Post: #1
Title: ممكونة أون لاين...(( بث تجريبي )).
Author: mamkouna
Date: 12-18-2004, 10:10 AM
Parent: #0
الأعزاء و العزيزات أعضاء و عضوات سودانيز اون لاين....
انشالله كويسين....
أنا و الله بحبكم و بقدركم و معجبة بيكم......
لكن......
داخلة ليكم أقدم رِجِل ....و أأخر التانية.....الناس خوفوني.... و قالوا لي هنا بيشاكلوكي.....و يقابلوكي...و يضاضوكي.....و كان استدعى الأمر....يهكروكي.  .....
أهااااااا ....انا جاية و رافعة الراية البيضاء و اعلن أني خواااااااااااااافة....مابحب المشاكل و بخاف من ضلي.....و عندي دكشة عيال دايرة أربيهم...
أهااااااااااا.....
أنفع؟؟؟؟؟؟؟؟!!!!!!
|
Post: #2
Title: Re: ممكونة أون لاين...(( بث تجريبي )).
Author: mamkouna
Date: 12-18-2004, 10:12 AM
Parent: #1
عربون محبة.....!
|
Post: #3
Title: Re: ممكونة أون لاين...(( بث تجريبي )).
Author: خال فاطمة
Date: 12-18-2004, 10:15 AM
Parent: #1
حبـــــــــــاب ممكونــــــــــة
|
Post: #4
Title: Re: ممكونة أون لاين...(( بث تجريبي )).
Author: محمد حامد جمعه
Date: 12-18-2004, 10:23 AM
Parent: #3
حبابك  عشرة .........وربنا يغطى عليك ويجعلك اضافة للبورت ..وشدى حيلك
|
Post: #5
Title: Re: ممكونة أون لاين...(( بث تجريبي )).
Author: سجيمان
Date: 12-18-2004, 10:26 AM
Parent: #4
حباب ممكونة
الغريبة المرة دي ماقلتي حبوبة سجيمان؟؟؟؟......خوافة فعلا
قولي واحد
دا داير يمرقك من البلد
|
Post: #6
Title: Re: ممكونة أون لاين...(( بث تجريبي )).
Author: mamkouna
Date: 12-18-2004, 10:31 AM
Parent: #1
خال فاطمة.....وطي صوتك.....أنا جاية في مهمة سرية و راجعة بطن بيتي.....ما تفضحني........
هُسسسسسسسسسسسسسس....!
|
Post: #7
Title: Re: ممكونة أون لاين...(( بث تجريبي )).
Author: mamkouna
Date: 12-18-2004, 10:36 AM
Parent: #1
محمد حامد جمعة....
مشكووووور على ترحيبك....و الله يكون في العون...
|
Post: #8
Title: Re: ممكونة أون لاين...(( بث تجريبي )).
Author: mamkouna
Date: 12-18-2004, 10:41 AM
Parent: #1
سجيمان....انت وين؟؟؟؟؟ اوعك تزح من البوست ده إلا أقول ليك.....شايل عكازك؟؟؟؟؟؟؟؟ شايل المطوة؟؟؟؟؟؟ احتمال إحتاج ليك....
استشارة:-
تفتكر أنزل صورتي قبل العرس.....
و لا بعد العرس.....
|
Post: #9
Title: Re: ممكونة أون لاين...(( بث تجريبي )).
Author: alfatih
Date: 12-18-2004, 11:07 AM
Parent: #1
ممكونة
يعنى نحن الصابرين ؟؟
انتى عارفة نفس المكنة دى زاتا عندنا ...
مليون مراحب بيك فى الحوش الكبير دة
ولى قدام
|
Post: #10
Title: Re: ممكونة أون لاين...(( بث تجريبي )).
Author: mamkouna
Date: 12-18-2004, 11:14 AM
Parent: #1
إزيٌك يا الفاتح......
مشكووووور على ترحيبك.....
إنت زااااااااتك....ممكووووون و صابر؟؟؟؟؟؟؟
كر علينا....
