|
|
 من ازرق طيبة الى نقد ( نقد نفى استلام الرسالة )
|
إلى المناضل محمد إبراهيم نقد
بعد السلام عليكم ورحمة الله تعالى وبركاته
أما بعد
حول ما أثير أخيراً من أزمة حول مشاركة التجمع في الأجهزة التنفيذية أرجو ان لا يثير ذلك حفيظتكم فالخيارات المنطقية للعمل ضد أجهزة الدولة متوفرة وبأشكال مختلفة ومتعددة.
حققنا النجاح المطلوب حول المزارعين وأوصلنا معظم المزارعين لفهم واسع حول رد الحقوق لأهلها وإن كنا نعلم بأن الفوز لن يكون من نصيب التحالف نسبة لظروف متعددة منها الظروف المادية التي لازال التحالف يعاني منها والتي سنضع العلاج الناجع لها في بقية التحالفات النقابية القادمة.
ثاني الأسباب بعد القيادات عن ممارسة حقهم المشروع وتخوفهم من الإنقاذ وبطشها القديم وتصفية حساباتهم بطرق مختلفة.
ثالث الأسباب سيطرة الإنقاذ على الإعلام المرئي والمسموع والإمكانات المهولة التي تتمتع بها الدولة فنحن نصارع دولة منظمة متواجدة بكامل أجهزتها الأمنية والتنظيمية وكافة تنظيماتها الشعبية، الأهم هو التحضير مبكراً للتحالف المحامين والمعلمين حسب المخطط.
أرجو ان لا ننزعج من تصرفات السيد محمد عثمان الميرغني فهذا مقدور عليه من خلال كوادرنا داخل التنظيم المرجعي للميرغني كما أسلفت. فلابد من الاهتمام بقضايا نقابات المحامين والمعلمين وقد رتبت الأمر مع الأخوان محجوب الزبير وحسبو إبراهيم وفتحي سراج ويوسف عبد الله وحاج التوم حسن والسيد وزير الدولة للعمل الدكتور محمد يوسف أحمد المصطفى والسيطرة الكاملة على العمل النقابي في رؤية لاستلام مفاتيح العمل بالدولة أو خلخلتها وقد استطعنا إدخال كوادر نشطة جداً داخل حركة نقابة الإسلاميين في الفترة الماضية فلو حققنا النجاح والفوز على قوائم المؤتمر الوطني في نقابات المحامين والمزارعين والعمال والمعلمين وغيرها سنكون قد حققنا الانتصار المطلوب وإذا لم نستطع ذلك فسيكون عملنا تفكيكها من الداخل بواسطة تلك الكوادر. لا خوف على المرحلة القادمة في ظل المعطيات التي تحققت.
لابد من تنبيه الحركة الشعبية لخطورة ما يفعله غازي سليمان حول بعض الذاتية في مجال انتخابات نقابة المحامين القادمة.
هنالك بعض الملاحظات لموقف المؤتمر الشعبي وعدم وضوح رؤيته في مجال عمل المحامين وتأجيل عمله معنا من خلال حركة المزارعين رغم البداية المشرفة فلابد من الحذر الشديد من تقلبات أمره.
سنحدد وقتاً لاحقاً بواسطة التجاني والشفيع لمقابلة مندوب الأمم المتحدة وترتيب أوضاع التحول الديمقراطي من خلال تجارب العمل النقابي + انتخابات المزارعين القادمة دون تشتيت للجهود الرامية لتقنية القوانين وتحريرها من سلطة الإنقاذ المتواجدة في كل سطر من سطورها.
وشكراً
الشيخ عبد الله الشيخ أحمد الريح
|
|
 
|
|
|
|
|
|
|
 Re: من ازرق طيبة الى نقد ( نقد نفى استلام الرسالة ) (Re: إسماعيل وراق)
|
هل معنى ذلك أن الشيخ عبد الله أزرق طيبة أحد قيادات الحزب الشيوعي
انا ما قلت حاجة يا سمعه لكن بالله شوف السطر دا من الوثيقة
أرجو ان لا ننزعج من تصرفات السيد محمد عثمان الميرغني فهذا مقدور عليه من خلال كوادرنا داخل التنظيم المرجعي للميرغني كما أسلفت. فلابد من الاهتمام بقضايا نقابات المحامين والمعلمين وقد رتبت الأمر مع الأخوان محجوب الزبير وحسبو إبراهيم وفتحي سراج ويوسف عبد الله وحاج التوم حسن والسيد وزير الدولة للعمل الدكتور محمد يوسف أحمد المصطفى والسيطرة الكاملة على العمل النقابي في رؤية لاستلام مفاتيح العمل بالدولة أو خلخلتها
| |
|
|
|
|
|
|
|
|
|
Re: من ازرق طيبة الى نقد ( نقد نفى استلام الرسالة ) (Re: abas)
|
الخرطوم / اخبار اليوم
نفى الاستاذ محمد ابراهيم نقد السكرتير العام للحزب الشيوعى السودانى فى اتصال هاتفى اجراه معه رئيس التحرير فى وقت متاخر من مساء امس تسلمه او علمه او حتى ( مجرد سماعه ) برسالة من احد مشايخ الطرق الصوفية المشهورين وطلب من (اخبار اليوم ) ان تنفى تلقيه مثل هذه الرسالة جملة وتفصيلا .
| |
|
|
|
|
|
|
|
|
|
Re: من ازرق طيبة الى نقد ( نقد نفى استلام الرسالة ) (Re: محمد حامد جمعه)
|
ود جمعة
سلام
بالنسبة لي لا غضاضة بأن يكون أحد مشايخ الطرق الصوفية المشهورين قيادي بحزب سياسي..
نعود للرسالة ومنها تتضح النقاط التالية وهي جديرة بالمناقشة..
1- أن الحزب الشيوعي مخترق للحزب الإتحادي الديموقراطي.
2- أن الحزب الشيوعي كذلك مخترق للحركة الشعبية.
3- يبدو أن هناك علاقة بين أزرق طيبة وبعض من القيادات السياسية، وما زيارة ياسر عرمان وبعض من قيادات الحركة لطيبة إلا دليل على ذلك.
ما هي إحتمالات هذه الرسالة:
الإحتمال الأول إنها مفبركة من جهات مغرضة وفي هذه الحالة يمكن تكذيبها بواسطة الشيخ عبد الله.
الإحتمال الثاني أنها صحيحة وفي هذه الحالة مطلوب من الأخوة الشيوعيين تفسير مسألة الإختراقات خاصة لتنظيمات وطنية تقاتل معها في صف واحد من أجل التحول الديموقراطي في البلاد.
| |
|
|
|
|
|
|
|
|
|
Re: من ازرق طيبة الى نقد ( نقد نفى استلام الرسالة ) (Re: محمد حامد جمعه)
|
محمد جمعة
تحية
خلاص وصلت الى فبركة الرسائل باسم الشيخ عبدالله ارزق طيبة (شخصيا)
والله ما كنت قايل الفهم بيصل للدرجة دي
قول للزول الجاب الرسالة (بلها وأشرب مويتا) لأن الملعوب كشف حقيقة الجهل الذي يتخبط فيه المركز..
هل تعتقد ان الشيخ عبدالله الشيخ أحمد الريح هو (مجرد شخص) يجلس على تبروقة ليكتب مثل هذه الرسائل... ان الامر لا ولن يصل اليه فهم ذلك الرجل القاصر الذي صمم هذه الرسالة..وهذا الأمر من الخطورة بمكان لا يعلمه الا قلة في هذا البلد..
