|
|
 Re: جورج -- دى كفك ولا غيمه (Re: essam&amal)
|
آمال أم وضاح ..
مع بتهوفن نعزف السيمفونية الخامسة ..
نكتب ألحانكم في نوتة الأعزاء الموسيقية ..
ننساب أفقيا ورأسيا مع الهارموني والميلودي الإنساني .. نتردد بين المونوفونيك والبوليفونيك .. تتعدد الأصوات الموسيقية بين الدويتو والكونشيرتو والعزف المنفرد ..
نعزف موسيقى كل العصور ..
تأتي النجوم ..
تتجمع الغيوم ..
يهطل المطر في الربي ..
يتساقط الندى بالتلاقي ..
تحلق الفراشات بالمواسم ..
تغرد العصافير بالمنى ..
نلقاكم مشهد تاريخي حافل ..
كل الود أم وضاح ..
وعميق الشكر ..
صلاح / شتات
| |
 
|
|
|
|
|
|
|
|
Re: جورج -- دى كفك ولا غيمه (Re: خالد الحاج)
|
الغالي خالد الحاج ..
والشمس في راحتيك ..
تنفجر الفصول ..
تمتد الجداول ..
وفي الدروب أنت واحة ..
يتطاول النخل ..
يصد الريح العواتي ..
يصفَّى النسيم للرائحين والغادين ..
تنفتح المجاهل ..
يحتفل الطريق ..
نمتطي الخيول الصافنات ..
تتدلي قناديل الليل ..
يجتمع الصحاب في استراحة المدى ..
يبنون عالما من فجر ..
ينبسط الصباح ..
يهطل الأمل ..
..
تمدد أيها القادم ..
من جذور الميعاد ..
قمحا ..
ووعدا ..
وتمني ..
ونلتقيك ..
صلاح / شتات
| |
|
|
|
|
|
|
|
|
|
Re: جورج -- دى كفك ولا غيمه (Re: شتات)
|
خالد الحاج العذب
شفت كلام شتات ده، مرفوع للقوة مليون، وبعد داك نرشه ليك بى رحيق المحبة، وعطر الخوة، ونجيبه ليك، راكعين، نهتف بى أصالتك وطيب معناك
يا زول يا ما عادى
| |
|
|
|
|
|
|
|
|
|
Re: جورج -- دى كفك ولا غيمه (Re: hala guta)
|
هالة قوتة ..
من حرير الليل ننسج بساطـا مضمخا بعبير الفل والنارنج ..
نستدعي نسمات النيل وعبق الطين والجروف ..
ندعو كل الناس .. أنْ تعالوا ..
هنا يجمع الأصدقاء من ترابكم طينة ..
مأخوذة من أثر كل خطوة مشت في أرض النيل .. معجونة بماء المحبة وأصالة التراب ..
يبنون مدينة من ظلالكم ..
معروشة بأعمدة الشعر ونسيج الأغاني ..
يلتقطون كل قطرات النيل التى تبخرت في زمن الجفاف ..
ويعودون بكل أسراب الطيور التي هجرت الضفاف ..
كل الشكر يا هالة ..
وبنا وبكم يتمدد رمل التلاقي ..
صلاح / شتات
| |
|
|
|
|
|
|
|
|
|
Re: جورج -- دى كفك ولا غيمه (Re: شتات)
|
بلقيســنا ..
نورنا في الوادي المقدس ..
دمعتنا لما نشتاق البكـاء ..
نجمتنا لما يتوه الدليل ..
جناحنا لما يسكنَّا المدى ..
هويتنا .. معنى الانتماء ..
بلقيسنا ..
محتوانـا في بحر الفراغ ..
ذكرانا ..
لما ينسانا الزمن ..
ربيعنا ..
في فصل الشتاء ..
في جنانك نولد مرتين ..
مرة في الأمس المضاع ..
مرة في العهد الجديد ..
نور صباحك يبقي دنيا ..
يرسمنا في دنيا الإله ..
نبقى ومضة في ألق الضحى ..
نسمة في درج المسـاء ..
نظرة ننساها في عيونك ..
تبقى مشهد في طريقنا ..
شعاع بالفرحة نـوَّر ..
خريطة في درب السمـاء ..
في جنة الفردوس مقامك ..
ونحن في جنانك ..
ملائكة تسعد بالوفــاء ..
والدنيا تبقى ذكرى ..
معمورة بالود والصفاء ..
قافية في شاطئ الحقيقة ..
منظومة في تاريخ عيونك ..
مكتوبة بالشوق والضـياء ..
ونلتقيك ..
صلاح / شتات
| |
|
|
|
|
|
|
|
|
|
Re: جورج -- دى كفك ولا غيمه (Re: THE RAIN)
|
و...
اعود..
لاجد حدائق البنفسج تزهو....
القا وجمالا..
بقدوم المطر....
تعلن عن اكتمال الفصول..
ما بين الربيع والخريف...
هنا ياتي فصل جديد..
يفترش العشق العشب..
ويفترش العشق النهار...
وهنا..
كل التألف ..
الحضور..
انتقاء
جورج,شتات,المطر...
بحضوركم تزدهر كل الفصول
الرائعين
الملكة,خالد الحاج, ندى امين,امأل,مراويد,هالة قوتة,..
كل الود ..
| |
|
|
|
|
|
|
|
|
|
Re: جورج -- دى كفك ولا غيمه (Re: خالد الحاج)
|
خالد الحاج ..
فوق السماء ..
وقباب الليل ..
أيها القنديل ..
تضوى صيف وشتاء ..
تنوِّر ضواحي النيل ..
تشد الحيل ..
بالهموم مسكون ..
تزرع في العافية لي غيرك ..
وتتوسد قليب موجوع ..
لا أنَّـة ..
لا شكوى ..
لا جزاءا ..
لا شكورا ..
صبرا طويل ويطول ..
صلاح / شتات
| |
|
|
|
|
|
|
|
|
|
Re: جورج -- دى كفك ولا غيمه (Re: يا بت يا نيل)
|
يا جماعة هوي ضهري دا قرب ينكسر ..
اليوم والتاني عنقريبي دا محولو من مكان لي مكان ..
لامن وصل الحوش الخامس أها أسي نسوي شنو ولا نقول شنو ..
الولد السمح ..
الولد المطر ..
الولد شـتات ..
وكل حبان الغيمة ..
نقول سلام ونقول حباب الناس الحلوة ..
المليانة حب وحنان ..
أبداً ما تسيبوا المكان ..
خليكم قاعدين بيكم كتير مزدان ..
