Post: #1
Title: الدنيا الجديدة
Author: عمر الفاروق شيخ الدين
Date: 12-05-2004, 01:10 AM
Parent: #0
سجمنا والباص هجمنا!!!! 2004 ودعتنا وتوووووشك خشت علينا 2005 ..
كدي يا جماعة برااااااااااااحة كده روقوا المنقة واقعدوا في الواطة دي عشان نحتو قرض ونجي نحلم ..
تعالو نحلم بي الدنيا الجديدة ....اي زول فينا يغمض كده ويبدا يسرح ويكتب ويرسم دنيتو الجديدة في 2005 وعلييييييييكم الله ما تبقو زي حنكوشة كانت زميلتنا في الجامعة ولمن قلت ليها ورينا دنيتك الجديدة قالت لي:-
عايزة اعيش في غابة كثيييييييفة في نصها حوض سباحة نكون فيها براااانا انا وكيتشي..
طبعا العبد لله فرح شدييييد وقال امكن كيتشي ده اسم الدلع بتاعي وهي زولة اصيلة ومن زمن الحقيبة وبتخجل تقول اسم حبيبا قدامو .. ولمن سكيت الموضوع من زميلاتا طلعت كينشي دي الكديسة بتاعتا !!!!!!!!!! احححححححححححححيييييييييييييي انا من كيتشي...
اها يا جماعة نبدا نحلم؟؟
يالله ابدو علي بركة الله
|
Post: #2
Title: Re: الدنيا الجديدة
Author: معتز تروتسكى
Date: 12-05-2004, 01:32 AM
Parent: #1
ود الفاروق مش قلت ليك اعمل حسابك نا بقيت صاحبك يلا شيل شيلك000
نسمعمنك اول بعدين نحن نقول ياحبه نحن خلاص كبرنا علىالكتابه داير تياركم التجديدى دى على الاقل نقدر نتتلمس خطانا تانى من جديد الدنيا بقت ضباب ضباب 00
واشايا كتيره دايرنها تمشى لى مزبلة التاريخ00
والواجع كل يوم بزيد00
حكاية الدنيا الجديده دى بجيك ليها دى كلامها كتير00
معليش ليك الكلام شويه طالع من قلب صاحب مفجوع من البحصل00
يلا انسى الخمج ده واكتب يلا مستنيك00
|
Post: #3
Title: Re: الدنيا الجديدة
Author: عمر الفاروق شيخ الدين
Date: 12-05-2004, 02:19 AM
يا عزوز يا رايق :
انت بس اقلع اللابسو ده وبتشوف الدنيا الجديدة وااااضحة وصدقني وجع جاييك غير من اللابسو ده ماف كدي خت ليك طاقية كاااربة كده وعراقي تشتريهو من سوق امدرمان وجلابية تخيطا عند عم محمد ومركوب نمري كده مع نضاراتك دي!!! ياخ مالك مع الوجاهة ..
ياخ انا حاجاتي الدايرا للدنيا الجديدة كتيييرة خلاص :
عايز اشم ريحة الابري بيعوسوهو قبل رمضان ونسوان الحلة كلللهم ملمومين ..
عايز اصلي صلاة العيد في فسحة كبييييرة وامشي بي شارع واجي راجع بي شارع تاني..
عايز في الدنيا الجديدة الحفلة تكون لحددددي الصباح والفنان ما يقيف الا لمن يجيبو الشاي بي اللقيمات ...
عايز روحك تفرحا ..انسي همومك روحا ....عايز وعايز وعايز ...
وفوق ده كللللو اتمني انها تكون سنة فأل علينا وربنا يحقق فيها كللل الامنيات ..
والعايزو لسسسسسسسسسة كتير ونواصل ...
|
Post: #4
Title: Re: الدنيا الجديدة
Author: newbie
Date: 12-05-2004, 02:39 AM
Parent: #3
شفت العنوان قلت القا خواطر فيل ولا ماما امينه ,,, لكن لقيتك كاتب موضوع جميل ,,, لا تثريب عليك ,,,, شفت تثريب دي كيف
|
Post: #5
Title: Re: الدنيا الجديدة
Author: معتز تروتسكى
Date: 12-07-2004, 11:44 AM
Parent: #3
ابوعمير
سلام ياصاحبى
فاجائنى النهار وانا ماشى بيناتها
....
ميز ريحة المطر او اتخيل بيناتنا رازر 00
* اخبار الدينا الجديده شنو 00
|
|