Post: #1
Title: احظروا ترويج الاكادذيب فى المنبر
Author: محمد حامد جمعه
Date: 12-09-2004, 00:05 AM
Parent: #0
القصة التالية ...وردت فى نشرة بئيسة لما يعرف بثوار دارفور اسمها الفجر الصادق - اسف الصحيح انها الفجر الكاذب - وسانقل هنا مقتطفات لازمة ومهمة من قصة قالت انها لاحد الضحايا اللذين اعدموا لاحقا من جانب قوات الامن حتى تقفوا بانفسكم على ان هؤلاء القوم يكذبون وبطريقة فيها كل معانى الحمق و(استعباط ) الاخرين .. وقبل ان اعلق انقل لكم مقتطفات من القصة موضوع الكذب الكبير والبواح والصريح :
• سافرت أنا الطالب/ محمد إبراهيم رحمة من نيالا بصحبة قريبي المريض والذي اقتضى علاجه في إحدى مستشفيات العاصمة، ووصلت بسلام إلى العاصمة وأدخلت قريبي المستشفى
• . في مساء احد لأيام وعندما كنت خارجا من مستشفى أم درمان لإحضار بعض المستلزمات من السوق لحق بي اثنان من الشباب من داخل حوش المستشفى وسالنى احدهم عن أين وجهتي، فأجبته باني ذاهب إلى السوق لإحضار بعض المستلزمات وعندها عرض علي أن يوصلوني بعربتهم وخاصة وان السوق في طريقهم. رفضت بأدب جم وبحسن نية شاكرا لهم مبادرتهم وذلك لان السوق قريب ولاني أريد أن أتمشى بعض الشئ. وبعدها سحبني احدهم إلى جوار عربته مدعياً انه سوف يسألني عن شئ على انفراد. أثناء ذلك شعرت أن الاثنين يدفعاني بقوة إلى داخل السيارة وما هي إلا لحظات حتى وجدت نفسي في عربة صالون مظللة الزجاج وفى سرعة عجيبة تمكنا منى ووثقوا يدي وكمموا فمي بشريط لاصق واستخرجوا قماشا اسودا آخر ربطوا به عيناي وانطلقت العربة إلى اتجاه مجهول، على الأقل بالنسبة إلي.
• بعد فترة ليست طويلة تم انزالى من العربة وادخالى فيما بدا لي بأنها غرفة وارقد ونى ووثقونى في سرير ومن ثم تم فك رباط عيني إلا أنهم ابقوا على رباط الفم واليدين. بعد صلاة العشاء (حيث أنى سمعت آذان صلاتي المغرب والعشاء وأنا موثق بالسرير ) بفترة طويلة احضروا اليى وجبة (فول ) وطلبوا منى أن آكل أكثر كميه ممكنة من الطعام حيث أنه مخطط لي السفر في رحلة طويلة قد لا يمكنني من تناول وجبة أخرى في الطريق.
• وبعدها عاودوا ربط عينيي بالقماش الأسود وابقونى على السرير وكأنهم في انتظار احد الأشخاص. بعد حوالي نصف ساعة أتى شخص وتم الترحيب به وأنا في حيرة من امرى حتى داهمني الاثنين وثبتوني في السرير، احدهم من راسي وصدري والآخر من أسفلى حتى عاجلني الدكتور بحقنة ساخنة، وما هي إلا لحظات وغبت عن الوعي.
شعرت باني تيقظت من نوم عميق وأنا داخل عربة لاندكروزر تسير وسط طريق رملي غير معبد وشعرت بصداع حاد و عطش وجوع شديدين إلا أنى تظاهرت بالنوم لفترة حتى أستطيع أن اسمع ما يدور من حديث وسط المرافقين وفهمت بأنهم كانوا بالأمس في مدينة الأبيض
• وبدأت استرجع ما حدث لي قبل فترة أو أمس – لا فرق – ولمفاجأتي وجدت هنالك رفاق لي موثقي اليدين في العربة وهم ثلاثة أفراد، بادئ عليهم علامات الإرهاق وتغطيهم الأتربة والغبار بالإضافة إلى ثلاث من المرافقين (2 حرس+ سائق ) أراهم لأول مرة في حياتي وهم مدججين بالسلاح وواضح أنهم حراس لنا وشعرت أيضا أن الشمس على وشك الغروب، وفجأة توقفت العربة بجوار راعى للغنم وسأله احدهم قائلا كم تبعد " الضعين " من هنا ؟ ورد عليه الراعي بأنهم سيرون أطراف المدينة من التل الذي أمامهم، وواصلوا السير. حقيقة اصابنى نوع من الذهول، كيف اصح من نوم بدأته في الخرطوم قبل لحظات واصح منه على أعتاب مدينة الضعين بدار فور؟.
