|
Re: رغم كل شئ .. ليهو العلا .. والإنحناء .. والإنحياز .. وأحبك جداً (Re: معتصم دفع الله)
|
جفل الرعــد كلمات الأستاذة نادية عثمان
جفل الرعد خايف البروق وبكى السحاب وِكْتين هطل مطراً دقاق ريحة الحراز أحلف واقول إنو القليب قبلك بتول خالي الوفاض ما ضاق طعم راحة العشق والنوم خزاز نفَّاج فَتَح جُوَّاي وكوَّة نور يبُق يضوي المكان زي كهربة مدناً بيوتها من القزاز * * * * حُبَّك بصيص خيط الأمل.. ومعنى الهروب من جُوَّة جوف الانشطار لمَّا النفوس تَعْزِف نَشَاز خيل الأماني الطار.. وشال سرجو المُطَرَّز بالوعود لعن المنافي.. وعاد خواتيمو الدموع مَدْقُوقَه فوق ورق الجواز عاد من مَشاتي الغُرْبَة والوجع الخبيث لَمْلَم بواقي كرامتو من رُصُف الحَضَارات المُزَّيَفَة والمُعَطَّرة زيت وجاز * * * * حُطَّ الرِّحال أفتح شبابيك سِكَّتَك .. أجْهِض وداع أدِّي القطار حق اللجؤ .. وأرفع شراع الانحياز هو البستحق أنك تعود .. وتزهر حقول الحب عهود تروي الأرض صحَّة وسلام .. لقمة ووئام .. رِفْريف حمام نسمة خريف ورَشَاش رزاز * * * * وطن المساجد والخلاوي والدراويش والكنائس والمعابد وثبات عقائد باقية ضد الاهتزاز عِشقَك سما بالروح سبح فوق للسَّما .. زيك محال تلد الشموس يا المشرئب عالي الرؤوس ليك الولاء تعظيم قسم .. ويمين غِلاظ أنفة وإباء عِزَّة وشموخ والكبرياء .. حبَّك حقيقة زي الحياة يا مِحْوَر الكون البيدور .. وثبات نقاط الارتكاز * * * * فوق للجبال سودانا عاش.. سَلَّة غلال ورُطب لُذَاذ ليهو العُلا والانحناء والانحياز وطن الجدود ليهو الخلود .. حبُّو الحياة وموتو المجاز ليهو العُلا والانحناء والانحياز حبُّو الحياة وموتو المجاز !!
| |
|
|
|
|
|
|
Re: رغم كل شئ .. ليهو العلا .. والإنحناء .. والإنحياز .. وأحبك جداً (Re: Elmosley)
|
الموصلى ود الخال الغالى
ياخى انت بتختفى وييييييييييين؟؟
فتشت عليك واشنطون بيت بيت وماسنجر ماسنجر !!!
Quote: بنت العمه
انت درة جميله ورائعه |
انت الاروع ..يامبدعا اباهى به عين الشمس ..ياشجى الصوت وعذبه
Quote: الله يحفظك وبالمناسبه ده نص مجنون يامجنونه |
منك اتعلمت جنون الابداع يامبدع ..ربنا يحفظك يارب
Quote: الله يحفظك والله غسلتو الحزن جواي والان اري قرنق عريسا للحرية الي الابد
وعايشين في تبات ونبات |
منو القال وطنى زول منحوس
وطن مصرور وشيهو عبوس
وطنى النور بيضوى شموس
عريس ومهيرة ليهو عروس
| |
|
|
|
|
|
|
Re: رغم كل شئ .. ليهو العلا .. والإنحناء .. والإنحياز .. وأحبك جداً (Re: معتصم دفع الله)
|
حيثُ تهرب منكْ الحروف ، والأرقام ، وحتّى الشوارع والأحياء .. تبدأ بنبشِ مقابرِ القراءات القديمة ، والصحُف ،والمقرّرات الدراسيّة الفقيرة .. تعاني من الشرودِ ، وحالات النسيان المضحكة ، وقدْ تصل أحياناً لـ "الرهاب" ، وربْما أكثر من ذلك .! فقط .. من أجْلِ العثور على "عنوان" ، قد تمارس تفاصيله الخاصة أدناه.. ولكني وجدت ضالتي هنا...(رغم كل شئ .. ليهو العلا .. والإنحناء .. والإنحياز .. وأحبك جداً ) فحاولت ان امارس تفاصيل عنوانك يا معتصم...ولكني من فرط اندماجي واستمتاعي.. فشلت في إيجاد ما يناسب ما أصف به شعوري.. استاذنا الموصلي...شكراً بحجم الاماني التي في قلوبنا كعاشقين للوطن.. ربنا يديك العافية الاخت نادية كأن كلماتك لا تُبعث إلا حينما تنشّق السماء فجراً بغيّة تثاؤب! خالص تقديري واعجابي بكتاباتك أخي معتصم الشكر ...هو بحر لا نصطاد منه دوماً مايفي من الكلمات ...لك منه ماتشتهي !!
