|
|
 لماذا يحجم بعض بورداب الخرطوم القدامى والجدد عن المشاركة في النشاطات !
|
هنالك الكثير من بورداب الخرطوم القدامى والجدد يحجمون عن المشاركة في التجمعات والأنشطة المتنوعة التي تقام بمبادرات فردية أو جماعية من البعض وبخاصة في المناسبات المختلفة مثل إفطارات رمضان أو رحلات العيد او حتى الكثير من المناشط المتناثرة هنا وهناك على مدار العام ..!
هنالك الكثير جدا من البورداب القدامى وبعضهم تسجيل 2002 و 2003 ألتقيتهم كثيرا في عدة مناسبات ولكني لاحظت احجامهم وتهيبهم من حضور انشطة البورداب التي يعلنها ويقيمها البعض .. يتعلل الكثيرون منهم بالمشغوليات واخرين لديهم تحفظات وآراء لا يخفونها في التجمعات نفسها ..!
وكذلك الحال بالنسبة للبورداب الجدد .. الكثيرين منهم يتهيبون اللقاء مع أخوانهم لأعذار مختلفة وصراحة الكثير من الأعذار غير مقبولة وحتى التخوفات التي يبدونها لا مبرر لها ..!!
اتمنى ان يتداخل المعنيون هنا لمناقشة الأسباب على المكشوف ..!!
|
|
 
|
|
|
|
|
|
|
 Re: لماذا يحجم بعض بورداب الخرطوم القدامى والجدد عن المشاركة في النشاط (Re: salah awad allah)
|
كيفك صلاح ورمضان كريم ..
والله اشهد لك بأنك تسبقنا دائما للمواصلة والسؤال وتفقد البوردب .. ورغم اقامتك خارج العاصمة الا انك لا تقصر ودائما سباق للاتصال والسؤال عن الناس وحتى عند حضورك تشاركنا .. والناس لي هسي بتتذكر طعم أم جنقر من رمضاننين لي ورا انت جبتهم معاك ..!
ظروف الناس أي نعم ضاغطة لكن مرات في فرقات والناس بتحاول تتواصل ..!
لكن أنا بتكلم عن ناس ولا حتى فكرت في أجر المحاولة ..!!
| |
|
|
|
|
|
|
|
|
|
Re: لماذا يحجم بعض بورداب الخرطوم القدامى والجدد عن المشاركة في النشاط (Re: ناذر محمد الخليفة)
|
تجربتي مع لقاءات البورداب :
2004 تقريبا لمن رجعت السودان كنت ما بعرف أي بوردابي بصورة شخصية ما عدا واحد أو اتنين .. اذكر مرة في واحدة من مقاهي الانترنيت في الخرطوم قابلت صديق عزيز جدا وزميل دراسة . وبعد السلام والنضمي عرفت انو هو عضو قديم في سودانيز أون لاين .. الزمن داك كان في بوست مفتوح عن دعوة لرحلة نيلية بقيادة ابو ساندرا كان ما خانتني الذاكرة ..!
صحبي دا قال لي نحن برضو بورداب رايك شنو نمشي الرحلة دي ؟! قلت ليهو يا زول أبعدني من التجمعات دي ! أنا لسع جديد في البلد وما فاهم الأمور هنا بتدار كيف ؟ والناس ديل ما عارف مويتم شنو ؟ وفعلا ما مشيت الرحلة وصحبي برضو ما مشى ..واكتفينا بمتابعة الرحلة وصورها من النيت ..!
اذكر بعد داك كان في البوردابي اليمني نزار غانم دعا لي جلسة سمر ومنتدى مصغر في بيتو في العرضة .. قلت امشي اشوف الحاصل شنو وكان أهم دافع لي للمشي هو الأستمتاع بأغنيات العاقب محمد الحسن البرع فيها نزار غانم .. وفعلا مشيت البيت والراجل ما قصر وكان البوردابي الوحيد الحضر المنتدى بخلاف شخصي هو البوردابي (المهندس) واتعرفت عليو لأول مرة ..!
بعد المنتدى تبادلت السلام مع المهندس وبالجد راجل مهذب جدا وبيعرف كيف يكون شبكة علاقات اجتماعية .. وأذكر دعاني لي لقاء البورداب بعد فترة في حديقة أمدرمان الكبرى في الجزء الغربي منها .. وفعلا مشيت وكان ضيف الشرف الفنان الهادي حامد ود الجبل .. وكانت أول مرة التقي فيها بعدد من البورداب منهم حسين ملاسي وناجي الملك وعبير خيري وتقريبا سفيان نابري والسفير جمال وكثيرين لا اذكرهم ..!
