Post: #1
Title: الريس بكري سيد الحوش الكبير ضيف بيناتنا هذه الأيام قلنا فيه القصيدة المموسقة دي في إستقباله
Author: منصوري
Date: 12-19-2004, 01:31 AM
|
Post: #2
Title: Re: الريس بكري سيد الحوش الكبير ضيف بيناتنا هذه الأيام قلنا فيه القصيدة المموسقة دي في إستقباله
Author: منصوري
Date: 12-19-2004, 03:10 AM
Parent: #1
 صديق منصوري
................
نتمنى إقامة طيبة للأخ بكري وذكريات جميلة
|
Post: #3
Title: Re: الريس بكري سيد الحوش الكبير ضيف بيناتنا هذه الأيام قلنا فيه القصيدة المموسقة دي في إستقباله
Author: منصوري
Date: 12-19-2004, 07:58 AM
Parent: #1
ولمان الزول يلقالو زول بى خبايا الأنفس خبير
|
Post: #4
Title: Re: الريس بكري سيد الحوش الكبير ضيف بيناتنا هذه الأيام قلنا فيه القصيدة المموسقة دي في إستقباله
Author: على اسماعيل
Date: 12-19-2004, 08:55 AM
Parent: #3
الاخ منصورى - سلامات
القصيدة جميلة ومعبرة وهذا عمل يدل على المعزة والتقدير لصاحب الحوش الكبير - احييك عزيزى وشرفتنا والله وبكرى يستاهل اكثر من كده - لك الشكر الجزيل نيابة عن كل بورداب الامارات
اخوك على اسماعيل
|
Post: #5
Title: Re: الريس بكري سيد الحوش الكبير ضيف بيناتنا هذه الأيام قلنا فيه القصيدة المموسقة دي في إستقباله
Author: منصوري
Date: 12-19-2004, 09:39 PM
Parent: #1
تسلم يا أخ على... فعلاً هو عمل رائع هذا المنبر الذي قدر أن يجمع بين كل ألوان الطيف السوداني.. من كتاب وأدباء وشعراء وفنانين وأحزاب.. وموهبين.. ومهرجين...ومرضي.. وفلاسفة..وجاديين وهزليين.. وعلماء..
|
Post: #6
Title: Re: الريس بكري سيد الحوش الكبير ضيف بيناتنا هذه الأيام قلنا فيه القصيدة المموسقة دي في إستقباله
Author: الكيك
Date: 12-19-2004, 11:40 PM
Parent: #5
والله يا منصورى دائما انت رائع وفنان فى كل شئء..
الاغنية على طريقتنا القديمى ما اروعك كاتبا وشاعرا ومغنيا وكريما يرحب بالضيفان ..
كنت اتمنى ان اكون معكم يوم الخميس ولكن مهنة المتاعب دائما تحرمنا من الناس الحلوين ..سوف اتصل معكم بالتلفون لاتحدث مع بكرى خليك يا منصورى جنب محمد سيداحمد يوم الخميس
|
Post: #7
Title: Re: الريس بكري سيد الحوش الكبير ضيف بيناتنا هذه الأيام قلنا فيه القصيدة المموسقة دي في إستقباله
Author: منصوري
Date: 12-20-2004, 05:25 AM
Parent: #1
تسلم أخونا وزولنا .الكيك.. ما قصرتا... نتوقع تلفونك.. الأخ محمد سيد أحمد عاد ما سريع نهمة هو والمجموعة التي تشرف على إستقبال كل أخ عزيز..ربنا يديم أيام وليالى الفرح..
