|
|
 أشياء صغيرة .. تجلب فرحاً
|
الفرح في دواخلنا يرقد قريباً جداً من سطح ركام الأشياء غير المفرحة
مجرد رسالة صغيرة ..
مثل هذه :
قد تحيل بقية يوم متهالك
إلى فرح حقيقي
ـــــــــــــــــــــــــــــــ
ولا أنا غلطان
|
|
 
|
|
|
|
|
|
|
|
Re: أشياء صغيرة .. تجلب فرحاً (Re: محمد المرتضى حامد)
|
...
والله ياخ المسألة بتعتمد على شخص المرسل كمان..
وللا كيف؟
مرة لقيت رسالة من (سفيان)؛ اليوم كلو ماسكني صداع..
وللا تلقى واحد يقول ليك: (جيب معاك الشيرينق)!
ياخي ده الغم ذاتو البيقولوهو..
عليه.. حاول ياهميم أضبط المصطلح في الحته حقت (تجلب فرحاً) دي!
يعني أنا القدامك ده عندي (صندوق وارد) الأسماء الفيهو كلها بتديك إحساس إنك لافي جوة سلاح المدرعات كدة!
وللا - على أحسن الفروض - بتشعر بي روحك قاعد تقرأ في كشف اليوميات بتاع الطُلَبْ مغارب الخميس
...
| |
|
|
|
|
|
|
|
|
|
Re: أشياء صغيرة .. تجلب فرحاً (Re: hameem)
|
يا ودييد دي
يااااا ودي دي ييي
لك الود أصفاه
متفق معاك تب في حتة أثر الشخص / (الشخصة)  المرسل دي
بس انت كمان حاول اضبط محيطك من المرسلين والمرسلات
لكن والله أقول ليك قولة :
أنا الرسالة دي بتفرحني فرحة بائنة
لا يفسدها اكتشاف مضمونها أو شخصية المرسل
ربنا يا سيدي يبعد عنك وعنا الرسائل الملغومة
| |
|
|
|
|
|
|
|
|
|
Re: أشياء صغيرة .. تجلب فرحاً (Re: hameem)
|
Quote: مجرد رسالة صغيرة ..
مثل هذه :
قد تحيل بقية يوم متهالك
إلى فرح حقيقي
|
أنا متخيل الموضوع أكبر..
لو دخلتنا معاك جوه بتقرب لينا الصورة أكتر..
والله يفرحك دائما..
| |
|
|
|
|
|
|
|
|
|
Re: أشياء صغيرة .. تجلب فرحاً (Re: عصام أحمد)
|
Quote: الجواب يتفوق بتميزه برائحة الورق الحميمة
وأثر روح المرسل في طريقة خطه
والحاجات الـ (هاند ميد) بلا شك أقيم |
برضو ياهميم كلها في النهاية بتعني (بريدك) وانت عارف (بريدك) بتعني ايه.
| |
|
|
|
|
|
|
|
|
|
Re: أشياء صغيرة .. تجلب فرحاً (Re: hameem)
|
يا هميم ..
يا حميم ..
----------------
مع تحيات "سِلك شايك للإعلان*" ..
------------
* توقيع كانوا يكتبونه على إعلانات الافراح في بورد كلية الفنون في ايامنا..(ناس ود النو أظنهم)..
| |
|
|
|
|
|
|
|
|
|
Re: أشياء صغيرة .. تجلب فرحاً (Re: hameem)
|
قيسان الفنان ..
كيفنك يا حبيب
111 رسالة ؟؟
شبع عدييل .. طيب ما كان تخليها
H رسالة أو T رسالة
أعمل حسابك ما تهبش في الذكريات دي كثير
تقوم يوم تفرقع فيك ذكري حميمة كدا
تخلي ريشك كوم زي ما بيقول أكرم
| |
|
|
|
|
|
|
|
|
|
Re: أشياء صغيرة .. تجلب فرحاً (Re: hameem)
|
| Quote: أنا متخيل الموضوع أكبر.. |
أكبر من وين يا عصام وأنا قلت حاجات (صغيرة) تجلب فرحاً
وحقيقة لم يعد الفرح موضوعاً كبيراً
إذ فشا الهم والغم .. والحزن
وساد التشنج والعنف
الله يفرحك قول آآمين
| |
|
|
|
|
|
|
|
|
|
Re: أشياء صغيرة .. تجلب فرحاً (Re: hameem)
|
هميم عوافي
أخي وصهري د. شاكر زين حكى لي منذ عدة سنوات أنه أجرى جراحة ناجحة لأحد الأعراب من أطراف أمدرمان أقالت عنه آلاما وتباريحا رزحت في دواخله سنين عددا وخرج الرجل الى أهله من مشفى سوبا وهو في أطيب حال . بعد عدة ايام عاد الرجل الى شاكر وانتظر كل اليوم ليلتقي نطّاسه وحين التقاه قام بتسليمه (كيسا) صغيرا به 2 رطل سكّر تقريبا وأقسم على شاكر أن يأخذها في وقت كان في السلعة عند أولئك البسطاء ندره.
