ايمان ترقد المستشفى ليلة زفافها

لا ادري من اين ابتديء حديثي, امس كانت ليلة عرس بنت اختي وحمامة الفرح التي كانت تحلق حولنا خريجة الاهلية وكانت صديقتي التي تخصني باسرارها دون الاخرين رغم فارق السن وبعد المسافة الجغرافية التي تفصل بيننا, كانت الايام الفائته عيدا بالنسبة لي ولاهلي بامدرمان وكنت اخطط معها من على البعد وكم كانت فرحه بهذا وهي تعد نفسها لملاقة فارس احلامها وكالعاده من المفترض ان تكون خجلة,حسب نشئة المراة السودانية ولكنها كانت عكس ذلك تماما,كان بيني وبين ناس البيت خط ساخن لدرجة اني كنت اسمع الفنانه وهي تغني في الحنة وقيدومة العروس, كم وكم من قيدومات اتعملت وحفلات نسائية واخرى لصديقاتها ولاتنسوا انها اخر العنقود في البنات ولابد الفرح بها كما يليق,اخر اتصال لي بها قبل الفرح بيومين باعتبار سوف تكون في معسكر مغلق(رغم اني اعلم جيدا لو انها وقفت بفستان نومها يوم زفافها لكانت بدرا في سمائه)رغم ذلك اتصلت بها الساعه 2ص بتوقيت السودان ويومها نمت غرير العين,في الصباح اتصلت بناس حتى اقف على اخر الترتيبات وبالفعل وجدتهم زبحوا الزبائح والطباخين يعملون علىقدما وساق لدرجة اني تحدثت مع المرة البتعمل فطور العريس, بالمناسبة ناس البيت نبذوني وقالوا لي كان تقطع تزكرة وتجي بي حق التلفونات دي.المهم كنت قد شعرت بتغير في نبرة الصوت عندما اتصلت بموبايل العروس في وقت مفترض انها تكون في الكوافير وكان المتحدث معي اختي وعندما سالتها ان اكلم العروس انفجرت باكية,,عرفت ساعتها ان مكروها وقد اظلمت الدنيا في وجهي وتصببت عرقا رغم برودة جو امستردام,,وكن امسكت بالتلفون في الطرف الاخر اختى الاخر وقالت لي هون عليك الحمدلله انها جاءت لحدي كده فايمان ترقد بالمستشفى لانها اجريت لها عملية زائده,,,, اي عينا اصابتك يا ايمان في ليلة زفافك ولكن الحمدلله كما قالت امك

اخي الكريم كتب الله لها السلامة , اجر عافية لي ايمان , عين الحسود بي العود وعين الصبي انحوينا منها بي النبي , العرس ولياليهو سوف تعوض

الاخ ابو مهند


الف الف سلامة على ايمان وربنا يشفيها .

الف مبروك لها

والحمدلله الجات على كدا

الكلام دا يجى يبقى ذكريات وضحكات

ربنا يديها العافية

وبيت مال وعيال



العريس دا ترجعوا ليه جزء من المهر لانه العروسة شالوا منها الزائدة ونقصت كدا



والف مبروك ليك والعقبال للبقية

العزيز ابو مهند

حمدا لله الذي قدر و لطف،،، يمكن يكون السئ في الامر اكتر من عملية الزائدة، هو التوقيت لكن كله بأمر الله،،،ربنا يواليها بالعافية و يكون هذا العارض الصحي مدخلا لها و عريسها لسعادة اوفر و هناء و ما تشوف شر أن شاء الله في حياة زوجية مديدة و يرزقهما الله المال و البنون و هدوء البال،،،،، الف مبروك و حمدا لله علي سلامة العروس

ابو مهند

قدر ولطف
والحمد لله الذي لا يحمد على مكروه سواه

بكرة تعلو الزغاريد وترقص فرحة بزفافها مجددا
وربنا يكتب ليك تحضره باذنه تعالى

لو منكم يا مهند لذهبت بالعريس والاصدقاء والاهل الى غرفة المستشفى واحتفلت لها احتفالا صغيرا وجعلنا من الامر نكتة حلوه يذكرها بالمناسبة حتى اخر العمر

سلامتها وكفارة

كتر الله خيركم وانشاءالله ماتشوفوا شين ياناس سيف مساعد,عقد اللوليء,بيان,واخوي نصار,zola123 وتماضر,ووليد محمدمبارك,
وياوليد عرسانها يطاقشوا ودي بت ملوك البيخليها تصدق شنو بس دي عينك ياولي لووول,,

Quote: لو منكم يا مهند لذهبت بالعريس والاصدقاء والاهل الى غرفة المستشفى واحتفلت لها احتفالا

تماضر الناس ماقصروا ومن صباح الرحمن مكسره وناس المستشفى قاموا بالواجب وهاك ياغنى ورقيص,,
الحمدلله خرجت من المستشفى وهي بصحه تمام
ولي للتفاصيل