|
Post: #8
Title: منصورى
Author: mohmmed said ahmed
Date: 12-20-2004, 06:17 AM
Parent: #1
والله جميل جميل جميل
تعرف يا منصورى طبعا انا زول حلفاوى متحضر ما بعرف احلف بالطلاق
لكن لو ماوافقت على المشاركة بالاغنية الترحيبة الرائعة دى يوم الخميس
انا حتبرا من حلفاويتى واحلف عليك طلاق
|
Post: #9
Title: Re: الريس بكري سيد الحوش الكبير ضيف بيناتنا هذه الأيام قلنا فيه القصيدة المموسقة دي في إستقباله
Author: zola123
Date: 12-20-2004, 11:23 AM
Parent: #1
الاستاذ منصوري
حقيقة مفاجأة رائعة
ولم اكن اتصور ان تخرج مشاركتك بهذه السرعة وبمنتهى الجمال
واكيد مصدر ذالك حب حقيقي لهذا المكان وسيده(كما اسميته) واخوانك واخواتك فيه
اتمنى ان تتمكن من الحضور يوم الخميس باذن الله وتسمع الحضور بنفسك هذا العمل الجميل
على الهواء مباشرة
كل الشكر والتقدير على ذكري ضمن امثلتك من البوردابيات
تحياتي
زولة123
|
Post: #10
Title: Re: الريس بكري سيد الحوش الكبير ضيف بيناتنا هذه الأيام قلنا فيه القصيدة المموسقة دي في إستقباله
Author: منصوري
Date: 12-20-2004, 10:14 PM
Parent: #1
أخوانا..في لجنة التنظيم..الدكتورة عالية الهمة في مشاركة وإسعاد الآخرين دكتورة زوله.. وأخونا السوداني الأصيل (الحلفاوي) محمد سيد أحمد وبقية اللجنة المنظمة..خالص الود والأشواق.. والتقدير والإحترام على ما تقومون به..
أخونا محمد سيد أحمد:
...................
والله أول ما شفتا كلمة طلاق.. خفتا وقلتا وقع راجل.. غاتيو واحدة في الإتنين.. يا أنا ( مفنش) يا محمد سيد أحمد حاشا لله مطلق مرتو.. بعدين أنت إستدركت وقلت أنك من الحلفاويين المتحضرين لاتحلف بالطلاق فحمدت الله على ذلك.. في الأول قلتا عندي الحلفاويين راقدين من أصدقائي أفتش ليك حلفاويين يرطنوا يرطنوا معاك شوية عشان تهدى اللعبة.... السبب الذي دعاني أن أخرج هذه القصيدة هنا هو خوفي الشديد من أنى ما اقدر احضر لظروف العمل القاهرة التي تتفوق على الجيش في الإنضباط.. وهي ورديات لاتعرف خميس ولا تعرف جمعة.. وكثيراً ما أخرجتني طبيعة العمل هذه من مناسبات وإحتفالات عزيزة على نفسى جداً.. المحاولات جارية أن آخد يوم إجازة.. أو أن أبدل الوردية.. ولكن النتائج قاتمة حتى الآن..أنا أتحرق شوقاً لملاقاة الأخوة عندكم في الشارقة.. ولكن ضريبة الغربة منها هذه الأشياء.. ولمن لايعرف الشارقة من خاج الإمارات هي. زي الخرطوم كوستي في البعد.. أو تبعد شوية عن الخرطوم مدني.. كنتا عايز إقترح إقتراح بأنو تتسجل القصيدة من الكمبيوتر وتسمع في أول الإحتفال قبل بداية البرنامج دا إذا أنا ما حضرتا.. موش مرات كدة قبل بداية الحفلة الناس بي تدخل شريط قبل بداية البرنامج.. لكن قلتا سمح الكلام في خشم سيدو وللحضور شخصيا أثر بالغ والناس يشوفونا ونتشاوف.. وبعدين هل إنت يا منصوري مساهمتك بهذه القصيدة هي ارقي من مساهمات الناس يعني؟ ما هناك كمان برنامج معد..هذه إرهاصات راودتني.. أما بقية نشاط الإحتفال بالعزيز بكري يا محمد فأنا في قلبها متابعة مع الأخت دكتورة زولة والأخ عبد الرحمن سوركتي..ربنا يهونها من جميع الوجوه..
