|
|
|
 Re: أمثال سودانية جديدة لم تسمع بها من قبل !! (Re: Eng. Mohammed al sayed)
|
عزيزى عبد الماجد و كل المؤرخين هنا
أعتذر عن الغياب الذى لم يكن لظرف طارئ و لكن سببة الشكلة الكاربة بينى و أختى التاية .. جاء لورى ود الحسين و جاء معه خطاب التاية .. لم تكتب به و لا مثلا واحدا كما كمت أتوقع .. بل كانت رسالة مليئة بالتوبيخ و التقريع و التجريح و التلفيح و التلفيخ .. ذاك بفعل الخلط الذى وقعت فيه حين أوردت قولها | Quote: • * فين منبر أبو بكر .. روح على طول |
من ضمن الأمثال .. قالت هى دعابة للأخ أبوبكر عله يرق و يمنحها العضوية .. صراحة ان لم يرق قلب التاية و تمدّنى بالأمثال .. ستعود حليمتى الى قديمها .. و نجر الأمثال من حسن الفال
| |
 
|
|
|
|
|
|
|
|
Re: أمثال سودانية جديدة لم تسمع بها من قبل !! (Re: عبدالماجد موسى)
|
مشكور، مرَّة أخرى، عزيزي عبد الماجد على قولك:
| Quote: والحاجه التانيه البوست دا انتا سيدو |
أكان كدي، أمسك (تاني) عندك:
أ. نّجِر جديد: أمثال عامة
1. الخاطرو مكسور ما بسولو جبيرة.
2. البركب راسو مصيرو يصل آخر محطة وينزل
ب. نجر جديد: أمثال منبرية
1. البوستات الساقطة أكان ما عطَّشتك ما بترويك.
2. أكان شفت البورداب فايرين أعرف البورد فيهو مرفعين.
ج. تعدييييل:
سابقاً: شهراً ما عنك فيهو نفقة ما تعد أيامو.
حالياً: بلداً ما فيهو ديمقراطية ما تعد أصواتو.
تحياتي
| |
|
|
|
|
|
|
|
|
|
Re: أمثال سودانية جديدة لم تسمع بها من قبل !! (Re: Ali Alhalawi)
|
الاخ الاستاذ علي الحلاوي
سلامتك من التوبيخ والتلبيخ والتفريخ والتلفيخ الحصل لسعادتكم والذي كان نتاج مشاداتكم مع الأخت التاية
نحنا التاية مابنرضي فيها تعكروا ليها مزاجها,ومن هنا نتمني من الأخ بكري أبو بكر قبول عضويتها كأول نجارة في سوق الأمثال القديمة والحديثة والمستحدثة والمصنفرة وعرضها في بترينة سودانيز اون لاين قسم التوثيق.
لوري ود الحسين دا إتلوم معانا كلنا وحرمنا من درر التاية .فأرجوك رجاء خاص بالسعي في النجر وتطييب خاطرنا ولو تلعبها باكوورد.يعني هات من القديم من أقوال التاية أمد الله في ايامها.
إعتذارك عن التغيب مابيفيدك ,نحنا دايرين أمثال منجورة بصنع إيدك
ومثل الحين ولا إعتذار سمين
أو :مثل مكلبظ ولا إعتذار مغلظ
تحياتنا للتاية
والتحية ماها كفاية
***
وشوقنا لي تسجيلا
يابكري..
التاية مافي متيلا
***
كان لوري ود الحسين
جاب الخطاب من غير مثل
جراب الحلاوي فيهو
الببل شوق الأهل
***
ودمت
| |
|
|
|
|
|
|
|
|
|
Re: أمثال سودانية جديدة لم تسمع بها من قبل !! (Re: محمد السر)
|
عزيزى محمد السيّد
شكرا لمساندتك و التى كان لها أكبر الأثر فى وضع التاية فى مواعينها .. أخيرا لقد عادت المجارى لمياهها (هذا زمن لا تعود فيه المياه لمجارى) .. و رتق ما أنفتق بينى و بين التاية .. كان لجهود ود الحسين أكبر فضل .. أظن ود الحسين خاف على منصبة كأول ساعى بريد فى كل بوادينا
قالت التاية فى أولى رسائلها بعد حملتها التلفيخية الثانية .. "نعم كانت هناك حملة تلفيخية أولى لا يستفيد هذا البوست التوثيقى من سردها"
* الماوس ما بعضى
* باتا ما باتك ما تجر فيهو الماوس
* الورق ما بعمل ملاح حتّى لو كان أخضر
* حبل الكضب ما بنفتل
* جبل الجليد ما بخاف قشّة الكبريت
* لو ضاع الكريديت كارت ما تبلغ البوليس .. لن يكن اللص أكثر أسرافا من زوجتك
و أضم صوتى مع الأخ محمد
Quote: وشوقنا لي تسجيلا
يابكري..