هذا استعداء فاضح لكل منتسبي الطريقة القادرية في السودان وبقية الطرق الصوفية التي لعبت ادواراً كبيرة في ملف السلام وليس بمقدورك انت ان تفهم ذلك...
وانت ايها الحصيف تحاول ترويج وتسويق الأكذوبة ..في هذا المنبر..والعجب كل العجب من اندفاعك وايراد نفسك موارد صعبة
كان يتوجب عليك ان تنأى عن هذا الخضم فهذا وحل لن تستطيع عبوره
ولعلمك - انت الذي لا تعرف شيئاً عن الشيخ- فإن اراد أزرق طيبة فعل شيء مثل هذا فعله جهاراً نهاراً وعلى عينك يامركز.. ولا يحتاج حتى لكتابة وريقة ولو على سبيل المذكرة...
| Quote: وان كنت شخصيا اتوقع ان ( ينط ) ازرق طيبة ونقد ويجهتدان فى تاكيد ان الرسالة ... مضروبة |
ينط!!! ماهذا الجهل...؟؟
هذا زمن العجائب
وسيأتيك بالاخبار ما لم تزود
وإن غدا لناظره قريب
"وَسَيَعْلَمُ الَّذِينَ ظَلَمُوا أَيَّ مُنقَلَبٍ يَنقَلِبُونَ "
| |
|
|
|
|
|
|
|
|
|
Re: من ازرق طيبة الى نقد ( نقد نفى استلام الرسالة ) (Re: A.Razek Althalib)
|
| Quote: وطلب من (اخبار اليوم ) ان تنفى تلقيه مثل هذه الرسالة جملة وتفصيلا |
ود الطالب
يبدو أنك لم تفهم الجملة أعلاه ضمن إطارها الصحيح..
طلب الأستاذ نقد ليس معناه أنه مقر بحقيقة الرسالة بالعكس.. الرجل ينفي وجود الرسالة.. ولا غضاضة أن يطلب من أي وسيلة إعلامية نفي خبر منسوب له أو لتنظيمه.
| |
|
|
|
|
|
|
|
|
|
Re: من ازرق طيبة الى نقد ( نقد نفى استلام الرسالة ) (Re: haleem)
|
إسماعيل وراق..
هم الناس ديل ما جماعة الخليفة عبدالله التعايشي..
الجلدهم في أم درمان..
بعدين كده..
تعال النقول ليك تحياتي..
ووينك لا حس لا خبر..
بعدين يا أخوي إسماعيل وراق..
خلينا من مسائل الفهم دي..
أصلو العجب في ..
في صيغة الطلب..
ما كان أحسن يتم ترك الأمر للصحيفي نفسه..
يقوم بعملية النفي دي..
بعد ما خلاص شغل الكتابة في الحيطان إنتهى بجرة قلم..
بدل الطلب المهين ده..
يا أخوي إسماعيل..
لا زالت حالة الدهشة قائمة...
بين هذا وذاك.. من مسائل الدين أفيون الشعوب..
وما بين.. حق الولاية...
والعجب...
جاي..
ومن وين..
إسماعيل وراق..
مالك يا زول...
| |
|
|
|
|
|
|
|
|
|
Re: من ازرق طيبة الى نقد ( نقد نفى استلام الرسالة ) (Re: haleem)
|
تبادر لذهني سؤالين..
وقبل السؤالين..
هذه الوثيقة إن صح أمرها خطيرة جداً.. ولعلمي التام لا يمكن أن يفوت مضمونها على الشيخ عبد الله أو الأستاذ نقد..
طالما الأمر كذلك.. وهذا السؤال..
لماذا لا يجتمع الشيخ بنقد إجتماع خاص وسري؟
لماذا لا يتصل الشيخ بالأستاذ نقد ومن ثم تبليغه بمضمون الرسالة بدلاً عن كتابتها؟
نحتاج لمزيد من التحليل لأثبات صحة هذه الرسالة إلى أن يأتي نفي قاطع من الشيخ أزرق طيبة والذي لا نشك في مصداقيته..
| |
|
|
|
|
|
|
|
|
|
Re: من ازرق طيبة الى نقد ( نقد نفى استلام الرسالة ) (Re: Murtada Gafar)
|
الأمنجي ده خلاص قام على الشردي بتاعو، لكن يا جمعة عليكمان الله البوست ده كلو يوم الصباح أديو لكزة عشان يقعد دليل على مهنتك الرخيصة و على مهمتك الوضيعة دي هنا
الكيزان ديل كترو شديد في البورد ده، عايزين يطبعوا وجودهم كأنوا ما عملوا حاجة في الصطاشر سنة الفاتت دي،
مرتضى جعفر
| |
|
|
|
|
|
|
|
|
|
Re: من ازرق طيبة الى نقد ( نقد نفى استلام الرسالة ) (Re: Murtada Gafar)
|
| Quote: يا جماعة انا قلت دى وثيقة وخطاب - يحتمل طبعا الصح والخطأ - واذا كان خطأ .. مالو .. |
بالله ده حنكك،
المهندس صلاح عبدالله قوش/غوش مفروض يشوف ليو واحد بدلك أكان في الصحافة أو في البورد هنا.. إنت يا حبيب ما أخدتا دورات كفاية و شغلك ما نضيف أسمح لي.. إنت تبع الوعاء الجامع و جايباك رقشة ولا شنو،
مرتضى جعفر
| |
|
|
|
|
|
|
|
|
|
Re: من ازرق طيبة الى نقد ( نقد نفى استلام الرسالة ) (Re: ودقاسم)
|
اذا كان الخطاب مرسل من ازرق طيبه لنقد فكيف ضل طريقه ليد محمد حامد جمعه او جماعته ؟؟
هل كان مرسل باليد ؟ واذا كان كذلك هل الرسول من جماعة محمد حامد جمعه ؟؟
هل مرسل بالبريد وناس البريد فتحوه ونسخوه ؟؟
هل مرسل بالفاكس من طيبه للخرطوم واتلقط من الهواء ؟؟
هل قام نقد شخصيا بتسليمه لجماعه محمد حامد جمعه ؟
هل قام ازرق طيبه بتسليم نسخه من الخطاب شخصيا لجماعة محمد حامد ؟؟
__________________
مكتب الامن المختص بفبركة الوثائق فات عليه ان المتلقين ليسوا بلهاء يمكن مرير عليهم اى شىء , يعتقد مكتب الامن المختص بفبركة الوثائق والمستندات انه يمكن ان يبيعنا الترام او يبيعنا نهر النيل ونحن مثل البلهاء نشترى ونمشى نستلم .
ربما يكون لازرق طيبه دور فى انتخابات المزارعين ضد الحكومه وجماعتها ويريد الامن ان يحرقه امام المزارعين ويعتقد الامن وجماعته من الصحفيين المندسين والعلنيين انهم بربطه بالحزب الشيوعى يمكن ان يحرقوه امام اتباعه والمريدين والمزارعين .
وربما يكون له دور فى الاتحادى الديمقراطى اذا كان اتحادى ضد التحالف مع الحكومه والاشتراك فى السلطه التنفيذيه ولذلك يفبرك الامن مثل هذه الوثائق والمستندات الفطيره ليحرقه امام اتباعه ومريديه وامام اعضاء الاتحادى ومحمد عثما الميرغنى بفبركة دور له فى الحزب الشيوعى والتنسيق مع الحزب الشيوعى.
