى كل سهامك و لا تضع كل بيضك فى سلة واحدة.... والجاييت أجمل من "الفايتات"!!!!!!
| |
|
|
|
|
|
|
Re: عبدالمنعم عثمان (Re: Siddig A. Omer)
|
الاخ صديق عمر
هنا علي ان احتفل باؤلئك الذين قاسمونا ذلك الزمن الجميل فتكونت بيننا قواسم مشتركة عظيمة فاصبحت المحبة والمودة مونة بناء ذلك الصرح الاجتماعي الكبير . بيننا وبينهم حكاوي وطرائف كثيرة
1/العربي ابراهيم العربي من ابناء القضارف اول من تعرفت به عند دخولي المعهد ..يعمل الان بالرياض
2/قسم السيد عبدالله الحاردلو ...القضارف ...يعمل بابوظبي 3/حسين عبدالهادي حسن ...القضارف يعمل بلندن
4/احمد ابراهيم عطبرة السودان
5/صلاح ابراهيم عطبرة السودان
احمد ابراهيم وصلاح ديل اطول ناس في الجامعة وما بيخلو زول امشي في نصهم عشان الطول ما يظهر
6/بشري حامد سليمان المحمية ....العمل بالسودان
7/الصادق علي عطبرة ...السعودية جدة
8/ناجي محمدعبد الرحيم
ونواصل العقد الفريد
| |
|
|
|
|
|
|
Re: عبدالمنعم عثمان (Re: مجدي شبندر)
|
انت يا جماعة دفعتي ناس 94 و 95 ما بعرفوا انترنت ولا شنو ؟
ما في زول ظاهر منهم ، والله حسستو الزول انو كأنو ما درس في جامعة السودان
| |
|
|
|
|
|
|
مجدى الشبندر و معتصم عبد الحليم (Re: رقم صفر)
|
مجدى الشبندر
ياعزيز و ياحبيب....انا قلته مجدى دها أكون قاعد مع جابر برير و بحكوأ فى غسيل
المخ العملناهوا لجابر فى الدوحة......طبعاً جابر "حيطى القصيرة" و انت فاهم......
أخر مرة قدم الى الدوحة "خاف" من غسيل المخ وقال: ديل لسع مجانين...طبعاً فاهم
معتصم عبد الحليم "رقم صفر"
الجماعة ديل "شكلهم" خافوأ منك بعد ماعرفوأ انك حاييم بجاى...و رقم صفر كمان
لكم التحايا و متمنى تواصلكم
صديق - الدوحة
| |
|
|
|
|
|
|
الفاضل عبد الله أبوشنقرة (Re: Siddig A. Omer)
|
الاستاذ الفاضل عبد الله أبوشنقرة
الفاضل لم يكن نسمة طيف مرت على ايامنا بل كان جزءاً عزيز و اصيل و لا زال.
الفاضل اخوى مثله مثل الاستاذالراحل بشير حسين الخواض و الاستاذ دالى و
جميع الاساتذة الاجلاء...اعطونامن علمهم ووقتهم وانسانيتهم و اعطونا الحب و الثقة فى
النفس و فوق كل ذلك المثل.
لو لم يكونوا هناك لم نكن هنا....
اتصل على اليوم الاخ الاستاذ الفاضل من السعودية يسأل و بكل حب عن اخوانه فى
الدوحة واحداً واحداً و لست مستغرباً فقد عودنــا دائماً أن يكون الكبير له الحب بحب و وتقديراً بتقدير...
الحكى عن التوثيق عن الايام الجميلة مع الفاضل و رفقاء دربه الاستاذ الراحل
بشير حسين الخواض و الراحل الاستاذ حسن رحمة و الاستاذ الاخ العزيز دالى حديث
طويل...لو كتبت عنهم لصرت أحد كتاب التوثيق...لجيل من الاستاذة قل أن يجود الزمان
بمثلهم....
سوف أحاول فى قابل الايام ان أكتب عنهم الكثير الكثير....
الفاضل لا زلنــا كما الايام الخوالى جنب الى جنب و مازال هو هو لم يتغير و
مازال يعلمنأ كيف أن نكون قدرا من التواضع و الالفة.
له التحايا و الامانى الطيبة و لاسرته بالصحة و العافية......
و جاييكم بالكلام الكتير عن الفاضل أبوشنقرة الاستاذ و الفنان و الطالب و
الصديق..
صديق - الدوحة
| |
|
|
|
|
|
|
تعازى حارة للاخ مبارك يس (Re: Siddig A. Omer)
|
تعازى حارة للاخ مبارك يس
الاخ مبارك ودع اليوم شقيقته الى الدار الاخرة...
