ياناس مدينة الأبيض: بتعرفوا الزول ده؟..

مرحبا Guest
اخر زيارك لك: 03-29-2024, 03:31 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مكتبة محمد النور كبر(Kabar)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
10-19-2011, 05:07 PM

Kabar
<aKabar
تاريخ التسجيل: 11-26-2002
مجموع المشاركات: 18537

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ياناس مدينة الأبيض: بتعرفوا الزول ده؟.. (Re: Kabar)

    صديقي حامد الصوي..حبابك
    كتر خيرك على المرور من هنا..

    مناطق كردفان و دارفور..و غيرها من اطراف السودان لها مزاجاتها الخاصة و المتنوعة..و صدقني لو الحاجات لقت فرصتها تعرض يالصورة المناسبة.. اكيد ح يكون ليها وضعها العالمي..
    استاذنا و صديقنا عبد القادر سالم.. اجتهد كتير للغاية..و نشكرو على الجهد المبذول..و لكن..!
    لم ارى في تجربة الأستاذ عبد القادر اي من الآلات الموجودة في المنطقة.. بالرغم من ان تراث كردفان في معظمه لا يعتمد على الآلات الموسيقية..اللهم الإ كن النقارة..في بعض المجتمعات تسمى الدلوكة..و في البعض نحاس..اضافة للربابة..يعني لا عندنا اكورديون ولا كيبورد ولا غيرو..و مثل هذه الأشياء هي التي ندعو ان نراها في التمثيل العادل للأشياء..
    احتفاءنا بتجارب ناس مالي.. لأنو فيها شوية صلة بالواقع المحلي..و يمكن نلاحظ توظيف للألأت الشعبية.. امكيكي.. قيثارة الرعاة (الهارب الأفريقي)..النقاقير باشكالها و مستوياتها المختلفة..و لو كنت املك امر على فناني و فنانات الأقاليم في السودان.. لألزمتهم بالتفرج على الفيديوهات بتاعة غرب افريقيا.. لأنو ح تساعدهم كتير..
    كتر خيرك يا حامد..و مرحب بيك طوالي..

    كبر
                  

10-19-2011, 05:20 PM

Kabar
<aKabar
تاريخ التسجيل: 11-26-2002
مجموع المشاركات: 18537

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ياناس مدينة الأبيض: بتعرفوا الزول ده؟.. (Re: Kabar)

    صديقي باسط..حبابك
    كتر خيرك على المرور و المسامرة..

    Quote:
    ايا امي انت يالحراير
    جوزتيني راجل الضراير
    اونا اوناالبيض سنونا
    مشينا لينا قعير ضرابة
    لقينامسيكين دهابا
    فارش كمه يقراء في كتابه
    ما اخدته قولو لي كدابة


    سمعت هذه الجزئية كثيرا..و فيها لازمة (هوي ما بدور بلا)..
    و سمعت ايضا (نحن ديل ..بنات تلاتة هوي..ما بدور بلا..مشينا لينا لي قعير ضرابة هوي ما بدور بلا)..
    غايتو لغاية منتصف السبعينات من القرن المنصرم الأغنية دي كانت موجودة في تسجيلات الإذاعة بصوت ثنائي النغم..و تقريبا اتسجلت في الستينات هي و اغنية العجكو..

    نسبة لسيادة ثقافة المشافهة..فان الأغاني هناك تبدأ بصورة معينة..و كل مجتمع يضيف فيها القليل..واحد من الأمثلة اغنية الجنزير التقيل..و هي من تراث الدرملي..و الذي هو تراث قايم بذاتو..فالأغنية موجودة في مجتمعات كبيرة في كردفان و دارفور..و فيها عبارات مرتبطة بالنظام السياسي القديم في ممالك دارفور..مثل قوله (اماه ميرم العوين)..و الميرم لقب اداري و سياسي في نظام الحكم في تلك الممالك.. (شفت المحنة يا باسط مجتمعات قبال قرون عندها وزيرات ووزيرات دولة..و نحن في الألفية الثالثة.. يادوبك عندنا كوتة النساء في البرلمان..!!)..

