|
|
|
 Re: خيــيمة الحــردلو - العمارات (Re: saifkeli)
|
وليدنا الشرع شرعو فوق الحديث كلمتو نضمنبو
زاحف القول من اسيد البجا طرق مسامعين حكنبو
هرج بالحيل الزول مغبون الليله من بنيات ابو
والحارق جوف وليدنا بنياتنا شالن عنقريبو قرنبو
اها يا اهل العوض الشغلانه دي كدا مابتنفع؟؟
معليش بس حبيت اشارك ومافي طريقه غير القطع الاخضر
| |
 
|
|
|
|
|
|
|
 Re: خيــيمة الحــردلو - العمارات (Re: Ahlalawad)
|
كر يا قمـري الفـروع ما تغـرد
ما تذكرني آخر الليل براي متحرد
الخلاني للمحـن الكبـار متعرض
غزالاً شوفتو لي نـار القلب بتبرد
كر يا قمـري الفـروع ما تقوقـي
ما تذكرني آخر الليل وصال معشوقي
الخلاني من ضيقي الحناضـل ضوقي
سرفت دمعتي وبلت هدومـي الفوقي
الحبايب أهل العوض
ود شنتيييير
ياسر
قيسان
سيـف
ما تطولو الغيبة
طول الغيبة بيولد الجفا
مشكور يا سيف على ود بادي
الزول دا مدرسة بحالها
بلغة تحياتي وإعجابي
تحياتي
| |
|
|
|
|
|
|
|
|
|
Re: خيــيمة الحــردلو - العمارات (Re: الجندرية)
|
أحبابنا أهل الهوى
الشوق والريدْ
لميت في أخوي المحَّلق وانكويت بي نارو
هاكم بعضاً من وحيحو في تاجوج
فَصْ ألماظ مَركَبْ فوقْ مَجَمَّـرْ
فصْ عينيكِ يا أمْ خَشماً متَمَّـرْ
فوق بستانْ تِحِتْ سالِكْ مَضَمَّـرْ
جِليدِكْ طاقـةَ الكيـدِي المَنَمَّـر
تحياتي
| |
|
|
|
|
|
|
|
|
|
Re: خيــيمة الحــردلو - العمارات (Re: HOPELESS)
|
كَرْ يا ديك تصِيحْ ماكْ البراك تعبان
ماشفت القبيل قامـت من الدخـان
الصـادق يقـول أريـَل الغُـزلان
والكاضب يقول خُلقت بلا مصـران
المحلق
هوبليس
عقب ياجنى
إلا الداهي دا ما نقشتو
تحياتي
| |
|
|
|
|
|
|
|
|
 Re: خيــيمة الحــردلو - العمارات (Re: HOPELESS)
|
ود سنجا سلام ولصاحب الخيمه تربيع وكلام
شيتنا الساعل منو شيتا مو محسوس
القله الفوقو خلتنا فوقو ندوس
ومانا حقارين بس بنعاف السوس
وبسن العاج بنشفط السم المدسوس
ومستننك في السهله[/red
| |
|
|
|
|
|
|
|
|
|
Re: خيــيمة الحــردلو - العمارات (Re: Ahlalawad)
|
ود شنتير على عليو النعام نزّلهن
عبّى كدوسو وأب شنشون حقص في أولهن (فِوّلهن)ه
ناس أهل العوض شيخّن شُمالو عدلهن
قجّ لكيبو في الحزّة وحبالو فتلهن
كتيوي أب سنبل العنف الدُرُع بـ لبّو
كوعو شريت ومحجمو لا المضابح كبّو
تب الندوتين الصــــــــــــافي رايق صبّو
مايق الدوّر القطبي المنوّّر حَبّو
عُنْج القَمّحن ظرف الرشيدي وفزّن
وشرفن كلهن فوق العوالي وغزّن
هندة فطيمتِن ست الطبايع العزّن
خلت روحي مجروحة وضميري محزّن
تيس جبرة الـ لقالو فجاج من الداشوش
ضرّاع للخلا الكفري وعليهو بهوش
على المخزونو يخفى الجوهر المنقوش
ربديد شرْق .. سمْع الضرْب .. وضايق الحوش
وين يا ربيقي من ظبي الجُزو الفي صيّو
كل ما يزيد سماحو عشوقو بكتر غيّو
بسماً زي فجيج الـ ضلّو صبْ فوق فيّو
هافاً علا في الشقر اللرايل طيّو
(عدل بواسطة Shinteer on 06-18-2003, 02:34 PM)
(عدل بواسطة Shinteer on 06-18-2003, 03:32 PM)
(عدل بواسطة Shinteer on 06-21-2003, 04:40 PM)
| |
|
|
|
|
|
|
|
|
|
Re: خيــيمة الحــردلو - العمارات (Re: Ahlalawad)
|
حزناً مني لي دون العبـاد ضجرني
وشوقاً للولوف جـر السهاد سهرني
وحرفـاً للصديق سطرتو ما عبرني
بالحيل الزمان بعد الأمـان دودرني
ود شنتيـر كلامـك زاد علي احزاني
ناوش قلبي في الضلع القصار حزاني
العكـر صفـاي لخبـط علي ميزاني
قولـك يا الحبيب أنـا ما بجيكم تاني
ود شنتيـر مقامك فينا مـو مجهول
وياك سيد الفصاحة الما بكوس القول
وأصلك أصفى من أصفر بني شنقول
شن سوينا بـي سيفـك علينا تصول
ما ناسيـن جمايلك إت ودادك صافي
كل من غاب تأترو في الليالي توافي
عشمانين رضـاك ماك البخيل الجافي
كان قصرنـا سامحنا وخصيمك عافي
متلك في الرجال ما بتفقد بـي ساهل
وحرّم كان لـزم نحمل سلاحنـا نكاتل
وشرط الخـوة نلحق حدو شامل كامل
وكان قصرنـا تنفضنا ام دعيجاً كاحل
| |
|
|
|
|
|
|
|
|
|
Re: خيــيمة الحــردلو - العمارات (Re: الجندرية)
|
شنتير اخوى وين الليلة مجافى الخيمة
انت ود الرجال الديمة قلوبه رحيمه
خليك فى بيتك مك داير ليك عزيمة
عايز اسمع صوتك بالنمة والترخيمة
شنتير اخوى ياولدة الفراس
طالب خيمتكم ومعاى عوجة راس
انت ياكا شيخنا ومعاك بابه والترباس
اضبح تورك الليلة معاك بقعد راس
| |
|
|
|
|
|
|
| |
Ahlalawad
saifkeli
الجندرية
دورنقاس
Shinteer
abuguta
cola
فيس بوك
تويتر
انستقرام
يوتيوب
بنتيريست