شاكر قال لي : والله والله يامحمد ما أُهديت خيرا منها.
| Quote: أشياء صغيرة .. تجلب فرحاً |
| |
|
|
|
|
|
|
|
|
 Re: أشياء صغيرة .. تجلب فرحاً (Re: محمد المرتضى حامد)
|
كيسا) صغيرا به 2 رطل سكّر تقريبا وأقسم على شاكر أن يأخذها في وقت كان في السلعة عند أولئك البسطاء ندره.
شاكر قال لي : والله والله يامحمد ما أُهديت خيرا منها.
Quote: أشياء صغيرة .. تجلب فرحاً
لأن السكر والشعيرية قمة سقف أحلامه وأن ما قدمه لنطاسيه لا قيمة تعلوها بأفقه ولا كرم بعدها بمفهومه وقد فعل ذات الفعله النميرى عندما زار سيد خليفه عائدا له بمستشفاه وفى يمناه أو يمنى. من معه كيس به 10 كيلو سكر أو كما قالوا وليس لدى توثيق بالعنعنه فقد بقى نميرى على العرف رغم إختلاف الظرف والله أبكيتنى يامحمد المرتضى لأن ذلك العربى ربما أعرفه............................
منصور
| |
|
|
|
|
|
|
|
|
|
Re: أشياء صغيرة .. تجلب فرحاً (Re: hameem)
|
يا سلام يا هميم
والله انا هسه فرحااااان لفرحتك وفرحه الاخوات والاخوان دي والله زي كلامك ده وفي الوقت ده هو ال بطلعني من الجو السياسي العكر واحباطات السلطه اليوميه .
هسه بجد كده
وفي اللحظه دي بالذات انا فرحان ب
البوست دا
اتمنى لك السعاده وكل اسبابها .
منعم .
| |
|
|
|
|
|
|
|
|
|
Re: أشياء صغيرة .. تجلب فرحاً (Re: hameem)
|
أخوي عبد المنعم
تسلم يا حبيب
وأنا سريع سريع كدا ألحقك تمنيات مماثلة
بأن يجعل الله السعادة والفرح تظلل كل حركاتك وسكناتك
وما أسعدني بسعادتك ..
تسلم ياراقي
| |
|
|
|
|
|
|
|
|
|
Re: أشياء صغيرة .. تجلب فرحاً (Re: hameem)
|
اقول ليك حاجه يا جميل ..
انحنا بانشغالنا اليومي مع القضايا السياسيه قاعدين ننسى جزء مهم وجميل في حياتنا هو كلامكم الجميل ده .. الترويج للجمال والحب والانسانيه تقوي الجوانب الاخرى فينا..
انتا ملهمني
الاغاني
انتا مصدر فني واحساسي وشعوري ..
شكرا لك ولكل من ينثر لنا الدرر الانسانيه في هذا البورد..
اني احبكم جميعا.
| |
|
|
|
|
|
|
|
|
|
Re: أشياء صغيرة .. تجلب فرحاً (Re: ريهان الريح الشاذلي)
|
| Quote: العثور على صديقةأو صديق قديم فى المنبر الحر |
والله يا دكتوره قبل شويه كنت باحكي لواحد انو أسماء مرّه في المكتب ، أيام الديمقراطية ، أدتني حاجه كتبا كمال عبدالقادر (كلامات) قال فيها ، على ما أذكر ، لناس الحكومه انو قرنق ده جيبوا ليهو حنان بلو بلو تغني ليهو : تعال لي يا الحنان وكان بعد داك لو ماجا الخرطوم يكون ماجاي كلو كلو . أها هسه عندي حاجه حأرسلها ليك في المسنجر.
كل سنه وانت طيبه.
