2x 1 يوسف الموصلى +مصطفى سيد احمد - الامانى السندسية

مرحبا Guest
اخر زيارك لك: 03-30-2024, 01:48 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مكتبة الفنان الراحل مصطفى سيد احمد
نسخة قابلة للطباعة من الموضوع   ارسل الموضوع لصديق   اقرا المشاركات فى صورة مستقيمة « | »
اقرا احدث مداخلة فى هذا الموضوع »
05-26-2004, 04:48 PM

sheba
<asheba
تاريخ التسجيل: 12-15-2002
مجموع المشاركات: 1874

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
2x 1 يوسف الموصلى +مصطفى سيد احمد - الامانى السندسية



    يقول الموسيقار يوسف الموصلى
    لقد اعجبنى بشدة اداء مصطفى لاغنيتى " الامانى السندسية " وتمنيت لو لم اكن قد سجلتها للاذاعة ليسجلها هو بصوته الرائع ..




    الامانى السندسية بصوت يوسف الموصلى تعمل تلقائيا ويمكن ضغط السهم فى مشغل الريل بلير


    ...........................................................
    الامانى السندسية بصوت مصطفى سيد احمد لا تعمل تلقائياً ويجب يمكن ضغط السهم فى مشغل الريل بلير



    مصطفى والموصلى


    الامانى السندسية
    كلمات الشاعر صلاح احمد عبد الفتاح
    *****
    مهما فيك طولت صابر
    يا سنين عمرى الشقية
    ومهما طال فيك حظى عاثر
    وذوبت عمرى الاسية
    ما بقول انا راح أوانى
    عارفو ببسم لى امانى
    وسعدى برجع ليا تانى
    بالامانى السندسية
    بالامانى السندسية
    ****
    بكرة بصبح ذكريات
    حالى داك الكنت فيهو
    تملا آمالى العراض
    كل درباً اقـتـفيهو
    بكرة تجمعنى الظلال
    بى عزيزاً اصطفيهو
    ترجع ايامى النضيرة
    بى لياليها الهنية
    وسعدى برجع ليا تانى
    بالامانى السندسية
    ****
    اصلى من فيض العواطف
    ديمة أسراني المحنة
    وكل مناى ترتاح حروفى
    فى فؤاد طاوياهو انة
    لا فؤادى يشيل عداوة
    لا شقاوة ولا مظنة
    اصلى يا روحى الصفية
    لسة حافظ للوصية
    وسعدى برجع ليا تانى
    بالامانى السندسية


    الموصلى و الحديث عن الراحل المقيم مصطفى سيد احمد

    ....................................................................
    مصطفي كان من أكثر الناس تندراً علي ذاكرة الموصلي الخربة ويقول أنها تشبه ذاكرة الجدادة
    ....................................................................

    كان عليه رحمة الله مرحاً فى كثير من الأحايين وكثيراً ما يحدث اننى اذا نسيت اي حاجه بتخصو كان بيقول لي نعمل شنو مع ذاكرة الجدادة بتاعتك دى وعندما سالته لماذا الجدادة بالذات يعنى ؟؟

    وقال لي الجداده نسايه كلما تجي تاكل من الطعام المرمي في الارض وينهروها " كر " تجري بعيد وتنسي النهره وتجي راجعه تاني ..

    وبعدين مرات يكون عندو مزاج يعزف اغنياتي عشان يشركني اغني وانا كنت من الصعب انك تخليني اغني وكان يقول لي تعال نعزف غناك العامل زي الشعيريه ده كنايه عن صعوبة الحاني عندما تعزف بالعود


    ......................................................
    مصطفي كان يقلع النص مننا عنوة اخذ منى المزار وعلى بابك والبت الحديقة وودعجبنا
    ......................................................


    مصطفي كان يقلع النص مننا عنوه ..واذكر انه اخذ مني " من بعد ما شط المزار" وطبعا غيرها الي " من بعد ما عز المزار ثم اخذ علي بابك والبت الحديقه وكنت قد قراتهما له بمنزلي .. واذكر انه قد حضر الي منزلي وحينمابدأ الفرجوني قراءة عمنا الحاج ودعجبنا حلف و قال يازول على الطلاق دي حقتي


    .......................................................
    اعطانى مصطفى كراس شعر لشاعر اسمه عصام ابكر واهدانى حليوة ليلة المولد بى لحنها وما غنيتها
    .......................................................


