البدخلو الحضرة دونما نوبة .. زول جديد

شكراً كثيراً أخ بكري على العضوية
وسلام ياناس المنبر ..
وعوافي ..
سعيد والله بالدخول عليكم وان شاالله لا طعان ولا لعان ولا فاحش
ولا بذيء ..
وأكيد نتلاقى ..

يا مراحب

الاخ بدرى

الف مرحب بيك فى البورد

شعاراتك الى دخلت بيها جميلة

فى انتظار مساهماتك.


احمد داود NZ

بدري إلياس
هلا وسهلا بك في قبيلة سودانيز أون لاين وأسأل الله لك التوفيق في هذا المقام الطيب المبارك بكم وبأهله إن شاء الله.

سبقناك أمس... وبقينا بنرحب مع الناس كمان
مرحب بيك ...
وفي انتظار المشاركات

حباب بدري الياس

ياخي انت ادخل ونحنا علينا


((السفينة))

لك المعزة والود

وابق حضورا جميلا


تحياتي

أنا جيتا ماشي علي بيوت
تفتحلي أوال ما أدق
من غير تقول الزول منو
لا مالك الجابك شنو
***
السادة/ يا زول ، أحمد داود ، الملا عمر ، مامون ، أحمد الشايقي
يا اخوانا والله أنا شاكر ليكم جداً ترحيبكم ده
وربنا يقدرنا على رد أفضالكم
وتبقى بيناتنا المعزة ..
مامون : إنت دايماً فايتني .. (حتى في العمر) صاح
ومرة تانية أشكر جمالكم وحفاوتكم
وأكيد نتلاقى ،،،

بدرى الياس؟

قالوا الحى بيلاقى..

مرحبتين حبابك.. يا زول يا واضح.

فى ذكرى تلك الايام!

بدري الياااااااااااااس

أهلا أهلا

الأخ : بدري
مرحب بيك وسط مجتمع البورد
و دي أضافه ثقافيه قويه ومتميزه للبورد
مع تحياتي
مهدي الأمين

العزيز عادل عثمان :
الشوق ليك بلا حدود .. وأيضاً في ذكرى تلك الأيام
شكراً على ترحيبك
وطالما الحي يلاقي
بنتلاقى ..
وربما تاني في ساقة البشير .. أو الحاج رحمة
مصطفى عجب :
جئت لأعاين كريستالك عن قرب ..
ودفء ترحابك وقف هوا الحكومة الكاب فوق راسي ده ..
شكراً ليك يا صاحبي.. وخلينا نتلاقى
المهدي الأمين:
الولد النشيط الروح .. كعادتك باشاًمرحاباً
كلماتك الجميلة الله يعيني أبقى قدرها .. أقول لك شنو؟
الله يخليك ... ونشوفك

أهلاً بك أخى بدرى بيننا وأملى أن يطيب لك المقام .

مرحبا بك فى سودانيز اون لاين

اهلا مجددآ يا بدرى الياس..واهديك وباقى الاخوة هذا الموقع الجميل، من زول جميل
http://members.fortunecity.de/tibri/ash3ar/homed/index.html

اهلا وسهلا بيك فى بيتنا العامر
واهو ممكن نتلاقى طيفيا وكت ما داير تجينا
تحياتى
ويا ريت ملتقى
وثرثرة الدم رائعة

الأفاضل : لؤي .. وندى .. وحمزة
لكم التحية ..وكل شكري على ترحيبكم
واعذروا غيبتي وتأخير شكري ..
وأكيد نتلاقى ...

الأستاذ حمزة سليمان
شكر خاص لك على تعليقك على ثرثرة الدم ..
و
(وكت ما داير تجينا ...)
؟؟؟
و
... هاك يدي
ونتلاقى ..

لالالالا
المنبر ده
بقى (شين3 )
شوايقة
وشعرا
وشيوعيين

المسألة دي بقت صعبة خلاص
طبعا بدري ده زول شار شعر جد
وهو العلم أسامة معاوية الكمبيوتر المتقرضم بيه هسع لامن بقى يغير لون الفنط
بعدين والله
تلاتة
المنبر جاته إضافة حقيقية

بدري الياس
إزيك

يا بدري..أت قايل البورد ده خالي همباته ولا كيف؟

أهلا بدري..