    قعير الضرابة..دي مهمة..و الضرابة هي البامية..و في كردفان عندنا نوعي بري اسمو الضرابة سارا (طبعا عندي اعتقاد انو الإسم ليهو علاقة بشعوب السارا في تشاد)..و القعير تعني البواقي..و البنيات ديل شكلهن فزعنا يلقطن ليهن ضرابة (عشان يجن يسون بيها ملاح)..و لاقن الفرفير..و هي تصغير فرفور (عيال الزمن ديل ممكن يبدعوا في نطق اخونا الفنان جمال فرفور.. لكن ما عندهم فكرة عن معني الإسم)..و يعني الصبي الصغير ..

    كتر خيرك يا باسط..و نشوفك
    كبر
                  

10-19-2011, 05:23 PM

Kabar
<aKabar
تاريخ التسجيل: 11-26-2002
مجموع المشاركات: 18537

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ياناس مدينة الأبيض: بتعرفوا الزول ده؟.. (Re: Kabar)

    متوكل..حبابك يا صديق
    كتر خيرك على المرور..
    و ياخي ضل الحيط ده فيهو حكاوي لذيذة خلاص..
    مرات فنانين صغار بيكونوا بدوا من ضل الحيط دي و استمروا..

    كبر
                  

10-19-2011, 05:28 PM

Kabar
<aKabar
تاريخ التسجيل: 11-26-2002
مجموع المشاركات: 18537

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ياناس مدينة الأبيض: بتعرفوا الزول ده؟.. (Re: Kabar)

    ول ابا محمد خليل..حبابك يا صديقي
    كتر خيرك على المرور..


    Quote:
    اعتقد نفس اللحن اشتهر في منطقة المجلد في زمان مضى وكانت البنات يغنين الاغنيةبمطلع..

    بدور كولي اب وجيه ناير
    هوي ما بدور بلا
    بدور كولي راجل الضراير
    هوي ما بدور بلا..

    ويقال ان كولي هذا سائق لوري شهير..

    ثم قامت فرقة السمندل على ما اعتقد بإعادة صياغة الكلمات مع الاحتفاظ باللحن كما هو..

    بدور زولي اب وجيه ناير هوي ما بدور بلا...سمره السلام السلام يا سمره...الخ


    كويس انك جبت لينا معلومة جديدة..و ح نخليها في بالنا..و نفتش عن قصة كولي ده..
    غايتو في الدلنج عندنا عمنا عثمان كولي..و عندو ورشة..و ما نستبعد ايام شبابو يكون كان سواق..
    متلما ما قلت لأخونا باسط.. الأغاني هناك بتبدى من نقطة معينة..و بعد داك كل مجتمع بيضيف فيها شوية توابل..
    و نشوفك طوالي يا محمد..

    كبر
                  

10-19-2011, 05:37 PM

Kabar
<aKabar
تاريخ التسجيل: 11-26-2002
مجموع المشاركات: 18537

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ياناس مدينة الأبيض: بتعرفوا الزول ده؟.. (Re: Kabar)

    التحية للصديقات و الأصدقاء.. الذين يتابعون هذا الخيط من على البعد..
    و بنقول ليهم متابعتكم دي غالية شديد..بس مشكلتها بتخلينا نتعب شديد عشان نجيب الجديد و المختلف..
    سعيد جدا بان المسامرات هنا نالت اعجاب اعداد كثيرة..
    و ح نواصل ..

    هنا اخونا الفنان عمر بانقا..و هو من الشباب الذي بدأ في مدينة الأبيض..
    هذا العمل واحد من اخر اعمال عمر بانقا..و تمت اضافتو لشبكة اليوتوب قبل شهر..
    و على قول احد المعلقين في اليوتوب..ده الجن ذاتو.. عمل يجمع هلاوي..عثمان النو..الموصلي..و بانقا..!!!