الله يكون في عوننا....
|
Post: #11
Title: Re: ممكونة أون لاين...(( بث تجريبي )).
Author: waleed500
Date: 12-18-2004, 11:27 AM
Parent: #10
تحياتى والف اهلا وسهلا بيك
المدخل حلو والاسم احلا
وفعلا البورد محتاج لزوله ضاحكه تتتحرك ضحك تتكلم ضحك
على الطلاق انتى اضافه حقيقيه
والف اهلا وسهلا بيك
|
Post: #12
Title: Re: ممكونة أون لاين...(( بث تجريبي )).
Author: خضر عطا المنان
Date: 12-18-2004, 11:36 AM
Parent: #11
Quote:
أهااااااا ....انا جاية و رافعة الراية البيضاء و اعلن أني خواااااااااااااافة....مابحب المشاكل و بخاف من ضلي.....و عندي دكشة عيال دايرة أربيهم...
أهااااااااااا.....
أنفع؟؟؟؟؟؟؟؟!!!!!!
|
هو لكن دي حبوبتي ممكونة ذاتها واللا تشبهها ؟؟؟.
عموما نحنا عكاكيزنا في السهلة طول السنة!!! ..
لكن مادام جايانا وانتي رافعة الراية البيضاء قبال نصلك
يبقى خلاص مافي أي عوجة!!!.
التحايا ليك كيمان يا بت ملوك سودانيات .
خضرعطا المنان
|
Post: #13
Title: Re: ممكونة أون لاين...(( بث تجريبي )).
Author: mamkouna
Date: 12-18-2004, 12:05 PM
Parent: #1
waleed500 .....
مشكووووور على ترحيبك....لكن عليك الله تاني ما تحلف ( طلاق ) حتى لو كنت عزابي....
بعد اتوهط في القعدة...ح اوريك ليه....سمح؟؟؟؟؟
تسلم يا غالي و معرفتك مكسب....
|
Post: #14
Title: Re: ممكونة أون لاين...(( بث تجريبي )).
Author: mamkouna
Date: 12-18-2004, 12:11 PM
Parent: #1
عزيزنا الغالي خضر ....ود الغالية أم خضر....
ياني ممكونة زااااااااااااتها و صفاتها.....
وحلمت بيك ...
حلمت بيك ...
جناين عامرة بالياسمين
وشــايــلة الفــــــــل...
حروف منحوتة في التاريخ
قمــة تـشــابي للمريـخ
شامخة بعيد وفايتة الكـل .....
|
Post: #15
Title: Re: ممكونة أون لاين...(( بث تجريبي )).
Author: نصار
Date: 12-18-2004, 01:22 PM
Parent: #1
مرحب بالصابرة
و الصابرات روابح كان يجن قماح
الحال من بعضو ابقي لاجوه و بحصل علي اخوانك و اخواتك ببقي عليك
و انت اساسا جايه ممكونة الح يصل ليك اكتر من كدا شنو
بس شيلي الصبر،،و دا اهم من الراية البيضا لانه الناس البسو الازية
عندهم عمي الوان و يمكن يشوفوا لون رايتك دي حمرا و الله يحلك من صراع التيران لوووووول
يديك العافية و مني ليك اجدع ترحيب
|
Post: #16
Title: Re: ممكونة أون لاين...(( بث تجريبي )).
Author: ناجى الزبير الملك
Date: 12-18-2004, 02:10 PM
Parent: #15
الممكــــــــونة .....وصابرة
مرحبتين حبابك الف .....بت العم والخال....
..... منتظرين جيتك .......
....
بس ممنوع طرق الباب ....
....
خشى طواااااااااااااااالى 
ـــــــــــــ
ناجى
|
Post: #17
Title: Re: ممكونة أون لاين...(( بث تجريبي )).
Author: ali elhassan
Date: 12-18-2004, 02:32 PM
Parent: #1
حبوبة مكونة
غايتو الغربة دى بتجيب ليها جنس اسامى
اللة يصبرك ويقويكى بى وليداتك
واللة فايتنك بي الصبر ساكت
ودمت بيننا
التوقيع
صابر شايل جراح بعيد عن جنة امدمان
|
Post: #18
Title: Re: ممكونة أون لاين...(( بث تجريبي )).