له تعازينا الحارة و لآهله الصبر الجميل......
انا لله وانا اليه راجعون...صدق الله العظيم
تلفون مبارك (موبايل) +9745801662
مبارك موجود فى الدوحة
| |
|
|
|
|
|
|
الاستاذ قاسم رزق الله (Re: Siddig A. Omer)
|
الاستاذ قاسم رزق الله
فى احد الايام و اثناء مطالعتى لجريدة الشرق الاوسط لمحت اعلاناً عن معهد تاهيلى
فى الرياض لتاهيل المتقدمين لزمالة محاسبة التكاليف وزمالة المحاسبين القانونين. لم
اجد شيئاً غريبا فى ذلك الاعلان ًو لكننى امتلآت زهواً وفخراً عندما وجدت اسم الاستاذ قاسم
رزق الله يزين ذلك الاعلان بانه الربان الذى يدير ذلك الصرح.
زماله محاسبة التكاليف و زمالة المحاسبين القانونين و تاهيل جيل كامل من محاسبى
التكاليف و المحاسبين القانونين لم تكن فكرة بل كانت التزام مهنى واخلاقى تصدى له جيل من
العباقرة والاستاذ الكريم قاسم رزق الله كان واحداً مميزاً من ذلكم الجيل الذى نحن
جزءاً اصيلاً من عطاياه.
الاستاذ قاسم اشتهر برصانته وجديته و اسلوبه المميز فى دفع الطلبة للتحصيل
ومن اشهر اقواله عند وضعه امتحان صعب فى أحدى الايام الخوالى، أن ساله أحد الطلبة:
يااستاذالامتحان دها صعب جداً، أجابه الاستاذ قاسم و بى انجليزته المميزة: DO IT OR DIE
فصارت سمة فيه و هى الجدية فى تناول اهتمامته...فزرعها فينــا..زرعاً اتىء أؤكله.
ليست غريبة على هامة مثل الاستاذ العظيم قاسم بان يربت على جراح مبارك يس
فى فقده فكان الاتصأل و التواصل مما دفعنى فى الاستمرار فى كتابة هذأ التوثيق احتراماً.
لك كل الاحترام و التقدير و الصحة والعافية و مزيداً من النجاح أستاذ الاجيال
الاستاذ قاسم زرق الله.....وهذه بداية سيرة ذاتية لك و لجيل من زهوى و فخرى ولولا
مشاغل الحياة للظللت اكتب عنكم ليل نهار.....
اخوك و تلميذك...
صديق - الدوحة
Senior SAP Business Analyst External Services Management RasGas Co. Limited Doha, Qatar
| |
|
|
|
|
|
|
عادل صلاح عمر الحسين (Re: Siddig A. Omer)
|
عادل صلاح عمر الحسين
عادل "اخوى" لزم ونحن ابناء عمومة، تخرج فى كلية الدراسات التجارية - قسم البنوك والتصدير و هاجر كما هاجرنا وكانت هجرته الى كندا وعمل فى كل المجالات حتى صار "كندياً" بلكنة سودانية لم تفوته ولم تغادرنا.....
مرحب بك عادل ومنتظر منك مشاركة عن ابناء دفعتك و أساتذتك و توثقيك لهذأ الجهد المتواضع الذى احاول أن يمتد....
صديق - الدوحة
| |
|
|
|
|
|
|
رحلة الى الخرطوم (Re: Siddig A. Omer)
|
قررت أن اقضى بعض من اجازتى السنوية بالخرطوم مع الاهل و الاصدقاء وسوف اتىء بالكثير من الزكريات معى من هناك..انشاء الله.
سوف أكون فى الخرطوم باذن الله يوم 2 يوليو.
صديق
| |
|
|
|
|
|
|
Re: الى خريجى معهد الكليات التكنولوجية.......أجمعوا هنــــــا..... (Re: Siddig A. Omer)
|
سلام صديق وشكرا وفيرا لهذا الزخم الرائع من الذكريات كانت تجمل ابام لاظنها تعود اولا مذرة للمجئ النتاخر شديد تعرف دوامة الحباة هنا ومسئولية الاولاد كن من الليلة ولجاي باجيب الفرق كله وباحرس معاك اللوست ده وارعي زرعه الاخضر لدما تزهج مني وتطردني وطبعا انا دفعتي 19986-1990 تكاليف الاضافية وشايفة منهم علي التلب وياسر عبد الرحمن وبجيب لبك خبر الباقيين زول زول وتابعت معاك اخبار دفعتكم صباح واضافيةووطبعا كتن انتمائي ليهم ازلي وسرمدي بس ما سامعة سيرة بعهم عصام كاو مهل ورجا وسارة كرار خلاص خليني تمشي اعشي الاوىد واجي فتك بعافبة
| |
|
|
|
|
|
|
Re: الى خريجى معهد الكليات التكنولوجية.......أجمعوا هنــــــا..... (Re: suhair elsheikh)
|
الاخت سهير لك كل الاحترام و التقدير و كتير من الاعتذار للرد المتاخر..اتمنى أن تكونى بخير و الاخ العزيز النصرى و الاولاد... انشاء الله أكونوأ بخير و صحة......