|
Post: #11
Title: Re: الريس بكري سيد الحوش الكبير ضيف بيناتنا هذه الأيام قلنا فيه القصيدة المموسقة دي في إستقباله
Author: Tumadir
Date: 12-20-2004, 10:22 PM
Parent: #10
منصورى
يا ملك القطع الاخضر
دى ملكة ما ساهلة احييك عليها
قبل مده سمعتك بتغنى لى سارة منصور والله اعجبت بى موهبتك واتمنى انك تستغلها فى حاجات مختلفة
بكرى يستاهل
|
Post: #12
Title: Re: الريس بكري سيد الحوش الكبير ضيف بيناتنا هذه الأيام قلنا فيه القصيدة المموسقة دي في إستقباله
Author: منصوري
Date: 12-21-2004, 01:02 AM
Parent: #1
عزيزتنا تماضر...الحقيقة دي شهادة من فنانه نعتز بها وتحفزنا لى قدام.. تعليقاتك تشجعنا على التجويد....
...................
أما قولك أني عملتا قصيدة في سارة منصور.. مع إحترامي لسارة منصور.. هو موش كدة الحكاية.. أنا عملت قصيدة في ( الحرية لنا ولسوانا).ولم أعمل قصيدة في سارة منصور بهذا المعنى الدقيق كان الفرق.. والشعر عندي لازم يعالج مشكلة إجتماعية أو يضيف لأفراح الناس أو يواسيهم ويآسيهم.. ألا تذكرين يومها عند بث هذه القصيدة التي تتناول وتعالج موضوع الأخت سارة .أما تذكرين الأيادي والتعليقات التى نادت بأن تعطي فرصة أخيرة.. حتي الأخت سارة نفسها عند سماع القصيدة قد بكت بكاءاً مراً حاراً عندما طيرت القصيدة عبر الأثير لها الأخت الدكتورة الفاضلة بيان ..أما سمعتى وشفتى سيد الحوش الكبير بكري أعطي الأخت سارة فرصة ورجعها وكمان رجع كل المفصولين وقتها. مهما كان إختلافي مع الشخص.. لكن يجمعنا إحترام شخصه كنفس بشرية تجد حريتها في التنفيس والتعبير والخواطر والثرثرة والكلام.كل هذه لاتكبت.. وإنما تناقش وتشمس بالوسايل الحديثة وتعالج على نهار هادئة وتطبخ..لتصفى..( الحرية لنا ولسوانا) الحقيقة هو شعار الفكرة الجمهورية وأظنك تعرفين ذلك بحكم أسرتكم..
ما فائدة الدين والتدين. إن لم يكن.. سيولة شعارات تنفذ في الواقع العملى بالبرهان محبة للآخرين.. والسعى الجاد في توصيل الخير لهم.. نحن نأخذ الناس على هينتهم ثم نقدح فيهم روح الفكر الجاد الذي يستوي على جادة الطريق..لابد أني اشارك الناس أفراحهم وأتراحهم كما يفهمون.. وتطييب خواطر الناس دين وعلم وعمل وتقوي وورع وعبادة.. أما سمعتى يا تماضر أن نبينا عليه افضل الصلاة وأتم التسليم قال( الدين المعاملة) أي كأنه جعل الدين كله في المعاملة.. كأن العبادة تعدك إعداد نظري لتتعامل لتكون حسن السيرة .. ما فائدة الدين..هل هو تطويل لحى وذقون.. وتطويل مسبحة.. وأنت تأتي للناس تطمع في حقهم وتستغلهم وتكون بخيلاً.. وقاسي القلب والطبع والكبد.. عنيف.. فظ اللسان.بذئ القول..
...........