سلام جميعا
انا متفاجئه حسع بالبوست دا...لانو ابومهند وكما ذكر مر بلحظات صعبه ظللنا طول الليل فى دهشه مما حدث وعندما تكلمنامع اعروس فى المستشفى وجدناها اكثرمنا تماسك وعقلانيه(حفظها الله)
لكن ابوهندـبرغم ثباته عند سماع الخبرالاانه كان جرسه فى اخر الليل ورفض العشاء وكان يريد الاتصال 3 صباحا لو ما انا كنت قاسيه بعض الشئ ودسيت منهالتلفونات والكروت وظللت طول الليل صاحيه معه واطلب منهان يقول الحمدلله
وكانت ليلتنا كحلى( كما يقول المصريين)
تحياتى وشكرى للجميع

كفارة
وربنا يواليها بالعافية

ياكن كلام قطيعة كده وبصوت واطي
"هي ايمان دي كانت ما مصدقه ولا شنو"

تاني كفارة
وتبكر بالتيمان ولد وبت


اها كده كيف يا مناصري الجندر

الف الف مبروك وحمد لله على السلامه
ربنا يواليها بالعافيه

حليمه تو ويييييبك مشتاقين

الله يديها العافية ويكمل افراحها.

كفارة وسلامة للعروس ياأبومهند.
تعرف: المشكلة فى الغربة والبعاد إنو الواحد بيكون فى حالة قلق مستمر على الأهل وناس البيت، مرات لو التلفون رن بس الواحد راسو يودى ويجيب.

إتخيلت الإحساس المر بيك لما أختك بكت فى التلفون بعد سؤالك عن العروس
الحمد لله إنو العروس بخير، بس قول لأختك راعى شعور المتلقى وخليك حريفة.

نسأل الله الحفظ للجميع.

أبوبكر

تحياتى ابومهند
والف سلامه مع امنياتنا ليهم بحياه زوجيه سعيده
واجر وعافيه انشاء الله

حبايبي Rawia,تراث,abubakar&waleed500,شكرا لي مشاعركم الدافئة التي لو لاها لما تخطيت عتبة الزول.
Rawia تراها حليمة2 تسمع في كلامك لكن والله مزرورة زرة شديدة مع القراية ام دق وشوق وصل,,,ابوبكر ود علي

Quote: إتخيلت الإحساس المر بيك لما أختك بكت فى التلفون بعد سؤالك عن العروس

والله انا دخلت في النار ومرقتا وزي ماقلت
ولي قدام

تحية طيبة للجميع

الاخ ابو مهند

الف حمدالله على السلامة، و الحمدالله انها جات على قدر كده

و انشاء الله ايامها الجاية كلها فرح و سعادة

آمين يا رب

خالص التحايا00
ابو مهند00
والف سلامه للعروس الحلوه00
وقول ليها سلامتك من اه00
قوبنا معاك وورينا الحاصل شنو جديد00
*انتى تبرى من الالم 00
الالم ما لينا نحن (يا ايمان)000

ولو نفذته كلام الاستاذه تماضر ده بكون اجمل 000
لو منكم يا مهند لذهبت بالعريس والاصدقاء والاهل الى غرفة المستشفى واحتفلت لها احتفالا صغيرا وجعلنا من الامر نكتة حلوه يذكرها بالمناسبة حتى اخر العمر

سلامتها وكفارة

اخى الحبيب ابو مهند
الف سلامة للعروس المعيونة
تحياتى لسلمى و الاسرة

أبو مهند
سلامة العروس وكفارة.. ربنا يعافيها، ويسمعكم كل الخير.. أرجو أن تنقل لها سلام أعمامها وخالاتها في البورد..

قلوبنا معها..

وألف مبروك وربنا يتم بخير..

ابو مهند انه القضاء
فسلامة ايمان وقطعا ستعود
ابهي وانضر عودا وعروسا زينه

خالص التحايا00
ابو مهند00
والف سلامه للعروس الحلوه00
وقول ليها سلامتك من اه00
قوبنا معاك وورينا الحاصل شنو جديد00
*انتى تبرى من الالم 00
الالم ما لينا نحن (يا ايمان)000

حبابي الحلوين مرحب بيكم واتفضلوا لي جوه,, ياولد جيب البارد لي اعمامك.الموصلي,ياسر الشريف,معتز ومحمدالامين احمد ودخل خالتك لنا بت مهدي لي جوه ووصل سلامها للاهل كلهم خاصة سلمى.

