|
|
|
 Re: إفطار بورداب الخرطوم السنوي الأول .. الدعوة عامة ..!! (Re: ناذر محمد الخليفة)
|
إقتراح اتمنى الناس توافق عليهو ..!!
أقترح الإفطار الأول يكون في أمدرمان تحديدا عشان ما حصل فطرنا فيها مجموعة .
والأفطار يكون في :
منزل أخونا ذو اليد ..! أي زول يجيب معاهو أفطار ونمشي عليهو كلنا كدة نرضيو عشان ما ياخد في خاطرو مننا .. لأنو ما بنقدر على مقاطعتو لينا في الافطارات .. خاصة قدح العصيدة وشراب أم جنقر ..!
أها يا أخوانا رايكم شنو ؟!!
وذو اليد لو قال برضو مقاطع وما موافق .. برضو نمشي نشيل بتاعاتنا ونفرش نفطر قدام بيتو حتى لو هو ما معانا ..!!
| |
 
|
|
|
|
|
|
|
|
Re: إفطار بورداب الخرطوم السنوي الأول .. الدعوة عامة ..!! (Re: ناذر محمد الخليفة)
|
Quote: ذو اليد والله زي ما قال ليك مزمل خيري .. ادبتنا ادبة شديدة خلاص بي عدم جيتنا لي عرس أخوك ..!
بس ما تشيلا لينا كدة ..
رمضان كريم يا man !! |
ويا ناذر زيادة في الخير ما عندنا مانع ندخل في وساطة حميدة لإرضاء ذو اليد..
بقيادة الربان أبوحسين.. (أصلو عندو معزة خاصة ليهو)..
ويا ابو الزوز.. سامح الجماعة والدنيا رمضان..
وبعد العيد ارجع للمقاطعة لو عايز..
| |
|
|
|
|
|
|
|
|
 Re: إفطار بورداب الخرطوم السنوي الأول .. الدعوة عامة ..!! (Re: ناذر محمد الخليفة)
|
Quote: إقتراح اتمنى الناس توافق عليهو ..!!
أقترح الإفطار الأول يكون في أمدرمان تحديدا عشان ما حصل فطرنا فيها مجموعة .
والأفطار يكون في :
منزل أخونا ذو اليد ..! أي زول يجيب معاهو أفطار ونمشي عليهو كلنا كدة نرضيو عشان ما ياخد في خاطرو مننا .. لأنو ما بنقدر على مقاطعتو لينا في الافطارات .. خاصة قدح العصيدة وشراب أم جنقر ..!
أها يا أخوانا رايكم شنو ؟!!
وذو اليد لو قال برضو مقاطع وما موافق .. برضو نمشي نشيل بتاعاتنا ونفرش نفطر قدام بيتو حتى لو هو ما معانا ..!! |
مرحب بيكم والدار داركم والبيت الفسيح يشيل كل اهل السودان
هذا من شيمتنا ان نكرمكم ونستقبلكم في دارنا
ولكن اخجلتموني في تواضعكم ايها الاحباب الاوفياء
حضوركم يشرفني اكثر ويزيدني فخراً
فهلا تفضلتم في دارنا
فانتظاركم
| |
|
|
|
|
|
|
|
|
|
Re: إفطار بورداب الخرطوم السنوي الأول .. الدعوة عامة ..!! (Re: بدر الدين اسحاق احمد)
|
اتفقو لينا علي مكان وزمان محدد بأجماع كل الناس عشان نحاول نرتب الجية من الفاشر لحضور هذه المناسبة المهمة جداً بعد غياب دام فترة طويلة
نريد لم شمل البورداب لنكون كما كنا في السابق ، اثني اقتراح الاخ العوض المسلمي يوم 15 رمضان بالساحة الخضراء مناسب جداً نحاول
نرتب للجية يوم 14رمضان ورجع الفاشر يوم 16 رمضان ،، انا شخصياً طولت منكم والله وداير اجيكم بس يكون البرنامج نجيض ومرتب
ومحدد بزمان ومكان يتفق عليه كل الناس ،
| |
|
|
|
|
|
|
|
|
|
Re: إفطار بورداب الخرطوم السنوي الأول .. الدعوة عامة ..!! (Re: بدر الدين اسحاق احمد)
|
رمضـــــــــــــــــــــــــــــــــان كريم علي الجميع
ناذر يا فنان ..
مقترح جميل ...
بس الساحة الخضراء دي بالتجربة .... يدخلوها بي قروش .. وما فيها خدمات (رمضان الفات ... زهجتنا زهج السنين) ...
شارع النيل -قصاد جامعة الخرطوم او بترو ناس
والله حتة جميلة ولمة حلوة .. وجو لذيذ جدا وكل حاجة في متناول اليد و (دوان تاون) ..... ويا ناذر (جيب عودك وتعال) ...
