Post: #1
Title: عبر الاثير بكتب حروف (لبتاع الامن) وارسلها
Author: اساسي
Date: 12-10-2004, 03:19 PM
اطردوا كلب الامن من منبرنا....
اسحقوه ...!
اسحلوه...!
منبرنا منبر الحرية والديمقراطية ...
الكيزان استاثروا بكل السلطة في السودان ولم يتركوا لنا شيئنا
او حتي هامش من حريتنا ..؟
نريد ان نعطيهم درسا في الحرية والديمقراطية..!
اطردوا كلابهم امنعوهم من محاورتنا اطردوهم اكشفوهم
الان اعطيناهم درسا لن ينسي في الديمقراطية وقبول الاخر
ردوا لنا سلطتنا يا كلاب الامن واعطونا هامش حريتنا ولا تحاورونا ولا تسمعونا رايكم
انحنا في غني عن ارائكم ... مشكلتكم انكم جبهجية هذه ام الماسي ...؟
هذا لسان ومنطق الامنطق له
بالله لو سمحتوا اخوة الجعجعة ... الكيزان وكلاب امنهم في السودان الوطن المفقود يتربعون منذ خمسة عشر عاما الكيزان الان يحاورون من كانوا يرونهم شيطان الامس
يحاورون قادتكم من يريد ان يعود للسودان الباب مشرع علي مصراعية ليناضل مكان النضال
لا ليجعجع مكان اللا طحين
بالله اي واحد يجد في نفسه الكفاءة والقدرة والقوة علي القول والفعل يمشي يعمل كلامه دا هناك عملي ( ما يقعد) يخمنا بكلمات وهمية عبر الاثير لا مداد لها لتجف حتي
وكلكم بي صمتكم كدا كان تعملوا حاجة قابلوني في شارع النيل
السودان وطنا
الباسمك فتحنا وشتتنا
وجعجعنا وكتبنا
وبي حجر واحد ما فلقنا
رايكم شنو تعملوا نقطة وسطر جديد
وتقولوا كلام غير دا
كونوا واحد من (كلاب الامن الذين تقولون؟) قعد في الواطة وحاوركم احسن ..؟
ولا اتعودتو علي بيوت الاشباح انتو يا مناطلي السايبر قيتس
هع الرجالة تفوتكم وين
|
Post: #2
Title: Re: عبر الاثير بكتب حروف (لبتاع الامن) وارسلها
Author: صباح حسين
Date: 12-10-2004, 05:36 PM
Parent: #1
الأخ أساسي
الناس في البورد دا ينتمون لمختلف الإنتماءات والناس يتحاورون معهم
لكن قل لي عندما تجد الذي تحاوره هنا في بيتك عضو الجهاز الذي كان يعذبك في بيته بأي
لغة أو قابلية تحاوره.
|
Post: #4
Title: Re: عبر الاثير بكتب حروف (لبتاع الامن) وارسلها
Author: ابو الزيز
Date: 12-10-2004, 10:11 PM
Parent: #2
الاخ/ اساسي
وينك ياراجل ماظاهر الليله لو ما لقيت بوستيك ده كنت داير اعمل ليك بوست عشان نسال من
اخبارك 0
رغم انك في رمضاان فتحتا لينا عندما ناشدتكم يابورداب جده اتوصوا بي اخونا ابونور ما تقصروا
معاهو عملتو نايمييييين وكانت الخدمه بس توروهو الحرم بي وين0
السنه دي ما جاي السودان ولا بيعتا الاجازه اتذكر تلك الجلسه في حدائق الشهداء بالمناسبه انت
حبيب الكل ويييييين 0
كفش
|
Post: #3
Title: Re: عبر الاثير بكتب حروف (لبتاع الامن) وارسلها
Author: ود الشيخ
Date: 12-10-2004, 10:06 PM
Parent: #1
اساسي
يا اخي كلامك ده اشتر دي ما لغة البورد
يعني لازم يكون كلامك قوي ومحشي ببعض الكلمات التي
لابد منها اصلو انحنا بنحب كل جديد يعني زي
امنجي وظلامي وهلامي وضبابي والتجلة يعني لازم
تتطعم كلامك ما تفك لينا دُراب ساي
عشان نقدر نفهمك داير توصل لينا شنو وما تنسى
بالله الشفافية واحترام الرأي الآخر وصلب الموضوع
|
Post: #5
Title: Re: عبر الاثير بكتب حروف (لبتاع الامن) وارسلها
Author: garjah
Date: 12-10-2004, 10:13 PM
Parent: #3
صمت دهرا ونطق :- Quote: السودان وطنا
الباسمك فتحنا وشتتنا
وجعجعنا وكتبنا
وبي حجر واحد ما فلقنا
|
مشتاقين يا اساسي
|
|