التاية مافي متيلا |
رغم أننى أعرف أن بكرى لا يقع فى هذا البوست حتّى لو عتّرت ليهو قشّة
| |
|
|
|
|
|
|
|
|
|
Re: أمثال سودانية جديدة لم تسمع بها من قبل !! (Re: Ali Alhalawi)
|
مشكور، مرَّة ثالثة، عزيزي عبد الماجد على قولك:
لكين يا أخوي أفرز ما تبقى عليك حكاية المقالة : شَفَقَة سِيد البوست الما فرز التمبارة* من الشربوت.
أ. نَجِر جديد: أمثال عامة
1. الجيبو مسخِّن ما بشغِّلو ليهو المروحة.
2. البشرِّك للطير ما بسعى ليهو كشكوشة.
ت. نجر جديد: أمثال منبرية
1. البوست المسيخ ما بزيدوهو ملح، بكشحوهو.
2. البوست الطاعم بِخَلِّي الشاشة ذاتا تتمطَّق.
ج. تعدييييل:
سابقاً: أضان الحامل طرشا.
حالياً: أضان الهامل مغبَّرة.
بالمناسبة، دا بوست "دمَّو خفيف" مش زي البوستات الاتفرَّق دمَّها بين القبائل. قبائل x القرن 21؟!
تحياتي
* التمبارة = مريسة بدون كحول. الشهادة لله: ذات كحول أقل من كحول المريسة.
| |
|
|
|
|
|
|
|
|
|
Re: أمثال سودانية جديدة لم تسمع بها من قبل !! (Re: Adil Al Badawi)
|
و العهدة على التاية حين تحكى من جبّ بيئتها
* "المعراكة" ما بتتعلم الكتابة
* "الصاج" من غير "لداية" زى عدم البنبر فى الأنداية
* "المشلعيب" ما بشم عفنة الروب
* الفى إيدو "الكنش" ما بشاكل
* ضيف "التكل" قريب .. و ضيف "الديوان" غريب
* الماسك "القرقريبة" ما بحك شعرو
* عجاجة "المقشاشة" ما بتعرف القعاد
* هزّ "البخصة" ما بعلمها الرقيص
* "الكمشة" الكبيرة "بتمحّق" "الملحات"
* سماحة "الريكة" البقت "طبق"
| |
|
|
|
|
|
|
|
|
|
Re: أمثال سودانية جديدة لم تسمع بها من قبل !! (Re: Ali Alhalawi)
|
علي الحلاوي
| Quote: ماذا تعنى يا أخا النجر .. أطعام إفطارنا حرام ؟؟ إذن فلنتحول لأكل البيرقر حتى لو كانت أبقاره مجنونة |
هو إنت آآنَّجيض بتشرب التمبارة علي الريق؟!، يعني ما بتوسِّدا لا بيرقر لا لُقَيْمَاتٍ يُقِمْنَ صلبك؟! عافي منَّك...عافي منَّك. والله بيني وبينك بي صورتك القِدَّامي دي، بِتَعْمَلا.
في شأن سؤالك أقول: إن كنت تعني العُكارة، فطعام افطاركم حلال (إلا من حُرمة خوف السمنة) أمَّا إن كنت تعني التمبارة...التمبارة، فعليك بتوسيدها البيرقر (بي العدم أشوي ليها كراع شرموط وبي العدم خالص أَقْرُش قِدَّاما بصلة ياخي) لأنَّو ريحتا ساكت (على الريق) تخلِّيك تسوِّي سواة الأبقار المجنونة البقولو عليها دي.