تسلمي ياغاليه.
| |
|
|
|
|
|
|
|
|
|
Re: أشياء صغيرة .. تجلب فرحاً (Re: hameem)
|
قد نغضب ونكذب .. ونظلم أنفسنا
و نخطئ في حق الغير وقد نجرح مشاعر بعضنا بعضاً
بقصد أو بدون قصد
ما أجمل أن نعتذر في سماحة
ونبعث ماسنجر إعتذار تحت .. تحت .. كدا
لأشخاص غلطنا في حقهم أو ظلمناهم
سيكون مبعث فرح أكيد
رمضان كريم
| |
|
|
|
|
|
|
|
|
|
Re: أشياء صغيرة .. تجلب فرحاً (Re: د.محمد حسن)
|
يا د.محمد حسن
بالله عليك الله أطلع من ال (بوست) ده تماما. هسه تسيسو لينا وتبقى زي حالة الزول البجيب الشغل للبيت ,
وبمناسبة حاجات صغيره تجلب الفرح يامحمد، ماحصل واحده سمحه في حفله (فطّتك) في السلام واكتفت بابتسامه لك دون غيرك؟
السلام يا المهدي الأمام
| |
|
|
|
|
|
|
|
|
|
Re: أشياء صغيرة .. تجلب فرحاً (Re: محمد المرتضى حامد)
|
Quote: أنا الرسالة دي بتفرحني فرحة بائنة
لا يفسدها اكتشاف مضمونها أو شخصية المرسل |
والله يا هميم انا عندي نفس الشعور دة
يعني المنظر بتاع " هنالك رسالة خاصة (ماسنجر) لك" دة يسعدني ايما سعادة
وافضل اعاين ليهو مسافة قبل ما افتحوا, ومرات اعمل Back عشان اشوفو تاني
| |
|
|
|
|
|
|
|
|
|
Re: أشياء صغيرة .. تجلب فرحاً (Re: عبد المنعم سليمان)
|
| Quote: مكالمه هاتفيه من الوالده وقت السحور ... ياللـــــــــــــــــه .. |
أخي عبدالمنعم
ربنا يخليها ليك
تعرف يامنعم منذ عامين رحلت أمي عن هذه الفانية وانتهى عندي رمضان فتغيّر الحلومر الى عصير مراعي وتبدّل (الرُقاق) الى كورنفليكس و غابت تماما عبارة (عليك الله يامرتضى اشرب اللبن انت ياولدي بكره صايم) ، ديل يا منعم (الأمّهات) ، غير كده بالليل بيغطّوك من البرد بدون مايقولوها ليك مش زي ناس لو عملوها (يعني جرّوا عليك البطانية) بكره تلقاها في (الجزيره أو الCNN ).
انها الأم الشخص الوحيد على الأرض الذي تكون علاقتك به (غير مشروطة).
أنا سعيد بأن أمك اتصلت بك وقت السحور . كده بتعوِّضنا عن الفقد.
أشياء صغيره تجلب الفرحّ.
| |
|
|
|
|
|
|
|
|
|
Re: أشياء صغيرة .. تجلب فرحاً (Re: hameem)
|
حميم
رمضان كريم
وشكرا لهذا البوست المميز.
يكفي انه اطلعنا على درر محمد المرتضى وتجلياته:
Quote:
انها الأم الشخص الوحيد على الأرض الذي تكون علاقتك به (غير مشروطة).
|
احيانا يقول لي صغيري سند..بعد ساندوتش بيض عادي....
الله يا ماما انت افضل من يطبخ على الارض!!!!
اضحك واعانقه..واقول له يا ابني لست انا افضل من يطبخ
بل لاني امك انت تذوق الاشياء من يدي بطعم مختلف.
هي فعلا ارقى واجمل علاقه غير مشروطه بين بشر....
لذا نظل ندعوا للجميع...اللهم لا تحرم بيت من الاطفال.
واللهم لا تحرم اما ولا ابا من اولادهم.
تراجي.
| |
|
|
|
|
|
|
|
|
|
Re: أشياء صغيرة .. تجلب فرحاً (Re: hameem)
|
د.محمد حسن :
مبارك عليك شهر رمضان ووفقك الله فيه للخيرات والبركات
يا سيدي لك العتبى كلها كاملة غير منقوصة ..
وبعدين يا حبيب البوست والله تكية قصدنا منه الفرح والسعادة لكل الناس
ومافيه انتقائية إلا تلك التى تأتى هكذا .. عفو الخاطر دونما تدبير وقصد
والبوست ليس له سياسة ولا شي .. اللهم إلا سياسة بسط البسط والانبساط
ألف مرحب بيك مساهماً مفرحاً
شهاب الفاتح :
يخضر الزيتون ألف مراحب
يثمر البلح : تمرنا ولا تفاح الآفاق
تنشرح الصدور : اللهم اشرح صدورنا واذهب عنا الحزن
أما .. تثلج الأرض !!