يا ناس الامن العبو غيرها الشعب السودانى كله قد شب عن الطوق بكل فئاته عماله ومزارعيه ومحاميه ومعلميه وطلابه لن تستطيعوا ان تسوقوا عليه الوهم
| |
|
|
|
|
|
|
|
|
|
Re: من ازرق طيبة الى نقد ( نقد نفى استلام الرسالة ) (Re: mohamed osman bakry)
|
مرتضى
يا عزيزى مش المسالة زوغة او اى شى المسالة ( وثيقة ) تسربت ووصلت ونشرت .. لماذا لم ينقل محتواها شفاهة او عبر وسيط او عبر تلفون تلك مباحث يسئل عنها اهل الرسالة والمهم انها وصلت ونشرت ومن قبل سمعنا مثل هذه الاقاويل والاستخفاف والتقليل من اشياء مثل هذه وقال كثيرون ان الحزب الشيوعى ( محلوق صلعة موس ) فى اسراره وخفاياه ( بتذكرو شريط الاستاذة فاطمة ) وعشان كدا غايتو البيمشى على الرفاق ويقدم ورقة ولا يرمى ليهو حاجة حقو يلوم .. الحزب العجوز دا والما قادر يحفظ اسرار الرجال الذين يتعاملون معه
| |
|
|
|
|
|
|
|
|
|
Re: من ازرق طيبة الى نقد ( نقد نفى استلام الرسالة ) (Re: محمد حامد جمعه)
|
الأخ محمد حامد جمعه
تحية طيبة وبعد،
1 ـ أبان من سبقـوني في التعليق على الرسالة
أعلاه الكثير من الشبهات المحيطة بدوافع
وأغراض من تولى صياغـتها.
2 ـ لا يحتاج المرء إلى ذكاء خارق ليدرك
بأن توقـيت نشر الرسالة مريب: يجيء
متـزامناً مع سعي الحزب الشيوعي
السوداني للإستفادة من هامش الحريات
في مناخ مابعد توقـيع إتفاق السلام وبهذا
المعني فإن الرسالة تهدف لإيقاف هذا
المد في النشاط الجماهـيري لهذا الحزب
ودق إسفـين بينه وجهات سياسية بعينها.
تتزامن الرسالة أيضاً مع إحتدام معارك
نقابية بين صفوف المزارعين والمحامين
وغيرهم من الفـئات
تستقي دواة كاتب الرسالة من معين مخيلة
عتيقة ماتزال أسيرة لتصور "الشيوعي "
كبعبع تـُنسـبُ له قدرات فوق العادية
تـتخطى حجمه وإمكاناته الفعلية
3ـ ترمي الرسالة إلى إصابة هدف آخر
أببعد مدى وهو النيل من الإسلام الصوفي
الذي يمثل منافـساً قوياً للإسلام الأصولي
الحاكم
وفي الختام سلام
| |
|
|
|
|
|
|
|
|
|
Re: من ازرق طيبة الى نقد ( نقد نفى استلام الرسالة ) (Re: محمد حامد جمعه)
|
الأخ محمد حامد جمعه
شكراً للرد،
من جوابك على تعليقي يتضح بأن هدفك
من بسط الرسالة المحفوفة بالشبهات
هو تعميم محتواها على أوسع نطاق ممكن !
أشتم هنا رائحة الغرض واضحة !
هل يستطيع المركز السوداني للخدمات
الصحفية ـ إن كان حريصاً حقاً على ضوابط
وأخلاقيات العمل الصحفي ـ توضيح الكيفية
التي جعلت الرسالة تسقط في يده ؟
وهل بوسعه التأكيد على أصـليّة الرسالة
في بلد ينتشـر فيه التزوير ؟!
| |
|
|
|
|
|
|
|
|
 Re: من ازرق طيبة الى نقد ( نقد نفى استلام الرسالة ) (Re: Osman M Salih)
|
الاستاذ جمعه سلامات
يأخى جماعتك ديل دقسو ما دام تحصلتو على وثيقة مهمة زى دى
ليه ما اديتها لأحد كوادر الأمن غير المعروفين علها تحظى بمصداقية
نصيحة منى ليك الحكايات الزى دى اعملها اخراج ذكى وخليك بعيد متفرج لآنو مجرد ورودها تحت اسمك هد مصداقيتها من اساسها.
تانى يا شاطر ما تعمل كده يقوم صلاح قوش يزعل عليك والمعائش
الايام دى بقت صعبة خالص.
| |
|
|
|
|
|
|
|
|
|
Re: من ازرق طيبة الى نقد ( نقد نفى استلام الرسالة ) (Re: ود محجوب)
|
هنالك شعرة بين أمن الدولة وأمن النظام
اين موقع جهاز الأمن الوطني ( جهاز صلاح قوش )من ذلك؟
واين موقف السيد جمعه على الصعيد الشخصي؟
وهل تعتبر الوثيقة - ان صحت - من اهتمامات امن النظام ام امن الدولة
قبل فترة احتج مبارك الفاضل على مراقبة أجهزة الأمن له ؟ واليوم طبخة لوثيقة
وكأننا لا نقرأ التاريخ القريب والبعيد
ودونك سيادة العميد ما جرى لجمال السيد وجماعة المكتب الثاني في لبنان ؟؟؟؟؟
| |
|
|
|
|
|
|
|
|
 Re: من ازرق طيبة الى نقد ( نقد نفى استلام الرسالة ) (Re: Al Sunda)
|
هو إنتو لساعكم بتغالطو ..
في صحة الوثيقة المختومة..
ما هداآآآآك نقد مرق من حفرتو..
وشرب بارد ناس صلاح غوش..
في مكتبهم..
وبالثابته..
وهديىىىىىىك المتصوفة فاطمة أحمد إبراهيم..
عضو برلمان..
وسلفاكير.. والحركة الشعبية شريك في السلطة..
وبتاع التحالف.. هداآآآك قاعد..
وبعدين مسألة خلاف الإتحادي مع الشيوعي..
ظلاهرة وبادية على العيان..
أنا قلت أجي ألاقي اللعلعة قاجة غبار وقايمة على المحتوى..
أجي ألاقي الناس لساعها قاعدة ..
فوق ده سراب.. ولا ده موية..
يا أهل النضال..
ويا أهل الضلال..
أن حقيقة الحزب الشيوعي ..
صار شريك دي وكمان في السلطة...
ما...
محتاجة شوية مدماك مدماكين لرفع السقف الوطني..
وإعمال العقل والبصر والنظر..
وكمان بالمرة..
شغل شخبطتة الحيطان دي ومسائل الكتابة بألوان البوهية...
المشوهة شغل ما نضيف....
وإنتو أسياد العارفين في نتجيتها الما جايبة همها...
خاصة والشعب السوداني كلو بقبلو الأربعة..
خاتي رأيو فيكم... يعني ما في داعي...
ولا دي يعني..
عدوك سهرو ولا منامو..
وقلتو تعالوا نقلبها كتابة على الليحان..
كموضة أهل هذا الزمان..
مكيافيلية... الطابع والتطبع.. بمعاني الغاية والوسيلة..
في مضمار السبق... أهل السودان إكراماً لأشخاص معينة..
