|
|
 Re: غونو وسوما (Re: waleed500)
|
اخي المرهف وليد 500 لك جزيل الشكر علي هذا البوست الرائع وبهديكم قصيدة للشاعرة سوما حفظتها لمن كنت مجرد قاري لسودانيز اون لاين والحمدلله انا الأن عضو وبشارك معاكم .
انا يابلد
ليك بنتمى .. وفيك احتمى ...
انت السنــــــــد ...
احلف اقول انت البلد ...
انت البوادى والمدن ...
انت المرافى والسفن ..
انت الولـــــــــــــد ...
يصرخ يقول ..انا يا بلد ..
افرح اكون .. ليك الولد ...
...
منك بكون
لوح الحفظ سبحه وعدد ...
شيخ الذكر ..مدد ..مدد ...
شدر الصمغ طعم الشهد ...
لوزة قطن زى الورد ...
******
انا يا بلد ..
ليك بكون ..
ضهر البنيات والعرض ...
سلوكه تحفر فى الارض ...
نيلك بيسقى كل نبض ...
زولا تقى صلى الفرض ...
شدر اللبان شدر القرض ..
لى كل مريض سدً الغرض...
عالج شفا من كل مرض ...
*****
انا يا بلد
انا فيك بشوف
ابواتنا فى الحاره بتسد ...
كيفن تصد .. كيفن ترد ..
اماتنا زى مطر الدغش ..
نازل غزير مليان برد ...
جنياتنا فى الحوبه الرعد...
بنوتنا لى ضيف الخلا ...
تعزم تشد عز البرد ...
شفعنا تيراب اب كرد...
ترفع تشيل تسمع ترد ....
اعلامنا راياتاً ترفرف من بعد...
*******
انا يا بلد
داير اكون ..
ود البلد .. بت البلد
ام البلد .. اهل البلد .. نهتف نقول...
نحن البلد .. نحن البلد ...
وانا يا بلد .......
اسماء صديق الطيب الجنيد
|
|
 
|
|
|
|
|
| العنوان |
الكاتب |
Date |
 غونو وسوما | waleed500 | 06-16-07, 08:07 PM |
| Re: غونو وسوما | سلمى الشيخ سلامة | 06-16-07, 08:09 PM |
| Re: غونو وسوما | waleed500 | 06-16-07, 08:18 PM |
| Re: غونو وسوما | فضيلي جماع | 06-16-07, 11:38 PM |
| Re: غونو وسوما | فيصل نوبي | 06-17-07, 06:23 AM |
| Re: غونو وسوما | soma | 06-18-07, 06:44 AM |
| Re: غونو وسوما | waleed500 | 06-18-07, 03:34 PM |
| Re: غونو وسوما | هاشم أحمد خلف الله | 06-18-07, 05:59 PM |
| Re: غونو وسوما | waleed500 | 06-24-07, 04:00 PM |
| Re: غونو وسوما | soma | 06-24-07, 04:43 PM |
|
| |
هاشم أحمد خلف الله
فيس بوك
تويتر
انستقرام
يوتيوب
بنتيريست