التقينا فى الايام الفايتة الاخ أبراهيم العبادى بعد 27 سنة من الغياب فى كندأ....
أخبار النصرى مقطوعة حتى فى سودانيزون لاين و "أظنوأ" مشغول بالاولاد و هم حياتهم....
أتمنى التواصل ولك كل الود و الاحترام منى و اسرتى....
صديق - الدوحة
| |
|
|
|
|
|
|
Re: الصافى الفاضل الفكى (Re: Siddig A. Omer)
|
.
عماد عبدالله محمد حسين مصطفى جامعة السودان للعلوم و التكنولوجيا ( معهد الكليات التكنولوجية ) . كلية الفنون الجميلة و التطبيقية / تخصص تلوين . خريج 1984 م الدوحة / قطر ت : 5686403 974 + e-mail : [email protected] مدير إدارة التصميم : Dialogic Qatar Intl متزوج
تاني شنو يا أصلي .. ؟؟؟ ثم .. امرق من الخور ده شوية ..
عقدتنا ..
.
| |
|
|
|
|
|
|
Re: الى خريجى معهد الكليات التكنولوجية.......أجمعوا هنــــــا..... (Re: Siddig A. Omer)
|
يا ناس الكليات التكنولوجية مالكم مكنتكم خفت ولا لانو دة موسم اجازات ساكت. الذكريات كتيرة انا متاكد وفي ناس كتار لسة ماجمعو هنا في البورد زي ناس محمد عبد اللطيف(ناس المنطقة الشرقية في السعودية) وياسر حسين(بالخرطوم) والصادق صديق وعبد الله مختار(اخر عهدي بية في البنك السعودي في الخرطوم) واخوة الرائع الصدوق الودود عبد المنعم مختار(سمعت انو في جدة ارجو التواصل) وعمر مدني(جامعة قطر اتصلت علية عدة مرات وجوالة ما بيرد) واحمد عبد الرحيم سعيد مدير صيانة شركة تايوتا في المدينة المنورة وود المامون ود بربر الرائع(وينك بالله)والمهندس بكري البرلوم(شركة الكهرباء عطبرة) وسمير بتاع البايولوجي صاحب قصيدة عمر مدني الشهيرة في داخلية الحلة الجديدة اخر عهدي بية مستشفي الخرطوم وود المهل ابن قرية النوبة وبنات المعهد الرائعات سناء الفاضل وسوسن ابراهيم واميرة فاروق وغادة احمد علي الطيب وسهير الشيخ ووصال كرار واختها سارة كرار ورحاب وكتتتتتار غيرهم وغيرهن ممن لم تسعفني ذاكرتي في تذكرهم في هذة العجالة يلا كلكم بلا كسل املو البورد دة
| |
|
|
|
|
|
|
Re: الى خريجى معهد الكليات التكنولوجية.......أجمعوا هنــــــا..... (Re: Siddig A. Omer)
|
اها يا جماعة ما في متطوع تاني والله انها فكرة رائعة تخيل معي وانت بجانب السيركل او جنب كافتريا العاملين او داخل كفتريا تجارية او جنب المسرح او قدام كرسيك المفضل في المكتبة او قدام مبني الاتحاد او حتي جنب البورد بتاع النتائج الذي لم استطيع ان ازورة يوم نتيجة سنة رابعة بالنهار وجيتة بعد حداشر بالليل شايل لي بطارية عشان اشوف النتيجة تخيل الكم الهائل من الذكريات التي ستراودك .انها فكرة جميلة لو تطبقت اما الاجمل فهو ان تلتقي بمن عايشتهم وعاشرتهم ،ان تلتقي بمن مسح دمعة من خدك او بمن مسحت دمعة من خدية(ما اكثر البكاء ايام الامتحانات والتستات )بمن مازحنة او في لحظة ضيق شاكلتة وجيت بعد داك اعتذرت لية.قولو يا ريت نتجمع حتي لو لايام معدودة نسترجع ماضي الذكريات والحياة الجميلة التي لن تنمحي من عقولنا كلنا. هيا لنجتمع في الاجازة القادمة بالخرطوم في الجناح الغربي في المقرن او في الجنوبي في الصحافة او في شمبات او في التكستايل
| |
|
|
|
|
|
|
سيف الاسلام أحمد (Re: الزبير صالح الزبير)
|
وصلنى الايميل ادناه من الاخ سيف الاسلام أحمد و هو خريج معامل العام 1990 و مقيم فى الولايات المتحدة وانشره كما هو...