تسلموا كلكم/ن ..
| |
|
|
|
|
|
|
|
|
 Re: جورج -- دى كفك ولا غيمه (Re: معتصم دفع الله)
|
تعرف يامعتصم انا زاتي الليلة كنت جاية اكب الجرسة
واقول ياجماعة الداير يفكنها من شبكة كلامكم دا شنو ؟؟
والله الواحد بقى هضربتو كلها (جورج دي كفك ولاغيمة)
والبورد دا لمن راح قربو يودونا الحوادث والسبب إدمان الحوش دا
ياجماعة دي حقول شنو دي .. كدي اعترفوا الله يدينا ويهديكم
صلاح .. مطر .. جورج - مثلث الجمال
عاد بقدر اقول شي ؟
وانا مازى معتصم عنقريبي محرسة عين الشمس تحت البرتكانة وراكبة لي في (ضهر) غمامة ومتابعاكم ..وبجيكم ..
والود كله لرواد الحوش واحبابه
ويابكري ود ابو بكر حلك شنو مع الحيشان ديل ؟؟ وارشيف وين البشيلن ليك ؟؟
يا اجاويد ماتجو معانــا !!!
| |
|
|
|
|
|
|
|
|
|
Re: جورج -- دى كفك ولا غيمه (Re: ملكة سبأ)
|
بلقيسنا
الملكة ست الجيل
يا الليكى مافى مثيل
نحن لمن المنبر اتقفل، متنا عديل كده، وأنا حالتى يمكن شويه أحسن من حالة أخوى الكاشف، داك قالو لى مات ودفنوه كمان، وتانى جا مارق بعد ما شم ريحة الحبايب والناس الحلوة
تسلمو كلكم انشاء الله وتسعدو، يا أصفياء ويا أنقياء
| |
|
|
|
|
|
|
|
|
|
Re: جورج -- دى كفك ولا غيمه (Re: معتصم دفع الله)
|
معتصم الحبيب
وأنا جنب عنقريبك، وجنبنا بلقيسنا الملكة
بفرش لى نجيلة وأتحكر، عشان يطول عمرى وأسعد بلقياكم الحبيبة
معليش يا حلوين، أعذرونى بالله عشان لى يومين ما سعدت بى شوفتكم، كنت حاضن الوجع وملازم تباريح الحنين
| |
|
|
|
|
|
|
|
|
|
Re: جورج -- دى كفك ولا غيمه (Re: معتصم دفع الله)
|
معتصم ..
ايها النغم ..
نعتصم في جوارك ..
نحلم في مدارك ..
ننظم ..
نرسم ..
في جدارك ..
فجرك ..
نسمع لحنك ..
وترك ..
همسك ..
ننتظرك ..
شتولك تزهر ..
تثمر ..
تعبر ..
فرحك جسرك ..
توصل ..
نلقاك ..
كف ..
غيوم..
نجوم .. سماء .. ومطر ..
صلاح / شتات
| |
|
|
|
|
|
|
|
|
|
Re: جورج -- دى كفك ولا غيمه (Re: يا بت يا نيل)
|
يا بت يا نيل
ونحن نعود إلينا، لنجدك متربعة على شواهق الود فينا
نلتقيك ونحن أسعد ما يكون
نرتجيك ونحن أزهى ما نكون
وكيفما نكون، حتما تنبع شلالات كينونتنا من بحيرات حروفك المترعة بألق المعانى والمتوهجة بنور الصدق
لك الود وما حوى
| |
|
|
|
|
|
|
|
|
|
Re: جورج -- دى كفك ولا غيمه (Re: يا بت يا نيل)
|
كمزارع البنفسج ..
كاحتفال الخريف ..
كعصافير الفصول ..
كالعشب يبسط كفا للتلاقي ..
كالتآلف والوصول ..
تأتي يا بت يا نيل ..
كأيادي الصباح تلامس الندى ..
"يرتج الصدى" ..
يحتوينا ..
يناديك ..
ونلتقيك ..
صلاح / شتات
| |
|
|
|
|
|
|
|
|
|
Re: جورج -- دى كفك ولا غيمه (Re: THE RAIN)
|
لكل الناس الهداهم تعب الحنين، ومكابرة الأشواق وعنادها
صهل وجع الحنين فينا
صحا المناحات التعب
ذرفت مدامع الليل أنينا
حزن القمر فيها انسكب
وغرقت مشارق الضو
فى ضلمة الوجع اللهب
قالتلى إيه بتسو
قت ليها راجى سفينه
تكسح تعاند النو
تفتح شراع الروح
يحضن فيافى الجو
تبرا الهزيمه تروح
قالتلى إيه بتسو
قت ليها راجى سفينه
وصهل وجع الحنين فينا
مرقت قوافل الشوق
ويا داب ما مشت بينا
عتم دروبا أنين
عارفه الفرح ممحوق
جهر برق البعاد عينا
فتّح شبابيك الأسى
والذكرى وردة سجينه
جوه انكسارات السنين
شافت وجيهك، و المسا
جاب سيرة الفرح الحزين
يا ريته بس لو لامسا
وفى عتمة الوعد الضنين
وعد الخيارات إنكتب
حزنك قعد
فرحك هرب
لوح الخيارات إنكتب
يا دربك المليان قسا
يا حرقة الشوق المكين
يا حلمك المليان وجع
يا صحوك المعطون فزع
ووين فرحتك، وينا
وصهل وجع الحنين فينا
قدرك محطات الغياب
مرات مشتت فى الرهاب
مرات مدينة ومره مينا
دمعك على الخد إنصلب
ولوح الخيارات إنكتب
يا فجرك الغائب طلع
يا قدرك السادر رجع
يملا كاساتك سكينه
وصهل وجع الحنين فينا
| |
|
|
|
|
|
|
|
|
|
Re: جورج -- دى كفك ولا غيمه (Re: THE RAIN)
|
Quote: قالتلى إيه بتسو
قت ليها راجى سفينه
تكسح تعاند النو
تفتح شراع الروح
يحضن فيافى الجو
تبرا الهزيمه تروح
قالتلى إيه بتسو
قت ليها راجى سفينه
وصهل وجع الحنين فينا
مرقت قوافل الشوق
ويا داب ما مشت بينا |
فووووووووووووق
| |
|
|
|
|
|
|
|
|
|
Re: جورج -- دى كفك ولا غيمه (Re: ملكة سبأ)
|
تعرفي يا بلقيس ونحن في كف جورج .. هذه الندية .. وفي خريف المطر .. زي بنطلع برة الدنيا كدة ونبقي حاجة تانية خالص .. برة حقيقتنا وبرة خيالنا .. نمشي بعيد .. بعيد جدا .. نحلق كالعصافير في فضاء الحرية .. نبقي لوحة من لوحات ليونارد دافنشي أو نتجرد مع سلفادور دالي والسيريالية والتكعيبية والتجريدية ... تعرفي المشوار دا بيذكرني كل اصدقاي العرفتهم في مسيرة الحياة .. كل الوجوه الجميلة اللي شوفتها .. كل فيلم رائع حضرتو .. كل اغنية سمعتها .. كل لوحة جميلة .. كل مدينة خلابة زرتها ..
بيذكرني "الثلاثية" ونجيب محفوظ وصالون الأربعاء ..