مثال:-
مرة قد كنا في الثمانينات في السودان في حملة كتاب..أي توزيع كتب الفكرة.. هنالك تيم من الأتيام.قابلهم واحد واعظ متصلب.. شرس.أول ما شاف الجمهوريين غلى الدم في عروقه.. وراح ضارب رئيس التيم كف لغاية ما (ترتع)رئيس التيم ما سألو..بل ظل واقفاً في مكانه..الراجل الواعظ راح جلس على العنقريب جنب الدكان بتاعو وقعد يبزق ويستغفر بعد شوية عاد لأخونا تاني وقال ليهو.. والله ياولدي غلطان سامحني.. أخونا قالوا سامحتك.. قال ليهو والله عشان أتأكد من أنك سامحتنى.. لازم تجى الدكان تشرب قزازة بيبسي.. قال ليهو. والله لو دا يرضيك بعملو.. شرب أخونا قزازة البيبسى.. لما عادت الأتيام كالعادة الى الأستاذ محمود ليسمع إنطباعات الجمهور عن الكتب والفكرة .أخونا ذكر هذه الحادثة.. سمعها الأستاذ محمود وضحك بعمق حتي بدت نواجذه واغرورقت عيناه بالدموع وقال له( لقد مثلت الفكرة خير تمثيل.. )
شكراً سيدتي تماضر فقد فتحتى لنا باباً عذباً ساقنا الى قرائن الحديث..
هذه دقيقة من الدقايق يا عزيزتنا تماضر.. عملت قصيدة في الحرية لنا ولسوانا ولم أعمل قصيدة في سارة منصور بهذا المعنى العام ...الحقيقة دا مثال بسيط صغير ضئيل..مفكك الحلقات.. لكن تعالى شوفي الناس بهذه الصورة لاتفهم ماذا قال الأستاذ محمود نفسه وتمشي تعارض وتكابر وتبني أوهام من عندها وتنسجها.. وفي الحقيقة هى ما فاهمة الأستاذ محمود قال شنو؟ يقعوا في صورة بعيدة كل البعد عن الفكرة الجمهورية الحقيقة الواحد يحزن لذلك اشد الحزن..عندما يشوف الناس يعارضوا بحاجات من أوهامهم..
|
Post: #13
Title: Re: الريس بكري سيد الحوش الكبير ضيف بيناتنا هذه الأيام قلنا فيه القصيدة المموسقة دي في إستقباله
Author: محمد بهنس
Date: 12-21-2004, 01:19 AM
Parent: #12
أخي منصور أنا متكيف منك شديد...وأخونا بكري ملكنا قطع أرض سودانيه والخلو رجلهو في مثل حب الوطن..والناس الجميلين متلك.
|
Post: #14
Title: Re: الريس بكري سيد الحوش الكبير ضيف بيناتنا هذه الأيام قلنا فيه القصيدة المموسقة دي في إستقباله
Author: منصوري
Date: 12-21-2004, 01:33 AM
Parent: #1
أخونا محمد بهنس .. والله تعليقك حلو.. زي بسمتك الحلوة دي...يديك العافية..