لك كل احترامى و تقديرى...
صديق - الدوحة _______________________________________________________________
From: Saif El-islam. El-Mustafa. To: [email protected] Subject: kartoum poly tech. memories Sent: Thursday, September 6, 2007 1:08 AM
السلام عليكم ورحمةالله والله لقد هيجدت في زكريات جميله جدا زمن القرايه الصحي صحي كنا يااخي نجي في وقت واحد بالبصات من الجنوبي وكنت اسكن داخلية الشيش بالجنوبي اجمل داخليه وكنا ايضا نرجع في وقت واحد مش زي اسع الواحده اهلها ماعارفين جدول محاضراتهاهل تذكر البيرسري وقت مابتعرف صف الموظفيىن من الطلبه الا بالكبر كنا يااخي بنتعارف كلنا نحن ناس المعامل بنعرف ناس هندسه وناس فنون وناس تجاريه وطبعا بنات تجاريه كن اجمل بنات في الجامعه وكانت كل البنات مؤدبات وكانت خوه وزماله صادقه وحتي الجمعيات الكانت موجوده اتلاشت كنا نلتقي بها في بريك الفطور وغايتو الذكريات كتيره و حلوه مع تحياتي اخوك سيف الاسلام احمد خريج معامل 1990 طبعا دخلنا معهد الكليات واتخرجنا جامعة السودان الان اقيم في الولايات المتحده
| |
|
|
|
|
|
|
أميرة فاروق عبد العال (Re: أميرة فاروق عبد العال)
|
أميرة فاروق عبد العال
أميرة انسانة من الزمن الجميل...تذكرنى بايام من أجمل ماعشتها من حياتى فى ربوع اخوانى واخواتى من قبيلة "المعهديون" و دى أكيد حا تعجب أخونا الصادق بيتر و الهادى محمد على وعصام عيسى....
أميرة كيف حالك و كيف حال اسرتك و اتمنى أن يكون الجميع بخير....أنا بعد "التوريطة" الشاركتى فيها...اصبحتا كمن نام صباحه....واصبح مساءه وها هنا نعيش فى قطر مع اربع من الزغب....بنتين وولدين......أما فاطمة فهى على حافة الجنون بعد أن ارتبطت بهذأ "المعتوه"...الم اقل لك باننى لم اتغير....
اتمنى التواصل وكل معلوماتى على البروفايل المائل.
صديق - الدوحة
لازم تنزلى لينا كم صورة من الزمن الجميل...عليك الله
| |
|
|
|
|
|
|
Re: التواصل (Re: Siddig A. Omer)
|
صديق كل عام وانت وناس معهد الكليات سابقا وجامعة السودان لاحقا بالف خير معذره لاقتحام بوستك ولكني حالف اوصل نشر هذه المداخله للرقم 100 وهي لا علاقة لها بالبوست.
هذه مداخله لا علاقة لها بالبوست وسانشرها في بوستات كثيره لماذا يحذف بكري مداخلاتي في بوست الذي يكتب باسم لبنى آدم علي
Quote:
16-10-2007, 06:07 م
Tragie Mustafa
.
تاريخ التسجيل: 29-03-2005 مجموع المشاركات: 16184 Re: James’ Journey to Jerusalem (Re: لبنى آدم علي)
كاذب ايها الذي تكتب باسم لبنى أدم علي تشكر بكري لانه حذف مداخلاتي للبحث عن حقيقيتك
من هي لبنى آدم علي التي يتستر عليها بكري ابوبكر؟؟؟ ويا ايها الذي تكتب باسم لبنى آدم علي....
Quote: شكرا بكري للمداخلة الثرة
فاتني أن أذكر أن الفلم بالفعل يحكي قصة حقيقية حدثت لأحد المهاجرين الأفارقة لإسرائيل في الأعوام السابقة .
اليهود العرب وغيرهم لا ينظرون للأفارقة الوافدين إليهم أكثر من أنهم عبيدا لا يستحقون شيئاً سوى الإحتقار حتى ولو كانو يهودا مثلهم يدينون بالعبرية ، وجميعنا يذكر المعاملة التي لقيها الإثيوبيين الفلاشا عندما تم تهجيرهم لإسرائيل في الثمانينات .
