Post: #1
Title: فلنرحب بمحمد حامد جمعة ..
Author: Hussein Mallasi
Date: 12-13-2004, 02:54 AM
ارحب بمحمد حامد جمعة؛ و ابارك وجوده بيننا؛
كما ارحب بفتحي البحيري؛ و ابارك استمراره معنا؛
و عاش تحالف قوى الشعب العاملة.
|
Post: #2
Title: Re: فلنرحب بمحمد حامد جمعة ..
Author: haleem
Date: 12-13-2004, 02:57 AM
Parent: #1
مــلاســي
مبروك....عدادك عمل 2000
|
Post: #3
Title: Re: فلنرحب بمحمد حامد جمعة ..
Author: Hussein Mallasi
Date: 12-13-2004, 03:10 AM
Parent: #2
و الله يا حليمو حقو الزول ما يرد تاني
عشان ما يخرب الوزنة...
بس 2001 برضو موديل كويس.
____
|
Post: #4
Title: Re: فلنرحب بمحمد حامد جمعة ..
Author: AnwarKing
Date: 12-13-2004, 03:45 AM
Parent: #1
معاً الى 2002
|
Post: #5
Title: Re: فلنرحب بمحمد حامد جمعة ..
Author: محمد حامد جمعه
Date: 12-13-2004, 03:46 AM
Parent: #4
مبروك الالفيات ........ شكرا كتير
|
Post: #6
Title: Re: فلنرحب بمحمد حامد جمعة ..
Author: AnwarKing
Date: 12-13-2004, 03:50 AM
Parent: #5
الله جابك يا محمد حامد...
سلامات...
وان شاء الله ما تكون اتعوقت بس من الشلاليت والبنج الطايرة دي...
انت تهمتك شنو؟
|
Post: #7
Title: Re: فلنرحب بمحمد حامد جمعة ..
Author: محمد حامد جمعه
Date: 12-13-2004, 03:53 AM
Parent: #6
يا انور كيف يا (عريس ) بالمناسبة شفت (موقعك ) وبجيك فيهو .. يا زول خلها ساى ... ياخ انا بقيت بمشى المؤتمرات الصحافية الناس تتلمى على هسة عندى كم عرض لمقابلات صحافية مع خواجات وكدا ..ولا المواصلات .......تدى الدنيا العجب .....ياخ عزو كان يقول انا (لواء ) ....... كنت غنيت
|
Post: #8
Title: Re: عجبتني يا عزو لا...ممكن أغنيها
Author: AnwarKing
Date: 12-13-2004, 04:06 AM
Parent: #7
والله أيامك ماشة طحنية يا أبو أحميد...
بتمشي مؤتمرات صحفية وكدا؟
على كدا بتلاقي الناس الموهمة جداً فى الحكومة... طيب ياخ قاصدك فى خدمة...
ما تقول للحكومة دي فى ناس قاعدة تكورك هنا ياخ...
|
Post: #9
Title: Re: عجبتني يا عزو لا...ممكن أغنيها
Author: Hussein Mallasi
Date: 12-13-2004, 04:28 AM
Parent: #8
و عاش عبدالحفيظ عبدالله رجب ...
|
Post: #10
Title: Re: عجبتني يا عزو لا...ممكن أغنيها
Author: Hussein Mallasi
Date: 12-13-2004, 04:28 AM
Parent: #9
اشرقت الانوار يا ابو الانوار.
|
Post: #11
Title: Re: عجبتني يا عزو لا...ممكن أغنيها
Author: AnwarKing
Date: 12-13-2004, 04:32 AM
Parent: #10
حسين يا حسين يا حرف الألف...
والله مشتاقين...
نواصل!
|
Post: #12
Title: لعن الله الانزلاق الغضروفي و البطيخ الاقرع
Author: Hussein Mallasi
Date: 12-13-2004, 05:04 AM
Parent: #11
لعن الله الانزلاق الغضروفي و البطيخ الاقرع؛
فبسببه سأبتعد عن المنبر الحر - الديسك و ليس البطيخ -
لمدة قد تمتد لعشرة ايام ....
