Post: #1
Title: ازهري محمد علي-فيديو_الاهداء ليك يالناصري وكل الناس الحالهم زين
Author: rani
Date: 12-14-2004, 09:34 AM
من احد تسجيلات منتدي شموس الثقافي القاهرة 24-4-2003
|
Post: #2
Title: Re: ازهري محمد علي-فيديو_الاهداء ليك يالناصري وكل الناس الحالهم زين
Author: rani
Date: 12-14-2004, 09:35 AM
Parent: #1
وضاحة
ازهري محمد علي
الصباح الباهي لونك
وضاحة يا فجر المشارق
غابة الابنوس عيونك يا بنية من خبز الفنادق
شيدتي في جواي صوامع للفرح
وفتحتي في دنياي مسارح للمرح
وبقيتي لي سكة وعيون
لا قدرت اطولك شان اجيك
لا قدرت من غيرك اكون
وانا بيك ماليني الكلام
حركت بيك عصب السكون
جلبت ليك الغيم رحط
طرزت ليك النيل زفاف
حرقت ليك الشوق بخور
وفرشت ليك الريد لحاف
للسكة غيرك تنتهي ولا معاك مليت طواف
يا ريتني لو اقدر اكون
وضاحة يا فجر المشارق
الصباح الباهي لونك
يابنية من خبز الفنادق غابة الابنوس عيونك
|
Post: #3
Title: Re: ازهري محمد علي-فيديو_الاهداء ليك يالناصري وكل الناس الحالهم زين
Author: Elnasri Amin
Date: 12-14-2004, 09:42 AM
Parent: #1
شكرا يا رانى
شغل تمام
الغنيه دى بالذات بتزكرنى ايامى الاخيره فى السودان قبل الخروج
الناصرى امين
|
|