بعد داك ليبيا فتحت وكان اللقاء الضخم في دار اتحاد جامعة الخرطوم تقريبا وكانت أول مرة أقابل تبلدينا وطلال عفيفي وعادل كولور وفاضلابي وابراهيم بقال ..!
وأتذكر دي كانت أول مرة اقابل فيها الأخت أمنة مختار قبل ما تكون عضو في المنبر وكانت وقتها تبحث عن العضوية ..!!
وتوالت اللقاءات مع البورداب .. رحلات توتي والجبل وحدائق ستة أبريل والرياض ,وعيزومات منزلية خاصة ومناسبات زوج وخطوبة وحدائق المطار وعييييييييييييييك ..!
ومنها اكتشفت انو مجتمع البورداب دا سهل جدا الاندماج فيهو وتشكيل علاقات من خلالو بغير تخوف او رهبة زي ما كنت فاكر في الأول ..!
وأكيد أي زول من البورداب حا يكون عندو قصة مماثلة زي دي ..!!
فيا بورداب قدامى وجدد .. أكسروا الحواجز والقيود وصدقوني ما حا تشوفوا مننا الا كل خير ..!!
| |
|
|
|
|
|
|
|
|
|
Re: لماذا يحجم بعض بورداب الخرطوم القدامى والجدد عن المشاركة في النشاط (Re: ناذر محمد الخليفة)
|
من الممتنعين أو المتحفظين على مشاركة بورداب الخرطوم نشاطاتهم شخصيات من العيار الاعتباري الثقيل . ورغم أن بعضهم من المشاركين في المنبر بصورة دائمة أو متقطعة الا ان مشاركتهم في نشاطات البورداب على الطبيعة شبه معدوم ..!
من هؤلاء :
رؤساء تحرير وصحفيين مشهورين
وزراء او بدرجة وزراء ومعتمدين ..
أطباء في تخصصات نادرة و أطباء أختصاصيين
فنانين ومطربين وتشكيليين .
محامين وقضاة وعباقرة كمبيوتر ..
رجال دين وطرق صوفية ..
رجالات ونساء مجتمع مدني ومنظمات فاعلة ..
وغيرهم وغيرهم ..
فلماذا لا يشاركنا هؤلاء ليستفيد الكثيرين من خبرتهم عبر المبادرات المطروحة والمشاريع القابلة للتنفيذ لخدمة المجتمع ..؟!
| |
|
|
|
|
|
|
|
|
|
Re: لماذا يحجم بعض بورداب الخرطوم القدامى والجدد عن المشاركة في النشاط (Re: ناذر محمد الخليفة)
|
.
ناذر رمضان كريم
طالما الموضوع تجارب شخصية
فأنا بوردابي قديم
لكن مرة بالخارج و مرات بالداخل
و مرة واحدة جيت مع البورداب في بيت الفنون
و كان يوم من أروع ما يكون
كان فيهو تماضر شيخ الفــن..و طارق أبوعبيدة..و..دكتورة إشراقة...من ناس برة
تاني ما حصل تصادف أنا بالخرطوم و قلت (و الله ما ماشي ليهم)
هسع فطور الجمعة دة مرتبطين مع موعد سبقه
و كنت بسأل بتقعدو، بعد الفطور، لا متين
ع شان نشطف الفطور داك سريع و نجيكم
لو بتسهروا
.
| |
|
|
|
|
|
|
|
|
|
Re: لماذا يحجم بعض بورداب الخرطوم القدامى والجدد عن المشاركة في النشاط (Re: العوض المسلمي)
|
Quote: بعد داك ليبيا فتحت وكان اللقاء الضخم في دار اتحاد جامعة الخرطوم تقريبا
وكانت أول مرة أقابل تبلدينا وطلال عفيفي وعادل كولور وفاضلابي وابراهيم بقال ..!
وأتذكر دي كانت أول مرة اقابل فيها الأخت أمنة مختار قبل
ما تكون عضو في المنبر وكانت وقتها تبحث عن العضوية ..!! |
يا لها من عضوية تلك التي بحثت عنها حتى أوصلها البحث لدار اتحاد طلاب جامعة الخرطوم!