والعفو والعافية وهنيئاً مريئاً.
| |
|
|
|
|
|
|
|
|
|
Re: أمثال سودانية جديدة لم تسمع بها من قبل !! (Re: Eng. Mohammed al sayed)
|
عشرة أمثال أخرى :
** الابتسامه لو اتختت فى الخزنه تكشر
** عيب .. ضحك العراقى فى الجلابيه
** النوايا السيئه ما عندها سفير
** توب الحياء مصنوع من الجواهر
** اليكتم الآهات تمرق لو نافوره
** صداقة الضباع تعلم الخسه
** ستار الليل قصير على كرعين الفقير
** المقابر زى السجون .. دخولا بدون تذاكر
** الثوره والايمان .. بالفطره فى الانسان
** الراكب جناح الشوق .. البسمه فيو ميه
| |
|
|
|
|
|
|
|
|
|
Re: أمثال سودانية جديدة لم تسمع بها من قبل !! (Re: Eng. Mohammed al sayed)
|
** أخونا العزيز / سعد الدين عبدالرحمن
والله بينى وبينك البعض منهاخوة لساتك بالجد
ألف مرحب بى زيارتك فى العام الجديد , والبورد منور بيك .
** الأخ العزيز / على الحسن
ألف مرحب بى زيارتك الجميلة , وما تحرمنا من دررك .
** عزيزنا عثمان
تشكر يا حبيب على المساهمة الجميلة , وواصل معانا المشوار .
** الباشمهندس / محمد السيد
كل سنه انت والأولاد بألف خير , المشوار بدى من جديد ياخوى .
| |
|
|
|
|
|
|
|
|
|
Re: أمثال سودانية جديدة لم تسمع بها من قبل !! (Re: عبدالماجد موسى)
|
** الموبايل لامن يرن ما بهمو انت تسوى فى شنو
** الميكانيكية شوفة العربات الجديده تزعلم
** أبو تلاته عيون لسه ما اتولد
** مافى زول بضحك اذا قالوا ليهو أمك ماتت
** طول النعامة مابديا الحق تتاوق بالحيط
** المره التمشى سريع يدا طاعمه
** الشغال جنب النار الشمس مابتحرقو
** السمكه لامن تمسكا السناره يحرم عليها الضحك
** اذا ماجيت بى رضاك ياود الحلال يحصل ليك الحصل ليى ابراهيم بلال
تحياتي يا أخ عبد الماجد
بالمناسبة أمس كنت بحكي لواحد صديقي عن أمثالك القاطعها من راسك دي..
والله أنا مبسوط منك جداً وكذلك من أمثالك الطازجة وعجيبة
لازم نحن نحاول نتمرد على الأشياء المقولبة إن أمكن ذلك
ليه الأمثال تكون متوارثة وقديمة ومسلم بها إذا كانت صاح أم خطأ؟
من الضروري أن تكون هنالك أمثال مواكبة وجديدة
إنت بديت هذا التمرد ونتمنى أن يستمر
شوف الأمثال الفوق دي ، بالتأكيد كلها صحيحة ومسبوكة بعناية
وأنا كذلك متكيّف جداً من يونس ود الدكيم
تعرف ليه؟ لأنو كان خاتي عينو على الملكة فكتوريا ، ما قال دي ملكة وكده
لماالمهدي قال ليها لو آمنت بتعاليم المهدية وأسلمت (ممكن) نعرسك
ليونس ود الدكيم.. شفت كيف
يا اخي والله ده كلام جميل جداً
بتكيّف كذلك لواحد يكون لابس أصفر نص النهار والناس مغتاظة منو
استمر في هذا الإبداع وأنا بحاول أشاركك لو لقيت طريقة
على العموم .. تقبل هذه الإشادة مني وربنا يعينك ويوسع مواعينك..
فتك بالعافية والسلامة
الأخ العزيز جدا / نصر الدين البشير
ألف مرحب بيك وألف شكر وتقدير لى كلامك الجميل واللذيذ دا , وهى كلها محاولات عسى ولعل نقدر نغير حاجه أو نساعد فى التغيير , وواصل معانا فى المشوار الطويل دا .