Author: إسماعيل التاج
Date: 12-18-2004, 06:16 PM
Parent: #1
هل إنتي ممكونة الغنى ليها محمد ميرغني:
[ بهرب من خيال طيفك
وفي عيـنـيَّ
بلاقـــيـــهــــو ]
تحياتي
إسـمـعـيـل
|
Post: #19
Title: Re: ممكونة أون لاين...(( بث تجريبي )).
Author: زول ساكت
Date: 12-18-2004, 08:21 PM
Parent: #18
مرجب حبابك
والبرشك بي اللبن نحنا جاهزين
انزعي لباس الخوف
وراك رجاااااااااااله
ويكفي انك حبوبة سجيمان
|
Post: #20
Title: Re: ممكونة أون لاين...(( بث تجريبي )).
Author: محمد ابراهيم قرض
Date: 12-18-2004, 08:55 PM
Parent: #1
ممكوووووونة ...
طال علينا غيابك .. و نحن مشتاقين ...
ألف حمدا لله على سلامتك ...
بس عايزنك تظهري في كل المنتديات ، مع تمنياتي
لك بالرجوع العاجل لبطن بيتك ...
|
Post: #21
Title: Re: ممكونة أون لاين...(( بث تجريبي )).
Author: Zoal Wahid
Date: 12-18-2004, 10:54 PM
Parent: #1
مرحب بيكي وان شاء الله يطيب ليكي المقام
واضح انك متمكنة في شغلانة الكمبيوتر
بانتظار مساهماتك ، ايام الضيافة قربت تكمل والجماعة ما حيقصروا يوروكي العين الياها
|
Post: #23
Title: Re: ممكونة أون لاين...(( بث تجريبي )).
Author: garjah
Date: 12-18-2004, 11:02 PM
Parent: #21
ممكووونة
نورتي يا عسل
رغم اني اشك في انو عندك شنب يقيف في طرفو البعيد الصقر
|
Post: #22
Title: Re: ممكونة أون لاين...(( بث تجريبي )).
Author: mamkouna
Date: 12-18-2004, 11:01 PM
Parent: #1
Quote:
...
مرحب بالصابرة
و الصابرات روابح كان يجن قماح
الحال من بعضو ابقي لاجوه و بحصل علي اخوانك و اخواتك ببقي عليك
و انت اساسا جايه ممكونة الح يصل ليك اكتر من كدا شنو
بس شيلي الصبر،،و دا اهم من الراية البيضا لانه الناس البسو الازية
عندهم عمي الوان و يمكن يشوفوا لون رايتك دي حمرا و الله يحلك من صراع التيران لوووووول
يديك العافية و مني ليك اجدع ترحيب
نصار |
الاخ نصار....
مالك مخوفني زيادة؟؟؟؟؟ قلت لي صراع تيران عديل كده؟؟ ؟؟؟
أنا يا خوي ما بقدر على جنس ده.......و ده شعراً ما عندي ليهو رقبة....
أكان ما ترحيبك الحلو ده.....كنت جريت طوالي على ( بطن بيتي )....
تسلم يا غالي....
|
Post: #24
Title: Re: ممكونة أون لاين...(( بث تجريبي )).
Author: mamkouna
Date: 12-18-2004, 11:04 PM
Parent: #1
Quote: الممكــــــــونة .....وصابرة
مرحبتين حبابك الف .....بت العم والخال....
..... منتظرين جيتك ...........
بس ممنوع طرق الباب ....
خشى طواااااااااااااااالى |
ـــــــــــــ
ناجى
ود العم...
مشكووووور على ترحيبك....
بصفتك ( مُصوِر ) محترف....
تفتكر أحلى صورتي قبل... أم... بعد؟؟؟   ؟
|
Post: #25
Title: Re: ممكونة أون لاين...(( بث تجريبي )).