أهلاّ بحملة الشينات
الله يبعد شين
الشينة
من
بينكم

ونورة كمان معانا فى الحضرة يا زول يا واضح.
ـــــــــــ

حمّيد


حق الغنا... انتخب حق الغنا... من حقي اغني لشعبي ومن حق الشعب عليا... لا بيدك تمنع قلبي ولا قلبي كمان بايديا... علمني اغني الطين المخرطة والطورية... الناس الصابرة سنين بالحالة الما دغرية... القابضة الجمرة بايدا والجمرة تلهلب حية... لاقادرة الجمرة تقيدا ولا قادرة تولع فيا... يا قلبي بلاش تستعجل يا قلبي شوية شوية... واصلين الما بتأجل اليوم الشمسو قوية... لا القش بيهاب المنجل ولا طب النار الكية... يا صقر يا افة يا ريح لا تنفض عش قمريا... من حقو يغني صريح زرية ورا زرية... من حقي اغني العالم ابداع علم حرية... انساني شعوب تتسالم تتكالم بي حنية... على نخب الود نتنادم لا جنسي ولا لونية... لا عرق لا آه نتقادم سكتنا بياض النية... مش كلنا جينا من آدم... مش آدم ابو البشرية... السجن اذن يترايم نبنيها قلاع ثورية... عقبان الخير يترادم والدنيا تمش دغرية... مد كفك يا بني ادم... حرية... سلام... حرية

نورة والحلم المدردح

هيْ أقيفِنْ
نورا فِيكِنْ ؟
نورا . نقّاحة الجِّروفْ
نورا . حَلاّبة اللِّبيني
للصغيرين والضِّيوفْ
نورا ساعة الحَرْ يولِّعْ
تنقلِبْ نسمة وتطوفْ
تَدِّي للجيعان لقيمة
وتَدِّي للعطشان جغيمة
والمَخَلِّي الحال مَصَنقِرْ
في تَقَاة اللّيل تَندْقِرْ
تدِّي لي باكر بسيمة
تَكْسي للماشين عَرَايا
وفوقا ينقطّعْ هديمه
.
ما عِرفتِنْ . نورا إنْتِنْ
قولِنْ إنتن شِنْ عِرفْتِنْ



نورا بِتْ الواطة
أخيتي
نورا اخُتْ كُلّ الغلابة
نورا حاحاية الشّقاوة
نورا هَدّاية الضّهابة
الأراضي اليَاما أدّتْ
نورا . بقّتْ من تُرابه
وماشي في الأعماق سحابه
مشتهنِّها والله جابه
الله جابه . الله جابه
للجنوب طبلاً يَهَدْهِدْ
ليل مشاعر ناس تعابة
وللشّمال طنبور يَسَكِّتْ
دمعة الميتين كآبة

ما عِرِفْتِنْ نورا إنتِنْ
قولِنْ إنتن شِنْ عِرِفْتِنْ

نورا
عايز تقرأ قالتْ
فوقا حيطة الدِّنيا مَالتْ
خَتّتْ الكرّاس وشَالتْ
منجلاً صَالَتْ بو جَالَتْ
لامِنْ إنجرحت بو شالَتْ
لي التراب فوق إيده كَالَتْ

ومَرّة يوم في الدُّونْكَا لِدْغَتْ
جاء الفقير بالليل حَوَاهَا
ويوم ملاها الهم قطايع
جاء البصير بالنّار كَوَاهَا
ونورا . ما قِدْرَتْ تمانع
تقنع النّاس المعاها
مرة شافت في رؤاها .
طيرة . تاكل في جناها
حيطة تِتمغّى وتفلّعْ
في قَفَا الزّول البناها
في جنينة سيدي سِمْعَتْ
شتلة تصقع لي الوَرَاها
الأرض
لابُدَّ
ترجع .
للتِّعِب فوقا ورعاها .
غيمة . والنِّيل موجو لاها
والعطش شقّقْ شفاها
الشّمس طَبَقت ضُحَاهَا
الخليقة لقت إلاها
نار
عقاب إنسان مكسّر
فوق تَلَكِّيات متاهة
وضَوْ من الله رهاب مكتّفْ
في وتيد اللّيل معاها
بين ربوع حَضَره وخلاها
فَسّرَتْ لي النّاس رُؤاها
وقالوا جَنّت ومو براها
ونورا زادت فوق شقاها