تحياتى الغالية
عبد الماجد وينك يا أخي مشيت خليت البوست بتاعك؟
أنا قبل يومين تداخلت في هذا البوست ووعدت بالمساهمة
في هذا الموضوع..ولأني راجل أروش وأحوص ، بعد ما عملت اقتباس
من بعض أمثالك ، نزلت تحت المساحة المقتبسة مباشرة زي
الأحوص الطلب فول في المطعم وأكل كباب جارو. وصممت الانتقام من
نفسي فعملت مثل عن الشتارة وواحد عن الحوصة..
وستجد مساهمتي المتواضعة فيما يلي:
القلبو ميّت بيرقص في عرس خطيبتو
نسيبتك كان جبت ليها لبن الطير
حاتسقيك الشاي أحمر..
النايم بايت القوا.. ما بسك الحرامي مع الجيران
العرّست بعد بورة بتستحمل ضرب زوجها
شناة الوش ما بحاسب عليها القانون لكن الناس ما بتقبلها..
أكل الدين ما بعمل عنقرة..
البخاف من مرتو ما بقول ليها ملاحك شطة..
الشتارة ما بتنفع معاها شطارة
تكة السروال ما بتنفع حزام للبنطلون
الما بتعرف تطبخ العدس ما ترجى منها كفتة
الأحوص كان إتأخر برة البيت فتشوهوا عند الجيران..
الأخ العزيز / نصر الدين البشير
تحية عطرة
يا خوى سلامة النظر , والله مساهمتك أكثر من رائعة , خليك معانا طوالى المشوار دا طويل , ألف شكر .
| |
|
|
|
|
|
|
|
|
|
Re: أمثال سودانية جديدة لم تسمع بها من قبل !! (Re: عبدالماجد موسى)
|
عندى ليك مثلين تلاته..
ولما اتذكر واحدات تانيات بجى راجعة...شايفة تأليف المثل عندكم ساااااهل، ما زينا هناك
1- الزول لو غسل عربيتو والمطرة صبت...يكون مافى فايدة
2- الناس كلهم عرسوهم الا جحا وعمو "ده مثل فى شكل بوست"
3- لو الجزم بتششرط الكرعين يحصل ليها شنو؟..
4- الضيف، ده بيمشى للناس ليه،هو ما عندو بيت؟
5- العترة ما بتصلح المشية العترة ..بتحرج الزول "مثل من تأليف فيحاء بت مريم عمر 5 سنين"
| |
|
|
|
|
|
|
|
|
|
Re: أمثال سودانية جديدة لم تسمع بها من قبل !! (Re: عبدالماجد موسى)
|
سلا م أخى عبد الماجد .. و كل عام و أنت بألف خير .. لأنى قد تغيبت منذ العام السابق
و هاك عربون عودتى
$ أنفق ما فى الجيب ان كان بالبنك رصيد
$ الفى جيبو عقرب ما بدخّل إيدو
$ لا تدخل يدك أعمق من جيبك
$ لا تأسو على الذهب ان ذهب
* جقجقة الحلّة ما بتعمل جقاجق
* بت الجيران ما بترضى كلّ الحبّان
* الصلعة الكبيرة ما بتعملك مدير
* المسطول لا يرى الشرر فى القندول
* الجلوس على الكانون لا يذهب ببرودك
* شنب الكديس ما عملو راجل
* الحزام المفخخ أوّل ما يقتل مرتديه
| |
|
|
|
|
|
|
|
|
|
Re: أمثال سودانية جديدة لم تسمع بها من قبل !! (Re: محمد السر)
|
سلامات يا عبد الماجد، سلامات يا نجَّارين وسمكرجية
(1) نجر جديد:
• البعزمك فطور رمضان ما بقول ليك تجيهو الساعة كم.
• الراسو مليان ما بخاف عليهو يدفِّق.
• الحرَّان ما بشيل سريرو يمشي الفريزر.
• ما سمعنا بي جبل هَدَّتو مطرة.
(2) تعديل:
نعدِّل مثل الحلاوي أوي أوي كما يلي:
سابقاً: الفي إيدو "الكنش" ما بشاكل.