Author: mamkouna
Date: 12-18-2004, 11:21 PM
Parent: #1
Quote: حبوبة مكونة
غايتو الغربة دى بتجيب ليها جنس اسامى
اللة يصبرك ويقويكى بى وليداتك
واللة فايتنك بي الصبر ساكت
ودمت بيننا
التوقيع
صابر شايل جراح بعيد عن جنة امدمان
علي الحسن |
علي الحسن...ود أم درمان الأصيل ...
و أم درمان لا تنجب إلا كل أصيل..
ليك منى ألف تحية...و شوق..
و...
طالَ هجري يا أم در أمان...
ببعادي حكَم الزمان....
مع خالص محبتي
ممكونة بت بحري....
|
Post: #26
Title: Re: ممكونة أون لاين...(( بث تجريبي )).
Author: benyya
Date: 12-18-2004, 11:32 PM
Parent: #25
ممكونه
يا زوله قوي قلبك كده وقولي بسم الله
مرحب بيك
نورتي يا ستي
حبابك الف
لكى قدام
|
Post: #27
Title: Re: ممكونة أون لاين...(( بث تجريبي )).
Author: Omar Elshowaya
Date: 12-19-2004, 00:03 AM
Parent: #1
مرحبتين حبابك ممكونة
شرفت وانست
ابقي لجوة
|
Post: #28
Title: Re: ممكونة أون لاين...(( بث تجريبي )).
Author: waleedi399
Date: 12-19-2004, 00:05 AM
Parent: #1
Quote: الأعزاء و العزيزات أعضاء و عضوات سودانيز اون لاين....
انشالله كويسين....
أنا و الله بحبكم و بقدركم و معجبة بيكم......
لكن...... |
مـــرحبتين ... ممــكونـة
|
Post: #29
Title: Re: ممكونة أون لاين...(( بث تجريبي )).
Author: Dr. Moiz Bakhiet
Date: 12-19-2004, 02:15 AM
غايب سنة..
في لحظة بس..
ألقاك هنا
بالله شوف..
سمحة الصدف
حلوة الظروف
Quote: الأعزاء و العزيزات أعضاء و عضوات سودانيز اون لاين....
انشالله كويسين....
أنا و الله بحبكم و بقدركم و معجبة بيكم......
لكن...... |
هواك أكبر وما كان ليهو تمن..
________________
والله نورت يا ممكونة يا ست الحيشان كلها
|
Post: #30
Title: Re: ممكونة أون لاين...(( بث تجريبي )).
Author: المكاشفي الخضر الطاهر
Date: 12-19-2004, 03:06 AM
Parent: #1
بت خالي واختى الكريمة
اهلا وسهلا ومرحب بيك
وحبابك عشرة
ولقد طال إنتظارنا للتسجيل
تخريمة : فى اكتر من ىبوست ألغاز فقهية لكن الظاهر هنا ما فى ناس .............!!
وحبابك أدخلى بقلب قوى وانا ما شي أجيب الدوشكا حقتي وكدا واحد اليزعلك شوفي نوريهو النجوم كيف
اخوك الخائف الضعيف المكاشفي
|
Post: #32
Title: Re: ممكونة أون لاين...(( بث تجريبي )).
Author: ali elhassan
Date: 12-19-2004, 04:00 AM
Parent: #30
Quote: وحبابك أدخلى بقلب قوى وانا ما شي
أجيب الدوشكا حقتي وكدا واحد
اليزعلك شوفي نوريهو النجوم كيف |
اخوى
ممكونة هى ناقصة زعل غايتو
كترت ما حانى عليها بقيت اتاوق
كل دقيقة اشوف كان فى زول
اتلوم معاها عشان اقيف
معاها ونوم قفا يا مكاشفى
الايام دي ما عندى شغلة غير المتاوقة
وما بنسيبا لمن تبقى عينا قوية
وتقلع حقها براها
التوقيع
طريت امدر حليل ناسا
|
Post: #31
Title: Re: ممكونة أون لاين...(( بث تجريبي )).
