الاخ العزيز هوبلس تحياتي
اشكرك جدا لاهتمامك بصحة البوست. لكن يا صديقي العزيز لقد درجنا فى البوستات هنا على عدم الوصول الى حقائق ونقاط التلاقى وقلنا اوكي عادي بشر واختلافهم بجعل نقاط التلاقي صعبة شوية. لكن كمان تصل مرحلة
تعدي سافر على نص قراني واضح و وبجهل وعدم وعي هذا ما لايحق لنا دفنه وتركه هكذا. ولذلك لانملك غير
اصحاح الصحيح وقول الحق. كيف ندعه يذهب ونحن نرى الآن ان كثير من الاخوات مجرد ذكر كلمة الحجاب فقط تستفزهم!!!! سبحان الله. انظر كيف وصل بهم الحال وباسم التحرر والحريات تركوا الحجاب. لماذا؟ ببساطة لانه دعوة للتعصب والتطرف الديني. الا ترى هذه الحجج واهية منذ ان بدا هذا البوست ونحن نتكلم عن حرية المراة فى اختيار ملابسها كما تحب فى اطار الضوابط التى فرضها عليها المولى عز وجل. و نتيجة لهذا السكوت انظر ماذا حدث؟؟ يأتي من يشكك فى فرضية الحجاب وما من عاقل يجرؤ على مثل هذا القول. و السبب الفهم المغلوط لمفهوم الحرية وليتهم يعلمون ان الحريات لا تكون بالتقليد. لكن ده موضوع عايز ليهو بوست لحالو.قريب انشاءالله
ولك الشكر
تماضر
الموضوع لا شخصي ولى حاجة وانت اتكلمتي عن نفسك وقلتي
انا ما بتحجب ودي مخالفة لنص قراني واضح وبعد كلامك ده
برضو لسه بقول ليك ربنا يهديك
وبعدين مسألة التعصب والتطرف دي ما تعمليها لي زي مسمار جحا
عليك الله .متفق معاك فيهاسبق وقلته ليك مليون مرة كلنا ضد
التطرف وبنحاربو معاك عديل اتفقنا .
اتمنى انك تكوني واضحة ومحددة المرة دي
فى الاجابة على هذه التساؤلات وعليك الله بفهم لو كوكبك القاعده فيهو ده فيهو فهم
مش تعملي لى فيها ما شايفها زي المرة الفاتت ودى الاسئلة مرة تانية
عشان النقاش يمش كويس ونصل للحته التفصيلية
بالنسبة لشكل الحجاب
انت مقتنعه بأن ربنا فرض على المراة الحجاب وانما حديثك عن طبيعة لبس او ارتداء هذا الحجاب
من حيث شكل الملابس التى ترتديها المراة ؟؟ يعني عندك راي فى فرضية الحجاب بالواضح كده؟
وعشان نكون فى ريزم واحد ويصبح النقاش فعلا هادي ومثمر كمان
ياريت تساعديني و توريني فهمك لشكل الحجاب يكون كيف؟؟؟ اذا كان اجابتك بنعم على سؤالي الاول
ولى رايك شنو