أتذكر جبران .. ميخائيل نعيمة .. أحمد شوقي .. مي زيادة .. روعة الإنسان وسحر البيان .. ومي دي طبعا قصة تانية خالص أو اسطورة من الأساطير زي ديانا ومارلين مونرو .. مى كانت عالم مجرد كالسماء بدت واستعصمت .. فجَّـرت كل المعاني والحروف والقلوب .. أضاءت وألهمت ..
امرأة شبه محال ..
غيمة ..
همس روحي ..
ضوء ..
بعث وحياة ..
كون .. غرس ونبات ..
كل الأشياء ..
ألقٌ وضياء ..
من معطى الخيال ..
كالبرتقال ..
شبه محال ..
لا تشبه هذا العالم ..
لهفة .. دفء ..
رعشة .. لحظة دهشة ..
ذاتية ذات ..
جمع وشتات ..
لا أنسى ..
أتساءل في سري ..
لا أدري ..
هي ..
بعث الروح على الأموات ..
من خيط النور الرباني ..
من فوق الأفق الإنساني ..
شىء آت ..
..
مش كدة؟
وتسألي عن الشوق؟ زي ما بنعطش للموية يا بلقيس .. بنعطش للأشواق .. أو حقيقة بنرتوي بماء الأشواق من عطش الغياب .. تصوري لو ما بنشتاق! .. نبقي جماد .. خلينا نشتاق .. ونشتاق .. بلا حدود .. بلا قيود .. بلا شروط .. "الشروط" دي كلمة رسمية جدا تذكرني بعقود العمل والعلاقات التجارية ولا تصلح اطلاقا للتعامل الإنساني .. لأنو بتنتفي معها الشفافية والتلقائية والدفع الذاتي .. عشان كدة علاقات الصداقة والأخوة لا تعرف هذا المصطح لانها قيم مطلقة وحتى الحب اذا دخله داء الشروط خلاص ما عاد حب .. عشان كدة الزيجات بتفشل كثير لانو كل واحد بيفتكر انو له حق على الأخر وهنا بجي الملل والاحساس بالعبودية .. خليك من الكلام دا وخلينا نشتاق لحنان أهلنا .. لعيون حبايبنا .. عشان ما نقيد اللحظة .. ونكبل اليوم .. ونعتقل يوم بكره خارج الحدود ..
لما نشتاق تسمو الدواخل .. يزيد العطاء والقدره على إضافة شي جميل .. ولما نضيف شي جميل بكون لي حياتنا معنى ولي مماتنا قيمة .. تتذكري "تايتانك" .. "دي كابريو" كان يتمتع بالصحة والوسامة والوقت .. بس كلو كان ضائع في الحانات وصالات القمار وما كان عندو معنى .. ولما دخل السفينة وتعرف على "كيت ونسليت" .. بقت عندو قضية ناضل .. كافح .. شاجر .. تعذَّب لكنه كان سعيدا .. مات متجمدا وأصبح من شخصيات التاريخ ..
نشتاق ..
نجمع الغيوم ..
في سلة الرفاق ..
لعينيك ..
للشمس التي أشرقت ..
للبريق ..
لمن لاح في جوف الطريق ..
لأوراق الورد نجمعها ..
لك ..
لمن أنار وتوهج واحترق ..
ونلقاك ..
نحلق في ضفاف النسيم ..
نرتع في مواسم النجوم ..
نلمس الآفاق ..
..
صفو المحبة ..
رحيق الود ..
ونلتقي ..
صلاح / شتات
| |
|
|
|
|
|
|
|
|
|
Re: جورج -- دى كفك ولا غيمه (Re: شتات)
|
صلاح الحبيب
أنا متكل عليك والله، خلينى الندافر الأحزان دى، وبقدر ليك عليها
إنت بس خليك ماسك الجداول، أروى كل حيضان البهاء الهنا دى، واسقى كل السنابل بى مويتك الفراتية، وبالمره برضه افتح ليك جدول فينى عليك الله، يمكن اليباس الجواى ده ينبل شويه ويمكن الموات الأصابنى ده يفرهد
زولك ممكون مكنة عجيبة خلاص
| |
|
|
|
|
|
|
|
|
|
Re: جورج -- دى كفك ولا غيمه (Re: ملكة سبأ)
|
بلقيسنا
تأتين والفرح، على قلته فينا، يأت أيضا، تبشر بحضورك اللحظات وتخبرنا بأنا لا نزال نحيا
ولتعذرى خوار اللغة فينا فى هذه الأيام الكالحة، أو ربما هو بوار الإحساس بالأشياء، لكنها واحدة من المعارك اليومية، ولكن يبدو أن الهجوم على الدواخل هذه المرة قد شحذ كل أسلحته وصمم على إكمال غزوه
لكنا سنصمد حتى آخر رمق فى العشق
| |
|
|
|
|
|
|
|
|
|
Re: جورج -- دى كفك ولا غيمه (Re: THE RAIN)
|
Quote: يا فجرك الغائب طلع
يا قدرك السادر رجع
|
السماح يا أحباب
أعذرونا على الغياب الما بالليد، لأنه العراك مع الأشجان والأوجاع ما زال مستمر، ويا أنا، ياهم، والمشكلة إنه لا طلع الفجر، ولا رجع القدر من الماسك فيهو
أها نسوى شنو بالله؟
| |
|
|
|
|
|
|
|
|
 Re: جورج -- دى كفك ولا غيمه (Re: جورج بنيوتي)
|
سلام علي كل الجميلين الذين أثروا البوست من الجنسين
آتي دائمآ.... معكم كل يوم
اصل حد الدهشة مما اقرأ
ثم انسل بهدوء مخافة إزعاج الرهيفين هنا
واصلوا إدهاشنا و إرواء ظمأنا لهذا الجمال
| |
|
|
|
|
|
|
|
|
|
Re: جورج -- دى كفك ولا غيمه (Re: جورج بنيوتي)
|
Quote: وممكن يدخل في حياتك زول يطوِّل عمرك ..
وممكن تتدخل في حياة زول تقصّر عمرو .. |
زول أمانة عمرك وذمَّـتك ..
أرضك ..
بحرك وجوَّك ..
والبصمة الفي إيـديك ..
معاك ..
عمرو يزيد ..
عمرك يزيد ..
تتوهَّـج الأيام ..
تنور مقلتك ..
يا نظرتك ..
يا نسمة من الجنة هبَّـت ..
يا كوثر ..
يا نهر جاري ..
يا كناري ..
يا نفحتك ..
العيون الشافتك ..
القلوب العرفتك ..
دايخــه ..
تقاوم سحرك وروعتك ..
ونحن بين عيونك وخطوتك ..
تلقانا ومضة ..
تمهِّـد مَـشْـيَـتَـك ..
..
نتصورك ..
وفي مشاويرك ..
تتحدد ملامحنا ..
قوافينا ..
جوانحنا ..
نسوق الريد قوافل ..