أكرموكم بتلاته مقاعد.. تحت عباية المستقلين..
والدين ده النصيحة..
أكان دايرين تفلحو فوقو..
كده أرمو نظرية الدين أفيون الشعوب..
وراء ضهركم..
وتعالوا أرعو ليكم كم طائفة دينية.. بحيرانها..
مع إعلان إنزال الشريعة الإسلامية على أرض الواقع..
وتطبيقها ..
لأنو المسألة دي فيها نصوص منزلة ...
بمعاني قرائتها مدبرة في تجلي من لم يحكم بما أنزل الله..
فأولئك هم ثلاثة لا رابع لهم (ظالمون ـ كافرون ـ فاسقون)..
وعملاً بقوله فيما معناه فلا وربك لا يؤمنو حتى يحكموك فيما شجر بينهم...
ولا شنو يا جماعة...
| |
|
|
|
|
|
|
|
|
 Re: من ازرق طيبة الى نقد ( نقد نفى استلام الرسالة ) (Re: محمد عثمان الحاج)
|
محمد عثمان الحاج..
يا راآآآآآآآآآآآجل..
طيب..
نقد مرق ولا ما مرق...
من حالة بياتو الحفري...
| Quote: نحن في انتظار أن نرى كرامة للسادة العركيين في من يشوه اسمهم واسم طريقتهم. |
ها يا أخوي محمد حامد جمعة..
قول ليهو خلي يتفنن ليك في الضنب..
ويخليهو ليك كم متر كده..
لزوم الكرامة..
وبعدين..
نقد هو مالو بلوث ويشوه السمعة..
غريبة..
كده قول وبأمانة لمن أراد أن يشوه سمعة العركيين..
صدقني..
الناس ديل خترين..
بعد ما شالو ليك ناس التجمع تحت أباطهم..
وبجرة قلم..
إنتهى النضال..
تحت سقف المواطنة..
البقي قصير...
ده..
قال كرامة قال...
| |
|
|
|
|
|
|
|
|
|
Re: من ازرق طيبة الى نقد ( نقد نفى استلام الرسالة ) (Re: A.Razek Althalib)
|
دي على طريقة ساحة الفداء ولاشنو
اتعينت في قطاع جديد ولا شنو؟
ياكيزان الاختشو ماتوا يا جمعة عملتها شينة
ولا الولد عامل فيها فكاكة
ابورزقاء من زمان قلنا ليك
اخلاقيا كدة مفترض تخجل دا با فتراض ان الوثيقة حقيقيقة
جبتها من وين ؟سرقتها ؟
اذا ادعيت ان الاصل مشى لنقد الصورة تحصلت عليها كيف؟ سرقتها؟
اذا ما سرقتها صورتها وهي في طريقها دا اسمها في القانون خيانة امانة
وطالما انني اثق في ازرق طيبة وفي نقد اذا العملية فيها تزوير ومفترض يتفتح بلاغ ضدك بتهمة التزوير يا مزوراتي.
الاخ اسماعيل وراق الحكاية شنو الحزب الشيوعي مخترق كل الاحزاب الا حزب الامة ؟
| |
|
|
|
|
|
|
|
|
|
Re: من ازرق طيبة الى نقد ( نقد نفى استلام الرسالة ) (Re: شروق على فضل)
|
| Quote: الاخ اسماعيل وراق الحكاية شنو الحزب الشيوعي مخترق كل الاحزاب الا حزب الامة ؟ |
الأخت شروق
دا حمدو في بطنو...
قرأت مقال للطيب مصطفى قبل أيام وأعتقد إسمه رسالة لقبيلة النعام يقول فيها أن الحركة الشعبية مخترقة من قبل كوادر الحزب الشيوعي وذكر تحديداً أستاذي محمد يوسف أحمد المصطفى وعلى فكره محمد يوسف يمت بصلة القرابة للطيب مصطفى... واليوم وفي هذه الوثيقة قرأنا أن الإتحادي مخترق من قبل الشيوعيين... وربما غداً نسمع أن حزب الأمة مخترق من قبل الحزب الشيوعي..
غايتو يا شروق كان عارفه ليك واحد غواصة أدينا إسمه وليك الامان.. 
| |
|
|
|
|
|
|
|
|
|
Re: من ازرق طيبة الى نقد ( نقد نفى استلام الرسالة ) (Re: إسماعيل وراق)
|
الاخ اسماعيل وراق
لك التحية
القانون السياسي والدستوري من العلوم الحديثة وهذا القانون اكد بالبحث انه لقيام الديمقراطية لابد من وجود احزاب ولانني مومنة بانه لابد من وجود الامة والاتحادي والبحث وغيرها من الاحزاب الوطنية اجد نفسي ادافع عن وجود الاحزاب ولا تندهش في انني لا انتمي لحزب .
كدي النسال ليك اصدقائي الشيوعين .عموما احسن لحزب الامة يخترقه شيوعي من يخترقه الجماعة الطيبين ولاشنو؟
| |
|
|
|
|
|
|
|
|
|
Re: من ازرق طيبة الى نقد ( نقد نفى استلام الرسالة ) (Re: إسماعيل وراق)
|
الأخت/ شروق..
تحية.. 
| Quote: ابورزقاء من زمان قلنا ليك |
كضباً كاضب..
متين قلتي لي..
والغريبة يا شروق أختي إنو تسجيلك في المنبر...
تم في
| Quote: تاريخ التسجيل: 19-10-2005 |
وبعدين..
الحكاية شنو بتاعت..
| Quote: اخلاقيا كدة مفترض تخجل دا با فتراض ان الوثيقة حقيقيقة |
هو تاني فضل فيها أخلاق...
يا شروق أختي الخجلة تطير ..
ما هديك الورقة مروسة..
والختم..
زي المراية عين الجمل بتجهر العين ..
والصلاة على النبي...
ما خلاص أسطورة أمنية حزبكم دي..
يحلها الحل لغز الشواطين التلاطاشر ولا شنو الحكاية..
شوفتي قولك..
| Quote: جبتها من وين ؟سرقتها ؟ |
وبعدين ..
أنا ما جبتها..
أنا قمت بعملية عرضتها..
هنا..
على وزن قولكم..
جالب الكفر ليس بكافر...
تعرفي بيعجبني فيك إسقاطاتك دي..
خصوصاً الإستماته بتاعت الدفاع المشترك لسلوك مكيافيلي..
يعني بالغاية والوسيلة...
سلام للمكيافيلين ديل..
يا ولية....
كده ..
أنجضي..
وجيبي لينا حاجة مفيدة..
هو نقد ذاتو مرقو بدليل الصور يعني بالثابتة..
وبالصورة..
وناسو هنا قاعدين بيتغالطو ليوم الليلة..
في شان شنو يا أختي...
وتاني في شنو..
حكاية.. التلبس دي..
والغريبة..
في الحالة دي..
إنو أنا ما كوز...
ويا شماته الأعداء...