____
|
Post: #13
Title: Re: لعن الله الانزلاق الغضروفي و البطيخ الاقرع: ماذا عن السكسكانية؟
Author: AnwarKing
Date: 12-13-2004, 05:12 AM
Parent: #12
الحبيب حسين...سلامات واشواق...
لو ماشي أديني خبر...
انا الليله قاعد شوية...بنزل لي فى موفيز عشان أحضرين...لحدي ما تنزل...قاعد متكئ شوية...
بس ان بقيت ماشي اديني خبر...
عشان ما أتداخل مع روحي...يقولوا على "سياسي"...
ولا بتاع كورة وما يسمعنوا تاج السر
|
Post: #14
Title: Re: لعن الله الانزلاق الغضروفي و البطيخ الاقرع: ماذا عن السكسكانية؟
Author: Hussein Mallasi
Date: 12-13-2004, 05:18 AM
Parent: #13
جداً يا ابو الانوار
|
Post: #15
Title: أههههههههههههههههها..جيتك وجريت بنمبري!
Author: AnwarKing
Date: 12-13-2004, 05:24 AM
Parent: #14
1- فى جهازك المفهومي
لعن الله الانزلاق الغضروفي و البطيخ الاقرع: ماذا عن السكسكانية؟
كيف تقراء؟
وفي وعيك الجمعي:
ما سبب التهجم على محمد حامد جمعة؟
عشان شغال فى SMC يعني...؟
وفي قرائتهم الخاطئة...
الا يظنون ان الحرية فى القعاد أو المغادرة شأن خاص؟
رجاء جاوب على اسئلتي دي وما تكب الزوغة...
مع كل حبي للحبيب و No hard feelings
|
Post: #17
Title: Re: أههههههههههههههههها..جيتك وجريت بنمبري!
Author: Hussein Mallasi
Date: 12-13-2004, 05:40 AM
Parent: #15
طيب؛
| Quote: لعن الله الانزلاق الغضروفي و البطيخ الاقرع: ماذا عن السكسكانية؟ |
في السكسكانية لك مطلق الحرية و حقك متاح في الاختيار؛
اما الانزلاق و ود اب قرعة داك؛ فكلاهما مفروض عليك و لا فكاك.
تاني قلت شنو ...
ايواااا
Quote: ما سبب التهجم على محمد حامد جمعة؟
عشان شغال فى SMC يعني...؟ |
لا ابداً؛ السبب يا "كنجو" - او لعلها كنقو - هو في كون
مكاتب ال SMC تقع في شارع "21 اكتوبر" بالخرطوم شرق؛
شرق سينما كلوزيوم.
اخر حاجة شنو ؟
ايوااا تمام ... قراءتهم الخاطئة مش كدا ....
لا يمكنني الافتاء في امر القراءات الخاطئة؛ و اخونا
اسامة الخواض في المدينة..
|
Post: #18
Title: Re: لعن الله الانزلاق الغضروفي و البطيخ الاقرع: ماذا عن السكسكانية؟
Author: برهان تاج الدين
Date: 12-13-2004, 05:41 AM
Parent: #14
ملاسى كيفك ..
انور شايفك تتنونس مع الامنجية ساااكت . هسع يقوموا يلصقوا ليك ملازم اول 
اخ محمد جمعة ..
كفارة ..
امشى على ابو الريش بى هناك عشان تبدا صاح .
|
Post: #19
Title: Re: لعن الله الانزلاق الغضروفي و البطيخ الاقرع: ماذا عن السكسكانية؟
Author: AnwarKing
Date: 12-13-2004, 05:47 AM
Parent: #18
برهان يا حبيب...
والله مشتاقين...
الونسة دي عاملة زي "الكباية" وفى مقولة أخرى زي "الكأس" ما عندها لون سياسي...