Author: ود عقاب
Date: 12-19-2004, 03:47 AM
Parent: #1
ممكونه
انت ظاهر ليك زوله ما بتاعه مشكال
وانا كنت متابعك من سودانيات
لكن بعد جيتنا عندنا
اركزى البرشك بالمويه برشو بالحبر
|
Post: #33
Title: Re: ممكونة أون لاين...(( بث تجريبي )).
Author: almulaomar
Date: 12-19-2004, 04:57 AM
Parent: #1
إنتي ممكونه أون لاين ولا من كلام الناس البقول الناس
على كل حال أهلا وسهلا ومرحب بيك وخالص التنميات الطيبة لك بالتوفيق هنا وفي أى مكان
وبعدين ناس المنبر هنا منهم الصالحون ومنهم دون ذلك ، وده زي ما ذكر أكثر من عضو هنا أن المنبر الحر يختزل الوطن الكبير أون لاين وأكيد الوطن الكبير فيهو وفيهو وفيهو وبرضو فيهو وفيهو وفيهو.
|
Post: #34
Title: Re: ممكونة أون لاين...(( بث تجريبي )).
Author: mamkouna
Date: 12-19-2004, 11:51 AM
Parent: #1
Quote: هل إنتي ممكونة الغنى ليها محمد ميرغني:
[ بهرب من خيال طيفك
وفي عيـنـيَّ
بلاقـــيـــهــــو ]
تحياتي
إسـمـعـيـل |
مولانا الوسيم...الفي طبعو دايماً هادي...
أنا ممكونة ...الغنت ليك مع هاشم ميرغني...
كلموهو وقولوا ليهو حرفك بنـِّور في السطور...
يومو الإجي ...يملالنا كل الدنيا نور...
يفرح القلب الصبور...
المِن زمان مليان جروح...
( زول ) هناك...قولة سلام تبقالو روح..!!
|
Post: #35
Title: Re: ممكونة أون لاين...(( بث تجريبي )).
Author: mamkouna
Date: 12-19-2004, 11:59 AM
Parent: #1
Quote: مرجب حبابك
والبرشك بي اللبن نحنا جاهزين
انزعي لباس الخوف
وراك رجاااااااااااله
ويكفي انك حبوبة سجيمان
زول ساكت |
برٌدت قلبي يا زول ساكت.....و طمنتني..الله يطمنك.....
معتمدة عليك إعتماد أساسي أول ما تقوم الحرب .....إتفقنا؟؟؟؟؟؟
تسلم يا غالي....
|
Post: #36
Title: Re: ممكونة أون لاين...(( بث تجريبي )).
Author: mamkouna
Date: 12-19-2004, 12:01 PM
Parent: #1
Quote: ممكوووووونة ...
طال علينا غيابك .. و نحن مشتاقين ...
ألف حمدا لله على سلامتك ...
بس عايزنك تظهري في كل المنتديات ، مع تمنياتي
لك بالرجوع العاجل لبطن بيتك ...
محمد ابراهيم قرض |
أشعر الشعراء....و أأدب الأدباء....و أوفى الأصدقاء....
قرض الناس قرض...
انت وين يا راجل؟؟؟؟ ؟؟
الشوق كميات و كميات و كميات.......
تحياتي لأم الحسن و البنيات....
و تسلم...
|
Post: #37
Title: Re: ممكونة أون لاين...(( بث تجريبي )).
Author: mamkouna
Date: 12-19-2004, 12:18 PM
Parent: #1
Quote: مرحب بيكي وان شاء الله يطيب ليكي المقام
واضح انك متمكنة في شغلانة الكمبيوتر
بانتظار مساهماتك ، ايام الضيافة قربت تكمل والجماعة ما حيقصروا يوروكي العين الياها
زول واحد |
زول واحد....
انت غلطان..انا ما ( متمكنة ).....أنا ( ممكونة ) ... ....
المظاهر خدٌاعة....
تسلم على الترحيب و ( الإنذار )...