| |
|
|
|
|
|
|
|
|
|
Re: لماذا يحجم بعض بورداب الخرطوم القدامى والجدد عن المشاركة في النشاط (Re: Hussein Mallasi)
|
كدي يا شباب قبل ما نجي نرد على المتداخلين والفيسبوكاب ارجو أنكم تتطلعوا على البوست دا من الأرشيف .. دا بوست انطباعات كتبتو الزمن داك حول لقاء البورداب بدار اتحاد جامعة الخرطوم في 2005 ، ومنو حا تعرفو حجم التوتر أو الترقب بين الناس الأول مرة تتقابل وطريقة التعامل .. امكن غايتو يكون معين لي البورداب الجايين يتعرفوا علينا في كسر الحواجز :
طبعا في دراسة غير علمية عملتها قبل كدة في المنبر دا أتضح انو الكتير من الناس ما عندها زمن أو أخلاق تضغط على روابط فرعية جوة البوست عشان كدة قلت أتبع الطريقة دي عشان الناس تلقى البوست قداما وتقراهو عادي ...!
| |
|
|
|
|
|
|
|
|
|
Re: لماذا يحجم بعض بورداب الخرطوم القدامى والجدد عن المشاركة في النشاط (Re: ابو يسرا)
|
سلامات يا ناذر ..
عن نفسى احرص تماما" على حضور تجمعات البورداب والانشطة ما امكن ..
حيث ان سفرى المتواصل يحول دوما" بينى وبين التواصل ..
ولدى ملاحظتين ..
ساس يسوس بقت تطفو على السطح ومسيطرة على تصرفات البعض خلال التجمعات والنشاطات بصورة او بأخرى ..
كما وان بعض الشخصيات بتكون مركبة مكنة الاسافير وبجينى احساس انها بتحاول تفرض نجوميتها الاسفيرية على أرض الواقع ..
دى مجرد أشياء عابرة لم تمنعنى من تكوين صداقات متينة مع أغلب البورداب العرفتهم وهم كثر ..
ورمضان كريم يا عزيز
| |
|
|
|
|
|
|
|
|
|
Re: لماذا يحجم بعض بورداب الخرطوم القدامى والجدد عن المشاركة في النشاط (Re: ابو يسرا)
|
هلا أيمن محمود ..
Quote: عتقد انه يمكن تعميم التساؤل ليكون: لماذا يحجم بعض البورداب القدامى والجدد عن المشاركة في النشاطات المختلفة - موضوع افطار بورداب الرياض كمثال !
تحياتي يا ناذر ورمضان كريم |
طبعا الحالة عامة .. وحا تلقى في كتير من العواصم في إحجام ..
أنا اتخايل لي المشكلة في كسر الحاجز وزي الزول لمن يجي أول مرة وما بيكون بيعرف زول .. بيلقى نفسو كدة زي الغريب وسط ناس بتعرف بعض .. لكن اكيد مع التعارف والاندماج وسط الناس الحواجز دي بتنكسر ..
| |
|
|
|
|
|
|
|
|
|
Re: لماذا يحجم بعض بورداب الخرطوم القدامى والجدد عن المشاركة في النشاط (Re: ابو يسرا)
|
سلام يا حيدر ..
Quote: الصور والفيديوهات .. خلو عادة عابطة الصور والفيديوهات دي والناس بتجيكم
|
طبعا في ناس عندها حساسية في قصة الصور والفيديوهات دي .. لكن زي الفعاليات دي لازم نوثقا للذكرى والتاريخ ..!
طبعا في ناس بتخاف من التصوير بوهم انو بورداب الخرطوم أو بعض منهم أمنجية هههههههههه
غايتو يا ريت لو الناس تتخلص من الحاجة دي وما في زول بيصوروهو غصبا عنو ..!
تعالوا انشالله لابسين كدمول !! المهم حضوركم ..!
| |
|
|
|
|
|
|
|
|
|
Re: لماذا يحجم بعض بورداب الخرطوم القدامى والجدد عن المشاركة في النشاط (Re: ابو يسرا)
|
شيخ العوض كيفك ..
Quote: بوست جميل وراقي بشبه ناذر الخليفة الفنان
فعلا نحتاج لتواصل اجيال فاين المهندس وعبير خيري واسماعيل حميم والكثيرين الذين كانوا رموزا لهذا التواصل ..
اتمني ان يجد هذا البوست حقه من الاهتمام من بورداب الخرطوم |
فعلا التواصل مهم .. ويا ريت الرواد المذكورين هنا يظهروا ويشاركونا بالحضور ..
وكمان ما ننسى :
ناجي الملك
الفاتح وديدي
منى خوجلي
مريم عز الدين
نادية مختار
صباح احمد
الطاهر ساتي
ضياء الدين بلال
جمال الصادق
جمال ادريس
السفير جمال وحرمه
عثمان فضل الله
فيصل محمد صالح
الجنرال أحمد طه
عادل كلر
محمد شبشة
طلال عفيفي
عصام عبد الحفيظ
عمرو كمال ..