|
Post: #15
Title: Re: الريس بكري سيد الحوش الكبير ضيف بيناتنا هذه الأيام قلنا فيه القصيدة المموسقة دي في إستقباله
Author: samwal ebrahiem
Date: 12-21-2004, 02:06 AM
Parent: #14
منصوري
* | Quote: مرحبا بـ الزول القدير بكري سيد الحوش الكبير |
* تحفه فنيه رائعه يا منصوري
* كلمات منصوريه ممتلئ بـ صدق المشاعر
والاصاله السودانيه المتفرده
* لحن رفيع للغايه يحوي كميات من الشجن الجميل
* صوت متفرد ورنان
* بالمناسبه يا منصوري المناصير ديل لهم معزه خاصه عندي
حبي وتقدير
السمؤل
|
Post: #16
Title: Re: الريس بكري سيد الحوش الكبير ضيف بيناتنا هذه الأيام قلنا فيه القصيدة المموسقة دي في إستقباله
Author: Abd-Elrhman sorkati
Date: 12-21-2004, 02:54 AM
Parent: #1
تسلم يا منصوري
دة شغل نضــــــيف
|
Post: #17
Title: Re: الريس بكري سيد الحوش الكبير ضيف بيناتنا هذه الأيام قلنا فيه القصيدة المموسقة دي في إستقباله
Author: Tumadir
Date: 12-21-2004, 03:16 AM
Parent: #16
والله يا منصورى ما كنت محتاج لشرح انا متابعه سير الاحداث وحتى لو غنيتها لاى سبب انا برضو بفتكر انها جميلة و كانت مواكبة ومؤثرة للغاية و"فى الجرح" تمام
اما قصة الجمهورى فهى قصة لا تكاد تصدق الا من جمهورى ..وهم كذلك دائما فى مسلكهم ينتقون فى المواقف اجمل ما تصل اليه النفس الانسانية فى السمو والاقتراب نحو الكمال..ومازالوا
المهم غناك برىء وجميل
اسكت غنى
|
Post: #18
Title: Re: الريس بكري سيد الحوش الكبير ضيف بيناتنا هذه الأيام قلنا فيه القصيدة المموسقة دي في إستقباله
Author: منصوري
Date: 12-21-2004, 03:41 AM
Parent: #1
تماضر...تسلمي يا صافية...
.........
إنت عارفة يا تماضر.. أنا ماشي معاكي.. إذا الموضوع بتاع الأمم المتحدة دا نجح (الإعمار بعد السلام).. إنتي تقيمي المسارح زي ما ذكرتي...كفنانة عندها مد في الماضي والحاضر... (كما ذكرت أنت) وأنا كمهندس أقيم محطات المياه وخطوطها وكهربتها في كل بقعة في الجنوب والغرب.. وتمديداتها الى كل بيت وقطية.. وتصفية المياه وتنقيتها ومعالجتها... والصهاريج.مافي أحلى من كدة ومافي أحلى من مساعدة الناس..
|
Post: #19
Title: Re: الريس بكري سيد الحوش الكبير ضيف بيناتنا هذه الأيام قلنا فيه القصيدة المموسقة دي في إستقباله
Author: Tumadir
Date: 12-21-2004, 03:47 AM
Parent: #18
خلاص اتفقنا ومرحبا بالزول القدير الجميل ود المناصير
|
Post: #20
Title: Re: الريس بكري سيد الحوش الكبير ضيف بيناتنا هذه الأيام قلنا فيه القصيدة المموسقة دي في إستقباله
Author: حمزاوي
Date: 12-21-2004, 04:00 AM
Parent: #1
رهيب رهيب اخوي منصوري
تسلم يا اخوي
بكري في عيوننا
|
Post: #21
Title: بكرى
Author: mohmmed said ahmed
Date: 12-21-2004, 05:26 AM
Parent: #1
منصورى الفنان
خلاص تجى من غير طلاق وانا اطلق كيف ذاتو والعصمة ما عندى
امس انا اقترحت تسجيل الاغنية وسوف تكون فى بث متواصل طوال الحفل
وكمان جمهورى دى سبب اضافى للمحبة
الفنانة تماضر
انت بس تعالى الامارات نعمل ليك حفل زى حق بكرى دا شفتى كيف
|
Post: #22
Title: Re: الريس بكري سيد الحوش الكبير ضيف بيناتنا هذه الأيام قلنا فيه القصيدة المموسقة دي في إستقباله
Author: منصوري
Date: 12-21-2004, 06:42 AM
Parent: #1
السموءل إبراهيم.. اخوناالغالي.. كدي خليك واضح معاي شوية.. العلاقة الخمسة سنين دي وليها ذكريات محفورة في قلبك.. كانت مع منصوري والله منصورية؟ كان ما قدرتا توضح بي هنا الماسنجر بي هناك موجود..نحن بناتنا غزن الجامعات في السنين الأخيرة بصورة ملفتة..كدي وضح يمكن فيها خير..
..............