و صَدّتْ الأيام تحُشْ
تبني لي عصفورة عُشْ
في السّواقي تشوف عزاها
لما شوقه يسوِّي أُشْ
تملا . تزرعْ
ترعى تقرع
للنهار في الليل تخُشْ
عِرْفَتْ الشّقَا والشّقَاوة
إلاّ
ما عرفت تغُشْ

شايلة طولة البال من الله
ومن أراضينا الإثارة
وماشي تكدح طول نهاره
وترجى لما الليل يَفلِّلْ
تسرِق ألمي عشان خداره
عشان صغاره
عشان خداره
عشان صغاره

ولما ترجع لي دياره
تنزف أحلام الفقارى
من عويناته الحيارى

لي غُبار الحال تقُشْ
فوقو لي الآمال ترُشْ
نورا
تقعد
صاحيي تحلم
بي بيوت بي نور ودُشْ
وبالمحبة تشُق دروبه
ولي قلوب الكل تخُشْ
نورا .
تحلم بي وجود
ما مشت بينو القيود
أفضل أفضل بي الكتير
بي وطن من غير حدود

نورا تحلم بي عوالم
زي رؤى الأطفال حوالم
لا درادر
لا عساكر
لا مظاليم
لا مظالم
.
نورا تحلم
ولما تحلم . نورا ترجِفْ
ولما ترجف نورا تحلم
ولما ريح الواقع المُرْ
لي عشيش أحلاما ينسِفْ
نورا . تنزِفْ
وفي الوجود وجدانه يهتفْ
حالة تقرِفْ
حالة تكسِفْ
حالة تكسِفْ
حالة تقرِفْ
وتبدا تقضِفْ
ولما تقضِفْ
بالا يهتِفْ
وتملا باله أحلام بتلصِفْ
يوم حا تنصِفْ
يوم حا تنصِفْ
نورا
لسّه بعيد
هناكَ
وتبدأ تحلم
ولما تحلم نورا ترجِفْ
ولما ترجف نورا تحلم
صاحيي تحلم
وصَاحْ بتحلَمْ
صاح بتحلَمْ
بتحلم صاحْ

الفاضلابي ..
يا ولدي بلاد الناس الجداد ديلاك ما علمتك الجدية؟
قبل شوية قطعت فوقك مع بهنس في البوست حقو
قبل ما أشوفك هنا ..
بي ورا ورا رسل لي الإيميل بتاعك أو تلفونك
يا سجمان
واسأل الله يعفيني من ريدك

بهنس ..
والله قبل ما أشوف تهديدك ده .. رديت عليك رد همباته
في البوست بتاعك ..
والله دي بقت قهوة .. وجماله يرعش الغناي
لاقيني بي هناك
أمير فاروق :
سلامين وفاضلابي بيلاقيهو
أنا شين الشوايقة هادي حيلي .. يشيلني تاني اتنين؟
والله يبعد كل شينة
عادل عثمان :
حملت البوست من الجمال ما يرقد القصايد
ويهرد حشا الأوتار
تسلم

البورد محضور....مدد

الصديق العزيز

بدري الياس

اهيء السمع مني
فقل لي ...


الف الف اهلا

حللت أهلا ونزلت سهلا

الزولة الفنانة تماضر
محضور بيك كل فج إنتي فيهو
شكراً على المرور والتحية

صديقي سيمباتيكو

مفتقداااااااااااااااااااك
وينك؟
سأقول لك ...
بس ال نتلاقى

Agab

أشكرك على ترحيبك
وربنا يديك دفء بقدر دفء ترحابك
و... نتلاقى

يا مرحبا بالقادم الجديد

خيمة كومنا فيها فنان وساندوتشات

ممكن تتفضل عندنا
فى مواصلات بعد العرضة

بدري الياس

كم تمنينا حضورك هنا
حينما انزل لك ابنوس ثرثرة الدم
قلمك برقه يتخابت
الله يدينا خيركم ياناس الحضرات عاد

حبابك ديمة

اهلا ومرحب بيك يابدري


حبابك مية

اتفضل

مكاشفي

أهلين يابدري .
عرفناك قبل أن تأتي هنا . وظللنا نتمنى حضورك بيننا.
فالف أهلاً ومرحباً
وجودك بيننا يشرف ويفرح .