عجائز البورد اما آن لكم ان تتنحوا قبل ان ياتيكم الصالح العام بغتة ...

هي سنة الحياة لو دامت لك ما آلت لغيرك .. وخير مثال المواصلات
في السودان .. جاءت امجاد بخفة حركتها ورشاقتها لتقضي على ما تبقى
من الدفارات والحافلات الهكر وابوداؤود عنوة .. وزي ما عارفين نحن شعب ( البكلت ) فيها
تاني يفكوا منها الجليل الرحيم..
والآن الاخ بكري مشكورا قام بضخ دماء شابة جديدة ليحفظ للبورد توازنه حاضرا ومستقبلا
وهي نظرة ثاقبة تأتي اكلهاولو بعد حين ...
ومما لا شك فيه انه ومن خلال مسيرة( سودانيز اون لاين الطويلة بعطاء قائدها ومن
خلفه كل الاعضاء هناك اقلام جف مدادها وعجز اصحابها عن العطاء اما بتقدم العمر او بترهل البعض وقلة حركتهم...
ففضلوا ملئ البطون والنوم على الكتابة ونثر الابداع .. ومع فك التسجيلات وظهور الكوكبة
الجديدة لا شك بأن ايقاع البورد قد زادت سرعةحركته وفي الحالة دي لا يقبل الا اصحاب الرشاقة والحركة الخفيفة والابداع الرائع..
يا شباب انا الله يعلم ما قاصد اي واحد من كلامي دا يعني كلام عام عشان كدا لزم التنويه

انت اصلك قااااااصد يا اخوي...انت قايل نحن عنابليك؟


لكن نضمك صُح هم زاتهم مضايقننا

عمر ود الباوقة
أنا ذاتي بجيب صورة بنيتي الصغيرة وأختها في البورد وأقول أنا من الشباب ، وما حد أحسن من حد ،،
إنت لو قاصد سجيمان ده على كيفك ، لكن بالله ناس معتصم ووليد طه وتمبس ديل أبعد منهم ،، هم عواجيز لكن فيهم الخير والبركة ..

الاخ عمر

مرحبا بك

ونترقب الابداع

اؤيد من باب دعم الجديد - مع انو طرف السوط واصلنا -

عادل

أنا إسمى مكتوب؟؟؟؟

حباب عمر
حباب الباوقه وارتولى

أهلكم أهلنا.. قالونا

"العين ما بتعلى على الحاجب"
" الماعندو كبير .. اليشتريليهو كبير"
" الشدر الكبار ..فوقو الصمغ"
دحين ياخوى الراجينو منك ومنهم كتير وكتير ....

عرقنا لا مسك ... ولا كراعنا طلقت الطين
دونكم يقفل ود السافل الساحه ويشيل المفتاح ويخلى كل زول الله ورقبتو

ودأبحجل

اخونا سجيمان .. يا اخوي انت سويناك شيخ الطريقة القلعاوية ونحن حيرانك
كيفن نكون قاصدنك ... افو ...
الاخوان الواثق تاج السر ... عادل عاطي ... يا زول يضل المنبر منور بابداعاتكم
وعطاءكم الثر الى العلا ....
الخال ود قاسم .. مافي مانع لو عندك صورة اصغر من صورة وهلة جيبا...والحشاش يملا شبكتو
اما ناس تمبس ووليد طه ومعتصم دفع الله ديل من جيلنا وفيهم الخير والبركة ...
العزيز صلاح ابوحجل اسم سبقني في الدراسة بمدرسة بربر الثانوية وما زلت ازكره.. نضارة
النظر بقت مقاس كم .. لك التقدير وحتما لنا لقاء انشاء الله ....

ود الباوقة
يا اخوي انت جاي نفسك حار مالك

بعدين اوعا تكون فاكر نفسك مع الجديد والركشة
والأمجاد
علي اليمين انت هوستن موديل 54
والمصيبة انك جيت مراهق كبير
واتكسرت في ندي القلعة والله جهجهة الكبر شينا بالحيل

وقبل شوية جانا تلفون من ام عدي ( حرمكم المصون)
وبتسال ام مهند عن بوست ندي القلعة
وبدأت النقة
والليلة شيل شيلتك
ولا اقول ليك شيل مرتيتك واطلع السطوح انشاء السقط ينفخك
سلام

احمد حنين لا حول ولا قوة الا بالله مصر تواصل في مسلسل الصواطة
ربنا يكفينا شرك بعدين الشباب شباب الروح ...