شوفتي كيفن..
| |
|
|
|
|
|
|
|
|
|
Re: من ازرق طيبة الى نقد ( نقد نفى استلام الرسالة ) (Re: شروق على فضل)
|
الأخت الفضلى شروق علي فضل
تحياتي ،
لا يغيب عـني موقفك المناصر لـ " الشيوعـي "
ومن أسـف أن ِ تعليقك المازح في خواتيم تعرضه
لأمر ليس فيه براح لهـزل مثل "إختراق حزب لآخر "
قد شرّق أو غرّب بعيداً عن الرسالة المحاطة بالشبهات
بالدخول في" مناكفة" ممراحة ! لا علم لي بجدواها
ونفعها لمن يمحضـهم قلمك نصرته ، مع الأخ الفاضل
اسماعيل وراق والذي تشكل أسئلته ـ برغم نبرة
القلق التي شابت أولى مداخلاته ـ جزءً من الطوق
المضروب حول الرسالة ربما لإدراكه من طرف خفي
بأن العقـل المدبّر الرسالة ليس بعاجز على تدبيج
رسائل مماثلة تمس بقـية أحزاب المعارضة بما
فـيها " الأمة "
أتمنى أن يتسع صدرك ِ لملاحظتي
| |
|
|
|
|
|
|
|
|
|
Re: من ازرق طيبة الى نقد ( نقد نفى استلام الرسالة ) (Re: A.Razek Althalib)
|
عبد الرزاق الطالب
حاشا أن أقول أن نقد يلوث السمعة وانما تلويث السمعة هو ما تقول به الوثيقة المزورة من كلام باسم ازرق طيبة حول السيد محمد عثمان الميرغني وبذلك تصور ازرق طيبة بأنه خرج على أخلاق السادة الصوفية وآدابهم وهو في موقع تربية السالكين في الطريق إلى الله.
أما عن استهانتك ومطالبتك بمسخ ناشر الوثيقة قردا فأقول لك إن الله على كل شئ قدير ودعوة المظلوم ليس بينها وبين الله حجاب وقد قيل أن أهل البصائر يرون أهل الشر على حقيقتهم قردة وخنازيرا فمسخ الباطن أشد هولا من مسخ الظاهر :إنسان يسعى في ظاهره، وباطنه قرد وخنزير نعوذ بالله من ذلك...
وعلى كل فإن هناك ما هو أسوأ من المسخ بكثير نعوذ بالله.
| |
|
|
|
|
|
|
|
|
|
Re: من ازرق طيبة الى نقد ( نقد نفى استلام الرسالة ) (Re: Osman M Salih)
|
التحية والمجدللشرفاء فقط
تعودنا من الكيزان وخاصة خلال انتخابات القطاعات من طلاب محامين غيره (حمى)
نحن كان في انتخابات جامعة الجزيرة كان بجي واحد كوز من قرية بالقرب من قريتنا لم يكمل الابتدائي اسمو صلاح ميتة
يصابون بحمى تظهر اعراضها في مثل التلفيقات المزكورة
عموما في رائي لا توجد قضاضة ان يخاطب الحزب الشيوعي الطريقة الصوفية والعكس فالطرق الصوفية واقع وكيان قائم لا يستطيع من يقراء الواقع بموضوعية وتحليل علمي ان ينكر هذا الوجود.
والموضوع كله هو انتخابات المحامين والمزارعين لان في حركة واضحة وغير مخفية ولا تحتاج لفطنة غباء المخبرين.
وكما زكرت الاستاذة شروق اما ان الوثيقة اتسرقت في طريقها
واما انها ملفقة واميل لهذا التحليل والاحتمالين تعد جرائم
حتى الفبركة فيها غباء صياغة سناريو
ما لا يعرفه المخبرين اعلاه ان شيخ عبدالله رجل متعلم وجامعي ايام جامعة الخرطوم قبل ان تدمرها الجبهة ولديه قدرات لم تستطيع الجبهة ان تستغله.
ولا اخفي عليك الدور الذي يقوم به شيخ عبدالله من بث الوعي وسط المزارعين علني على مسمع من المخبرين والنظام
| |
|
|
|
|
|
|
|
|
|
Re: من ازرق طيبة الى نقد ( نقد نفى استلام الرسالة ) (Re: Osman M Salih)
|
Quote: صيغة المخاطبة ( المناضل ) وهي صيغة غريبة على أدب الشيوعيين
، هذا بإفتراض أن شيخ الطريقة المذكور عضو في الحزب الشيوعي .
لم أكن طوال اعوام إنتسابي للحزب الشيوعي شاهداً على إستخدام
الشيوعيين في وثائقهم الداخلية ومطبوعاتهم الجماهيرية لصيغ التمادح
من شاكلة المناضل |
I herein, and as per my own experience I claim the ability to confirm what Dear Othman Said hereabove.
Good point Othman
M.H. Jumaa is a true Jack-of-all trades, a real master of none.
Murtada Gafar
| |
|
|
|
|
|
|
|
|
 Re: من ازرق طيبة الى نقد ( نقد نفى استلام الرسالة ) (Re: Osman M Salih)
|
عفواً.. عثمان..
Quote: 2ـ صيغة المخاطبة ( المناضل ) وهي صيغة غريبة على أدب الشيوعيين
، هذا بإفتراض أن شيخ الطريقة المذكور عضو في الحزب الشيوعي . |
تبدو لي محتاجة لشوية..
إعمال نظر عشان المسألة ما تبقى زي بتاعت الرؤية المتجلية ديك..
بعدين يا أخوي عثمان...
ما شايف قولك هنا..
بتاع..
| Quote: يلزم المرء تخفيض سـقف ذكائه لتنطلي عليه حبكة هذه الرسالة |
يا عثمان...
وفي هذه الأيام..
أما يكفي ما دار من لقط الحديث..
ونضالات الحفر..
لامن جابوها ليكم بالثابتة..
وكيزان الكركدي راقدة قرض..
قدام..
ناس صلاح غوش..
ونقد زاتو طاوي عمة..
وخالف رجل برجل..
عثمان أخوي..
أعتقد.. إنو نضالات الكتابة على الجدران..
وبالعدم على الليحان دي..
مسألة بتناقض قيم الدين أفيون الشعوب القاعدين بتنادو بيها..
وبالمرة ياخي مسألة سقف المواطنة المسحو بيهو الجماعة ديل..
مقررات أسمرا في حاجة للتعلية يميناً ويساراً..
لأنو الحيطة هنا قصيرة خلاص..
إلا الدنقيرة تنجيك.. من الكتاحة دي.....
هنا.. وبعدين الدنقيرة دي..
ما سجود وعبادة لغير الخالق... وليس تبريكاً للسيد محمد عثمان الميرغني..
زميل درب النضال....
ولكن..
حتى لا تفوتك عجاج كتاحتهم..
في إقتسام كراسي السلطة..
وبعدين..
دي موش بيسموها..
محاولة تشكيكية لا بأس بها..
لإلباس الباطل ثوب الحق...
لتفنيد صحة إدعاء متجلي رؤية المطار..
وجالب هذا الخبر..
ولكن..
يبدو لي...
كلما أنبت الزمان قناة..
ركب لها اليسار ميكيافيلياً...
سناناً..
والمسألة من عندك ما محتاجة لشوية شطارة..
أو درس عصر لزوم تقوية النظر..
وزي ما قلنا الصلاة على النبي..
على ملاحظاتنا الأولى...
الختم راقد زي المراية الإسمها عين الجمل..
بتجهر العين وبتشيل البصر..
وباقي العقل الفضل..
فوق الورقة المروسة دي..
شوفو كده أعيد البصر كرتين..
بتلقاهو عامل زي..
رسم محجم الحجام القاعد يتعلم الحجامة..
على قفى اليتامي..
فاقد لمعايير المقاييس والجودة..