    كبر
                  

10-19-2011, 05:45 PM

Kabar
<aKabar
تاريخ التسجيل: 11-26-2002
مجموع المشاركات: 18537

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ياناس مدينة الأبيض: بتعرفوا الزول ده؟.. (Re: Kabar)

    و تاني قامت صديقتنا نانسي عجاج..و جابت السيرة الحنينة..
    فقدمت لمشهد الغناء السوداني .. اغنية (اندريا)..و اعتقد أنو نانسي في الأغنية دي اتفوقت على ذاتها..و تماثلت مع الواقع المحلي بصورة جعلته قريب للغاية..
    وجدت هذا الفيرشن..و اعجبت بطريقة الأخ سودان راستا الذي اضاف بعض التوابل و جعلت من الفيديو اكتر من مجرد عمل غنائي..



    و الأغنية نالت حظها من التشريح و المقاربات..
    الحكامة قالت ( كن ما كلام الناس.. برحل معاك خماس)..


    اها ده المدخل..
    و المتن ح نضيفوا براهو..

    كبر
                  

10-19-2011, 06:13 PM

Kabar
<aKabar
تاريخ التسجيل: 11-26-2002
مجموع المشاركات: 18537

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ياناس مدينة الأبيض: بتعرفوا الزول ده؟.. (Re: Kabar)

    اها يا اهلنا..
    التراث اصلا هو ريف..هناك في الفضاء الحر الذي لا يعرف القيود و تعقيدات ناس المدينة..و الإتيكيت..و الحواجز..
    قرية خماس الدونكي.. قرية تقع في شمال مدينة ابوزبد..و في جنوب شرق مدينة النهود..و المنطقة يسكنها اهلنا الحمر (بفتح الحاء و الميم معا)..و هم ناس ابالة..
    هناك التراث ..خصوصا الغناء صعب و قاسي خلاص و فيهو تحديات كبيرة..يعني لو الزول ما فنان جدجد ما بيقدر عليهو..و برضك الزولة لو ما عندها ملكة بارزة وواضحة ما بتجازف..و صعوبة تراثنا اهلنا الحمر انو تراث صوتي.. لا يعتمد على أي الة موسيقية..و هنا يكمن الجمال النادر في اعتقادي..
    مقاربة تانية ممكن الناس تراجعها معانا..و لأنو اهلنا حمر هم ابالة بطبيعتهم..فيلاحظ الريتم بتاعهم يشبه حركة الجمال.. حركة بطيئة..راسخة..متماسكة..
    اها التراث قبال ما يصل الأبيض و الخرتوم.. بيكون مرق من سماحة القرى الحميمة و الريف..

    تجمعني بقرية خماس.. علاقة السرحة (الرعي)..و فرقانا كانت بتعدي بيها ايام الخريف في رحلتها للشمال..

    و هنا بعض المداخل.. للفرجة على هذا الفيديو..و هو من قرية خماس..و تم تسجيلو في القرية..