حالياً: الفي إيدو الكنش ما بكتل بصلتو بكمشة.
والتعديل يصلح أيضاً للمثل القائل: الفي إيدو القلم ما بكتب رقبتو شقي.
تحيَّاتي.
| |
|
|
|
|
|
|
|
|
|
Re: أمثال سودانية جديدة لم تسمع بها من قبل !! (Re: عوض الله الفولانى)
|
أستاذنا / على الحلاوى
ألف حمد الله على السلامة وإن شاء الله الجميع بخير
والله يا خوى عربونك سمح تب دولارات مدفقه ملت جيوبنا
فى إنتظارك والعيارات الثقيلة
الأخ العزيز / محمد السر
وينك يا خوى
طولت الغيبة إن شاء الله المانع خير , ولا يمكن ظروف !
تشكر يا حبيب
الأخ العزيز
الأستاذ / عادل البدوى
شكرا على المساهمة النارية دى
وماتطول الغيبة
الأخ العزيز / محمد السيد
المزلقان قسناهو لكن ما عدينا ... شنو رأيك ؟
الأخ العزيز / عوض الفولانى
ألف مرحب بيك وإن شاء الله مداوم معانا , وتشكر على المساهمة الظريفة
بس بينى وبينك الفيديو ذاتوا عصروهو لحدى مابقى ( دى فى دى ) والجايات أكتر
http://www.maktoobblog.com/majidmusa?mm=655043256
| |
|
|
|
|
|
|
|
|
|
Re: أمثال سودانية جديدة لم تسمع بها من قبل !! (Re: عبدالماجد موسى)
|
سلامات يا عبد الماجد، وين...وين...وين السمكرجية والنجَّارين
تعديل:
سابقاً: أن توقد شمعة خير من أن تلعن الظلام (مثل عصرحجري).
حالياً: أن تقول google it خير من أن تقول go to hell (مثل عصرحجري، والعهدة على أبي الريش*، سيليكون ترانزيستوري)
تحيَّاتي.
* قال أبو الريش يوماً:
| Quote: بعدين هم ما يغشونا ساكت.. اصلو فى جبل فى تكساس فيه حجارة معينة يقطعوها صغار صغار ويعملوا ليها كرعين بعدين يقولوا دى ترانزسستـورات ويبيعوها لينا!! |
| |
|
|
|
|
|
|
|
|
|
Re: أمثال سودانية جديدة لم تسمع بها من قبل !! (Re: عبدالماجد موسى)
|
عشرة أمثال ٍ أخرى :ـ
** الحكومة لامن تتلفت كتير حَـلتا حِـرقتْ
** دخول النار ما صعب والمروق من الجنه من الصعب
** المعارضه الماعندها لون ... متلونه
** بص أبوجا سواقو مستعجل خلاص
** الساكن فى المزاد مابهمو الزاد
** ذئاب الحكومه وذئاب المعارضه إتلموا فى السودان أكل وشراب
** البحب السودان ظاهر فى وشو
** الكلام الدغرى برضو ينفع فى السياسه
** النار الولعت فى السودان .. مطره واحده ما بتطفيها
** بعد الخازوق النط صعب يا عباس
http://www.maktoobblog.com/majidmusa
| |
|
|
|
|
|
|
|
|
|
Re: أمثال سودانية جديدة لم تسمع بها من قبل !! (Re: عبدالماجد موسى)
|
عشرة أمثال أخرى :
** الذنوب الكتيرة لو شدت الحيل ... مشوارها طويل بالحيل
** مرة أبوك حتى لو قطعت ليك من كبدتا .. برضو ما بتبقى أمك
** العيون الجافة مابتبلها الدموع .. والدموع المبلولة مابتنشـفها العيون
** إذا هاجمك الذباب قد تكون قذراً .. وإذا هاجمته فلا يدل هذا على نظافتك
** الدبيب كذاب ياخد أبو القنفد فى أحضانو
** الدموع التنزل غصباً عنك هى الحقيقة التحاول تخفيها
** الخوف من الموت مابغير شى لكن الموت من الخوف يغير كل شى
** مقابر الأحياء السجون وسجون الأموات المقابر وكلها بدون مخدات
** السرق من قروش بلدى تظهر فى خراو ... والشرب بالسر من البترول يدخل النار براو
** إذا عترّتْ ليك الحكومة أعرف إنو طريقك صاح وإذا إتعتّرتَ بالحكومة يمكن الطريق ما صاح
http://www.maktoobblog.com/majidmusa