حسه من تنتقد انت هنا يا هذا؟؟؟ تنتقد اليهود ام تنتقد العرب؟؟؟؟
واليس كان من الامانه ان تكتب لنا عن اوضاع النيجرين الهاجروا منذ سنين لمكه لاجل الحج؟؟؟ ومن هم سوى عبيد في السعوديه؟؟؟
| |
|
|
|
|
|
|
Re: التواصل (Re: Tragie Mustafa)
|
"تراجى" الحقى ال Password بتاعك سرقوه.... وانت ما عارفة؟؟؟؟؟
و الله العظيم....ماعارف انتى كتبتى "شنو" لكن "دها" ما أنتى؟؟؟؟
بكرى الحق "تراجى" اتسرقت"؟؟؟؟
على كل...مرحب لل hackers
صديق - الدوحة
| |
|
|
|
|
|
|
الاستاذ مبارك يس (Re: Siddig A. Omer)
|
الاستاذ مبارك يس...الاخ الصديق......
ترقى الى وظيفة رئيس قسم التقارير المالية فى شركة قطر للغاز المسأل المحدودة...و هو آهلً لها.....
ترفع راسنا يا بركة فى كل مكان...لك الحب و الود....
صديق - الدوحة
| |
|
|
|
|
|
|
Re: د. الضوء الذاكى الدخرى (Re: Siddig A. Omer)
|
الاخ العزيز صديق
لك الود والاحترام ولي طلب ... ونحن في سنتنا الاولي دراسات تجارية - اضافية وقفت عند "بورد" صغير معلق علي الجدار الخارجي لمكتبة "اضافية" علي ورقة بيضاء وبحروف "الالة الكاتبة" "واذكر ان الفاعة المقابلة للمكتبة كانت مملؤة حتي الباب ب"الالات الكاتبات"... علي تلك الورقة البيضاء نص لقصيدة بسيطة التركيب سهلة العبارة والمفردة ...كانت وبصدق ملازم لحروفها ..ترسم ملامح لحظة عاشها كل من "قرا المعهد"....ان كانت علي مسرح فنون او الجنوبي او بقية "الاجنحة"..."نعم مضت وقضيناها"
اذكر ان مطلعها يقول "صحي مفارقين...." اذكر ان عنونها يقول "صحي مفارقين...."
ويورد النص اسماء بعض الخريجين زملاء كاتب النص ..
مجددا لك الود صديق وطلبي هو :
"Avance Search" عن هذا النص البسيط وكاتبه حتي يحفظ الحق.
للمساعدة فان سنتنا الاولي في المعهد كانت 1987-1988 والمتوفع ان يكون الكاتب تخرج في هذا العام
فتحي محمد موسي خليل
| |
|
|
|
|
|
|
Re: د. الضوء الذاكى الدخرى (Re: Reader7)
|
فتحى......يا زول من الزمن الجميل.....طلبك محفوظ وأتمنى مشاركتك فى هذأ التؤثيق...جيب لينا كم صورة من "دفعتك" ...يا دفعة......
أتيت حين غادرنا...فعشت بعض رياح "الديموقراطية المنقرضة"...
صديق - الدوحة
| |
|
|
|
|
|
|
Re: د. الضوء الذاكى الدخرى (Re: Siddig A. Omer)
|
سلااااااااااااااام يا صديق عمر
هاك الخبر ده
تم عقد قران مجدي شبندر والاستاذة مريم عبدالواحد محمد علي في يوم الجمعة 16/11/2007
مريم عبدالواحد خريجة جامعة السودان للعلوم والتكنولوجيا كلية الدراسات التجارية قسم البنوك والتصدير
مجدي شبندر خريج جامعة السودان للعلوم والتكنولوجيا كلية الدراسات التجارية قسم المحاسبة
وانشا اللة يكون بيتنا موقعا جميلا وبرحا لكم(مجدي ومريم أون لاين.كوم)وياريت تزورونا .
وسنواصل الحكي
مجدي شبندر
| |
|
|
|
|
|
|
Re: د. الضوء الذاكى الدخرى (Re: مجدي شبندر)
|
سلام التحايا لكم جميعا يا شعوب جامعة السودان الأعزاء
عبدالعزيز عيسى أبكر عيسى
كلية الفنون الجميلة والتطبيقية جامعة السودان للعلوم و التكنولوجيا ( معهد الكليات التكنولوجية ) . كلية الفنون الجميلة و التطبيقية / تخصص تلوين . خريج 1987 م.. طالب دراسات عليا/ جامعة الملايا/ كوالالمبور مقيم بسنغافورا
| |
|
|
|
|
|
|
عبدالعزيز عيسى أبكر عيسى (Re: Abdlaziz Eisa)
|
عبدالعزيز عيسى أبكر عيسى
واحد من الجميلين الذين عطروأ سماء معهد الكليات باعطر الالوان و أجمل الالحان...عشنا معهم...وتشربنا باحساسيهم الجميلة...الوارفة...واهدونا جيل من الحب و الجمال.