أيام الضيافة البعرفها تلاتة يوم.....عندكم قرموها؟؟ ؟؟
تسلم....
|
Post: #40
Title: Re: ممكونة أون لاين...(( بث تجريبي )).
Author: Zoal Wahid
Date: 12-19-2004, 08:44 PM
Parent: #37
Quote: ....
انت غلطان..انا ما ( متمكنة ).....أنا ( ممكونة ) |
قمنا للمشاكل؟ عينك قوية عايزة تغالطي كمان!!! انا لي سنتين في البورد ما قدرت انزل حروف ملونة انتي من اول يوم نزلتي ورود وقرود
|
Post: #38
Title: Re: ممكونة أون لاين...(( بث تجريبي )).
Author: mamkouna
Date: 12-19-2004, 12:22 PM
Parent: #1
Quote: ممكووونة
نورتي يا عسل
رغم اني اشك في انو عندك شنب يقيف في طرفو البعيد الصقر
قرجة |
قرجة....
انت من زمن الشنب دااااااااااااااك ؟؟؟؟ ؟؟؟؟
حسي عملنا معاهو دقن و سوالف.....انت ما مواكب الموضة و لا شنو ؟؟؟؟؟
ما سمعت ب... ال... New-Look ?????
|
Post: #39
Title: Re: ممكونة أون لاين...(( بث تجريبي )).
Author: mamkouna
Date: 12-19-2004, 12:30 PM
Parent: #1
Quote: ممكونه
يا زوله قوي قلبك كده وقولي بسم الله
مرحب بيك
نورتي يا ستي
حبابك الف
لكى قدام
بنية
Benyya |
بنية لابس توبو....
صلاة النبي فوقو...
هل تصدقي يا بنية...أنتي أول بنوتة حلوة ترحب بي. .....
مشن وين العوين ديل...؟؟ ؟؟
نعل مافي بكا و لا سماية فاتتني؟؟؟؟؟؟
حبابك مليون يا أحلى بنية
و...
تسلمي
|
Post: #41
Title: Re: ممكونة أون لاين...(( بث تجريبي )).
Author: samwal ebrahiem
Date: 12-20-2004, 00:11 AM
Parent: #1
مرحب بيك
|
Post: #42
Title: Re: ممكونة أون لاين...(( بث تجريبي )).
Author: mamkouna
Date: 12-20-2004, 09:40 PM
Parent: #1
Quote: مرحبتين حبابك ممكونة
شرفت وانست
ابقي لجوة
عمر الشوية |
اهلا بيك يا عمر الما شوية
و شكرا على ترحيبك....
|
Post: #43
Title: Re: ممكونة أون لاين...(( بث تجريبي )).
Author: mamkouna
Date: 12-20-2004, 09:43 PM
Parent: #1
Quote: مـــرحبتين ... ممــكونـة
waleedi399 |
أهلا بيك يا وليد.....
مشكور على ترحيبك...
|
Post: #44
Title: Re: ممكونة أون لاين...(( بث تجريبي )).
Author: mamkouna
Date: 12-20-2004, 09:48 PM
Parent: #1
Quote: غايب سنة..
في لحظة بس..
ألقاك هنا
بالله شوف..
سمحة الصدف
حلوة الظروف
والله نورت يا ممكونة يا ست الحيشان كلها
دكتور معز |
حلوة الصدفة....
البيك جمعتنا...
و خلت ليلنا...يلاقي صباحك...
و الحيشان منورة بوجودك يا بروف...
الحوش - دكتور معز = جفاف و تصحر
الحوش + دكتور معز = واحة ظليلة مفرهدة
تسلم من كل شر يا أبو علاء...خالص تحياتي و أشواقي لأم علاء و عمر....
|
Post: #45
Title: Re: ممكونة أون لاين...(( بث تجريبي )).
Author: Tumadir
Date: 12-20-2004, 09:55 PM
Parent: #44
| Quote: و قالوا لي هنا بيشاكلوكي.....و يقابلوكي...و يضاضوكي.....و كان استدعى الأمر....يهكروكي |
وفى نفس الوكت بتلقى البعرفو قدرك ويشجعوكى ويقيفوا معاك بالحق..