سجيمان
بروف قرض
الفاتح جبرا
اشراقة حيمورة
ملكة سبا
خالد ماسا
نادية السر
طارق الأمين
عوض شكسبير
وكتيرين كتيرين ما استحضرم هسي لكن كانوا بيداوموا حضور الانشطة المتنوعة وفجأة توقفوا عن التواصل ..
أتمنى ظهورهم جميعا ..!
| |
|
|
|
|
|
|
|
|
|
Re: لماذا يحجم بعض بورداب الخرطوم القدامى والجدد عن المشاركة في النشاط (Re: ناذر محمد الخليفة)
|
كيفك الشاذلي ..
Quote: ولدى ملاحظتين ..
ساس يسوس بقت تطفو على السطح ومسيطرة على تصرفات البعض خلال التجمعات والنشاطات بصورة او بأخرى |
فعلا دي حاصلة .. لكن بعتبرا ظاهرة صحية لو تم التعامل معها بأنضباط وبدون عصبية ..
| Quote: كما وان بعض الشخصيات بتكون مركبة مكنة الاسافير وبجينى احساس انها بتحاول تفرض نجوميتها الاسفيرية على أرض الواقع .. |
غايتو في دي لو الشخصيات دي حشاشة التملا شبكتا ..!
لكن اكيد في بون شاسع ما بين عالم الأسافير والواقع ..!!
| |
|
|
|
|
|
|
|
|
|
Re: لماذا يحجم بعض بورداب الخرطوم القدامى والجدد عن المشاركة في النشاط (Re: احمد النور عبد الله)
|
Quote: ناذر رمضان كريم
طالما الموضوع تجارب شخصية
فأنا بوردابي قديم
لكن مرة بالخارج و مرات بالداخل
و مرة واحدة جيت مع البورداب في بيت الفنون
و كان يوم من أروع ما يكون
كان فيهو تماضر شيخ الفــن..و طارق أبوعبيدة..و..دكتورة إشراقة...من ناس برة
تاني ما حصل تصادف أنا بالخرطوم و قلت (و الله ما ماشي ليهم)
هسع فطور الجمعة دة مرتبطين مع موعد سبقه
و كنت بسأل بتقعدو، بعد الفطور، لا متين
ع شان نشطف الفطور داك سريع و نجيكم
لو بتسهروا |
الطيب بشير
من حضر البورداب سهر الليالي
تعالونا تجدونا نحن ضيوفكم
0912190458
| |
|
|
|
|
|
|
|
|
|
Re: لماذا يحجم بعض بورداب الخرطوم القدامى والجدد عن المشاركة في النشاط (Re: ناذر محمد الخليفة)
|
ناذر الخليفة
لك التحية والاحترام
بالجد بورداب الخرطوم كانوا اسرة واحدة ومشاركين في كافة المحافل الاجتماعية في رمضان والاعياد وحتي الاعراس والمناسبات الخاصة كنا نشكل حضوراً
وكنا بنعمل بوستات وندورها تلفونات والناس تجمع وتجتمع علي راي موحد وكلمة واحدة ولو البورداب الجدد رجعوا للارشيف حيلقو كل الانشطة السابقة
لبورداب الخرطوم لكن الان الناس انشغلت بمشاغل الدنيا الكتيرة فمنهم من غادر الخرطوم متجهاً للولايات ومنهم من غادر خارج السودان ومنهم من بقي
في الخرطوم ولكن لا يستطيع التحرك بدون الاخرين لان النشاط كان يديرها اشخاص محددين ،، شخصياً غادرت الخرطوم واقيم بالفاشر حالياً منذ
سنتين ونصف وبجي الخرطوم في فترات متقطعة وبرضو كنت بتواصل مع بعض الاخوة ولكن مشاغل الناس كترت وحال دون اللقاء ويا حليل اخوة
كانو كالاشقاء غادرونا الي دولتهم الجديد ، شول ، دوت مجاك واخرون ، كنت اتمني لو ساعدني الظروف لحضور افطار الاخ ذو اليد ولكن بعدي
عن الخرطوم حال دون ذلك ونتمني ان يقام افطار اخر في يوم 15 الي 20 رمضان بمقر اتحاد الصحفيين ونجيكم انشاء الله ليوم واحد نحضر
الافطار ونرجع وياريت تتبني هذا الاقتراح يا ناذر وتحدد الموعد قبل ثلاث ايام حتي نتمكن في اجراءات الحجز والحضور ،، مباشرة بعد افطار
الاخ ذو اليد حدد لينا موعد للافطار الثاني ،
ولكم التحية والتقدير اسرة بورداب الخرطوم القدامي اينما كنتم والجدد مرحباً بكم
| |
|
|
|
|
|
|
|
|
 Re: لماذا يحجم بعض بورداب الخرطوم القدامى والجدد عن المشاركة في النشاط (Re: د. ياسر عبد القادر)
|
وغير الصور يا ناذر .. عندكم المستصحف ملاسي وما يمارسه من bullying تجاه بعض الاعضاء لدرجة انهم يزهدوا في البورداب ومقابلة البورداب..