مرة بنتونس انا وواحد فيتنامي وواحد كوري...
لا الكوري بيعرف أنجليزي...ولا انا بفهم أنجليزي الفيتنامي...ولا كوري الكوري ولا التلاتة فاهمين بعض...
لكن فى النهاية ونسة...
وبعدين..ونستنا مع ناس المعارضة دي ما تحسب علينا بس 
أحنا ناس بنخاف من السياسة دي عديـــــــــــــــــــل كدا دا...
|
Post: #16
Title: Re: فلنرحب بمحمد حامد جمعة ..
Author: ود الشيخ
Date: 12-13-2004, 05:33 AM
Parent: #1
ملاسي
بدور شنو محمد ده زميل
|
Post: #20
Title: Re: فلنرحب بمحمد حامد جمعة ..
Author: Hussein Mallasi
Date: 12-13-2004, 05:54 AM
Parent: #16
مشتاقين فعلاً يا برهان
فعلاً؛ قد تكون البداية الصحيحة في بوست ابو الريش
|
Post: #21
Title: Re: فلنرحب بمحمد حامد جمعة ..
Author: Hussein Mallasi
Date: 12-13-2004, 05:55 AM
Parent: #20
و عاش عثمان ابو القاسم؛
بالرغم من انو فك الجماعة عكس الهوا.
|
Post: #22
Title: Re: فلنرحب بمحمد حامد جمعة ..
Author: Hussein Mallasi
Date: 12-13-2004, 05:57 AM
Parent: #16
زميل و نص يا ود الشيخ
|
Post: #23
Title: Re: فلنرحب بمحمد حامد جمعة ..
Author: Hussein Mallasi
Date: 12-13-2004, 06:05 AM
Parent: #22
طيب يا ابو الانوار؛ "سي يو"
و دعواتك الصالحة انت و بقية الاحباب.
|
Post: #24
Title: Re: فلنرحب بمحمد حامد جمعة ..
Author: محمد الامين احمد
Date: 12-13-2004, 06:12 AM
Parent: #1
مرحب بالجميع
|
Post: #25
Title: Re: فلنرحب بمحمد حامد جمعة ..
Author: البحيراوي
Date: 12-13-2004, 08:03 AM
Parent: #1
الأخ حسين ملاسي والجميع متعكم الله بالصحة والعافية
والله كم يوم نجي نعاين لي حكاية العميد دي وما نقدر ندخل نقول كلمة
يعلم الله محاصر بي كمية شغل تنسي الواحد أهلة بالجملة
ولأني ديمقراطي في تفكيري لما كان وما سيكون في الشأن العام
أرحب بالأخ محمد جمعة في المنبر وأعتقد بأحقيتة في طرح ما يريد
حسب ما توافق عليه المشاركين وفق ميثاق الإشتراك الموضوع من إدارة الموقع
وقد نفي محمد حامد جمعة التهمة التي وجهها إلية بعض رواد المنبر
بأنة رجل أمن برتبة عميد لكنة أقر بأنة إنقاذي وإسلامي بفهمة هو
وهنا يأتي حق الآخرين في إثارة أي موضوع تكون الإنقاذ طرف فية
منذ أن كانت تنظيم سياسي وإجتماعي وإقتصادي حتي أصبحت فكرة أنقلابية
ثم أطاحت بنظام حكم ديمقراطي مخلل وطرحت نفسها بالعصا علي خلق الله
وما صاحب مسيرتها المسنودة بالنظرية الأمنية المجردة وسلوكها علي مدار
سنوات شارفت السادسة عشر .
وشي آخر أجد نفسي لابد من الإشارة إلية وهو نحن الآن نجلس وراء الشاشات
من الأحسن لنا أن نجد بيننا من يقول أنة إنقاذي ويوسع صدرة لنا لما نكتب
ويرد علينا بالمنطق والموضوعية التي نتمني أن نجدها من أخونا محمد حامد
وبالتالي الوصول لنهاية تبدو مقنعة لكل متابع ومهتم بالشأن العام.