..
نتخيلك ..
وفي مساديرك ..
حروفنا تتجمـل وتتكامل ..
ترسم حرفك الأول ..
تكتب حرفنا التاني ..
سين وصاد ..
وجملة ريدة تتواصل ..
نلقاك في قلوبنا كتاب ..
نقراهو صباح ومسا ..
ننسى عيونا ما ننساك ..
نرحل ..
نهاجر ليك ..
ترحب بينا ..
نوصل ليك ..
تفج فؤادنـا .. وفيهو تتأصـل
صلاح / شتات
| |
|
|
|
|
|
|
|
|
 Re: جورج -- دى كفك ولا غيمه (Re: جورج بنيوتي)
|
ترجع مراكب الريح
_._._._.
بكره الصباح
يملا الجراح
نور الغُنا
وترجع مراكب الريح
محموله في كف الأمل تنداح
مليانه بالناس السنا
ويا إنتِ يا أنا
فتحنا باب دخول
* *
مرَّتْ عليك هنا
لاقت عينيك وانا
عينيك تكب في النيل
دمع الفرح جينات
ترجع مراكب الريح
داخل القلوب تمتَدْ
**
طامنت بيكي الظن
طمي الأرِضْ مليان
نبت البروق الوعد
وعد المطر رويان
شتت على الحيشان
خامس بنود الود
ترجع مراكب الريح
والنِيَّه ما بتنهَدْ
**
العقبى في الجايات
شمسا صباحا السعد
بين الوجع والطلق
موية الجنين آيات
صَلَّنْ على المولود
رجعن مراكب الريح
شانِنْ يهون الجهد.
**
شوقَك على شوقا
وصلك إذا صحَّاكْ
طالت سنابل الريد
ريدك إذا ناداك
طلَّتْ عناقيدك
رجعن مراكب الريح
ريحة البخور والنَّدْ .
**
فرهَدْ فريع الورد
حامَنْ فراشاتِنْ
نطفة سرير الليل
حلمك على إيدَكْ
رشَّنْ نداواتِنْ
طلعَنْ على جيدك
مَسَّنْ شغاف الروح
رجعت مراكب الريح
حلَّنْ مواعيدن.
**
شايلك مكانة الحظ
حظي المعاك لحظه
لحاظك بشتَنَنْ حالي
رجعن مراكب الريح
واريت بى حظهن أحظى !!!
| |
|
|
|
|
|
|
|
|
|
Re: جورج -- دى كفك ولا غيمه (Re: Areej)
|
أريج
آلاف المراحب بيك، عمانا أريج جيتك المعطر، ومع الحروف، يرقص الفرح طربان بى جيتك الحلوة، نزهو بيك ومعاك، ونتعطر بى أريجك الفواح، وتنتشى اللحظات معاك ترتاح، ونحن برضه نرتاح ونسعد والله
دمتى
| |
|
|
|
|
|
|
|
|
|
Re: جورج -- دى كفك ولا غيمه (Re: ملكة سبأ)
|
بلقيسنا
سيدة الجنان والحروف
ونحن بنجى كل مساء، نتزود بالألق المبهول من حضورك وسايل على أطراف عرشك، نشيل منه ما تيسر، ونتزود بيهو عشان ينور لينا الدروب، وتنبل عروق الفرح
| |
|
|
|
|
|
|
|
|
|
Re: جورج -- دى كفك ولا غيمه (Re: جورج بنيوتي)
|
Quote: شوقَك على شوقا
وصلك إذا صحَّاكْ
طالت سنابل الريد
ريدك إذا ناداك
طلَّتْ عناقيدك
رجعن مراكب الريح
ريحة البخور والنَّدْ .
|
مدد يا شخى يا سيد الكلام
مدد يا ساكن الروح والحشا
مدد يا نضمتك، عنوان وئام
مدد من كفك الغيم المشا
أخوك والله يا جورج اليومين دى مسكون بى وجع ما معروف سببه ذاته شنو
اللغة مخاصمانى والكلام صارى وشه، إلا عارفهم قليبن رهيف وتانى بنتصالح
| |
|
|
|
|
|
|
|
|
|
Re: جورج -- دى كفك ولا غيمه (Re: THE RAIN)
|
Quote: ويابكري ود ابو بكر حلك شنو مع الحيشان ديل ؟؟ وارشيف وين البشيلن ليك ؟؟
يا اجاويد ماتجو معانــا !!! |
--------------------------------------------------------------------------------
العزيزة (الملكي) 000 كما يحلوا للحبيب خالد الحاج ان يناديك
اسمحي لي ان اخاطبك كما خالد الحاج000 وان أؤيدك لان ما دار في خاطري هو هل سيبعث بهذا البوست الي الارشيف000
أتمني ان يترك أخي الحبيب بكري هذا البوست دون أرشفة بأعتبار
ان فيه 000 حياتنا 00أحلامنا 000 بوحنا 000 وبه شباب مثل جورج
وصلاح (شتات)00 والمطر 00 ويابت يا نيل 0000 وكل الحلوين00000
وفيه كل هذه القيم الادبية00000 بكري ود أبو بكر أرجوك أبقيه
ولا تبعثه الي خانة الارشيف لانه لم ولن يكتمل مع هؤلاء00 الحلوين
ودمتم
أخوكم
عبد الرحمن سوركتي
| |
|
|
|
|
|
|
|
|
|
Re: جورج -- دى كفك ولا غيمه (Re: Abd-Elrhman sorkati)
|
سوركتى العزيز
ولا يهمك يا جميل، وين ما مشى الكلام، برضه حنظل ماسكين إيد الفرح وماشين معاه بين حقول الجمال
ووسط كل الحقول، تظل إنت سنديانه وافره الظل وعميمة الخضرة، وكل عصافير السماحة راكا فوق ليك، ووين ما نمشى ووين ما تمشى بنتلاقى، وحنروى كل الحقول بدم المحبة ونسقيها بى شعاع الصدق الفيكم
دمت طيب انشاء الله
| |
|
|
|
|
|
|
|
|
|
Re: جورج -- دى كفك ولا غيمه (Re: THE RAIN)
|
سوركتي الأخضر
لنا في الأمكنة دوام الوصل.. إن دهلزونا ننهض في
صباح الممكنات من الكلام ونلتقي فبيوت العز عامرة
بكم وبهم وبنا.. ثمة غيم في صلاح الأمكنة وثمة مطر
يلثم ثغر الأرض بألف قبله.
لك التحاياوالود.
| |
|
|
|
|
|
|
|
|
|
Re: جورج -- دى كفك ولا غيمه (Re: جورج بنيوتي)
|
ندى أمين:
لولالالالالالالالاكي..
نسمة صباح الحوش الرابع ..
صباحات الندى وغيم الوداد...
عذرا: ختام الكلام المسك ..
وتصبحون على خير..
وراجعيييييييين.
