|
|
 Re: محطات فـي حيـات الشاعـر مسعد حنفـي (Re: مجدي مسعد حنفي)
|
كفــــــى سـؤالــــــي
ــــــــــــــــــــــ
كفى سؤالي يكفيك حالي
يغني عن مشروحي الطويل
،،،،،،،،،،،،،،،،،،،
ماسؤالي مع سوء حالي
يامهفهف خصرك نحيل
صبري اعلن نية الرحيل
طرفي يرضى النوم يستحيل
طال سهادي وزاد انتحالي
وكله من الأدعج كحيل
،،،،،،،،،،،،،،،،،
صرت فاني واصبحت بالي
ساهي ساهر مالي قبيل
اطره فخري وعزّي القبيل
ماجنيت مكروه يانبيل
وجافي ياالبهواك لا تبالي
ولي وصالك مامن سبيل
،،،،،،،،،،،،،،،،،
عندي قدرك ياحبيبي غالي
تبدي سيف اللحظ الصقيل
في تسمع لي القال والقيل
خلّي قول الواشي الثقيل
حبّي ليك وبيك انشغالي
واضحاً زي شمس المقيل
،،،،،،،،،،،،،،،،،
ياجميلاً في الطيف غدالي
تاره رانع وتارات عديل
النغيم كغريد الهديل
والكتيف في دروعك هديل
يعلم الله سواك مابدالي
وفي البنات ماراغب بديل
،،،،،،،،،،،،،،،،،
في هواك شفاي واعتلالي
فيك عزّي ومنك ذليل
كيف غليلاً يروي الغليل
مابحيج النور لي دليل
الفتني المحيا الهلالي
والشعور الباقياله ليل
،،،،،،،،،،،،،،،،،
ياشقيق البدر الكمالي
ويارشيقاً تخطر تميل
بي ليكم وجداً وميل
قلبي عن ارضاك لا يميل
راعي صبري وراعي احتمالي
عندي نارك نور ياجميل
| |
 
|
|
|
|
|
|
|
|
Re: محطات فـي حيـات الشاعـر مسعد حنفـي (Re: مجدي مسعد حنفي)
|
جريدة المهاجر التي تصدر في استراليا نشرت في عددها الاخير
الحلقه الاولى من مذكرات الشاعر الراحل مسعد حنفي على ان
تكمل بقية المذكرات في اعدادها القادمه باذن الله وساحاول
اليوم فتح بوست لانزال نسخة الجريده التي ارسلها لي الاخ
خالد عثمان المشرف على موقع يارا نايل وهي الجهه التي تشرف
على اصدار الجريده .
| |
|
|
|
|
|
|
|
|
|
Re: محطات فـي حيـات الشاعـر مسعد حنفـي (Re: مجدي مسعد حنفي)
|
جدية التيه
ـــــــــ
ياجدية التيه في دلالك
ماله هجري وبعدي حلالك
،،،،،،،،،،،،،،،
نسمة الأزهار في ظلالك
والنسيم لو هبّ امالك
انتي بدراً تامي كمالك
فقتي حسن الحور بي جمالك
،،،،،،،،،،،،،،،
الملوك تتمنى وصالك
وايه تنال من امثالك
في الخيال لو هلّ هلالك
كان ينير ليل حظي الحالك
،،،،،،،،،،،،،،،
يالحبيبه هواك ليّ مالك
وعن سواك فؤادي خلالك
الرضيع لو طرفه رنالك
يهوى حسنك ويهوى خصالك
،،،،،،،،،،،،،،
بيكي طال ياعيني سهادك
من غرام الظبي الصادك
هل يحن ياظبيه فؤادك
وترحميه فؤادي الرّادك
،،،،،،،،،،،،،،
اعشقك يام ريد واهابك
الزلال ممزوج بي رضابك
نفسي ليك مقسوم الصابك
اقبليه اذاك وعذابك
،،،،،،،،،،،،،،
رشرشك في حواجبك شابك
لي يصوّب قوس نشّابك
رانعه والانوار لايحابك
والشعر لي قديمك حابك