فدي يا خوي مبروكة عليك براك
وفي كل أحوال الطقس
طلتك دافئة ومفرحة
الأخت أسماء :
العثور على صديق قديم مرات بيسبب ربكة مشاعر كدا
الواحد بيحتار في تصنيفها .. أفرح هذا يارب أم .. مشروع بكية ..
ريهان :
تلفونات الأحباب دي بتفعل الأفاعيل ولكنها .. للأسف شحت وندرت
وكترت تلفونات الغرض والموضوع
الله يفرحكن ويقر أعينكن
أحمد الشايقي :
يا زول ياجميل
ياخي مشرف ومنور
آآزول ما شفت صورتك !! في بوست ود الباوقة
ما عارف ليه كنت راسم ليك صورة زول بجلابية وطاقية
طبت وطاب زمانك بطاقية وبدون طاقية
تراجي :
أرحب بيك ترحيب شديد وأسعدني مرورك
وأقول ليك الاستاذ مرتضى دا رجل (بلهمبار)
بلهمبار دا اسم لمطعم راقي على كورنيش الدوحة
طالما استغربت الاسم وبحثت عن معنى له وعرفت أن الاسم
يعني أو يشير إلى منطقة غنية باللؤلؤ في قطر أيام الغوص ما قبل النفط .
شاكر مرورك
| |
|
|
|
|
|
|
|
|
|
Re: أشياء صغيرة .. تجلب فرحاً (Re: hameem)
|
في تعاملي مع هذا العالم الافتراضي الاسفيري منذ اكثر من عقدين من الزمان تقاطعت خطواتي مع الاف وتلاقت مع عشرات صارو قبيلتي وهم وانا في شتات واليوم زادت قبيلتي واحدا تقابلنا اسفيريا مرة تباينت فيه رؤانا بلطف ثم انشغلنا بدنيانا فاجأني اليوم برسالة قصيرة "ماسنجر" بعثت في فرحا غامرا وجددت املا في ايام مشرقات لاجيال قادمة بعد ان تعبت خطانا
شكرا عادل
| |
|
|
|
|
|
|
|
|
|
Re: أشياء صغيرة .. تجلب فرحاً (Re: hameem)
|
مساءكم سعيد
هذا اليوم كان مميزاً
اتصلت على صديق وزميل دراسة لم ألقه منذ نحو خمس عشرة سنة
كنا معا في داخلية ضيف الله عنبر 6 بمدرسة خور طقت
ذكرى خور طقت دي حاجة خاصة وطعم خاص لا يدركه إلا الذين نهلوا من خور طقت
صديقي هذا من دار حمر .. غرب النهود
كانت رحلتي من رجل الفولة إلى الأبيض عبر ذاك الطريق الصحراوي ذات متعة لا توصف
كانت اللواري هي وسيلة السفر الوحيدة المتوفرة آنذاك
وللسفر باللواري فوائد تضاف إلى فوائد السفر المشهورة
محطات الرحلة كانت تشمل الأضية - النهود - الخوي - أم صميمة - مركب
أبوحراز ثم الأبيض ..
ما أمتع التوقف لتناول الوجبات والاستراحات خلال الرحلة في أي من محطات الرحلة تلك
قهاوي متناثرة على جانبي الطريق
عناقريب متراصة منسوجة بالكركاسة .. والكركاسة هي خيوط متينة من إطارات السيارات
خروف معلق ومغطى بالشحم .. ستات شاي وقطاطي وأبقار هنا وهناك
سواقين ومساعدية .. تجار وسحنات ولهجات من السودان
أمتع ما يكون ركوب اللواري إن ظفرت بالسبت أو التندة كما تسمى
وأمتع ما يكون الزمان .. أن يكون الفصل فصل رشاش وخريف
نكتفي بهذا ونواصل إن شاء الله
تحياتي
| |
|
|
|
|
|
|
|
|
|
Re: أشياء صغيرة .. تجلب فرحاً (Re: abubakr)
|
| Quote: صديقي هذا من دار حمر .. غرب النهود |
ياهميم لما قريت (النهود) قلبي قال شح ح ح ح ح
دار حمر
وين غبيش وخماس السعاته ودبنده والأضيّه ووو
والله وصفك للطريق والمطاعم السغيره وفي اللوري راكب تنده مع رشاش الخريف
عليك الله ياهميم ضُقت ليك شاي زي شاي ستّات الشاي العندهم فوانيس في المحطات ديك؟
أعتقد ،ان لم ثخنّي الذاكره، وردي مره حكى طرفه انو كان مسافر في رحله فنيه من النهود للأبيض وفي الخُوَي اصر عليه بعض أهل المنطقه يغني ليهم وبعد أن انتهى جاءه أعرابي وقال له : عفيت منّك يا الكاشف.