مودة وفرح هذه الزيارات + الإيد الملانه.
| |
|
|
|
|
|
|
|
|
|
Re: جورج -- دى كفك ولا غيمه (Re: حبيب نورة)
|
نوره وحبيبا الحبيب
لماالأرض تنده تعال
راجياكا
يا حلمى العتيق
يبدا المطر
يسرج ضهور الليل طريق
وعليها يدّفق وصال
وعلى الأرض
عرس النهر
طعم الخيال
فرح الطريق
خد الجمال
ضِحك القمر
معنى السؤال
ويجى المطر
وتطفى واطاتنا
الحريق
| |
|
|
|
|
|
|
|
|
|
Re: جورج -- دى كفك ولا غيمه (Re: THE RAIN)
|
وين يا صلاح
طعم اللقا
وفرح الصباح
ليل العيون
ساعة يجى
وساعة يرص نجماته
جنب قمره الحنون
تلقانا نسعد وننتشى
لا هم يشوفنا ولا جراح
ساعة يجى
يلقانا، تلقانا، ونكون
وين يا صلاح
وين العيون
| |
|
|
|
|
|
|
|
|
|
Re: جورج -- دى كفك ولا غيمه (Re: THE RAIN)
|
هل أتانى هاتف الأشواق؟
هل أتاكِ أنين البعاد؟
هل كان يا ترى
وشاية الظن فى أذن اليقين
أم تناوم الحلم عن يقظة العشق
مالى أرى القصيدة
تلتحف برد الهمس
تزيح أصابعها
عن ندى الشمس
البوح
هذا الصباح قصير
مثل أحلام العاشقين
ولا شئ فى المدى
بطوله يفاخر
إلا هم التلاقى
هى تذكارات البكاء
بين أحضان الطين القديم
أو ما كتبته أقلام الليل
على لوح قمر يتيم
| |
|
|
|
|
|
|
|
|
|
Re: جورج -- دى كفك ولا غيمه (Re: THE RAIN)
|
(هاتف الأشواق .. أنين البعاد
أذن اليقين ..
وجدان العشق ..
قصيدة تزيح أصابعها ندى الشمس
صباح قصير.. مثل أحلام العاشقين
هم التلاقى ..
تذكارات البكاء ..
أحضان الطين القديم ..
أقلام الليل .. لوح قمر يتيم)
.
..
مطر .. يا مطر
والله كأنها قطع من اللؤلؤ تتساقط من برج القمــر ..
على طاولة حضورنا وصحن أشواقنا .. فنتلألآ نحن بالضياء ..
كحديقة من البلَّـور ..
كل الحب يا ود يا عسل ..
صلاح / شتات
| |
|
|
|
|
|
|
|
|
|
Re: جورج -- دى كفك ولا غيمه (Re: شتات)
|
هالة قوته ..
صباح الإحساس والطيبة ..
صباح القبلي والسحاب الشابك ..
صباح الضحكة ورحيق الشاي ..
صباحك ..
صباح النيل ..
صباح الدوائر الهادرة بضجيج الأهل وعيون الأطفال ..
صباح الخير يا هالة .. ومساء النور ..
صلاح / شتات
| |
|
|
|
|
|
|
|
|
|
Re: جورج -- دى كفك ولا غيمه (Re: شتات)
|
الغالية حنينة ..
معكم نفتح نافذة في جدار الليل ..
يتسلل الصباح ..
نزرع شتلات الأمل في حقول الضياء ..
نترقب غيوم الدهشة ..
ضحى الأماني واحتفالية الرجاء ..
نعتصر الممكنات المشحونة بالظلال ..
نفرش سجادة المساء ..
نرفع أكف الدعاء ..
لنحتمي من طول التمدد في أرياف الغياب ..
..
لكم يا حنينة ..
صفو الأماسي .. وألق الصباح
ونلتقي ..
صلاح / شتات
| |
|
|
|
|
|
|
|
|
|
Re: جورج -- دى كفك ولا غيمه (Re: شتات)
|
راوية ..
راويتنا وروابينا ..
نمد أغصانا كفوف ..
والشوق الساحل عابر ليك ..
جسور الطيبة وعمق الود ..
نلقاك ..
حمامة .. هديل انسان ..
غمامة ترحب بيك ..
مطر حاني .. وكف نديان ..
نجيك أزمان ..
تجينا حنان ..
تطيب أرواحنا باللقيا ..
ومعاك يتواصل المشوار ..
كل الشكر يا راوية ..
عميق الود ..
ونلتقي ..
| |
|
|
|
|
|
|
|
|
|
Re: جورج -- دى كفك ولا غيمه (Re: شتات)
|
أريج
ونحن نحبك يا أريج ..
بأريحية هذا المشوار ..
ومرحبا بك في أعشاش العصافير ..
على أشجار التصافي والود ..
تتمايل الأغصان أغنية ..
يوشوش النسيم قصيدة ..
تهش جداول اللقاء بالفرحة ..
عميق الشكر .. وكل الود
صلاح / شتات
| |
|
|
|
|
|
|
|
|
|
Re: جورج -- دى كفك ولا غيمه (Re: شتات)
|
عبدالرحمن سوركتي ..
انشاء الله سيظل هذا البوست ..
حلما .. بوحا .. وحياة ..
سيبقى ..
في الخاطر .. في البال .. في الذكرى
سيبقي بكم ..
كف بيضاء .. رشاش مطر .. غيمة رجاء ..
سيبقي .. ساحة للقــاء ..
ونلتقي ..
| |
|
|
|
|
|
|
|
|
|
Re: جورج -- دى كفك ولا غيمه (Re: شتات)
|
ثلاثة شلوخ ..
فخر اللمة .. أصالة الطين ..
انسان وشلة ضوء ..
وساقية حنين ..
قمر قاعد في قوز الرملة ..
النجم الضاوي حنانك ..
والليل الساكن ..
شايقي وما محسوب ..
طنبورو يغني ..
يناجي النيل ..
ينادى عليك ..
الشوق الكامن ..
وجروف العافية ..
الفرح الأخضر ..
توشوش ليك ..
الريد استوطن ..
سماك السافر فينا ..
حروف نديانة محنة ..
عافية وقافية ..
أمان وسكن ..
الطيف الراحل ..
نازل في كفينا ..
شايل لون البهجة ..
سحاب عينيك ..
غطى الساحة غمامة ..
وفينا أتمكَّن ..
وطيرنا الهاجر صيف ..
النخل العالي ..
عناق الريح ..
جزاير الوردة ..
البحر الآمن ..
نهاجر ليك ..
نشيل الغيمة والتذكار ..
نطاول الليل ..
دليلنا عيون ..
وعيونا الراحن في المشوار ..
دموعنا الكبَّن ..
فرحة ولهفة ..
ونوصل ليك ..
..
هين هينين ..
والود موصول ..
جزيرة هنا .. جزيرة هناك ..
نيل .. نيلين ..
والقافية تطول ..
نخيل الفرحة .. جروف الليل ..