،،،،،،،،،،،،،،
عاطر النسمات لو طافك
منه تتمايل اعطافك
حتّى بدر الليل لو شافك
يهوى ليمك وقلبه يخافك
| |
|
|
|
|
|
|
|
|
|
Re: محطات فـي حيـات الشاعـر مسعد حنفـي (Re: مجدي مسعد حنفي)
|
اعلم لولا ما طرفك للبيض الرقاق شاهر .... انسان عينى كاد يغرق فى ماء خدك الزاهر .... يا بدر سالك جاوب ليش اخوك نافر
لك جزيل الشكر والتقدير اخى مجدى على كل ماتقدم وخاصة الصور النادرة التى اتاحت لنا الفرصة لرؤية الوالد رحمة الله رحمة واسعة
ووفقك الله للتحمل اللواء فى نشر ماتتحصل عليه لتخليد سيرته بين الناس
والى الامام
| |
|
|
|
|
|
|
|
|
|
Re: محطات فـي حيـات الشاعـر مسعد حنفـي (Re: ASIM AL BANNA)
|
شكراً اخي اسماعيل على حضورك الكريم وعلى كلماتك
الرقيقه .
مازال هناك العديد من الصور والقصائد تنتظر دورها
للنشر في البوست .
كما نوهت سابقاً الاخوه في جريدة المهاجر بدأوا بنشر
مذكرات الوالد بدءاً من عدد اغسطس وقمت بالامس بانزال
خمسة صفحات منه في بوست جريدة المهاجر على ان اكمل
بقية الصفحات فور وصولها لي بالايميل من الاخ خالد
عثمان رئيس التحرير.
| |
|
|
|
|
|
|
|
|
|
Re: محطات فـي حيـات الشاعـر مسعد حنفـي (Re: مجدي مسعد حنفي)
|
وجه القمر ســــــافر
ـــــــــــــــــــ
وجه القمر سافر
يضوي شعاعه نور وافر
يابدر ساءلك
جاوب ليش اخوك نافر
,,,,,,,,,,,,,
من حيّه السباع تنتر
ومن رمشه السهم طافر
ريم يسحبلي سيف لحظه
وآخر بالسلاح غافر
يادمع ادفق
ودع ياقلب سافر
شوقي لي ضافر
هل بي نظرتك اظفر
يامن بالقلوب ظافر
،،،،،،،،،،،،،
كاحل طرفك الناعس
والجيد بالاثيث غامر
مجدولات ايديك
صدرك رجح طبق الضامر
زيدني من تيهك
طايع ليك ياآمر
زهرة السامر
رفقاً بمجنونك
ياليلى بني عامر
،،،،،،،،،،،
إعلم لولا ماطرفك
للبيض الرقاق شاهر
إنسان عيني كاد بغرق
في ما خدك الزاهر
ونورك يتوقد
لي عيون الخلوق جاهر
ظلمي شي ظاهر
اشراق الفجر يشهد
بي طرفي العليك ساهر
،،،،،،،،،،،،
في دولة صباك تايه
ياالبي عشقي ماك فاكر
اصبح مسكنك قلبي
الفي كل ثانيه ليك ذاكر
لو رأيت محيك
ياالبي نظرتك ماكر
ليك اكون شاكر
وام الافق بيك تقنع
لا تولد شمس باكر
،،،،،،،،،،،،
ننظر بانه تتمايل
قامة البنفدع خاتر
وننظر كيف صدير يقلع
تفاحه وردف ناتر
وبين ناعساته
يضوي الصارم الباتر
اللحاظ فاتر
لامعه سيوفه تتبارق
من كسراته ياساتر
،،،،،،،،،،،،،
عاشق محيك الضاوي
وعاشق حسنك النادر
تقبل لحظك يمرضني
وانت على شفاي قادر
في هواك قابل
تنفيذ امرك الصادر
ليّ ليه غادر
حلمك جود واتعطّف
سارع بي لقاي بادر
،،،،،،،،،،،،
وحيات طرفك الناعس
وحيات حاجبك الداير
وحيات خدك المجلي