انتى بس كونى نفسك وعوجة واحده ما بتجيك..ما تخافى الا من الله..
وهاكى الترحيباية دى من جندرية تانية بس ما شافتك الا حسة..
الف مرحب
|
Post: #46
Title: Re: ممكونة أون لاين...(( بث تجريبي )).
Author: mamkouna
Date: 12-21-2004, 01:09 AM
Parent: #1
Quote: بت خالي واختى الكريمة
اهلا وسهلا ومرحب بيك
وحبابك عشرة
ولقد طال إنتظارنا للتسجيل
تخريمة : فى اكتر من ىبوست ألغاز فقهية لكن الظاهر هنا ما فى ناس .............!!
وحبابك أدخلى بقلب قوى وانا ما شي أجيب الدوشكا حقتي وكدا واحد اليزعلك شوفي نوريهو النجوم كيف
اخوك الخائف الضعيف المكاشفي |
المكاشفي....ود خالي....
(( إنت مُصر اني بت خالك مع اني بت عمتك ...نسيت و لا شنو؟؟؟))
المهم يا ود أمي....
تقول لي ( دوشكا ) و اتحمس و اتحنفش.....و تجي تقول لي ( الخائف الضعيف )!!!
يعني شنو؟؟؟؟؟ ح تحارب و لا لأ؟!!!!
|
Post: #47
Title: Re: ممكونة أون لاين...(( بث تجريبي )).
Author: mamkouna
Date: 12-21-2004, 01:18 AM
Parent: #1
Quote: ممكونه
انت ظاهر ليك زوله ما بتاعه مشكال
وانا كنت متابعك من سودانيات
لكن بعد جيتنا عندنا
اركزى البرشك بالمويه برشو بالحبر
ود عقاب |
أخوي ود عقاب....
جهز يا خوي حبرك....
ممكونة ناوية تنزل ساحة الحرب..
|
Post: #48
Title: Re: ممكونة أون لاين...(( بث تجريبي )).
Author: mamkouna
Date: 12-21-2004, 01:30 AM
Parent: #1
Quote: إنتي ممكونه أون لاين ولا من كلام الناس البقول الناس
على كل حال أهلا وسهلا ومرحب بيك وخالص التنميات الطيبة لك بالتوفيق هنا وفي أى مكان
وبعدين ناس المنبر هنا منهم الصالحون ومنهم دون ذلك ، وده زي ما ذكر أكثر من عضو هنا أن المنبر الحر يختزل الوطن الكبير أون لاين وأكيد الوطن الكبير فيهو وفيهو وفيهو وبرضو فيهو وفيهو وفيهو.
الملا عمر |
الأخ الكريم الملا عمر....
نصيحتك ختيتها حلقة في أضاني....
مشكور عليها و على ترحيبك....
و...تسلم
|
Post: #49
Title: Re: ممكونة أون لاين...(( بث تجريبي )).
Author: Khalid Eltayeb
Date: 12-21-2004, 05:04 AM
Parent: #1
الحمدلله البث التجريبي ماشي كويس حتي الان . اوع بس من الاعطال الفنية .. وبعد ماتتمكني ياممكونة اوع من تشفير البث ..
مرحب بيك طلة تبعث علي الفرح و الضحك و الفرفشة , المعادل الموضوعي المطلوب لسودانيزاونلاين..
مرحبا بمقدمك ...
|
Post: #50
Title: Re: ممكونة أون لاين...(( بث تجريبي )).
Author: Ishraga Mustafa
Date: 12-21-2004, 05:07 AM
Parent: #49
ممكونة
وممكنة صلابتنا ضد ريح غربتنا
اهلا ومحبة
اشراقه
|
Post: #51
Title: Re: ممكونة أون لاين...(( بث تجريبي )).
Author: mamkouna
Date: 12-21-2004, 02:15 PM
Parent: #1
Quote: قمنا للمشاكل؟ عينك قوية عايزة تغالطي كمان!!! انا لي سنتين في البورد ما قدرت انزل حروف ملونة انتي من اول يوم نزلتي ورود وقرود
زول واحد
|
زول واحد....