مسدار الطيبة ..
حكاوي تقول ..
تغنى حنان الضفة ..
معاني اللهفة .. وعمق البين ..
الرهو الراحل ..
رمش العين ..
رسائل الشوق ..
والجو الحاضن ..
ريد اتنين ..
ونتلاقي غزال ورهيد ..
شجرة ظليلة .. وعصفورين ..
كنارنا يدندن ..
والود موصول ..
صلاح / شتات
| |
|
|
|
|
|
|
|
|
|
Re: جورج -- دى كفك ولا غيمه (Re: THE RAIN)
|
المطر
شتات
جورج
انا
اغنيكم فرحة
نشيلها نشيد
تكون عنوانا
وميم معنانا
وليل مغنانا
دليل تأكيدنا
وشأو ثباتنا
يجينا صداها
وفوح شذاها
طعم رضابها
وبوح سناها
نمة صوتها
وراية لوحة
جلال الروعة
وصدق الرغبة
العشق الوطن
اللون الطعم
الصورة الاصل
الغاية القصد
نغمة فاها
دلال ممزوج بى حال دنياها
وغالى مناها
وغالى مناها
وغالى مناها
ام وضاح
يا الغاليين الفوق كلكم
القومة ليكم
وانا احبكم
ام وضاح
| |
|
|
|
|
|
|
|
|
|
Re: جورج -- دى كفك ولا غيمه (Re: abuguta)
|
أبوقوتة العذب
أجمل المناهل
نابعه منك
وأحلى الشراب
أحرف نداوتك
ماليا دنك
وساعة تفتح وردتك
تطلق عبيرك للصحاب
تورينا عنك
نقعد حداك
نكرف عبق طيبة لماك
ونقول حباب
مرحب حباب
| |
|
|
|
|
|
|
|
|
|
Re: جورج -- دى كفك ولا غيمه (Re: abuguta)
|
ابوقوتة ..
غيمة رقيقة ..
تعبر صيفك .. تهمس ليك ..
وطفلة وديعة ..
في كف بسمة .. تجري وراك ..
الدنيا الغائمة ..
مسارح وعدك ..
فرح الليل الهائل .. يستناك ..
نور الصبح الباسم ..
يغطي مداك ..
يشيل من صدرك ..
هم الوجع الطوَّل ..
حنان الوالدة الراقدة هناك ..
دعوة وراك .. وخطوة أمامك ..
تحفظ دربك ..
سبحة طويل بينك وبينا ..
حبات بركة ..
من روح والدين ..
ينادوا عليك ..
قول آمين ..
قول آمين يا ابوحميد .. وشاكرين على الحضور الزاهي ..
تحياتي .. ونلتقي ..
صلاح / شتات
| |
|
|
|
|
|
|
|
|
|
Re: جورج -- دى كفك ولا غيمه (Re: essam&amal)
|
أمال أم وضاح ..
نشيل الفرحة .. غناوي اللقيا
نضوِّي الساحة ..
ننادي سماك ..
نرسم لحن الدنيا ..
الشفق الغادي ..
مصافي الرؤية ..
وطيب ريَّاك ..
الحرف الطائل ..
لون البهجة ..
المعنى السامي ..
دار النجوى ..
رقيق معناك ..
نلقاك ..
نهز القافية ..
شجر الكلمة ..
كتاب العافية الأخضر ..
يكتب نيلنا ..
يرسم ورق الصبح الأبيض ..
يناجي رباك ..
شكرا يا أمال على الهمسة الرقيقة الرائعة والكلمات المعبرة ..
عميق الشكر .. كل الود ..
صلاح / شتات
| |
|
|
|
|
|
|
|
|
|
Re: جورج -- دى كفك ولا غيمه (Re: ملكة سبأ)
|
Quote: وخلـوا بالكـم مـن المملكـة دي ..
ويمكـن اجـي القـى (دهلزونـا)
وإذا حصـل :
|
وإذا حصل برضه يا بلقيسنا حنكون قاعدين فوق قيف الإنتظار، نستنى موجات الجمال ونسائم الإلفة، ونعمر الحيشان من أول جديد
ما دام كف جورج تنضح بالندى، وما دام شتات شايل بذور المحبة والطيبة ويزرع فيها جوه تقانت المودة والحضور الأخضر، وما دام كلنا مستظلين باعرش البلقيسى السبأى الفخم، ومعانا كل الحبان الجميلين، كلهم وبدون فرز
حتلقينا قاعدين ومستننك، قدام باب المحبة
| |
|
|
|
|
|
|
|
|
|
Re: جورج -- دى كفك ولا غيمه (Re: خالد الحاج)
|
الغالي خالد الحاج .. يا ربيع المواسم
انت منك كل آهة ..
لم تبلغ فيك مداها ..
ترسى في حزنك متاهة ..
وتبقى قانون انتصارك ..
..
غرِّد .. غنِّى
لك الورود .. والشوك للمدن القبيحة
صلاح / شتات
| |
|
|
|
|
|
|
|
|
|
Re: جورج -- دى كفك ولا غيمه (Re: أبو ساندرا)
|
أبوساندرا وكيل الحلوة
وودقاسم كفه في كفك
والمأذون يهمهم بالغنوة
وتنهال التهاني
وتنساب الأغاني
وتتحقق أماني
أرقصوا يا بنات
وغرد يا شتات
سيرتنا جات
سواقنا زينة
وحالف ما يدلينا
وجورج يجينا
وبالطلاق يحلف علينا
والمطر الهطل
عم الجهات
الملكة جات
زغردوا يا بنات
وحنينة فينا
منسابة ورزينة
تتلقانا راوية
بي إكرامنا ناوية
دقت طبول
صوتا سمح
صوتا هدير
إعلان صريح
الهم يطير
يغشانا ريد
عاشق فريد
ونعزف نشيد
ونتلمّ فوق
ونقعد نروق
تضوي البروق
تغشانا زينة
تنفش غبينة
ونبقى فوق
نبقى فوق
شباب دي خرمجة ساكت ( خرمجة أون لاين ) ، أنا طولت من البوست ده ، وجيت الليلة قريت وقلت خليني أخرمج شوية ،، فكانت هذه الخرمجة ،، ولا تفهموها إلا أنها خرمجة ،،
| |
|
|
|
|
|
|
|
|
|
Re: جورج -- دى كفك ولا غيمه (Re: ودقاسم)
|
ود قاسم الحبيب
يا ريت الخرمجة كلها لو كده
خرمجه طاعمه وشهية ومليانة والله بالصدق المضوى بين الكلمات
ويا ريت كل يوم تخرمج لينا كده، ونحن نسعد ونفرح بيك وتطول هاماتنا بى جيتك الندية
| |
|
|
|
|
|
|
|
|
|
Re: جورج -- دى كفك ولا غيمه (Re: أبو ساندرا)
|
العزيز أبو ساندرا
والله العظيم شرفت الدار وزاد الإخضرار
وآلاف المراحب بيك وبحضورك المفرح، وابقا لا جوه، اتوهط بينات الناس الحلوين ديل، عشان بيك تزيد حلاوة المكان ونشوة الزمان
| |
|
|
|
|
|
|
|
|
|
Re: جورج -- دى كفك ولا غيمه (Re: أبو ساندرا)
|
أبوساندرا ..