    المدخل الأولاني.. مسرح الأداء.و في كردفان بنسميهو المدي..و هو المكان الذي يتجمع فيهو الشباب و الشابات للغناء و الرقص..و دايما المدى بيكون بعيد عن الفريق و مكان السكن..و الفكرة دي أنو الشباب و الشابات عندهم حساسية اجتماعية عالية..و ما بيكونو ما دايرين يزعجوا الكبار..اضافة لذلك.. لأنو المدى بيتيح حرية تعبير عالية (سواءا بالكلام الغناء أو بالرقص)..و النس لو لاحظت في طرف الفيديو صورة شجرة..و احتمال في نفس المدي و تحت نفس الشجرة تكون مرقت اغنية (اندريا) اياها..!!
    المدخل التاني..الفيديو قدم نموذج للشباب الذكور..و هم يدخلون على الدائرة..طبعا في معظم مجتمعات كردفان و دارفور (بقارة و ابالة) البنات بتقيف في شكل صف دائر الشكل..و هن العندهن القرار (بلغة ناس المزيكا)..و الأولاد بيجو داخلين (الجواب)..يعني الحكاية هي عبارة عن حوار جماعي يشارك فيهو الجميع..و خلافا لمجتمعات البقارة.. يلاحظ في مجتمعات الأبالة أن الرجال تشارك في الصفقة (ضبط الرزم)..!
    المدخل الثاني..الأولاد هم البيغنوا..و البنات بيقومن بالرقص..ويلاحظ ادخال ايقاع دلوكة..و هي تشبه فكرة ايقاع الربة عند اهلنا الجوامعة و البديرية..و يلاحظ أنو الأولاد اصواتهم قوية ..ايضا.. ايقاع الدلوكة فيهو حاجات كتيرة من ايقاع الكرنك عند اهلنا النوبة..!

    غايتو عشرة فيديوهات من اهلنا ديل..يعد شوية يجوكم اهلنا الخواجات..و ناس كتيرة قاعد تشاركنا الإستمتاع بهذه المواد..و كل زول/ة بيتفرج من زاوية ما انزل الله بها من سلطان..غايتو قريبتي واحدة قالت تبحث عن ثقافة الإبل عشان تفهم رقيص الحكامات ديل..!!

    و دمتم..
    كبر
                  

10-19-2011, 06:18 PM

Kabar
<aKabar
تاريخ التسجيل: 11-26-2002
مجموع المشاركات: 18537

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ياناس مدينة الأبيض: بتعرفوا الزول ده؟.. (Re: Kabar)

    من عبركم جميعا.ز اسمحوا لي بتحية..
    الأصدقاء..حمد اسماعيل..ووليد عبد الحميد (وليد كوش)..
    و متأكد بيكونوا تاوقوا بي هنا اكتر من مرة..

    كبر
                  

10-20-2011, 02:03 PM

الفاتح ميرغني
<aالفاتح ميرغني
تاريخ التسجيل: 03-01-2007
مجموع المشاركات: 7488

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ياناس مدينة الأبيض: بتعرفوا الزول ده؟.. (Re: Kabar)

    Quote: شكراً على الإضافة الرائعة .. و فرج حلواني ود حلة و زميل دراسة .. و متاكد تماما إنه يا هو دة صوتو ذاتو الما بغباني .. و سراج أستمعت له كثيراً في حفلات الأبيض و أكاد أجزم أنه سراج السمعتو في الأبيض .. و أستاذنا الفاتح أكيد بيكون طلع معاهو كم حفلة و أكيد عارف صوتو فممكن يفتي لينا في الحتة دي ..

    استاذ عصام . فعلا ده صوت فرج يوسف ذاتو. والغريبة نفس صوتو بابعادو المعروفة، يبدو لي إنو الزمن ما اثقلو. قادر أتخيلو زي البغني قدامي، وبالتأكيد لمن تذكرو بتكون متذكر أناقته المفرطة وذوقو الرفيع لدرجة إنو البنات كن يتهامسن إستحسانا لذوقه في حسن إختيار الملبس. الكليب التاني أبى يفتح معاى وإن شاءالله بحاول في نهاية الإسبوع ده القى لي طريقة في عطلة الإسبوع ده وأشوفو.
    Quote: شكراً ليك تاني و طوالي .. و بجيكم إن شاء الله ..