| |
|
|
|
|
|
|
|
|
|
Re: أمثال سودانية جديدة لم تسمع بها من قبل !! (Re: عبدالماجد موسى)
|
عشرة أمثال أخرى :
** حبل الصبر خنَّاق
** اليد مابتبارى الحجر المجدوع
** الإعتذار الغالى للمظلوم
** الصاح الواحد ... يمسح تلاتين غلط
** أكل الأبناء ليس دلالة على حبهم
** الديموقراطية تصبح مخيفة إذا مسها الإستغلال
** لبس العباية فى السخانه زى حلاقة الصلعة بدون سبب
** الحب ما بيطلع فى العرقْ
** اللسان الزفر يحير دليلو
** الضوء إذا قال سلام يزعِّل الضلام
| |
|
|
|
|
|
|
|
|
|
Re: أمثال سودانية جديدة لم تسمع بها من قبل !! (Re: عبدالماجد موسى)
|
الأخ المقدّر عبدالماجد..
أحييك على البوست الظريف ..
والتحية موصولة لكل المشاركين وأسجل إعجابي بإمكاناتهم اللاّ محدودة.
دخلت على البوست متأخر شديد!! وأصلاً عضويتي في المنبر أو البورد جديدة لنج، وأحتاج مساعدتك في صياغة مثل. وهو عندما يقول مدّعي الخبرة وعركة الحياة: (أنا واقع من السما سبع مرّات) .. طيب لمن وقع المرّة الأولى طلع مرة تانية ليه عشان يقع تاني؟ مش غباء؟؟
هل يمكن الرد على المثل الغبي ده بشئ يحمل معنى (لا يلدغ مؤمن من جحرٍ مرّتين)؟
تحياتي وتقديري
| |
|
|
|
|
|
|
|
|
|
Re: أمثال سودانية جديدة لم تسمع بها من قبل !! (Re: عبدالماجد موسى)
|
عشرة أمثال أخرى :
** التكشيره مابتشبّع وصرة الوش ما بتملا الجيب
** الشيك المكشوف زى بذور الجوافه ما بتهضم
** الصباح بى رفيقو والليل يرجع براو
** الحرية المطلقة تنقلب إستعباداً مطلقاً بمرور الزمن
** الركشه لو زادت رجل ما بتتحمل ولو نقصت رجل ما بتتجمل
** حتى الوضو ما قدر يمسح مننا التكشيره
** الحياة إذا إنزلقت القيامة تقوم
** السير فى إتجاه واحد لا تملك معه غير الرجوع إذا إكتشفت أنك تسير فى الإتجاه الخطأ
** بيوت الشمارات عريانه
** الشطه مكشره والعصير مبتسم لكن الأم فـِتْـفـِتْ ممغوصْ
| |
|
|
|
|
|
|
|
|
|
Re: أمثال سودانية جديدة لم تسمع بها من قبل !! (Re: عبدالماجد موسى)
|
عشرة أمثال أخرى :
** البطيخ لو شده حيلو يبقى حلاوه بطيخ
** المزورون هم كالثمار ... تأتى فى غير أوانها وسرعان ما تختفى
** الوقع من السرير وهو نايم ما بسأل مِن الرماو
** أعظم وقفه للإنسان هى مع نفسه
** لا نلقى باللائمة على الكلاب إذا نبحت على الغريب
** السياسيون مشاريع كاذبة لحقائق صادقة
** بئس العون إذا كان من فرعون
** الحقيقة لا تبتسم بل تجلجل ضاحكة
** الموت ينزل والحياة تطلع
** السمك بعد ما يقع فى الشباك يتمنى لو كان عندو أسلحة دمار شامل
http://www.maktoobblog.com/majidmusa
| |
|
|
|
|
|
|
|
|
|
Re: أمثال سودانية جديدة لم تسمع بها من قبل !! (Re: عبدالماجد موسى)
|
اولا البوست قمة الروعة
تاني حاجة عندي تعديل على مثل ورد في الصفحة الاولى من هذا البوست وهو
| Quote: الغاز المالقتو امجاد يحرم علي البوتجاز |
الغاز الما اتلقى للبوتجاز حرمان على الامجاد
وذلك لان الغاز اصلا نعرف تعامله مع البوتجاز والامجاد هي الشئ الحديث ومن هذا المنطلق يجب ذكر القديم اولا .