وللحق يقال..
لو كان خبر..
تترك مسألة المصداقية هنا..
للمتلقي مع عدم إعتراض طريق المصدقين..
ولكن هنا..
الدليل واضح وفاقع العين..
الشعاعا جهر...
ولا شنو..؟
| |
|
|
|
|
|
|
|
|
|
Re: من ازرق طيبة الى نقد ( نقد نفى استلام الرسالة ) (Re: محمد حامد جمعه)
|
ـ الرسالة مشبعة برغبة كاتبها في إشاعة اليأس
والقنوط بين قوى التحالف في معركته لهزيمة أنصار
السلطة الحاكمة بين المزارعين و ذلك بالإيحاء بعدم
جدوى تكريس الجهد لمعركة حُسمتْ نتيجتها ذهنياً لدى
صائغ الرسالة
ـ تفوح رائحة الغرض من ذهـن صائغها في الطباق
و "التماهي "الذي يجرية ـ ربما بسبب ٍ من موقعه في
الأجهزة القائمة على حراسة سلطة الأصوليين ـ بين
النشاط المعارض للسلطة ومثليها في النقابات
و الإتحادات و غيرها من المنزمات الفئوية، و العمل
ضد أجهزة الدولة من ثنايا التضمينات التي تفصح
عنها عبارات : "الخيارات المنطقية للعمل ضد أجهزة
الدولة متوفرة وبأشكال مختلفة ومتعددة "( السطر
2 من الفقرة 1 ) ، و حسب المخطط ( السطران 3 و4
من الفقرة 3 )
بتعبير آخر : لا يصف المعارض نشاطه بالمخطط ،
فهذا الوصـف حكر على الحاكمين
| |
|
|
|
|
|
|
|
|
|
Re: من ازرق طيبة الى نقد ( نقد نفى استلام الرسالة ) (Re: Osman M Salih)
|
الأخ محمد حامد جمعه
لقد أخطأت في الترويج لرسالة مدسوسة على
كيانين سياسي و ديني ، مدسوسة ومزورة زعُـم
تسربها حتى بلوغها الموقع الألكتروني للمركز
الصحفي الذي تعمل فيه !
خطأ فادح يتوجب عليك أن تجني منه دريس دروس !
كاتب هذه السطور هو ذاته الذي شد من أزرك
في هذا الموقع قبل حين وذلك في هـوجة
موقفين يجمع بينهما قاسم مشترك معلوم
ناصرتك أنا الذي لا يعرف عنك إلا إسماً ضمن
اسماء عديدة أشاركها الكتابة والتساكن
في فضاء .
ماكان دفاعي عنك إلاّ نصرة للحق برغم
تنافر قطبينا سياسياً و فكرياً
وفي الختام سلام
| |
|
|
|
|
|
|
|
|
 Re: من ازرق طيبة الى نقد ( نقد نفى استلام الرسالة ) (Re: عاصم محمد شريف)
|
الشيوعية هنادي يوسف..
المحامية...
تحية المحصل..
وبعدين..
ياهون ده الكلام... الصحي صحي..
والطالع من خشم زول يعني بالشأن الإعلامي للتنظيم...
Quote: عموما في رائي لا توجد قضاضة ان يخاطب الحزب الشيوعي الطريقة الصوفية والعكس فالطرق الصوفية واقع وكيان قائم لا يستطيع من يقراء الواقع بموضوعية وتحليل علمي ان ينكر هذا الوجود.
والموضوع كله هو انتخابات المحامين والمزارعين لان في حركة واضحة وغير مخفية ولا تحتاج لفطنة غباء المخبرين.
وكما زكرت الاستاذة شروق اما ان الوثيقة اتسرقت في طريقها |
لا توجد غضاضة..
دي عرفناها.. بس حكاية والدين أفيون الشعوب..
تنبلع كيفن..
قبل ما نخش يسار ونقول ليكم..
سلوك مكيافيلي.. لا يساوي ثمن المداد الذي كُتب به...
وهذا يعني بالضرورة بالغاية في منهجكم يبرر والوسيلة..
طالما هناك إستنفار...
إذن هناك مشكلة..
عنت بالحشد..
وهي فعلاً حركة اضحة وغير مخفية ولا تحتاج لمجهود...
أما وكون كيف وصلت الرسالة..
فهذا يعني أن أسطورة كون حزبكم..
عندو أخطبوط أمني..
ده كلام طلع ساآآآآآكت..
بدليل حرز الورقة المروسة ..
والمزيلة في قعرها بالمحجم (عفواً الختم)...
فكونها تنسرق.. ده تبرير يعني ذلك أن أمنكم التنظيمي ضعيف..
إذن رد لفرضة ظللتم تفاخرون بها نظام نميري طيلة فترة إختفاء نقد ديكا..
بتاعت النضال المياوي...
وما ليس كل ما يعرف يقال...
وكون ما عندكم سرية عمل تنظيمي..
ده إنتو خليتو حيطة ما شخبطوها...
ولا لين قتال.. ما حرضو فوقو ولا دعمتوهو بكوادركم القتالية..
والفكرية.. والإعلامية.. وترى ياها آخرها دار فور...
الجهة الغربية من هذا البلد الولعتو فيها نيران..
عنصرية.. راح ضحيتها عشرات الآلاف...
يا ناس الإستحو ماتو...
| |
|
|
|
|
|
|
|
|
|
Re: من ازرق طيبة الى نقد ( نقد نفى استلام الرسالة ) (Re: A.Razek Althalib)
|
ابورزقاء الكوز السلفي
محاولة فاشلة وضعيفة
اولا: ربكة انتخابات المزارعين والمحامين
الغرض الاغرار بشيخ عبدالله لتاثيره على مجموعات كبيرة من قرى الجزيرة
وحساباتك زي حسابات انصار السنة ( النقول للناس شيخ عبدالله شيوعي ) الكلام دا كان زماااااااااااااااااان
(الدين افيون الشعوب وزفرة المتضهدين ) دي مقولة بيكون خفظوك ليهافي جلسات الايمانية
يعني الراجل دا قاصد ان تصحو من التخدير بتاع شيوخكم .
عموما الحزب الشيوعي السواني ما في ادبياته كلام زي دا.
نجي لموضوعنا
من اين تحصلت على هذه الورقة يا محصل؟
متورط في تزوير ؟
تنظيمي شنو يا مزوراتية
جئنا لمربط الفرس دارفور والقتل والاغتصاب ووضرب والنيران المولعة والناس المتشردة والاب لا يعرف مصير اولاده والامهات المكلومة - تبا - عنصرية يا كيزان اخر الزمان
| |
|
|
|
|
|
|
|
|
|
Re: من ازرق طيبة الى نقد ( نقد نفى استلام الرسالة ) (Re: hanadi yousif)
|
| Quote: عموما الحزب الشيوعي السواني ما في ادبياته كلام زي دا. |
طيب وشيوعيون في شان شنو...
والكلام ده متين..
بعد إنهيار المركزية.. ولا بعد توابع الإنهيارات.. المتتالية في شرق أوروبا.. وبعض دول المنطقة..
(أثيوبيا.. اليمن .. مثال)..
خصوصاً بعد الشعاع الجهر ..
هنادي يا أختي..
تعرفي الكيزان بطريقتكم دي..
بتخايل لي حيكمونا تاني باقي عمرنا الفضل ده..