أيمن
| |
|
|
|
|
|
|
Re: رغم كل شئ .. ليهو العلا .. والإنحناء .. والإنحياز .. وأحبك جداً (Re: أيمن علي حامد)
|
عزيزى ايمن
Quote: حيثُ تهرب منكْ الحروف ، والأرقام ، وحتّى الشوارع والأحياء .. تبدأ بنبشِ مقابرِ القراءات القديمة ، والصحُف ،والمقرّرات الدراسيّة الفقيرة .. تعاني من الشرودِ ، وحالات النسيان المضحكة ، وقدْ تصل أحياناً لـ "الرهاب" ، وربْما أكثر من ذلك .! فقط .. من أجْلِ العثور على "عنوان" ، قد تمارس تفاصيله الخاصة أدناه.. ولكني وجدت ضالتي هنا...(رغم كل شئ .. ليهو العلا .. والإنحناء .. والإنحياز .. وأحبك جداً ) |
احيانا نحتاج ان نغير مهنة التبحر لنكون بحارة..نسبر غور الدهشة باحثين عن جديدها !! ايمن ولانك باحث عن المتعة بين ثنايا الملل..وعن الجديد بين دفتى قديم ..فلناخذ بعضنا البعض اذن صوب المنجم الروحى علنا نجد ذهبا فى دواخل النفس المتعبة..وبريق من السعادة!!
| |
|
|
|
|
|
|
Re: رغم كل شئ .. ليهو العلا .. والإنحناء .. والإنحياز .. وأحبك جداً (Re: أيمن علي حامد)
|
قريبي أيمن
إنها تداعيات الحنين والشوق لتلك التفاصيل .. والذكريات القلقة .. وذاك الحلم المؤجل .. تجدها هنا بين هذه السطور الرائعات .. تحكي الوعد بغدٍ نحلم به جميعاً .. هنا نمارس نفس الحكايا القديمة وتلك والطقوس .. أشتاقك الآن يا قريبي .. كيفك مع تفاصيل الغربة .. والحنين .. والشوق للأهل والوطن ..
كيف أخبار ناس البيت .. تحياتي لهم شديد ..
معاك ودي ..
| |
|
|
|
|
|
|
Re: رغم كل شئ .. ليهو العلا .. والإنحناء .. والإنحياز .. وأحبك جداً (Re: معتصم دفع الله)
|
اها جيناكم ياحبايبنا وناوين نمدد الإقامة عندكم على قول حبيبنا عثمان الموضوع التانى عليك الله يالموصلى لو رجعت فيهو للبوست الاهدانى فيهو د.معز اغنية غيم الفراق حتلقى انى قلتا دا حاكون اول هدية وتعامل منى للموصلى لكن سيدها قال لى دى محجوزة لعزيزتنا شروق . اما نادية عثمان فانا قلتا ليها قبل كده عايز الايميل واظنها ما قصرت .تسلم السمحة ست الكلام السمح.يعنى المسألة ما فيها خيانة يا نادية ويامعتصم معتصم دفع الله تسلم ايها الراقى على الاختيار الراقى
| |
|
|
|
|
|
|
Re: رغم كل شئ .. ليهو العلا .. والإنحناء .. والإنحياز .. وأحبك جداً (Re: altahir_2)
|
الرائع ضياء
Quote: اما نادية عثمان فانا قلتا ليها قبل كده عايز الايميل واظنها ما قصرت .تسلم السمحة ست الكلام السمح.يعنى المسألة ما فيها خيانة يا نادية |
ياغالى كلامك على العين والرأس لكن انا بعرف بس البيان بالعمل
وهاك ده النص ورينى حااسمعو فى بوست منفصل هنا بصوتك متين بعد التلحين ؟!!