وحدثني صديقي الرفاعي بعد ان قصصت له فكرة هذا البوست فقام بمدي بهذه الامثال :
البراي ما قراي
العندو شك وريبا ... موباتل ما بعيدة
سهر الليل ما بجيب الصباح
والقحة ملازماها النزلة
الاغتراب زي الاعتصام
وشكرا
ناصر موسى
| |
|
|
|
|
|
|
|
|
|
Re: أمثال سودانية جديدة لم تسمع بها من قبل !! (Re: عبدالماجد موسى)
|
الأخ العزيز عبد الماجد
بأثر رجعى ......
رمضان كريم
العيد مبارك عليك (عيد رمضان طبعا)
ميرى كريسماس
العيد مبارك عليك (عيد الضحية)
و كل عام و أنت بألف خير
ممكن أشارك ؟
ما حـتّ جيبك مثل أختك
"من أمثال التاية أختى بعد زواج ثالث فاشل"
بيت ديكو بكاكى و جدادتو بتعوعى
"أيضا من أمثال التاية أختى و كان سبب طلاقها الثانى"
ما تكتح الغبار فى حارة الكناسين
"من حرّ أمثالى"
البزرع "العوير" ما بحصد برتكان
"مثل سودانى لم أسمع به"
المرجلة عند المشنقة ما بتحلك من الموت
"ما مقتدر أذكّر أصلو"
على الحلاوى/بغـــــداد
| |
|
|
|
|
|
|
|
|
|
Re: أمثال سودانية جديدة لم تسمع بها من قبل !! (Re: تبارك شيخ الدين جبريل)
|
أخونا العزيز / على الحلاوى
والله مشتاقين
وينك يا راجل ووين أراضيك ؟
الردود بأثر رجعى :
الله أكرم
ميرى كريسماس
علينا وعليكم .. من العايدين
وأسأل الله أن تكون وكل الأهل بمن فيهم التايه التى بدأت أشعر بالقلق تجاهها ، بخير وصحة ترفرف السلامة حولكم .
أما موضوع المشاركة
إنت تأمر يا حبيب
ليك وحشه والله
الأخ العزيز / تبارك شيخ الدين
جزيل الشكر على المساهمة الظريفة وشد حيلك معانا وكل سنه وأنت بخير .
| |
|
|
|
|
|
|
|
|
|
Re: أمثال سودانية جديدة لم تسمع بها من قبل !! (Re: عبدالماجد موسى)
|
عشرة أمثال أخرى :
** الحكمة لا يقتلها الأغبياء ولكنهم حتماً يعيقونها
** الذين يقرأون الكف لا يصفعون
** حروف النصب عمرها ما نصبت على حد
** تربية الحبوبات تخليك عايش فى توب التاريخ
** غسل الأموال يجعلها أكثر إتساخاً
** إذا هزمت العدو إنت كسبان لكن بخساره
** الحظ السىء يؤذى النفس
** الإيغال فى القبلية ليس إلا مقدمة كريهة للعنصرية
** الراكوبه ما بتقيف بالنية الطيبة
** إخفاء الحقائق عن الشعوب تُعد سرقة لمستقبلها وهى كالإنقلابات العسكرية تماماً يجب أن تُحسب من الجرائم العظمى
| |
|
|
|
|
|
|
| |
عبدالماجد موسى
saadeldin abdelrahman
Gaafar Ismail
aosman
Tumadir
عوض الله الفولانى
محمد محي الدين
يازولyazoalيازول
صديق الموج
تولوس
مكي المغربي
ناصر الحاج
محمد أبوالعزائم أبوالريش
محمد المختار الزيادى
تبارك شيخ الدين جبريل
فيس بوك
تويتر
انستقرام
يوتيوب
بنتيريست