نسيت الفار؟؟؟؟؟
|
Post: #52
Title: Re: ممكونة أون لاين...(( بث تجريبي )).
Author: mamkouna
Date: 12-21-2004, 02:22 PM
Parent: #1
Quote: مرحب بيك
سموأل إبراهيم |
أهلاً بيك يا سموأل....
|
Post: #53
Title: Re: ممكونة أون لاين...(( بث تجريبي )).
Author: mamkouna
Date: 12-21-2004, 02:30 PM
Parent: #1
Quote: وفى نفس الوكت بتلقى البعرفو قدرك ويشجعوكى ويقيفوا معاك بالحق..
انتى بس كونى نفسك وعوجة واحده ما بتجيك..ما تخافى الا من الله..
وهاكى الترحيباية دى من جندرية تانية بس ما شافتك الا حسة..
الف مرحب
تماضر |
أهلا بيك يا تماضر.....
أنا على فكرة متابعاك من سنين....من زمن ( الرهبة و الرهبوت ) لغاية زمن ( الشية و الشربوت ) ..و معجبة للغاية بكتاباتك المتميزة و المنوعة..
نصيحتك الغالية على عيني و راسي.....و أنشالله يستمر بيناتنا الود...
تحياتي و أشواقي للمبدع و موسيقارنا المفضل ( الوافر )...و زي ما قلت للأخ هشام شيخ الدين ...أغنية ( تومي ) هي النشيد القومي لعائلتنا الصغيرة...و حلاتو حمودي ولدي لمن يقول...سايق عجلتو...حبيبي ما سألتو...
تسلمي يا تماضر..
|
Post: #54
Title: Re: ممكونة أون لاين...(( بث تجريبي )).
Author: mamkouna
Date: 12-22-2004, 07:54 AM
Parent: #1
Quote: الحمدلله البث التجريبي ماشي كويس حتي الان . اوع بس من الاعطال الفنية .. وبعد ماتتمكني ياممكونة اوع من تشفير البث ..
مرحب بيك طلة تبعث علي الفرح و الضحك و الفرفشة , المعادل الموضوعي المطلوب لسودانيزاونلاين..
مرحبا بمقدمك ...
خالد الطيب |
الأخ خالد الطيب...
لغاية حسي مافي أي أعطال فنية و الحمد لله.....
و أعتقد انو الوكت مناسب للتشفير....
ننزل على عربسات و لا نايل سات؟؟؟؟؟
|
Post: #55
Title: Re: ممكونة أون لاين...(( بث تجريبي )).
Author: mamkouna
Date: 12-22-2004, 08:06 AM
Parent: #1
Quote: ممكونة
وممكنة صلابتنا ضد ريح غربتنا
اهلا ومحبة
اشراقه |
أهلاً بيك يا إشراقة....
روحي و قلبي و عقلي معاك و أنتي تنحتي في الصخر....
حتى تتيحي غداً أفضل لأولادنا و بناتنا....و احفادنا و حفيداتنا....
سعيدة بزيارتك و تشريفك لي.....
|
Post: #56
Title: Re: ممكونة أون لاين...(( بث تجريبي )).
Author: المكاشفي الخضر الطاهر
Date: 12-22-2004, 08:15 AM
Parent: #1
يا بنت عمتى انت البث التجريبي دا مالو طول كدا
|
Post: #57
Title: Re: ممكونة أون لاين...(( بث تجريبي )).
Author: mamkouna
Date: 12-22-2004, 09:54 AM
Parent: #56
| Quote: يا بنت عمتى انت البث التجريبي دا مالو طول كدا |
منتظرين نعمل قاعدة جماهيرية......و بعدين نشفر... !!
|
Post: #58
Title: Re: ممكونة أون لاين...(( بث تجريبي )).
Author: الجندرية
Date: 12-24-2004, 11:03 PM
Parent: #1
ممكونة
حبابك عشرة بلا كشرة
|
|