    أنا ذاتي قلت أحسن تجي بمحض إختيارك وطوعك وأهليتك المعتبرة شرعا، وتفت لينا البعد "الجكساتي" الكان غايب عن العين قبل ما نرسل ليك Summon.
    ولا اقول ليك كان ما جيت بنجيب دكتور عبدالحميد شاهد ملك ويفت لينا مغامراتك فتة ام توم


    محبتي للجميع

    (عدل بواسطة الفاتح ميرغني on 10-21-2011, 02:49 AM)

                  

10-21-2011, 01:16 AM

الغالى شقيفات
<aالغالى شقيفات
تاريخ التسجيل: 08-16-2009
مجموع المشاركات: 3664

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ياناس مدينة الأبيض: بتعرفوا الزول ده؟.. (Re: الفاتح ميرغني)

    ول ابا كبر سلامات
    اجتهد عشان نجد فيديو لسراج العروبة
    وبقدر ما فرح جدا لفنان مهمش اصبح مغنى القصر الرئاسى التشادى ايضا حزين لان الوطن يفقد وفقدوهم الشباب فى دارفور وكذلك الفنان ادم الذى بجواره من الفاشر كانو برفقة الرئيس التشادى فى نيويورك
    شكرا ادريس دبى والتحية لك
                  

10-21-2011, 02:19 PM

حسن محمود
<aحسن محمود
تاريخ التسجيل: 10-23-2009
مجموع المشاركات: 868

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ياناس مدينة الأبيض: بتعرفوا الزول ده؟.. (Re: الغالى شقيفات)

    حبيبنا كبر .. لك التحية.. يا فنان

    ادم حمودة فنان رائع في اغاني التراث ..صوته شجي والحانة جميلة..
    وهناك فنان ايضا لا يقل عنه روعة في الاداء خاصة الغناء الكردفاني . ولكنه ايضا
    مظلوم اعلامياهو الفنان حامدين بقادي .. شاب وفنان مثقف ومتحدث جيد من بابنوسة ( مدينتك ) .. سمعته في لقاء اذاعي ببرنامج دندنات مع احمد الملك و ود المامور . ومعه الشاعرة والاذاعية وسامعمر من دار حمر..كانت سهرة رائعة ..وكان حامدين نجما في تلك السهرة بأغنياته الكردفانية الحنينة وايقاع المردوم وكذلك بحكاويه الجميلة عن التراث والادب الشعبي (زول حكاي)
    ..وهو بالمناسبة يكتب الشعر ويغنيه ومعظم اغانياتة من شعره والحانة .. لا توجد له تسجيلات ع اليوتيوب .. ارجو من له تسجيلات ان يمدنا بها .
    ومشهور بالرميات .. اشهرها جرداق الليل ..وهي مسموعة لكثيرين في مقدمة براج اذاعية
    دون معرفة مغنيهاوهي من كلماته ..ومنها


    صباح الغرة يا اهل الديار البرة
    بيضة الرملة منشرة..
    وداك الصيد في لُب الوادي انزرة
    غزال شاردة وفحل جاموس رقد قره
    نمر كاتل ضنيبه حارس ام غرة
    اسد راقد قاطع الطريق ..الشافه داير يبراه
    ابو جقم سيد الرجالة الداير الدواس ينفرز برة
    داك التيتل ابو قرنين قصع جُره
    ريحة المرفعين الكوك، خمش تره
    ترك حملا صريع سيده انقلب صره


    ومن جرداق الليل ايضا

    شوقا ليك خضر فام ..كُبو الطلحان
    شوقا ليك.. شال ريحة الدعاش وضاراها في القيزان
    شوقا ليكي شوق الوالده للجنيان
    وشوق قلاجي للمربرب
    وشوق قناصي لام سيحان
    ده شوق القمري لعيشيشه
    ده دفق النيل على امدرمان


    -----
    *ارجو ان تفتح لنا بوست بأسلوبك المميز عن هذا الفنان و بشيل معاك .






    .