الاخ عبدالعزيز....سعيدة سعادة بوجودك معنا...اتمنى شاكراً بسط ريشتك هنا ببعض لوحاتك الجميلة.....لعلى انسى بعض اشجانى.....
لك التحايا العذبة و الامنيات بعيد سعيد.....و عمر مديد....ونجاح لنا جميعاً لا يحده حدود....
قريباً سأواصل من هنا و هناك...انشاء الله
صديق - الدوحة
| |
|
|
|
|
|
|
Re: د. الضوء الذاكى الدخرى (Re: Siddig A. Omer)
|
صديق كل الود د. الضو كان زميلي في جامعة سالفورد ببريطانيا - دراسات عليا
وعلاقتي بالمعهد بدات بالدراسات التجارية - اضافيه وتركته بعد التجميد
وفد سكنت مع الصادق بيتر في داخليه S T S
وقد كان معنا في الداخلية سليمان من السكرتارية
وعلي وعلي ( انتقل الاخير لجامعة الخرطوم) مساحة العزابه
وواحد راجل هادئ لا اذكر اسمهكان يعتنق البهائيه
وعبدالحفيظ هندسيه
وعصام عيسي رجب
وصلاح ومصعب في اخر غرفة وهم فنون وجمهوريين
وفي الاضافية اذكر
بالطبع ابوصلعه النصري بونام عصام كاو عصام شلن احمد محمود مرتضي ساتي محمد كمال جورج جرجس امل ايمان ساره كرار احمد عطبره عبدالهادي شمبول علي التلب امين يوسف
وطبعا اختلطت الدفعتين وكنت من الدفعة المجمد
ولقد كنت مسئولا عن الحزب الوطني الاتحادي وجندت طلاب في قامة شمبول واحمد محمود ونفه وسببت السياسة لهم عديد من المشاكل
ولا مش كده يا شمبول
كل الود للجميع وفك الله اسر زميلنا هادئ الطبع ابراهيم القوصي
ولا يفوتني نسيان ادروب ( مصطفي برش)
| |
|
|
|
|
|
|
Re: الى خريجى معهد الكليات التكنولوجية.......أجمعوا هنــــــا..... (Re: Siddig A. Omer)
|
Quote: هاك الخبر ده
تم عقد قران مجدي شبندر والاستاذة مريم عبدالواحد محمد علي في يوم الجمعة 16/11/2007
مريم عبدالواحد خريجة جامعة السودان للعلوم والتكنولوجيا كلية الدراسات التجارية قسم البنوك والتصدير
مجدي شبندر خريج جامعة السودان للعلوم والتكنولوجيا كلية الدراسات التجارية قسم المحاسبة
وانشا اللة يكون بيتنا موقعا جميلا وبرحا لكم(مجدي ومريم أون لاين.كوم)وياريت تزورونا .
وسنواصل الحكي
مجدي شبندر |
الأعزاء مجدي ومريم الف مليون مبروك بالرفاء والبنيين وعقبال لكل عزابة معهد الكليات وناس بنك البركة
| |
|
|
|
|
|
|
Re: الى خريجى معهد الكليات التكنولوجية.......أجمعوا هنــــــا..... (Re: الزبير صالح الزبير)
|
كلكم....و الله جارى.....لكن سعيد سعادة بزواج أخى مجدى و اختى مريم.....الف الف مبروك...و الله يجمعنا بالخير و فى الخير.....
حا اتصل انــا يا مجدى..... وابارك ليك....... و لمريم....بعد...داك عليك الله ...أكتب ...معاى فى الزمن الجارى دهــا......
أسرتى....فاطمة...ماجدة...سارة...ياسين... و أمين....بقولوا ليكم الف مبروك... وربنا اديكم الصحة والعافية... والخير....آمين.....
صديق - الدوحة
| |
|
|
|
|
|
|
Re: الى خريجى معهد الكليات التكنولوجية.......أجمعوا هنــــــا..... (Re: حيدر حسن ميرغني)
|
العزيز حيدر...لك كل الحب و التقدير و الاحترام...نعم نحن نعمل من اجل أن نجتمع و نتآلف كما كنا... انا اكثركم هماً بجمع الاحباب... واكثر ما أفرحنى بأن الله وفقنا فى جمع قلبين....."والله كانوا بحبوا بعض"....بس الزمن فرقهم...فاجتمعوأ اكثر القاً و جمالاً.....ولا مش كدى يا مجدى؟؟؟؟ و يا مريم؟؟؟ لا ازيع سراً.....لكم كل الامانى الطيبة بمناسبة العيدين....