بحيراوي
|
Post: #26
Title: Re: فلنرحب بمحمد حامد جمعة ..
Author: محمد حامد جمعه
Date: 12-13-2004, 08:08 AM
Parent: #25
تعرف لو ما لو ما (الالف والواو ) دا كان شبهتك لزول اخونا (لاعب معاى مان تو مان ) باك عكليته ........يا زول احييك ...والمسالة لا تستحق كل هذه الضجة ..بالمناسبة شكرا على انك اعفيتنا من الرتبة ....... تعرف فى زول شرطنى بالضحك شاف صورتى قال دا ما يجيب وكيل عريف
|
Post: #27
Title: Re: فلنرحب بمحمد حامد جمعة ..
Author: AnwarKing
Date: 12-13-2004, 08:28 AM
Parent: #25
الحبيب البحيراوي...
سلام واحترام...
Quote: وهنا يأتي حق الآخرين في إثارة أي موضوع تكون الإنقاذ طرف فية
منذ أن كانت تنظيم سياسي وإجتماعي وإقتصادي حتي أصبحت فكرة أنقلابية
ثم أطاحت بنظام حكم ديمقراطي مخلل وطرحت نفسها بالعصا علي خلق الله
وما صاحب مسيرتها المسنودة بالنظرية الأمنية المجردة وسلوكها علي مدار
سنوات شارفت السادسة عشر .
|
صراحة كدا شلت همّ...
يعني الزول لو دقس فى يوم والتحق باي تنظيم سوداني معناها يجهز روحو للمسائلة من قبل المهدية....
الله غالب...
أنور
|
Post: #28
Title: Re: فلنرحب بمحمد حامد جمعة ..
Author: البحيراوي
Date: 12-13-2004, 08:36 AM
Parent: #1
الأخ أنور كنج
يا زول التدقيس مرفوع . ولماذا الدقسي من أصلة . أليس من الأصلح أن تستبين
مواقفك وأفكارك قبل ترجمتها لي سلوك .
وبعدين يا زول المهدية دي ما بتحاسب . لأنها مثل غيرها طرح لمن أراد أن يلتحق أو يرفض وحتي هي نفسها عرضة للتقييم والمراجعة في ترجمتها السياسية .
بحيراوي
|
Post: #29
Title: Re: فلنرحب بمحمد حامد جمعة ..
Author: AnwarKing
Date: 12-13-2004, 08:50 AM
Parent: #28
الحبيب البحيراوي...
شكراً على الاجابة والنفس الهادئ الذي ياريت يكون طريقتنا...شاكراً لك جداً
ما عنيته واتمنى ان تكون وصلتك المعلومة بطريقة صحيحة...انو الواحد ينضم لتنظيم وينظر الى الامام...
أم ينتظر المسألة من تاريخ الحزب؟
على حسب علمي المحدود جداً ان السياسة هي فن للمصالح وادارتها...ولا يوجد ما يسمى بالثوابت وغيره الا فى بيانات الاحزاب الوهمية...لكن التحالفات وغيره ماضية الى يوم الدين...
على المستوى الشخصي قد يعجبك برنامج حزب معين فى فترة معينة...وبعدها تدي الحزب شاكوش أو يغتال شخصيتك../ا فارقة المهم...تتفارقوا وتنضم لتنظيم آخر والخ....
حكاية أكون جاهز للرد على سؤال ليهو 16 سنة دا صعب فى تقديري...لماذا قمتم بالانقلاب مثلاً؟
لم أقم به ولكن قام به جدي مثلاً...وانا الآن فى الطلائع
دا قصدي يا سيدي..
لك الودّ
أنور
|
Post: #30
Title: Re: فلنرحب بمحمد حامد جمعة ..
Author: البحيراوي
Date: 12-13-2004, 09:07 AM
Parent: #1
الأخ أنور كنج
يعلم الله متفقين يا زول .
بحيراوي
|
|