عزيزنا حمزواي.. شكراً والله على شعورك..
...........
كمان الغالية تماضر وأخونا محمدسيد أحمد لهم التحايا مجدداً على مرورهم مرة تانبة..
|
Post: #23
Title: I'm really impressed though it is expected from U to impress me
Author: elhilayla
Date: 12-21-2004, 08:23 AM
Parent: #1
Salam Mansouri
I'm really impressed though it is expected from U to impress me
I really long 2 U
I should call U
Sorry I have a problem of Arabic here
Please pass my salam to Abu Khalil
BTW is he available there or went back to Sudan
Zainelabdin
|
Post: #24
Title: Re: I'm really impressed though it is expected from U to impress me
Author: عمر محمد عبد القادر
Date: 12-21-2004, 08:28 AM
Parent: #23
تسلم يا منصوري .... لك الود والتقدير .. رسالتي انشاء الله تكون وصلت
ود الباوقة
|
Post: #25
Title: Re: الريس بكري سيد الحوش الكبير ضيف بيناتنا هذه الأيام قلنا فيه القصيدة المموسقة دي في إستقباله
Author: منصوري
Date: 12-21-2004, 01:44 PM
Parent: #1
أخونا الحليلة تشكر على المرور من هنا.. سلامك يصل للباشمهندس.. والناس كلهم كويسين هنا...في انتظار اتصالك..
................
عمر محمد عبد القادر ود الباوقة... شوق بحر والله... رسالتك وصلتنى على بريدي وأنا رديتا.. سوف ارسل رسالة أخري مطولة بخصوص استاذي ود عمتك.. مختار.. المهم انا إفتكر من ثمرات بوست (حاجات زمان) هو أن يلمني في ناظرنا مختار الخليفة.. الذي ظللت ابحث عنه ردحاً من الزمان والذي كان سبباً مباشراً في نجاحي وقد اتصلت به وكانت قمة سعادتي.. توقعوا زيارتنا للباوقة قريباً جدا..
|
Post: #26
Title: Re: الريس بكري سيد الحوش الكبير ضيف بيناتنا هذه الأيام قلنا فيه القصيدة المموسقة دي في إستقباله
Author: lana mahdi
Date: 12-21-2004, 01:45 PM
Parent: #1
يا أهل الكرم
شكرا
مثلتنا يا منصورى خير تمثيل
محبتى
|
Post: #27
Title: Re: الريس بكري سيد الحوش الكبير ضيف بيناتنا هذه الأيام قلنا فيه القصيدة المموسقة دي في إستقباله
Author: منصوري
Date: 12-21-2004, 01:53 PM
Parent: #1
مرحبا بالضيف القدير بكري سيد الحوش الكبير
مرحباً بيك والفين سلام في أماراتنا مكان تسير
يلا يا بورداب زيدو حب وفيكم الدكتور والمدير
نظمو القعدات وين تكون وبالكرم الريس جدير
يلا يا بورداب السرور أفرشوا الموكيت والحرير
شرفة التأريخ اشهدي بكري صار من المشاهير
ليا سودانيز صار سمير اتصفحوا واقرا التقارير
كل زول سيد نفسو وغفير يحمي شرفو من كل حقير
بهجة الدنيا وكت تصير تلقي زول زي بكري بيدير
ولمن الزول يلقالو زول بي خبايا الأنفس خبير
ويقبل الكل من غير حكر لافي إبعاد لافي تطهير
لا سكرتير يحمي تحرير إلا شيتاً يابا الضمير
داير اقول فيكا كلام كتير إلا خانتنى التعابير
يا الدويحية ولاد بدير ناس قنتي ونوري القرير
يا با وراق الكان بطير يلحق الضايق في النفير
