العميد الركن ..سنة يا انا !

عارفين قبال ما ابقى عضو فى المنبر دا كنت شايل هم حاجة واحدة بس وهو انو فيهو ناس (مجلية ) ومتوجسة ومهجسة يعنى اى زول ما يخش مزاجهم لازم يكون امنجى وظلامى وكلامى وما عارف شنو من حزمة الالقاب الكبيرة والعاملة زى الجبنة المضفرة ديك ، والليلة مرق على واحد هائج زى التور ......قال شنو محمد حامد عميد فى جهاز الامن ! .......... يا ريت يسمع منك ربنا يا شيخ ... على الاقل الواحد محل ما يمشى يشبكو سعادتك وجنابك وسيادتك وممكن اكون بتاع مبالغات اقول للناس انا دفعت العميد عبد العزيز خالد وكنت اشطر منو وارجل منو بس ما بتدى حريف !
بعدين تعالو يا اخوانا شنو قصة الهوس الامنى المسيطرة على الناس هنا دى ، وقبال دا حضرت لى كم شكلة الناس قالت فلان دا ما عارف مستشار فى الامن وداك (فردة بالك ) والتالت كان فنان فى فرقته الموسيقية .......
يا شباب نحن جينا هنا سودانيين ما عندنا شغلة بتجريح زول وانا ضد الطريقة الفجة والغريبة فى دمغ الناس بهذا او ذاك او توزيع الرتب والمناصب عليهم وعموما العاوز يعرف محمد حامد ممكن اطلعو فى اعلى حتة واوضح مكان فى الخرطوم وبلاش فتح معارك مملة وفارغة ويبقى الود للجميع حتى للزول القال انا عميد ...... ياخ انا الناس المعاى الخشو معاهد عسكرية زول واحد هسة ملازم اول فى المطافى تجى تقول لى انت عميد فى الامن .. دا كيشة دا

شيل الصبر وبطل الهطربة وفتح البوستات

انا فتحت بوست وقلت جاى لا مافى صبر يبل الابرا

حاضر يا عزو لكن خلعتنا ياخ عميد دى كتيرة ، اسمع اها عميد ركن مهندس ولا سليقة ساى

لك الخزي