    (عدل بواسطة حسن محمود on 10-21-2011, 03:02 PM)

                  

10-21-2011, 03:12 PM

حسن محمود
<aحسن محمود
تاريخ التسجيل: 10-23-2009
مجموع المشاركات: 868

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ياناس مدينة الأبيض: بتعرفوا الزول ده؟.. (Re: حسن محمود)
                  

10-22-2011, 00:15 AM

mohmed khalail
<amohmed khalail
تاريخ التسجيل: 06-14-2007
مجموع المشاركات: 4509

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ياناس مدينة الأبيض: بتعرفوا الزول ده؟.. (Re: حسن محمود)

    الاخ العزيز حسن محمود سلامات ياخي

    Quote: حامدين بقادي


    يا سلااااااااااااااااااااااام عليك ياخ والله انا قدر ما فتشت لحامدين بقادي ده ما لميت فيهو وسمعتو مره واحده سنة 99 اعتقد في لقاء عابر في التفزيون رمي واحدة من رمياتو الحلوة خلت شعر راسي اقيف واحد واحد..وللاسف ابتلعتني الغربه بعدها بسنة ومن حينها وانا ابحث عن هذا الفنان...

    عليك الله يا كبر ياخ رجاء خاص الاستجابة لنداء اخونا حسن محمود ياخ حامدين بقادي وبلا مجاملة فنان كردفان الاول من ناحية الصوت وقوة الاداء ...ده قبل 11 سنة عندما سمعته اول مره ان شاء الله يكون محافظ..



    شكرا يا حسن ياخ
                  

10-22-2011, 00:27 AM

mohmed khalail
<amohmed khalail
تاريخ التسجيل: 06-14-2007
مجموع المشاركات: 4509

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ياناس مدينة الأبيض: بتعرفوا الزول ده؟.. (Re: mohmed khalail)

    يا حسن اشتغل معاي ياخ..

    الله علييييييييييييك..

    والله ما عارف اشكرك كيف.


    ياهو حامدين بقادي زولي البفتش لي من زماااااااااااااااااان.

    شكرا شكرا شكرا.
                  

10-22-2011, 01:38 AM

Kabar
<aKabar
تاريخ التسجيل: 11-26-2002
مجموع المشاركات: 18537

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ياناس مدينة الأبيض: بتعرفوا الزول ده؟.. (Re: mohmed khalail)

    الفاتح..حبابك يا صديقي
    كتر خيرك على المرور و التاكيد على صحة صوت اخونا الفنان فرج..
    و نشوفك..

    كبر
                  

10-22-2011, 02:02 AM

Kabar
<aKabar
تاريخ التسجيل: 11-26-2002
مجموع المشاركات: 18537

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ياناس مدينة الأبيض: بتعرفوا الزول ده؟.. (Re: Kabar)

    ول ابا الغالي..حبابك
    اضفنا نموذج فوق من اغنيات الفنان سراج..و الشباب اتعرفوا على صوتو و صوت الفنان فرج حلواني..
    في واحد قاعدي يغني (الدمبجويا)..(فورت لامي ما مثل ده) و الأخيرة دي اسمه برضك (دقو بروافو)..ويتخيل لي للفنان احمد يوسف..
    و ح نفتش اكتر لغاية ما نلقى ..
    و نشوفك..
    كبر
                  

10-22-2011, 02:14 AM

Kabar
<aKabar
تاريخ التسجيل: 11-26-2002
مجموع المشاركات: 18537

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ياناس مدينة الأبيض: بتعرفوا الزول ده؟.. (Re: Kabar)