داير المنبر يوت يصير يبقي عنوان لى كل أمير
نحن بورداب الإمارات حاشا من جيهتنا تقصير
وفينا بوردابيات كتير ناس لنا وإيناس ناس عبير
ديل خلاصة وطني الكبير الدهب زادوهو تجمير
عفه أخلاق قمراً منير ناعسات الطرف القرير
يا سجيمان خليك حذر يا خى رفقاً بالقوارير
حوه في السودان تشتهر وتترفع فوق جبل الحفير
جبتو نظمي وليكم بشير نحن شايقيه ومناصير
جابا منصوري ومستجير يا الرسول من حر زمهرير
|
Post: #28
Title: Re: الريس بكري سيد الحوش الكبير ضيف بيناتنا هذه الأيام قلنا فيه القصيدة المموسقة دي في إستقباله
Author: منصوري
Date: 12-21-2004, 02:20 PM
Parent: #1
صحفيتنا..لنا... إنت عارفة.. قررربت ألومك.. بس أكتب في بوست اللوم لقيت ردك جاء.. قلتا الأستاذة لنا.. البوست دا ما عجبا والله شنو.. شايف ردودها شمال يمين في بوستات أعلى مني وتحت مني.. لكن أظني ضقتا وفجأة جاء ردك..لك الشكر
|
Post: #29
Title: Re: الريس بكري سيد الحوش الكبير ضيف بيناتنا هذه الأيام قلنا فيه القصيدة المموسقة دي في إستقباله
Author: الزنجي
Date: 12-21-2004, 10:45 PM
Parent: #1
مليون سلام اخى منصورى
وشكرا على الترحاب الجميل
واتمني ان نلتقى يوم الخميس
وحباب الضيف ومرحبو
والاغنية جميلة . بس ناقصه فنان
|
Post: #30
Title: Re: الريس بكري سيد الحوش الكبير ضيف بيناتنا هذه الأيام قلنا فيه القصيدة المموسقة دي في إستقباله
Author: samwal ebrahiem
Date: 12-22-2004, 01:54 AM
Parent: #29
الرائع منصوري
| Quote: كدي خليك واضح معاي شوية.. العلاقة الخمسة سنين دي وليها ذكريات محفورة في قلبك.. كانت مع منصوري والله منصورية؟ |
انت تفكيرك راح لي بعيد خالص
لكن فعلا القصة كانت اثناء الحياه
الجامعية وكل مافي الموضوع انو فى الداخليه
كان معاي صديق عزيز منصوري لكن هظارو كان فيه نوع من القسوة
سوف احكي ليك موقفين ولك ان تحكم
يوم كنت نائم نومه جميلة جدا وكنت مرهق للغايه عشان لعبت مباره
وهو عارف الكلام دي واثناء ما انا نائم ولع نار فى كيس نايلون
ووضعه بين اصابع رجلي ... فى قسوة اكتر من كده
الموقف الثاني
في فصل الشتا لعام 1999 فى تلك الليله كان البرد شديد للغايه
خرجت من الداخليه حوالي الساعة السابعة مساءا صادفني فى البوابه
السمؤل قاشر كده ماشي وين رديت عليه بـ مساخه افتكر الحاجه دي ما بتخصك
قال لي لا بتخصني طالما انت صادقتني لازم اعرف عنك كل حاجه ودي حين المشوار
دي لازم امشيه معاك بعد جدل طويل اقنعتو بي انو مايمشي معاي واقتنع هو
مشيت انا المشوار وفرحان بي اني اتخرجت من المنصوري القاسي بعد ماخلصت المشوار
رجعت الداخليه حوالي الساعة الحادي عشر ليلا وكالعاده جائي مرهق وعندما جلست
فى سريري لكي ارقد عليه وجدت مرتبتي مبتله بالماء ومواقف كثيرة مع هذا المنصوري
القاسي الطباع بالرغم من كل ذلك اعتبره من اعزاء اصدقاء واشتاق اليه كثيرا وانا
في المنافي . ولكن طبع فى زهني انطباع بان المناصير قاسين بالرغم من انهم أصحاب
الكرم الفياض
السمؤل
|
|