Post: #1
Title: اهل البديهه فى تلفزيون السودان
Author: mohmmed said ahmed
Date: 12-01-2004, 11:49 PM
Parent: #0
صديقى الاستاذ على السفورى نحت مصطلح بديع يستخدمة بطريقتة الخاصة
يقول اهل البديهه
ولايقصد اصحاب الذكاء والنباهه بل يعنى به من يقولون البديهيات
والنوع دا مليان فى تلفزيونا
امس قدم برنامج موضوعة الصوت البشرى
المستضاف ابراهيم دقش والزول دا عمل لى وجع وش السودانية تلقاهو النيل الازرق متحكر الغريبة فى النيل الازرق الاسبوع الماضى كان بيتحدث عن الحركة اثناء الكلام او الاشارات المستخدمة وهنا يتحدث عن الصوت وبرضو الاعلام والسياسة والثقافة وكلو بتلاتا تعريفا على قولة المصريين
مقدمة البرنامج المذيعة ايناس صوتها جميل وطلعتها بهيه لكنها حسب على السفورى من ناس البديهه تسال وبطريقة جادة وصوت عذب هل يصاب الصوت بالشيخوخة ياسلام كدى شوفى حبوتك فى البيت بتتكلم كيف وما حتسالى سوال زى دا
الخبير الاعلامى دقش يقول ليك الصوت بيتغير حسب الحالة النفسية للمتحدث يازول دى عرفتها كيف وبعدين يقعد يهترش امى مكجنا الخرطوم عشان الزول البينادى فى الطرحة سجانا سجانا
يعنى بديهيات ما دايرا اى جهاز مفاهيمى على قولة ناس الكلام الكبار كباروهو فاضى
|
Post: #2
Title: اهل البديهه
Author: mohmmed said ahmed
Date: 12-02-2004, 00:32 AM
Parent: #1
مقصود حبوبتك وليس حبوتك
|
|