    ول ابا حسن ..حبابك يا صديقي
    كتر خيرك على المرور ..
    و كتر خيرك على اهدائنا هذه البهجة الجميلة..
    استمعت للحلقة مرتين..طبعا اول امرة اسمع ول ابا حامدين..و كذا بت ابا الشاعرة وسام..و كذا اذعة الطبية في ذات نفسها..
    الأخت ابتسام ذكرتني برنامج قديمة كانت بتقدمو اذاعة كردفان من اعداد و تقديم اخونا و استاذ دكتور عبد الله اسماعيل محمد حسين..و البرنامج اسمو (انا كردفان)..و عبد الله مشهور بقصيدتة الجميلة (واشوقا على بلدي .زشوق زولا ولوف بكاي)..
    صوت اخونا حامدين.. ذكرني الفنان المرحوم عبد المنعم الخالدي (خصوصا لمن حامدين يغني بمزاج ناس البنادر)..
    بالنسبة لتجربته في التراث.. فهي تجربة جيدة و متفردة.. لأنو طرق تراث منطقة ما معروف كتير.. يعني اكتر حاجات الناس بتعرف النقارة..و المردوم.. لكن الجرداق و اغاني الهدايين..و غيرها من النماذج .. فهي لم تجد حظ كبير التناول..
    و ما عندك مشكلة تب يا حسن..و ممكن نعمل خيط و نسلط الضوء على تجربة اخونا الفنان.. حامدين بقادي..و يا ريت نشوف ليهو سهرة في التلفزيون .. عشان تساعدنا اكتر..

    الأصدقاء الأساتذة احمد الملك و مصطفى ود المأمور.. التحية ليكم..و ولو مريتو بهذا الخيط..
    فالتركاش يا احمد هو الكنانة..كنانة السهام..و اكتر الناس القاعدين يستخدموها اليوم في السودان هم اهلنا امبررو لأنهم بيستخدموا السهام بدل الرماح..
    الحدبة..هي الأرض الطنية ذات الشقوق..و لمن حامدين قال الحدبة هي ناما.. فناما قرية تقع في شمال مدينة أبيي..و هي ذات تربة طينية..
    التحية للجميع..
    و نوعد بخيط عن تجربة اخونا حامدين بقادي..
    و التحية للشاعرة وسام عمر..
    شكرا ليك يا حسن..
    كبر
                  

10-22-2011, 02:18 AM

Kabar
<aKabar
تاريخ التسجيل: 11-26-2002
مجموع المشاركات: 18537

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ياناس مدينة الأبيض: بتعرفوا الزول ده؟.. (Re: Kabar)

    ول ابا محمد خليل..حبابك يا صديقي
    كتر خيرك على المرور من هنا..و المثابرة معانا بالمتاوقة و المتابعة..
    ول ابا حامدين تجربته قوية..و مافي مشكلة ممكن نعمل ليهو خيط منفصل و نتحدث عنو..
    و كده تكون طالبنا خيطين..!
    يا ريت اخونا حسن يكون محتفظ بالرابط بتاع الحلقة..و نحاول نشوف اعمال اخرى لو لقينا..

    و نشوفك..
    كبر
                  

10-23-2011, 10:58 PM

حسن محمود
<aحسن محمود
تاريخ التسجيل: 10-23-2009
مجموع المشاركات: 868

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ياناس مدينة الأبيض: بتعرفوا الزول ده؟.. (Re: Kabar)

    محمد خليل ..خالص التحية والود

    اسعدتني بل اطربتني مداخلتك ..والظاهر عليك مثلي معجب بالفنان حامدين ..فعلا رجل يستحق
    الاحتفاء ..سمعته اول مرة في نفس السنه التي ذكرتها في سهره تلفزيونني . بعد ذلك سمعته في حفلات زواج
    وعلي الفيديو. .قلت سيكون له شان كبير ..لانه يتمتع بكل صفات الفنان من صوت واداء والحان شجيه بالاضافة لثقافتة التراثية وهي مبنية على تجربة ومعايشة لحياة البادية ..حكي في السهرة بوصف وتصوير جميل كيف ابوه قتل الاسد ..لكنه مقل في الظهور الاعلامي ربما لظروف العمل ..علمت انه رجل مهندس ..وغير متفرغ للغناء.


