ليس دفاعا عن بيان .. بل دفاعا عن الحق !

Quote: عيييييييييك يا دينق من بوست العنصرية في مثقفين الشمال 2002ما شفتك تاني...وين يا جميل ما جيت حجبوك ولى نسيت وانت بيان دي قايلة براها كوزة...الكوزنة وعي وسلوك وبقى في السودان لحدى الان عشرة مليون كوز قابلين للزيادة كل يوم طالما الوعي المضاد ذى وعيك ده ده وكمان في كيزان مسيحيين رايك شنو في كوزنة لام اكول مثلا وهسه نحن قاعدين السنين دي كلها ندافع عن الحركة الشعبية ومشروعها السودان الجديد بعد ما مات جون قرنق الله يرحمو وانت بدل ما تفزعنا مباري لي ناس قريحتي راحت ديل بيان قامت بيان قعدت.....اخجل من نفسك ياخ...نحن بنصارع مشاريع مش اشخاص يا عزيزى بيان ما عنصرية ولا كوزة العنصرى والكوز انت وبتشوف نفسك في مراية بيان وده في العلم النفس السياسي يسمى الاسقاط PROJECTION وقبل كده قلت علي كوز وانت تحسب عليك دائما كل صيحة هم العدو هسه ...انت حركة شعبية؟؟؟؟ بالله ما تباري لينا الشيوعيين ديل حتى لا يدخلو بيك في جحر ضب خرب ناس كثيرة موجودة في البوست ده ما كيزان والنفرض كيزان يعني شنو اصحى با بريش نحن في سنة 2007 والبورد ساحة اكثر من راي واذا اساءت ليك بيان باي كلام عنصري كما فعل البعص هنا جيب نشوف وعيزنك تكلمنا عن الفدرالية لو امكن سلام يا صاحبي