|
|
|
 Re: سفر ما قبل الجهاد....... مناضل (Re: bayan)
|
أموت يا وطنى
بى خنجر مكايد الحاشية والطاغية
ولا الشايلين اسم ثوار
وهم عصبة المافيا
اقوم يا وطنى من جرحى
واشوف بى رؤية العافية
جروحك فى المزاد للبيع
واسمك فى خشوم لاهية
خالتنا استاذه بيان
كل عام وانتي بخير
عجبني المقطع الفوق ده...
اكوام من السلام وتلال من التحايا
لى قدام
| |
 
|
|
|
|
|
|
|
|
Re: سفر ما قبل الجهاد....... مناضل (Re: benyya)
|
Quote: وبين تنكيل قلم جاهل
وتحليل حملة الاختام
بقيت ثائر بدون تاريخ
وراجى اشارة الاعدام
وكل التهمة ما ساومت
واستسلمت للاحلام
و استنيت خلاص بلدى
بايد ثوار من المريخ
سيوف ميتة وطول اقزام
كرهت تفاهة الثوار
وكت يبقى النضال "قعدة"
كرهت قصائد الحفلات
عن "الثورة" وعن "الجبهة*"
كرهت معارك الأحقاد
تحيل اسم البلد لعبة |
بنيتى العسل
شكرا للطلة نفس الابيات ديك عجبتنى
شوفى دى مش معبرة؟
لك من الحب والتقدير اطنان
| |
|
|
|
|
|
|
|
|
|
Re: سفر ما قبل الجهاد....... مناضل (Re: bayan)
|
| Quote: * الجبهة هنا مقصود بها الجبهة الديمقراطية |
دكتورة بيان
تحيّة
ذكّرتينى نكتة أيّام كانت الحكومة جديدة ومعظم الناس بتتكلّم عن إنّها حكومة بتمثل الجبهة الإسلاميّة ولم يكن الأمر واضحاً للجميع حينها ..
قسم الأخبار فى التلفزيون كان مفروض ياخُد صورة للبشير باللبسة العسكريّة ، فالمصوّر وقف قدّام البشير عشان يلتقط الصورة وقال للبشير : لو سمحت ياريس بس ترفع الكاب من وشّك شويّة . البشير قال ليهو بإبتسامة سخريّة : ( لكن انا ماماعاوز الجبهة تظهر فى الصورة ) ..
| |
|
|
|
|
|
|
|
|
|
Re: سفر ما قبل الجهاد....... مناضل (Re: bayan)
|
هاشم ده جـنّ وللا شنو؟. يعني يا بيان كل نضال المناضلين بتوع النضال من أجل الحرية وحقوق وحقيقات اللنسان إنسان جاوة الأول والإنسان الأول الذي عرف النار وبووووووووووووووف طلعها من الحجر .. وكششششششششششش ولعها في الصريف. يعني كل الكلام ده يجي هاشم صديق يقول ما أكتر من سكرة أو سطلة بالليل؟. هذا كلام غير مقبول إطلاقاً .. ومن دربي ده أنا ماشي أكلم كبير مسعولي حقوق الكدايس والراس الدايش.
أنا نعست.
وين الكلام بتاع سكلتك أمك؟. فتشي لينا على عبد المنعم الجزولي عشان نسوي لينا راكوبة نضالية لزوم نيفاشا وكلام من ده.
أنا نمت.
| |
|
|
|
|
|
|
|
|
|
Re: سفر ما قبل الجهاد....... مناضل (Re: لؤى)
|
لوووووووووووووول
وتانى لوووووووووووووول
عارف يا لؤى انا مشيت امريكا خليت ناس الجبهة ديل
ناس اليسار
جيت راجعة لقيتهم بقو الاسلامين
عارف اسع القصائد القديمة دى الا تتنشر بحواشى عشان
الاجيال الجديدة تفهمها
كويس..