Quote: والف سلامه للعروس الحلوه00,,,الالم ما لينا نحن (يا ايمان)

معتز انت شفت العروس عشان تقول عليها حلوة lol تسلم يافرده والله كلامك فيهو الفرح
الاخبار العروس خرجت من المستشفى وضبحو الكرامه وخروف السبوع لكن الجرتق اجلوه الاسبوع الجاي ورقيص العروس لاجل غير مسمى,,وتوقعوا شريط المستشفى اقصد العرس

ابو مهند
كفارة وسلاماتها
والف مبروك
وتحياتى للأخ الأمين محتفظ ببعض الصور وزيارة الأخ الأمين لبونا والجلسات فى منزل راضى خليل وعصام ابوزيد

ابو مهند الف سلامه عليها والله والفين مبروووووك وعقبال البكارى
لكن مبااااااالغه يا د/ بيان ..قلتى لى نقصوا منها الزائده يرجعوا لى العريس نص المهر ؟ لووووول نجاة
عين الحسود بالعود يا ايمان العروس .. وحمد الله على السلامه

Quote: لكن مبااااااالغه يا د/ بيان ..قلتى لى نقصوا منها الزائده يرجعوا لى العريس نص المهر

نحن ح نطالب العريس بتعويض وزي مابيقولوا كراعو حاره لووول
وشكرا على زيارتك

شكرا ليك يادفعه وانشاءالله ماتشوف سؤ

Quote: وتحياتى للأخ الأمين محتفظ ببعض الصور وزيارة الأخ الأمين لبونا

وياريت اشوف الصور وتحياتي لي كل الشباب بطرفكم

.
أبو مهند
(فريتو قلبي! )
ألف سلامة لسميتي إيمان، وإن شاء الله بُعد الشر.
وألف مبروك ليها ولي عريسها، وكل الأسرة.
لك التحية
أمتعتني أجزاء من سردك، خاصة وصفك لمتابعتك من علي البعد
وربنا يجمعك بيها بالسلامة

إيمان

Quote: فريتو قلبي!

موني يسلم قلبك, ونحن طبعا مسمنها عليك

Quote: وربنا يجمعك بيها بالسلامة

,,,ويسمعك منك الكريم
بت الاحفاد يخليك لينا يارب والله دعاءك ده بيرد الروح
ايمن جبارة
من وصفك ليها ايمان دي بيسحروها
ياريتني لو اقدر اقول فيك الكلام الماإتكتب واجلي المقاطع بالذهب
قدر مااكتب ما حاوفيها وياريتك جيت بدري شوية لووول
وانشاءالله ماتشوفو شينه وماتنسو الكرامة والجرتق وقطع الرحط للنسوان بس

اللهم أشفى أيمان واحفظها من كل سوء

الف لايأس عليها


وفى امان الله

لا اله الا الله

أبو مهند
كفارة يا زول وسلامة
من وصفك ليها إيمان دي بيسحروهاانشالله تكون دي كفة عين.. وامنى ليها هي وزوجها حياة سعيدة
قولو آمين..

الشكر موصول لكل الذين شدو من ازري وكتبوا سائلين عن صحة ايمان

العزيز أبو مهند..

ألف حمد لله على سلامة ايمان..
والحمد لله ان الزائدة أخدت الشر وراحت زي ما بيقولو..

وامنياتي الصادقة بأن يعوض هذا الظرف بفرحة تنسيها كل ألم حست به..

تحياتي وودي لك وحليمة وهنودة..

رجاء يا عسولة شكرا ليك,لكن انا ملومك يعني ماتجينا الا يوم السابعه

العزيز أبو مهند..

عارفة روحي متأخرة.. لكني كنت خارج المنبر لظروف عمل أسرق منها لحظات للقراءة فقط..


دي للعروسة..

ابومهند الف مبروك والف كفارة ، والحمد لله الجات لحدي هنا انا قت الموضوع دا طالع من مؤلف تعرف العنوان ينفع يكون حكاية ارجو انك تتطورها فانت تمتلك اسلوب الحكي ..وبس المحيرني التقاء الضدين مبروك وكفارة .. والله يا ايمان عليك جنس حركات بس اوع تكوني عايز تزوغي من حصة العرس ؟؟ لكن بعد دا مافي طريقة بعد دبحو الخروفات ورقصو الفات فات ..

ابو مهند


الف الف سلامة على ايمان وربنا يشفيها .......

الف مبروك

الف سلامة

الف عافية

رجاء: مابتقصري والله وشكراالكرت الحليو ده.
بت فاطنه:

Quote: ابومهند الف مبروك والف كفارة ، والحمد لله الجات لحدي هنا ..وبس المحيرني التقاء الضدين مبروك وكفارة .. والله يا ايمان عليك جنس حركات بس اوع تكوني عايز تزوغي من حصة العرس ؟؟ لكن بعد دا مافي طريقة بعد دبحو الخروفات ورقصو الفات فات

ربنا يخليك لينا يا رب

Quote: انا قت الموضوع دا طالع من مؤلف تعرف العنوان ينفع يكون حكاية ارجو انك تتطورها فانت تمتلك اسلوب الحكي

وزي مابيقولوا التقل جاي ورا وح انافس ليك الطيب صالح زاتو لووول.
سجيمان&khaalaleyaal:
مانجيكم فيشينه انشاءالله