رغم الجفا الواضح .. ورغم إنك جيتي ولا عبرتينا لكن يبدو ان وجودك كان كثيفا ومازالت أثارك تنعش الخرطوم وانا والله لا هاكر ولاحاجة مع انه حاجة لذيذة شديد الواحد يقوم يهكر ليه رئيس حكومة بحاله المهم كان مفروض ياستي اسجل خروج من إسمك بمجرد ماوجدته منشط .. لكن تقولى شنو (جايني إحساس انه لغتى زي هاكر زمان داك ) من الصاح فعلا انه اسجل خروج كما أسلفت لكن حقيقي ما إنتبهت للمسألة إلا بعد ماخلاص عايز أشوت موضوعي( طبعاكلمة أشوت الأيام دي بتعمل قلق لناس كدا ) بعد كدا جاتني فكرة أسلم عليك سلام خاص (من الإسم للإسم) وأقول ليك كل سنة وانت طيبة والسنة رئيس ( أد الدنيا) .. وكمان أقول ليك المرة الجاية لمن تجي أبقي اتذكري انه في (بورداب عالم ثالث ) ونرجو ان تدرجيهم ضمن أجندة سيادتكم .. وبرضو أوصيك ان كمبيوترات البلدي دي زي ( أبو اللصيق) لا يوقات بشكل عجيب ما يصدقو يلمو ليهم في طرف زول حلو .. أعملى حسابك المرة الجاية وأعملي تسجيل خروج عشرة مرات على الأقل وأحذري من الصاح التحت تسجيل الدخول .. أجهزة مرض دائما تحرجنا مع الضيوف يلا ياستي العفو والعافية وحطي في بطنك بطيخة صيفي خلاص حا نقطع ريحتك من هنا لووووووووول تسلمي ياستي ارجو ان تكون دعابة خفيفة عليك وعلى السادة المشاهدين .. معاكم الكاميرا الشقية
12-06-2004, 09:02 AM
مريم بنت الحسين مريم بنت الحسين
تاريخ التسجيل: 03-05-2003
مجموع المشاركات: 7727
طبعا اتخلعت خلعتين.. الأولى اني متأكده إنه من الصباح ما كتبت بوست جديد.. والتانيه إني أبداً ما بنادي نفسي "مريومه"! حسيت بمبادي شيزوفرينا في الطحال وكده... لكن اكتشفت إنه الغلط ما غلطي... غايته لكن .. برضه ما عرفته منو الكميرا الخفيه.. يعني لو كتبته لي "قشرومه".. كان قلت ده ناجي.. وناجي لاقيته كان شفته يا أخ "الكميرا الخفية".. لاقيته وقّافي.. شرب معانا عصير ليمون في كافتيريا في السوق العربي.. وما فضل ليه إلا ينبذني لجدي التسعين عشان قلت ليه لاحقه مشاوير...
كده ورينا انت منو.. يمكن تطلع ليك بوزارة ولاّ حاجه...
بنت الحسين
12-06-2004, 09:07 AM
عبدالماجد فرح يوسف عبدالماجد فرح يوسف
تاريخ التسجيل: 05-06-2004
مجموع المشاركات: 1178
العزيزة مريم إعتذار ظننت أن البوست الأول هو نوع الخيال أو دعابة من أحد أصدقاءك أو أقاربك, ولم يخطر ببالي أنك تعرضت لهاكر إلا بعد قراءة تعليق الأخ المحترم سجيمان لك المعذرة وشكرا جزيلا سجيمان
12-06-2004, 10:01 AM
سجيمان سجيمان
تاريخ التسجيل: 10-03-2002
مجموع المشاركات: 14875
Quote: طبعا اتخلعت خلعتين.. الأولى اني متأكده إنه من الصباح ما كتبت بوست جديد.. والتانيه إني أبداً ما بنادي نفسي "مريومه"! حسيت بمبادي شيزوفرينا في الطحال وكده... لكن اكتشفت إنه الغلط ما غلطي... غايته لكن .. برضه ما عرفته منو الكميرا الخفيه.. يعني لو كتبته لي "قشرومه".. كان قلت ده ناجي.. وناجي لاقيته كان شفته يا أخ "الكميرا الخفية".. لاقيته وقّافي.. شرب معانا عصير ليمون في كافتيريا في السوق العربي.. وما فضل ليه إلا ينبذني لجدي التسعين عشان قلت ليه لاحقه مشاوير...
