عضو جديد ..

كل الشكر للاخ بكري ابوبكر والتحية لكم جميعا
كل ما نشدة وطن معافي من كل الجراحات
وطن فية الظالم المظلوم بينها عادل
وطن يعود الية موسم الهجرة من جديد

الاماني الطييبة حق للجميع
ali elhassan

الاخ على الحسن الف مرحب بيك


وحبابك عشرة أخ وصديق

تسلم اخى المكاشفى
ويتواصل الود بيننا

وحقك محفوظ كونك اول الداعمين

مرحب بالدماء الجديدة ، اضافة للعطاء والاستنارة
حللت اهلا ونزلت سهلا

بت فاطنة

منقول
اهدء للجميع هذه الابيات
يا غــربـــة يا بكـايـــــة .. يا غشاشة .. يا مستهبلـــة
تغــريـنــــا بدرهـم قــروش .. ووراه قنطـــار بهدلــــة
جينــاك نقـعــد بس سنــة .. وحاجتنــا ناقصــة نكلمــــلا
نبني البيــوت في العاصمة .. ونفــرش أثاثـهـا نجمــــــلا
وكورولا حـارة نرسلـهــا .. أصلـو النقــل صار مشكلــة
ونكمِّــل الـدِيــن بى مهــل .. ما السمحة جاهزة نحصـــلا
غير القـروش اللي الأهـل .. عبــر الشهـــور حنرســـلا
والباقي يـدخـل في البنــوك .. ونشـوف دبــَـارة نشغـــلا
نـاس فكّـرت تجني العلم .. تبدأ الدراسـة تواصلا
أحـلام كتيرة وشيقة .. وآمــال كبـيــرة مـدنكــــلـــــة
لكن حساباتنا الغــلـــط .. في كــل عـــام بنرحـــــــلا
مــرت سنين من العمـــر .. بنعــــزهـــا وبنفضـــــلا
والحِسبــة وصلـت طـاشــرات .. إمكن نعيش وندبــــلا

وتعال نحاسبـك يا وهـــم من غيـر رقــم أو أمثـلـــــة
كان للقروش .. نجري ونحوش .. لكن تقول بنشاكـــلا
ما راضية تقعـــد في الجيـــوب .. وتقول حرامي بنشــلا
لكـن بترقـد في الضهور بديـــون تقيـــلــة مطـــولـــــة
ممحوقــــة ما بتقضي الغرض .. وأقــل حاجـــة تكمــلا
كمــلانة بطحـــاء وحـق وزِن .. ومجـاملات مستفحلــة
ضــرائـب أب عاج المشى .. وإلـزامي حمدي نحـــولا
وأحلامنا ديك صبحت سراب .. نمشي ونجر ما بنحملا
يا ريـت يكون هـم القروش .. يا غـربة فيك هو المعضلة
لكن تعال شوف الهمــوم .. الما افتكــرنا نقـابـــلا
ذلـة ومهانة واحتقـار .. خلــى النفـــوس متمـلـملــــة

سجنـا كبيــر .. فيهو الكفيل .. سجّــان قيــوده مكبلـة
أشغــالــو شاقة ومـؤلمــة .. ودايمـا تكـون مستعجلة
مـرض الضغـط والسكــري ومرض القلب ووجع الكلى
مصران وقرحة وإكتئـاب .. ونفوسنـا ما متحملـــــة
وبقيــنا فيـك كيمان لحــم .. تحت الهدوم متنــدلــــة
وأكيـد حيكـــون .. أكل المعلب وأكل المجمّـد عاملا
عدم الرياضة والكندشـن .. لابد يكــون ليــهــم صلـة

وكمان تعال لى معادلة .. ما قدرنا أصلو نعـدلا
سجن العيال جوة الشقق .. ولا فـــراق العائلـة
جيب العيال بى جيبنا مال .. وجيوبنا غيرو مميلة
وصغارنا صبحت بالزهج .. متوحشــة ومتجفلـــة
لا قادرة تدرس بى نفس .. من الدروس المذهــــلة
تلقى الولـد غالبو الكلام .. والبت كبيـــرة مريـلـــــــــــة
كل الضغوط جاتن سوا .. ما قدرنا حتى نقــلـلا
في كل طرف تلقى القرف .. تلقى الخيوط متداخلـة
أما الفراق أصل الوجع .. ومشاكلو بايتة ومقيلـــة

يا غربة أدينا كتير .. أدينــا خاطرك يسهـــلا
خلينـا نرجع بالفضــل .. نلحق حياتنا نعــدلا
آمالنـا فيك بدري انتهت .. إلا الرجول متوحلــة
وبقينا زي أهل القبور .. لا البـرة عارف يدخــلا
ولا الجوة يرجع لى وراء .. يحكي الحقيقة يوصلا
لكن خلاص هان الخــلاص .. عــدِك نزل مهما علا

وإن شاء الله نودعــك .. وتكــوني ذكـرى نغازلا
يا غربة .. يا بكايــة .. يا غشاشــة .. يا مستهبــلة

تسلمى بت فاطمة على الطلة انشاءاللة دايما مبسوطين

خارج النص
شكر خاص لاخ لويءو انشاء اللة تسعفو الذاكرة
واتذكر موقفو الجميل معاي وتحية لكل المبدعيين

الاخ على الحسن الف مرحب بيك

ألف مرحب بيك يا علي معانا في المنبر الوطن..

تسلم اخ فضل وشكرا عل المرور
وبين التواصل


ولك كل الود

عاطر التحايالك اخت رجاء

كل الامانى لك بى مواصة الطريق
حتي الوصول الى الحلم الجميل

لك كل الود ودمتى للجميع

الأخ/ علي
مليون مرحب بك ،،، بيننا ،،، حللت أهلاً
ونزلت سهلاً

شكرا على كلماتك اخ وليد
واجمل الامانى لك
ودعوة منى للتواصل

ودمت...

تحية خاصة برضو لى كل الوجوة الجديدة
وترحيب من زول جديد

فكرة ما بطالة



ولكم عاطر التحايا

شوية لى فوق

مرحب بعلي
خلينا نشوف مساهماتك.. يلا لي قدام

تسلم اخ وراق
من المتابعين لىموضوعاتك
حان الان وقت التواصل
خالص تقديري

إعتباراً من يوم السبت الرابع من ديسمبر كانون الأول نال أخونا علي الحسن العضوية الكاملة مع مرتبة الشرف في منبركم هذا . كل الأمنيات الطيبة لك أخي على بطيب الإقامة ، وكل السلامة ومع السلامة.

شكرا يك ملا عمر علا هذا التوثيق

وان شاء نتقابل فى المسرات

ومزيد من التواصل

ولك اجمل الاماني

اها ياباشمهندس الخروف دا كرامه الاشتراك يا اخوى
والشكر برضو لبكرى ود الحلفايا اصلو ما بتلوم وماتنسى ترسل ليهو كراع من الخروف دا بالفيدرال اكسبرس
اجمل المنى
فرح

والناس ديل ديل راجين الضبيحه والجلد ما تخلى بكرى اشيلو

والطعميه ما تنسوها مع اللحمه برضو نحبها ونحب الفول

وما تنسى تعزم الجيران وخالاتك

فوق عشان خروف الضحية
اكون قريب

من بكري

مرحب بيك يا اخوي

الاخ سيف

شكرا على المرور

وخالص تحياتى

حبابك الف .

تسلم وشكرا اخى تراث

وبيننا التواصل
لك خالص التقدير

على