الموضة في الخرطوم

قصيدة جميلة للشاعر حدباي تحكي حال شارعنا الايام دي

هو زى طالع
وما طالع
وزى واسع
وما واسع
وزي واقع
وما .. لا اظن واقع
إكون دا بنطلون شافع !!؟؟
إكون دا شنو؟؟
إكون لابساه بالمقلوب؟
إكون نص توب؟
هه يا المتخرجين يا دوب..!
إكون دا الروب؟
إكون دا شنو ..؟
كيف يا شاب
إكون شراب..؟
الشراب تحت ما فوق
إكون دا بنطلون مشنوق؟
حاجة عجيبة مالية السوق
إكون طاقية ممطوطة؟
إكون فوطة ...؟
غايتو عمل جنس جوطة!
إكون دا شنو...؟
إكون ماكسي ..؟
إكون عراقي بالعكسي؟
غايتو يا ناس جنس لبسه
تخلى الزول اموت هسي
إكون دا شنو..؟؟
ناس قالوا إكون فركه!
وناس قالوا
إكون باقيهو
واقع منو في السكه!!!
وواحد قال:
إكون سروال بدون تكه!!!
دي ما شبكه
إكون دا شنو؟؟؟
إكون دا بنطلون نص كم
إكون دا ردا وعندو جضم
إكون بى كم ؟؟
إكون دى بلوزة مجروره؟
إكون دي ملايه مفروره؟
ولا اكون لبس كوره!؟
دخلو موضه كندوره
دا برمودا .. دا برمودا
امانه وقعتك سودا
لبستي الليله برموادا؟؟
بكره تجينا بالشراب
وبرضو تقولي لي موضه

هاهاهاهاهاهاها
كان جو بالشراب جو مستورين والله

ياااااااااااااااااااااااااعمك ده كلام عجيب معقولة للدرجة دي

يكون منديل
يكون طاقية
أو عمة
يكون الترزى
يوم العيد
ما تماهو
بس ضمة
يكون معراكة
للدوكة
يكون مجرور
بى شوكة
يكون ناصل
يكون مملوص
يكون شابكنو
بى دبوس
يكون مسروق
وسيدو يكوس
يكون قطعو
عجل ركشة
يكون كومشة
يكون موضة
لى حفلة
تكون ستو
أظن عمشا

والله ياست البنات صعععععععبتييييييييها بعد خلاااااااص قربنا نعرفو ده شنو واقتنعنا بي انو شررراب اها بعد كلامك ده ياختي غلبني عديييييييييل كده وبخلي ليك الاجابة طالما انتي من ذوي الاختصاص من قبيلة البنات
اها يا اختي يكون ده شنو؟؟؟

تخش الجامعة برمودا
والاستاذ يدك ليكشر
تخش الجامعة برمودا ..
وحتى البنش يتكسر

عالم مركب بي الغلط
طابونة بتبيه ايسكريم ...
راكوبة في نص الظلط
كديسة لابسة فنيلة كط
مستر عتود لابس شبط
الحفلة رابة الجكس بط
التيس يبشر في الغنم
خرفان منعنشة واقفة لط

مع تحيات اخونا علي همشري ..