Post: #1
Title: إستقيل يا ثقيل ......؟؟؟....؟؟؟؟
Author: عماد عثمان
Date: 12-21-2004, 05:14 PM
لماذا لاتوجد فى ثقافتنا الإستقالة ؟؟؟؟؟؟؟
|
Post: #2
Title: Re: إستقيل يا ثقيل ......؟؟؟....؟؟؟؟
Author: Elnasri Amin
Date: 12-21-2004, 09:04 PM
Parent: #1
عندنا شئ شبيه بالاستقاله اسمو الحرد......
نحن شعب يمارس الحرد بصوره متفرده......
لايوجد على وجه الارض من يمارس الحرد مثلنا....
نحرد الاكل اذا جابوه بارد....
نحرد البورد اذا سمعنا كلمه كده ولا كده...
نحرد الذهاب للمناسبات اذا لم نستقبل دعوه شخصيه.....
يحرد الوزير و لكنه لا يستقيل
|
Post: #3
Title: Re: إستقيل يا ثقيل ......؟؟؟....؟؟؟؟
Author: khider
Date: 12-21-2004, 10:56 PM
Parent: #2
النصري
ملحوظه مبالغه لكن 
احييييييييييييييييك
عماد عثمان
ارفع صوتك الزول ده ماسمعك
|
Post: #4
Title: Re: إستقيل يا ثقيل ......؟؟؟....؟؟؟؟
Author: عبداللطيف خليل محمد على
Date: 12-22-2004, 00:01 AM
Parent: #2
النصرى :
صلعة عبقرى ماشاء الله ..
|
Post: #5
Title: Re: إستقيل يا ثقيل ......؟؟؟....؟؟؟؟
Author: عماد عثمان
Date: 12-22-2004, 09:51 AM
Parent: #1
الأخ/ النصرى
لك التحية
ملاحظاتك فى مكانها بالضبط
فالحردان يبدأ معنا من الطفولة
بالشرب والأكل ويستمر حتى
يحرد صاحبنا الوزارة لكنه لا
يذهب الى البيت بل ...........
إلى وزارة أخرى لزوم الطرديات
*****
إذاً......
يمكن أن نقول نحن عندنا ثقافة الحردان
وأيضاً نحن نمتلك أقوى ثقافة ..ثقافة الكنكشة
الواحد منا يكنكش فى مكانه والعجب العجيب
لو بقى وزير ده تبقى حكاية خليها ساكت
لك ودى أخى النصرى
|
Post: #6
Title: Re: إستقيل يا ثقيل ......؟؟؟....؟؟؟؟
Author: عماد عثمان
Date: 12-22-2004, 03:02 PM
Parent: #1
UP
|
Post: #7
Title: Re: إستقيل يا ثقيل ......؟؟؟....؟؟؟؟
Author: عبدالناصر معتصم
Date: 12-22-2004, 08:20 PM
Parent: #6
سلامات الاخ عماد
تعرف لما قريت عنوان البوست دا قلت الزول دا قاصدنى انا عدييييييييل, شلته عكازى و جيت خاشى , لكن لما عرفته انو الكلام عام دسيت العكاز بصايد كدا, و كنت بتلفت لو شافنى زول و لا كدا.
اخى كلمه استقاله محزوفه من مصطلحات الساسه و الاداريين وحتى الموظفين كبار و ضغارا, اتعلم لماذا؟
و لى عودة
|
Post: #8
Title: Re: إستقيل يا ثقيل ......؟؟؟....؟؟؟؟
Author: عماد عثمان
Date: 12-23-2004, 03:46 PM
Parent: #7
الاخ / خضر
والله رفعنا صوتنا بس الناس مكنكشة
لك تحياتى على المرور
**الأخ عبداللطيف خليل كده خلينا من الصلع
فكونا من الكنكشة
لك تحياتى
** أخونا عبد الناصر
منتظرين عودتك بس تعرف تشيل عكاكيز
لك ودى
|
Post: #9
Title: Re: إستقيل يا ثقيل ......؟؟؟....؟؟؟؟
Author: برير اسماعيل يوسف
Date: 12-27-2004, 01:49 PM
Parent: #8
الاخ/ العمدة
و الله انت يا حبيب امرك اكثر من عجيب, لانك و الله العظيم كترتو , فهل وصلت بك الجراءة ان تطلب من ساسة السودان الاستقالة؟ و كمان تطلق صفة الثقيل علي من لا يستقيل!! يا عمدة العب غيرها يا نوغيرا, لان اخر ما تفعله قياداتنا في السودان هو الاستقالة, يعني لو روحك طلعت الجماعة ديل لا يفعلون ما تطلبه منهم, فكل المطلوب منك ان تعطيهم صوتك, و اذا لم تعطيهم صوتك, فالمسألة غير فارقة معاهم, لانهم عندهم من الطرائق , و العجائب العديد من اجل الاستمرار في القيادة, يعني لسان حالهم يقول: اطلبوا القيادة من المهد الي اللحد او اطلبوا القيادة من الانظمة (الديمقراطية) الي (الانظمة العسكرية), و في رواية اخري اطلبوا القيادة في كل العهود.
|
Post: #10
Title: Re: إستقيل يا ثقيل ......؟؟؟....؟؟؟؟
Author: خضر عطا المنان
Date: 12-27-2004, 02:23 PM
Parent: #9
Quote: لماذا لاتوجد فى ثقافتنا الإستقالة ؟؟؟؟؟؟؟
|
حبيبنا : عماد
ألم تسمع بالزعيم الذي كان داخل قصره وسمع دوي الهتافات
في الخارج وسأل أحد خدمه : ما الذي يجري في الخارج ؟؟
أجابه : دا الشعب كلو يهتف ..
فاستفسره عن السبب ؟؟؟
فأجاب الخادم : يطالبونك بالاستقالة فورا !!
فماكان من الزعيم الا أن اصدر قرارا رئاسيا
( مدنكلا ) يعلن فيه :
أنا ......... بهذا أقرر :
على جميع الشعب في هذه الدولة الاستقالة .. وفورا!!!.
وعلى الجهات المختصة تنفيذ هذا القرار اعتبارا من اليوم !!!.
صدرتحت توقيعي بالقصر الجمهوري
امضاء : فخامة الرئيس
*************************
رايك شنو ؟؟؟
خليتك بى عافية ..
خضرعطاالمنان
|
|