شكرا ليك مليون على لطفك
ومودتى
| |
|
|
|
|
|
|
|
|
|
Re: سفر ما قبل الجهاد....... مناضل (Re: bayan)
|
تابع
نتفلسف عن الثورة
وعن المنفى وعن الاحباط
ونتحذلق عن المعنى
وعن الاسقاط
ونتحامل على التأريخ
ونجرح صحاف الشرفا بالتلميح
ونتفنن فى ختم الشعرا بالاختام
ونغرق فى بخار التيه
وننبدل سيوف افعالنا بالاحلام
وفى الدوامة
تتبدل سمانا سواد
يموت معنى الوطن
وفى زفة الاوغاد
يضيع نبض الوطن
فى زحمة الاحقاد
يئن شرف الوطن
من جزمة الاسياد
يغيب شرف الكلام
فى بحة المذياع
وفى تهويمة التلفاز
وفى مسرح صبح مشنوق
بحبل المافيا
من جنس الحطام" وشواذ"
تتصارد حروف الحق
ويعود معنى الثقافة جناز
وتقوم الزفو
عن اعيادها بالتعيين
ويصير عيد الفنون تأبين
متين كان الحرف مصنوع؟!
متين شبت ثقافة الامة
فى الصحرا
والحصاد والجوع
تعيش يا معنى كلمة لا
تدك الحصن الضلال
بى اشرف الاشعار
تعيش يا وطنى
رغم جروحك المليون
ورغم المافيا والانصار
تعيش يا شعبى صف مضموم
بساعج العافية والاضرار
أحبك
لا بقع فى الشين
ولا بسكن لوجع الفجعة
فى جرح العذاب الخاص
اقوم من كل جروحى وأقيف
وفى ساحتك
الممهورة بالرصاص
واصيح فى مسمع التأريخ
اقول عن أزمة الراجين:
شباب واقف على السكين
بيسأل بى عقل ملهوف
تددق ساعة الحرابة متين؟
انحنا سواعد الجبهة
وسيوف الجبهة تصحا متين؟
اصيح فى مسمع التأريخ
اوقل عن معدن الراجين
شباب ثورى وديمقراطى
وقلب واعى وصاحى
شباب واقف
سنين مشتاق
تقوم الجبهة من تعسيلة الاوراق
تقوم الجبهة من تعسيلة الاوراق
انتهت
الى اللقاء فى الحلقة الجاية مع قصيدة انانسى لصلاح احمد ابراهيم
| |
|
|
|
|
|
|
|
|
|
Re: سفر ما قبل الجهاد....... مناضل (Re: bayan)
|
شكرا جزيلا
للخناجر للمغايس
للمتاريس للدسايس
للطريق
لامن يضيق
للوجع
سوى البدع
فتح مدارس
شكرا جزيلا
للأمل وسط السراب
لى حراب
ناس قراب
للعذاب
فى كل باب
للمحكات العجيبة
والمشاوير الغريبة
لى تمن
عشق الوطن
جمر الضريبة
شكرا جزيلا
للعصار
للغبار
للبروق
الباقة نار
للملمات الكبيرة
للأسى
اللف الجزيرة
الكتب الغنا
وضو البصيرة
شكرا جزيلا
لى سلاطين
الحسادة
للصعاليك
والسيادة
للابر
فوق الوسادة
للحفر
فى كل ممر
للركوب
وسط الخطر
لى ملوك
فن النميمة
للأباطيل اللئيمة
والأساطير
القديمة
لى جبر
كسر العذيمة
والعبور
فوق الهزيمة
شكرا جزيلا
للكآبة
لى طبول
عصر الحرابة
للتفاسير
للتقارير
للرقابة
للجروح
الفتحت ورد الغنا
وفجرت
شبق الكتابة
هاشم صديق
نأسف لعدم التمكن من طباعة قصيدة أنانسى ..فى بحر هذا اليوم سانشرها باذن الله
| |
|
|
|
|
|
|
| |
bayan
benyya
لؤى
Shinteer
almulaomar
فيس بوك
تويتر
انستقرام
يوتيوب
بنتيريست