Post: #1
Title: يادكتور ما قلته لي حتعمل شنو في تشفير النيل الازرق
Author: willeim andrea
Date: 12-18-2004, 06:49 AM
ازيك يا دكتور غايتو اكيد ام الخير حتنبسط من حكاية تشفير النيل الازرق دي الجابت لكل الناس البتغير الهواء ( في روية اخري الهوي) وعملت لبعضهم النزله ... غايتو انا من هسي بحذرك ... ما تشترك وتدفع قروشك مقدم الا وتكون عامل عقد مكرب شديدالشروط وفيهو كمان شروط جزائيه وتشترط فيهو علي ناس النيل الازرق وخاصا لانهم قالو في روايات دي قناة تجاريه .... بان يلتزموا بانهم يواصلوا الحاجات الحلوه ويجيبو كمان الاحلي اها شن قلته
|
Post: #2
Title: Re: يادكتور ما قلته لي حتعمل شنو في تشفير النيل الازرق
Author: willeim andrea
Date: 12-18-2004, 07:06 AM
Parent: #1
برضو ما تنسي يا دكتور توصيهم بان ينتبهو لمقدمي البرامج البيتنافسوا مع الضيوف في المعلومات والواحد منهم ينط للضيف في حلقه قبل ما يكمل الجمله ومرات الواحد مننا بيحس بانهم مسطحين اها وكمان توصيهم يجيبو الحاجات المحليه الجميله المشرفه لانها هي المفقوده ومحتاجينها شديد للتنوير اماالحاجات العالميه راقده بالكوم في مختلف المحطات.... اها شن قلته
|
Post: #3
Title: Re: يادكتور ما قلته لي حتعمل شنو في تشفير النيل الازرق
Author: سجيمان
Date: 12-18-2004, 07:06 AM
Parent: #1
العزيز الفتان وليم اندريا
فتان من فتنة...وشايف الغنايّن الايام دي كل غنية شابكننا يا فتان يا فتان...عليك الله زول يغني لي زول مبسوط منو يقولو يا فتان؟....والله ندي القلعة تغني لي وتقول لي يا فتان علا اشتكيها...اليوم داك جابو سميرة دنيا....علا يا اخوي كانت زعلااااانة..وخاترا ماهو طيب... انا بيني وبين نفسي قلت يمكن خموها من بيت بكا وجابوها.... لكن النصيحة ليك يا الله غنااااية...وصوتها فيهو بحة...زي البحة الجاتني اليومين الفاتو ديل مع النزلة وفكت حسي...لكن يا وليم يا اخوي النلوم لك بحات الزمن دا .... الزمن دا اصلو مافي شي اصلي....حتى البحة بقو يزيدوها موية.. الله بيسعلني بحات زمااان تقعد معاك اقلاها شي ستة شهور....حسي دي ما اخدت لها يومين وفكت....واما امالي طوحت بالميل...امالي دي منو؟....الكدي شالو حالا؟.....
قناة النيل اللزرق....اصلي من زماااان خايفهم يتغو ويتفلهمو ويقومو يشفروها.... لكن انت قايل شفيرا بي يطوّل؟....اصبر لهم شهرين...يا رجعوها.. يا اتلقى هكر يهكر الشفرة....ويخلينا نتفرج بي ساكت....
|
Post: #4
Title: Re: يادكتور ما قلته لي حتعمل شنو في تشفير النيل الازرق
Author: willeim andrea
Date: 12-18-2004, 07:13 AM
Parent: #1
سميره دنيا جد غنايه وخلتنا نمشي نشوف الغني القديم اما عن اليوم داك الموضوع كان صعب شويه ووسط دكاتره بس دكاتره في شنو ما عرفته ياربي في الحيشان الثلاثه وعلشان كده كانت مدبرسه بس بيني وبينك الوجهه الصبوح وجهه زولتك ديك ام جضوم وسنون لؤلي وعيون مغمده عديل
|
Post: #5
Title: Re: يادكتور ما قلته لي حتعمل شنو في تشفير النيل الازرق
Author: willeim andrea
Date: 12-18-2004, 08:04 AM
Parent: #1
وراي تاني طالما الحكاية تجاريه في الوقت الانحنا محتاجين ليهاما مشفره لعدة اسباب .... للثقيف والمنافسه مع القناة الاول ووالارتقاء النوعي انا شخصيا عندي راي في التشفير يا دكتور رايك شنو يعملوها شركة مساهمه ودخلها يكون من الاعلانات وجد بكده حنضرب كم عصفور بحجر اول حاجه الرقي بقناة النيل الازرق والنقله النوعيه حتي لقناة الاولي وده شي ملاحظ في الفتره الاخيره وخاصتا حولي وبعد شهر رمضان وبالتاكيد حتظهر كم قناة تانيه وثالثه بنفس النهج وجد حتملي الثقافه وفهم الربح والخساره قنوات التلفزيون لكن مع التشفير حيصل التقوقع والموت البطئ
|
Post: #7
Title: Re: يادكتور ما قلته لي حتعمل شنو في تشفير النيل الازرق
Author: سجيمان
Date: 12-18-2004, 10:36 AM
Parent: #5
وليم اندريا
| Quote: رايك شنو يعملوها شركة مساهمه |
اقتراح في السلك.......وانا اساهم فيها.....واربط للمذيعين البيعملو مقابلات برا ديل.....واجي ناطي طوالي قدام الكمبرا..وانطلق نضمي.....واي زول ينهر ولا يكتر امشي لمدير المحطة واشتكيهم بصفتي مساهم........وتاني ممكن اشيل مرتبتي وبطانتي وامشي ارقد في الاستديوهات واحرس قروشي...اي فنان ما يعجبني يجيبوهو....اقوم عليهم واجوطهم لك.......مش بي بقروشي؟
|
Post: #6
Title: Re: يادكتور ما قلته لي حتعمل شنو في تشفير النيل الازرق
Author: willeim andrea
Date: 12-18-2004, 08:29 AM
Parent: #1
جد بستغرب في الزول البيكون قاعد في مكان تقديم خدمات وتلقاه صاري وجهه وبيتكلم بنبره ساخطه .... اها النقيض تلقي التاني هزلي لدرجه مبالغ فيه .. جد بستمتع بتقديم رانيا لانها فعلا نجمه بحق وحقيقي وبدون مبالغه في الرتوش ودايما تلقاها في الصميم والكثير من الجماليات اتمني ان يتاثر بها الباقي وبلاش اسواق سعد قشره
|
Post: #8
Title: Re: يادكتور ما قلته لي حتعمل شنو في تشفير النيل الازرق
Author: willeim andrea
Date: 12-18-2004, 10:20 PM
Parent: #1
صباح الخير يا دكتورنا الظريف فعلا الفكره حلوه وانشاء الله برضو تعجب ناس النيل الازرق وكمان تطلع ليناالنيل الابيض كمان كدي فكر في حكاية المساهمه دي والاعلانات النازله ترف شي عفراء وشي موبيليا وشي موباتيل وحاجات كثير زي الكوكا كولا الخ الخ ودي كلها لترقية التلفزيون اما يا اخوي اعمل ليك خيمه لانو حراستك حتطول لحدة ما نشوف التلفزيون في مصافي الفضائيات والا شن قووووووووووووووولك
|
|