    و للامانه فقد اهداني مصطفى بقول غنوات او الحليوة ليلة المولد للقدال بي لحنها وماغنيتها لاني سمعتو بغنيها حلوه جدًا وأعطاني ايضا كراس كامل لشاعر جميل اسمه عصام ابكر ادم لازال موجودا معي لحنت منه ومداك مداد في بواقي الليل واثناء البروفات اختطفها السقيد كما اختطف كل النجوم ورجعتي القلب ...تصوروا انا الوحيد الكيشه في الجماعه ديل


    .....................................................
    اناوسيف الجامعة كنانخاف ان نطلع مصطفى على النصوص الجديدة والاشعار
    لانه كان يحلف بالطلاق ويقول دى حقتى وما فى زول يلحنها غيرى
    .........................................................


    وقصة التنافس بيننا هذه حدثت فيها مواقف كثيرة . مثلا نحن كنا عارفين انا وسيف ان مصطفى اسرع ملحن فينا وكان نهماً جدا في مسالة النصوص الجديدة فكنا اذا عثرنا على نصوص نخاف ان نطلعه عليها فبل ان نختار لانه في بعض الاحيان كان يحلف بالطلاق انه مثلا النص ده ما يلحنه زول غيرو

    وكنا لانستطيع ان نقول له لا حتى بدون حليفة. ومثلا شعر عاطف خيري اول من اعطاه له ليلحنه كان سيف الجامعة ولما شاف النوتة مع سيف اقسم بالطلاق واخذها ولحن- اقتراح وشهيق ومن كترة الاستعجال طلع القصيدتين في اغنية واحدة ولحن باقى اشعارديوان سيناريو اليابسة وهى الجالوص واقراك مرة صاح والهدهد مخدوش الفضا ايضا

    والشاهدانه في الفترة الاخيرة ان كان مصطفى يلحن بشكل يومي وكنا -نقول له مفروض يرتاح شوية فكان يرد رحمه الله انا ماشي منكم عاوز الحن اكبر عدد ممكن ارتاحوا انتو وكنا نخفي دموعنا ونتركه


    .............................................................
    تركت لمصطفى فرقتى الموسيقية عند سفرى للقاهرة فاطلقوا
    عليه لقب "طه حسين " لعلمه الغزير وثقافته الواسعة
    .............................................................

    اكثر ما يعجبنى فى مصطفى هو ضغطه على الفرقة الموسيقية المصاحبة له من اجل تجويد العمل مما يؤدى الى انسلاخ كثير من العازفين من فرقته فهؤلاء العازفين يستهلون الموسيقى ويرغبون فى الحصول على عائد مادى منها وباسهل الطرق ودائما ما يفضلون صغار الفنانين ليكسبوا من وراءه ثم يتركونه وهكذا

    واذكر اننى قد عرفته الي فرقتي الموسيقية قبيل ابتعاثي للقاهرة وكنت صعباً معهم ايضاً وحين كنت اخبرهم بتوقيع اغنية جديدة كانو يقولون لبعضهم على سيبل الدعابة بلو ايديكم في الزيت" ابوجاكومه" عندو اغنيه جديدة

    وبعد سفري الي القاهرة استلمهم الراحل مصطفي سيد احمد .. باصراره واغناياته الجديدة الجميلة فاطلقوا عليه لقب " " طه حسين " كناية عن ثقافته وعلمه الغزيز

    وعندما كنت احضر من القاهرة الي الخرطوم في اجازة يستقبلنى العازفين فى الفرقة شاكين من مصطفى شدته وضغطه عليهم قائلين : - يا ابوجاكومه .. طه حسين بتاعك ده جننا جن كل يوم عايز بروفة

    وكنت اضحك واقول لهم يلا اكلوا عيش بالحلال بدل اجترار الغناء القديم


    (عدل بواسطة sheba on 05-26-2004, 05:08 PM)
    (عدل بواسطة sheba on 05-27-2004, 04:40 PM)

                  

العنوان الكاتب Date
2x 1 يوسف الموصلى +مصطفى سيد احمد - الامانى السندسية sheba05-26-04, 04:48 PM
  Re: 2x 1 يوسف الموصلى +مصطفى سيد احمد - الامانى السندسية Elmosley05-27-04, 04:47 AM
  Re: 2x 1 يوسف الموصلى +مصطفى سيد احمد - الامانى السندسية جمال السنوسي05-27-04, 09:38 AM
  شكرا على الامانى السندسية ماريل 8505-27-04, 04:34 PM
  Re: 2x 1 يوسف الموصلى +مصطفى سيد احمد - الامانى السندسية sheba05-27-04, 04:38 PM


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de