انت ياهميم ماتعملّك بوست عن الرحلات ديك. طبعا النهود حاتكون المحور لكن ماعندنا مانع أي مدينة أخرى تكزن محور ، ياسلام على أيام (النهود العليا) ....... زمن.
| |
|
|
|
|
|
|
|
|
|
Re: أشياء صغيرة .. تجلب فرحاً (Re: محمد المرتضى حامد)
|
Quote: والله ياخ المسألة بتعتمد على شخص المرسل كمان..
وللا كيف؟
مرة لقيت رسالة من (سفيان)؛ اليوم كلو ماسكني صداع..
وللا تلقى واحد يقول ليك: (جيب معاك الشيرينق)!
ياخي ده الغم ذاتو البيقولوهو..
عليه.. حاول ياهميم أضبط المصطلح في الحته حقت (تجلب فرحاً) دي!
يعني أنا القدامك ده عندي (صندوق وارد) الأسماء الفيهو كلها بتديك إحساس إنك لافي جوة سلاح المدرعات كدة!
وللا - على أحسن الفروض - بتشعر بي روحك قاعد تقرأ في كشف اليوميات بتاع الطُلَبْ مغارب الخميس |
الاخ هميم .. تحياتي ورمضان كريم .. انته بتقصد تجلب الفرح
والله بتغسل وجه الحزن؟
| |
|
|
|
|
|
|
|
|
|
Re: أشياء صغيرة .. تجلب فرحاً (Re: hameem)
|
talk to you soon
تذيلت الرسالة بهذه السووون ذات السنون
والزمن - جوف الانتظار - يغدو واضحاً وملموساً ثانية .. ثانية
وسرعان ما يجرفنا موج الأحداث والأشياء .. ويعود الزمن لضبابيته وهرولته
يرن جرس الهاتف ..
(الرقم الخاص)
أكيد من السودان .. ولكن .. مهلاً ..
ارقام السودان بتظهر عندنا هنا
يتصاعد فضولي
وتتحقق خصوصية الرقم حينما يسري الصوت عبر الأثير .. معطراً
الأخ هميم ..
..........
ويتذيل يومي بصوت مغموس في حاجة مريحة
ويتصاعد منسوب الفرح إلى مستويات قياسية
عقبال عندكم
| |
|
|
|
|
|
|
|
|
|
Re: أشياء صغيرة .. تجلب فرحاً (Re: hameem)
|
كتاب... اطلب كتابامن الامازون او بي ان لا ياتي .. يعتقل لسبب ما عند رقابة البريداو لايصل .. تمر شهور اكاد ان انساه متحسرا بعد ان فشلت كل توسلاتي وتهديداتي للمرسل .. ذات اليوم اجده في صندوق بريد .. افرح كثيرا وانسي ما مضي ..
| |
|
|
|
|
|
|
|
|
|
Re: أشياء صغيرة .. تجلب فرحاً (Re: sweetheart)
|
Quote: ويتصاعد منسوب الفرح إلى مستويات قياسية
عقبال عندكم |
والله والله ياهميم فرحتك اللي تخطت منسوب نهر النيل دي براها فرّحتنا ، أما (عقبال عندكم ) دي ماعندنا ليها رد غير آمين رغم من قال (أن الأماني ، اذ نشتهيها ، تعلقنا من سراويلنا في الهواء).
ياخي واحده جابت لي كيس حلومر وخلّتني في حالة euphoria وهسه بس راجي الآذان.
| |
|
|
|
|
|
|
|
|
|
Re: أشياء صغيرة .. تجلب فرحاً (Re: محمد المرتضى حامد)
|
الهميم يا الهميم ,
ات قتا :
(ويتذيل يومي بصوت مغموس في حاجة مريحة ويتصاعد منسوب الفرح إلى مستويات قياسية
عقبال عندكم )
وانا بقول :
اميييييييييييييييييين يسمع منك الا نام و لا اكل الطعام .
عارف يا هميم انا فرحى صغيرو و كبيرو بشوفو (في عيون من احب)!
مش اسماعين ود حد الزين (كل الدنيا شن تسوى اذا غابت عيون محبوب !!!!)
بس !
لك و لى جميع الحبان الفرح كيمان كيمان ببركة شهر القرآن.
نادية السر
| |
|
|
|
|
|
|
|
|
|
Re: أشياء صغيرة .. تجلب فرحاً (Re: hameem)
|
أستاذنا ..