مودتي وتقديري
عمر الحاج
| |
|
|
|
|
|
|
|
|
|
Re: إفطار بورداب الخرطوم السنوي الأول .. الدعوة عامة ..!! (Re: معتصم محمد صالح)
|
بورداب الخرطوم ما زلتم في خلاف دائم
وعدم تحديد الروئة النهاية لمكان الافطار
ارجو من الجميع الاتفاق على رأي واحد وبدون خلاف
فالآن مستعد لاستقبالكم في منزلنا العامر بامدرمان
صاحب البوست ناذر الخليفة الرجاء الاتصال بالبورداب واتخاذ قرار نهائي لاقامة الافطار
ومرحب بكم مرة اخرى في دارنا
العصيدة وام جنقر جهزات وبدون غباشة زي ما قال بدرالدين اسحاق
| |
|
|
|
|
|
|
|
|
|
Re: إفطار بورداب الخرطوم السنوي الأول .. الدعوة عامة ..!! (Re: سليمان القرشي)
|
سلام شباب ..
الاقتراحات كلها جميلة ممكن نوزعا غلى رمضان كلو لو الناس موافقة ..
نلجأ للتصويت :
حدائق الساحة الخضراء
منزل أخونا زو اليد ..
اتحاد الصحفيين
حدائق بتروناس قدام الجامعة ..
عن نفسي شخصيا أتمنى يكون الأفطار الأول مع ذو اليد والتاني يكون مرتب في اتحاد الصحفيين لتوافر الخصوصية وامكانية اقامة برنامج مصاحب وأهم حاجة لأنو الأتحتد فيهو تلاجة موية صااااااقطة .. ما متوافرة في حتة تانية ..!!
الأماكن المقترحة فيها صخب وعدم خصوصية بجانب انو الناس حا تروح مع صعوبة الوصف لذا سحبت ترشيحي لها ..
لكن الناس لو أجمعت على الجية ما مشكلة ..
أها يا جماعة ابدو التصويت ..1
| |
|
|
|
|
|
|
|
|
 Re: إفطار بورداب الخرطوم السنوي الأول .. الدعوة عامة ..!! (Re: العوض المسلمي)
|
Quote: حدائق الساحة الخضراء
منزل أخونا زو اليد ..
اتحاد الصحفيين
حدائق بتروناس قدام الجامعة .. |
اقتراح حدائــق المتحف القومي دا ما عاجبك ..شايفك ما ضميتو للقائمة..
حقّار لكن ..!! عشان رفدك ...
ــــــــــــــــ
عموماً منزل ذو اليد حا يكون اجمل ولفتة راقية منكم مشكورين عليها..
ورمضان كريم عليكم كلكم حتى بتاع جميعة السياحة والاثار الطنشتوهو دا..
| |
|
|
|
|
|
|
|
|
|
Re: إفطار بورداب الخرطوم السنوي الأول .. الدعوة عامة ..!! (Re: HAIDER ALZAIN)
|
سوري ..
ما شفت اقتراح صلاح غريبة والله ..!!
نضيف لقائمة التصويت افطار في المتحف القومي عشان تزوروا جدكم بعنخي وحبوبتكم الكنداكا يا شباب !!
بدر الدين ..
Quote: قلبت فيها الهوبا يا ناذر يا زول يا طاعم
ذو اليد وان طال السفر |
خلي بالك عشان برضو حا يكون في دعوة افطار عند معتز تروتسكي برضو ..!
وإن طال السفر برضو ...!
| |
|
|
|
|
|
|
|
|
 Re: إفطار بورداب الخرطوم السنوي الأول .. الدعوة عامة ..!! (Re: وضاحة)
|
Quote:
مع إني عضو جديد ما عندي حق الإقتراح لكن كزول مجامل بجي في اي مكان أنتو بتحددوه عشان
الواحد يوثق علاقتو بي البورداب ويكون فاعل .... |
وقت نجضت معاكم باذن الله لنكوت فاعلين
ونثنى على يوم 15 بدار اتحاد الصحفيين بالمقرن
شكراً ناذر وسنكون اكثر شوقاً لمعرفتكم
بث الوصف لمتزل شيخنا سليمان مصطفى غير واضع يا ذو اليد
:
:
:
مع التحيات لله الزاكيات
| |
|
|
|
|
|
|
|
|
|
Re: إفطار بورداب الخرطوم السنوي الأول .. الدعوة عامة ..!! (Re: Hussein Mallasi)
|
يا شباب دقيقة بالله ..
معليش ما حا أقدر أرد على المداخلات واحدة واحدة .. لكم العتنبى ..!