صديق - الدوحة
| |
|
|
|
|
|
|
رسالة الى الاخ بكرى ابوبكر (Re: Mahir Mohammed Salih)
|
رسالة الى الاخ بكرى ابوبكر
الاخ بكرى منذ مدة و انا احاول رفع البوست و لكن للاسف الشديد كل الصور التى اوردتها هنا "تغيرت"... لا ادرى بفعل فاعل أو لتداخل "الرابط"...الرجاء الافادة.....
ارسلته لك ايميل على ال"Contacts" اتمنى أن يكون وصلك...تحياتى واحتراماتى....
صديق - الدوحة
| |
|
|
|
|
|
|
Re: رسالة الى الاخ بكرى ابوبكر (Re: Abdlaziz Eisa)
|
Quote: عبدالعزيز عيسى أبكر عيسى
واحد من الجميلين الذين عطروأ سماء معهد الكليات باعطر الالوان و أجمل الالحان...عشنا معهم...وتشربنا باحساسيهم الجميلة...الوارفة...واهدونا جيل من الحب و الجمال.
الاخ عبدالعزيز....سعيدة سعادة بوجودك معنا...اتمنى شاكراً بسط ريشتك هنا ببعض لوحاتك الجميلة.....لعلى انسى بعض اشجانى.....
لك التحايا العذبة و الامنيات بعيد سعيد.....و عمر مديد....ونجاح لنا جميعاً لا يحده حدود....
قريباً سأواصل من هنا و هناك...انشاء الله
صديق - الدوحة |
الأخ العزيز صديق عمـــر
سلام
والله أخجلتني بهذا الكلام الطيب الحلو.. ورجعت بي إلى تلكم الأيام الخوالي.. تذكرت البيرسري.. الأس تي إس.. وشارع الغابة... ثم المقرن والبترول..
الناس الطيبيون الذين رسموا في دواخلنا مفردات من الحب والجمال خالدات..
تحياتي
| |
|
|
|
|
|
|
Re: رسالة الى الاخ بكرى ابوبكر (Re: Abdlaziz Eisa)
|
الاخ الفنان عبدالعزيز عيسى....لك كل شكرى و احترامى على تحريك هذأ البوست و الذى كنت آمل أن يستمر حتى يصير تؤثيق نرجع اليه و مازال فى صندوق ذكرياتى الكثير و الجميل و من الصور ما لم يراها أحد لكن" كما تلاحظ أن هناك تداخل باين ما بين بعض الصور التى حملها بعض الاعضاء من مواضيع اخرى و ما تركتها انا هنا حتى صار الموضوع لا يمت للصور بصلة و قد ناشدت الاخ بكرى أذأ كان يحتفظ بالرابط الاصلى حتى نتسطيع أن نواصل هذأ العمل التؤثيقى المهم.
لك كل الاحترام واتمنى أن يجدك صوتك و صوتى النداء و الرد كما عودنا الاخ بكرى.....له التحايا و الاحترام.
صديق - الدوحة
| |
|
|
|
|
|
|
Re: رسالة الى الاخ بكرى ابوبكر (Re: shahto)
|
الاخ العزيز الفنان عبدالباقى....ياخى مالك مقلب الزمن الجميل...اذكر هذأ المعرض و بعد داك "هربنا" كلنا من السودان الكبير....نعم...ربما تعود تلك الايام و نحن معها.
و الله لو الصورة دى "جابه" زول غيرك كان قلته ليك دها ما انا!!!
تحياتى للجميع و خاصة الاولاد.
صديق - الدوحة
| |
|
|
|
|
|
|
Re: رسالة الى الاخ بكرى ابوبكر (Re: Siddig A. Omer)
|
ما زلت اناشد الاخ بكرى بمراجعة الارشيف و خاصة بان الصور المعروضة هنا ليست لها علاقة بالموضوع الاساسى...اتمنى ان نرجع قليلاً الى الوراء فالصور ربما اتت من مواضيع اخرى.
سلامى و تحياتى و احترامى للجميع....
صديق
| |
|
|
|
|
|
|
Re: رسالة الى الاخ بكرى ابوبكر (Re: Siddig A. Omer)
|
Quote: ما زلت اناشد الاخ بكرى بمراجعة الارشيف و خاصة بان الصور المعروضة هنا ليست لها علاقة بالموضوع الاساسى...اتمنى ان نرجع قليلاً الى الوراء فالصور ربما اتت من مواضيع اخرى.