انتهى
طيب يا جماعة بالله بالمنطق معقولة الكلام دا يعنى تشيل زول من نص السوق وفى الشارع وتمشى بيهو وتربطو وتشحنو فى عربية من شارع المستشفى لغاية الضعين !!! دى سفرية عاوزة بالعربات على الاقل فى الظروف العادية عاوزة عشرة خمسة عشر يوم وفى ظروف التوترات الحاصلة فى دارفور عاوزة شهر لكن طريقة السرد توحى بانها تمت فى يومين تلاتة .
طيب .. نقول دا حصل ..ليه يعنى الضعين مع مراعاة انو الوضع السليم كان يكون نيالا لان الخروج من نيالا الى الضعين صار يحتاج الى حماية وما زى زمان وزولنا دا قال انهم كانوا راكبين عربية ومعاهم تلاتة حراس فقط ...معقولة ..
وكمان يعنى ونفترض انو برضو دا حصل السؤال ليه الحكومة تجازف بنقل تلاتة او اربعة من عامة الناس ومش رموز ولا قيادات لغاية دارفور ما فى كل السودان متسع عشان توديهم ويمكن فى جوه الخرطوم !
القصة دى ما منطقية ورجاء يا جماعة تحترموا عقولنا وفكونا من الكضب الكبار دا ، انا شخصيا احترم قناعات وميول اى زول لكن لمن تصادم الحقيقة والواقع بتكون المسالة مستفزة .......
يا جماعة نحن عاوزين اتفاق مبادى والتزام بعدم تسويق الخرافات والكذب فى المنبر دا
|
Post: #2
Title: Re: احظروا ترويج الاكادذيب فى المنبر
Author: Esameldin Abdelrahman
Date: 12-09-2004, 04:04 PM
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟
|
Post: #3
Title: Re: احظروا ترويج الاكادذيب فى المنبر
Author: محمد حسن العمدة
Date: 12-09-2004, 04:42 PM
Parent: #2
فضيحتك سوووووووووودة
غايتو الا تغير اسمك
وانتظر التسجيلات الجاية
معقول للدرجة دي فكت
|
Post: #4
Title: Re: احظروا ترويج الاكادذيب فى المنبر
Author: عماد عثمان
Date: 12-09-2004, 05:59 PM
ياود العمدة ده فضيحته مبارياه تفوت منو وين
وبدون خجل واختشاء كمان عاوز اتفاق مبادى
والتزام وماداير خرافات ولا كذب ...كمان عاوز
يا جماعة نحن عاوزين اتفاق مبادى والتزام بعدم تسويق الخرافات والكذب فى المنبر دا
كمان قال عاوز..... حاجة عجيبة
|
Post: #5
Title: Re: احظروا ترويج الاكادذيب فى المنبر
Author: ترهاقا
Date: 12-10-2004, 00:34 AM
Parent: #4
الاخوة الكرام /تحية طيبة
ياخوانا ما إحترامى لآرائكم ، ده ما منبر حر؟ يعنى انا بفتكر إنو اى واحد ليهو الحق
يدلى بدلوه لو كان امنجى وإلا قهوجى، ده إذا فعلا اطلقنا عليهو كلمة
منبر حر وكل واحد بالمنطق يناقش التانى
والكلام اللى كاتبه فوق الاخ محمد جمعة أعلاه فعلا مابيخش الراس
وكمان نسى فقرة مهمة ما كتبها لانى قريت نفس الموضوع فى بوست آخر
واللى بيقول إنو الطالب المذكور وزملائه قاموا جارين من الحراس بعد ما دفروا
العربية ولاحظوا إنو الحراس شايلين سلاح ،دى كيف دى؟
|
Post: #6
Title: Re: احظروا ترويج الاكادذيب فى المنبر
Author: عمرو احمد
Date: 12-10-2004, 01:12 AM
طيب يا جماعة بالله بالمنطق معقولة الكلام دا يعنى تشيل زول من نص السوق وفى الشارع وتمشى بيهو وتربطو وتشحنو فى عربية من شارع المستشفى لغاية الضعين
الناس ديل بخشوا البيوت انسا الشارع
ولديهم ماضي تليد في تلك الأمور
اما الخرافات فلا تعليق
|
|