الحاصل لحدي هسي والمؤكد كالتالي ..
10 رمضان إفطار البورداب في منزل ذو اليد بالفتيحاب (ذو اليد تعال وصف لينا شارع بيتكم بي وين ؟!)
بحسب مداخلة عمر صديق .. إفطار في مقر إتحاد الصحفيين يوم 20 رمضان (يا عمر دايرين تأكيد) ..
يعني إفطارين يوم 10 ويوم 20 ...!!
لو في تأكيد من الخبير الوطني صلاح غريبة على افطار بعد يوم عشرين يأكد لينا هنا ونشوف راي الناس !!
بعدين ما تلاوزوا إفطار الخبير الوطني دا اكيد دعوة ما فيها شيرنق برعاية منظمة السياحة اللي صلاح مؤسسا ورئيسا وأمينا العام وسكرتيرا التنفيذي وقارئها الوحيد ..!!
| |
|
|
|
|
|
|
|
|
|
Re: إفطار بورداب الخرطوم السنوي الأول .. الدعوة عامة ..!! (Re: علاء الدين يوسف علي محمد)
|
التحية لكم جمعيا ايها البورداب وبورداب الفيس بوك
اشكركم على الاحترام والتقدير
وايضاً اكن لكم محبتي بكل ثقة
اشكر كل الذين صوتوا لاقامة الافطار في منزلنا
ولكن اقول لجميع الضيوف ان لا تتعبوا انفسكم باحضار الوجبات والعصائر
كل واحد يجينا بنفسوا فقط ويكون معه اخوه ولاصديق
والاهم من ذلك البوردابيات ديل نسيناهم - لابد من الحضور
العاشر من رمضان يوم نحتفل فيه بوجودكم وانت تنورون منزلنا
وهذا يوم تاريخي
اتمنى من الجميع الحضور
| |
|
|
|
|
|
|
|
|
|
وصف المنزل بالفتيحاب شارع فتاشا (Re: ذواليد سليمان مصطفى)
|
الفتيحاب - ومنه الى المحطة القديمة بالشقلة ثم شارع فتاشا وانت متجه غرب
على يدك الشمال وانت متجه غرباً يقابلك بعد صيدلية فتاشا يفتح شمال
الشارع بعد الصيدلية محل ثلاجات يفتح شمال
المنزل جنوب محل الثلاجات يفتح
منزل ثاني ناصية يفتح غرب
| |
|
|
|
|
|
|
|
|
|
Re: سجل حضورك (Re: ذواليد سليمان مصطفى)
|
Quote: ناذر خليفة
معتصم محمد صالح
هاني عربي
العوض المسلمي
بدرالدين اسحق
علاء الدين حيمورة
سليمان القرشي |
يعني نحن ما نجي ولا شنو يا ذوليد؟
غايتو انا عازماني طالبتي
| |
|
|
|
|
|
|
|
|
|
Re: سجل حضورك (Re: ذواليد سليمان مصطفى)
|
السلام عليكم
الاخ ناذر والضيوف والاخوة الكرام اعضاء القروب والخطوميون
رمضان كريم وتصوموا وتفطروا على خير
اقبل الدعوة الكريمة من الاخ ذو اليد وسوف اخاطر للحضور ان شاء الله يوم الجمعة القادم
ولو اني اعترض على الجمع والسبوته لانو بنكون في البيوت
| Quote: أقترح مدخل صالة الوصول عشان تصلوا معانا في مسجد المركز العام |
الاخ علاء الدين اقترح دعوة الاخوة البورداب لافطار في المركزالعام بعنوان لم الشمل شريطة ان يحضره كل البورداب عشان نؤطر للحرية بصورة اكبر
رايك شنو يا علاء ؟؟
| |
|
|
|
|
|
|
|
|
 Re: إفطار بورداب الخرطوم السنوي الأول .. الدعوة عامة ..!! (Re: بشير دفع الله)
|
علاء الدين يوسف.. رمضان كريم يا حبيب..
شايف عمر صديق وبدر الدين " محتفلين " للإفطار بمنزل ذو اليد بارك الله .. ودي طبعاً مبادرة طيبة جداً من اخونا الاستاذ ناذر الخليفة جزاه الله خير ..
لكني يا شاب اجد في نفسي عليكم انت وعمر صديق وبدر الدين اسحق وبقيـة الكوكبة .. فقد تنكرتم للأستاذ الــ"مبدع " والخبيــر صلاح غريبة..
لا افطار لا احتفاء ولا مجرد رحلة على شرف قدومه الميمون..
ـــــــــــــــــــــــــ..