ومنظوم ثغرك الناير
بي لقاك تسمح
لو كان في المنام زاير
فكري فيك حاير
كل ساعه جيش حبك
يهجم في الصدير غاير
| |
|
|
|
|
|
|
|
|
|
Re: محطات فـي حيـات الشاعـر مسعد حنفـي (Re: مجدي مسعد حنفي)
|
الناعسات عيونن
ـــــــــــــ
الناعسات عيونن نور جبينن هلّ
مابين تبر صافي واخضراني اللون
،،،،،،،،،،،،،
دار العزّه ياعبدالعزيز اتجلّ
بي نور الخديد المنّه زينة الكون
الغانيات جمالن من الحور اجلّ
ولي اقمار وجوهن في فؤادي سكون
،،،،،،،،،،،،،،
لي ليمن تكاد درر النجوم تدّل
البي نار غرامن قلبي صار ممكون
مسحور من طريفن وسحرهن لي دلّ
وين ماهبّ طيبن تلقى قلبي يكون
،،،،،،،،،،،،،،
من انوار جمالن ياخي عقلي اختلّ
توجد في صفاهن العفاف والصون
بين فدعة يديهن واللدن والتلّه
بين رمان صدورن الجمال محصون
،،،،،،،،،،،،،
البدور تسعالن والملوك تتعلاّ
لو تلقاله نظره من الصفا المكنون
بين مفصود خديدن وساده زايده العلّه
صاروا لي زي ليلى وصرت انا المجنون
،،،،،،،،،،،،،
ياقاسم معاك نجم السعود ماذلّ
دمت قدرك عالي ودام عدوك مغبون
لي عزولك ديمه االانكسار والذلّه
والنحاس مابوازن لي دهب شيبون
،،،،،،،،،،،،،
من نظرة جمالن راح منامي وولّى
وعقلي شاغله غرامن واعترتني شجون
السرور ياقاسم عرشه قوم اتولّ
بين تهاني البانه وميلة العرجون
| |
|
|
|
|
|
|
|
|
|
Re: محطات فـي حيـات الشاعـر مسعد حنفـي (Re: مجدي مسعد حنفي)
|
قسيم الريد
ــــــــ
لحنها وغناها الفنان خضر بشير
ـــــــــــــــــــــــــــ
قسيم الريد
لي جود بالطيف
يااخا البدر
............
ياالرشا المكحول بي لو تدري
من لهيب الشوق التهب صدري
يابعيد الليم دمعي منحدري
اما نوم عيني فاقده من بدري
.............
في هواك عمري يدني من قبري
باكي شاكي حزين جسمي صار مبري
فيك افوق ايوب بي عظيم صبري
وشوقي ليك ياملاك امر من الصبر
.............
طرفي دمعه هميل ينسكب يجري
ديمه ساهر يوت صاحي للفجر
تهوى تعذيبي وذلّتي وزجري
ياحبيبي كفاك والله طال هجري
.............
كيف يكون (يابنات) قلبي ليك خدري
وعيني لا تراك ياسمي القدر
نظرتك بتفوق ياب محي بدري
لذّة الدنيا وليلة القدر
.............
الدلال والتيه طبعك الفطري
ولحظك النعسان كاحل القطر
من جمال محياك وطيبك العطري
صار جمال تاجوج اصلو مامطري
.............
حسنك الفتان يوجب الشكر
ينعش الارواح يسلب الفكر
ماجمال يوسف شايع الذكر
زي جمالك ياصحوتي وسكري
.............
عقلي شاغله الريد والهوى العذري
ضل ياخلاّي اقبلوا عذري
ايه يفيد ياجميل حرصي او حذري
وجسمك الناعم للحرير يزري
| |
|
|
|
|
|
|
| |
فيس بوك
تويتر
انستقرام
يوتيوب
بنتيريست