نلتقي في نهر الفجر .. في بحر الأصيل ..
في قوافل الليل .. في ضجيج الصباح ..
في موجة هواء يحضنها شراع ..
في السفر الطويل ..
في صحاري الوجد ..
في جاذبية الأشياء ..
نلتقي ..
في تحية الأرض للسماء ..
في محاور الرجاء ..
في قبلة الورد والندى ..
في منظومة الذات .. في حمى التفاصيل ..
نلتقي ..
في موجات الضوء .. في ذبذبات الأثير..
في فرحة اللقاء ..
في دمعة الرحيل ..
في الأماني الطفلة .. في انفلات الذكريات ..
في حركة الخطوط .. في تموج الألوان ..
في نخيل العمر ..
في هامة المدى ..
فيك .. فيَّ .. فيهم ..
في ضمير الحروف .. في مجاز المعاني ..
في بيان اللغات ..
نلتقي ..
في استراحة قصيدة ..
في ضفة أغنية ..
في خصل القلب ..
في لفتة الروح ..
في عيون الأرض .. في أجنحة السماء ..
نلتقي ..
انسان وظل ..
عمر وأجل ..
وريد ودماء ..
نلتقي .. ونلتقي ..
وهل افترقــنا ؟
نلتقي يا أبوساندرا .. في دار أبوساندرا العامرة .. في ضيافة رشيدة وساندرا وماهي وكل الاسرة الكريمة .. نشرب قهوة الصباح ونقطع في الخال ودقاسم ..
عميق شكري ..
كل الود ..
ونلتقي ..
صلاح / شتات
| |
|
|
|
|
|
|
|
|
|
Re: جورج -- دى كفك ولا غيمه (Re: THE RAIN)
|
إيها الصبح الغائم...
لكم تذكرني بوجه حبيبتي!!!
تبعث في شعورا غريباً...
كيف يسعد الإنسان حين يتذكر الأحزان!!!
أم ان المحبين يعشقون الأحزان؟؟؟
الغيمة تتشح بالسواد...
تبكي..فترتعش لبكائها الأزهار والحشائش...
ترتعش الاغصان...
ويرتعش قلبي بردا ... وخوفاً...ً
يا لهذا البرد وهذه السماء الباكية...
التي تثري في نفسي احساس الوحشة...
اريدك جدا واحبك جدا...
اسكني قلبي واشعلي فيه نارك...
واطفئ شوقا حل بي...
حين يلتقي ماء السماء...
بماء بالحور...
أحبك أكثر...
أحب أن ألتقي بك...
وإن لم يكن...
فأنني أحب أن انظم إلى لقاء المياه...
في الشتاء ألقاك كثيرا...
ونختلف كثيرا...
واحبك بجنون...
في الصيف تبعدنا الاسفار...
وتلتهب الاشواق...
احادثك عبر الهاتف كثيرا...
واحبك أكثر...
ياإبنة العشرين...
احبك..أعشقك...
فلما لا تبادلي الحب الكبير بمثله...
ابخيلة انت؟؟؟
ام هو الكبرياء؟؟؟
| |
|
|
|
|
|
|
|
|
|
Re: جورج -- دى كفك ولا غيمه (Re: ميادة)
|
يا عصفور الصباحات النجلاء ..
لكم توقظ جراحات الرحيل ..
يسقط المدى ..
سحابة قتلى في دكة الأحزان ..
كيف تنسى العصافير نوتة الألحان ..؟
أم أن الألحان هي قافية الشجن؟
أتجف الغيوم في سماواتها ..؟
أيمتلئ الفراغ ..؟
أيبتلع البحر الصدى ..؟
لا ..
هي مهاوي التوازن ..
ظلال الليل واشتياق الردى ..
هي احتفال الغيوب .. وارتحال النداء ..
..
في عجاج الأشواق ..
نراك..
نحتفي بك ..
وفي غرف القلب نضيء شموع اللقاء ..
ونار الوحشة برد وسلام ..
وبين قطرات السماء وماء البحر ..
ملح الوفاء ..
وبين الأرض والبحر معنى الالتقاء ..
نشتاقك ..
في محارق الصيف ..
في أصقاع الشتاء ..
في ربيع القوافي .. في استراحة الأصدقاء ..
يا هودج المدن الصحاري ..
يا ابنة النسيم ..
عودا حميدا ميادة ..
ومرحبا بك في ضيافة جورج والمطر .. وكل الأعزاء ..
وهذه الرحلة الفضائية ..
صلاح / شتات
| |
|
|
|
|
|
|
|
|
|
Re: جورج -- دى كفك ولا غيمه (Re: مراويد)
|
مراويد الكحل
رسمت بلد
فوق العيون
جنب الرموش
شفنا الفرح
إنشرا ضُل
فوقو الوداد
نشوان قعد
وشفنا السماح
مفروش بروش
لون الصفا
عطر الوفا
صبغ الرياح
بالريدة
والحزن انمسح
شكرا ليك يا مراويد يا معطر، يا حامل مسك الحضور العبق
| |
|
|
|
|
|
|
|
|
|
Re: جورج -- دى كفك ولا غيمه (Re: مراويد)
|
مراويد ..
انت العالي ..
عالي .. عالي ..
وصوتك عالي النبرة ..
في الرواكيب المنافي ..
في المطامير الفيافي ..
وحتى ألوان الفراغ ..
..
منوِّر دائما يا مراويد ..
