انه المنبر الحر ... و للجميع حق الحوار

تحية طيبة للجيمع

طبعا هجمات غريبة على عضو البورد الجديد محمد حامد جمعة

و هى اثبات جديد لفشل السياسة السودانية بكل معانيها

ما بفهم فى السياسة و لكن استطيع القول ان ما رايته دليل

واضح على تخبط و ادعاء لاشياء غير موجودة ، فحتى لو كان المذكور

فى الامن او غيره، ده ما سبب ، ده منبر نقاش فكرة ضد فكرة

و الداير (يشتم بس) و يفش ناروا فى الناس ما بيحل مشكلة

هو قال انو مؤيد للحكومة ! هو حر ناقشوا لو عايزين اما ان يسب

و يطرد؟؟؟؟

طيب يا من تنادون بطرده ما الفرق بينكم و بين الحكومة؟ انتم تقولون

انها تهجر الناس و تمنعهم الحديث و التعبير ، اذا فما الذى تفعلونه الان

؟؟؟؟؟؟؟؟؟؟؟؟

الحكومة ذاته استقبلت معارضين ليها فى الخرطوم، يعنى الحكومة ذاتها احسن

منكم فى الحتة دى ، ولا يمكن عايزين المنبر يمشى فى اتجاه واحد من غير

نقاش جاد ؟؟ يعنى يبقى منبر (شتم) و (سب) فقط للحكومة ؟؟؟؟؟

ما اعرفه ان المنبر للجميع ، لا احد فوق المسأله، حتى البعض هنا

يسأل فى الذات الله تعالى؟ فكيف و باى منطق تمنعون شخص من الحديث

و اين كلامكم عن الحريات و غيرها، و اذا عايزين تقولوا الحكومة بتعمل

نفس الشئ ده ما سبب، لانو اذا اتبعتوا نفس الاسلوب ده عندو معنى واحد

انو الحكومة صح و البتعمل فيهو صح لانو ببساطة انتوا سلكتوا نفس الطريق

على العموم

فليكتب محمد حامد جمعة، فهنا مكان للرآى و الرآى الآخر

و شكرا

ود الامين اسكت يقومو يقولو عليك (فريق ) طيار !