لحن الخميس... أسال الليل ..هادية طلسم

_____
الاهداء : الي كل ..ساهر.. وساهد..وساحر كمان
_____
أسال الليل مننا
أسال صبرنا ال من زمان
شايلنو ننسج من خيوطو الشوق عناقيد من مني
ونغني للامل الطروب..ونضوي باليل الدروب
نبهج قلوب نسعد قلوب
يا غالي بي احلي الغني
.....

أسال كلامي القلتو فيك
أسال غناي
شوف فيهو كم نغم ترنم
وفيهو كم وتر بكي وبكي المعاي
شوف فيهو طول مشوار مشيتو
عشان الاقيك يامناي
.....
وانسي الالم وامسح اساي
في ريدك الحاني الحنين
وقت الاقيك يامناي
وانسي السنين وشقي السنين
وقت الاقيك يامناي..

..........
كلمات : علي احمد
الالحان : بشير عباس
التطريب : هادية طلسم
p: p: p:

Save @ PC

تنقو

شكرا يا عمنا تنقو على هذا الصوت الشجي
وبالمناسبة الاغنية من كلمات صلاح إدريس بي ذاته ....فهو اعتاد أن يكتب ويلحن باسم علي أحمد

شكرا يا عمنا تنقو على هذا الصوت الشجي
مكرر
واللحن لبشير عباس

عمك تنقو سلام
لجن الخميس عنوان جميل امل ان يطل علينا بالحانك الجميلة اقدر اقول
كلمة شكر اصلو ما بتديك
منانا الفرح يسكن اراضيك
باجمل لحن نلقاه بين ايديك
والله طربنا الله يعافيك

وبرضو فى انتظار الفريد

.
.

الاخ فيصل
فعلا معلومة جيدة ان تكون هذه كلمات صلاح ادريس..والله فعلا كلمات جميله..وكان التوفيق في اختيار الصوت الذي اظهر فعلا بعد اخر للكلمات..تسلم كتير

عزيزنا استاذ الموصلي
تسلم علي الطله...طبعا لا تخفي الحان وعزف بشير..هذا العملاق متعة الله بالعافية
تعرف لقيت لي شريط كدا قديم..خليني انزل لي منو اغنية..وعاوزين تعليقك عليها..كدي انتظر لحدي الخميس الجاي


بلدي ياحبوب
تسلم كتير ..بنحتاج لي استراحة دائما من عناء التشتت المادي والمعنوي في زماننا المسكون بالترحال
دمت حبيب

ولكم الود

تنقو

اللحن رائع والاداء اروع



منتظرين لحن الخميس المقبل
عمنا تنقو
تحياتي

لى قدام