كيفنك آالمرتضى
عساك والأسرة الكريمة بكل خير في رمضان
اقتراحك بتاع البوست قيد النظر ومحتار .. كل ما أقول أبدأ
تجيك (لكدمة) حكي مارقة .. تجهجه ليك البدايات
وأبواب الحكي لدي ليست من ذوات (الأضلاف) الكثيرة
من الأمس كنت مزازي بالبوست بتاع البت التركية العايزا ليها سوداني
أولاً لأني كايس ..
وبعدين استرعى انتباهي النمو الخرافي للبوست دا .. الشي شنو ؟
الفاصوليا السحرية !!
صفحتين وآلاف القراء في 24 ساعة ؟؟
لكن ..
واللهم إني صايم
البنية ما ..
حاجة صغيرة .. تجلب كل الفرح
| |
|
|
|
|
|
|
|
|
|
Re: أشياء صغيرة .. تجلب فرحاً (Re: hameem)
|
| Quote: مزازي بالبوست بتاع البت التركية العايزا ليها سوداني |
وين الكلام ده ووين البت دي ياهميم؟ عشان نتفاداها، لأننا موضوعنا محسوم من بدري واذا كانت من حزب (الرفاه) أو (الفضيلة) أبعد دمّك , همييييم ، اني لك من الناصحين. ابعد من ناس أربكان ودربكان بيودوك في خبر كان. الله يطراك بالخير يا مروه قاوقجي.
بمناسبة البوست المشترك (مش البضاعه) أنا جاهز.
| |
|
|
|
|
|
|
|
|
|
Re: أشياء صغيرة .. تجلب فرحاً (Re: hameem)
|
sweetheart
يا سويت سول يا .. فرح كل الفصول
الاسويت هارتس هؤلاء هم الشريحة المستهدفة بهذا البوست ..
ليعمروه ويعسلوه .. تعسيلا
وليتلملم كل نمل السكر الأغبش ..
آآمين
| |
|
|
|
|
|
|
|
|
|
Re: أشياء صغيرة .. تجلب فرحاً (Re: hameem)
|
كتبت نادية بت السر
| Quote: كل الدنيا شن تسوى اذا غابت عيون محبوب |
حينها ستكون :
غابت شمس الحق وصار الفجر غرووووب
ولا شنو ؟؟
الله يفرحك دنيا وأخرى قولي آآمين
| |
|
|
|
|
|
|
|
|
|
Re: أشياء صغيرة .. تجلب فرحاً (Re: hameem)
|
لك كأس امتنان لما تفضلت به .
في زحام البؤس ، قال لي صديق
لنُسمِعكَ أغنية ،
وقرأ من مطلعها :
عن حبيبتي أنا بحكي ليكُم
ضُل ضفايرا مُلتقانا
شِدوا أوتار الضلوع
أنا بحكي ليكُم عن هوانا
ثم فرحت بالشاعر وبالملحن وبالأغنية .
| |
|
|
|
|
|
|
|
|
|
Re: أشياء صغيرة .. تجلب فرحاً (Re: Muna Khugali)
|
قال احد المتصوفة
(إذا هاتفتك لاحادثك
وإذا تحدثت اليك رأيت
وإذا رأيت فلا حديث).
دخلت هذا البوست مسرعا امتطي الدهشة ,لها سرعة عالية .لدرجة ان تفقد الاشياء من حولك خواصها
(لاقيتها وقالت لي تعال
كبرت كراعي من الفرح
نص في الارض
ونص في النعال)
الدوش
الكلمات تتفوه بذلك الصوت المميز دوما ,صوت اشاهد فية الاشياء .يستفزها.تاتي الئ من كل زمن عميق ,أنه شئ من تحضير الارواح وياتون هم الرائعون في زماني اكرم قرش, ابو الحرم, ياسر عمار, هشام صدبق ,المرحوم سمير ..........وعالم بخرائط وجدانية دسمة الملامح .
تأتي الئ وان تضرب علي الة الطبل ,تحمل فرشاة ,لونا .تلبس قميصا مميزا .كانه قميص يوسف.
ياود محجوب
انت رجل مجذوب بالجمال ..............................ياجميل.
واجمل حاجة انت تجد بوست مثل هذا ويدخلك سينماء الذات ويظل البطل حيا, بدون تذاكر.