كل الشكر .. كل الود
صلاح / شتات
| |
|
|
|
|
|
|
|
|
|
Re: جورج -- دى كفك ولا غيمه (Re: THE RAIN)
|
تعرف يا مراويد
كلما ألقاك، بتخيل العيون الحلوة، الواسعة زى إشتهاءتنا المقيمة، وبالمناسبة دى اتذكرت قصيدة، للرموش والعيون العاجبا سيدا، وتعرف نفسى فى شنو
نفسى والله تعجب الزول السمح "حمزة سليمان" ويشوفها كان عجبته، يمكن يلقى فيها طريقة موسقة
كدى شوفها إنت أول شى سمحة ولا ما نافعة، ونهديها لأسياد العيون الحلوة كلهم
مدى ضل رمشك مرافى
لونى شعاع الأمانى
عشان اجيك
استقبلى الشوق الهدير
اندهاش اللحظة بى شوفة عينيك
وانبهار اللقيا بالريد الخرافى
ومدى ضل رمشك مرافى
جاييك على ضو الأغانى
متوهط الوجع الكبير
رهق المسافات والمنافى
مشدود متل وتر المعانى
خطوة فى الزمن الودار
فكرة فى الخاطر الكسير
دمعة فوق خد القوافى
نجمة دساها النهار
انشده وأنا جاى ليك
وينقطع نفس الثوانى
وأجيكى حافى
ومدى ضل رمشك مرافى
جاى ليك ارسم ملامحك
ارتعاشات فى الحروف
تنتهى الضلمة وتفوت
وابداكى تانى
يتلاشى وجع الليل يموت
وابداكى تانى
ارسم ملامحك
طيبة زى فجر الجروف
نفحة من طيب البيوت
وابداكى تانى
ينهزم هم التجافى
ومدى ضل رمشك مرافى
دوى صمت الليل هواجس
شال كلامى
وفتح أبواب السكوت
ضج ضيك فى مسامى
زغردت قمراة نشيدنا
وفرهد الفرح البموت
خليهو حزنك
لا تهمى ولا تخافى
بس مدى ضل رمشك مرافى
| |
|
|
|
|
|
|
|
|
|
Re: جورج -- دى كفك ولا غيمه (Re: THE RAIN)
|
مطر الغيث 00 متمننك
أهطل بل ارواحنا النشفت
شوف اطفالنا المستننك
انزل خضر كل واطاطتنا
كريم جواد 00 ياك اظنك
بدل حال الجدب الفينا
خلى دعاشك 00 يعبر عنك
تلاقت الارواح 00 هطلت السكبنة
كهطول المطر 00
تلاشت الرؤى الشائهة
( لا يصح الا الصحيح ) 00
ولا يبقى الا الجمال 00
جمال الخريف 00
لا خلاص الا الصلاح 00
صلاح النفوس والامكنة 00
مدد 0000يا جورج
دى كفك ولا غيمة
المطر ( دة بوستك ولا 0000حب )
حبى لكم
ع/ سوركتى
| |
|
|
|
|
|
|
|
|
|
Re: جورج -- دى كفك ولا غيمه (Re: جورج بنيوتي)
|
تثائبت الشمس في هذا اليوم كـسلي, علي غير العـادة , تطـرد عنها
طيوف النعـــاس , وتمسح النوم عن أجفـانها , ورغم ذلك لم ألمح في
هذا الصبـاح العصـافير وهي تؤكد اكتمال ميكانيـكية الـشروق , وحتي
هذا الشعاع القادم منها , مالي أراه بلون الضـباب ؟ تري من الـذي
أقتلع من هذه الشمـــس المسكينة لون البريق ؟ أحـس ان هذه القمرية
التي كانت تغنيني كل يوم لـحن هذا الصبــاح انها اليوم تبكــيني و
تعـزيني في فقدي الكبـير , أحــسّ أنها تعـلن للنــاس جميـعا , ان
حلمــي الـذي نـام في الفــردوس , أنتبهت أليه مقـلة الشــــجون ,
بعـد ان كانت غافـلة عنه لسـويـعات , ويحك يا طــائري !!! لمــاذا
تـلـملم عني بـاقي أملي , وتنـصـب ســرادق العــزاء ؟؟ أواه يـا
حلــمي !!!! أواه يـا نبـض الامنـــية فيني الذي توقف عن العــــزف
, وتقــطّعت أوتــاره في صبـــاح بكــائية اللاامل ,,أوااااه أوااااه
جورج المطرة دي حدّها النخرة واللا شنو ؟؟؟ 
ياخي زهجان شديد والكلام الفوق دة ما ليه أيي علاقة بي مطرتكم دي
لكن ممكن تقول دي الزنقة البعد السحاب يتلملم فوق قلب السماء
شكلها كدة قوية يا حبيب... وبعدين وين الزول دة غاطس ؟؟؟؟؟
| |
|
|
|
|
|
|
|
|
|
Re: جورج -- دى كفك ولا غيمه (Re: Abd-Elrhman sorkati)
|
عبدالرحمن سوركتي ..
نحن .. وأنت .. وهم
هنا في الساحل المشرق للصباح ..
نقف .. ننتظم ..
ننتهز فرصة من المتاح ..
نعبر تضاريس القبح ..
نزرع الطريق ضحكة ونغمة ..
نبلل منديل اللقاء ..
بعطر الأحبة ..
كل الحب ..
ونلتقي ..
صلاح / شتات
| |
|
|
|
|
|
|
|
|
|
Re: جورج -- دى كفك ولا غيمه (Re: THE RAIN)
|
إعتـراف
حبيبي المطر
قبل أن ترسل هذا البوست كنت قد بهرتني بأكثر من قصيدة وكتبت حينها أبدي إعجابي الشديد بما تكتب ، ثم لفت نظري عنوان هذا البوست فدخلت ووجدته نوعا من الإخوانيات ولم أشأ المشاركة حتى لا أكرر ما سبق شرحه . ولظروفي الخاصة انقطعت رجلي عن البورد إلا عن طلات خاطفات . أخيرا لفت نظري عدد المشاركات وعدد الزائرين لهذا البوست فدخلته للمرة الثانية بالأمس وليتني ما دخلت .. والله فاتني الكثير .. ومنذ قطار مام لم أشهد تجمعاً لمثل هذه النفوس الطاهرة ، وهذه القلوب التي تسع الناس برحابتها . أكتب الآن قبل دخول البوست للأرشيف لأتشرف بفبار خطاكم إن فاتتني خطواتكم .
عاطر الود والعرفان لكل من شارك بحرف في هذا الكنز
الحبيب شتات
كل يوم ازداد بك تعلقاً وإلفة
لك الود أيها الجميل النبيل
لك الود أيها الفارس الأخير
تحياتي
| |
|
|
|
|
|
|
|
|
|
Re: جورج -- دى كفك ولا غيمه (Re: THE RAIN)
|
أبقوا معنا000000 بكري أبقيهم معنا
دة بوست بي كل البورد000000000
عدة أسئلة 00
جورج 00 دة كفك ولا غيمة؟
المطر0000 دي قصايدك ولا متعة 000
شتات 0000 دة كلامك ولا درر0000000
ملكة سبأ000000000 أحبك0000
يابت يانيل 000 ادفقي كما النيل
هالة قوتة 000يارحيم أرحمنا سوا00000
حنينا000 نبع الحنان00000
يا شباب يلا كلكم0000
هل مثل هذه البوستات يذهب للارشيف0000
أرجوا الا يتم ذلك0000
يا بكري دة موقعك ولا وطن
يا بكري دة موقعك ولا وطن
يا بكري ة موقعك و لا وطن
أم وضاح
امال
| |
|
|
|
|
|
|
| |
شتات
THE RAIN
يا بت يا نيل
معتصم دفع الله
ملكة سبأ
haneena
Rawia
Abd-Elrhman sorkati
حبيب نورة
essam&amal
abuguta
أبو ساندرا
ودقاسم
ودرملية
فيس بوك
تويتر
انستقرام
يوتيوب
بنتيريست