كده ورينا انت منو.. يمكن تطلع ليك بوزارة ولاّ حاجه...
سيجيمان.. كفّر الله سيئاتك.. والله يبعدك من الهكر.. لكن لو زي هكري ده.. ظريف، ما بعمل شي...
ناجي.. الكميرا الخفية ... هو الأخ الهكّر الاسم بتاعي،وقّع كده... قال "دي الكميرا الخفية يا جماعة".. بس لسه ما عرفته.. ياخ إنت قاعد تعمل شنو في الخرطوم.. وين مصادرك الاستخباراتيه؟
ود العباسيه.. إنت عايز جنازه تشبع فيه لطم؟ هضربة عديل كده.. ياخ بس زول لقاني داخله باسمي في محل انترنت في السودان.. حب يعمل حركه ظريفه.. كان قصدك هضربة حمّى؟ الحمّة فكّت
مريومة الحلوة انا حاسة كد ان الكتب الكلام ده شمهروش اصلك بتلقيه في اي نت كافيه بالمناسبة انتي دخلتي من وين؟
انا ما من بورداب الخرطوم جغرافيا لاكن برضو حالومك لوم شدييييييييييييييد كيف تمشي السودان وماتقابليهم احلام, بلقيس, المهندس, عاصم والناس الحلوة دي كلها فاتك نص عمرك
12-07-2004, 11:32 AM
مريم بنت الحسين مريم بنت الحسين
تاريخ التسجيل: 03-05-2003
مجموع المشاركات: 7727
زولة الظريفه كيفك؟ طبعا انا دخلت من نادي الخرطوم للإنترنت... معقل البورداب.. ودخلت نص ساعة.. وجارية جري... والله عاااااااااااااارفه روحي اتلومته.. لكن انا مشيت سته يوم.. فيهم يومين في رفاعه.. ويوم في مدني.. ويوم حق التأشيرة حقت الخروج (دي حصل سمعتو بيها لزول داير يطلع من بلده!)... ويوم عمّك د.أحمد موصيني على شهادات أطلعها ليهو... والللللللللللللللله خالاتي في الخرطوم ما مشيت ليهم في بيوتهم! .. بس انا الخسرانه قطع شك.. بجيكم قريب، شايله معاي فرحه ..
قائمة المشتبه بهم... زولة قالت شمهروش... مين يرشّح؟
أول حاجة وانا بفتش في البوست دا متأكدة اني كتبته عشان كدا فكرة اني افتشه بإسمك ماكانت راكبة لي .. اها اتخيلي زول يفتش حاجاته في بيت زول تاني !! اكيد حا يتخيل نفسه هو الزول داك ولا قريب منو شديييييد .. عشان كدا ما حارضى منك غير بنائب رئيس .. وتاني بقيت اى حاجة باسم ( مريم الحسين) بقول يمكن دي انا يعنى حدث بيني وبين الإسم نوع من الإلفة غريب .. ودي طبعا من محاسن انك تهكر ليك زول ( ما تفهمونا غلط .. دا ماتحريض ولا حاجة ) .. المهم يامريومة والله آسفين على الهكرة الغير مقصودة .. وسعيدين برضو باللقاء الصدفة ونتمنى المرة الجاية نلاقيك في وقت أوسع ..
وتحت تحت انا ما جيت رديت طوالي لأنه حكاية الهاكر دي كانت عاجباني .. وبتخيل نفسي زولة حريفة في الشغلانة .. مع انه حدنا الكي بورد ( طباعة الحروف وخلاص) يلا يا ستي الدينا آخر سنة وجرد حسابات ، أعفي لينا وليك مننا الأماني الطيبة .. وكل سنة وانت أكثر روعة
12-25-2004, 03:11 AM
مريم بنت الحسين مريم بنت الحسين
تاريخ التسجيل: 03-05-2003
مجموع المشاركات: 7727
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
مريم بنت الحسين
عبدالماجد فرح يوسف
سجيمان
ودالعباسية
tmbis
معتز تروتسكى
Ehab Eltayeb
zola123
حبيب نورة
ملكة سبأ
فيس بوك
تويتر
انستقرام
يوتيوب
بنتيريست