هسع امنة مختار دي لو ربطوها وقالوا ليها بنعيينك سفيرة النوايا الحسنة ومندوبة العلاقات العامة بالجبهة الثورية بتجي لمة بورداب فيها ملاسي ؟؟!
ما بتجي لانه حتى لو ملاسي المتنمر غاب فهي حا تعمل حساب وهبة الما بيسلم عليها دا؟!
ــــــــــــــــــــــــــــــــــــــ..
انا بقترح اول شئ تعمل دورة مسكنة وتدجين وتهيئة لبورداب الخطروم بعدم ممارسة الرش تجاه اخوانهم بورداب الخرطوم وتحسين كيمياء دماغهم عشان يبقوا طيبيييييييييييين شديد في البورد زي بورداب الرياض زمان..:)
| |
|
|
|
|
|
|
|
|
|
Re: لماذا يحجم بعض بورداب الخرطوم القدامى والجدد عن المشاركة في النشاط (Re: Kostawi)
|
l مع وجود بعض الاستثناءات ، بورداب الخرطوم مثلهم مثل محموعة جمعتها إحدى الأسواق . لا شئ يربطهم إلا الصدفة التي تجمعهم ثم ينصرفون دونما أثر وهم ينتظرون لقاء الصدفة القادمة . ولا يمكن مقارنة بورداب لخرطوم بأي مجموعة بورداب أخرى خارج السودان ، ببساطة لأن أهل الخارج دائما يحسون بالحاجة إلى التلاقي والتواصل والتعارف ، لكن هنا كل منهم له أهل وأصدقاء وله قبيلة وله حي وله فريق وهكذا ، فلا يهمه أن تزداد قائمى أصدقائه أو تنقص ...
| |
|
|
|
|
|
|
|
|
|
Re: لماذا يحجم بعض بورداب الخرطوم القدامى والجدد عن المشاركة في النشاط (Re: ودقاسم)
|
اشكر الجميع على المداخلات ..
البوست بوستكم وقرأت جميع الملاحظات والمداخلات ..
أحب أن أشكر كل من اتصل من بورداب الخرطوم القدامى والجدد واكد حضوره لافطار يوم بعد غد بعد قراءة هذا البوست ..!
وأشكر أيضا كل منن تداخل هنا واكد حضوره ..
مداخلة ود قاسم الأخيرة مهمة جدا يا شباب ما تجهلوها .. وأنا اتفق مع ما جاء فيها مع بعض التحفظات ..
| |
|
|
|
|
|
|
|
|
|
Re: لماذا يحجم بعض بورداب الخرطوم القدامى والجدد عن المشاركة في النشاط (Re: قاسم المهداوى)
|
يا ناذر
نشاطكم تعبان
هسي الدعوة دي واحد فيكم لباها؟ واذا دعاك فاجبه
Quote: تدعوكم اسرة اصدقاء السياحة السودانية لافطارها السنوي الثاني
يوم السبت 11 رمضان بالساحة الخضراء
حضوركم يشرفنا
يتواصل البرنامج الثقافي والاجتماعي وتقام امسية تدريب موارد بشرية
صلاح غريبة - مؤسس اصدقاء السياحة بالسودان |
اتوقع انك وذو اليد ممكن تشاركوا في الفعالية يوم السبت وفرصة انه يوم الجمعة تعزموا او تكلموا الناس بالدعوة دي عشان الحضور يكون مشرف وترفعوا راس اخونا غريبة
| |
|
|
|
|
|
|
| |
ناذر محمد الخليفة
MOHAMMED ELSHEIKH
salah awad allah
أيمن محمود
HAIDER ALZAIN
معاذ الدخري
الطيب بشير
العوض المسلمي
Hussein Mallasi
ابو يسرا
الشاذلى خيرى عبد الله
ذواليد سليمان مصطفى
د. ياسر عبد القادر
محمد حمزة الحسين
ابراهيم بقال سراج
Faris Mohamed
بكري الخير
Ahmed musa
Kostawi
ودقاسم
Hani Arabi Mohamed
قاسم المهداوى
محمد عمر الفكي
فيس بوك
تويتر
انستقرام
يوتيوب
بنتيريست