يا ناس شغل شخبطة الحيطان دي ما تخلوها..
| Quote: من اين تحصلت على هذه الورقة يا محصل؟ |
يعني يا هنادي أختي..
لو شوية كده رفعت سقف ذكائك المفترض..
ده لي أعلى البوست..
وفي المداخلة الثانية لمحمد حامد جمعة..
بتلقي رابط موقع السي أم سي..
 
هنا..
من على الرابط ده.. http://www.smc.sd/ar/artopic.asp?artID=9328&aCK=AE
موش برضو أحسن تعترفو وتقرو بالخطأ..
وقديماً قيل الإعتراف بالخطأ فضيلة..
وبلاش..
شتارة أو شطارة...
وعينك على كلام أزرق طيبة..
Quote: من أزرق طيبة إلى المناضل محمد إبراهيم نقد
الجمعة 9 ديسمبر 2005
بعد السلام عليكم ورحمة الله تعالى وبركاته
أما بعد
حول ما أثير أخيراً من أزمة حول مشاركة التجمع في الأجهزة التنفيذية أرجو ان لا يثير ذلك حفيظتكم فالخيارات المنطقية للعمل ضد أجهزة الدولة متوفرة وبأشكال مختلفة ومتعددة.
حققنا النجاح المطلوب حول المزارعين وأوصلنا معظم المزارعين لفهم واسع حول رد الحقوق لأهلها وإن كنا نعلم بأن الفوز لن يكون من نصيب التحالف نسبة لظروف متعددة منها الظروف المادية التي لازال التحالف يعاني منها والتي سنضع العلاج الناجع لها في بقية التحالفات النقابية القادمة.
ثاني الأسباب بعد القيادات عن ممارسة حقهم المشروع وتخوفهم من الإنقاذ وبطشها القديم وتصفية حساباتهم بطرق مختلفة.
ثالث الأسباب سيطرة الإنقاذ على الإعلام المرئي والمسموع والإمكانات المهولة التي تتمتع بها الدولة فنحن نصارع دولة منظمة متواجدة بكامل أجهزتها الأمنية والتنظيمية وكافة تنظيماتها الشعبية، الأهم هو التحضير مبكراً للتحالف المحامين والمعلمين حسب المخطط.
أرجو ان لا ننزعج من تصرفات السيد محمد عثمان الميرغني فهذا مقدور عليه من خلال كوادرنا داخل التنظيم المرجعي للميرغني كما أسلفت. فلابد من الاهتمام بقضايا نقابات المحامين والمعلمين وقد رتبت الأمر مع الأخوان محجوب الزبير وحسبو إبراهيم وفتحي سراج ويوسف عبد الله وحاج التوم حسن والسيد وزير الدولة للعمل الدكتور محمد يوسف أحمد المصطفى والسيطرة الكاملة على العمل النقابي في رؤية لاستلام مفاتيح العمل بالدولة أو خلخلتها وقد استطعنا إدخال كوادر نشطة جداً داخل حركة نقابة الإسلاميين في الفترة الماضية فلو حققنا النجاح والفوز على قوائم المؤتمر الوطني في نقابات المحامين والمزارعين والعمال والمعلمين وغيرها سنكون قد حققنا الانتصار المطلوب وإذا لم نستطع ذلك فسيكون عملنا تفكيكها من الداخل بواسطة تلك الكوادر. لا خوف على المرحلة القادمة في ظل المعطيات التي تحققت.
لابد من تنبيه الحركة الشعبية لخطورة ما يفعله غازي سليمان حول بعض الذاتية في مجال انتخابات نقابة المحامين القادمة.
هنالك بعض الملاحظات لموقف المؤتمر الشعبي وعدم وضوح رؤيته في مجال عمل المحامين وتأجيل عمله معنا من خلال حركة المزارعين رغم البداية المشرفة فلابد من الحذر الشديد من تقلبات أمره.
سنحدد وقتاً لاحقاً بواسطة التجاني والشفيع لمقابلة مندوب الأمم المتحدة وترتيب أوضاع التحول الديمقراطي من خلال تجارب العمل النقابي + انتخابات المزارعين القادمة دون تشتيت للجهود الرامية لتقنية القوانين وتحريرها من سلطة الإنقاذ المتواجدة في كل سطر من سطورها.
وشكراً
الشيخ عبد الله الشيخ أحمد الريح
|
كونو شيخ أزرق عضو لجنة مركزية للحزب الشيوعي..
وعلاقتو بالشيوعية إبان دراستو في جامعة الخرطوم دي ما فيها غلاط شدر يابس..
وبالمرة كمان معاك..
عشان تكبرو في عيون الناس..
وبلاش مسائل دار فور..
دي..
أصلوا متحف الهلوكوست في أمريكيا ما مقصرين..
ومعارض خالد كودي..
وأتباعهم من فتية الأنابيب..
الأشاوس..
وبعضاً من فتات أوباش النضال..
والمرتزقين بمعاناة أهلنا هناك..
سمــــح.....
| |
|
|
|
|
|
|
|
|
|
Re: من ازرق طيبة الى نقد ( نقد نفى استلام الرسالة ) (Re: A.Razek Althalib)
|
اشطر كوز يجيد عمل جرائد حائطية- وشكلك محرر اساسي في ساحات الفداء وبتساعد يونس في تقارير الصباح
انصحك حاول اقراء وما تعتمد على الجلسات الايمانية
احييك الامن الاعلامي
قال محمد جمعة
ورطة والله- الله يجازي الورط فيها - كشفك ازرق طيبة يا المخفي
انا كنت قايلة الموضوع محصل -طلع في الامن من ناس الامن (المسعولئن) الكبار
بقى عندنا واسطة في الامن- تاني كان في امنجي صغير جاء عمل حركات بقول ليه انا من طرف ابورزقاء - كمان ما تمشي تعمل فيها ما بتعرفني - حركاتكم دي انا بعرفها الواحد ما يركب عربية سمحة يقول انا من الخرطوم ويرحل وهو اهلوا الخرطوم - ينكر حلتنا-
| |
|
|
|
|
|
|
|
|
 Re: من ازرق طيبة الى نقد ( نقد نفى استلام الرسالة ) (Re: hanadi yousif)
|
المحامية هنادي بت الفضل الشيوعية..
قلتي لي..
| Quote: اشطر كوز يجيد عمل جرائد حائطية- |
صدقيني هذا شرف لا أدعيه..
بعدين أنا ما تبع الجماعة ديل..
| Quote: وشكلك محرر اساسي في ساحات الفداء وبتساعد يونس في تقارير الصباح |
اساسي ما يسمعك..
بعدين الرائد يونس الأرق مضاجعكم..
موش كده...
والقال ليكم عاملين زي الجراء الحايمة حوالين الكلبة الجرباء..
ولا ما ياهون ده يونس الإنتي قاصدها..
حليلك لامن قال.. أما آن لهذا الصنم... في رمزية واضحة لا تحتاج لكثير عناء من التشفير..
أو إلباسها.. طاقية إخفاء...
وهو بيكشف جزء ضئيل من الحقيقة الماثلة قدامكـ زي وثيقة زميل درب النضال أزرق طيبة للشيخ نقد...
| Quote: انصحك حاول اقراء وما تعتمد على الجلسات الايمانية |
صدقيني..
آفة النصح أن يكون جهاراً.. والقراءة أمر رباني..
أقرأي أنتي وربك الأكرم.. الذي علم بالقلم..