هسع يجي عمر صديق يقول ليك السبلوقة الزي قبيض السمك العميــان .. غايتو جنس غايتو
| |
|
|
|
|
|
|
|
|
|
Re: إفطار بورداب الخرطوم السنوي الأول .. الدعوة عامة ..!! (Re: علاء الدين حيموره)
|
بالاكتر يا حبيبنا والله.. محباتنا الف..
بعدين صاحبك تاني ما بيقول يآخي اتادب ادب عدوكـ :)
عندما قال سيعود للخرتوم العودة الطوعية تصايح الفيس بوك من اركانه الاربعة ان قد رمت الرياض الخرطوم بفلذة كبدها من اميز الاعلاميين الانقاذيين والحبرتجية الناصعين..
وهي سلعة لها سوقها وطلبها في الماركت الانقاذي.. لكن ما عارف شايف الجماعة "حومرو " ليهو وطنشوهو .. التقول ما نافح بشدة وقوة عن هذه الحكومة في يوم ما..
شئ مؤثر جداً ..
هسع كان دا بقى زول معارض او مثقف وقارئ نهم او كاتب جيد كان بدر الدين اسحق اول واحد مشي ليهو في بيته..
تروتسكي كان اداكم وش هسع كان بقى امين مجلس والا رئيس لجنة شعبية
ـــــــــــــــــــــــــــــــــــــــــــــ..
يا جماعة اطردوني من بوست لمتكم دا :) :)
| |
|
|
|
|
|
|
|
|
|
Re: إفطار بورداب الخرطوم السنوي الأول .. الدعوة عامة ..!! (Re: صلاح غريبة)
|
حيدر الزين علي بالطلاق انت قاعد ما فايت البوست دا هههههههههه
وجودك ضروري ياخ وملاحظاتك وتعليقاتك مهمة ..!!
Quote: يوم 11 واكيد انا جاي مع ناذر خليفة ولو فاتني
ياني الماجاي |
خلاص يا شباب قضي الأمر الذي فيه تستفتيان .. صلاح غريبة قطع شك ما جايي !!
نجيهو نحن انشاء الله في فطور المتحف .. ولو أنا فتو اليوم داك يا كم الما فطرتو ..!!
للضمان كدة جيبو معاكم سندوتشات .. صلاح غريبة زول مضمون .. لكن أنا ما بضمن ليكم روحي ..!!
| |
|
|
|
|
|
|
|
|
|
Re: إفطار بورداب الخرطوم السنوي الأول .. الدعوة عامة ..!! (Re: أيمن دياب)
|
والله يا ايمن فعلا ليك الفضل في افطار الفتيحاب لأنو مداخلتك هي الخلتني أنتبه لي زعل ذو اليد من البورداب ..
بالنسبة لي مواضيعك الزولة عاملة فيها ولا جينيفير لوبيز ..! صدقني فشلت تماما ألقى ليها سكة ..1 غايتو الا امشي ليها في بيتا عديل .. البعامين الحواليها ديل ما أدوني فرصة كلو كلو !!
| |
|
|
|
|
|
|
|
|
|
Re: إفطار بورداب الخرطوم السنوي الأول .. الدعوة عامة ..!! (Re: منال)
|
Quote: أقترح مدخل صالة الوصول عشان تصلوا معانا في مسجد المركز العام
|
أوببببا الإستقطاب بدأ
غايتو النصيحة البصلي في المركز العام ده زي الشرب من موية النيل
تااااانيبجي راجع
ولا عذر لمن انذر
ــــــــــــــــــــــــــــــــــــــــــــــــــــــــــــــ
علاء رمضان كريم ليك وللاسرة الكريمة
| |
|
|
|
|
|
|
| |
ناذر محمد الخليفة
العوض المسلمي
معاذ الدخري
Mirghani Taitawi
عمر صديق
ذواليد سليمان مصطفى
علي محمد الفكي
أيمن محمود
علاء الدين حيموره
هويدا شرف الدين
وليد محمد المبارك
بكري الخير
بدر الدين اسحاق احمد
ابراهيم بقال سراج
صلاح غريبة
omar alhag
الشاذلى خيرى عبد الله
مجاهد عثمان عبد الرحيم
معتصم محمد صالح
م. سيد احمد قدورة
سليمان القرشي
HAIDER ALZAIN
Osman Musa
الامين موسى البشاري
عبد الحكم ابراهيم الحاج
Shaker Hamid
وضاحة
محمد حمزة الحسين
ودقاسم
طارق جبريل
Hussein Mallasi
توفيق عيسى مكي
Hani Arabi Mohamed
المكاشفي الخضر الطاهر
بشير دفع الله
بشير حسـن بشـير
انور التكينة
Ahmed musa
فيس بوك
تويتر
انستقرام
يوتيوب
بنتيريست