    اما الرمية ,..الوقفت شعر راسك اكيد هي جرداق الليل .يا خي دي تنقلك الى عوالم البادية الكردفانية ..فيها تصوير رائع ومدهش لحياه البادية من طبيعة وفروسية وكرم ..الخ ..ياخي دي توقفك انت ذاتك وتخليك تدخل وتمرق زي المشوطن زي ما قال واحد صديقنا ..
    على العموم خط السماعة في راسك وبمزااااج شغل السهرة الاذاعية الذكرتها ليك في الرابط واسمع الشعر والحكاوي والغناء الجميل..في دندنات ..بزيد جمال السهرة النواحي الفنية من نقاوة الصوت واخراج .. وخاصة الخلفية الصوتية للرمية من اصوات طيور ومياه ..

    افووي.. يا القوز المخضِر في الخريف رويان
    يا قميرية بتقوقي وتسهر في الفريق حبان
    يا المعروش ويا المقشوش ضرة الاجوادي للضيفان
    سقاك الله وطراك بالخير ..طراك فنان
                  

10-25-2011, 04:04 PM

الفاتح ميرغني
<aالفاتح ميرغني
تاريخ التسجيل: 03-01-2007
مجموع المشاركات: 7488

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ياناس مدينة الأبيض: بتعرفوا الزول ده؟.. (Re: حسن محمود)

    Quote: كبر والمتداخلين
    سلام حكي لي احد الاعمام انو في فنان شاب
    تشادي سوداني كان بترد عليهم في ميز الموظفين
    بنيالا كان صوته في غاية الروعة
    بس نسي اسمه كان بغني في ذاك الزمن ويحي الحفلات
    كان بردد هذه الكلمات الحنينةومعبرة
    ايا امي انت يالحراير
    جوزتيني راجل الضراير

    سلام يا باسط وكبر والأحباب
    الأغنية دي سمعتها في الابيض وكانت أكثر أغنية إشتهر بأدائها الفنان حمودة محمد حامد. وهي من أغاني التراث، وطبعا لأنو حاجاتنا ما مكتوبة، زي ما قال كبر،،فدايما بتنتشر بالمشافهة، وحتى الفنان حمودة نفسه قد لا يكون ملما بشاعرتهاوموطنهاولكنها أعجبته فصدح بها. من سياق الكلمات واضح إنها من أغاني البنات. ويقول اهل الإجتماع في السودان أن أغاني البنات تعتبر بمثابة باروميتر لقياس إتجاهات القيم الإجتماعية صعودا أو إختلالا، لأنهن أكثر رؤية لمجتمع الرجال المفتوح والمباشر، على العكس من مجتمعهن الذي يلجأ إلى الإيماءات والتلميحات غير المباشرة في البوح عن تطلعاتهن وإهتماماتهن".بدى لي في البيتين الفوق ديل إنه في عتاب رقيق للأم العرست لبتها " راجل الضرائر"وطبعا مسألة التعايش مع الضرة مسألة غير مستحبة للمرأة حتى على مستوى نساء الأنبياء.لكن إعتلال المنظومة القيمية بفعل الوضع الإقتصادي المتردئ جعل المكروه مندوبا ومستحبا حتى بلغ مسامعنا" راجل المرة حلو جنس حلا".هذا على مستوى المنظومة القيمية أما على مستوى الشعر والغنا فدونك أغنية "حرامي القلوب تُلب"!.
    لإبن خلدون مقولة عجيبة كلو كلو في ربط إزدهار الملذوذ من الغناء بإزدهار الأمم( الوضع الإقتصادي)حيث قال"وهذه الصناعة آخر ما يحصل في العمران من الصنائع لأنها كمالية في غير وظيفة من الوظائف إلا وظيفة الفراغ و الفرح. و هي أيضاً أول ما ينقطع من العمران عند اختلاله و تراجعه".!!!

    محبتي

    (عدل بواسطة الفاتح ميرغني on 10-25-2011, 04:08 PM)
    (عدل بواسطة الفاتح ميرغني on 10-25-2011, 04:28 PM)

                  


[رد على الموضوع] صفحة 2 „‰ 2:   <<  1 2  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de