وأحييك أنا بتحية الإسلام الخالدة إلا وهي السلام عليكم ورحمة الله تعالى وبركاته.. وبعد.
وحالتي مقطع...
يا هنادي.. وإنت المحامية..
والإعلامية بمكتب التنظيم.. وهذا شرف لا أدعيه..
وبعدين تعالي هنا..
الكلام ده.. شرف ولا قدح في المصداقية..
لو تقصدي إنو أنا.. بتاع أمن..
فهذا شرف لم أنله..
أما والإعلام..
ترى زي ما شايفة.. ياهو لعلعة في الفاضي ساكت..
نشجب ندين..
وفلان قال.. وفرتكان مال..
ونفي وإثبات.. وزي ما شايفة.. ختم أزرق طيبة فوق الورقة المروسة دي ..
عامل زي المحجم القاعد على قفا اليتيم..
خلاص يا بت الفضل.. شغل العيال.. ده مليناهو.. عايزين.. شغل رجال.. بدون شخبطة حيطان..
والحشاش يملأ شبكتو... عشان نبني بلد نتشرف بالإنتماء ليها..
والفيصل لكرسي السلطة.. أشواق الشعب..
وصدق القال..
| Quote: ورطة والله- الله يجازي الورط فيها |
وفرحانة..
ما في ورطة من جانبي أنا.. ولا محمد حامد جمعة..
وأنحن الكلام الجابوهو بالثابتة ده.. من ورق مروس ولا حتى ختم مصدقينو....
بس ورطتكم أكبر... وبتحتاج لشوية إقناع خصوصاً لناسكم الفاتوكم بتاعين حـــق...
ويا شماتة أعدائكم...
قال الدين أفيون الشعوب قال..
| Quote: - كشفك ازرق طيبة يا المخفي |
عيىىىىىىك...
ما قلتو تقدميون..
وأهل حداثة.. ده شنو دي الخرابيط بتاعت علم الغيب دي..
كمان أزرق طيبة.. ببركاتو بقي يشارك علام الغيوب.. في غيبياتو...
غريبة والله..
| Quote: انا كنت قايلة الموضوع محصل -طلع في الامن من ناس الامن (المسعولئن) الكبار |
مسعول وكبير..
يا هنادي خافي ربك..
الكلام ده لامن يقروهو الناس المعانا هنا في الرياض..
بيضحكو فوقك.. وبيقولو شوفو المهوشة دي...
القام عضاها الدبيب قامت خافت من جرة الحبل..
وبعدين كده عيب يا بت..
| Quote: بقى عندنا واسطة في الامن- |
واسطة شنو.. ومحسوبية شنو يا ولية..
يمين بالله.. في واحد قريبنا رأيو في العساكر ديل..
بانيهو على رأي..
خوة الكاب حدها الباب...
قال واسطة قال..
| Quote: تاني كان في امنجي صغير جاء عمل حركات بقول ليه انا من طرف ابورزقاء |
ياآآآآآآآآآآآآآآه.
أمانة ما دربك دخل الموية...
أسمعي..
أزرق طيبة.. ما قال ليكم رتبتي شنو...
أصلوا ناس محمد حامد جمعة ديل خلصو الرتب...
| Quote: - كمان ما تمشي تعمل فيها ما بتعرفني |
هنادي بت يوسف بن الفضل..
وهل يخفى القمر إذا أفل..
يا زميلة الحرف الندي..
| Quote: - حركاتكم دي انا بعرفها |
غريبة والله..
حركات شنو كمان..
الحركات دي أنا ما عرفتها..
| Quote: الواحد ما يركب عربية سمحة يقول انا من الخرطوم |
اللهم لا حسادة ومن خشمك لباب السماء..
تعرفي والغريبة يا هنادي..
العربات السمحة دي..
إلا بنشوفها.. والناس راكبنها وبنقول ما شاء الله..
ونبلع ريق غبار كتاحتها..
شوفتي كيفن..
| Quote: ويرحل وهو اهلوا الخرطوم |
الخرطوم محل الرئيس بينوم..
والطيارة بتقوم..
موش برضو قومية الطابع..
وبعدين تعالي النسعلك..
بدون حمممحمة..
بعد ما أخلجتي تواضعي..
كده يا بت الفضل هسعي عليك الله..
الخرطوم دي بلا ديم التعايشة.. والناس بتاعين الأقاليم....
القاعدين فوق حي الأمراء.. لامن كانو كانو أمراء أم المهدية..
والملازمين وبيت المال ..
وعيىىىىك .. عليك الله هسعي الخرطوم دي حقت منو ..
يا ولية..
كده عيب.. ومرقتي ميطي.. من هدومك..
وبعدين وين ثقافة الريف والحضر.. وبشريات أدبيات كتاباتكم الشوهتو بيها..
حيط الناس...
وبعضاً من سخافاتكم الكتيرة ديك من أدبيات النضال..
والضلال...
والمضي عليها أكتر من خمسون عاماً..
بلا جديد أو تجديد..
لا والله...
أنا زول بقاري زول فريق ساكت...
أتنقل ما بين البادية والحضر..
وحليل..
حلتنا ورمالها..
بحي الجمهورية ـ مدينة نيالا..
وذكريات صبي طفولة..
وطفولة باكرة في مليط.. الحياها محمد سعيد العباسي..
مواليد مدينة الفاشر 22/10/1967م يوم الأحد..
وبعضاً من ألق الأيام الخوالي الكنا ما بنعرف منها إلا مرح السرور..
وجمال روح أهلنا بالجنوب في مدينة يرول..
وكانت الخرطوم محطة...
عمرية قصيرة...
أما أشجاني وحنيني....
وكل الحنين لمدينة برام.. في بدايات مرحلة الثانوي العالي..
طبعاً برام دي بلد محمد حامد جمعة.. (العرب الهبانية)..
وأهلها بدلعوها وبيقولو ليها..
الكلكة ..
فوقها الوز والرز.. والورل الما بفز..
والنقارة البتقول دز...
وتاني برضو بيقولو...
الله خلق في الديار تلاته بزعم أهلها..
(مكة العزاها الله.. وتونس الخضراء.. والكلكة هنتنا دي).. يعني برام حقتنا دي..
بلغوتكم إنتو بتاعين مدني..
طبعاً دي من باب..
وما حب الديار شغفني .. ولكن حب من سكن الديار..
أما وعن اللواء يونس محمود بحسب الزعم في بوست هشام هباني..
قالوا الزول ده كتفو إتملى نجوم ومقصات وصقر جديان واحد بس...
والزول ده وحاتك أسألي عنو ناس ود الرماش..
قالوا قاعد هسعي في ضواحي كسلا...
قائد حامية.. مرابط على الحدود الشرقية..
وسادي ثغر بهناك.. أقر الله عينه..
وأنا ذاتي طبعاً بحب كسلا وأهلا..
كده أمشي أم درمان أسالي عنو..
أو أهلو في ديم التعايشة...
| |
|
|
|
|
|
|
| |
محمد حامد جمعه
إسماعيل وراق
abas
عادل فضل المولى
معتز تروتسكى
A.Razek Althalib
Murtada Gafar
ودقاسم
wadalzain
elsawi
Osman M Salih
ود محجوب
Al Sunda
Abuobaida Elmahi
hanadi yousif
فيس بوك
تويتر
انستقرام
يوتيوب
بنتيريست