نانا
تزعل تخاصمنى
انا برضو فرحانة
شان انت ياآدم
خليتنى هيمانة
بى حبى سارحة بعيد
بى روحى نشوانة
خليتنى ياسيدى
زى غنية رنانة
بجمال كرم دفاق
كم جيتنا تغشانا
وهسع زعلت عشان
قايلنى زعلانة
ارجع وفيض يانيل
ياريد ملك نانا ..!!
ودى حاتغنيها ندى القلعة
بس عليك الله ياضياء ماتتأخر فى التلحين وخليك سررررريع زى الموصلى ود خالى
سمح ؟
| |
|
|
|
|
|
|
Re: رغم كل شئ .. ليهو العلا .. والإنحناء .. والإنحياز .. وأحبك جداً (Re: صباح حسين)
|
صبوحة الحبيبة عندنا ؟!!!
يامرحبا ..بالزولة الرائعة جدا
Quote: والله يا نادية حاجة تجنن عديل كدا...ما بصدق دا كله يطلع منك... |
الحالة ده من طرف الالهام وهو انتى لسة قريتى حاجة ؟!!! ههههههههههه
Quote: المهم أنا من هسع حاجزة نسخة من الديوان....ويديك العافية. |
تسلمى ياصبوحة ومابتقصرى والله..واتمنى ان تجدى مابين حروفى مايلامس وجدانك المرهف..
| |
|
|
|
|
|
|
Re: رغم كل شئ .. ليهو العلا .. والإنحناء .. والإنحياز .. وأحبك جداً (Re: نادية عثمان)
|
هس ولا كلمة
الشاهد اذا اجتمع الموصلي وناديه فلابداع ثالثهما واذا اضيف اليهم ابوعركي فالكمال رابعهم والف شكر يا معتصم كلك ذوق عزيزنا الموصلي استمع(انا) كثيرا هذه الايام لبلادنا نادانا الاخت ناديه ابحث عن هذا الديوان فاين اجده بس بلاش المية دولار اصلي طالب ومعلم الله اكيد بيستاهل الف دولار بس ينفع مية صاغ الان ؟؟؟ والباقي بعدين ؟؟؟
ابوكيفو
| |
|
|
|
|
|
|
Re: رغم كل شئ .. ليهو العلا .. والإنحناء .. والإنحياز .. وأحبك جداً (Re: salma altijani)
|
الغالية .. الجميلة شكلا وموضوعا سلمى التيجانى
اسعدنى مرورك من هنا كسعادة طفلة تبلغ من العمر الحادية عشر .. وقد ارتدت (هدوم) العيد وحملت لعبتها الجميلة فى طريقها الى جنينة عبود للعب بالمراجيح ..!!
Quote: وحياة العشق الخلاك سيدي ما بايعاك في ايتو سوق لا سوق الحب ولا سوق المال ولا ايتو سوق وانا وين لاقياك شان امشي ابيع وانت التقلك بالقيراط ياجبل الكحل الما بتنهز لي متين محتل جواي بالريد ورافع رايتك في وجداني ومستوطن ذرات الدم |
لله درك ايتها الشاعرة الشفيفة وانتى تاخذين الوطن فى جولة جوانية مرورا بالقلب الرقيق والنفس الطيبة التى تحميلينها بين جنباتك ..
Quote: نسينا الكلام السمح ياندوية مع مهنة النكد |
سلوووووووم العسل .. ده كلووووووو ونسيتى الكلام السمح ؟
يازولة ولو كنتى مانسيتى كنتى حاتقولى شنو اسمح من كده يالسمحة العزيزة ؟!!
| |
|
|
|
|
|
|
|