أين تسهر هذا المساء
مجدي شبندر
| |
|
|
|
|
|
|
|
|
|
Re: أشياء صغيرة .. تجلب فرحاً (Re: hameem)
|
يوم صيفي حار رطب .. نقاشات عمل و ركض بين مواقع بناء . .. قبعة لتحمي راسي لكنها اشعلت شيب راسي .. عدت الي مكتبي لاهثا نظرت الي الشاشة الاولي اخصصها لرسائل العمل .. لاشئ يبدو اننا استنفزنا كل الكلام اليوم فتشققت حلوقنا .. نظرت الي الثانية حيث هي استراحتي من وقت لاخر ..هي الصفحة التي تركتها منذ مساء الامس "اشياء صغيرة" وجدت زوار من صحبتي تسعدني كلماتهم ووجودهم ففرحت وشعرت ان عروقي ارتوت ولم يعد حلقي جافا متشققا ..
| |
|
|
|
|
|
|
|
|
|
Re: أشياء صغيرة .. تجلب فرحاً (Re: hameem)
|
hameem
....
..
.
هذا
بوست للفرح
تلك الكلمة
اللتي هي لقطات
شذرات
قد تقلب مزاج اليوم
او تصنعه
#
مثل تلك الاشياء
ان تكون
واقف في اشارة مرور سغيييلة
والشمس حااارة
واخلاقك في طرف نخرتك
فتلتفت يمينا او يسارا
فتجد طفلا وجميلا
ذو ابتسامة واسعة
يؤشر لك
ويمد يده
#
#
الله يباركك يا بتي
من
حبوبة ذات شلوخ
#
#
ان
يداهمك لحن
ما
مصادفة
يحاكي طقسك تماما
#
ولي عودة
لهذا الركن المبهج
والمليء
شكرا يا هميم
| |
|
|
|
|
|
|
|
|
|
Re: أشياء صغيرة .. تجلب فرحاً (Re: hameem)
|
| Quote: ثم فرحت بالشاعر وبالملحن وبالأغنية . |
وبعدها مباشرة فرحنا بك نحن هنا
وأسعدتنا مداخلتك يا أستاذنا الشقليني
وشاكر لك الوردة الصغيرة الحمراء على يمين العنوان
تصدق ما شفتها من البداية
| Quote: الزمن ده كلو قايل اني الشريحه المستهدفه |
شريحة شنو يا حبيب انت (مقسم) في المنبر دا عدييل
بس علي تقسيمتك شوية ..
والبوست داك ياهو دا :
لتتفاداه
طلب زواج ... للجادين فقط ...
منى خوجلي ..
يا منى ..
تخيري من الآفاق ما تشتهين
فهو لك ..
(محاولة فاشلة .. لم تفي الوردة .. وردتك .. حقها)
مجدي شبندر
يا سليل الأكرمين
يا زول وينك انت ؟
يا لسعد الكمنجات بك .. بس على شرط ..
براااااكم ..
ما تدخلني في الموضوع دا ..
أنا كان أحسن لي أكابد .. سعد المزهر ..
نزلت ولا ورقك ما تامي
أبوبكر ..
وفليكن مسموح لنا أن نطلقها حاف كدا .. بدون ألقاب
| Quote: وجدت زوار من صحبتي تسعدني كلماتهم ووجودهم ففرحت وشعرت ان عروقي ارتوت |
ويقيني أن الكل هنا تسعده كلماتك وطلتك
سقاك الله شربة لا تظمأ بعدها أبداً ..
شغلتكم ممتعة .. البناء شئ ممتع
ما بين مكابدة الفكرة أرقاماً وخطوط على الورق .. ورؤيتها جسداً يملأ الفراغ جمالاً
تلك هي المتعة الحقة ..
أمنياتي بالفرح
Reel
أهلاً بك أختى
وألمح .. ولعلكم تلمحون
بين الأسطر .. شيئا .. يتلالأ
كوني معنا .. مرحباً بك
| |
|
|
|
|
|
|
|
|
|
Re: أشياء صغيرة .. تجلب فرحاً (Re: hameem)
|
هميمنا..
سلام في يوم جديد مستصحبا مايقوله الأهل ( اللهم صبِّحنا على همّنا القديم) لأن الهموم الجدد مهلكة للروح والجسد وحاجات تانيه.
حصل نسيت ليك مبلغ محترم في جيب جاكت ولاّ في درج ولاّ عند زول ووجدته ، حين حوجة ، بعد زمن وانت ما (حاريهو) ؟
| |
|
|
|
|
|
|
|
|
|
Re: أشياء صغيرة .. تجلب فرحاً (Re: hameem)
|
تحياتي هميم..
الأشياء الصغيرة التي تجلب الفرح.. نتعاطاها احياناً دون أن نتوقف لتأملها..
في حين أننا لو فعلنا لاكتشفنا انها وقود أرواحنا..و دافعها الإستمرار ..