سلامى و تحياتى و احترامى للجميع....
صديق |
رجعنا......سوف اقوم باستبدال كل الصور التى ليست لها علاقة بالموضوع كما اتمنى أن يستبدل الاخوة الصور التى اوردوها فى هذأ الموضوع و التى استبدلت بصور ليس لها علاقة به.
و الله العمل العملية دى انسان بسيط جداً....ياخى موضوعنا دها ما عندو أى علاقى بالسياسة و "الاغبياء"
صديق - الدوحة
| |
|
|
|
|
|
|
Re: الى خريجى معهد الكليات التكنولوجية.......أجمعوا هنــــــا..... (Re: Siddig A. Omer)
|
الاخ صديق ياخى شغلك نضيف و اصلو الزمن دا زمن ذكريات و كدا لو لاحظت انو اغلب اهل السودان دى بقت فصتهم, يمكن لانو مستقبلنا لسه مظلم و يمكن لانو احنا ناس حنينين المهم يا سيدى انا اسامة الخاتم و لقد ذكرت فى مداخلات ربيع السمانى اطال الله عمره انا دفعة 87 و سنة تانية كانت الفيضان قريت كهرباء بيتيك بس لظروف قاهرة مشيت كملت برة من 92 كمبيوتر الظروف القاهرة دى بنحكى عنها بعدين دفعتى كانو ناس حاتم عيد و طارق آدم و ناس منير سليمان و كمان الفاضل و وائلو نصر الدين عموما احنا كنا مية و واحد اتزكر كان فى اربعة بنات منى مسند و حنان و غادة عمر و الرابعة اسمها هالة ايامنا كانت ايام اكتر من رائعة و بجيك صادى ملحوظة: الصور فى البوست دا لسة جايطة لك الياسمين
| |
|
|
|
|
|
|
Re: الى خريجى معهد الكليات التكنولوجية.......أجمعوا هنــــــا..... (Re: حسن عبدالله)
|
Quote: يقبلوا بالعجائز حسن عبدالله
|
الاستاذ العزيز حسن عبدالله
اذكر لك قصة قصيرة و نحن فى بواكير معرفتنا بمعهد الكليات...اتأءنا الاستاذ الكابلى فى أمسية من الزمن الجميل و قبل أن يطربنا...أذكر تماماً انه تحدث اسهاباً عن Khartoum Technical School (KTS) و من اين جاءت تسمية ال STS و هى الداخليات "المدورة" و كيف كان الامن و كيف و كيف وكيف؟؟؟
انا شخصياً فى هذأ البوست التؤثيقى اكثرهم سعادة و هم ابناءا دفعتى فى أن ارى جيل سبق فى أن يؤسس لهذأ الثؤثيق.... بل الى ابناء دفعته كما افعل.
احكى يا استاذ.... و شكراً ل Sudaneseonline بأن جمعتنا ها هنا.......
أخوك.....صديق عبد المنعم عمر
الدوحة
| |
|
|
|
|
|
|
Re: الى خريجى معهد الكليات التكنولوجية.......أجمعوا هنــــــا..... (Re: اسامة الخاتم)
|
Quote: طبعا لسة مع الشعب بس من حتة تانية |
والله يا اسامة الواحد بقى ما عارف هو وين....مع الشعب و لا مع مع عمر البشير...تعرف "الجبهجية" ديل بقوأ ذى "بوش" هاهاهاها...هسع اقول ليك "نحن ذاتنا العملنا فيهو كدها" ...خليك من الشعب السودانى...."دها"...... ويضحكوأ!!!!!....ضحكة شيخهم "الحاقد" على "نفسه".......قبل أن يحقد على "غيره"......
فليذهبوأ الى الجحيم.....و لنبقى قلب لقلب و حباً بحب.... واحتراماتى.....
صديق - الدوحة
| |
|
|
|
|
|
|
Re: الى خريجى معهد الكليات التكنولوجية.......أجمعوا هنــــــا..... (Re: Ashraf El Bagir)
|
Quote: تحياتى لجميع خريجي هذا الصرح العملأق
جابر برير و عاصم برير والله زمان يديكم العافية |
الاخ اشرف الباقر
يازول انتا "منو" و الله اسمك دها ماغريب على.......أوع تكون من الدويم و قرينا سوى فى الريفية و انت كنت ساكن فى الحى الثامن......و الله تكون!!!
المهم مرحبيك و أذأ كنت مننا أو ما منا برضو مننا.....وتحياتى لكل اهلى فى الدويم الحبيبة.
اخوك صديق عبدالمنعم عمر - الدوحة
| |
|
|
|
|
|
|
|