هاتف منتصف النهار من زوجي..((كيفك؟))
| |
|
|
|
|
|
|
|
|
|
Re: أشياء صغيرة .. تجلب فرحاً (Re: hameem)
|
| Quote: هاتف منتصف النهار من زوجي..((كيفك؟)) |
الأستاذة سناء
ما أجملكما
ويا حبذا لو كانت لك مبادراتك أنت أيضاً في السؤال عنه
حكى لي البعض :
أن زميلاً لهم كان متزوج من شامية
في نفس مكان العمل
كانت تأتيه خلال اليوم كم مكالمة من زوجته الشامية
على شاكلة كيفك بس بطعم الحلويات الشامية
أيش لونك حبيبي ؟
شو بدك عالغداء ؟
وكان زملاؤه يغبطونه ويتعاطون أيامهم
على طريقتنا الرتيبة في التعاطي
| |
|
|
|
|
|
|
|
|
|
Re: أشياء صغيرة .. تجلب فرحاً (Re: hameem)
|
هميم نهار رمضاني بارد زي نهارنا ده يسلم عليك،،
الحاجات السغار سغار سريعة الذوبان
تمتد لي زمن معقول يعيد توازن الحواس حبة،
كتيييييرة و كان إنتبهنا ليها نسويها لبعضنا
الدنيا دي يبقي فيها كوم حلا مقاس متوسط ،،
لي كل الناس،،
اسع إنت بنيت ليك كوم مانع وسط الكوم الكبير
بي بحيتك للحاجات السغيرة جلابة الفرح دي،،
| |
|
|
|
|
|
|
|
|
|
Re: أشياء صغيرة .. تجلب فرحاً (Re: hameem)
|
| Quote: وما الفائدة إن كان سيباع بثمن بخس |
ليت لك مآله في الأباء وأمانة خزائن الأرض
وليتنا لانصبح (بضاعة مزجاة) ياهميم.
لكن برضو كلمة (بريدك) لاتخرجك من غيابة الجب وحسب بل أحيانا تجعل منك space shuttle .
| |
|
|
|
|
|
|
|
|
|
Re: أشياء صغيرة .. تجلب فرحاً (Re: طارق جبريل)
|
| Quote: جينا نخم من الفرح المدفق هنا دا |
ياطارق جبريل
الهنا ده ما (بتخم) لكن ممكن تستحم وتمشى.
حالنا مع البوست ده زي حال السفن نبحر في محيطات متلاطمه ونرسو هنا للصيانه والتزود.
| |
|
|
|
|
|
|
|
|
|
Re: أشياء صغيرة .. تجلب فرحاً (Re: hameem)
|
الرائعين والرائعات
والله أسعدتموني حقا إذ بعثت الأشياء الصغيرة المفرحة حية بعد أن حسبتها قد ذهبت إلى حيث تذهب الاشياء ذلك الذهاب النهائي .. الله يسعدكم أجمعين
| |
|
|
|
|
|
|
|
|
|
Re: أشياء صغيرة .. تجلب فرحاً (Re: hameem)
|
| Quote: إذ بعثت الأشياء الصغيرة المفرحة حية بعد أن حسبتها قد ذهبت إلى حيث تذهب الاشياء ذلك الذهاب النهائي |
وهل تموت البذور الطيبه؟
لم يكن هناك (ذهابا نهائيا) ، ما حدث ياهميم أن البذور الصغيرة التي تجلب فرحا كانت في حالة كمون وتعافت منى خوجلي فسقتها ف (اهتزت وربت وأنبتت من كل زوج بهيج).
| |
|
|
|
|
|
|
|
|
|
Re: أشياء صغيرة .. تجلب فرحاً (Re: hameem)
|
حاجات صغيرة
وبدون تفاصيل
تدركها من غير ماعنت
وتسترسل فيك تمتد أفقا
نزرعها بذرة
نرضعها قطرة
ونملكها حقلا
الأشياء الصغيرة أخي الهميم هي دائما كبيرة بصدقها
لك ولكل المرور
بذرة
وقطرة
وحقل
نورالهادي
| |
|
|
|
|
|
|
| |
hameem
محمد المرتضى حامد
الفاتح وديدي
Muna Khugali
رشا سالم
د.محمد حسن
gessan
munswor almophtah
عبد المنعم سليمان
شهاب الفاتح عثمان
Asma Abdel Halim
ريهان الريح الشاذلي
أحمد الشايقي
Tragie Mustafa
abubakr
Mohamed Abdelgaleel
عبدالله الشقليني
مجدي شبندر
Soumeta
عمر عبد الخالق سعيد
salma subhi
طارق جبريل
Emad Abdulla
عبدالله عثمان
فيس بوك
تويتر
انستقرام
يوتيوب
بنتيريست